БАКТЫЛУУЛУК ФОРМУЛАСЫ

Кедей, бирок, ыкластуу бир кишинин барга топук кылган, күйөөсүндөй ток пейил аялы болгон экен. Аялы жүн ийрип, күйөөсү аны базарга алып барып сатып, кеч болгондо тапкан акчасына нан алып үйүнө келчү экен. Ушинтип турмуш арабасын тартып күн көрүшөт.
Бир күнү дагы ошентип ийрилген жипти сатат. Кеч келе жатса бирөө бирөөнү басып алып токмоктоп жатканын көрөт да, аларга барып: «Эй, эмне чатакташып жатасыңар?» – деп сурайт. Үстүндө басып отурган киши: «Мунун мага карызы бар, бербей жатат?» – дейт. Кедей киши : «Андай кылба, канча карызы бар анын, мен берейин. Мына болгон акчам мобул, ал ушуну», – дейт. «Жетпейт, бирок, мейли», – деп акчаны алат да кетет.
Кедей бечара акчадан куру кол үйүнө барат. Аялына болгон окуяны айтат. Аялы анын көңүлүн көтөрүп: «Жакшы иш кылыпсың, кайгыруунун кереги жок», – дейт.
Ошол түнү ачка жатышат. Эртеси күйөөсү дагы ийрилген түймөктү алып базарга чыгат. Бирок, сатып алган эч ким жок, ары кыдырат, бери кыдырат, кеч кирет. Айласы түгөнүп үйүнө кайтып келе жатса колунда чоң балык көтөргөн бирөөгө кезигет.
Колунда балыгы бар киши айтат: «Бүгүн кечке чейин кыдырып бул балыкты сата алган жокмун. Иии, баса, аялым жип ала кел деди эле сенде бар турбайбы» – деп ага алмашууну өтүнөт. Балык менен жипти алмашып, үйүнө келип аялына айтат: «Бүгүн акча таба албадык, бирок, курсагыбызды тойгуза турчу бир балык алдым. Кана, балыкты бышыр эми жейли», – дейт. Аялы балыкты тазалайын дегенде ичинен бир кесе алтын чыкса болобу? Экөө тең буга кубанышат. Эми байыдык экен деп отурушканда жанагы балыкты саткан киши келет да: «Мен алмашуудан баш тарттым. Бул жиптерди ал да балыгымды кайра бер», – дейт. Кедей айтат: «Макул берейин, бирок, балыкты бышырып жеп алдык, ашказаныман чыгарып бере албайм. Бирок, балыктын ичинен алтын чыккан болчу, ошолорду ал», – дейт. Ошондо тиги балыкчы өзүнүн чынында ким экендигин айтат: «Мен периштемин. Мени сага Жараткан жөнөттү. Сенин карызы бар алиги кишиге кылган жакшылыгыңды Жараткан жактырды. Сени сыноого алды. Сен кедейликтин да, байлыктын да сыноосунан өттүң. Ал алтындар сеники, сага баары аш болсун!» – деп кетип калат.
Мына ушул кыска өмүрдө Жараткандын кулдарына жакшылык кылгандар: жылуу жүз, жылуу сөз тартуулагандар жана жакшы мүнөз менен аларга жеңилдик көрсөткөндөр кандай бактылуу. Адамдарды сүйүнткөндөрдү Жараткан сүйүнтөт

Запись Байлыктын жана кедейликтин сынагы впервые появилась Formula.KG.

✍ Жокчулуктун куржуну -толбой, кыйналып жатсаңыз эч качан капа болбоң, бул сыноо жашоодо кээде ток болосуз,кээде ач болосуз, кыйынчылык артында сөзсүз жеңиш, жакшылык бар экенин унутпаң!

Эгер билсеңиз кедейлик бул -сыноолордун эң негизгиси анын артында сиз сабыр кылсаңыз эмнелер күтүп турат анда Пайгамбарымдан (ага Аллахтын ырайымы жана саламы болсун) өз сөзүнө көңүл буруңуз...

      Харис бин Вахабдын (андан Аллах ыраазы болсун) мындай дегени кабарланат: «Мен Аллахтын Элчисинин (ага Аллахтын ырайымы жана саламы болсун) мындай дегенин укканмын: «Силерге кимдин Бейишке кирээри тууралуу кабарлайынбы? (Алар төмөнкүлөр):  Ар бир алсыз -күчсүз (болгондуктан динсиздерге) жек көрүнгөн (мусулман адам) алсыз кедей : бирок алар ант ичишсе, алардын антын Аллах сөзсүз ишке ашырат.  Силерге ким Тозоко түшөөрүн кабарлайынбы? Алар төмөнкүлөр:  Ар бир орой,ач көз жана текебер адамдар ». (Бухайрий, Муслим) .

      Абу Са 'ид ал -Худри (андан Аллах ыраазы болсун) Аллахтын Элчисинин (ага Аллахтын ырайымы жана саламы болсун) мындай дегенин кабарлайт: «Качандыр бир кезде Бейиш менен Тозок өз ара талашып кетишип,Тозок айтты: "Менде таш боорлор дана текеберлер болушат ". Бейиш айтты: "Менде алсыз жана кедей адамдар болушат ". Экөөсүн талашын Аллах Таала минтип чечти : "Чындыгында, о,Бейиш, сен -Мен кимге кааласам көрсөтө турган Ырайымым болосуң; а сен, о,Тозок,сен Мен кимге кааласам Өзүм тарттыруучу жазам болосуң жана силерди толтуруу Менин милдетим! »(Муслим)

      Усма (андан Аллах ыраазы болсун) Аллахтын Элчисинин (ага Аллахтын ырайымы жана саламы болсун) мындай дегенин кабарлайт : «Мен Бейиштин дарбазаларынын алдына токтодум да,ал жакка киргендердин көпчүлүгү кедейлер экендигин көрдүм. Ал эми байларга келсек,алар кармалып турушуптур,бирок тозокулар Тозокко ыргытылууга буюрулду. Жана,мен Тозоктун дарбазаларынын алдына токтодум да,ал жака киргендердин көпчүлүгү аялдар экендигин көрдүм »(Бухарий,Муслим).

      Эми сиз ойлонуп көрүң, өткөнчү өмүрдө кыйналып,жашап шүкүр кылсаңыз барына, жогуна сизди түбөлүк жыргалчылык Бейиши күтүп турат. Сиздин айырмаңыз эмнеде көңүл буруң сиз кедей болуп Бейишке эсепсиз ,токтоосуз киресиз. А Байлар Аллах берген байлыгына эсеп берип токтолуп, сурак бериш үчүн кармалып турушат. Эгер бул дүйнөдө текебер,байлар сизди кемсинтип күлгөн болсо,Акыретте сиз аларга күлөсүз.  Чындыгында кедей,алсыз,эң төмөн  таква кедей бул дүйнөдө кимдер үчүн эч ким эместир. А акыретте даражасы бийик инсандар катарында болот,мындан өткөн бакыт болбосо керек.  Ошондуктан шүкүр кылып жашаганды үйрөнөлү! Бул дегени жок деп "алма быш,оозума түш "дегени эмес,Аллах Тааламдын ырыскы,нээматтары чексиз, болгону аз болсо да адал эмгек менен таап, барына канаат кылып ,сабыр ,аракет кылсаңыз Аллах Таалам жакшылыгынан кур калтырбайт!

http://formulasy.blogspot.com/2016/..

‍‍‍"Бактылуулук Формуласы".