Францияда январь айында мечиттерде ачык эшик күндөрү өтөт
Франция мусулмандары 2016-жылдын январында мамлекеттеги бардык мечиттерде ачык эшик күнүн өткөзүүнү демилгелеп жатат. Мусулмандардын мындай аракетинин максаты, кызыккан тараптарга чыныгы Ислам тынчтыктын дини экенин түшүндүрүү.
Франциядагы мусулмандар кеңешинин жетекчиси Ануар Кбибештинин билдирүүсүндө мечиттердеги ачык эшик күндөрүндө кызыккандарды атайын чай үстүндө баарлашууга чакырышат.
Иш-чара 9-10-январь күндөрү уюштурулат. Анда келген коноктор Ислам боюнча билгиси келген баардык суроону берсе болот. Расмий эсеп боюнча Францияда 6 миллион калк Ислам динин карманышат.
http://maralfm.kg/
December 28, 2015 at 04:10PM