БАКТЫЛУУЛУК ФОРМУЛАСЫ

✍Дуба кылуу Дуба кылуу – бул, ибадат болуп эсептелет. Пайгамбарыбыз (Ага Аллахтын салам-салаваты болсун):

«Дуба – бул, ибидат» – деген.

Экинчи бир хадисте:

“Аллахтын алдында дубадан өткөн баалуу нерсе жок” – деп айтса,

дагы бир хадисте:

“Аллах Тирүү, Берешен.Ошондуктан кайсы бир пендеси Ага дуба кылып суранса, анын сунулган колун бош кайтаруудан уялат…” – деп айткан.

“Мага дуба кылгыла, (кылган) дубаларыарга жооп кайтарайын.” (Момундар сүрөсү, 60-аят)

Дуба сүйүү жана жакындык. Дуба жашообуздун көркүнө көрк кошот. Кубанычыбызга кубаныч кошот. Жолубузга жарык чачат. Аллах Таала дуба кылуубузду каалайт. Андыктан дуба кылалы жашообуздагы кыйынчылыктарды дуба куралы менен талкалап,жакшылыктарга шүкүр кылып Жараткан менен бирге бол бир тууганым!

✨“Оо улуу кудуреттүү Аллах таала, мага ыроологон ырыскыларың үчүн Сага чексиз шүгүр кылам. Сен сүйгөн жана биздин сүйүктүү пайгамбарыбыз болгон азирети Мухаммедге салават келтирип салам берем.”…

✨“Оо Аллам, мени Өзүңдү жана пайгамбарыңды сүйгөн, Өзүңө жана пайгамбарыңа ишенип моюн сунган адам кыл. Бардык күнүмдү жакшылыктар жана сулуулуктар менен өткөр. Дүйнөдөгү жана акыреттеги бардык кайрымды, сулуулук жана ырыскыларды Сенден сурайм, ал эми бардык ндыктардан оолак болуу үчүн Сага баш калкалайм.”..

✨“Оо ааламдардын Раббиси болгон Аллам. Бир гана Сага сыйынып, бир гана Сенден жардам тилейм. Сенин бардык нерсеге күчүң жетет. Сен менин ачык жана купуя бардык сырымды билесиң. Мага ырайым кыл жана жүрөгүмдү боорукердик жана сүйүү сезими менен толтур. Жалкоолуктан, натыйжасыз аракеттен, убакытты пайдасыз нерселер үчүн коротуудан, баш аягы билинбеген башаламан иштен, ийгиликсиздиктен, адамдарга, айлана-чөйрөгө жана өзүмө зыян келтирүүдөн алыс болуу үчүн Өзүңдөн баш паанек издейм.”..

✨ “Оо жараткан Аллам, ыйманымды бекемде, жакшы амалдарымды арттыр жана адеп-ахлагымды оңдо. Кабыл болбой турган дубадан оолак болуу үчүн Сага сыйынам. Сүйүктүү пайгамбарыбыздын каалоо-тилектерин мен да Сенден тилейм, оолак болгон нерселеринен мен да оолак болуу үчүн Сага баш калкалайм.”..

✨“Аллах таалам, жасаган иштеримдин туура эмес түшүнүлүшүнөн жана жалган жалаага кабылуудан, бирөөнү ыксыз жерден күнөөлөп адилетсиздик кылуудан сактооң үчүн Сага корголойм. Жасаган иштеримдин натыйжаларын оң кыл жана алардын ошол калыбанда улана беришин насип кыл. Мени үй бүлөмө, өлкөмө жана адам коомуна пайдалуу киши кыл. Бизди бул дүйнөдө жана акыретте эң сонун ырыскыларың менен сүйүндүр.”..

✨“Кудуреттүү Аллам, көңүлүмдү ар кандай жаман ниет, ойдордон сакта. Жүрөгүмдү ар кандай коркуу сезимдерден, күмөн ойлордон жана жагымсыз адат-мүнөздөрдөн корго. Мени бир гана өзүн ойлоп, өзүнүн проблемаларын чоң көрүп, башкалар менен болгон байланыш-катышын үзүп салган өзүмчүл жана текебер кишилерден кылба.”..

✨“Оо Алла таалам, Сен кечиримдүүсүң, кечиргенди жакшы көрөсүң. Менин жана бардык момундардын күнөөлөрүн, кемчиликтерин кечир.”..

✨“Оо улуу Раббим, мени сүйүктүү кулдарыңдан кыл. Иштеримди жеңилдет. Турмушумду жакшырт. Мени аркасынан жакшылыктары жана жакшы сапаттары эскерилгендерден кыл. Өзүңө жакпаган бардык нерсени менден оолак кыл. Мени жашоо-турмушум, жүрүш-турушум жана сөздөрүм аркылуу Сени жана Исламды эң жакшы түшүндүргөн адамдардан кыл.”..

✨“Аллах таалам, иштеримди жеңилдет. Эң жакшы ысымдар Сага таандык жана ошол ысымдарың менен Өзүңө жалбарамын. Узун өмүр жана жасаган иштериме береке бер. Мага буюрган ырыскылардын баркына жетип, алар үчүн шүгүр кылып ысырапчылыкка жол бербөөнү мага насип кыл.”..

✨“Оо улуу кудуреттүү Аллам, мени пайдасыз иштер жана ыксыз көңүл ачуулар менен алек болуп, өз милдеттерин жана ибадаттарын унутуп койгондордон кылба. Туура жүрүп түз сүйлөгөндөрдөн кыл. Ар кандай кырсык-балээлерден, алаамат-балекеттерден сакта.”..

Дуба кабыл болуучу убакыт

1. Түн ичиндеги дубалар. Пайгамбарыбыз (Ага Аллахтын салам-салаваты болсун):

“Түн ичинде бир убакыт бар, эгерде пенденин Акырет жана дүнүйө жакшылыгын тилеген дубасы ошол убакытка дал келсе, Аллах анын сураганын берет” – деп айткан.

2. Азандан кийинки дубалар. Пайгамбарыбыз (Ага Аллахтын салам-салаваты болсун) айткан: “Азан менен икамат ортосундагы дуба кайтарылбайт”.

3. Жума күнүндөгү дубалар. Абу Хурайра (Аллах андан ыраазы болсун) келтирген хадисте, Аллахтын элчиси Жума күнү жөнүндө баяндап жатып:

“Бул күнү бир убакыт бар. Кимдин дубасы ошол убакытка дал келсе, кынтыксыз кабыл болот” – деп айткан.

4. Рамазан айындагы дубалар. Пайгамбарыбыз (Ага Аллахтын салам-салаваты болсун):

“Орозо тутуучу адамдын ооз ачаар алдындагы дубасы жоопсуз калбайт” – деген.

5. Арафа күнүндөгү дубалар. Пайгамбарыбыз (Ага Аллахтын салам-салаваты болсун):

“Дубалардын эң жакшысы – Арафат күнүндөгү дуба…” – деген.

6. Намаздан кийинки дубалар.

Пайгамбарыбыздан “Кайсы дуба уккулуктуу?” – деп сурашканда, ал: “Түндүн акыркы бөлүгүндөгү жана фарз намаздардын артынан айтылган дуба” – деп жооп берген.

7. Кадыр түнүндөгү дубалар.

8. Сажда учурундагы дубалар.

9. Ажы, же умра учурундагы дубалар.

10. Оорулуунун абалын сурап барган учурдагы дубалар.

11. Зам-зам суусун ичкен убактагы дубалар. Аллах Таалам дубаларыбызды кабыл кылсын!

Насиба Абдуллаева.

‍‍‍ БАКТЫЛУУЛУК ФОРМУЛАСЫ 

Запись 🙌🏻Жашообузга бейпилдик тартуулай турган дубалар впервые появилась Formula.KG.

Суроо: Аузу жана Бисмиллахтын (Аузубиллахиминашшайтанирражим Бисмиллахиррахманиррахим) мааниси кандай?

Жооп

Аузубиллахиминашшайтанирражим – "Аллахтын ырайымынан узак болгон жана каар-азабына учурап, дүнүйөдө жана акыретте хэлак болгон (куруган) шайтандан Аллаху таалага сыйынамын, коргономун, жардам күтөмүн. Ага жалбарып кайрыламын” деген маанини билдирет.

Бисмиллахиррахманиррахим - "Бар болгон бардык нерсеге аны жаратуу менен жана жашоодо кармап туруу менен, жок болуудан коргоо менен жакшылык кылган Аллаху тааланын жардамы менен бул ишимди кыла алуудамын” деген маанини билдирет.

Бисмиллахтын пазилеттери

Суроо: Бисмиллахтын пазилеттери кандай?

Жооп

Алгач жазылган бул - Бисмиллах. Адам алейхиссаламга алгач келген нерсе – Бисмиллах. Момундар Бисмиллахтын жардамы менен Сырат көпүрөсүнөн өтүшөт. Бейишке чакыруу кагазында Бисмиллах жазылган.

Хадиси шарифтерде айтылды:

"Устаз балага Бисмиллах окуса бала дагы кайталап айтса Аллаху таала баланын эне-атасы жана устазы үчүн Тозокко кирбейт деп жаздырат.” [С. Абадиййа]

"Курани каримдин ачкычы – Бисмиллах.” [С. Абадиййа]

"Бисмиллах ар китептин ачкычы.” [Хатиб]

"Бисмиллах менен желген тамак берекелүү болот.” [Ибни Мажа]

"Бисмиллах менен башталбаган бардык маанилүү иштер кемчиликтүү болот.” [Байхаки]

"Үйгө кирип баратканда Бисмиллах окулса шайтан "Бул үйгө кирүүмө мүмкүнчүлүк жок” деп артына кайтып кетет.” [Тибйан]

"Амал дептеринде 700 Бисмиллах бар болгон адамды Аллаху таала Тозоктон чыгарат.” [Таргиб-ус-салат]

"Бисмиллах менен жазуу жазган адамдын муктаждыгы кетет, Аллаху таала дагы андан ыраазы болот.” [Дайлами]

"Ишин Бисмиллах менен баштаган адамдын күнөөлөрү кечирилет.” [И. Рафии]

"Тамакты Бисмиллахты айтып жеп, аягында Алхамдулиллах деген адамдын дасторкондон тура элегинде күнөөлөрү кечирилет.” [Табарани]

"Кыйынчылыкка дуушар болго адам "Бисмиллахиррахманиррахим ва ла хавла ва ла куввата илла биллахил алиййил азыим” деп айтса ар түрлүү кыйынчылыктан кутулат.” [Дайлами]

"Миң жолу Бисмиллахты окуган адамдын төрт миң чоң күнөөсү кечирилет.” [Таргиб-ус-салат]

"Бисмиллах жазылган бир кагазды жерден алып койгон адам сыддыктардан деп жазылат.” [Таргиб-ус-салат]

"Бисмиллахсыз атыр себинген адам шайтандарга да атыр сепкен болот.” [Ибни Сүнни]

"Шайтандан коргонуу үчүн тамакты Бисмиллах менен баштагыла.” [Табарани]

"Суу ичерде Бисмиллахты оку, ичип бүткөндө да Алхамдулиллах де жана үч демде ич!” [Ибни Сүнни]

"Тамакты баштарда Аллаху тааланын атын эстегиле, б.а., Бисмиллахты окугула! Башында Бисмиллахты окууну унуткан адам эсине келгенде "Бисмиллахи ала аввалихи ва ахирихи” десин!” [Абу Давуд, Тирмизи, Хаким]

"Тамакты баштаган адам Бисмиллахи десин. Бисмиллахи дегенди унутуп койгон болсо эстегенде "Бисмиллахи аввалуху ва ахираху” десин.” [Ибни Мажа]

"Шайтандан коргонуу үчүн тамак жегенде, эс алып жатканда жана түндө жатарда Бисмиллахты окугула!” [Табарани]

"Ажатканага кирип баратканда окулган Бисмиллах жиндердин көзүнө парда болот, аврат жерлерди көрө алышпайт.” [Тирмизи]

"Эшигин Бисмиллах менен жапкан адам шайтандан коргонот. Бир чыбык менен болсо дагы идиштерди Бисмиллах менен жаап койгула!” [Ибни Хиббан]

"Шайтан Бисмиллах айтылбаган тамакты өзүнө халал деп көрөт.” [Муслим]

"Шайтандан коргонуу үчүн үйгө кирип баратканда салам бергиле жана тамакты Бисмиллахты айтып жегиле!” [Табарани]

"Үйдөн чыгып баратканда "Бисмиллахи таваккалту алаллах, ла хавла ва ла куввата илла биллах” деп айткан адам коркунучтардан коргонот жана шайтан ал адамдан алыстайт.” [Тирмизи]

"Эй, Расулуллах! Канча көп жесек дагы тойбой жатабыз, тамагыбыздын берекеси болбой жатат”, - деп айтышты. Расулуллах: "Тамакты өзүнчө бөлөк жебей бирге жеп, Бисмиллах айтылса берекелүү болот.” – деп жооп берди. (Ибни Мажа)

Расулуллах алейхиссалам хазреттери Бисмиллахты айтып, сууну үч дем менен иччү, ичип бүткөндө Алхамдулиллах дечү. (И. Сүнни)

Суроо: Иштерди баштап жатканда кыскача Бисмиллах десе жетиштүү болобу?

Жооп

Жетиштүү болот. ["х” тамгасы белгилүү болушу үчүн] "Бисмиллахи” деп айтса андан да жакшыраак болот.

Бисмиллах менен башталган иш бүткөндө да "Алхамдулиллах” деп айтуу керек, б.а., Аллаху таалага шүгүр кылуу керек!

Ибрахим сүрөсүнүн: "Шүгүр кылсаңар, албетте, ниматтарымды арттырамын” деген маанидеги жетинчи аяты менен "Аз-көп бир ниматка жеткен адам "Алхамдулиллах” десе Аллаху таала ал адамга ошол ниматтан да жакшыраагын берет” жана "Жеп-ичкенден кийин "Алхамдулиллах” деген адамдан Аллаху таала ыраазы болот” деген маанидеги хадиси шарифтер ниматтарга шүгүр кылынса колдогу ниматтын жок болушунан кутула турганын жана жаңы ниматтардын да берилишине себеп боло турганын билдирүүдө. (Т. Гафилин)

Бисмиллах менен баштоо

Суроо: Ар бир кайырлуу ишти Бисмиллах менен баштоо керек болгондой эле каттарды, почталарды дагы Бисмиллах менен баштоо керек эмеспи?

Жооп

Бисмиллахты Ислам тамгалары менен жазуу керек. Бирок, Бисмиллах азыркы каттарда жерлерге ташталып кетүү ыктымалы болгондуктан каттарга жазбаган жакшыраак болот. Почталарда жана каттарда Ислам тамгалары менен жазылган түрүн латын тамгалары менен аралаштырып жазбаш керек. Ислам тамгалары менен жазылган каттарды жана Ислам тамгалары менен жазылган почталарды окуп жатканда Бисмиллахты айтуу сүннөт. Улуу Ислам аалымы Дост Мухаммед Кандихари хазреттери 29-чу катында мындай дейт:

"Пайгамбарыбыз алейхиссалам каттарынын башында Бисмиллахиррахманиррахимди жазчу. Мисалы, Дыхйа-и Калби хазреттери аркылуу Рум башчысы Гераклиус жиберген катты Бисмиллах менен баштады. Капырга дагы жазылган катты Бисмиллах менен баштоо сүннөт. Худайбийа тынчтык келишиминде Хазрети Алиге Бисмиллахты жазуусун буюрду.

Ар бир кайырлуу ишти Бисмиллах менен баштоо керек.