БАКТЫЛУУЛУК ФОРМУЛАСЫ

Айылда жашаган бул адамдын бир аты, бир эшеги бар эле. Ал шаардан жүк алып, анысын эшеги менен атына артып, анан айылга алып келип сатып күн көрчү. Соода кылууда адилеттүү болгондуктан, аны адамдар да жакшы көрчү. Бирок, ал бир гана иште адилеттүү боло алчу эмес. Ал шаардан болобу, айылдан болобу жүк алып жөнгөндө эшегине көбүрөөк артып, атына азыраак артып койчу. Байкуш эшек араң басып кыйналып жол жүрсө, ат таскактап оюн салып жүрүп отурчу. Соодагердин мындай адилетсиздиги жакшылык менен бүткөн жок.

Бир жолу адаттагыдай эле шаардан жүк алып кайткан соодагер эшегине оор жүктүн баарын артып, атына жеңилин артты да жолго чыкты. Көптөн бери оор жүк көтөрүп табы айнып калган эшек бул жолу кыйынчылыкка чыдай албады. Курбум, деди ал атка жалооруй карап, менин абалым оор болуп турат, жүгүмдөн бир аз өзүңө алып мага жардам берчи, болбосо өлүп калчудай болуп турам. Өзүмчүл атка анын сөзү жаккан жок: Кечирип кой курбум, башка бирөөнүн жүгүн өзүмө алгыдай анча деле камкор эмесмин, менин жүгүм өзүмө жетиштүү, деди да, желип-жортуп алдыга өтүп кетти. Эшек дагы бир аз баскан соң мүдүрүлүп жыгылды да, ошол бойдон жан берди. Артынан жете келген ээси эшегине ичи ачышып эмне кыларын билбей туруп калды. Анан, күткөндө эмне эшек тирилип кетмек беле деп, атын жетелеп келди да, жүктүн баарын ага артып жолун улады. Оор жүктөн бели кайышкан ат кемчилигин эми түшүндү.

Аттиң, деди ал, анын бир аз жүгүн өзүмө алып койсом, мынчалык балээге туш болбойт элем, эми жүктүн баарын өзүм көтөрө турган болдум.

Бактыт -бул жан дүйнөңдүн тынчтыгы!
Бактыт -бул жүрөктөгү сүйүнүч!

Бакыт -бул көздөрдөгү кубаныч дегендей бактылуу инсан өзүнчө башкача болот буту бутуна тийбей асманда учкан кушка окшоп, өзүнчө балкыган бакыттан ырахаттанып андан өткөн кубанычтуу, бактылуу инсан жоктой сезилет. Чынында ошондой болот.
Биздин жашообузда бакыт алдың,артың келип турат. Биз каалаганда эмес биз күтпөгөндө келип жашообузду түп тамырынан өзгөртүп жыргалдыка бөлөйт.
Кана эмди түбөлүк бактылуу болуп жашасак андай бул жашоодо болбойт. Түбөлүк бакыт кайда экенин билесизби?
Түбөлүк бакыт Бейиште болот сиз эч канчан ал бакыттан айрылбайсыз.

 Бул дүйнө бакытын да, аркы дүйнө бакытын да кайдан издесек болот?

Албетте динден табабыз. Дин менен жашган үй бүлөөдө чыныгы бакыт болот. Бакытты издөөнүн кереги жок Бакыт өзү келет эгер сен жакшы инсан болсоң.
Эгерде сен Аллах жолунда барына жогуна Шүгүр кылып күнүңдү ибадат менен өткөргөн болсоң Аллах өзү берет.
Биз адамзат бакытты акчаң,кабат кабат үйүң,кымбат машинең болсо болду ошонон өткөн бакыт жок деп эсептейбиз. Жаңыласыз тууганым ыйманы жок бир да үйдө бакыт болбойт.
Эгер билсеңиз эң негизги бакыт бул Аллахтын ыраазылыгын табуу болот. Аллах ыраазыбы сен эң бактылуу инсансың. Аллах ыраазыбы албетте сен күтпөгөндө ийгилик сен сураган сен каалаган нерсеңди өзү берет. Бирок убак сааты менен анткени Аллах сени кыйынчылык,проблемалар,оору дарт сыноолору менен сынап жатат. Сенин ыйманыңды, сенин ибадатыңды. Сен ушуларга көз жумуп Шүкүр,сабыр ибадат менен күн өткөзгөн болсоң.

Аллахым эч качан кур калтырбайт. Эгер билсең агарган таңдан кийин жаркырап чыккан күндүн чыгышы бар,жан дуйнөңдү муздаткан сыяктуу суук кычыраган кыштан кийин, жан дуйнөңдү жылыткан жаздын келиши бар.
Эч качан бактысызмын дебе? Анткени биздин мусулман болуп жаралганыбыз өзү чоң бакыт, Сүйүктүү пайгамбарыбыз Мухаммед صلي الله عليه وسلم дын үммөтү болуп калганыбыз чоң бакыт. Сиз жарыктыкта жашап жатканыңыз бакыт!

Ден соолугуңуз чыңдыгы бакыт!
Ата Энеңиздин бардыгы бакыт!
Жубайыңыз,жарыңыз балдарыңыздын амандыгын бакыт!
Үй жайыңыз барбы бул да бакыт!

Ушундай жашооңүзда туура жолдо жүргөн болсоңуз бакыт өзү келет ..
Ошон үчүн тууганым бакытты динден издеп дин менен жашайлы!!!

Насиба Абдуллаева,

“БАКТЫЛУУЛУК ФОРМУЛАСЫ”

The post БАКТЫТ ЖАН ДҮЙНӨНҮН ЫРАХАТЫ appeared first on БАКТЫЛУУЛУК ФОРМУЛАСЫ.