БАКТЫЛУУЛУК ФОРМУЛАСЫ

Суроо: Кыргызстанда мазхаб карманууда ар кандай мазхабды карманууга боло береби?
Жооп: Ыктыярыңыз. Бирок бир мазхабты кармаганда ошол менен бекем болуу зарыл.

Суроо: Бир жыл кийин токтотуп үчүнчү, төртүнчү, жума күнү тахажжут намазын окуп жүрөм кандай болот?
Жооп: Эч нерсе болбойт.

Суроо: Карыган апамды карайм. Мен сенден ыразымын дейт. Бейиш эненин таманында дейт, ошого эмне дейсиз?
Жооп: Туура, өтө жакшы кыласыз.

Суроо: Байпактын үстүнөн масх тартса болобу?
Жооп: Болбойт.

Суроо: Ассаламу алейкум! Дааватка өз машинасы менен чыкса болобу?
Жооп: Болот.

Суроо: Каза болгон туугандар түшүмө көп кирет, эмне кылсам болот?
Жооп: Эч нерсе болбойт. Колуңуздан келишинче алар үчүн Куран окуп, зикир кылып жана башка жашылыктарды кылып, алардын рухуна багыштап жүрүңүз.

Суроо: Жатарда эмне дуба кылыш керек?
Жооп: “Аллахумма бисмика амууту ва ахя” деп окуп жатыңыз.

Суроо: Кредит алсам бирок, убагында төлөсөм тапкан акчам адалбы же арамбы?
Жооп: Кредит аласаңыз арам болот, ошол үчүн күнөкөр болосуз. Бирок тапкан акчаңыз адал.

Суроо: Сөөктү жууган адамдарга кийит бериш керекпи?
Жооп: Сөөктү туугандары жууйт. Алар дагы кийит алабы?

Суроо: Өзүм үйлөнө элекмин. Эки кызы бар келинге үйлөнсөм кандай болот?
Жооп: Болот.

Запись Турмуштук суроо-жооптор (59) впервые появилась Formula.KG.

Күндөрдүн биринде бир келин муфтиятта иштеп жатканымда келип, мага мындай суроо берди:

-Мен 5 убак намаз окуюн десем, күйөөм катуу каршылык көрсөтүп жатат. Бирок күйөөмдү капа кылып албайын деп, ваннага кирип сууну агызып коюп, ванна ичинде тар жерде намазымды окуймун. Намазымды окуп бүтүп, чачымды суулап, сүлгү менен оронуп чыгам. Бир күндө 5 жолу ушинтип күйөөмдү алдап келем. Ушул намазым жарайбы же жарабайбы?!

МЕН ЖООП БЕРЕ АЛБАЙ КАЛДЫМ!!!

Ал келин кетээри менен өз бөлмөмө кирип алып ыйладым. Бир чети өкүнүп ыйласам, бир чети кубанып ыйладым

– Ушундай Кудайдан чын ыкластан корккон аялдар Кыргызстанда да бар экенине кубанып ыйладым; -Кыргызда да ушундай чын ыкластан күйөөсүн сыйлаган аялдар бар экенине кубанып ыйладым;

Мен ишенем мына ушундай аялдардан гана кыргызды башкаруучу, элине чын ыкыластан күйүп кызмат кылуучу эл мыктылары төрөлүүсүнө!!! Эстен чыгарбайлы ар бир курч, атактуу эркектин артында аял жөлөп турат…

Автор: Шейх Чубак ажы Жалилов

Запись ААЛЫМДЫ ЫЙЛАТКАН КЕЛИН впервые появилась Formula.KG.

Күйөөсүнүн жана балдарынын ушунчалык сый – урматына татыган аялдын мындай бакубат жашоого кантип ээ болгондугу тууралуу баяны….

Ал аял сөзүн минтип баштады:

“Биз жолдошум экөөбүз турмуш курганыбызга жыйырма жылдан ашып калды. Ушул жыйырма жылдын ичинде бетимде жылмаю пайда болуп, жашоонун ырахатын сезип бактылуу жашаган күндөрүм аз болду. Жашообузда күн сайын уруш – талаш, акыйнек айтышмай.

Ошентип жүрүп бир күн бир китептен бир аалымдын айткан сөзүн окуп калдым. Ал мындай болчу:

“Эркек адам аялы менен болгон мамилесинде аялын жинди деп билүүсу керек, ал эми аял адам күйөөсү менен болгон мамиледе күйөөсүн жинди деп билүүсү керек”- деп, жазыптыр. Биринчи бул нерсеге акылым жетпей таң калдым. Мындай нерсе кантип эле болсун деп.

Бирок бул нерсеге көнүл деле бурбай койдум. Анткени жолдошум жогорку билимдүү, акыл эси жайында, ден соолугу жакшы эле. Үй бүлөмдү бактылуу кылуу үчүн жашоодо бардык жолдорун колдонуп көрдүм. Бирок эмнегедир тыянак чыкпай жатты. Акыры ажырашууга да аз калды. Айлам жоктугунан улам жанагы аалымдын айткан сөзун жашоомдо бир колдонууну чечтим. Мына ошондо ошол сөздү жашоомдо колдонгонума эч өкүнбөймүн. Тескерисинче кайра-кайра ушунчалык сүйүнөм.Ошол күндөн баштап менин бактылуу жашоом башталды.Анткени жолдошум экөөбүздүн арабызда ызы чуу, уруш – талаш башталганда мен өзүмдү кармап, ага теңелбей, өз ичимден өзүмдү жоошутуп кирем:

“Сен ага тенелбе ал ушундай жинди, анын ден соолугу жайында эмес, Аллахым өзу шыпаа берсин. Ал эмне дегенин өзү билбейт. Эгер анын акылы жайында болгондо бул нерсени айтмак эмес, бул нерсени кылмак эмес”, – деп.

Бир канча убакыт ушинтип өзүмдү кармап ага тен келбей жүрдүм. Албетте кээде өзүмдү араң кармандым. Бирок сабырдуулуктун баары акыры мага женишти алып келди.

Жолдошум да акыркы күндөрү ага карап сөз кайтарбашымды, ага карап акыйнек айтышпаганымды байкап жатты. Күндөн күнгө ага болгон мамилемдин сылыктыгын жана жумшактыгын сезгенин көздөрүнөн, сүйлөгөн сөздөрүнөн байкап жүрдүм. Ал да мага жылуу мамиле кыла баштады. Мурдакыдай үнүн бийик чыгарып кыйкырбай калды. Акыры барып жаңы түрмуш курган жаш жубайлардай болуп калдык.

Биздин үйдө согуштун ак байрагы көтөрүлдү. Тынчтык өкүмү сүрө баштады. “Сабырдын түбү сары алтын” – дегени мына ушул турбайбы “,-деп акылдуу аял сөзүн аяктады. Аял-эркек маселесинде ким унчукпай койсо,ошол утат.
” САБАК АЛУУЧУ ТААСИРДУУ КЫССАЛАР ЖАНА ОКУЯЛАР ” китебинен.

Запись АЛ УШУНДАЙ ЖИНДИ.. впервые появилась Formula.KG.