Halloween party ideas 2015
Твитте Жакты Бөлүш Бөлүш

Бишкек шаарындагы борбордук мечитте күн сайын 1 500дөн ашуун жарандар ооз ачууда. Ал эми кезекке тургандардын саны улуу Рамазан айына чейин толуп калган. Бул тууралуу шаардык казыяттын басма сөз катчысы Толукнбек Жуманов билдирди. Ал эми Бишкек шаардык казыснын орун басары Эрназар ажы  Асатовдун айтымында  Бишкек шаарындагы 58 мечитте таравих намаздары окулуп, ифтарлык иш-чаралар уюштурулууда.

“Рамазан айы- Алла Таала тарабынан Куран түшүрүлгөн ай болуп эсептелет. Бул айда ар бир кылган жакшылыка эселеп сооптор берилет. Мечиттерибизде эл толуп, жаштарыбыздын ыйманы жогорулап жатат”,-деди шаар казысынын орун басары.

“Муфтият”

Запись Бишкек шаарындагы борбордук мечитте 1500 адамга ифтарлык уюштурулууда впервые появилась Formula.KG.

Твитте Жакты Бөлүш Бөлүш

Абдишүкүр ажы Нарматов

Бисмил-лаахир-рахмааниррохиим. Мээримдүү жана ырайымдуу Алланын аты менен баштаймын. Алла Таалага мактоо айтабыз, андан жардам сурайбыз жана күнөөлөрүбүз үчүн кечирим тилейбиз.

Күбөлүк берем Ал, Алла жалгыз, Анын эч кандай шериги жок. Ал, Алла бир айдан экинчи айды фазилеттүү кылып жараткан. Ал, Алла улуу Рамазан айында орозо кармоону парз кылган жана ушул айда ыйык Куранды түшүргөн. Рамазанда орозо кармаган адамдарга чексиз соопторду убада кылып: «орозо кармоочунун сообун мен гана билем, ал мен үчүн тамак жана суусундук ичүүдөн ошондой эле кумар каалоосунан тыйылды» деп айткан.

Күбөлүк берем Мухаммад (Ага Алланын салам-салаваты болсун) Алланын кулу жана акыркы элчиси. Пайгамбарыбыз (Ага Алланын салам-салаваты болсун) улуу Рамазан айынан кандай тарбия алуу керектигин бизге үйрөткөн жана бул айды туура пайдаланууга чакырган. Рамазан сабактарын окутуучу улуу мугалим Мухаммад пайгамбарыбызга, анын үй-бүлөөсүнө жана сахабаларына Алланын саламы жана салаваты болсун.

Урматтуу мусулман бир тууганым!

Кайрадан эшигибизди кагып улуу Рамазан айы кирип келди. Улуу Рамазан башталардан алдын, бул ай тууралуу кыскача түшүнүк берели.

Эмне үчүн Рамазанды ыйык деп санайбыз? Рамазан айында кандай ибаадаттарды аткарып, кандай иштерден тыйылуу керек? Алла Таала бир орунду экин орундан же бир айды экинчи айдан жөндөн-жөн эле ыйык кылып койгон эмес. Мисалы Мекке шаары ыйык шаар. Анын ыйык болуусунун себеби, бардык мусулмандардын кыбыласы болгон Каьба ошол жерде. Рамазандын ыйык болуусунун себеби, бул айда кадыр кечеси бар. Ал эми кадыр кечесинин ыйык болуусунун себеби, бул кечеде Куран түшүрүлгөн.

Демек, урматтуу мусулман бир тууганым. Рамазан айы Куран түшүрүлгөн ай. Куран түшүрүлгөн айда Куранда тыюу салынган күнөөлөрдү таштап, аткарууга буюрулган амалдарды аткарууга үйрөнүү керек.

Шаабан айынын аягында Пайгамбарыбыз (Ага Алланын салам-салаваты болсун) сахаабаларына кайрылып:

– «Оо, адамдар! Силерге улуу ай жакындап келе жатат. Алла Таала бул айда орозо кармоону парз, түндөсү намаз окууну нафил кылды. Кимде-ким Рамазан айында нафил ибаадатты аткарса парз ибаадатты аткаргандай сооп берилет. Ал эми ким парз ибаадатты аткарса, башка айлардагы жетимиш парзды аткаргандай сооп алат. Кимдеким адамдардын оозун ачтырып курсагын тойгузса, тозоктон жетимиш жылдык аралыкта алыс болот» – деп айтканда, сахаабалардын кээ бирөөсү:

– «Кимде-ким бир жутум суу же бир курма менен ооз ачтырса, тозоктон жетимиш жылдык аралыкта алыс болот» – деп жооп берди. Мына ушул эсепсиз сооптор берилүүчү Рамазан айында Алла Таала, башка айларда адал болгон үч ишти аткаруудан тыюу салды. Тамактануудан, суусундук ичүүдөн жана аял менен эркектин жакындашуусунан. Ар бир акылдуу адам Алла Тааланын адал иштерге тыюу салганын көрүп туруп, Рамазан орозосунун эмне үчүн парз болгондугун түшүнө алат. Рамазан бизди адал иштерден тыюу менен бирге, арам иштерди толук таштоого тарбиялайт. Албетте Рамазандын бул тарбиясын Аллака чындап ыклас кылган, орозону эмне үчүн кармап жаткандыгын билген адамдар гана ала алат. Алла Таала Куранда :

– «Оо, ыйман келтиргендер! Силерден мурунку элдерге парз кылынганы сыяктуу, силерге да орозо кармоо парз кылынды.Такыбаа болушуңар үчүн» – деп айткан. (Бакара. 183-аят.)

Ушул аятта Алла Таала жөн гана орозонун парз болгондугун айтпастан, өтө маанилүү болгон үч нерсени айткан. Аяттын башында Алла Таала ыйман келтиргендерге кайрылып жатат. Демек орозону ыймандуулар гана кармай алышат. Ал эми ыймандын орду кайда? Албетте ыймандын орду жүрөктө. Аяттын уландысында, орозо кармоо парз кылынды деп айтылган. Чындыгында орозо кармаган адамды сырткы келбетинен билүүгө болбойт жана анын кандай ниет менен кармаганын да билүү мүмкүн эмес. Демек орозонун орду да жүрөктө экен. Аяттын акырында орозо кармоонун негизги себеби такыбаа болуу экендиги айтылат. Такыбаалык деген эмне? Такыбалык Аллака чын ниеттен ишенип, Ал буюруган ишти аткаруу жана тыюу салган иштен тыйылуу. Демек такыбаалуулуктун орду да жүрөктө.

Урматтуу мусулман бир тууганым!

Жогорудагы аяттан түшүнүктүү болгондой Рамазан бул жүрөктү тазалоонун айы.Жүрөктү эмнеден тазалайбыз? Албетте жүрөктөрүбүздөн орун алып жайланышып алган күүнөлөрдөн тазалайбыз.

Пайгамбарыбыз (Ага Алланын салам-салаваты болсун) бир хадисинде:- «Орозо кармап, бирок жалган сүйлөөдөн, кыйбат кылуудан, ушак таратуудан өзүнү тыя албаган адам ачка жүргөндөн башка эч нерсеге жете албайт» – деген. Эртеден кечке тамактанбай, суусундук ичпей жүрүп бирок күнөө иштерден өзүн тыйбаса, кармаган орозодон эмне пайда? Пайгамбарыбыз (Ага Алланын салам-салаваты болсун) экинчи бир хадисинде сахабаларына кайрылып:

– «Куру жалак калуучу адамдын ким экенин билесиңерби» – деп сурады. Сахабалар:

– Колунда тыйыны да, буюму да жок адам, куру жалак калуучу болот – деп жооп беришти. Пайгамбарыбыз (Ага Алланын салам-салаваты болсун) аларга:-

«Жок, куру жалак калуучу адам, ал менин үммөтүмдөн бир адам кыяматта окуган намазы, кармаган орозосу, берген зекети жана аткарган ажылыгы менен келет. Бирок ал бирөөнү сөгүп койгон, бирөөнүн малын тартып алган, бирөөнүн абийирин ачкан, бирөөнү урган, бирөөнүн канын төккөн. Бул кылгандары үчүн анын кылган жакшылыктары тигилерге алынып берилет, эгер жакшылыктары жетишпей калса, тигилердин күнөөлөрү бул адамга жүктөлүнөт да тозокко ташталынат» – деп түшүндүрүп берди.

Орозо кармап бирок күнөөдөн өзүнү тыя албаган адам Алланын алдына барганда куру кол калуусу мүмкүн. Албетте бул жеңил нерсе эмес.

Пайгамбарыбыз (Ага Алланын салам-салаваты болсун) бир жолу минбарга бутун коюп жатып «аамин» деди, экинчи тепкичке бутун койгондо дагы «аамин» деди, үчүнчү тепкичке бутун койгондо да «аамин» деди. Минбарга чыгып кутбасын аяктаган соң, сахабалар ага кайрылып:

– Оо, Алланын элчиси. Минбарга чыгып баратып адаттан тышкары үч жолу аамин деп айттың, ушуну түшүндүрүп берчи – деп сурашты.

– «Минбарга бутумду койгон мезгилде, Жибрийил мага:

– орозо кармап бирок күнөөнү таштабаган адам бактысыз болсун – деп айтты. Мен ага аамин дедим.

Экинчи бутумду койгон мезгилде, Жибрийил:

– ата-энеси же ал экөөнүн бири колунда картайганда аларды ыраазы кылып бейишке кире албаган адам бактысыз болсун – деп айтты. Мен ага аамин дедим.

Үчүнчү тепкичке бутумду койгондо, Жибрийил:

– сенин атыңды угуп бирок салават айтпаган адам бактысыз болсун – деп айтты. Мен ага да аамин дедим» – деп түшүндүрүп берди. Ошондуктан, урматтуу мусулман бир тууганым, келиңиз улуу Рамазанда ашказан менен гана орозо кармабастан, жүрөгүбүз, тилибиз, көзүбүз, кыскасы бардык мүчөлөрүбүз менен орозо кармайлы. Орозо, бул тосуучу парда. Бул жашоодо күнөөдөн тосот. Акыретте тозоктон тосот. Рамазан деген сөз араб тилинде беш тамгадан турат. Ра тамгасы- рахмат, мим тамгасы- магфират б.а. кечирим, алиф тамгасы- амаанун минан-наари б.а. тозоктон аман болуу, зод тамгасы- зомаанун илал жаанати б.а. бейишке кепилдик, нун тамгасы- нуурун фил-жаннати б.а. бейиштеги нур. Аллахым ар бирибизди өз ырайымыңа алып, күнөөлөрүбүздү кечир. Тозоктон аман кылып, бейишке киргиз. Улуу Рамазан айын туура пайдаланууну баарыбызга насип кыл.

Аллахым билип-билбей жасаган күнөөлөрүбүздү кечирип, ыймандуу адамдар менен бирге кыл. Ассаламу алайкум ва рахматул-лаахи ва барактуху.

Запись Рамазан Куран түшүрүлгөн ай впервые появилась Formula.KG.

Твитте Жакты Бөлүш Бөлүш

Католик чиркөөсүндө азан айткан киши муфтий болуп чыкты.

АКШда туристтер менен чогуу жүргөн ак калпакчан киши католик чиркөөсү менен таанышуу учурунда азан айтып баштаганы жазылат.

Алардын айтымында, муфтий Максат ажы Токтомушев апрелдин башында АКШнын мамлекеттик департаментинин чакыруусу менен «Диний мекемелер ортосунда тажрыйба алмашуу жана диалог» — аттуу иш чарага катышып келген.

«Иш чарада ар бир диндин өкүлү өзүнүн дининен кандайдыр бир жөрөлгө көрсөтүптүр. Муфтий мусулмандардын башкы парзы болгон намазга чакырык — азанды айткан» — деп билдиришти.

“24.kg”

Запись Кыргыз муфтийи эмне үчүн чиркөөдө азан айтканы боюнча түшүндүрмө впервые появилась Formula.KG.

Твитте Жакты Бөлүш Бөлүш

«Кыргыз Республикасындагы дин тутуу эркиндиги жана диний уюмдар жөнүндөгү» мыйзамга өзгөртүүлөр сунушталууда. Тиешелүү мыйзам долбоору Жогорку Кеңештин Социалдык маселелер, билим, илим, маданият жана саламаттык сактоо боюнча комитетинин бүгүнкү, 29-майдагы жыйынында каралды.

“Үйлөрдү кыдырып өзүнүн диний көз караштарын таңуулоого, мыйзамга ылайык эмес прозелитизм – психологиялык жана физикалык таасир кылуу, коркутуу, зомбулук жолдорун колдонуу менен башка диний окууларды туткандарды өзүнүн динине киргизүүгө багытталган иш-аракеттер ге тыюу салынат”,-деп жазылат документте.

Ошондой эле бул мыйзамды бузгандар админисративдик жазага тартылары жазылат мыйзам долбоорунда.

Аны менен катар эле Дин иштери боюнча мамлекеттик орган диний адабияттарга, башка басма, аудио-видео материалдарга жана электрондук сактагычтарга, ошондой эле Кыргызстанга диний уюм ташып келген диний адабияттарга дин иштери боюнча мамлекеттик орган бекиткен жобого ылайык дин таануу экспертизасын дайындайт жана ишке ашырат.

Депутат Тазабек Икрамов мыйзам чийки экендигин айтып, мыйзам долбоорун артка кайтаруу сунушун берди.

Депутат Алмазбек Токторов дагы мыйзам долбоорунун кайрадан иштелип чыгышын демилгелеген депутаттардын пикирине кошуларын айтып, ошол эле мезгилде дааватка тыюу салына турган болсо анын ордун толуктай турган кандай багыттар бар экендигине кызыкты.

Өкмөт диний маалыматтарды элге так түшүндүрүү иштеринде алсыздык кылып жаткандыгын сынга алган депутат Рыскелди Момбеков болду.

Талкууда ар кыл пикирлер айтылып, мыйзамга сунушталып жаткан өзгөртүүлөрдүн концепциясы жактырылды.

“Каганат”

Запись Дааватчыларга тыюу салуу тууралуу мыйзам жактырылды. впервые появилась Formula.KG.

Твитте Жакты Бөлүш Бөлүш

Запись Орозонун ден-соолукка тийгизчү пайдалары тууралуу впервые появилась Formula.KG.

Твитте Жакты Бөлүш Бөлүш

Кыргыз-Түрк «Манас» университетинде 26-майда акын, котормочу Алтынбек Исмаиловдун поэзия кечеси жана «Мевлана» аттуу китебинин бет ачар аземи болду.

Бул китеп Мевлана Жалаладдин Румиге арналган. Кечеге акын-жазуучулар, адабиятчы, илимпоздор жана автордун жакын санаалаштары катышты.

Поэзия кечесинин биринчи бөлүгүндө «Жан дүйнө» адабий клубунун мүчөлөрү Мевлананын кыргызчага которулган ырларын сахналаштырып көркөм окушту. Андан соң Алтынбек Исмаилов «Мевлана» китебинин жазылыш таржымалы тууралуу баяндады. Китеп эки бөлүмдөн турат. Биринчи бөлүмдө Руминин өмүрү жана чыгармачылыгы жазылса, кийинки бөлүмүндө анын адамзатты аруулукка, жаратканды таанууга жана өзүн-өзү табууга үндөгөн тамсилдери, рухий притчалары, философиялык саптары берилген.

Мевлана Жалаладдин Руми XIII кылымда жашаган суфилик-мистикалык поэзиянын ири өкүлү.

Запись Алтынбек Исмаиловдун «Мевлана» аттуу китеби чыкты впервые появилась Formula.KG.

Твитте Жакты Бөлүш Бөлүш

Мусулмандар үчүн ыйык деп саналган айлардын бири Рамазан айы дагы кирип келди. 26-майдан 27-майга караган түнү бүткүл дүйнө жүзү боюнча мусулмандар ооз бекитип орозо кармашат.

Ал эми биз кыргызстандыктарга жагымдуу жаңылык даярдап койдук.  Ооз бекитип же ооз ачуу сааттарын билүү үчүн улам -улам календарды карап,  белгиленген убакыт боюнча шыңгырай турчу «будильникти» коюунун кереги жок. Болгону атайын тиркемени уюлдук телефонуңузга жүктөп алуу жетиштүү.  Ал үчүн Play Market’ке кирип Рамазан 2017 Кыргызстанда деп жазыш керек. Тиркеменин мүмкүнчүлүктөрү кенен, ооз бекитүүгө же ооз ачууга 15 мүнөт калганга чейин  өзү эле сизге шаңгырап эскертме келип турат. Андан сырткары 5 маал намаздын убактысын да тиркеменин ичине кирген, ошондуктан аны да күйгүзүп коюу гана жетиштүү.  Убакыт муфтият тарабынан белгиленген. Болгону ырастоолордон кайсы аймакта жашайсыз, тандап коюу жетиштүү.

Орозо айында мусулмандар  тамак-аш ичүүдөн, кудайга жакпаган иштерди жасоодон өзүн кармап, таңды күндүн чыгышына багышталган дубадан баштайт жана күндүзгү, кечки намаздарын жазбай окуйт.
Таң заардан тартып күн батканга чейин созулат орозонун узактыгы ай календарына жараша 29 же 30 күн болот.

Запись Рамазан 2017: Орозо кармагандарга ыңгайлуу тиркеме чыкты впервые появилась Formula.KG.

Твитте Жакты Бөлүш Бөлүш

Кыргыз Республикасынын Президенти Алмазбек Атамбаев кыргызстандыктарды ыйык Орозо айынын башталышы менен куттуктады.

Куттуктоонун тексти:

«Кадырман мекендештер!

Урматтуу Кыргызстандын мусулмандары!

Кең пейилдүүлүк менен кечиримдүүлүк, береке менен жакшылык айы болгон Орозо да кирип келди.

Бул күндөрдү ар бир мусулман баласы чын пейилден күтөт эмеспи. Ыйык Орозо айында ар бир инсан күнүмдүк түйшүктөрдөн, көр оокаттан башты жыйып, Улуу Жаратканга тобо келтирет, күндөр мааниси жок текке кетип жаткан жокпу, башкаларга жакшылыгым, мээримим тийдиби деп, өмүрдүн маңызы тууралуу ойлонушу зарыл. Орозо баарыбызды тынчтыкка, сабырдуулукка жана ынтымакка үндөйт, жакшы жөрөлгөлөргө, боорукерликке жана тазаланууга жол ачат.

Кымбаттуу мекендештерим, ыйык айда сиздердин асыл тилектер, улуу максаттар кабыл болушун чын-жүрөктөн каалайм. Сүйүктүү Кыргызстаныбызда бейпилдик, биримдик, бакубатчылык өкүм сүрсүн.  Ар бириңизге аманчылык каалаймын.

Орозобуз кабыл болсун!

Запись Кыргыз Республикасынын Президенти Алмазбек Атамбаев кыргызстандыктарды ыйык Орозо айынын башталышы менен куттуктады. впервые появилась Formula.KG.

Твитте Жакты Бөлүш Бөлүш

Ош шаарында 107-каттамдагы коомдук транспорттун айдоочулары орозо айында элге акысыз кызмат көрсөтөт. Бул тууралуу аталган каттамдын бригадири Матраим Асанов билдиргендигин Ош шаардык мэриясынын басма сөз кызматы маалымдады.

Анын айтымында, эртеңден тарта күнүнө экиден маршрутка кезектешип жүргүнчүлөрдү бекер ташыйт.

“Өлкөдө жол кырсыктары көп катталып жатканына байланыштуу орозо айында элден бата алуу максатында ушул демилгени көтөрүп чыктык. Буга айдоочулардын баары макул болуп колдоп беришти. Биздин каттамда жалпы 60 маршрутка бар. Бир күнгө экиден маршрутка бөлсөк орозо айы бүткөнгө чейин жетет экен. 107-каттамдын бир багыты студенттер шаарчасынан аэропортко, экинчи багыты Достук көчөсүнө чейин барат. Аталган каттамдын айдоочулары буга чейин да кайрымдуулук иштерди уюштуруп келген”, — деди Асанов.

Ал эми Ош шаардык жүргүнчүлөрдү ташуу агенттигинин башкы адиси Алимжан Чаланов орозо башталгандан тартып бул демилгеге башка каттамдын айдоочулары да кошулары күтүлүп жатканын билдирди.

“Кабар”

Запись Ошто орозо айында айрым коомдук унаалар акысыз каттайт впервые появилась Formula.KG.

Твитте Жакты Бөлүш Бөлүш

 

ОРОЗО БИЗ ҮЧҮН….

ОРОЗО–КҮН УЗУН УБАККА ЭМЕС,ДАРАЖАСЫ БИЙИК УБАКТЫСЫНА КЕЛДИ!

ОРОЗО–КҮН ЫСЫК УБАККА ЭМЕС,СООБУ КӨП УБАКТЫСЫНА КЕЛДИ!

КҮН ЫСЫКТА ОРОЗО КАРМАСАҢ–ТОЗОК АПТАБЫНАН АЛЫС БОЛОСУҢ!

УЗУН КҮНДӨ ОРОЗО КАРМАСАҢ–КЫЯМАТТЫН УЗУН КҮНҮНДӨ КӨЛӨКӨДӨ БОЛОСУҢ!

БУЛ ДҮЙНӨДӨ КУРСАГЫ АЧКАБОЛГОНДОР–АКЫРЕТТЕ КӨҢҮЛҮ ТОК БОЛОТ!

“БИСМИЛЛААХИР РОХМААНИР РОХИЙМ”

Көптөн күткөн берекелүү рамазан айы,
эшик каккылап босогодо турган кези .
Бул бир айга гана созулуп, бир ай конок болуп,
бир ай мугалим болуучу улуу ай .
Келиңиздер ушул мүмкүнчүлүктү бекер кетирбестен бүт ааламдардын Роббиси
Аллах Тааладан дүйнө жана акыретибиз үчүн жакшылыктарды суранып, мекенибиз үчүн,
ата-энебиз үчүн, үй-бүлөө туугандар үчүн
Аллах Тааладан кечирим сурап дуба кылайлы.
Эгерде намаз окуп жүргөн болсок,
башка мусулман бир туугандарыбыз үчүн да дуба кылайлы. Күнөөлөрдөн арылууга зор мүмкүнчүлүк. Ушул жерде айта кетчү сөз,
дубааңыздарда биздей күнөөкөрдү да кошуп коюңуздар, балким дубааңыздардын берекетинен кечиримге жетишээрбиз.

Убакыт ушундай учкан куш ал
кайра кайрылып келбес жака
кетип бараткан кези. Кечээ гана рамазанды узаткан болсок мынтип кайра тосуп турган кезибиз. Көп бир туугандарыбыз бул орозону көргөн жок. Балки, былтыркы орозо алардын өмүрүндөгү акыркы орозо болуп калды.
Бул рамазан айы балким мен үчүн
балким сиз үчүн эң акыркысы болуп калуу ыктымалы бар болушу мүмкүн !
Андыктан достор, мусулман диндештерим,
Аллах Таалага көбүрөөк ибаадат кылып,
ал Затка болгон сүйүүнү көбүрөөк күчөтүп алуучу ушул ай эмеспи ?
Дүйнөдө көп адамдар жылдап-жылдап ачка калып күн кечирип жүрүшсө,
мына ошол бир туугандардын абалын түшүнүп,
Аллах Таалам бизге канчалаган нематтарын берип койгонун сезип, шүгүр кылуучу ай !
Он бир ай курсакты тойдуруп, тамак-аштан
каалагандай жеп, напсинин каалосу менен он бир ай жашадык . Бул, айлардын султаны рамазан айы, өз каалоодон чыгып,
напси каалоосун Аллах үчүн тапшырып,
напсиге эмес Аллага кулчулук кылуу айы.
Бүт шайтандар кишенделип, кээ бир ыйманы бекем инсандар үчүн баардык шайтандар
кишенделет . Күнөөдөн алыс качайлы .

Анда эмесе орозону жемиштүү өткөрү үчүн төмөнкү кеңештерге көңүл буруңуз!

Рамазан айында төмөнкү амалдарды аткарууга аракет кыл!

1.Рамазан айында Таравих жана тахажуд намазын оку! Таравих намазы ыйык Рамазан айында гана б.а. бир жылда бир ай окулуучу намаз. Анын руханий пайдасы, сообу абдан көп. Ал эми Тахажуд намазын орозо мезгилинде окубасаъ качан окуйсуң?!
Ансыз да саарлык ичүү үчүн турасың, ошол мезгилде даарат алып, эки ирекет намаз окуудан эринбе! Балким, чын ыклас менен окулган эки ирекет намаз сени тозок отунан тосуп калуусу мүмкүн. Пайгамбарыбыздын (Ага Алланын салам-салаваты болсун): “Рамазан айында кимде-ким ишенүү жана сооп үмүт кылуу менен намаз окуса, анын өткөн күнөөлөрү кечирилет” деген сөзүн эсиңден чыгарба! Күнөөбүз канча экенин өзүбүз жакшы билебиз, демек орозону пайдаланып калалы!

2.Рамазан айында Куран окууну унутпа!
Бул ай – Куран түшүрүлгөн ай. Бул айда пайгамбарыбыз (Ага Алланын салам-салаваты болсун) Жибрийил периштеге Куран окуп берип турган. Курандын бир тамгасын окуган адамга он сооп иш жазылат.Ал эми Рамазан айында ар бир сооптуу иш жетимиш барабар көбөйөрүн унутпа! Эми элестетип кой бир аят,бир сүрөө окуган болсоң канча сооптун астында каларыңды …

3.Рамазан айында көбүрөөк дуба кыл! Орозо туткан адамдын ооз ачар алдындагы дубасы кабыл болорун унутпа! Өзүңө, ата-энеңе, жубайыңа, балдарыңа, тууган-уруктарыңа жана жалпы мусулман элине жакшылык тилеп дуба кыл!Чын ыклас менен кылган сенин дубаңдын себеби менен, бир туугандарың динге кирип, ырыскың көбөйүп, жашооң жеңилдеп калуусу толук мүмкүн.

4.Рамазан айында садака берүүгө шашыл! Садака кылууга эч нерсем жок деп ойлобо.Бир чөйчөк суу табуу сага кыйынбы? Же бир курма берүүгө да күчүң жетпейби? Рамазан айында бир адамга суу, же курма берип ооз ачырса, анын курсагын тойгузгандай соопко ээ болот. Бул адам Акыретте пайгамбарыбыздын (Ага Алланын салам-салаваты болсун) булагынан суу ичүүгө татыктуу болот.

5.Рамазан айында буга чейин жасаган күнөөлөрүңө тооба кыл! Биз алсыз пенделердин билип -билбей кылган күнөөлөрүбүз ат көтөргүс көп экенин өзүбүз жакшы билебиз. Рамазанда күнөөдөн тазаланып, жеңил чыгууга аракет кыл. Бул айдын алгачкы он күнү – ырайымдуулук, ортоңку он күнү – кечиримдүүлүк, ал эми акыркы он күнү – тозоктон куткаруу экендигин эсиңден чыгарба.

Рамазан айында төмөнкү иштерди аткаруудан сактан!

1. Рамазан айында көзүңдү арамдан сакта! Бул айда башка учурда адал болгон тамактануу сыяктуу иштерден тыйыласың. Анан эмне үчүн башка учурда арам болгон иштен тыйыла албайсың? Орозодо адал иштен тыйылып, арам иштен тыйылбоо, бул – акмакчылык.
Орозонун негизги максаты – арамдан тыйылууну үйрөнүү. Мына ушул мүмкүнчүлүктү пайдаланып кал! Бул ай биз үчүн өзүбүздү жакшы жака тарбиялоону үйрөнүү.

2. Рамазан айында тилиңди арамдан сакта! Адамдардын көптөгөн күнөөлөрү тилдин айынан болот. Ыйык орозодо бир гана ашказанга орозо кармабастан, тилге да орозо кармоо керек. Кыйбат, ушак, жалган, сөгүнүү сыяктуу жаман адаттардан орозо кармап, тилибизди зикир, Куран ж.б. жакшы сөздөр менен алек кылалы! Тилдин айынан орозодо табылчу сооптордон куру кол калбайлы.

3. Рамазан айында урушуп-талашуудан сактан! Орозо – адамды жамандыктан тосуп туруучу көшөгө.
Акыретте тозок отунан тосуучу көшөгө болот. Ошондуктан, аны бузуп албай сактоого аракет кыл! Бул айда башкаларга үнүңүдү көтөрүп сүйлөбө, кечиримдүү бол! Эгер сага кимдир бирөө жаман сөз айтып, сени менен урушуп талашууну кааласа, “Мен орозо кармаган адаммын” деп, бир ооз сөз менен жооп кайтарып кой!

4. Рамазан айында убакытты текке кетирүүдңн сактан! Орозо бул уйкунун, же телевизор көрүүнүн айы эмес. Убактыңды уйку, же башка керексиз иштер менен өткөрбө!
Бул ай бир жылда бир келүүчү, мусулмандын мүмкүнчүлүгү, аны туура пайдалансаъ, ийгиликке жетесиң. Туура эмес пайдалансаң ийгиликтен куру кол каласың!

5. Рамазан айында жаман адаттардан арыл! Арак, тамеки, насыбай сыяктуу жаман адаттардан арылуу орозодо абдан жеңил. Эртеден бери тартпай жүргөн тамекини ооз ачкандан кийин тартууга шашылба! Эртеден бери эмне үчүн тартпай жүрдүң, жакшылап ойлонуп көр. Жаратуучу Алланын буйругун аткарып, эртеден бери тартпадың, ал эми ооз ачкандан кийин эмнеге тартып жатасың?! Же Алланын буйругун кщндщз аткарып, кечинде аткарбай койсо боло береби? Жок. Ойлон. Аракет кыл. Дуба кылып, сурангын. Мындай жаман адаттардан кутулуу сен үчүн кыйын эмес!

Дегиеле орозонун улуулугун, ыйыктыгын,чексиз берекесин сөз менен айтып калем менен түгөтө алмак эмесбиз. Анткени бул айда Аллах Таалам сообун Өзүм берем дегенин ! Аллах Тааланын Мээриминин унутпайлы,Кечириминин,Ырайымынын чеги жок! Демек биз үчүн бул табылгыс мүмкүнчүлүк! Анда эмесе келиң бир тууганым орозо кармоого биргеликте бекем ниет менен камданалы!

Орозоңуздар кабыл болсун! Биз менен бирге болуңуздар бакыттын түгөнбөгөн узун жолдорунда бирге бололу! Бактылуулук Формуласы! Бактыңыздын багыты!

 

Али Оши~

Запись КОШ КЕЛДИҢ ЫЙЫК РАМАЗАН! впервые появилась Formula.KG.

Твитте Жакты Бөлүш Бөлүш

27-май рамазан айынын алгачкы күнү деп белгиленди
Асмандын бүркөө болгондугуна байланыштуу ай көрүнбөдү. Ошондуктан үстүбүздөгү Шаабан айын 30на толуктап, 27-май, ишемби күнү улуу Рамазан айынын биринчи күнү деп жарыялайбыз.

Тактап айтканда 26-майдан 27-майга караган түнү Бишкек убактысы боюнча таңкы саат 03:16да ооз бекилип, орозо кармалат. Ал эми тарабих намазы 26-майдан тарта бардык мечиттерде окула баштамакчы.

Калган аймактар орозо календары боюнча ооз бекитишет.

http://muftiyat.kg

Запись 27-май рамазан айынын алгачкы күнү деп белгиленди впервые появилась Formula.KG.

Твитте Жакты Бөлүш Бөлүш

🍃Бир сооп үчүн он сооп жазылып, ал жети жүз соопко же андан да артык соопторго көбөйүү мүмкүнчүлүгү бар. Ал эми бир күнөө бирөө эле болуп жазылып, балким Аллах аны да кечип жиберет.

“Сага жеткен кыйынчылыктарга сабыр кыл”. (31:17)

Бийик даражага жетүү кыялдануу менен болбойт, түш көргөндүк менен да болбойт, чечкиндүүлүк жана сабырдуулук менен гана болот.
Сен мөмөлүү дарак сыяктуу бол! Адамдар сага таш ыргыткан кезде, сен аларга жемишиңден бер. Бул дүйнө 5 күндүк. Сага канчалаган жаман сөздөр, амалдар жасалса да сен аларга жакшылык менен жооп бер. Эгер алар сенин жакшылыгыңды түшүнбөсө, Аллах бар! Аллах Билүүчү! Балким сен алардын ыйманга келишине себепчи болосуң!

📜 Малик бин Динар хазреттеринин яхуди кошунасы бар эле. Бул яхуди душмандык кылып, үйүнүн ажатканасынын чуңкурун Малик хазреттеринин бөлмөсүнүн артына такап жасайт. Бөлмөсүнө ажаткананын суусу өтүп, жагымсыз жыттар чыгып, тынчын алчу. Малик бин Динар хазреттери күн сайын өткөн сууларды кургатып, сүртүп, жаман жытты кетирүү үчүн атыр жыттуу нерселерди сээп койчу. Ал бул нерсеге сабыр кылат эле. Яхиди Малик хазреттеринин тынчсыз абалда жүргөнүн билчү. Бирок, арызданып келбегенине таң калчу. Чыдай албай, кошунасынын үйүнө барат. Жаман жытты сезгенде: “Эй, Малик! Мына бул эмненин жыты?”- деди.

– Бул бөлмөдө жыты чыккан нерселерди тазалап жүрөм”
-Жок, бул ажаткананын жыты, кара, дубалдан тамчылап турат. Эмне үчүн мага айтпай жүрөсүң?
-Эгер айтсам сен таарынмаксың. Биздин динибизде кошунаны (мусулман бир тууганды) таарынтпоо жана андан келген кыйынчылыкка чыдоо, сабыр кылуу деген бар- деп жооп берди. Яхуди бул сөздөрдү уккан соң: “Азыркыга чейин Ислам динине душман элем, азыр болсо Ислам динине таң калдым. Мындай көркөм мүнөздүү мусулман болуу үчүн эмне кылуу керек болсо баарына даярмын. (Яхуди калимаи шахадатты айтып, мусулман болду).

📌 Эми, бул окуядан үлгү алгын тууганым! Биз азыркы учурда ушундай нерсеге сабыр кыла алабызбы? Биз эмне, ушундай каапырлар суктана тургандай сыпатка ээ болсок болбойбу? Балким, сабырдуулугубуз менен башка бир адамдын хидаятка келүүсүнө себепкер болоорбуз.
Качан гана биз кечиримдүү болсок, ошондо ийгиликке жетүүчүлөрдөн болобуз. Анткени сабыр менен кечиримдүүлүк бир тууган сыяктуу! Эгерде сен кол алышып кечирген болсоң, анда сен дүнүйө жана Акырет шарапатына жетесиң. Аллах Таала Кураанда:

“Ким кечирсе жана жарашса, анын сообун Аллах берет”. (42:40).

Кыйынчылыктарга сабыр кылуу, жана адамдарды кечире билүү- жакшы инсандардын мүнөзү. Инсан ар күнү жатаардан алдын баарын кечире билүүсү керек. Күнү бою ким ага жамандык кылып, зыян жеткизген болсо да. Мына ошентип ал Аллахтын Кечирим, Мээримине да оңой жете алат. Жамандыктарды кечире билүү дүйнөдөгү эң жакшы даары болуп саналат, бул да Аллахтын китебинен алынган даары:

“Жамандыкты жакшылык аркылуу жойгун”. (41:34)

“Ачуусун сабыр менен баскандар, адамдарга кечиримдүү болгондор- (ушулар такыбалар)! Аллах- жакшылык кылуучуларды сүйөт”. (3:134)

Оо, тууганым! Жүрөгүңдү жети жолу кечиримдүүлүк менен жууп, сегизинчисин таза кечиримдүүлүк менен жууп сал. Бирөө сага жамандык кылса, жакшылык менен жооп бер. Бул тууралуу Аллах Таала Кураанда айтып жатат.

Нуриза Кармышакова, атайын “Formula.kg” сайты үчүн. 

👨👩👧👦 Бактылуулук формуласы

Запись 🌳Мөмөлүү дарак сыяктуу бол! впервые появилась Formula.KG.

Твитте Жакты Бөлүш Бөлүш

Таравих намазы Рамазан айында гана куптан намазынан кийин витр намазынын алдында окулуучу 20 рекет муаккад сүннөт намаз болуп эсептелет. Таравих намазы эркек, аял окууга тийиш болгон сүннөт амал. Таравих намазын жамаат менен окуу сүннөт. Таравих намазын жеке өз алдынча окуса да болот.

Бирок жамаат менен окуу абзел.
Азирети пайгамбарыбыз САВ: “Кимде ким бекем ишеним жана сообун Аллахтан үмүт кылуу менен окуса, ага чейинки күнөөлөрү кечирилет” (Муслим, Салатул-Мусафирин 174) – деп таравихтин сооптуулугун баса белгилөө менен таравихти окууга чакырган.
Таравих намазы жыйырма рекет. Ар бир төрт рекет намаздан кийин бир саамга тыныгып бой жазылганы үчүн “Таравих” деп аталган. “Таравих” – тыныгуу, эс алуу, бой жазуу деген мааниде. Бир жолку таравих намазында беш тыныгуу бар. Тыныгуу учурунда Алла Тааланы зикир кылуу, тасбих айтуу же Пайгамбарыбызга салават айтуу мустахап болуп эсептелет.
Таравих намазына:
“Алланын ыраазылыгы үчүн таравих намазын окууга ниет кылдым, уюдум ушул имамга, халисан лиллахи таала Аллааху Акбар” – деп ниет кылынат.
Таравих намазынын ар бир төрт рекетинен кийин тасбих айтып отуруу сүннөт. Олтурган кезде тасбих же тахлил айтып олтуруу мустахаб:
“Субхаана зилмулки валмалакуут, субхаана зил иззати валазамати валь кудрати, валь кибирийаи валь жабаруут, субханал маликил хаййиллазий лаа ямуут, суббухуун, куддуусур-роббуна, ва роббул малааикати вар-руух. Лаа иллаха иллалааху настагфируллах, нас-алукал жанната ва наьуузубика минаннаар”.
Таравих намазында Фатиха сүрөсүнөн кийин имам бир кыска сүрө окуса жетиштүү болот. Же болбосо Курандын башынан баштап Рамазан бүткөнчө аягына чейин окуса өтө чоң сооп, сүннөт амал болот. Имам таравих намазын үн чыгарып окуйт.

Таравих намазын окуп бүткөндөн кийин бул дуба окулат:
“Аллохума солли алаа Мухаммаддив-ва алаа, аали Мухаммад. Аллохума заййинаа бизийнатил иимаани, ва шаррифна, ва акримна фи шахри Рамазана, варзукнаал жанната вал гуфрана ва такаббал миннаа тараавиихана яа Субхан, вастажиб дуа-анаа яа Ханнаану, би фазлика важуудика яа Маннану, бирохматика йаа Архамар рохимиин”.
Эң акыркы таравихте бул дубаны окуса болот: «Субхаанал ханнаанил маннаани. Субхаанал малиикид даййаани. Ал мавсууфу бил ихсаан вал маърууфу бил гуфроони, алвадааъ алвадааъ йаа шахро рамазана, алфироок алфироок йаа шахрот тараавийхи ваттасаабийхи ва хатмил кураани, хааза шахруун аввалуху рахматун ва авсатуху магфиратун ва аахируху иткумминан нийроони. Лаа илаха иллаллоху настахфируллоху насалукал жанната ва наъузу бика минаннаар.»
Таравих намазынын рекеттеринин саны Азирети Умардын халифалык доорунда Набави мечитинде окулган таравих намазынын 20 ирекеттик таризине таянат. Пайгамбарыбыздан кийинки алгачкы төрт халифанын учурунда бул намаз 20 ирекеттен окулган. Кийинки мусулмандар да ушул боюнча окуганды четке кагышкан эмес. Пайгамбарыбыз мындай деген: “Менден кийин, менин сүннөтүмдөн жана туура багыттагы халифалардын сүннөтүнөн ажырабагыла”. (Абу Дауд, Суннат-5; Тирмизий, Илим-16; Ибн Маажа, Мукаддима-6; Ахмад бин Ханбал, 4/126-127; Даримий, Мукаддима-16).
Таравих куптан намазынан кийин окулат. Куптандан мурун окулса, аны кайра окуу керек.
Таравих намазын жалгыз киши да окуса болот. Ар бир экинчи ирекетте салам берүү дурус. Ошондой эле ар бир төрт ирекетте же 10 же 20 ирекетте бир салам берип окуса да болот. Бирок, он же жыйырма рекетте салам берип окуу макрух болуп эсептелет.
Таравих намазында кыраатты узун окуу абзел. Ошону менен бирге жамааттын абалына жараша аракет кылууну да эстен чыгарбоо керек. Намазды эрте бүтүрүү үчүн ылдам окуу макирөө болуп саналат.
Таравих намазынын пайдалары жана сооптору…
1-куну жаны торолгон наристедей таза болот…
2-кун ата-энесини куноолорун кечирилет эгер мусулман болсо…
3-кун Аллах мурунку куноолорун кечирет…
4-кун амал китебине Тоорат, Забур,Инжил жана Куран окуду деген сооп жазат…
5-кун Мекке,Мадинада жана Аль-Аксада мечитинде намаз окугандын сообу берилет…
6-кун Байтул Мамурга зыярат кылгандын сообу берилет…
7-кун Муса(а.с)
Фираун жана Каманды согушун женип келгендин сообу берилет…
8-кун Ибрахим (а.с) тапкан соопту берет…
9-кун Мухаммад (С.А.В)дын ибадатынын сообун берет…
10-кун Дунуйо жана акырет жакшылыктарын баарын берет…
11-кун Бул дуйнодон тигил дуйного куноосу жок кирет…
12-кун Кыямат куну жузу 14кундук толгон айдай берет…
13-кун кыямат азабынан куткарылат…
14-кун кыямат куну бир периште келип таравих окуганына куболук берет…
15-кун Арышты которгон периштелер ага салават айтат…
16-кун Аллахтын буйругу менен анын амал китеби тозоктон куткарылат
..
17-кун Аллах ага буткул п сообун берет…
18-кун Периште кыйкырат “эй пенде Аллах сенден ыраазы болду”.
19-кун Аллах бейиште анын даражасын бийик кылат…
20-Аллах анын амал дептерине шейиттин сообун берет…
21-кун Аллах бейиште үй салат…
22-кун Аллах анын баардык кемчиликтен сактайт…
23-кун Аллах анын атына бейиштен бир шаар куруп койот…
24-кун анын баардык кажааттарын бутурот…
25-кунАллах аны кабыр азабынан сактайт…
26-кун Аллах ал пендеге 40 жылдык ибадаттын сообун берет…
27-кун кыл копуродон чагылган чарт эткендей отот…
28-кун Аллах ага бейиштен 1000 даража берет…
29-кун анын амал дептерине 1000 жолу хадж кылгандын сообун берет…

Запись ТАРАВИХ НАМАЗЫ впервые появилась Formula.KG.

Твитте Жакты Бөлүш Бөлүш

Запись 2017-жылдын орозо календары: ооз бекитүү жана ооз ачуу маалы впервые появилась Formula.KG.

Твитте Жакты Бөлүш Бөлүш

Чогулган каражат комиссия түзүлгөндөн кийин бир айдын ичинде муктаждарга таратылат.

Орозо айында бериле турган битир-садаганын өлчөмү бекитилди. Бул тууралуу муфтияттан билдиришти.

Рамазан айында берилүүчү битир быйыл 1 адамга 1 килограмм 600 грамм буудайдын баасына барабар болот. Натыйжада базар баасы менен алганда битир ар бир адамга 30 сомдон эсептелди.

Ошондой эле битир-садага буудайдан башка ун (1 кг 600 грамм), мейиз (1 кг. 600 грамм), арпа (3 кг 200 грамм), курма (3 кг. 200 грамм) менен да өлчөнөт. Алсак, мейиз – 368 сом, ун – 35, арпа – 48 сом болсо, курманын битирге тиешелүү баасы 380 сом деп эсептелген.

Муфтияттын маалымат кызматынан билдиришкендей, мусулмандар жогоруда көрсөтүлгөн сумманын каалаганын тандаса болот. Бирок муктаждарга көбүрөөк жардам берүү үчүн эң жогорку баа менен битир берүү сунушталат.

“Спутник”

Запись Муфтият битир-садаганын баасын бекитти впервые появилась Formula.KG.

Твитте Жакты Бөлүш Бөлүш

Баткен облусунун Лейлек районундагы Тайлан айылындагы 20 жылдык бүтүрүүчүлөр Исфана шаарындагы “Тайлан” мечитине таза суу чыгарып беришти. Бул тууралуу Баткен облустук казыятынын басма сөз кызматы билдирди.

Мектеп 20 жыл мурда бүтүргөндөр ар кандай шаан-шөкөттөн баш тартып, чогулткан каражатын элге пайдалуу ишке жумшоону чечишкен. Бул саамалыкка айыл эли ыраазычылык билдирип, 20 жылдык бүтүрүүчүлөр тобуна бата беришти.

“Баткен Казыяты”

Запись Лейлектин Тайлан айылында 20 жылдык бүтүрүүчүлөр мечитке суу чыгарды впервые появилась Formula.KG.

Твитте Жакты Бөлүш Бөлүш

Бүгүн Ислам оюндарынын жабылуу күнү. Кыргызстан курамасы жалпы жыйынтык боюнча 10-орунда

Бүгүн Бакуда өтүп жаткан Ислам шериктештик оюндарынын жабылуу күнү, жыйынтыктоо аземи болот. Ушул күнгө карата Кыргызстандын спортчулары жалпы медалдык эсепте 57 өлкөнүн арасынан 10-чу орунду камсыздады. Ала-Тоолуктардын капчыгында 4 алтын, 4 күмүш жана 8 коло медаль – жалпысынан 16 сыйлык бар. Улуттук курама Египеттен кийин – ал 9-орунда жана Сауд Арабиясынан мурун жайгашты – араб өлкөсү 11-орунда.

Жакынкы кошунабыз Казакстан 14-орунда. Кыргызстандан кийинки саптарда Ирак, Түркмөнстан жана Нигерия сыяктуу ири өлкөлөр артта калган. Жалпы медалдык тизмени мелдештердин ээси – Азербайжан жетектеди, 2-3-орундарды Түркия менен Иран ээледи.

5tv.kg

Запись Ислам оюндарынын жыйынтыгы боюнча Кыргызстандын куржунунда 16 медаль впервые появилась Formula.KG.

Твитте Жакты Бөлүш Бөлүш

Суроо: Ассаламу алейкум уа рахматуллохи уа баракатух! Боюмда бар бозо ичсем болобу?
Жооп: Жок.

Суроо: 46 жаштамын, балалуу боломбу же кечпи?
Жооп: Алладан үмүт кылыңыз. Алланын колунда бала бериш, бербеш. Кыргызда токсон, сексен, жетимиш деген аттар болгон азыр дагы болуп келе жатат. А сиз 46 эми чыгыпсыз. Алладан дуба кылып сураңыз.

Суроо: Тамеки чексе даарат сынабы? Рахмат.
Жооп: Сынбайт.

Суроо: Арууке деген аттын манисин айтып берип коюнузчу?
Жооп: Арууке деген ат таза, тунук дегенди түшүндүрөт.

Суроо: Менин ата-энемдин үйлөнгөнүнө 30 жыл болуптур. Нике кыйылбаптыр, мен үйлөнгөндө күбө катарында отуруган нике ата-энеме нике түшөбү же кыйдырыш керекпи?
Жооп: Ата-энеңизге нике кыйдырып койуңуз.

Суроо: Жума намазна толук намаз билип барыш керекпи? Жатып турган эрежелери зарылбы же жатып турганды жумада үйрөнсө болобу?
Жооп: Намаздын жатып турган эрежелерин бир эки жолу көрүп эле үйрөнүп алса болот. Сиз бара бериңиз жуманы калтырбай, жуманыз кабыл болот ин шаа Аллах.

Суроо: Кээде мергенчилик кылабыз, мылтыкка созсуз документ алыш керекпи? намаз окуйбуз.
Жооп: Мыйзамда кандай болсо ошого баш ийип анан анчылык кылыңыз.

Суроо: Аялым менен ажырашып, 7 жылдан кийин кайра жараштым бирок, ичимдеги кара так кыйнап жатат. Күйөгө тийип келди эле кантем?
Жооп: Өтүп кетет дуба кылыңыз.

Суроо: Мышык өлтүрсө болобу?
Жооп: Болбойт.

Суроо: Менин боюмда бар, жакында көз жарам эгиз уулдар. Ат коюп бересизби?
Жооп: Саад-Масууд, Хасан-Хусейин

Запись Турмуштук суроо-жооптор (61) впервые появилась Formula.KG.

Твитте Жакты Бөлүш Бөлүш

Абдышүкүр ажы Нарматов

Ассалааму алайкум урматтуу мусулман бир туугандар!

Рамазан айы он эки айдын эң ыйыгы. Аллах Таала айлардын ичинен ушул гана айдын атын атап айткан. Куранда: “Рамазан айы, бул айда адамдарга туура жол көрсөтүүчү хидаят жана фуркандан турган анык далил катары Куран түшүрүлдү. Силерден кимде-ким (жаңы) айды көрсө – орозо кармасын. Жана ким оорулуу же сапарда болсо, башка күндөрдүн эсебинен (тутуп берет). Аллах силерге жеңил болуусун каалайт, оор болуусун каалабайт. (Орозо) аны калтырбай тутууңар жана силерди туура жолго салганы үчүн Аллахка шүгүр кылып, даңазалашыңар үчүн (парз кылынды) – деп айтылган. (Бакара, 185-аят).

Аллах Тааланын сөзү менен ыйык Куранда аты аталгандыгы Рамазан айынын өзгөчө экендигин билдирип турат. Рамазан айында орозо кармоо Пайгамбарыбыз (Ага Аллахтын саламсалаваты болсун) Меккеден Мадинага көчүп келгенден кийин эки жылдан соң, тагыраак айтканда пайгамбарлык доордун он бешинчи жылында парз кылынган. Салман (Аллах андан ыраазы болсун) риваят кылган хадисте, минтип айтат: “Шаьбан айнын акыркы күнү Пайгамбарыбыз бизге хутба айтты.

Анда ал: “Оо, адамдар! Силерге ыйык жана берекелүү ай жакындап келе жатат.

Бул айда бир түн бар, анын даражасы миң айдан да жакшыраак. Аллах Таала бул айда орозо тутууну парз, кечинде (таравих) намаз окууну нафил кылды.

Бул айда кимде-ким бир жакшылык кылса, башка айда парз амалын аткаргандай болот. Ал эми бул айда парз амалын аткарса, башка айда жетимиш парзды аткаргандай болот.

Бул ай – сабырдуулуктун айы. Сабырдуулуктун сыйлыгы – Бейиш.

Бул айда мусулмандын ырыскысы көбөйөт.

Бул айда ким орозо камаган адамга тамак берсе, анын күнөөсү кечирилип, тозоктон кутулат. Ал орозо кармаган киши ээ болгон соопко ээ болот. Бирок андан орозо кармоочунун сообу да кемип калбайт.

Бул айдын башталышы – ырайымдуулук, ортосу – кечирим, аягы – тозоктон азат кылуу.

Бул айда төрт ишти көбөйткүлө. Анын экөөсү менен Роббуңарды ыраазы кылаасыңар, экөөсүнө өзүңөр муктаж болсуңар. Роббуңарды ыраазы кылуучу эки амал – “Лаа илааха иллаллоох” деп келме айтуу жана Аллахка истигфар айтып, кечирим суроо. Ал эми өзүңөр муктаж болгон эки амал – Бейишти сурагыла жана тозоктон сактангыла.

Бул айда ким бир адамды тойгузса, Аллах ага менин “Хавз” булагымдан ичирет, ал эч качан чаңкабайт” – деди.

Ошондо кээ бир сахабалар: “Оо, Аллахтын элчиси, орозо тутуучунун курсагын тойгузуу баарыбыздын эле колубуздан келе бербейт” – дешти. Пайгамбарыбыз (Ага Аллахтын салам-салаваты болсун): “Ким бир уурттам суу же сүт, же бир курма менен ооз ачырса, Аллах ага тойгузгандын сообун берет” – деп жооп берди. (Ибн Хузайма).

Рамазан айында мусулмандарга Аллахтын жардамы түшөт. Тарыхта ислам дининин таркоосуна жол ачкан Бадр жеңиши Рамазан айынын он жетисинде болгон. Бул күнү саны да, күчү да аз болгон мусулмандар Аллахтын жардамы менен жеңишке жетишкен. Адамдардын жан дүйнөсүн күмөндөн, ширктен тазалаган, Аллахтын үйүн эстеликтерден жана көп кудайлуулуктан тазалаган Меккени жеңип алуу күнү да Рамазан айында болгон.

Рамазанды кантип тособуз?

Рамазан айы жүрөгүндө ыйманы бар адамдар үчүн майрам жана жан дүйнөнү дарылоочу убакыт. Рамазан айы биздин үйүбүзгө келип, отуз күн түнөп кетүүчү конок. Рамазан айы биздин бир жылдык жасаган күнөөлөрүбуздү жууп кетирүүчү жана Акыретибизге азык камдап алуучу мүмкүнчүлүк. Демек, бул айды күтүп алуу, конок күткөндөй маанилүү. Сахабалар Рамазан айы киргенде кубангандыктан көз жашын төгүп ыйлашат эле. Ал эми Рамазан айы чыгып кеткенде кайгыргандыктан көз жаш төгүшөт эле. Алар “Аллахым Рамазан айына жеткиргин” деп дуба кылышат эле. Алар Рамазанга жетсе, күнөөдөн кутуларына, соопту көбөйтөрүнө толук ишенишет эле. Аларрамазандан алдын аны утурлап нафил орозолорду кармашса, Рамазандан кийин аны менен коштошуп нафил орозо кармашчу. Рамазанды татыктуу тосуп алуу үчүн биз дагы төмөнкү амалдарды аткаруубуз керек:

1. “Рамазанда орозо камаймын” деп ниет кылуу. Пайгамбарыбыз (Ага Аллахтын салам-салаваты болсун): “Бардык амалдар ниетке жараша болот” – деп айткан. Адам өз эркин өзү башкара алат б.а. нафси каалоосун сындырууга өз кудурети жетет. Күн сайын календардын барагын карап, “Рамазан батыраак келсе экен, орозо кармайт элем” деп ниетин бекемдей берсе, ал психикалык жактан орозого даяр болуп калат. Орозо жакындап калганда “кармасамбы же, кармабай эле койсомбу” деген эки анжы ойлор келбейт.

2. Орозо тууралуу китептерди окуп, орозо тууралуу айтылган баяндарга кулак салуусу керек. Анткени, орозонун пайдаларын уккан сайын ага кызыгуу пайда болот жана өзү кызыккан ишти аткаруу жеңил болот.

3. Буга чейин жасаган күнөөлөрүн баштан-аякка чейин эстеп өзүнө эсеп берүүсү керек. Кайсы эле адам жасаган күнөөлөрүн эсептеп чыкса, абдан көп күнөө жасаганын билет. Күнөөсүнүн көптүгүн көргөн адам, бул күнөөлөрдөн тазалоочу Рамазан айын текке кетирүүдөн коркуп, орозо кармайт.

4. Акыретти, Аллах Тааланын алдында эч кандай сообу жок турган күндү көбүрөөк эстөө керек. Эгер биз жасап жаткан амалдарыбыздын аздыгын биле алсак, анда Рамазанды сөзсүз пайдаланып калмакпыз. Анткени, анда биздин бүтүндөй бир өмүрүбүз да жетпей турган “Кадыр кечеси” бар.

5. Аллах Тааланы көп зикр кылуу айрыкча эртең мененки жана кечиндеги зикр сөздөрүн көп айтуу керек. Себеби, зикр кылуу адамды шайтандын азгырыгынан сактайт. Көпчүлүк адамдар шайтандын азгырыгына алданып орозо кармабай калышат.

6. Шаьбан айынын жарымына чейин нафил орозолорду кармап, нафсини көндүрүү керек. Нафил орозо кармаганга көнгөң нафси парз орозону кармоого жөн эле көнөт, анан да орозо кармоого көнүп калгандыктан Рамазандын орозосун кармоо да жеңил болот.

7. “Рамазан айынын орозосун кармоону насип кыл” деп Аллахка көп дуба кылуу керек. Анткени, ар бир иш Аллахтын каалосу менен болот. Канчалаган мусулмандар орозого бир күн калганда бул дүйнөдөн өтүп кетип жатышат.

Рамазанда кандай амалдарды кылуу керек?

Рамазан айы мусулман адам үчүң табылгыс мүмкүнчүлүк. Бул айда жасалган жөнөкөй амал башка айда жасалган парз амалы сыяктуу соопко ээ болот. Ал эми бул айда жасалган бир парз амалы, башка айдагы жетимиш амалдын сообун берет. Ошондуктан бул айга жетүүнү Аллах Таала насип кылса, анда төмөнкү амалдарды аткарууга шашылалы:

1. Таравих жана башка нафил намаздарды окууга. Пайгамбарыбыз (Ага Аллахтын салам-салаваты болсун): “Рамазан айында ким ишенүү жана сооп үмүт кылуу менен намаз окуса, анын өткөн күнөөлөрү кечирилет” – деген. Бул айда окулган бир рекет намаз жетимиш рекет менен барабар. Мындан өткөн сооптуу ишти кайдан таба алабыз?

2. Куранды окууга жана катмы кылууга. Рамазан Куран түшүрүлгөн ай. Пайгамбарыбыз (Ага Аллахтын салам-салаваты болсун) Рамазан айында Жибрийил периште менен бирге Куранды катмы кылган. Курандын ар бир тамагасы үчүн он сооп болорун айткан, ал эми Рамазан айында сооптор жетимишке көбөйөрү белгилүү.

3. Тооба кылууга жана кечирим тилөөгө. Рамазандын алгачкы он күнү – ырайымдуулук, ортоңкусу – кечиримдүүлүк күндөрү болуп эсептелинет. Бул күндөрү кылынган тообалар кабыл болору шексиз.

4. Көбүрөөк дуба кылууга. Пайгамбарыбыз (Ага Аллахтын салам-салаваты болсун): “Орозо тутуучунун ооз ачардагы дубасы сөзсүз кабыл болот” – деген. Демек, отуз күндү текке кетирбейэмне тилегибиз болсо, аны Аллахтан сурап калуубуз керек.

5. Кайрымдуулук кылууга. Ааиша энебиз айтат: “Аллахтын элчиси Рамазан айында абдан кайрымдуу болчу”. Пайгамбарыбыз (Ага Аллахтын саламсалаваты болсун) дайыма кайрымдуу, колу ачык болгон. Ал эми Рамазан убагында кайрымдуулукту чексиз көп жасаган.

6. Башкалардын оозун ачырууга. Бул айда бир адамга суу же курма берип ооз ачыруу, анын курсагын тойгузгандай соопко ээ кылат жана ал адам Пайгамбарыбыздын (Ага Аллахтын салам-салаваты болсун) булагынан суу ичүүгө татыктуу болуп калат. Башка мезгилде таштай албаган жаман адаттарды таштоого. Анткени була йда шайтандын азгырыгы алсыз болот, натыйжада тамеки, насыбай ж.б.у.с. жаман адаттардан кутулууга болот.

Бул айда эмнелерден тыйылабыз?

Рамазан айында Аллах Таала бизди башка учурда адал болгон үч иштен б.а тамактануудан, суусундук ичүүдөн жана аялга жакындык кылуудан тыят. Башка убакта адал болгон иштерден тыйылган соң, башка учурда арам болгон иштерден тыйылуу турган иш. Рамазан айы сооптуу ай болгон менен аны туура пайдалана албаган адамдар кайра күнөөкөр болуп калуусу мүмкүн. Ошондуктан орозо кармаган адам төмөнкү иштерден сактануусу зарыл:

1. Көп сүйлөөдөн. Рамазан Аллахты зикр кылуучу ай. Аллахты зикр кылуудан башка сөздөрдүн баары пайдасыз. Ал эми кыйбат, ушак, жалган айтуу сыяктуу сөздөр орозонун сообун кетирет.

2. Көп уктоодон. Кээ бир адамдар орозодо иш кылууга болбойт дешип көп убактысын уйку менен өткөрүшөт. Бул туура эмес түшүнүк. Орозодо колдон келишинче уйкуну азайтып, ибадатты көбөйтүүгө аракет кылуу керек.

3. Урушуп талашуудан. «Орозо бул – калкан. Ошондуктан ким орозо кармаса, адепсиздиктен этият болсун, үнүн көтөрбөсүн, аны кимдир бирөө сөксө же урушууга тартса, анда ал: Мен орозо тутуучумун деп айтсын” – деген.

4. Ысырапкорлуктан. Кээ бир учурларда “Орозо кармоочулар ооз ачканда шайтан коркуп качат” дешип, ашыкча ысырап кылган адамдар бар. Бул дагы туура эмес түшүнүк. Адам канчалык ачка болбосун, өз деңгээлинен ашыкча тамак жей албайт. Ошондуктан тамак-ашты ашыкча көп жасап ысырап кылууга болбойт.

Рамазан айынын артыкчылыктары:

1. Орозо кармоочуга далил болот. Пайгамбарыбыз (Ага Аллахтын салам-салаваттары болсун): «Орозо бул – далил. Ошондуктан ким орозо кармаса, адепсиздиктен этият болсун, үнүн көтөрбөсүн, аны кимдир бирөө сөксө же урушууга мажбурласа, анда ал: “Мен орозо тутуучумун” деп айтсын. Мухаммаддын жаны колунда турган Аллахка ант болсун, орозо тутуучунун оозунан чыккан жыт Аллах үчүн мисктен да жагымдуу. Орозо тутуучу эки убакта кубанычка бөлөнөт: ооз ачкан убакта жана Роббусуна жолуккан кезде» – деп айткан. (Муслим).

2. Орозо тутуучунун күнөөлөрү кечирилет. Пайгамбарыбыз (Ага Аллахтын салам-салаваттары болсун): «Ким Рамазан айында ишеним жана Аллахтан сыйлык үмүт кылып орозо кармаса, анын мурдагы күнөөлөрү кечирилет» – деп айткан. (Бухарий, Муслим).

3. Орозо кармоочунун сообу чексиз болот. Пайгамбарыбыз (Ага Аллахтын салам-салаваттары болсун) айтты: «Аллах Таала: “Адам баласынын орозодон башка ар бир иши өзү үчүн. Ал эми, орозо – Мен үчүн. Анын сыйлыгын Мен беремин” – деген. (Бухарий, Муслим).

4. Орозо, Бейишке кирүүгө себеп болот. Аллахтын элчиси (Ага Аллахтын салам-салаваттары болсун): «Чындыгында, Бейиште, Кыямат күнү орозо кармоочулар гана кирүүчү «Ар-раян» деген эшик бар. Андан орозо тутуучулардан башка эч ким кирбейт. «Орозо тутуучулар кайда» деп айтылганда, алар алдыга чыгышат. Алар кирип кеткен соң эшик бекем жабылып, андан кийин ага эч ким киргизилбейт» – деп айткан. (Бухарий, Муслим).

Пайгамбарыбыз (Ага Аллахтын салам-салаваттары болсун): «Рамазан айы киргенде Бейиш эшиктери ачылып, Тозок эшиктери жабылат. Ал эми шайтандар кишенделет» – деп айткан. (Бухарий, Муслим).

5. Орозо кармоочу адам тозоктон алыс болот. Пайгамбарыбыз (Ага Аллахтын салам-салаваттары болсун) «Аллах жолунда бир күн орозо кармаган адамдын жүзүн анын ошол амалы үчүн, Аллах Таала оттон жетимиш жылдык аралыкка оолак кылат» – деп айткан. (Бухарий, Муслим).

Запись Орозо жакындап келе жатат впервые появилась Formula.KG.

Твитте Жакты Бөлүш Бөлүш

Бир акылман адамга бир топ киши келет. Алардын баарынын дарты окшош эле. Бирөөсү бир жыл мурун үйү өрттөнүп кеткенден кийин өрттөн коркуп калганын, бирөөсү көп суммадагы акча алдатып койгондон кийин чоң ишке акча салуудан корко берерин, дагы бирөөсү ар дайым зомбулук көрсөткөн күйөөсүнөн ажырашкандан кийин кайра турмуш куруудан корко берерин, ошол коркуулары жашоодо көптөгөн тоскоолдуктарды жаратып жатканын айтып, айтор, жардам сурайт. Алардын сөздөрүн уккандан кийин акылман адам аларга бир күлкүлүү окуя айтып берет. Угуп отургандардын баары көздөрүнөн жаш чыкканча күлүшөт. Бир аз убакыт өткөндөн кийин ошол эле окуяны кайра айтып берет. Бул жолу угуп тургандар жылмайышып, айрымдары кичине күлгөн болушат. Ошол эле окуяны үчүнчү жолу айтканда эч ким күлбөйт. Кээ бири акылманга таң калып, туура эле келдимби дегендей карап калат. Ошондо ал жылмайып мындай дейт: «Бир эле күлкүлүү окуяга силер ар дайым күлө бербейсиңер. Үчүнчү жолу айтканда эле кызыгы кетип калды. Анда эмнеге кайгылуу нерселерди жүрөгүңөргө жакын алып жүк кылып, ар дайым коркуп же кайгыра бересиңер? Эмне үчүн аны унута албайсыңар? Адамдын акылын жана жүрөгүн эмне бийлеп алса, жашоосуна ошол нерсенин таасири күчтүү болот».

Инсанда бир түйүм эт бар, ал жакшы болсо, дене да жакшы болот. Эгер ошол бир түйүм эт жаман болсо, дене да жаман болот. Ал бир түйүм эт – жүрөк. (Хадис)

Акыл деген – алтын таажы, ар бир башка жарашкан. (Макал)

Акыл үч жолу кемийт: капаланганда, уктабай жүргөндө жана курсак ачканда. (Эл нускасы)

Эгер адамдар өздөрүнө жакпаган нерселер менен алектене беришсе, анда ийгиликке жетүүсү кыйын болот. (Дейл Карнеги)

“Шоокум”

Запись ЖҮРӨКТҮН ЖҮГҮ впервые появилась Formula.KG.

Твитте Жакты Бөлүш Бөлүш

Суроо: Жазабаган ишти жазадың, ак болсон тузга сийип бер десе эмне кылыш керек?
Жооп: Бул бизде болбогон жаман адат, бул адаттан сактаныш керек.

Суроо: Дем салдырыш керекпи эгер бирөлөр окутуп койгон болсо?
Жооп: Ооба.

Суроо: Ассаламу алейкум! Мен аялым менен ажырашып кеткем бирок, талак бербегем эмне болот?
Жооп: Кандай ажырашкансыздар? Эгер жөн эле тарынышып кетип калса, жарышып алыныз. Болбосо бир талак берип койуңуз.

Суроо: Намаз окуйм 5 убак, кээде ооруп калып окуубай калып жатам эмне кылса болот?
Жооп: Кандай оору намаз окуй албай калган? Туруп окуй албасаңыз олтуруп окуңуз, олтуруп окуй албасаңыз жатып окуңуз, анда дагы бобосо ишара менен окуңуз.

Суроо: Аллах ыразы болсун! Дуа кылып койосузбу? Исамамат уулу Мирбекке.
Жооп: Алла Таалам чыныгы мусулмандардан кылсын. Кыргыз элине, динге кызмат кылган эр азаматтардан кылсын.

Суроо: Ассаляму алейкум! Күйөм ичкенде тынчы абдан кетет. Уйкунун дарысын берсе эмне болот?
Жооп: Берип коюңуз бирок, абайлаңыз өлүп калбасын.

Суроо: Ассаламу алейкум ажы! Эгер багымдат намазында уктап калып түштө окуса болобу?
Жооп: Болот. Түштө окуу шарт эмес, күн чыккандан кийин окуй бересиз.

Суроо: Ит бакса болобу?
Жооп: Уй кароого жана аңчылык кылууга үйрөткөн итти бакса болот.

Суроо: Кулагыма үн угулуп ооруйм талма менен. Мен бул оорудан кантип айыгам жардам беринизчи?
Жооп: Доктурга кайрылыңыз. Аллах шыпа берсин сизге.

Суроо: Намаз окуйун десем саарам токтобойт, намазды кандай окусам болот?
Жооп: Эгер бир намаз убагынан баштап экинчи намаз убагына чейин токтобой акса, башкача айтканда бир намазды дагы сара токтобой туруп окуй албасаныз анда сиз кечиримдүүсүз. Мындай адамды шариятта «маазур» деп койот, бизде «үзүрү бар киши» дейт. Үзүрү бар киши үчүн намаз окууга шарият айткан: Качан бир намаздын убагы киргенде ошол учурда бир жолу даарат алып кийинки намаздын убагы киргенге чейин парз, ваажып, сүннөт,нафил намаз окуса окуй берет. Эгер намаз окуп жатканда сара тамчылап агып турса дагы, Куран кармап тилават дагы кылса болот. Качан экинчи намздын убагы киргенде башка даарат алыш зарыл. Ушундай жол менен намаз ташталбай окула берет.

Суроо: Менин акем бар, намаз окуйт. Чон молдо атама карабайт, кандай болот?
Жооп: Атасын карабаса жаман болот. А сиз ага теңелбей карай бериңиз.

Суроо: Даават маселесине кандай карайсыз? Рахмат.
Жооп: Жакшы, даават кылыш керек.

Суроо: Менден бирөө акча алган. Бир жыл болду бербей жатат, эмне кылыш керек?
Жооп: Колуңуздан келсе кечирип койуңуз. Болбосо сотко берип алып алыңыз.

Суроо: Ит бакса жана көбөйтүп сатса болобу?
Жооп: Үй кароого жана аңчылык кылууга үйрөткөн итти бакса болот жана сатса дагы болот. Бирок үйдөн алыс кармаш керек.

Суроо: Мышык өлтүрсө күнө болобу?
Жооп: Өлтүрбөш керек.

Суроо: Күйөм эчак эле талак берип салган. Балдарым деп мен кетпей жашайм кандай болот?
Жооп: Эгер үч талак бербесе кайрадан нике кылып жашаңыз. Эгер үч талак берген болсо анда никеси бар эр-катындай жашабаңыз. Бөлмө, төшөк, тамак башка болуш керек. Албетте балдар аркылуу сүйлөшсө болот.

Суроо: 2020 жылы имам Магди келет дейт, ошол чынбы?
Жооп: Так бир учурду чын деп эч ким айта албайт.

Суроо: Талак, талак, талак десе түшөбү?
Жооп: Эгер жалгыз аялыңыз болуп тамашалап, мас болуп, наша чегип, бирөө зордуктап айттырса түшөт ниетинде барбы же жокпу. Урушуп жатып айтса анда шеги жок түшөт. Эгер китептен окуп жатып ошол сөздү үнүн чыгарып окуса түшпөйт. А эгер мен аялыма айттым десе анда дагы түшөт. Эки же андан көп аялы болсо жөн эле талак талак талак десе суралат, кайсынысына бердиң деп. Алмагүлгө бердим десе ошого Жумагүлгө десе ошого түшөт.

Суроо: Күйөм аялына талак бере элек, башка турмушу бар болобу? Рахмат.
Жооп: Болот.

 

Запись Турмуштук суроо-жооптор (60) впервые появилась Formula.KG.

Твитте Жакты Бөлүш Бөлүш

Күнөө иштер адамдын каргышка калуусуна, Кудайдын каргышына калуусуна жана Жараткандын ырайымынан алыс куулушуна себеп боло турган нерселерден болуп эсептелет.

Курани-Каримде Бакара сүрөөсүнүн 159-аятында Биз (Алла Таала) түшүргөн акыйкатты биз түшүргөн динди, биз түшүргөн туура шариятты жашыргандар, акыйкатты айтпагандар, акыйкатты жашырып коюп адамдардын көңүлү деп, коомчулуктун көңүлү деп чындык айтпастан жалган айтып, чындыкты жашыргандар жана аларга акыйкат түшүргөн акыйкатты биз аларга баяндап бергенден кийин да адамдарга айтпай койгондор Алла Тааламдын өзүнүн каргышына калат, ошондой эле каргыш айтуучулардын бардыгы буларды өзүнүн каргышына алат дейт.

Алла Таалам кайсы бир адамга, кайсы бир аалымга акыйкатты жеткире турган болсо мына ошол акыйкатты жашыруу Алла Тааланын каргышына ошондой эле каргай тургандардын каргышына калары айкын экен. Ал эле эмес кээ бир хадистерде пайгамбарыбыз алейхи салам сүткорлук жеген адамдарды, пайыз жегендерди, мына ошону жедиргендерди, ошондой эле ошолордун эки күбөсүн өзүнүн каргышына алган.

Кээ бир адамдар сүткордук берген адамдар күнөөкөр болгону менен алган адам күнөөкөр болбойт экен дегендей туура эмес түшүнүктөр менен жүрүшөт. Алла Тааланын каргышына калуу бүтүндөй жамандыктардын жеткен чегине жетүү дегендик. Андай адамдар бул дүйнөдө эч кандай береке таппайт жана өмүр бою каргышка калып жүрө берет.

Күнөө кылган адам оомат келүүдөн, иши жүрүшүүдөн ошондой эле ийгиликке жетишүүдөн кур жалак калат. Эгерде бир адам күнөө иш кыла турган болсо мына ошол адамдын жолу ачылбайт, мына ушул адамдын иши жүрүшпөйт, мына ошол адам ийгиликке жетишпейт, дайыма кыйналып басып жүрө турган болот. Кээ бир адамдар келип, “молдоке дуба кылып бериңизчи жолум ачылбай жатат. Уулум үйлөнбөй жатат, кызым турмушка чыкпай жатат же соодам жүрбөй жатат” – деген өңдүү кайрылуулар менен кайрылышат, чындыгында алардын иштеринин алар ойлогондой болбой жатышы өзүлөрүнүн кылган күнөөлөрүнөн улам экенине маани беришпейт.

Алла Таалам Курани-Каримде Талак сүрөөсүнүн экинчи жана үчүнчү аяттарында: “Кимде-ким Алла Тааладан корко турган болсо, кимде-ким такыбалык кыла турган болсо Алла Таалам бул адамга махрач эшик ачып берет”- дейт. Эгерде окууда жүргөн болсок окуусу ийгиликтүү болуусу үчүн акылы жетпей же тажрыйбасы жетпей жаткан болсо, бирок ошол адам такыбалык кылып кудайдан корко турган болсо Кудайым ошол адамга эшик ачып багыт ачып берет. Эгерде кайсы бир адам соодага чыга турган болсо ошол сооданы кылууда жолу болбой жаткан болсо, бирок такыба боло турган болсо Алла Таалам ал адамга жол ачып берет. Кимде-ким перзенти жок болуп, перзенттүү болууну самап Алла Таалага жакын болуп такыба болсо анын да тилегин Жараткан орундатпай койбойт.

Деги эле эмнени каалап жатсак, кайсы иш болбосун Алла Таалага такыба кыла турган болсок анда ал күтпөгөн, болжобогон, эсептебеген жерден ошол тилектерибизди кабыл кылат, ошол адамга ырыскы, береке берет.

Такыбалык деген эмне? Такыбалык – Кудай буюргандай жашоо деген сөз. Эгерде Кудай Таалам кайсы бир нерседен тыйса андан тыйылып, Кудай Таалам кайсы бир нерсеге буйрук берсе мына ошону аткара турган болсок, мына ошол такыбалык.

Ал эми көр такыбалык деген дагы түшүнүк бар, ал болсо кээ бир адамдар же динди билбейт же башканы билбейт. Бирок ошол динди өзү каалагандай ойлоп түзүп алып ошону менен жашайт. Бул адамдар же Куранды же сүннөттү билбей өздөрүн кыйнап басып жүргөндөр. Бул болсо жогорудагы биз айткан такыбалыкка туура келбей турган маселе. Демек, такыбалык бул оомат келүүнүн жана ооматтуу болуунун, бардыгы жеңил болуунун, иши жүрүшүүнүн, жолу ачылуунун белгиси.

Ал эми күнөөкөр болуу, ак жолунан адашып кетүү, жаман нукка бурулуп кетүү бул адамдын жок болуп кетүүсүнө, жолу болбоосуна ошондой эле каргышка калуусуна түрткү болот.

Ал эми күүнөөлөрдүн жалган жашоодо бере турган терс таасирлеринин бири эгерде бир адам күнөө кыла турган болсо, дайыма күнөөлөрдөн чыкпай жүргөн болсо анда Алла Таалам ал адамдагы жакшылыктарды, ооматтарды кетирет. Ал жазаларды байлыкты алып коюу менен, ден соолукту алып коюу менен, жумушун, ошондой эле бак-таалайсыз кылуу менен ишке ашырат. Анын көчөдө калышы да мына ушул күнөөлөрдөн улам болуп калат.

Ушул боюнча бир окуя айтып берейин. Оштогу чайканалардын биринде бир мусапыр адам дайыма кайыр сурап же болбосо ошол чайканада тамактанып кеткендердин тамагынын артканын ичип, аларды аңдып күн кечирчү экен. Бирок кийин ал адам жөнүндө маалыматтар пайда боло баштайт. Көрсө ал кайырчы адам убагында бир үйдүн жалгыз эрке баласы болуп чоңойгон экен. Кийин акчанын көптүгүнө көөп, каалаганын уруп, каалаганын зордоп басып жүрүп, эгер арыздана тургандар болсо бир тоголок акчам менен баарын кыла алам деп эч кимди тоготпой жүргөн пенделердин бири болгон имиш. Бара-бара атасын уруп, аялын сабап ушу сыяктуу жаман бир мамилелерди кылат. Күндөрдүн бир күнүндө бул адамды психикалык жактан дарылоочу докдурлар келип алып кетип, бир топ убакыттан кийин келсе атасы кайтыш болуп, бала-бакырасынан дайын жок. Өзү ооруканадагы оорукчандар менен кошулуп жүрүп акыл-эсинен ажырап, жогоруда аткандай мусапыр кейпин кийип калганы айтылат.

Акчага көөп, арам ишке азгырылып кеткенден улам Кудай Таалам ал кишини бала-чакадан, байлыктан, ата-энеден, бакыттан, акыл-эстин баарынан ажыратып койду. Көптөгөн үй-бүлөлөр арак ичип, сойкулукка барып же жаман иштерди кылгандыктары үчүн өзүлөрүндө болгон бардык жакшылыктардан, оомматтардан кечип калышары баарыбызга белгилүү.

Бир убакта баары суктанган үй-бүлө кайсы бир убакта тамтыракайы чыгып калган учурлар кездешет. Демек, жанагыдай күнөө иштер адамдын башындагы бакыт кушун учуруп, анын башына балээлерди үйөрү болуп турган иш десек болот. Алла Тааланын элчиси Мухаммад алейхис салам айтат, адам өзүнө келе турчу ырыскыны өзүнүн кылган күнөөсү менен тосуп коёт, башкача айтканда адам күнөө кылуу менен ырыскыдан арамда калып, кур калат дейт. Демек, ырыскыңыздын азаюусу, ишиңиздин болбой жатышы сиздин кылган күнөөлөрдөн улам. Ошондой эле күнөө иш кылган, арак ичкен, сойкулук кылган, зынаакордук, паракордук кылган, сүткордук кылган, намаз окубаган, жоолук салынбаган, ушак айткан, жалган сүйлөгөн, орозо тутпаган, айтор, мусулманчылыктын жолунда жүрбөгөн адам илимдин нурунан жана билимдин нурунан кур жалак калат дейт. Ошондуктан Кудай Таалам жүрөгүбүзгө илимди, билимди ала турган нурду бере турган болсо, аны күнөө иштерибиз менен жууп салбашыбыз керек.

Демек, бир адам арамга түшүп кала турган болсо илимдин, билимдин нурун сезбей турган болуп калат жана ага нур дагы түшпөй турган болот. Кудум эле кумга жазган жазууну шамал өчүрүп кеткен сыңары алган билимибизди дагы күнөө иштерибиз жууп кетет. Күнөөлөр адамдын өмүрүнүн берекесин кетирет. Адамдын ырыскысынын берекесин кетирет, ошондой эле адамдын илиминин дагы ырыскысын кетирет. Кээ бир адамдар 8ге чыгат, кээ бир адамдар 80ге чыгат. Бирок ошол эле 8ге чыккан адам өмүрүндө эң чоң сооп иштерди жасап, ал эми 80ге чыккан адам 8 жаштагы балачалык жакшы амалдарды аткарбай коюусу ыктымал. Ошондуктан колубуздан келишинче мына ушул күнөөлөрдөн алыс болушубуз керек. Күнөө жүрөктү өлтүрөт. Демек, жашооңузда кайсы бир ишке көңүлүңүз толбой жаткан болсо өзүңүздү бир таразага салып, күзгүдөн карап көрүңүздөр, ошого карап оңолгонго аракет кылыңыздар.

Запись Күнөө кылуудан сактангыла! впервые появилась Formula.KG.

Твитте Жакты Бөлүш Бөлүш

 

Чындыгында эле, адам баласы сырын билбегени себептүү көптөгөн каардуу болуп көрүнгөн нерселерге, адегенде, капаланат. Андагы жашыруун мээримди көрө албайт. Ал эми кээде кооз болуп көрүнгөн нерселерге алданып, ичиндеги катылуу каарды байкабаит.

Бул боюнча бир окуя айтылат:
Араб урууларынын биринде бир олуя адам бар эле. Бул уруу ал олуянын сөзyн угуп, пейилдерин ошого жараша оңдошчу. Бир күнү ал урууга таандык иттердин баары өлүп калат. Бул нерсеге таң калган эл дароо олуяга келип, окуянын жөн-жайын сурайт.
Олуя болсо бир аз өз жан-дүйнөсүнө чөмүлүп, терең ойлонгондон кийин:

– Иттердин өлүмү силердин кутулушуңар деп үмүт кыламын, – дейт.
Эртеси күнү короздордун баары өлүп калат. Буга да таң калган эл кайрадан олуяга келип, ошол эле жоопту алат:
– Короздордун өлүмү силердин кутулушуңар деп үмүт кылам.
Анда бир киши мындай деп сурайт:
– Таксыр, иттер кароолчуларыбыз, короздор болсо азаңчыларыбыз эле. Булардын өлүмүнүн бизге кандай пайдасы бар? Олуя төмөнкүчө жооп кайтарат:
– Бул сырдуу даанышмандыктарды Аллах Таала билет. Албетте, ал бул окуянын ичине акылыбыз жетпеген чоң сырды каткан. Андан кийинки түнү элдин баарынын оту күйбөй коет. Бардыгы: «Дагы кандай балээ келди болду экен?» – деп тынчсыздана баштайт. Бирок эртеси эртең менен бул окуялардын сыры чечилет. Көрсө, акыркы түнү ал жерге душман басып кирген экен. Бирок эч кандай иттин үргөнүн, короздун кыйкырганын укпай, оттун кyйгөнүн көрбөгөндөрү себептүү, баары айылды таштап кетишкен окшойт деп, кетип калышыптыр. Ушинтип калк чоң апааттан кутулган экен. Мына, адам баласынын илиминин алсыздыгы жана ырайымсыздык болуп көрүнгөн мээримдүүлүк.

А. Эийнштеийн мындай дейт:
«Ааламдын жаратуучусу тамаша кылбайт. Жараткан нерселеринин эч бири кокусунан, же эсепсиз эмес. Биз акылыбыздын жетишинче бул дyйнөнүн ырааттуулугуна жана теңсалмактуулугуна таң калабыз. Табиятты изилдеген ар бир адам динди урматтайт деп айта алам. Анткени ал Алла Тааланын кудуретин түшүнөт. Ушундан улам терең ыйманга ээ болбогон чыныгы окумуштуунун бар экенине ишенбеймин. Муну төмөнкүчө түшүндүрсөк болот: Кудайдын бар экенин билдирбеген илимдин болушу мүмкүн эмес. Илимсиз дин сокур, динсиз илим болсо аксак.»
Ушул сыяктуу, конкреттүү илимдер менен шугулданган канчалаган кайырдин окумуштуулар исламды кабыл алышты жана канчалары ыйман келтирбесе дагы, Алланын бар экенин моюнга алганга мажбур болушту. Бул – Курандын муужизасы.
Алла Таала мындаи дейт: «(Чыныгы) илим ээлери Раббиңден сага түшүрүлгөн нерсенин (вахйидин) чындык экенин жана Хамид (даңктуу), Азиз (кудуреттyy) Алланын жолуна баштоо экенине көздөрү жетишет.» (Сабаъ: 6)…

«Мунун чындык экени ачык болушу үчүн, аларга (адамдарга) мейкиндиктеги жана өздөрүндөгү белгилерибизди көрсөтөбyз. Раббиңдин бардык нерсеге күбө болгону жетиштүү эмеспи?!» (Фуссилат: 53)…

Ааламга ибарат алуу максатта караган ар бир көз андан бул белгилердин санак жеткис мисалдарын көрө алат: Бул дyйнөдө жалгыз гана адамдар жана жаныбарлар болгондо, табияттагы бүткүл кычкылтекти колдонуп, көмyр кычкыл газына айлантып, белгилүү убакыттан кийин көмүр кычкыл газына ууланып калышмак. Бирок бул ааламды жараткан Кудурет өсүмдүктөрдү да жаратып, аларга көмүр кычкыл газын кычкылтекке айлантуу жөндөмүн берүү аркылуу бул дyйнөнүн теңсалмактуулугун сактоодо. Ошондой эле Жаратуучу жер шарынын төрттөн үч бөлүгүн суу менен толтурган. Төрттөн биринин чоң бөлүгүн өсyмдyк өспөгөн тооташ, же чөл катары жараткан. Калган аз гана бөлүгү топурак. Бирок Алланын кудуретинин улуктугун карабайсыңарбы, бул топуракты өзгөрмөлүүлүгү жана бир абалдан экинчи абалга өтүүчүлүгү менен бүткүл жан-жаныбарларды азыктандыра турган азык-түлүк булагы кылган…

Албетте, көкүрөгү ачык адамдар үчүн ааламдардын Раббиси болгон Аллах Тааланын бул дyйнөдө көптөгөн апачык далилдери бар. Алланын достору бул чындыкты жүрөктөрүндөгү бардык сезим-туюмдар аркылуу кабыл алып жашашат. Анткени алардын жүрөктөрү жалган дyйнөдөн баш тартканы үчүн чындыкка жана Аллах Тааланын сырларына ээ болушкан. «Өлөрдөн мурун өлгүлө!» – деп, хадисте айтылгандай, напсинин тузактарынан кутулгандардын жүрөктөрү дайыма ойгоо болот жана көздү кызыктырган дyйyнөлүк кызыкчылыктардан айрылып, Аллах элчисинин руханиятында жашоого ээ болушат. Аларда Аллах Таала тууралуу кымындай да шек-күмөн туулбайт. Төмөнкү мисал – бул чындыктын апачык көрүнүшү:

Бир жолу чоң олуялардын бири Жунайди Багдади элдин баары бир тарапты көздөй шашылып баратканын көрүп, минтип сурайт:

– Каякка шашып баратасыңар?
– Баланча жерге бир аалым келиптир! Аллах Тааланын бар жана бир экендигин миңдеген далилдер менен далилдеп берет экен. Анын бул далилдеринен жана түшүндүрмөлөрүнөн пайда алганы баратабыз. Кааласаң, биз менен жyр! Анда Багдади аларга аргасыз жылмайып, минтип жооп кайтарган экен:
– Көргөн көздөр, уккан кулактар жана сезген жүрөктөр үчүн ааламда Аллах Тааланын сан жеткис далилдери бар. Эй, калайык-калк!
Буларга карабастан дагыле шек-күмөнү болгонуңар бар болсо, бара бергиле!
Биздин жүрөгүбyздө күмөндүн кыпыны дагы жок.
Бул маанини Алланы тааныган улуу инсандар мындай дешет:
«Негизинен, Аллах Таала көздөн кайып эмес. Бирок биздин чектелген мүмкүнчүлүк жана сезим-туюмубузду эске алуу менен «Көрүнүшүнүн күчтүүлгүнөн аны көзү көрө албайт»десе болот.»

Мисалы, бөлмөдө 5000 вольттук жарык жанса, адам бул жарыктын астында эч нерсени көрө албай калат. Аллах Тааланын көрүнүшү дагы так эле ушул сыяктуу. Тагыраак айтканда, адамдын дарамети Аллах Тааланы көрүүгө жетпегендиктен, ал кайып сыяктуу көзгө көрyнбөйт. Аллах Тааланын Муса Алейхиссаламга: ЛАН ТАРААНИИ «Мени көрө албайсың!» (Аьраф: 143) – деп айтышы ушул себептен улам….

Убаадат бин Саамит (Алла андан ыраазы болсун) деген сахабадан жазылып алынган хадисте Пайгамбарыбыз (саллаллоху алейхи васаллам) мындай деген:
«Кимде-ким түн ичинде ойгонсо, мындай деп айтсын: Алладан башка кудай жок. Ал жалгыз – шериги жок. Бардык мал-мүлк аныкы, мактоолор ага таандык. Анын бардык нерсеге кудурети жетет. Аллах бардык кем сыпаттардан аруу, Аллах улук. Бардык ибадаттар үчүн керектүү болгон күч-кубат Алладан.»…

Андан соң пайгамбарыбыз мындай деди: ««Раббим! Мени кечир» – деп, дуба кылса, дубасына жооп берилет. Эгер даарат алып, намаз окуса, намазы кабыл болот.» (Бухарии, Тахажжуд, 21)
Дагы бир жолу мындай деген: «Кимде-ким Алладан, же бир кишиден жардам сурагысы келсе, алгач жакшылап даарат алсын, анан эки ирекет намаз окусун. Андан кийин Аллах Таалага мактоолорду жана Расулаллага (саллаллоху алейхи васаллам) салават айтсын. Анан мындай деп дуба кылсын:
«Халим (жумшак) жана Керим (айкөл) болгон Алладан башка теңир жок. «Аршы азамдын» Эгеси кемчиликтүү сыпаттардан аруу. Мактоолор ааламдардын Эгесине таандык. Йа, Рабби! Мээримиңе ортомчу болор амалдарды, кечиримиңе татыктуу кылган себептерди жана ар түркүн жакшылыктардан байлыктарды сурап, түрдүү кyнөөлөрдөн сак-саламат кутулууну каалаймын.
Йа, Рабби! Бардык күнөөлөрүмдү кечир, бардык муктаждыктарымды жойгун! Сен кайсы иштен ыраазы болсоң, ошону бер, Эй, өтө боорукер, өтө ырайымдуу Раббим!»…Омииийн!!!

Запись ААЛАМДЫН ЭГЕСИ БИР ГАНА АЛЛАХ! впервые появилась Formula.KG.

Твитте Жакты Бөлүш Бөлүш

Биздин ар бирибиздин үйүбүздө бейишке карай ачылган эшик бар. Бирок тилекке каршы, көпчүлүгүбүз эшик ачык турганда анын кадырына жетпей, качан гана ал жабылып калганда гана бармагыбызды тиштеп өкүнүп, «аттиң ай!..» – деп арман кылабыз. Деги ал кандай эшик болду экен?

Ал албетте, биздин ата-энебиз.

Жахима Пайгамбарыбызга келип:

– Оо, Алла Тааланын Элчиси! Мен казатка аттангым келди. Мына ошондуктан сени менен кеңешкени келдим, – деди.

Пайгамбарыбыз андан:

– Сенин энең тирүүбү? – деп сурады.

Ал:

– Ооба – деп жооп берген кезде, Пайгамбарыбыз ага карап:

– Андай болсо, анын алдынан жылбагын. Анткени бейиш – анын таманынын астында – деди.

Мына ушул хадистин негизинде: «БЕЙИШ – ЭНЕЛЕРДИН ТАМАНЫНЫН АСТЫНДА» – деген куттуу сөз айтылып калган.

Урматтуу мусулман бир тууганым!

Бейиш сенин энеңдин таманынын астында болсо, анын ортоңку дарбазасы сенин атаң болсо, анда эмне үчүн сен бейишке кирүү мүмкүнчүлүгүнүн кадырына жетпейсиң!? Эмне үчүн бейиштин эшиги сенин үйүңдө турса, аны башка тараптан издейсиң?

Мурдагы заманда ыймандуу адамдардын бирөөсүнүн энеси каза болот. Ал абдан кайгырып, көз жашын төгө боздоп ыйлайт. Курбу-курдаштары аны жубатканга аракет кылышканы менен анын ыйын токтото алышпайт. Эч айласы калбаганда курбу-курдаштары ага:

– Сен эмне Алла Тааланын тагдырына нааразы болуп жатасыңбы?! Энең менен акыретте жолугарыңа ишенбейсиңби?! – деп айтышат. Ошондо энесинен айрылган тиги киши:

– Мен энемдин каза болгонуна эмес, үйүмдөгү бейиштин эшиги жабылып калганына абдан кайгырып жатам – деп жооп берген экен.

Азыркы учурда баарыбыздын жумушубуз көп. Кээ бирибиз жумуш, кээ бирибиз окуу, дагы кай бирибиз ар түрдүү көйгөйдүн артынан чуркап, үйүбүздөгү бейиштин эшигин эсибизден чыгарып коёбуз.

Убакыт деген – бул зымырык куш тура. Эч бир нерсе мурдагысындай эле бир калыпта өзгөрбөстөн тура бербейт экен. Жаңы эскирет, мата жыртылат, темирди дат басат, тирүү жандык өлөт, бар жоголот, жок болгон унутулат… Мына ошондуктан үйүңүздөгү бейишке карай ачылган эшик дайыма эле ачык тура бербейт экен. Анын да жабыла турган учуру келет тура. Бирок анда баары кеч болуп калат.

Абдуллах бин Масуд Пайгамбарыбызга келип:

– Оо, Алланын элчиси! Кайсы амал Алла Таалага ары жагымдуурак, ары сүйкүмдүүрөөк? – деп сураганда, Пайгамбарыбыз ага:

– Өз убагында окулган намаз – деп жооп берет. Кутман сахаба:

– Андан кийин кайсы? – деп узаткан суроосуна:

– Ата-энеге жакшылык кылуу– деген жооп алат.

Кутман сахаба кайра эле:

– Андан кийин кайсы? – деген суроосун узатканда, ага Пайгамбарыбыз :

– Алла Тааланын жолунда жихад кылуу – деп жооп берет.

Алла Тааланын жолунда жихад кылуу, казатка аттануу – исламдагы эң маанилүү жана өтө сооптуу амалдардан болуп саналат. Алла Тааланын жолунда жихадга чыккан адам ошол казатта шейит кетсе, анын бейишке кирүүсү милдеттүү болуп калат. Ал адамдын денесинен аккан кандары кыямат күнүндө миск-атырдын жытындай жыпар жыты буркураган шейит болот. Бирок, Пайгамбарыбыз ата-энеге жакшылык кылууну жихаддан да алдыңкы, андан да жогорку орунга койгон.

Ардактуу Пайгамбарыбызга бир жигит келип, анын да жихадга аттангысы келгендигин, ошон үчүн уруксат берүүсүн суранат. Анын сөзүн угуп, оюн билгенден кийин Пайгамбарыбыз андан:

– Сенин ата-энең тирүүбү? – деп сураганда тиги жигит:

– Ооба, экөө тең тирүү – деп жооп берди. Анын жообун уккандан кийин Пайгамбарыбыз ага:

– Андай болсо, сен ал экөө үчүн жихад кылгын, – деген кеңешин айтып, ал жигиттин жихадга чыгуусуна уруксат бербестен, ата-энесине кызмат кылуусун буйруган.

Биз бул хадисти көп эле жолу угуп жүрөбүз. Бирок, анын маанисин, хадистин төркүнүн жакшы түшүнбөйбүз. Пайгамбарыбыздын, «андай болсо, сен ал экөө үчүн жихад кылгын» – деп айтышынын себеби, ата-эне картайган кезде алдан-күчтөн тайып, башка бирөөнүн көмөгүнө аябай зар болуп калгандыгы үчүн аларды кароо перзенттери үчүн оор болуп калышы толук мүмкүн. Анткени, картайган адамдын кыялы жаш баланыкындай болуп калары бышык. Андай кезде аларга демейдеги кадыресе болгон сөздөр да оор болуп, ар бир айтылган же жасалган ишти өзүнүн көңүлүнө жакын алып алуусу турган иш. Баласынын айткан сөзүнө түшүнбөй же кулагы укпай калышы ыктымал. Мына ошондой учурда баласы ата-энесине сабыр кылып, аларга кызмат кылуусу – бул Алла Тааланын жолунда жихад кылууга тете. Керек болсо, андан да жогору турат.

Эми өзүң терең бир ойлонуп, өткөндү эстечи. Сенин да тилиң жаңы гана чыгып, көзүңө көрүнгөн нерсенин баарын «ал эмне?», «тетиги эмне?»- деп сурай бергениңде, ата-энең тажабастан берген суроолоруңдун баарына жооп берчү эле го. Алар сага бир да ачууланбастан, кайра тескерисинче, сенин ар бир сөзүңө кубануу менен жооп беришчү. Сен эми ошонун акысын, кайрымын бербейсиңби?

Ата-эне ооруп төшөктө жатып калса, ордунда даарат ушатып калса, сен ага сабыр кылып, жихад кылгын. Сен да ымыркай кезиңде, ордуңда даарат ушатчу кезиңде сенин энең ар бир саат сайын алдыңды тазалап, сени бапестеп караган эмес беле?! Ал сенин андай жоруктарыңа ачууланбастан, кайра тескерисинче, «баламдын ден соолугу таза экен» – деп, кубанычтан албырган жүзү менен сага мээримин төкчү. Сүйүктүү Пайгамбарыбыздын, «андай болсо сен ал экөө үчүн жихад кылгын!» – деп айткан сөзүнүн мааниси, түпкү төркүнү мына ушунда жатат.

Урматтуу мусулман бир тууганым!

Эненин перзенти үчүн тарткан азабы, толгоосу, чүрпөсүн багуудагы көргөн кыйынчылыгы, эмизген ак сүтү, кылган кызматы эч качан акталбайт. Эч бир жан энесинин ак сүтүн, баласы үчүн кылган кызматынын акысын толугу менен төлөй да, актай да албайт.

Улуу сахабалардын бири Абдуллах бин Умар ажылык амалын аткарып жаткан учурда, энесин мойнуна көтөргөн бир жигит келип:

Мен энемди Хорасандан бери мойнума көтөрүп келип, Каабаны жети айланып, ажы амалдарын аткарттым. Эми мен энемдин ак сүтүн актай алдымбы? – деп сурайт. Ал кишинин айткан сөздөрүн уккандан кийин Абдуллах бин Умар ага мындай дейт:

– Жок! Сен энеңдин ак сүтүн актаган жоксуң. Керек болсо, анын сени төрөш үчүн тарткан бир толгоосун да актаган жоксуң. Бирок, сен сооптуу иш жасап, энеңе жакшылык кылдың. Ошентсе да, Алла Таала аз гана амалга мол сооп бере турган Айкөл Зат.

Чынында эле карыган ал байкуш эне өз алдынча эч бир нерсе жасай албайт эле. Уулу энесин даарат ушаттырып, ага даарат алдыргандан кийин түз эле ошол кездеги улуу халифа Умар бин ал-Хаттабга барды. Себеби, улуу халифанын уулу Абдуллах бин Умардын айткан сөзүнө канааттанган эмес. Жигит халифанын алдына кирип, энесин тээ алыстан бери көтөрүп келип, ажылык амалдарын аткартканын айткандан кийин:

– Оо, момундардын амири! Адилеттүү өкүмдар! Мен энемдин акысын, ак сүтүн актай алдымбы? – деп сурайт.

Умар ага жөн гана жайбаракат, бирок ишенимдүү түрдө:

– Жок! Актай алган жоксуң – деп айтты.

Мындай жоопту күтпөгөн жигит халифадан оң маанайдагы жоопту алуу үчүн:

– Карасаңыз! Жакшылап ойлонуп көрсөңүз… Мен аны жонума көтөрүп келбедимби?.. Бүтүндөй убактымды ага бөлүп, өзүм кызмат кылбадымбы?– дейт.

Ошондо халифа Умар ага мындай дейт:

؟

– Өзүң да бир ойлонуп көрчү. Энең да сага жаш кезиңде кабагым-кашым дебестен кызмат кылган. Бирок, ал кызмат кылган кезинде сенин көпкө жашашыңды тилек кылган. Азыр сен да энеңе кызмат кылып жатасың. Бирок, сен кызмат кылып жатып, мындай кыйынчылыктан батыраак кутулууну самайсың. Эми өзүң айтчы, экөө бири-бирине тең келеби, оо, Кудайдын кулу?

Алла Таала Курани Каримде минтип айткан:

«Биз инсанга ата-энесине жакшылык кылууну осуят кылдык. Энеси аны кыйынчылык үстүнө кыйынчылык менен көтөрүп жүрөт. Төрөлгөн соң аны эмизүү мөөнөтү эки жыл. (Оо, инсан!) «Мага жана ата-энеңе шүгүр кыл! Мага гана кайтасыңар!» – деп айткан.

Мына ошентип ата-энеге жакшылык кылууну Алла Таала бизге осуят кылды. Ошондой эле, осуяттын өкүмү буйруктун өкүмүнөн жогору турат.

Оо, менин мусулман бир тууганым!

Карагын. Энең сени кыйынчылык-тын үстүнө кыйынчылык менен тогуз ай көтөрдү. Эненин курсагында бала чоңойгон сайын аны көтөрүү эне үчүн кыйындагандан кыйындай берет. Ошого карабастан, курсагындагы бала чоңойгон сайын эненин кубанычы да көбөйүп, арта берет. Андай кубанычты энелерден башка эч бир жан билбейт. Эне тогуз ай курсагына көтөрүп төрөгөн баласын эки жылдай кучагында, көкүрөгүндө көтөрөт. Андан кийин деле өмүр бою жүрөгүндө көтөрүп жүрөт. Ошентип, эне өзү бул дүйнөдөн өтүп кеткенге чейин балдарын кыйынчылык үстүнө кыйынчылык менен жүрөгүндө көтөрөт. Эненин сен үчүн кылган мына ошондой жакшылыктарына шүгүр келтирбесек, ага өз ыраазычылыгыбызды билдирбесек, кызматын кылбасак, анда биз кимбиз?! Ата-энени ыраазы кылып, алардын бата-дубасын ала албаган адам бул дүйнөдө да, акыретте да бактылуу боло албайт. Бул тууралуу мына бул куттуу хадисти айтпай кетсек болбостур:

Бир жолу Сүйүктүү Пайгамбарыбыз минбарга чыгып баратып:

– Тумшугу менен кара жерге кирсин! Тумшугу менен кара жерге кирсин! Тумшугу менен кара жерге кирсин! – деп кайталайт.

Сахабалардын бири:

– Оо, Алла Тааланын Элчиси, кимди айтып жатасыз? – деп сурайт.

Ошондо Пайгамбарыбыз :

– Улгайган ата-энесинин бири же экөө тең тирүү кезинде, бейишке кире албаган адамды, – деп жооп берет.

Күндөрдүн биринде Муса пайгамбар Алла Таалага кайрылып: «Оо, Кудайым! Бейиште мени менен бирге боло турган адамды мага көрсөтчү» – деп суранат. Алла Таала тарабынан: «Азыр сенин жаныңдан өткөн адам сени менен бейиште бирге болот», – деген жооп келет. Ошол убакта анын жанынан жупуну кийинген касапчы жигит өтүп калат. Муса Пайгамбар таң калат да, анын артынан ээрчип жөнөйт. Жигит кичинекей бир алачыкка барып, ичине кирип кетет. Муса пайгамбар анын артынан келип караса, жигит бир картайган кемпирге тамак берип, анын буту-колун ушалап, ага төшөк салып берет. Кемпир анын кулагына шыбырап дуба кылат. Жигит кайра чыккандан кийин Муса пайгамбар андан: «Бул кемпир ким?», – деп сурайт. Жигит: «Бул менин энем. Күн сайын жумуштан келгенде ага тамак берип, ал-абалын сурап турам», – дейт. Муса пайгамбар: «Ал сага азыр эмне деп бата берди?», – деп кызыга сурайт. Жигит ага: «Оо, Алла Таалам! Менин баламды Имрандын уулу Муса Пайгамбар менен бейиште бирге кыла көргүн деп дуба кылды», – дейт. Муса Пайгамбар: «Анда энеңдин дубасы кабыл болуптур. Мен Имрандын уулу Мусамын. Алла Таала тарабынан мага экөөбүздүн бейиште бирге боло тургандыгыбыз тууралуу кабар келди» – деп жигитке сүйүнүчтүү кабар айтат.

Келиңиздер! Бир жакшылап ойлонуп көрөлүчү. Эмне үчүн биздин азыр кылган дубаларыбыз кабыл болбой жатат? Балким, бул атабыздан же энебизден жүз сом акчабызды аяп жатканыбыздан болуп жүрбөсүн? Ар бирибиз өзүбүзгө-өзүбүз суроо берип көрөлү: Ата-энеңе акыркы жолу качан белек алып бердиң эле? Аларды акыркы жолу качан зыярат кылдың? Алардын ал-абалын акыркы жолу качан сурадың экен?..

Урматтуу мусулман бир тууганым!

Ооба, баарыбыз ибадат кылууну, сооптуу амалды жасаганды каалайбыз. Намаз окуйбуз, ажылык амалын аткаргыбыз келет. Бирок, ошол ибадаттардын сообундай соопко ээ кыла турган ата-энеге жакшылык кылуудан эмнегедир аксап келебиз.

Куттуу хадистердин биринде минтип баяндалат:

Анас бин Маликтин айтканы боюнча:

Сүйүктүү Пайгамбарыбызга бир киши келип:

– Мен да жихадга чыгууну самаймын. Бирок, ага менин кудуретим жетпейт, – дейт.

Пайгамбарыбыз андан:

– Ата-энең тирүүбү? Жок дегенде бирөө барбы? – деп сурайт. Ал киши:

– Ооба, энем бар, – деп жооп берет.

Ал кишинин жообун алгандан кийин Пайгамбарыбыз ага минтип айтат:

– Энең тууралуу Алла Тааладан корккун (жана ага урмат-сый көрсөтүп, жакшылап карагын)! Эгер энең (жасаган кызматың үчүн) сага ыраазы болсо, анда сен ажы, умра жана жихадга чыккан (ушуларды аткаргандай чоң соопко ээ) болосуң. Алла Тааладан корккун жана ага жакшы мамиле жасагын!

Факих Абу Исхак ал-Бухарий аттуу аалымга бир шакирти келип:

– Устаз, мен түшүмдө сиздин сакалыңыздан каухар-берметтердин куюлуп жатканын көрдүм, – дейт. Ага устазы жылмайган абалда күлүмсүрөп:

– Мен сакалымды энемдин таманына сүртүп жаткан болчумун, – деп жооп берген экен.

Эми ушул жерде энесине ак кызмат кылгандыгы үчүн Сүйүктүү Пайгамбарыбыздын мактоосуна татыган жана анын дубасын алганга сахабаларды үндөгөн адам тууралуу айта кеткенибиз оң болуп турат.

Күндөрдүн биринде Пайгамбары-быз улуу сахабалардан Умарга) карап:

– Эгер, йемендик Увайс бин Аамир силерге келип калса, колуңардан келсе анын дубасын алып калганга аракет кылгыла, – деген кеңешин айтат.

Увайс бин Аамир Йеменде жашаган жана Пайгамбарыбызды көргөн эмес. Ал эми Пайгамбарыбыздын андан дуба сурагыла деп айтуусуна, Увайстын ата-энесин абдан урматтагандыгы жана аларга кылган ак кызматы себеп болгон.

Ошентип Умар ар дайым Йеменден келген адамдардан: «Увайс аттуу адам келдиби?», – деп сурап жүрөт. Бир жолу адаттагыдай эле соода кылуу үчүн келген йемендиктерден сураса, алар ага Увайсты көрсөтүшөт. Ага келип:

– Сен Увайс бин Аамирсиңби? – деп сурайт. Тиги:

– Ооба, – деп жооп берет.

– Сен ала оорусу менен ооруп айыккан белең?

– Ооба. Мен ала оорусу менен ооруп айыкканмын. Бирок, бир теңгедей гана жерим ак боюнча калган, – деп ошол жерин көрсөтөт. Умар:

– Сен мен үчүн дуба кыл. Сенин батаңды алып калайын – деп суранат. Увайс:

– Оо, момундардын падышасы! Сен Пайгамбарыбыздын эң сүйүктүү жолдошу болсоң, мен сага кантип дуба кылып, кантип бата бермек элем? – деп баш тартат. Анда Умар:

– Мен Пайгамбарыбыздын: «Эгер Увайс келсе, андан дуба кылуусун сурангыла, батасын алып калганга аракет кылгыла» – дегенин укканмын. Андыктан, келгин да бизге өз батаңды бергин, – дейт.

Мына ошондой улук адамдан Пайгамбардын оозунан өзүнүн аты чыкканын уккан Увайс кубанганынан ыйлап, дуба кылып, батасын берет.

Урматтуу мусулман бир тууганым!

Алла Таала ар бир күнөө үчүн жаза даярдаган. Күнөөкөр пенде акыретте күнөөсүнө жараша жазаланат. Ал эми ата-энесин нааразы кылган адамдын жазасы акыретте да, бул дүйнөдө да болот. Ата-энесин карабай таштап кеткен, ата-энесине кол көтөргөн, аларга тил тийгизген, аларды жаман көзү менен караган ар бир бала жана кыз эртең эле өзү да ата-эне болот. Алар ата-энесине кылган мамилени ашык-кеми жок өз балдарынан көрөрү шексиз. Бул Алла Тааланын алар үчүн бул дүйнөдө берген азабы. Пайгамбарыбыз :

«… Ата-энеңерди урматтап-сыйлагыла! Мына ошондо өз балаңардын урмат-сыйын көрөсүңөр…» – деп айткан. Ал эми ата-энени нааразы кылган адам үчүн болуучу акырет азабы айтпаса да баарына маалым.

Урматтуу мусулман бир тууганым!

Ата-эне бизден эмнени каалайт? Аларга биздин акчабыз, малыбыз, байлыгыбыз керек эмес. Аларга болгону сенин бир ооз жылуу сөзүң гана, бир гана жылуу көз карашың, болор-болбос убактың гана керек. Сенин аялың: «Алып келген жоксуңбу, качан алып келесиң?» – деген сөздөрдү айтып, алууну гана каалайт. Ал эми энең болсо: «Алып кеткен жоксуңбу, качан алып кетесиң?» – деп, берүүнүн гана камын ойлойт. Аялыңдын көңүлү чөгүп, сага таарынымыш болуп калса, анын көңүлүн көтөрүү үчүн колуңдан келгендин баарын жасайсың. Эми энеңдин көңүлү кандай экенин сурабаганыңа канча күн болгонун бир эстеп көрчү?

Бир жолу зер буюмдарды саткан дүкөнгө жаш жигит аялы менен кирип калат. Алардын артынан жаш баланы көтөргөн улгайып калган аял да кирет. Келин сөйкө, шакектерди тандап отуруп, акыры эки жүз долларга бир сөйкө сатып алат. Жигит анын акчасын төлөп жаткан мезгилде, сатуучу ага: «Эки жүз сексен доллар бересиз», – дейт. Жигит: «Кандайча? Эмне үчүн?» – деп сураганда, сатуучу: «Мына бул аял да сексен долларга бир шакек алды»,– деп, жанагы бала көтөргөн аялды көрсөтөт. Ошондо ачууланган жигит: «Сага мунун эмне кереги бар эле?» – деп тиги аялга кыйкыра баштайт. Аял уялганынан колундагы баланы жерге коюп, шакекти таштайт да, дүкөндөн чыга качат. Келин күйөөсүнө карап: «Сен эмне үчүн ага айкырасың?! Эми баланы ким көтөрөт? Ким карайт?»– деп аны жекире баштайт. Жигит жерде жаткан шакекти алып, сыртка чыгат да, тиги аялга карап: «Эне кечирип коюуңуз, ала бериңиз бул шакекти» – деп, ага сунат. Бирок, көзүнө жаш алган эне жүзүн буруп: «Ыракмат балам. Мен эми өмүрүм өткөнчө шакек тагынбаймын» – деп жооп берет. Көрсө, жанагы улгайган аял ошол жигиттин энеси экен.

Урматтуу мусулман бир тууганым!

Баарыбыз өзүбүздү мусулманбыз, ыймандуубуз деп эсептейбиз. Келгиле, ушул куттуу мечиттен чыкпастан туруп өзүбүзгө мусулмандык убадабызды берели.

Ким ата-энесинен көптөн бери кабар ала элек болсо, барып кабар алсын.

Ким ата-энеси менен көптөн бери сүйлөшө элек болсо, телефон чалып ал-акыбалын сурасын.

Ким көптөн бери ата-энесине белек тартуу кыла элек болсо, белек берсин.

Ким шайтанга азгырылып ата-энесин нааразы кылып койгон болсо, кечирим сурасын.

Ал эми кимдин ата-энеси бул дүйнөдөн өтүп кеткен болсо, Куран окуп, аларга багыштап дуба кылсын.

Оо, Алла Таалам! Ар бирибиздин билип-билбей кылган күнөөлөрүбүздү кечиргин! Ата-энелерибиздин да кылган күнөөлөрүн кечиргин! Ата-энебиз бизге ымыркай кезибизде кандай мээрим төккөн болсо, сен да аларга ошондой, керек болсо андан да ашкан өз мээримиңди төккүн.

Оо, Алла Таалам! Ар бир баланы ата-энесин урматтоочу, аларга ак дилден кызмат кылган, кылган жакшылыктары себептүү ата-энесинин батасын алган бактылуу пенделериңден кылгын.

Оомииин!..

“Саресеп”

Запись Абдышүкүр ажы Нарматов: “Ар бир үйдө бейишке карай ачылган эшик бар” впервые появилась Formula.KG.

Твитте Жакты Бөлүш Бөлүш

 

Омар Хайямдан сурашты:
-Эмне үчүн кедей жашагандар, бай адамдарга караганда ак көңүл болушат, байлар болсо өзү менен өзү болуп эле жүрө беришет?
-Сен мобу айнектин сыртын карачы, эмнени көрүп турасың?
-Эшикте балдар ойноп жатышат, дарактар бүрдөй баштаптыр.
-Эми бул күзгүдөн карачы, эмнени көрүп жатасын?
-өзүмдү гана көрүп турам…
-Көрдүнбү, бул экөөсү тең эле айнектен жасалган нерселер.Бирок, бирөөсүнө бир аз эле күмүш сүртүп койгону үчүн сен ал жерден өзуңдү гана көрүп калдың….
……………………………………………………………………
Адам баласы да өз жашоо чыйырында колуна акча бир аз эле тийгенде көзүн «май басып», заматта кечээ эле көңүл бурган адамдардан жүз буруп, өзүнөн башканы көзгө илбей калаары абдан аянычтуу жана жаман көрүнүш.

Демейде адамзат күзгүдөн өз келбетин оңдоп,тышкы сулуулугуна кам көрүү үчүн, күндө жок дегенде бир эки жолу өзүн күзгүдөн карап коёт. А бирок, биздин жан дүйнөбүздү сулууланткан иштерге көңүл бурдук бекен!? Биздин ички дүйнөбүздү сулуулантуу башкаларга көңүл буру менен сулууланып көркүнө чыгат эмеспи.

Кээче эле сиз үчүн жүз сом бир күндүк балдарыңызга кубаныч тартуулай турган чөнтөгүңүздүн эң жогорку кабатында орун алган кадырлуу акча эле . А азыр бүктөлөгөн чөнтөктүн бир кычыгында ботиңкеңиздин бир жалтыратып майлап койгон кадырсыз , ооз- мурду май болгон бээчара ботиңке майлагычтын кадырлуу акчасына айланды….

Кээче эле сиз үчүн жаңы кийим балдарыңыз, жубайыңызга чоң кубаныч тартуулоочу ,аны кийип башкача сезимдер менен ,ал кийимди шкафыңыздын эң жогорку илгичине илип койчуусуз. А азыр кийимдин четинен чертип, бир -эки жуулгандан соң, ал эски болбойт,”кийүүгө жарабайт, досторум көрсө эмне дейт,кечээки көйнөгүн дагы кийип алыптыр деп айтышат “деп бир кычыкка бекитип, же күйгүзүп таштай турган абалга жеттиңиз…

Кээче эле сиз үчүн майы тамып турган унаңыз бир жүрүп бир өчүп турса эч кейибестен оңдоп, аарчып. Сүйүүнү ,шүгүр менен айдайт элеңиз, ажырагыс жан шеригиңиз болчу. А азыр сиз үчүн жарыбаган, шалдыраган, күлкүлүү, бирөөнүн миңгенин көрсөңүз “шылдыңдап ушуну да минет бекен ,шарактатпай жаңысын алып алса болбойт бекен оңбогур “дегендерден болуп калдыңыз…

Кээче эле сиз үчүн эки бөлмөлүү үйдө жашоо канчалык бакыт,үй куруп алсам болгону, үй -бүлөм, бала -чакам менен акырындан жашай бермекпиз шүгүр кылам дечүү элеңиз. А азыр сиз үчүн эки бөлмөлүү үй тоок канага окшоп көрүнүп калды,кабат -кабат куруп, ичин “евро” кылуу керек,заманбап кооздуктар менен коооздоп, башкалардан өзгөчө, ашса ашсын кем калбасын дегендерден болуп калдыңыз…

Кээче эле сиз үчүн топтолуп үй -бүлөө менен жер төшөнчөдө, бир дасторкондо олтуруу,дасторконго коюулган каранан менен карандай чай ичсеңиз деле, баарыңар бир табактан чогуу тамак жесеңер деле канчалык даамдуу болчу. А азыр жерде олтуруу маданиятуулукка жатпайт,бир идиштен жеген болбойт,кол менен эмес кашык-вилке менен жеш керек, болбосо эл алдына уят болот, тамактануу адебин билбеген малдарга окшоп калбайбы деп айтышпайбы деп калгандардан болдуңуз…

Кээче эле сиз үчүн ата -энеден кабар алуу, үй -бүлөөңүз, балдарыңыз, дос -туугандар менен маектешип, сурашып, бөлүшүп олтуруу кандай гага маанилүү иштерден болчу. А азыр убакыт жок, ишим калып, бизнесим токтоп калат.Ата -эне,жубай,балдарга,дос -туугандарга көңүл буруу, салам айтууну акча менен эсептеп,акча болсо барын чечүүгөө болот деп калгандардан болдуңуз…

Бул сөздөр байларга тиешелүү сөздөр деп ойлоп жаткандырсыз. Бул жерде балким байлык тууралуу эмес адамзаттын өзгөрүүсүү тууралуу кеп болуп жатат. Сиз да өзүңүзгө назар салып,күзгүдөн эмес айнектен караганды үйрөнүңүз,балким сиздин карай турган айнектер да чаң басып калгандыр… анткени , азыркы күндө биздин абал ушундай текеберлик вирусу менен ооруп калганбыз,атаңдашып үй салмай,унаа алмай,кийимдердин моодасынан чертип киймей, тамактарды тандап жемей, бири -бири менен жарышмай,менде жок анда бар жетишим керек, мен да ошондой алышым керек дегендерден болуп калдык. Же туура эмесби? Анткени биз Аллахтын берген эсепсиз нематтарынан кадырана жетпей, аз шүгүр кылып калдык. Деги эле эмне үчүн биздин ыйманыбыз алсыз,дубаларыбыз эмне үчүн кабыл болбой жатат!? жашообүз эмне үчүн оңолбой жатат?! Намаз окусак деле,Орозо кармасак деле,Куран окусак деле?анткени биздин жүрөгүбүздүн тынчын алган текеберлик кылган амалдарыбызды күйгүзүп жатат.
Айланабызга көз чаптырып көрөлүчү ,биздин Кыргызстандай дин эркиндиги башка өлкөлөрдө жок.Эң көп Медресе,эң көп Намаз окуган,эң көп Куран окуган,эң көп Дааватчы бизде болуп жатат, а бирок ,бизге Аллахтын Мээрими,Берекеси төгүлгөндүн ордуна жакындан бери элибиздин башы кырсыктан чыкпай калды.
Пайгамбарыбыздын хадистеринде бир учур келет чындыкты жалган жаап калат деген учур азыркы күндө бизге келди. Жалган дегенде кандай чындык,акыйкатты билип, көрүп турсак да моюн сунбай калдык ,билбегенге караганда билгендер көп бирок сүйлөгөн сөзүбүзгө сөзүбүз жылмайганыбызга ичибиз ,кийгенинебизге адебибиз
дал келбей,чындыкты айткан адам эң байкуш банкрот адам деп билип калдык. Ал айта берет дей берет ,көрө албайт,кызганып жатат деп маани бербей чындыкты баткак менен булганга аракет кылып жаткан учурубуз. Сиз билип коюңуз жалгандын өмүрү кыска,чындыктын өмүрү түбөлүкттү качан болбосун бир жеңери маалым. Мунун кесепетинен, текеберлегибизден Аллахтын кааарына калып жатат бекенбиз.
Демейде кырсык -апааттар адамдардын пейилдерине карап Аллахтын азабы келет. Демек биздин пейилдерибиз өзгөрдү,жакшылыктын берекеси көзүбүздү көр кылды,кадырлабай калдык, береке -пейиз,боорукерлик,мээрим кетти,уккандарыбыз кулак сыртында, көргөн -билгенибиз жүрөккө жетпей, сабырсыз, жашоого жеңил карагандардан болуп калдык…
Кел бир тууганым! Аллахтын азабынан кеч боло электе корколу,тообо кылалы!Бир Хадис, же бир Аят болсо да бекем кармагандардан бололу.

Баары бүттү,жок, жок дей бербей өзүбүздө бар нерселерди башкалардан карап үйрөнөлү.

Өтөр өмүрдө кыпындай кадырга ээ болбогон дүйнөнүн артынан текеберликке жол бербей,түбөлүктүү кала турган амалдарыбызга бекем бололу…

Насиба Абдуллаева.

«БАКТЫЛУУЛУК ФОРМУЛАСЫ»

Запись ӨЗҮҢДҮ КҮЗГҮДӨН ЭМЕС АЙНЕКТЕН КАРАГАНДЫ ҮЙРӨН.. впервые появилась Formula.KG.

Твитте Жакты Бөлүш Бөлүш

Адам баласынын жүрөгү эки түргө бөлүнөт.
1-Тирүү жүрөк.
2-Өлүү жүрөк.
Кайсы бир инсандын жүрөгү тирүү болсо анда ага Аллах тарабынан чоң жакшылык берилген болот. Ал эми кимдин жүрөгү өлүк болсо анда ал өзү тирүү болсо дагы өлүк адамдардын катарына кошулат. Себеби, ал озунун кыска жашоосунда акырети үчүн эч кандай пайдалуу амал аткарган жок. Ошон үчүн мурунку доордогу такыба Алла Тааладан коркуу менен жашоо кечирген инсандар өз жүрөктөрүн кара басып, өлүк жүрөккө айланып калбашынан кам көрүшкөн. Жүрөктү тирилтүү амалдарынын бирөөсү өлүмду эстеп, кабырды зыярат кылуу эле. Алдыңкы доор аалымдарынын бирөөсү Сафван ибн Салим да кабырларды зыярат кылууну өзүнө адат кылып алган эле. Адатынча күндөрдүн бир күнү кабырларды зыярат кылганы жөнөгөндо аны көрүп калган бирөө «Бул эмне кылат экен!»- деп артынан ээрчип алат. Ал минтип эскерет:
-Сафван бир кабырдын жанына олтуруп өзүн кармана албай ушунчалык катуу ыйлады. Мен анын ыйлаганын көрүп боорум ооруп кетти. Жада калса ойлоп да калдым, ал кабыр Сафвандын туугандарынын бирөөсүнүн кабыры го деп. Ошентип кабырдан кайттык. Экинчи жолу дагы зыяратка жөнөгөндө ага кошулуп ээрчип алдым. Бирок, ал бул жолу башка кабырдын жанына олтуруп алып ыйлады. Мен болгон окуяны Мухаммад ибн Мункадир деген имамга айтып бергегимде ал;
– “Ал жердеги кабыр ээлери баары Сафвандын жакын диндеш боордоштору, Сафван өз жүрөгүн өлүмдү эстөө менен тирилтип, кара басып калуусунан сактайт”, – деп жооп берди

Запись Кабырда тынч жатууну кааласаңыз, бүл дүйнөдө ойгонууңуз керек. впервые появилась Formula.KG.

Твитте Жакты Бөлүш Бөлүш

🎞️Буюрса орозодо 30 күн бою "Ибархим" а.с. тууралуу тартылган мультсериалдын кыргызча үн коштолгон вариантын "Аян" телеканалынан көрө аласыздар.

Опубликовано Акжолтоем Аскаралиевым 13 мая 2017 г.

Кыргыз тилинде алгачкы диний мультфильм Рамазан айында «Аян» телеканалы аркылуу 30 күн бою тынбай эфирден кете баштайт. Бул тууралуу аталган телеканалдан билдиришти.

«Ибрагим – Аллахтын досу (Ибрахим – халил Аллах)» – «Катар» телеканалынын буйрутмасы менен “Media Art” анимациялык продакшн студиясы тарабынан 3D тибинде даярдалган мультсериал. Анын ар бир сериясы 20 мүнөттү түзүп, 30 сериядан турат.

Бул мультсериалды арабчадан кыргызчага которуу идеясы жана каржылоо иши атын атагысы келбеген ак ниет адамдар тарабынан демилгеленди.

Мультсериалдын үн коштоо ишинде үн режиссеру милдетин аркалаган Акжолтой Аскаралиев учурда монтаждоо ишинин 35%ы аяктап калганын билдирди.

 “Тасманын үстүндө актерлук билими жок, бирок колдон келишинче аракет кылып, саамалыкка шериктеш болууну каалаган таланттуу балдар-кыздар иштешүүдө. «Аян» телеканалы да биринчи жолу мындай котормо иши менен алек болуп жаткандыктан, иш процесси бизге ырахат тартуулап жатат» , -деди Акжолтой.
Мультсериалда пайгамбарлардын атасы «Халил Аллах (Аллахтын досу)» лакабына ээ болгон Ибаргим алейхи саламдын төрөлүшүнөн көз жумганга чейинки бүтүн өмүрүнүн урунттуу учурлары чагылдырылат. Ошол кездеги коомдун өздөрү жасаган айкелдерге сыйынуу менен күн кечирүүсү, Нумруд деген зөөкүр падышанын өзүн кудайга теңеп, адамдарга зулум кылуусу, аны менен бирге Ибрагим алейхи саламга кысым көрсөтүп, дин жайылуусундагы машакаттар сыяктуу көрүнүштөр чагылдырылган.

Акжолтой Аскаралиев мультсериал туурасында:

«Бүгүн жаш бөбөктөрүбүз батыштын мультфильмдерин сүйүп көрөт, бирок алар тарбиялуу тасмаларды сунуштай бербейт. Ошондуктан, балдарыбызга альтернатива сунуштообуз зарыл. Биз келечек муун үчүн батыштыкынан калышпаган тасма тартууга дагы баса турган жолубуз узак болгондуктан, жок дегенде, бизден алдыда бараткан өлкөлөрдүн тарбиялык мааниси зор мультфильмдерин которуу аркылуу келечек муун үчүн жакшы алтернатива түзүп берсек болот», -деген ойлору менен бөлүштү.
 Ибрагим – Аллахтын адамзатка жиберген улуу пайгамбарларынын бири жана пайгамбарлардын атасы. Анткени кийинки пайгамбарлардын баары анын урпактарынан чыккан. Ибрагим пайгамбардын (алейхи салам) эң кооз сыпаттары Куран аяттарында бир нече ирет эскерилет.
http://ummamag.kg/

Запись Орозодо 30 күн бою Ибархим пайгамбар жөнүндө кыргызча мультфильм көрсөтүлөт впервые появилась Formula.KG.

Технологии Blogger.