БАКТЫЛУУЛУК ФОРМУЛАСЫ

Жаш жигит өзүн түйшөлткөн суроолоруна жооп бере ала турган адамдарды издеп, жооп тапканга аракет кылды. Көптөгөн адамдардан сурады, бирок эч ким жооп бере албады.Бир убакта бир билимдүү мусулманды жолуктуруп калып, суроолорун берди.


1. Кудай барбы? Эгер бар болсо, мага анын сөлөкөтүн көрсөтчү?
2. Тагдыр деген эмне?
3. Эмне үчүн шайтан оттон жаралганы менен баардык тарабы от болгон тозокко кирет? Тозок да, шайтан да от болгону үчүн шайтанга тозокко түшүү кыйынчылыкты туудурбайт. Эмнеге Аллах ушуну ойлонгон эмес?
Кокусунан билимдүү киши жаш жигитти алакан менен катуу чаап жиберди.
- Эмнеге сен мага ачууланып жатасың?
- Мен ачууланбадым. Бул жөн гана сенин суроолоруңа жооп болчу.
- Кандайча?
- Мен сени ургандан кийин менин урганымды сезишиң үчүн урдум.
- Албетте, мен ооруганын сездим.
- Демек, сен оору бар экендигине ишендиңби?
- Ооба.
- Анда сен мага Кудайдын сөлөкөтүн көрсөт – деди билимдүү киши.
- Жок, мен көрсөтө албайм.
- Бул сенин биринчи сурооңдун жообу...... Эми айтчы, түндө түшүңдө мен сени алакан менен чапканымды көрдүңбү?
- Жок.
- Сен бүгүн менин алакан менен чабарымды качандыр бир убакта ойлодуң беле?
- Жок.
- Бул тагдыр. Менин колдорум эмне менен жабылган?
- Тери.
- А сенин бетиңчи?
- Тери.
- мен урганда сенин бетиңдин териси оорудубу?
- Аябай ооруду.
- Сенин бул жообуң болсо, үчүнчү сурооңдун жообу... 

   Ааламдагы көзгө көрүнбөс атомдон тарта көктөгү акыл жеткис Күн, Ай, жылдыздардын баары Жараткан Алланын Кудуретин чагылдырган керемет чеберчилик. Бүт нерсе ажайып сырдуу музей сыңары. Аалам музейиндеги кичинекей бир булактын суусун изилдөө үчүн, же бир таш сыяктуу нерсени таануу жана анын өзөгүн ачууга пенде үчүн чоң илим талап кылынат. Мына ушунун баарын акыл жеткис ажайып мыйзам менен жараткан

АЛЛА ТААЛАНЫН КУДУРЕТИНЕ ДАҢК!

Ойлонуп көрөлү

   Бөйрөк – бул наристенин муштумундай болгон кичинекей эт. Бирок ал уулуу зат менен уусуз затты үзгүлтүксүз организмге тең салмакта бөлүп берет. Зат уулуу болсо, аны тышка айдайт. Уусу жок болсо денеге таратат. Ушунчалык чоң ишти тынымсыз аткарган бөйрөктө акыл барбы? Кандайдыр бир компьютердик системага туташтырылганбы? Заттын курамын аныктай турган лабораториясы барбы?

Бир жалбырак жетиштүү

   Залкар акын, орошон ойчул Шейх Саади мындай деген:

«Алла Тааланын теңдешсиз КУДУРЕТИН, ЧЕБЕР ЖАРАТУУЧУЛУГУН таануу үчүн көсөм инсандарга дарактын бир жалбырагы жетиштүү. А наадандарга болсо дүйнөдөгү дарак атпайдын бир жалбыракчалык мааниси жок».

Даанышмандык болбогондо

   Акыл менен аңдалбаган нечелеген сырлар даанышмандык менен гана чечилет. Ошонун сыңары ааламды даанышман акыл менен окууга болот. Эгер даанышмандык болбогондо көп сыр жабылуу бойдон калмак. Эгер аалам сырлары ачылбаганда нечен бай жан дүйнөлөр караңгы бойдон калмак. Азирети Мавлана сымал Алланын сүйүктүү пенделери, дүйнөгө багыт берген кеменгерлер чыкмак эмес.

Булак: "АК-БАШАТ"