БАКТЫЛУУЛУК ФОРМУЛАСЫ

“Дарылардын эң жакшысы – Курани карим”, – деп билдирилди. [Ибни Мажа]…

Эх, бир тууганым куран окуу биз үчүн канчалык пайдалуу,жолубузду жарыта турган нур,жүрөгүбүзгө себилген табылгыс даары,жан дүйнөбүзгө күч -кубат,жашообузда адашуудан кайтарган бактылуулук жолу,өмүрүбүздү кайырлуу,оорусак шыфа,кыйналсак тынчтык ыракат тартуулоочу түбөлүк бакыттка жетелөөчү улуук керем китеп..
Эгер билсек эң өкүнүчтөрдүн бири мусулман болуп туруп китебибиз куран каримди бир жолу болсо да окубай өтүү болуп саналат. Аллахка жакын болуу аны жакындан таануу куран окууда. Жашообузда бизди адашууда,балээлерге кириптер болууда,өмүрүбүз ууланып өкүнүчтөргө туш болууда себепчи айыккыс,ыплас жолунан кайткыс дүшманыбыз шайтан наалатынын бизден алыс болуусуна чоң курал Куран карим болот. Куран окуган денеде,тилде,уккан кулакта,сезип ыракат алган жүрөктө,үйдө шайтан -жиндер алыс болот. Биз ушулардан алыс болсок жашообуз ин ша Аллах өз нугунда жакшылыктар менен өтөт. …

Анда курандын биз үчүн табылгыс шыфа экенине көңүл буруңуз….

Пайгамбарыбыз алейхиссалам үч түрдүү дары колдончу. Курани карим жана дуба окучу. Табигый илимдер менен табылган дарыларды колдончу. Экөөсүн тең аралаш да колдончу.
Бир хадиси шарифте мындай деп айтылды:

“Курани каримден шифаа күтпөгөн адам шифаага жете албайт” [ Дайлами]..

Курани карим жана дуба шарттарына ылайык окулса гана албетте шифаа берет. Окугандын жана оорулуунун буга ишенүүсү зарыл. Харам иш кылгандын жана ишеними туура болбогондун окуганы пайда бербейт. Курани каримди акчага окуу – харам. (Тафсир-и Мазхари)…

Денебиз бизге аманат. Динибиз аны мыкты коргообузду буйрук кылууда. Оорулууну дарылатуу зарыл. Дарылоонун, оорунун түрүнө карап, дары менен, садага берүү менен жана дуба менен жүзөгө ашырыла тургандыгы билдирилген. Тажрыйба аркылуу таасири анык болгон эмдөө, сыворотка, жана микроб өлтүргөн дарыларды колдонуу фарз. Б.а, Аллаху тааланын буйругу. Таасири анык болгон дарылар тамак сыяктуу. Дары колдонбой өлүү күнөө болуп саналат. Пайгамбарыбыз алейхиссалам үч түрдүү дары колдонгон. Курани карим же дуба окучу. Табигый илимдер аркылуу табылган дарыларды колдончу. Ар экөөнү тең аралаш колдончу.
Курани карим жана дубанын таасир кылуусу үчүн айрым шарттарга көңүл бурулушу керек. Окуган жана жазган адамдын жана оорулуунун буга ишенүүсү, оорулуунун зыяндуу тамак-аштардан, күмөндүү дарылардан диета кылуусу, ысыктан жана сууктан коргонуусу зарыл. Окуган адамдын ишеними бузук болбошу, харам иш кылуудан жана кул акысынан сактануусу, харам жана таза эмес нерселерди жеп-ичпөөсү жана окуганы үчүн акча талап кылбашы шарт. Хадиси шарифте: “Дары колдонуу да тагдырдан, Аллахтын уруксаты менен пайда берет” деп айтылды. Дуба да дары сыяктуу. Аллаху таала тилесе гана таасири болот..

Хадиси шарифте айтылды:

“Дуба момундун куралы, диндин тиреги.” [Ибни Абиддунйа]…

“Дарт жана балээ келгенде, Юнус пайгамбардын дубасын окугула! Аллах ал балээден куткарат. Дуба ушул:

“Ла илаха илла анта субханака, инни күнтү миназ-залимин.” [Хаким]…

“Ла хавла ва ла куввата илла биллахи” окуу 99 дартка даба. Булардын эң жеңили башка келген кыйынчылыктар. [Хаким]…

“Аллаху таала истигфарды уланткан адамды ар кыйынчылыктан, ар дарттан куткарат, күтпөгөн жерден ырыскы берет.” [Тирмизи]…

“Эрте менен жана кечинде Ихлас менен Муаввизатайнды (Фалак жана Насс аяттары) үч жолудан оку! Булар бардык балээ, кырсык, кыйынчылыктарды жана кааланбаган нерселерди кетирет.” [Тирмизи]…

“Үйүндө Фатиха, Аята-ал курси окуган адамга ал күнү жин жана шайтан зыян бере албайт.” [Дайлами]..

“Эртең менен жана кечинде үч жолу “Бисмиллахиллази ла ядурру маасмихи шайун фил арды вала фиссамаи ва хувассамиулалим” деген адамга эч нерсе зыян бере албайт.” [Ибни Мажа]..

“Аллаху таала ар күнү эртең менен жана кечинде үч жолу “Хасбияллаху ла илаха иллаху, алейхи таваккалту ва хува Раббул-аршил-азим” деген адамдын дүнүйө жана акырет иштерине жетиштүү болот.” [Байхаки]

Хадиси шарифте айтылды:

“Фатиха ар дартка даба.” [Байхаки]..

“Фатиха сүрөсү Аллаху тааланын ачуусун кайтарат.” [ Шира]..

Жамгыр суусуна Фатиха, Аят-ал курси, Ихлас жана Муаввизатайн (Фалак жана Насс аяттары) 70 жолу окулат. Бул суудан калтырбай жети таңда ичкен адамдын оорусу кетет. [Муну 5-10 салих мусулман окуса, андан да жакшы болот]..

Ооруган жерди оң кол менен 7 жолу масх кылып, ар биринде Аузу биззатиллахи ва кудратихи мин шарри ма-ажиду ва ухазиру окугандын оору жана сыркоосу калбайт. (Б. Арифин)..

“Ясин окугандын кайгылары кетет.” [Дайлами]…

“Жума түнү Ясин сүрөсүн окугандын күнөөлөрү кечирилет.” [Исфахани]…

“Түнү Ясин окуган киши кечирилген бойдон таңга чыгат.” [Бухари]…

Запись Даарылардын эң жакшысы – Курани-Карим… впервые появилась Formula.KG.

Бир кедей киши үй-бүлөсүн, байга жалданып иштеп бакчу экен. Жумушун калыстык менен абдан так аткарат. Күндөрдүн биринде ал жумушка келбей калат. Ошондо кожоюну өзүнө өзү: “Ал эмгек акым аз деп ишке келбей койбосун, анын айлыгын бир динарга көбөйтөйүн, ушуну каалагандыктан келген жок”,- деп ойлойт.
Кийинки күнү кожоюн анын маянасын бир динарга көбөйтүп берет. Бирок, кызматкер эч кандай себебин сурабайт. Үн катпайт. Бир канча күн өткөндөн кийин кызматчы дагы келбей калат. Кожоюн катуу жинденип: “Өткөндө айлыкка кошкон бир динарды кайра азайтам”,- дейт. Кемиткенде да кызматкер үндөбөйт, мурунку калыбында иштей берет жана себебин сурабайт. Кожоюну таңыркап андан сурайт: “Маянаңды көбөйттүм себебин сураган жоксуң, кемитсем да эч нерсе деген жоксуң”?!
Кызматкер: “Биринчи келбей калганымда Кудай мага бир перзент насип кылган эле, ошондо маянамды көбөйткөнсүз. Мен ойлодум: “Бул баламдын ырыскысы өзү менен кошо келди”. Экинчи ирет келбей калганымда болсо, апам көз жумган эле. Маянамды азайтканда: “Бул апакемдин ырыскысы эле өзү менен кошо кетти”,-деп ойлодум.

Чындыгында ар бир жан өз ырыскысы менен келип, өз ырыскысы менен кетет

Запись Ырыскы впервые появилась Formula.KG.

✍Көп адамдар дүйнөдө абдан сонун бир жашоо жашай алам деп жаңылат. Чындыгында болсо, Аллахты жана акыретти унуткан бир адам эч качан каалагандай, кыялдангандай жашоого жете албайт. Себеби, каалаган бир нерсесине жеткенде, андан да жакшысын жана көбүн каалап баштайт. Акчалуу болот, ал жетишпейт, дагы көбүрөөк иштеп, көбүрөөк табайын дейт.

Үйлүү болот, ал жакпай калат; андан да көңүлүнө жакын бир үй көрүп, аны алуу үчүн аракет кылып баштайт. Жыл сайын каалоолору өзгөргөндүктөн, үйүнүн ичин да, кийимдерин да жактырбайт, тынымсыз андан да жакшы эмерек жана кийимдерди кыялданат. Албетте, бир момундун көбүрөөк шүгүр келтирүү үчүн жана бейишти эстөө үчүн Аллахтан жакшылык сурашы жакшы нерсе. Бирок, Аллахты жана акыретти унутуу менен, жалаң гана дүнүйөнүн артынан чуркаган Аллахты эстебеген адамдардын рух абалы момундардыкынан такыр башкача. Мындай адамдардын абалы Куранда мындайча сүрөттөлөт:

“Аны жалгыз кылып жаратканымды Мага кой. Мен ага «ушунчалык көп мал-мүлк» бердим. Көз алдында даяр балдар. Жана сансыз мүмкүнчүлүктөрдү алдына койдум. (Ал болсо) мындан да көбөйтүшүмдү каалап, ач көздүк кылат.” (Мүдессир Сүрөсү, 11-15)

Бул жерде абдан маанилүү бир чындыкты байкайбыз. Эң көп үйү болгон, эң кымбат машиналарды сатып алган, эң көп кийими бар адамдын да жашай турган бөлмөсү, колдоно турган машинасы, жей турган тамагы, жата турган төшөгү, кийе турган кийими чектүү.

Дүйнөнүн эң чоң сарайында жашаган адам бир эле учурда канча бөлмөдө жашай алат? Же эң кооз кийимдери бар адам бир жолкуда бул кийимдеринин канчоосун кийе алат? Ондогон бөлмөдөн турган хан сарайына ээ болсо да, бир эле убакта бардык бөлмөлөрдү колдоно албагандыктан, үйүнүн эң көп бир бөлмөсүндө жашайт. Шкафтар толо кийими болсо да, бир эле учурда бир гана кийим кийе алышат. Аллах жараткан миңдеген түрдүү тамакка ээ болсо да, эң көп 2-3 чыны тамак жей алышат; андан көбүн жей турган болсо, бул алар үчүн кыйноо алып келет…

Шек жок, мындай мисалдар толтура. Эң негизгиси, адамдын ага «ырахат алып келет» деген малы-мүлкүнүн, башка бүт нерселеринин чектүү болушу. Чыныгы байлык деген эмне анда? Чыныгы байлык – Аллахка ыйман келтирген жана дүйнөнүн өтүп кетүүчү кооздуктарына ашыкча маани бербеген, бүт нерсенин жалаң гана Аллахтан келгенин билген момундарга тиешелүү. Себеби, момун дүйнө жашоосун берип, акыретти сатып алган. Мал-мүлкүн Аллахтын ыраазычылыгына жетүү үчүн сурайт жана бул максатта колдонот. Ага берилген жакшылыктарга шүгүр келтирип, дүйнөдө кемчилик сыяктуу көрүнгөн окуяларда да Аллахка шүгүр келтирет. Ошондуктан, эң пайдалуу соода кылган болот, өтүп кетүүчү эмес, түбөлүк байлыкты тандайт. кадам Эгер билсек иблис Аллахтын арам кылган нерсесин пендеге аткарттыра албаса, ибадаттан алаксытып дүйнөлүк кызыкчылыктарга тартат.

Пайдасыз иштер менен алектендирип коёт. Шайтандын амалынан сактануу үчүн жалган жашоонун кайсы бир күнү ойрон болорун жана өлүмдү көп эстөө зарыл.

ﺯُﻳِّﻦَ ﻟِﻠﻨَّﺎﺱِ ﺣُﺐُّ ﺍﻟﺸَّﻬَﻮَﺍﺕِ ﻣِﻦَ ﺍﻟﻨِّﺴَﺎﺀِ ﻭَﺍﻟْﺒَﻨِﻴﻦَ ﻭَﺍﻟْﻘَﻨَﺎﻃِﻴﺮِ ﺍﻟْﻤُﻘَﻨْﻄَﺮَﺓِ ﻣِﻦَ ﺍﻟﺬَّﻫَﺐِ ﻭَﺍﻟْﻔِﻀَّﺔِ ﻭَﺍﻟْﺨَﻴْﻞِ ﺍﻟْﻤُﺴَﻮَّﻣَﺔِ ﻭَﺍﻷﻧْﻌَﺎﻡِ ﻭَﺍﻟْﺤَﺮْﺙِ، ﺫَﻟِﻚَ ﻣَﺘَﺎﻉُ ﺍﻟْﺤَﻴَﺎﺓِ ﺍﻟﺪُّﻧْﻴَﺎ ﻭَﺍﻟﻠَّﻪُ ﻋِﻨْﺪَﻩُ ﺣُﺴْﻦُ ﺍﻟْﻤَﺂﺏِ

«Адамдарга-аялдар, балдар, алтын-күмүштөн жыйналган казыналар, күлүк аттар, мал-мүлк жана эгинзарларга болгон сүйүү кооз көрсөтүлдү. Бул-ушул дүйнөдө пайдалуу нерселер. Бирок Аллахтын алдында кайтып бара турган кооз жай бар». (3.Алю Имран: 14)

ﻭَﻣَﺎ ﺍﻟْﺤَﻴَﺎﺓُ ﺍﻟﺪُّﻧْﻴَﺎ ﺇِﻻ ﻟَﻌِﺐٌ ﻭَﻟَﻬْﻮٌ ﻭَﻟَﻠﺪَّﺍﺭُ ﺍﻵﺧِﺮَﺓُ ﺧَﻴْﺮٌ ﻟِﻠَّﺬِﻳﻦَ ﻳَﺘَّﻘُﻮﻥَ ﺃَﻓَﻼ ﺗَﻌْﻘِﻠُﻮﻥَ

«Бул дүйнөнүн жашоосу оюн гана. Аллахтан корккондор үчүн акырет жашоосу эң сонун. Эми акылыңарга келбейсиңерби?» (6.Аль-Ан`ам: 32)

ﺍﻟْﻤَﺎﻝُ ﻭَﺍﻟْﺒَﻨُﻮﻥَ ﺯِﻳﻨَﺔُ ﺍﻟْﺤَﻴَﺎﺓِ ﺍﻟﺪُّﻧْﻴَﺎ ﻭَﺍﻟْﺒَﺎﻗِﻴَﺎﺕُ ﺍﻟﺼَّﺎﻟِﺤَﺎﺕُ ﺧَﻴْﺮٌ ﻋِﻨْﺪَ ﺭَﺑِّﻚَ ﺛَﻮَﺍﺑًﺎ ﻭَﺧَﻴْﺮٌ ﺃَﻣَﻼ

«Мал-мүлк менен бала-чакалар дүйнө тиричилигинин көркү. Ал эми түбөлүк кала турган жакшылыктар болсо, Эгеңдин алдында. Жакшы иштер сыйлык жагынан да, үмүт жагынан да мыкты. ». (18.Аль-Кяхф: 46)

ﻭَﻣَﺎ ﻫَﺬِﻩِ ﺍﻟْﺤَﻴَﺎﺓُ ﺍﻟﺪُّﻧْﻴَﺎ ﺇِﻻ ﻟَﻬْﻮٌ ﻭَﻟَﻌِﺐٌ ﻭَﺇِﻥَّ ﺍﻟﺪَّﺍﺭَ ﺍﻵﺧِﺮَﺓَ ﻟَﻬِﻲَ ﺍﻟْﺤَﻴَﻮَﺍﻥُ ﻟَﻮْ ﻛَﺎﻧُﻮﺍ ﻳَﻌْﻠَﻤُﻮﻥَ

«Бул дүйнөдөгү жашоо оюн-күлкү гана, а Акыреттеги анык жашоо, эгер алар муну билген болсо!» (29.Аль-Анкябут: 64)

Оо, мусулман бир тууган! Аллахтын бул айткандарын жадыңызга бекем түйүңүз. Жаралыш максатыңызды эстеңиз. Биз бир Кудайга гана ибадат кылуу үчүн жаралбадык беле. Дүйнө ишиндеги милдетти аткаргандан кийин бош убактыңызды чыныгы жашоодогу пайдалуу ишке арнаңыз.

ﻓَﺈِﺫَﺍ ﻓَﺮَﻏْﺖَ ﻓَﺎﻧْﺼَﺐْ * ﻭَﺇِﻟَﻰ ﺭَﺑِّﻚَ ﻓَﺎﺭْﻏَﺐْ

«Эгерде (намаздан) бошосоң, (дубага) кириш. Жараткан Эгеңе жалбар!». (94.Аш-Шарх: 7- 8)

ﻭَﺍﺑْﺘَﻎِ ﻓِﻴﻤَﺎ ﺁﺗَﺎﻙَ ﺍﻟﻠَّﻪُ ﺍﻟﺪَّﺍﺭَ ﺍﻵﺧِﺮَﺓَ ﻭَﻻ ﺗَﻨْﺲَ ﻧَﺼِﻴﺒَﻚَ ﻣِﻦَ ﺍﻟﺪُّﻧْﻴَﺎ ﻭَﺃَﺣْﺴِﻦْ ﻛَﻤَﺎ ﺃَﺣْﺴَﻦَ ﺍﻟﻠَّﻪُ ﺇِﻟَﻴْﻚَ

«Аллахтын сага берген дөөлөтү аркылуу Акырет конушуна жетүүгө умтул да, бул дүйнөдөгү ырыскыны да унутпа. Аллах сага жакшылык кылгандай, сен да жакшылык кыл. Жер бетинде бузукулук кылууну көздөбө. Аллах бузукуларды сүйбөйт». (28.Аль-Касас: 77)

Бул дүйнө эгинзар ким эмне эксе акыретте ошону алат. Бул дүйнө кызыкчылыктары акыретибиз алдында бир кыпынчалык кадырга ээ эмес ошондуктан бир тууганым убакытты ысырап кылбай түбөлүк бакытуулук жолуна камыңызды көрүп калыңыз…

Запись Дүйнө өтүп кетүүчү байлык,түбөлүк байлык – акыретке алып кетүүчү амалың…. впервые появилась Formula.KG.