БАКТЫЛУУЛУК ФОРМУЛАСЫ

БИСМИЛЛАХИР РОХМААНИР РОХИЙМ !

(бешинчи сабак)

Ассаламу алайкум ва
роматуллоохи ва барокатух !

…Кантип Куран окууну үйрөнөбүз ?
Кантип жаттайбыз ?
Кайсы убакта ?
Албетте бул суроолорго сабактарыбызды калтырбай,
биз менен чогуу алып барсаңыз
сөзсүз жооп аласыз !

Куран жаттап, аны үйрөнүүдөгү
дагы бир чоң сыр тууганым, бул – дүйнөлүк, атактуу каарылардын
окуган кырааттарын көп угуу !
Баарыбыз билген атактуу каары,
Саудия мамлекетиндеги Кувейт шаарынан Мишари Рошид ал-Афаси,
Абу Бакр аш-Шатрий жана
Египеттин Миср шаарынан
Махмуд Халил ал Хусори, ошондой эле Мухаммад Сыддык ал-Миншавий, Абдулбасит Абдуссомад (рохимахуллох) ж.б ушул сыяктуу атактуу каарылардын окуган кырааттарын көп угуу
сизди Куран окууга шыктандырып, кызыгууну күчөйтүп, үйрөнүп кетүүңүз бир кыйла жеңил болот !
Алардын окуган кыраатында ката жок, эгер ката табылса,
аларды дүйнөлүк каарылардын
катарына чыгарышмак эмес!

Ошондуктан ошол Куран хафиздерин угуп, кандай окуп жатат,
кантип окуп жатат андан сабак алыңыз !

(Хадис)
Укба бин Амир (родияллоху анху) Пайгамбарыбыз (саллаллоху алайхи ва салламдан) риваят кылат:
«Эгерде Куранды булгарынын ичине салып, андан кийин аны отко таштай турган болсо анда ал күйбөйт !»-деген.

Ушул хадис тууралуу,
уламалардын чечмелөөсү боюнча,
Кимде-ким Куранды жаттаган (кары) болсо, ал кайсыл бир күнөөсүнүн себебинен тозокко түшсө да тозоктун отунун таасири ага тийбейт !

Бир хадисте :
“Маа массатхун-наар: Тозоктун оту ага жетпейт!”-деген сөз да келген.

“Шархус Сунна” аттуу үлкөн китепте
Абу Умама (родияллоху анху) риваят кылган хадисти, Мулла Али кары (рохматуллохи алайхи) жазган:
«Курани Каримди жаттагын !
Себеби Аллах Таала Куран сакталган жүрөккө азап бербейт !»

Куранды жаттоону пайдасыз сезген инсандар ойлонушсун !

Дүйнөдө,
ушундай илим же китеп барбы ??

Окуган ар бир тамгасына
сооп берип, кыяматта тозокко
түшүүдөн сактай турган …?

Чындыгында акылдуулар үчүн
сабак бар бул жерде туугандар !?

Ошондой эле, Кыяматтын коркунучтуу жана азаптуу күндөрүндө
Куран жаттаган каарылар
Аллах Тааланын Аршынын көлөкөсүндө болушаары туурасында «Шарху Ихя» аттуу китепте да айтылган.

Али (родияллоху анхунун) башка бир хадисинде :
Куран ээлери (Куранды жаттоочулар) Аллах Тааланын көлөкөсүндө, Пайгамбарлар жана Аллах Таалага жакын инсандар менен бирге болушат !»

Бүгүнкү күндө президенттин же бир ишмер кишилер менен чогуу беш эле мөнөт туруп, телефон менен селфи кылып алып канча сүйүнөсүң,
президент менен жакын турдум, депчи)))

Кыяматта ПАЙГАМБАРЛАР жана солих, жакшы иштерди кылуучу
адамдар менен чогуу болосуз !
Ушул ийгиликтин туу чокусу !

Имам Ахмад жана Имам ат-Тирмизий риваят кылган башка бир хадисте,
Али родияллоху анхудан риваят келет:
Пайгамбарыбыз алайхис салам айтты:

«Ким Курани Каримди окуса, аны жаттаса жана анын адалын адал деп билсе жана арамын арам деп билсе, Аллах Таала аны Бейишке киргизет жана анын
үй-бүлөсүнөн тозок оту
важип болуп калган он адамга
шапаат кылууга мүмкүнчүлүк берет !»
(Шапаат – куткаруу, ортого түшүү, жардам берүү – деген мааниде).

Бул шапаат – жалаң мусулман адам үчүн болот. Эгер, Куран жаттаган кишинин жакындары ыймансыз болсо анда аларга кечирим да шапаат да кылынбайт . Ошондуктан бир тууганым, тозоктон алыс болоюн десеңиз жок дегенде өз жакындарыңыздан бирөөнү хафиз каары болуусуна аракет кылыңыз !
Ошонун берекетинен чоң кыйынчылыктан кутуласыз !

Муъаз родияллоху анху
Пайгамбарыбыз алайхис саламдан риваят кылат :

«Ким Курани Каримди окуса жана ага амал кылса, анын ата-энесине Кыямат күнү ушундай таажы кийгизилет.
Анын нуру,
күндүн нурунан да нурдуу болот .
Эгерде ошол күн силердин үйүңөрдө болсо, анда Куранга амал кылган адам тууралуу силердин кандай оюңар бар ?!»

СубханАллах, Ким эгер Курани Каримди окуп жана ага амал кылса, ошонун берекетинен аны окуган кишинин ата-энесине күндүн нурунан да
бир нече эсе нурлуу болгон
нурлуу таажы кийгизилет !

Башка бир хадистин мазмунунда:
“Кимде-ким Куран окуса жана ага амал кылса, ага нурдан жасалган таажы кийгизилет. Ал эми анын ата-энесине бүткүл дүйнөнү салыштырса ага тең келе албаган эки кийим кийгизилет.
Ошондо алар:
«Эй, Аллах ?! Бул кийимдер эмне үчүн берилди ?»-деп сурашат.
«Бул – балаңдын Куран окугандыгынын ордуна !”-деп жооп берилет.

Имам Табарани (рохматуллохи алайхи) Жамиъул-фаваид китебинде, Анас родияллоху анхудан, Пайгамбар алайхис саламдын хадисин риваят кылат:
«Кимде-ким өзүнүн баласына Куран окуганды үйрөтсө, анын мурдагы жана кийинки баардык күнөөсү кечирилет !
Ал эми кимде – ким өзүнүн уулун Куранды толлук жаттаткан болсо,
анда ал Кыямат күнү он төрт күндүк толгон айдай нурлуу болуп тирилет.

Анын уулуна «Оку!»-деп айтылат жана уулунун окуган ар бир аяты үчүн, атасы бир даража көтөрүлөт.
Ушундайча (уулу канча аят окуп токтосо) ошончо бийик даражага көтөрүлөт .

Күн менен Жердин аралыгы узак, бирок күн өз нурун ошончо алыстыктан чачат …

Ал эми ал күн алыста эмес
өз үйүңүздө болсо, анда бир топ нуру көбүрөөк жана жарык болот эмеспи .

Куран окуган кишинин ата-энесине күндүн нурунан да жарыгыраак таажы кийгизилсе анда Куран жаттаган адамга кандай сыйлык берилет болду экен ээ??
Бир ой-калчап көрбөйсүзбү ?!)

Эхх бир тууганым ,
Куран окууну,
дагы деле баштай элексизби ?)

«КУРАН ҮЙРӨНҮҮДӨГҮ СЫРЛАР»

~Али Оши

“БАКТЫЛУУЛУК ФОРМУЛАСЫ”

Запись КУРАН ОКУУНУН ПАЗИЛЕТТЕРИ впервые появилась Formula.KG.

Өзгөлөрдөн өзүн өзгөчө сезген чиркей…

✍Текеберлигинен улам өз калпынын туткуну болгондордун абалы айтылуу Мавляна Жалаладдин Руминин “Маснави ” аттуу эмгегиндеги тамсилде таасын сүрөттөлгөн:

“Чиркей өзүгөлөрдөн өзгөчө сезе турган. Ал өзүнө— өзү: “Мен бул доордун зымырык кушумун. Менден жогору эч бир канаттуу жок! ” -дээр эле. Күндөрдүн бириндк бир эшектин заарасы менен аралашып! Түшкөн чайналган чөптүн үстүнө конду. Эшектин заарасын учу-кыйры көзгө илешпес деңиз, тезектен калган чөптү кеме, ал эми өзүн кеменини башкарган жол башчы (капитан) катары сезип: “Мына, океан! Бул болсо менин эң мыкты кемем . Ал эми мен дүйнөдөгү океан -деңиздердин баарын басып өткөн эң тажырыйбалуу жол башчымын! “-дептир ..

Адамдагы эң коркунучтуу жана эң талуу тамыр бул «мен »деген текеберликтин тамыры. Дал ушул тамыр күч алган адам өтө оор күнөө иштерге ойлонбой бараары бышык. Чындыктын жанында болууга бей байлагандар текеберликтен арылуу менен гана чындыкка кызмат кыла алышат…
Текеберлик -бой көтөрүү,чындыктын алдында баш ийбөө дегендик. Алла Таала Куран аяттарынын бир топ жеринде бул багытта бизге эскертүүлөрүн берген:
«Шек -күмөнсүз,Аллах бой көтөргөн жана мактанчаак адамды жакшы көрбөйт»(Ниса:4;36)…

«Жер бетинде текеберленип,бой көтөрүп жүрбө! Себеби сен эч качан жерди теше албайсың,жана тоолорго тең боло албайсың! »(Иса:17;37)…

«Аллах Таала: -Эй, Иблис! (Чексиз) кудуретим менен жараткан (Адамга) сажда кылбай коюшуңа эмне тоскол болду? Же бой көтөрүп текеберленгиң келдиби? Же бийик даражалардагылардан болуп калдыңбы? -деди»(Сод: 38;75)…

Ошентип, Ибилис адамдын нурду чагылдыра албаган топурактан жаратылгандыгын тенсиңбей,бирок андагы Аллахтын берилген өзөктү көрө албай,от менен топурактын ортосундагы айырмачылыктан жаңылып,адамдын алдындагы текеберлигин Алла Таала алдында көрсөтөөрү менен каргышка калып, түбөлүк бактысынан ажыраган. Анысы аз келгенсип,муну өзүнөн көрбөй адамды күнөөлөп,кыяматка чейин адамзат урпагын адал жолдон адаштыруу менен өч алууга жан үрөөдө ….

Кутман сахабалардан азирети Абдуллах бин Масуд айтып калтырган куттуу хадисте мындай делет:
«Пайгамбарыбыз (саллаллоху алейхи васаллам) бир күнү:
-Жүрөгүндө кыпынчалык текеберлиги бар адам бейишке кире албайт,-деди.
Сахабалардан бирөөсү:

-Адам баласы кийим -кечесинен жана бут киймин жакшы болушун каалайт,-деп суроолуу карады. Анда Алланын Элчиси:
-Алла Таала сулуу! Ал сулуулукту жакшы көрөт. Ал эми текеберлик, – чындыкты кабыл албоо жана адамдарды кемсинтин төмөн көрүү! -деп жооп берди»(Муслим,Иман 147; Абу -Давуд) …

Текебердиктен туулган иштер тууралуу бир нече мисал берели:

1- Суроо сурабоо текебердиктен туулат. Текебер адам суроо суроону билбестиктин белгиси деп кабылдайт. Суроо сурасам билбегендигим билинип калат деп ойлойт.

2- Дайыма өзүнөн суроо суралуусун, башка биринен суралбоосун каалайт. Билген же билбеген ар суроого жооп берүүгө далалаттанып, “билбейм” деп айта албайт.

3- Жол суроодон тартынуу. Жол сурабоо жана суроо сурай албоо уят болуп калбайын, айыпталып калбайын деген коркуудан улам болот.

4- Башчылардан уруксат суроодон тартынуу.

5- Конокто болсо, имамдыкка ылайык бир канча адам болсо үй ээси уруксат бербестен эле имамдыкка өтүү, баарынан да өзүн имамдыкка ылайык көрүүсү.

6- Бир жыйналышта жеке эле өзү сөз сүйлөөнү каалоо, башкаларынын сөзгө кошулуусунан ыңгайсыздануу, алардын козудай болуп угуп отурууларын каалоо.

7- Досторуна бир нерселерди билгендигин көрсөтүү үчүн аларга кез келгенде бир нерсени айтууга тырышуу, ката деп ойлогон нерселерин дароо оңдоого, аларды эскертүүгө аракет кылуу.

8- Мечитте бош жерлерди толтур деп тиге-буга буйрук кылуу жана муну уккан адам да муну катуу кабыл алса.

9- Макталууну жактыруу, сынды көтөрө албоо. Катасын айткан адамга рахмат айта албоо.

10- Чындыкты кабыл кылбоо. Бир нерсе мындай деп айтылганда аны чечмелөөгө аракет кылуу. Негизи чындыкты айткан адам кичине бала болсо да, сабатсыз адам болсо да муну кубануу менен кабыл кылуу керек.

11- Васваса кылуу да текебердиктен болот. Өзүн өтө этияттуумун деп эсептегендер башка адамдарды ката кылып жатат деп ойлошот.

12- Башчы болууну каалоо, буйрук берүүнү жактыруу. Өзүнүн кээ бир жактарын жогору деп эсептөө.

13- Адамдардын жанына баруудан, бир нерсе суроодон тартынып жаткан болсо бул дагы текебердиктин белгиси болуп саналат.

14- Жөнөкөйлүк кылып жаткандай көрүнүү. “Пендеңиз сизди угуп жатат” ж.б., деген сыяктуу сөздөр менен ашыкча жөнөкөйлүк көрсөтүү. Пенде бул кул дегенди билдирет. Андай болсо ар айтылган нерсеге каршы чыкпоосу керек эмеспи. Эгер мындай болбосо пендемин деп айтуусу текебердигин жашыруудан башка нерсе эмес.

15- Жөнөкөйлүк болсун деп калп эле “мендей алсыз кул”, “мендей күнөөкөр кул” дегени менен бираз сындала турган болсо дароо ачууланат. Азыр эле айтып жаткан алсыздыгын, күнөөкөрлүгүн дароо унутат. Мындай адам текебер адам.

16- Туш келген адамга кыйынчылык тарттыруу, аларды таарынтуу. Бирин экинчисине даттануу. Башкалардын кемчиликтерин айтып, ал эми өзүнүн андай адам эмес экендигин билдирүүгө тырышуу.

17- Тообону кечиктирүү, намаз окубоо дагы Аллаху таалага каршы текебердик болот.

18- Пикир талашуунун акырында “хаккыңды халал кыл”, “кечир” десе аны кабылдабоо. Бул дагы эле меники туура деген пикирде болуунун белгиси.
19- Адамдардын арасында жеке эле өзү сүйлөп, башкалардын сүйлөөлөрүн жактырбоо.

Натыйжада: Өзүнүн чегин билүү жөнөкөйлүк, чегин билбөө текебердиктин белгиси болуп саналат.

Текеберлик Аллаху тааланы унутуунун белгиси. Текеберлик бардык жакшылыкка кедерги болот, ошол эле убакта бардык жамандыктын ачкычы болуп саналат. Текеберлик шайтандын сыпаты жана анын Бейиштен куулуусуна себеп болгон.

Күчтүү адам жөнөкөй, алсыз адам текебер болот.

Текеберлик менен куфурдун арасында өтө ичке аралык бар. Текеберликтин бир кадам аркы жагы куфур болот.

Алсыз адам кемчилигин толуктоо үчүн текебер болот. Жакшылыктуу адам текеберленүүгө муктаж эмес.

Бардык жамандыктардын башы текеберлик болуп саналат. Текебер адам көп акмактык кылат. Пайдасын, зыянын ойлонбойт.

Алсыз адам текебер болот. Текеберлик Аллаху таалага ширк кылуунун бир тууганы. Текебер алып жүргөн мээде акыл болбойт. Напсибизди ортодон тартып, өзүбүздөн жийиркенүүбүз керек. Өзүнөн жийиркенбеген адам кутула албайт.

Бардык адамдар жогорудагы белгилерди карап өзүнүн текебердүү экендигин же эместигин түшүнө алат…

Аллах Таалам текеберликти тутукуну болуп калуудан жүрөгүбүздү,чындыктын чызыгын көрбөй калуудан көздөрүбүздү май басып калуудан,акыйтка тик карай албай моюн сунбай калууда напсибизди,башкаларды кемсинтип,азар берип,бой көтөрүүдө жан дүйнөбүздү сактасын! Амин…

Насиба Абдуллаева.

«БАКТЫЛУУЛУК ФОРМУЛАСЫ»

Запись ЭҢ КОРКУНУЧТУУ ООРУ ТЕКЕБЕРЛИК впервые появилась Formula.KG.

«Аьуузу биллахи минаш-шайтонир-рожиим» мына ушул бир ооз сөз менен шайтанды кубалоого болот. Бирок, көп адамдар бул сөздү айткан менен шайтандын азгырыгынан кутула албайт. Мунун себеби эмнеде?

Шайтандан сактануу сөзү – жоокердин колундагы кылыч сыяктуу. Эгерде кылыч кармаган кол күчтүү болсо, кылыч тийген жерин кыйып түшөт. Кылыч канча курч болбосун, кол алсыз болсо, анын шилтегени эч нерсеге жарабайт. Ошол сыяктуу, эгерде шайтандан сактануу сөзү такыба адамдын оозунан чыкса, шайтанды качырат, ал эми такыбасы жок адам айтса, андан майнап чыкпайт. Адамдын оозунан чыккан сөзү анын ыйманына жана такыбалыгына жараша болот. Аалымдардын бири шакиртине кайрылып:

– Эгерде, бир адам итин ээрчитип бара жатса, кокустан анын ити сага асылса, эмне кыласың? – деп сурайт.

– Мен аны колума келген нерсе менен уруп сактанамын.

– Ал кайра эле асыла берсечи?

– Мен аны андан да катуу урууга аргасыз болом.

– Эгер сен өзүң айткандай кылсаң, эч кандай майнап чыкпай калуусу да мүмкүн. Андан көрө, дароо эле иттин ээсине кайрылгын. Ал сени убара кылбастан сактап калат.

Бул хикаядан түшүнүктүү болуп тургандай, биз баардык ааламдын ээси болгон Аллах менен мамилени оңдосок, Ал бардык көйгөйлөрдү чечип берет. Бизди шайтандан сактоого Аллах Тааланын күчү жетет. Марьям энебизди өмүрү шайтан азгыра алган эмес. Аны энеси төрөп жаткан мезгилде, Аллахка кайрылып:

«Мен аны жана анын урпактарын ырайымыңдан куулган шайтандан коргооңду тилеп, сага жалбарамын» деп айткан эле. (Аалу Имран сүрөсү, 36-аят). Аллах анын дубасын кабылылды.

Шайтандан жана анын желдеттеринен сактануунун негизги жолу – Аллахка кайрылуу.

Аллах Таала пайгамбарыбызга кайрылып: «Качан сени шайтандын азгырыгы жолдон чыгара баштаса, Аллахтан коргоо сура! Чынында Ал Угуучу, Билүүчү!» деп айткан. (Аьраф сүрөсү, 199-200-аяттар).

Дагы бир аятта: «Айткын: «Оо, Роббим! Мен шайтандын азгырыгынан коргоо тилеп Өзүңө жалбарамын!» (Муминуун сүрөсү, 97-аят). Демек, ким чын ыклас менен Аллахка кайрылып, шайтандын азгырыгынан сактоону суранса, Аллах аны шайтандын азгырыгынан сактайт.

Шайтандан сактануу сөзүн айтуучу орундар:

1. Ажатканага кирүүдөн алдын. Пайгамбарыбыз (Ага Аллахтын салам-салаваты болсун) ажатканага кирүүдөн алдын: «Аллахумма иннии аьуузу бика минал хубси вал хабааис»-
деп айтчу. Мааниси: «Аллахым, жин-шайтандын эркек-ургаачысынан сактооңду суранам».
2. Ачуу келген учурда. Сулайман бин Сирд (Аллах андан ыраазы болсун) айтат: «Бир жолу эки адам урушуп кетип, ачууланып, бети кызарып чыккан бири экинчисин жаман сөз менен тилдеп жиберди. Аларды көрүп калган пайгамбарыбыз (Ага Аллахтын салам-салаваты болсун): «Мен бир сөз билем. Ким бул сөздү айтса, анын ачуусу тарап кетет. Бул «Аьуузу биллахи минаш-шайтоонир-рожиим» деген сөз» – деди. (Бухари, Муслим).
3. Эшектин айкырыгын уккан мезгилде. Пайгамбарыбыз (Ага Аллахтын салам-салаваты болсун): «Эгер эшек айкырса, шайтандан сактоону суранып Аллахка кайрылгыла» – деп айткан. (Табарани).
4. Куран окуган мезгилде. Аллах Таала Куранда: «Куран окуган учурда таш бараң кылынган шайтандан сактоону суранып Аллахка кайрыл» – деп айткан. (Нахл сүрөсү, 97аят).

Запись ЭМНЕ ҮЧҮН КӨП АДАМДАР ШАЙТАНДАН САКТАНА АЛЫШПАЙТ?! впервые появилась Formula.KG.

Падыша Харун Рашиддин заманында араб тилин мыкты өздөштүргөн Усмаьий аттуу аалым жашачу экен. Падышанын алдында, аалымдар арасында тил боюнча пикир келишпестик болуп калса, ар дайым акыркы сөз Усмаьийге ыйгарылчу. Анткени, анын тилдеги терең илими туура чечим чыгарып, талашка чекит койчу.

Бир жолу адаттагыдай эле Усмаьий адамдарга сабак өтүп жатып, Курандагы “Уурулук кылган эркек жана аялды, кылмышына жараша Алла тарабынан азап-жаза болуу үчүн колдорун кескиле! Алла – Кечиримдүү, Боорукер” деген аятты окуп калат. Ошол учурда олтургандардын арасынан бир тоолук адам: Устаз, бул кимдин сөзү? – деп сурайт. Бул Алла Тааланын сөзү, деп устаз сөзүн уламакчы болгондо, тиги кайра сурайт:

-Устаз, бул сөздү ким айткан? Усмаьий тигиге таң калып, жообун кайталайт:

-Бул, Алланын сөзү, сен Куранды окуган эмессиңби?

-Ооба, мен Куранды окуган эмесмин, бирок Алла Таала минтип айтпаш керек эле, дейт тиги да оюнан кайтпай.

– Куранды окубасаң, анан эмне үчүн талашып жатасың, бул “Маида” сүрөсүндө келген аят, Алланын сөзү, дейт Усмаьий бир аз ачууланып.

-Жок, мен буга ишенбейм, Алла Таала минтип айтпайт, дейт тиги да көшөрүп. Илимдүү устаздын алдында адепсиздиги бир, Куран аятын жокко чыгарганы эки болуп, олтургандардын баары аны сабактан кууп чыкмакчы болуп калышат. Ошондо Усмаьий кол жаңсап тигилерди токтотуп:

-Бир аз сабыр кылгыла, сөзүбүз далилдүү болсун үчүн ага Курандан окуп бергиле, дейт. Бирөөсү ордунан тура калып Куранды алып келип устазга сунат. Ал “Маида” сүрөсүн таап, аятты окуй баштайт: “Уурулук кылган эркек жана аялды, кылмышына жараша Алла тарабынан азап-жаза болуу үчүн колдорун кескиле! Алла – Ызаттуу, Даанышман”. Аятты акырына чейин окуган Усмаьий эмне айтарын билбей буйдалып калат. Көрсө, чындап эле ал аяттын акырындагы эки сөздү, “Азиизун, Хакиим” “Ызаттуу, Даанышман” деген сөздөрдү “Гофуруун, Рахиим” “Кечиримдүү, Боорукер” деп туура эмес окуп алган экен.

Бул көрүнүшкө устаз да, олтургандар да таң калбай коюшкан жок. Кантип эле, Куранды окубаган тоолук аяттын туура эмес айтылганын билип алсын.

-Аяттын туура эмес экендигин кантип билдиң? – деп сурайт акырында Усмаьий тоолуктан.

-Аятта “Уурулук кылган эркек жана аялды, кылмышына жараша Алла тарабынан азапжаза болуу үчүн колдорун кескиле!” деп айтылып жатат. Бул өкүмдө ызаттуулук жана чексиз даанышмандык катылып жатат. Бул жерде эч кандай кечирим кылуу жана боорукердик жөнүндө сөз жок. Анан кантип аяттын уландысында “Алла – Кечиримдүү, Боорукер” деп айтылсын.

Тоолуктун сөзүн муюп уккан Усмаьий бир чети таңыркап, бир чети өкүнүп:

-Аллага касам ичип айтамын, биз арап тилин билбейт экенбиз?! – деп сыртка чыга жөнөптүр…

The post Арап тили appeared first on БАКТЫЛУУЛУК ФОРМУЛАСЫ.