БАКТЫЛУУЛУК ФОРМУЛАСЫ

БИСМИЛЛААХИР РОХМААНИР РОХИЙМ

Адам баласы бир нерсени издейт ..
Анын эмне экенин
инсан өзү деле жакшы аңдып биле бербейт .
Эркеги да аялы дагы, жашы дагы карысы дагы .
Эрте менен таңга маал багымдатты деле окуса окуйт
ошол бойдон издеп жөнөйт .
Көчөнүн четине туруп байкап көрсөңүз ар бир адам ушунчалык шашып бара жатышат,
ар бири өздөрүнүн издеген нерсесин табуу үчүн
колунан келген аракетин жумшайт.
Биздин издеп жаткан нерсебизди өзүбүз деле эмне экенин жакшы биле бербейбиз .

Билбеген нерсенин артынан жүгүрүп жүрүп
кантип бул дүйнөдөн өтүп кеткениңди да
билбей каласың.
Азыр көп адамдардын жүрөктөрүн кайгы баскан .
Ушул кайгыны жок кылуу үчүн адам баласы 24 саат дүйнө издейт, бактылуу күндөргө жетиш үчүн ..
Чөнтөктө акча баар, бирок эмнегедир
дагы эле жүрөк тынч эмес .
Колуңузда айфон, кымбат телефон ..
Эмнеге жүрөк сыгылат ?
Жүрөкө, көңүлүңүзгө эч нерсе жакпай
эч нерсени кабыл алгысы келбей жатабы?
Бмлиңиз тууганым Аллахты зикир кылыңыз..
Анткени жүрөктөгүкайгы күнөөнүн көптүгүнөн болот.
Кайгыны кетирүү үчүн көп дүйнө керек эмес.
Балки өтө көп истигфар керек !

Издеген нерсебиз, чуркап жүргөн максатыбыз
убактылуу гана дүйнө ..
Адамдар кылып жатышат,элди кара !)

Кошуналарың дубалын тургузуп койгон )
Баарыбыз башкача бир бактылуу жашоону каалап
ошол үчүн аракет кылып жүрөбүз.
Бирок эмнегедир окшошпой жатат..
Бактылуулукту өз мекенинен издебей
башка эле жерден таап алсам экен деп кыйналып
жүргөн чагыбыз ..
Аллах Таалам
эки дүйнөнүн бактылуулугун динге койгон !
Бул сөздү терең түшүнүп жетейли биз.
Түшүнүктүү болуп жатабы?
Электр тогун суу менен күндүн нуруна койгон..
Андан башка жерден таппайсыз!
Ошол сыяктуу бактылуу жашоону бир гана динге койгон, издесең динден табасың!
БАШКА ЖЕРДЕ ЖЫТЫ ДА ЖОООК)

Биздин издеген нерсебиз эмне ?
Түбөлүк бактылуулуктун доорун сүрүү эмеспи.
Уйкудан турганда мусулмандарга болгон,
өзүбүзгө болгон гам-кайгы
жүрөгүбүздө барбы же жокпу?
Кошунам намаз окуй албай жүрөт,
туугандарым бидаат ишти билбестен жасап жүрөт мен жеткирейин деген кыжалатчылык жүрөктө ойгонсун ! Же акча байлык, бир карыш курсактын гамын өмүр бою ойлонуп жүрүп өтүп кетүү керекпи?
Караңыз тууганым, бул дүйнөнүн иши зарылчылык.
Бизге уйку зарыл, тамак-аш зарыл, ажатканага баруу зарылчылык .
Бирок ыйман менен жашоо,
дин менен өмүр өткөрүү максатыбыз болсун !
Азыр сиз менен биз айлык алып өмүр кечирүүнү максат кылдык, дин менен жашоону
нике кыйганда жаназа окуганда,
дем салдырганда гана пайдаланып убактылуу зарылчылык кылып алдык туурабы туура эмеспи?
Негизги максатыбыз менен убактылуу зарылчылыктын ордун алмаштырып албайлы.
Дин менен жашоо бүгүнкү күндү ушунчалык зарыл
аба менен суудан зарылыраак !
Келиңиз тууганым аста-секин намаздарыбызды
билгендерге барып каталарын айтууну сураналы..
Окуган Кураныбыз тамгаларынан канча кыйналабыз туурабы, ошону үйрөнүүгө аракет жасайлы.
Сиз биз бир нерсе үйрөнүп бүрөөгө үйрөтүүчү болуңуз. Качанга чейин бирөөлөргө жетелетме болобуз? Качанга дейре үйүбүзгө дааватчы келип мечитке чакырсын ?!
Биз дагы жетелеп бирөөнү динге алып келейлиби?
Биз барып бирөөнү эскертели !

Келиңиз биз дагы ыймангы жакшылыкка чакырайлы.
Балким сиздин артыңызда өтө көп адамдын хидаяты тагдырга жазылгандыр ..
Балким сизди көрүп
көп адамдардын ыйманы күчөйттүр..
Сизди көрүп, сиздин эскертүүңүздү угуп
көп адамдар акыйкатты түшүнүп
тообо кылып калышаттыр.
Ошондуктан туугандар жаш болсок да
улгайып калсак да жакшылыкка чакырайлы..
Ата-энеге каяша айткандар пайда болду.
Бир жолу болсо дагы
“Менин акыретим эмне болот?”- деп уруштукпу )))

Дүйнө болсо, мал-мүлк үчүн үйдө күндүгө жаңжал.
Бир коюң жоголсо жүрөгүң токтоп калайын дейтго,
төрөгөн кызың үйгө келбесе кыжалат болбойсуң..
Тозок же Бейиш турса астыда..
Сен болбогон эле бир нерсе үчүн баш катырасың.
“Мен өлбөйм” – дегендер кол көтөрсүнчү !
Биз ошол күндү эстен чыгарбайлы ..
Балким ушул күн, ушул сааттар,
ушул секундалар менин акыркы убакыттарымдыр
– деп жашайлы ..
Биз Жаратуучуну таанып жашайлы .
Көзүбүз бар бирок акыйкатты көрбөй турган сокур болуп калбайлы.
Бийик үйлөр, кооз имараттар, унааларды көрүп
ким жасады, ким жасады – деп пенделерди издейбиз.
Асманды караңыз бир жериндн жыртыгы жок,
түркүксүз турат, Ким жаратты ?
Тоолорду карайлы, сууну Ким жаратты?
Пенденин ойлоп тапканын айтабыз,
Аллахтын жоктон бар кылганын унутуп калганбыз ..
Туурабы туура эмеспи ?

Менин айтайындегеним урматтуу мусулман бир туугандарым, мусульман болуп жашайлы

Али Оши~

“БАКТЫЛУУЛУК ФОРМУЛАСЫ”

Запись ОЙЛОН БИР ТУУГАНЫМ СЕН МУСУЛМАНСЫҢ! впервые появилась Formula.KG.

✍ Намаздын өтө баалуу жана маанилүү экендигин, анын үстүнө шарттарынын да өтө жеңил жана аз гана убакытты сарптоо менен окулаарын, ал эми намаз окубаган адамдын жеткен акылсыз жана зыяндуу болоорун, эки жерде эки төрт болгону сыяктуу ачыкайкын түшүнгүң келсе, ушул мисалда айтылган окуяга кара жана салыштырып көр: Бир жолу улуу бир өкүмдар эки кызматкеринин ар бирине жыйырма төрт алтындан берип, эки ай алыстыктагы өзүнө гана таандык болгон сонун бир жерине туруктуу жашап калуулары үчүн жөнөтөт. Жөнөтүп жатып аларга мындай деп буйрук берет:
«Бул акчаны жолго жана жол акысына жумшагыла жана ал жердеги турак жайыңарга керектүү кээ бир нерселерди сатып алгыла.
Бир күндүк алыстыкта бир бекет бар. Ал жерде машина да, кеме да, поезд да, учак да бар.
Калган акчаңарга карап булардын бирине түшө аласыңар». Эки кызматкер өкүмдардын бул насаатын уккандан кийин жолго чыгышат.
Алардын бири бактылуу эле, айтылган бекетке чейин акчасынын бир бөлүгүн каржылайт. Бирок, ошол акчасын сарптоо менен кожоюнуна жага тургандай сонун бир соода кылат дейсиң, акчасы бирден миңге чейин көбөйөт. Экинчи кызматкер болсо, бактысыз жана акылсыз болгондугунан бекетке жеткенге чейин эле жыйырма үч алтынын сарптап жиберет. Кумар ойноп акчасын уткуруп жиберет. Ошентип, жалгыз гана бир алтыны калат. Жолдошу ага: «Эй досум, сен эми ушул алтыныңды билетке жумша.
Ошондо гана бул узак жолдо жөө жана ачка калбайсың. Анын үстүнө биздин кожоюнубуз өтө мээримдүү, балким, ырайым кылаар, кылган каталарыңды кечирип жиберээр. Сени да учакка миндирип коѐр. Ошентип, туруктуу жашап кала турган жерибизге бир эле күндө жетип бараарбыз.
Болбосо эки айлык узак бир чөлдө ачка, жөө жана жалгыз кетүүгө мажбур болосуң» – деп айтат.
Таң калыштуу, эгер бул адам өжөрлөнүп, ошол жалгыз алтынын олжолуу бир казынанын ачкычы сыяктуу болгон билетке бербестен, убактылуу ырахаттар үчүн бузуку жолго сарптай турган болсо, анын абдан акылсыз, зыяндуу жана бактысыз экендигин эң акылсыз адам дагы түшүнбөйбү?
Мына, эй, намаз окубаган адам жана эй, намаз окууну жактырбаган напсим!

Мисалда айтылган өкүмдар падыша болсо, Раббибиз Жаратуучубуз.
Ошол эки кызматкер жолоочулар болсо, биринчиси – динге моюн сунган, намазын жан-дили менен берилип окуган, ал эми экинчиси болсо, Кудайды унуткан, намаз окубаган адамдар.
Ал эми жыйырма төрт алтын болсо – жыйырма төрт саат, бир күндөгү өмүр. Ошол өзүнө гана таандык болгон сонун жер болсо – Бейиш. Ошол бекет болсо – мүрзө.
Ал саякат болсо – мүрзөгө, Хашрга жана түбөлүктүү жашоого алып баруучу адамзаттын сапары. Кылган амалдарына жана такыбаалыгына карап, ошол узак жолду ар түрдүү даражада басып өтүшөт.
Кээ бир такыбаа адамдар чагылган сыяктуу миң жылдык жолду бир күндө басып өтүшөт. Кээ бирлери болсо; кыял сыяктуу элүү миң жылдык аралыкты бир күндө кесип өтүшөт.
Бул акыйкатка Ыйык Куран эки аяты менен ишарат кылат. Ал эми билет болсо – Намаз. Беш убакыт намаз үчүн бир гана саат даараты менен бирге жеткиликтүү. Кызык, жыйырма үч саатын бул кыска дүнүйөлүк өмүрүнө жумшаган жана ошол узун, түбөлүктүү өмүрүнө бир саатын да жумшабаган адам өзүнө өтө чоң зыян кылат, напсисине да зулумдук кылган болот жана таптакыр акылга терс аракет кылган болот. Анткени, миң адам биргелешип ойногон лотерея кумарына акчасынын тең жарымын берүүнү акылы кабыл кылса, а бирок утуу ыктымалы миңде бирөө гана. Ал эми жыйырма төрт сааттын бир саатын токсон тогуз пайыз утуу кепилдиги бар болгон түбөлүктүү казынанын ачкычы болгон намазга бербей коюу – канчалык акылга жана даанышмандыкка терс аракет кылганын жана канчалык акылсыздык болоорун өзүн акылдуумун деп ойлогон адам түшүнбөйбү?
А бирок мындан сырткары:Намазда рухтун, жүрөктүн жана акылдын да өтө чоң ырахаты бар, ары денеге да анчалык оор бир иш эмес. Анын үстүнө намаз окуган адамдын мубах болгон башка дүнүйөлүк амалдары да жакшы бир ниет менен ибадат өкүмүн алат. Мына ушундайча бүткүл өмүр байлыгын Акыретине мүлк кыла алат. Убактылуу өмүрүн да бир жагынан түбөлүктөштүрүп алат…

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2yzMeui
✿ http://ift.tt/2l8etvu
✿ +996700334493
✿ WWW.FORMULA.KG

Запись БЕЙИШИҢДИН БИЛЕТИ- НАМАЗ БОЛОТ! впервые появилась Formula.KG.

*Урматтуу мусулман бир тууганым!*

Өлүм бул ачуу чындык. Андан канчалык коркпойлу, кайда качпайлы баары бир башыбызга келет. Бүгүн бир адамды жууп кепиндедиң. Суунун ысык суугун сезип турдуң. Эртең сени да бирөөлөр жуушат. Бирок суунун ысык суугун сезбейсиң. Бүгүн Имамдын артында туруп бир адамга жаназа окудуң.Эртең да адамдар жаназа окушат, бирок сен имамдын алдында болосуң. Бүгүн бир адамды ийниңе көтөрүп кабырга алып бардың. Эртең сени да бирөөлөр ийнине көтөрүп кабырга алып барышат. Бүгүн бир маркумга арнап дуба кылдың. Эртең сага да бирөөлөр дуба кылышат. Бүгүн бирөө Мункар-Накирдин суроосуна жооп берди. Эртең бул суроолор сага да берилет. Бүгүн бирөөнүн жакындары боздоп ыйлашты, сен аларды угуп турдуң. Эртең сенин да жакындарың боздоп ыйлашат, бирок сен аларды укпайсың. Бүгүн амал кылууга кудуретиң бар, эсеп-кысап берүү жок. Эртең эсеп-кысап болот, бирок амал кылууга кудуретиң жок. Ошол себептен улуу сахаба Умар (Аллах андан ыраазы болсун) айткандай бирөөнүн алдында эсеп кылынганча, өзүңө эсеп берип ал. Бул дүйнөнүн жарык күндөрүнөн пайдаланып кабырдын караңгылыгына даярдан. Пайгамбарыбыз (Ага Аллахтын салам-салаваты болсун) айткандай, кабат-кабат үйлөргө кызыгып, эки кулач кабырды эсиңден чыгарып койбо. Канткен менен, кабат-кабат үйүңдү, катар-катар машинаңды, сүйүктүү бала-чакаңды калтырып, бара турган жериң кабыр. Аны эч качан эсиңден чыгарба.
Аллахым, өтүп кеткен мусулман бир туугандарбызды кабыр азабынан өзүң сакта. Биздин да башыбызга өлүм келип, кабыр босогосун аттаганда суроолорго жеңил жооп берүүнү дилибизге салгын. Ар бирибиздин кетирген күүнөлөрүбүздү кечир. Өзүңдүн кереметтүү бейишиңде чогуу болууну насип кыл. Ассалааму алайкум ва рахматулЛоохи ва баракатуху.

Устаз Абдишүкүр ажы Нарматов

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2yzMeui
✿ http://ift.tt/2l8etvu
✿ +996700334493
✿ WWW.FORMULA.KG

Запись ӨЛҮМГӨ ДАЯРСЫҢБЫ?! впервые появилась Formula.KG.

✍Кептин башында бир аз болсо да жакшылык деген эмне тууралуу сөз кылып өтсөк. Эгер мен жакшылык кылгандардын баарысын жакшы десем,жакшылык кылбаган адамдарды жаман десем,анда адамдарды бөлгөн эң төмөн (фасык) адам экенимдиги билинип калат. Ошон үчүн калыс туруб жакшылык жана жакшы адамдар кандай болоорун сөз кылсак ар ким өзү тыянак чыгарып алаар.
Биз кимди жакшы деп ойлойбуз?
Таза таква адамдарды,
Жанкүйөөр адамдарды,
Чынчыл адамдарды,
Көңүлү ,жүрөгү таза адамдарды,
Март,жоомарт адамдарды,
Жоопкерчилүктүү жана ширин сөздүү адамдарды,
Жүзүндө жылмаюу,нурлуу адамдарды,
Албетте ыймандуу адамдарды,
Жана да бизге түрлүү кырдалдарда, кыйынчылыктарда жардам берген адамдарды.
Демек жакшылык кылуу үчүн кыйын абалдарда гана жардам берүү эмес. Табиий чынчыл,жоопкерчилүктүү, чыныгы халалдык,марттык,жоомарттык жакшылыктын жышыныдыр…
Бирок барбир жакшылыктын чокусу -эң оор абалда жан аябастык кылууда билинет экен.
Эгер аягыңа милдет таштары байланбаган болсо,бул чокуда калыш мүмкүн. Бирок жакшылык милдет кылынса, “жакшы адам чокудан таш сыяктуу кулап түшөт жана лай сыяктуу бөлүнүп -бөлүнүп жок болуп кетет.
Жакшылык жакшы нерсе. Бирок ал өтө назик,кандай десем нак кызгалдактын өзү. Эгер жакшылык кылып,артынан аны эстеп жүрсөңүз,баарыдыгынын мөмөсү нөлгө тең болуп күл сяктуу жок болот.Эгерде жакшылык кылып аны эч нерсе кылбагандай унутуп жиберген болсоңуз, анын мөмөсү ушунчалык таттуу жогору даражалуу болот! Аны акылыңыз менен элестетип да болбойт.
Жакшылыктын эң чоң шарты -аны амалга ашырыу,унутуш жана жоопту талап кылбоодур.
“Баланчыга жакшылык кылганмын,эми ыраазылыкты унутуп койбостур? -деген ой эмнени билдирет?
Жакшылыктын сыйлыгын Аллах Таала берет. Бирок сиз,биз жакшылык сыйлыгын адамдардан күтсөк,Аллахтын сыйлык эшиктерине кулп асылып бекилип калат. Сизге кайсы бири маанилүү -пенденин сыйлыгыбы же бир гана Жараткандынбы?
Сизге кайсы бири маанилүү -өткөнчү жана өзүңүз сыяктуу алсыз инсандын сыйлыгыбы же Ааламдардын Эгеси Аллахтынбы?
Өкүнүчтүүсү, биз Аллахка болгон ишенүүбүз алсыз пенделер сыйлыктын үзүрүн бул дүйнөдө ала калайын деп артка карабай чуркайбыз,мактоо издеп, мени алкыштаса, ырахмат айтса деп үмүт кылабыз.
“Жакшылык кыл -даряга ат. Балык билет. Балык билбесе, Жараткан билет “…
Даря -бул жашоо. Жакшылык кылып даряга атыш -жакшылык кылып унутуш дегени. Балык -бул адамдар. Демек, жакшылыгыңды адамдар билет. Ал жерде бул жерде болсун,той маарекелерде,өтө нары барса телевидение,газета,журналдарда жана мага окшгоп макалаларда айтат,сөзсүз билишет.
Бирок ушундай болбосо капа болбо, Жараткан билет …Ал сөзсүз жакшылыгын сага эсээлеп кайтарат. Анткени жакшылык алуучу инсандар Аллахтын эң сүйүктүү кулдары…

Билесизби сиз үчүн жакшылыкты милдет кылбаган,сыйлыгын күтпөгөн,чын ыклас менен өзүндө жок болсо да сизге бизге болсун деп аябаган ,дубаларында дайым жакшылык каалаган эки улуук инсандар бар. Алар бизге Аллах Тааланын чоң сыйлыгы,эч нерсеге алмаштыргыс белеги бул дүйнө, аркы дүйнө бейиши болгон АТА -ЭНЕБИЗ болот!

Мен үчүн дүйнөдөгү эң асыл жакшы адам,байлыгым ата -энем. Баарыңыздар үчүн да ушундай болсо керек. Акылымды тааныгандан бери бул эки улуу инсандын бир да жамандыгын көрбөдүм.
Өмүрлөрү өткөнчө балам деп жашайт,балам деп жүрөктөрү согот,балама, балама болсун деп жашап келет. Кандай кыйын күн болбосун баарысына көз жумуп чыдап, балам бактылуу болсун деп күйүп -бышып жолун издеп, чапкылап өмүрлөрүн арнашат. Биздин,биз балдарынын кулаксыз,инсапсыз, кадырын билбей,канча кейитпейли баарына сабыр кылышат..
Ушул эки улуу инсандардын дубасы менен болсо керек,ушул эки улуу мээрим даря инсандарынын сөйөп турганы үчүн болсо керек,ушу эки улуу асыл мусулмандын жакшылыктары себеп болсо керек жолум дайыма жакшылыкка толо..
Эгер билсеңиз мен көргөн жакшылыктардын чеги жок ,чегарасы жок! Күнөөгө бир кадам калганда алар себеп жолумдан кайттым.
Жан дүйнөм ооруп кысталганда алар себеп кубанычка бөлөндүм.
Каталарым айынан деңизге чөккөнүмдө алар себеп кутулдум..
Ушул жашка чейин көргөн, билгендерим, барлыгым үчүн өмүр бою шүкүр менен Аллахка ыраазылык билдирип жашап келеттер…
Ушул жалган дүйнөдө канча жашаган болсом да, башыма келген кандай абал болбосун, адамдык сыпатымды жоготуп албоом үчүн акыл -насааттарын, кеп -кеңештерин тынбай айтып,колдоп кубаттап келет..
Ушундай улуук инсандар үчүн биз эмне кылдык бир тууганым?! Келиңиз жакшылыкты ата -энебизден баштайлы. Жогоруда айткандай жакшылык сөзсүз эле тыйын -тыпыр, белек -бекчете эмес, сиздин жүзүңүздөгү жылмаюуңуз,жакшы ширин -жумшак сөзүңүз,сый -урматыңыз, кубаныч тартуулай турган мээрим тамчыңыз алар үчүн табылгыс даары, жакшылык болуп эсептелет! Ата -эне ыраазы Аллах ыраазы! Жакшылык эшиктери үйүңүздө турарын эч унутпаңыз!
Аллах Таалам эч кимибизди адаштырбасын! Баарыбызга ырайым кылып ата -энебизге бейишинен насип кылган болсун!

Насиба Абдуллаева.

«БАКТЫЛУУЛУК ФОРМУЛАСЫ»

Запись АТА -ЭНЕ ЖАКШЫЛЫГЫ СЕН ҮЧҮНЭЧ КАЧАН ТҮГӨБӨЙТ! впервые появилась Formula.KG.