БАКТЫЛУУЛУК ФОРМУЛАСЫ

Запись 🔴 ТҮЗ ЭФИР Аялзатына сабак 23.04.17 впервые появилась Formula.KG.

Иштен келип күйөөсү, кеч киргенде.
Мына эми дарбазаны бекитээрде.
Балдары сыртта ойноп журушуптур.
Карап калды, бир саамга тикирейе.

Жаман -жуман нерселерди таштандыда.
Балдар аны айлантыптыр оюнчукка .
Кийимдери булганган, боз ала чаң.
Эч нерсени албай ойноп капарына.

Үйдү карай жөнөдү кадам таштап.
Бир нерсенин болгонун, сезди байкап.
Кум менен суу төгүлгөн кире бериш.
Шашып өттү ал жерден да шашкалактап.

Бөлмөлөргө баш багып, карап кирди.
Мынча эмне чачылган деп сүйлөп ийди.
Эртең менен, баары таза жакшы эле.
Мындай болуп кетээрин ал кайдан билди.

Аркы бөлмө тарапка да, чуркап барды.
Үйдүн ичи сапырылган, оозун ачты.
Дубалдагы илинген килемдери.
Бир жак чети үзүлүп, жерде жатты.

Эмне болгон, мынчалык биздин үйгө.
Деп таңкалды, түшүнө албай кабак буркөө.
Жалтырап, таза турчу эмес беле.
Дайыма мен жумуштан келген күндө.

Тамак иччүү бөлмөгө, шашып өттү.
Кирип барып чындап коркуп, өңү өчтү
Ар бир жерде агарып, кардай болуп.
Ун төгүлүп жатканын дагы көрдү.

Жуулбаган идиштер жайнап кеткен.
Бир жагында, чыны жатат, сыры кеткен.
Сыныктары жерде жатат тарелканын.
Мындай нерсе, биздин үйдө эмнеликтен.

Ушунчалык чоочулаган келбет менен.
Уктай турчу бөлмөсүнө, учуп жеткен.
Аялы китеп окуп отуруптур.
Күлүп гана бейкапар эч нерседен.

Күйөөсүнүн кебетесин көрүп алып.
Иш абалын сурады, жай жылмайып.
Деди анан, курсагың ачкан жокпу.
Бүгүн тамак даяр эмес, не кылалык.

Күйөө анан сурады, Не себептен.
Биздин үйдө, өзгөрүүлөр эмнеликтен.
Түшүнө албай турам дале, башым катып.
Үйдүн баары, чачык экен, иштен келсем.

Үйдө бекер отурасын, иш кылбайсын.
Качан болсо, бош отуруп жыргатпайсын.
Дечү элең, бүгүн бир да иш кылбадым.
Өзүң көрүп турганындай кыйналбадым.

Чындыгында, жасабадым эч нерсени.
Өз бөлмөмдөн, чыкпай китеп эрмектедим.
Сени менен бирге барып, азыр көрөм.
Балдарыбыз эмне кылып жибергенин.

Көрдүңөрбу, мына достор аял кандай.
Баркын билбей, ороңдойбуз биз аябай.
Аялзаттын, жасап жаткан эмгектерин.
Эмне үчүн, көрө албадык биз баалабай.

Үйдүн ичи, адам көргүс болуп калат.
Бир эле күн, койгон болсо тазалабай.
Аялзатын, сыйлап жардам береличи.
Мээнеттенип жатса дагы каралабай.

Автор: Р. Акматов

Запись Аялын үйдө эч иш кылбайт деген күйөөлөргө. впервые появилась Formula.KG.

Эркек киши үй-бүлөсүнүн башчысы жана камкорчусу. Аял кишилердин милдеттери болгондой эле эркектердин да үй-бүлөдө аткарчу жумуштары бар. Жакшы эркек кандай нерселерди жасабайт? Алар:

1.Сынабайт. Жакшы күйөө аял кишини сынап, башка жандын көңүлүн сындырбайт. Куранда айтылгандай “Аял киши ийри кабыргадан жасалган аны түздөйм десең сындырып аласың”-делет. Аялды акыл жана мээримдүүлүк менен гана тарбиялоо керек. Кетирген кемчиликтерин айтып, кемсинте бергендин ордуна жакшы жагын айтып, мактап койсоңуз, аялыңыз сиз үчүн жакшы болууга болгон күчүн жумшап аракет кылат.

2. Текшербейт. Ишенимсиздик-аял менен күйөсүүнүн ортосундагы эң чоң кыйындык. Динде бири-бирине ишенүүгө, күмөн санаткан терс ойлордон алыс болууга чакырат. Ишеним бар жерде өз ара сый мамиле жана тынчтык өкүм сүрөт.

3.Аялына зат сыяктуу карабайт. Сиздин аялга кандай караарыңыз адамкерчилик касиетиңизди көрсөтөт. Аялыңыз-өмүрлүк жолдошуңуз, балдарыңыздын энеси. Туура сиз сыяктуу тирүү жан. Бирок сизден назик, алсыз. Ошондуктан жумшак мамиле кылууңузду жана көңүл бурууңузду жакшы көрөт. Көбүрөөк сүйлөшүп, сырдашууга тырышыңыз. Көп көңүл бөлүңүз. Кандай көйгөйлөр болуп жатканын, эмнени каалап жатканын сураңыз. Ушундай мамиле менен аялыңызга сүйүүңүздү билдирип, аны кубанта аласыз.

4. Кемсинтпейт. Аялды урушуп, кемсинтип же болбосо кордогонго болбойт. Кандайдыр бир ката иш жасап койсо, ачууңузду басып, акыл калчап туура чечим кабыл алыңыз. «Сен сыяктуу аял кимге керек дейсиң?» деген сыяктуу сөздөр менен кемсинтип, ар-намысын тепселеп кетпеңиз. Жан шеригиңиз ирээтинде жеке урмат сый көрсөтө билиңиз. Куранда: «Жубайлаңыздар менен жакшы карым-катнашта болгула” делген.

5. Башкалар менен салыштырбайт. Күйөөсү аялына «Элдин аялдарын карачы, ал сенин жүрүшүң бул» деп айткан бир сөзү аялдын назик жанын жаралайт. Өзүнө болгон ишеними жоголуп, ичинен өзүн жемелеп чыгат. Антпестен кайра ага жардам берүүгө тырышыңыз. “Мындай кылсаң жакшы болот эле” деген сөздөрдү айтуу менен колдоп кубаттап туруңуз.

ФАРИДА ЖУМАКАДЫРОВА
http://zaman.kg/

Запись Жакшы эркек бул нерселерди жасабайт впервые появилась Formula.KG.