БАКТЫЛУУЛУК ФОРМУЛАСЫ

БИСМИЛЛААХИР РОХМААНИР РОХИЙМ”

✍Аллах Таалам сизди жакшы көрөт тууганым .

Ал Зат сиздин дубааларды,
тилектерди кабыл кылып орундатуучу .
Сиз ойлойсуз иштерим жүрүшпөй жатат,
дубааларым кабыл болбой жатат деп .
Сыноолорго кыйналып кеттим деп наалыйсыз .
Эмне,
Аллах Таалам ушул нерсе үчүн жараттыбы?
Жакшылык дагы жамандык да
Аллахтан болуп жатканын,
тагдырдын жакшы жаманы
Аллахтан экенин унутпайлы !

Кандай сыноо келбесин ал убактылуу.
Ар бир кыйынчылыктын артында эки жакшылык бар!
Муну биз эстейли ..

Каала 10 жыл күнөө иш кыл.
Каала 20 жыл, каала 30 жыл
каала 40, 50, 60, 70, 80, 90 жыл күнөө иш жасап
бир күн өкүнүп ,кайгырып ,
кылган күнөөлөрүңө өкүнүп тообо кылсаң ,
Аллахым мен кайттым, кечиргин,
күнөө ишке башка кадам баспаймын – деп айтсаңыз,
Аллах Таалам сизге:
Оо пендем, кечирдим сени !- деп жооп кайтарат.

Бөлмөгө кирип, олтуруп, башты кармап ойлонуңузчу.
Аллах Таалабыз бизге өтө көп нээматтарды берди,
биз Аллах Таала үчүн эмне кыла алдык??

Бул дүйнө өткүнчү..

Кыйынчылыктардын баарын, проблемалардын баарын
Аллах Таалам жараттыбы,?
Аллахтын башка кылатурган иши жокпу?
Жок,жоок тууганым .
Сизди кыйынчылыкка салуу үчүн жараткан эмес.
Бир эле максатта,
Өзүнө ибаадат кылуу үчүн гана жаратты .
Ибаадаттарга амал кылуу, өкүмдөрүн аткаруу
кыйынчылыктардан сактайт .
Кайсыл жерде бар дагы,
тууганыңа жакшылык кылсаң
өмүрүң узарат – деген кеп??

Башка кайсыл жерден уктуңуз эле
садака 70 түрдүү балээден сактайт дегенди .

Зекет берүүдөн, ажылык ,умра аткаруудан акча кемибейт, көбөйтүлүп берилет – деген
бир да адилеттүү жержок башка .
Бул нерсенин баары динде гана бар.

Дин канча улуу , каанча кымбат нерсе !
Сизди, бизди мусулман кылды. Анын ичинде
тандалган үммөт, Мухаммад алайхис саламга
үммөт кылды. Анын ичинде намаз окуган,
жакшылыккачакырып, жамандыктан кайтарган
момундардан кылып койгон
Аллах Таалага көп шүгүр дейли .
Аллахка ант ичип айтамын
Аллах сизди жакшы көрөт бир боорум .
Ал сүйүүнү эч ким тосо албайт .

Башкалар сенин сакалыңды, жоолугуңду жактырбаса
сен кыжаалат болбо .
Алар түшүнбөстөн кылып жатышат,
ыйманды, акыйкатты билбейт ..
Жүрөгүндө ыйман болгондо мындай кылышмак эмес .
Андыктан сен кайгырба,
сени Роббибиз Алла Таала жакшы көрөт !

Сен ыймандуусуң.
Акылдуу да сенсиң .
Адептүүсүң.
Боорукерсиң сен..
Сулуусуң..
Сулуу кулк-мүнөздүүсүң .
Жана тандалган үммөттүн бири да сен..
Ким укса, ким бул сөздөрдү окуп жатса
тандалган үммөт ошол .

Ообо, тууганым..
Сен бүткүл инсаният ааламында тандалып алынган
үммөттүн бирисиң !
Муну кабыл кылышың керек .
Сенде бүт ДҮЙНӨНҮ өзгөртө ала турган мүмкүнчүлүктөрүң бар !
Бүт кайгы баткагына батып калган
адамдарды жамандыктан кайтарып,
сууруп чыгып кетүү мүмкүнчүлүгү сенде бар.
Ошол үчүн тандалган үммөтсүң .
Сен муну түшүнүп жетүүң керек .
Адамдардын бактылуу жашап өтүүсүнө
жол көрсөтүүчү сенсиң .
Зулумат, кайгы баткагынан сууруп чыгып,
нурлуу хидаяттын жолуна түшүүгө себепчи боло аласың, андан кабардар Зат
ошондуктан сени бул үммөттөн кылып жараткан !
Адамдар сени сөз кылса көз жумуп кой .
Жаман көрсө да сен жакшы көр .
Анткени сени Аллах Таала жакшы көрөт .

Бүгүн адамдар бактылуулук издеп эркеги эркек менен жүрүшөт .
Аял, аял менен ,
бул акмактыкты мен биринчи жолу көрүшүм !
Муну жаныбарлар дагы кылган эмес !
Туурабы туура эмеспи?

Аялдар канча ачык жерин көрсөтүп жүрсө эркин жүргөн адам сыяктуу сезет экен дейт,
Жоок туугандар !
Аллах Таала аял затына назиктикти берген,
аны ороп жаап калбаса
ал назиктик көтөрүлүп кетет..
Сен аялсың, сен Мухаммад саллаллоху алайхи ва салламдин үммөтүнөнсүң .
Сиз карындашым,
Хадича , Фатима , Айша энелерибиздей
үлгү боло алуучу
келечек үммөттүн тарбиячысы сенсиң!

Дагы Аллах Таала бизди жакшы көрүүсүн каалайбыз .
Аллах Таала Куранда Пайгамбарына кайрылып:
“Эй, Мухаммад алайхис салаам ?!
Үммөтүңүзгө айтыңыз .
Эгер Аллахты чындап сүйсө,
менин жолум менен жүргүлө .
Ошондо Аллах силерди сүйөт жана күнөөңөрдү кечирет “-дегин .
Бүгүн биз Пайгамбарыбыздын изи менен барбай жатабыз, сүннөтүн аткарбай кайра сүннөткө
каршы чыгып калдык .
Койгон сакал, кийген кийим жакпай калды .
Ачык жерин жапкан кызды кеп кылып калдык .
Мусулман болуп туруп,
башка мусулман намаз окуса таң кала турган болуп калдык . Туурабы туура эмеспи ?
Сүйүнөсүз, а менин уулум Мессиге окшоп калды.
Менин балам Жастин Бибер сыяктуу чач койду.
Кызым, Selena Gomez сыяктуу кийинет,
аң сезими өсүптүр , чоңоюптур …

Ой, бооой, эртеңки күн эмне болот..
Кабырга киргенде кеч болуп жүрбөсүн .
Менин айтайын дегеним урматтуу мусулман бир туугандар, өлүм периштеси күтпөйт .
Сураныч эжелер, сураныч агалар
Пайгамбарыбыздын өмүр баянын бир окуп чыгыңыз.
Мындан албетте береке табасыз .

..акыйкатты билген башка, акыйкатта жүргөн башка .
Акыйкатты билүүнүн өзү бир нээмат .
Анткени илим, амалдан жогору турат!
Амал кылуу экинчи маселе .
Хадисте келет :
“Ким эгер илимден бир бир бөлүк үйрөнсө,
мечиттин четинде туруп 1000 рекээт окулган нафил намаздан жакшыраак”-деп дейт .
Илимдин бир кичине бөлүгүн эле
М: дааратта масхты кандай тартыш керек , ушуну эле үйрөнүп алганыңыз
миң рекээт намаздан артык !
Үйрөнгөнүңүзгө амал кылсаңыз
ал экинчи маселе ага өзүнчө сооп берилет.

Акыйкатты инсан баласы
Пайгамбарыбыз алайхис салаамдын жолу менен
гана таанып биле алат .
Ал Куран жана Хадис ..
Пайгамбарыбыз Мүхаммад
саллаллооху алайхи уа салламдын жашоосу
толук Куран болгон.

Кимдин жүрөгүндө кыпынчалык текебердик болсо
бейишке кирбейт – деген сөз
качаан акыйкат айтылганда
текебердик кылып жүрөгүнөн
кыпынчалык гана кабыл кылбаса-
бейишке кирбейт деген кеп .
“Кимдин жүрөгүндө кыпынчалык текебердик болсо
Бейишке кирбейт “-деген хадисти уккан сахаабалар:
“Оо,Аллахтын Элчиси?!
Бирөө кооз кийингиси келет, кооз жүргүсү келет
ушул текебердикпи ? “-деп сурашат .
Анда Пайгамбарыбыз алайхис салам айтат:
“Жоок, бул текебердик эмес .
Кооз кийинүү, кооз жүрүү
мусулманга тийиштүү сыпат .
Аллах Таалам сулуу, сулуулукту сүйөт .
Текебердик бул – качаан акыйкат айтылса
кабыл кылбай коюу !”- деген .
Демек достор,
кайсыл аятты уксак, кайсыл хадисти окусак ,
кимдир бирөө бизге хакты жеткирсе ,
аны кабыл кылбай койсок ушунун аты текебердик
ушул тоң моюндук !
Биз аны угуп амал кылууга умтулайлы !
Акыйкатты кабыл кылбоо – текбердик .
Кыпынча текебердик менен
адам баласы бейишке кире албайт .

А эгерде кимдин жүрөгүндө кыпынчалык ыйманы болсо анда тозокко кирбейт – деген .
Аят, хадисти укканда эмнеге андай?
Эмнеге мындай деп айтылбайт.
Эмне үчүн?- деген сыяктуу суроолор берилбейт .
Эмне үчүн хижап парз , эмнеге сакал коёбуз ?
Неге??? – деп суроо коюу мусулман адамдын, ыймандуу адамдын иши эмес .
Эмнеүчүн ар бир беш убак намаздан кийин 33 жолдан тасбих тартабыз ?
Эмнеге 25 эмес ? Эмнеге 27 эмес ?
Ал нерсеге биз аралашпайбыз .
Уккан нерсеге амал кылабыз .
Куранда Аллах Таала айтат :
“Уктук, моюн сундук (амал кылдык) деп айтышты”
(Бакара 285 аяты).

Бул диндин кыпынчалык кыйыр жерин таба албайбыз.
Акыйкат, чыныгы жашоонун өзөгү.
Анткени Даанышман, Билимдүү,
Боорукердүү Заттын хикматы сиз биз үчүн сөзсүз-сөзсүз пайда алып келет !
Аллах Таалам кабардар Зат,
бизге пайдабы зыянбы …
Пайдалууну гана буюруп уруксат берген .
Пайдасыз зыян нерсенин баарынан кайтарган .
Аллах Таалам кайтарган баардык нерседе сөзсүз зыян бар. Буюрган өкүмүндө сөзсүз пайда бар.
Үй-бүлөөдө эң кичүү балаңызды башка
балдарыңызга караганда көбүрөөк жакшы көрөсүз .
Аны ушунчалык этият кылып тарбиялайсыз .
Эмне зыяндуу, эмне пайда ага түшүндүрүп айтып турасыз, сиз пайда зыяндан кабардарсыз .
Менин айтайын дегеним достор
пайда менен зыянды жараткан
жин-инсанды жараткан ,
бүт ааламды жараткан Кудай Таалабыз
сиз бизди жакшы көрөт !
Сизге бир гана жакшылыкты каалайт .
Сүйүп жараттым, мээрим менен жаратты !
Бүгүн биз Аллах үчүн кандай амал жасай алдык?
Аллах үчүн бир карындашыбыз хижабын кийип
башына жоолук салса эскичилик дейбиз.
Сакал койгон азаматты уахабист дейбиз.
Айтсынчы Манастын чачын кыска кылып,
сакалын алып, шорта кийип, наушник тагып
башын кыйшаңдатып жүргөн деп ким айта алат?
Каерден көрдүңүз сиз Курманжан датканын
боёнуп, кыска юпка кийип жүргөнүн !?
Бүгүнкү күндө кээ бир мугалимдер бар,
деректорлор бар өздөрү кыргыз тили, адабиятынан сабак берип туруп жоолук салынган окуучуну мектепке киргизбейт .
Сакал койгонду жактырбайт .
Тарыхтагы ата-бабаларыбыздын келбетине түздөн-түз каршы чыгуу деп баа беремин .
Түшүнүктүү болуп жатабы?
Сакал, хижап, намаз, орозо бул эскичилик ,
динди эскичидик дегендерге айтаар элек –
эмне үчүн анда өзүңүздүн эжеңизге,
апа, карындашыңызга үйлөнуп албайсыз ?
Эмнеге өмүрү тааныбаган аялды тандап аласыз?
Анткени ошол сиз эскиче деп жаткан динде
уруксаат бербейт !
Ата энең дагы бирин-бири тааныбастан туруп
турмуш куруп нике кыйышкан ,
сен төрөлө элек туруп ушул эскичеге
амал кылынгансың !
Бири-бирине на махрам эркек менен аял
качан махрам болот ?
Нике кыйдыргандан кийин .
Ушул никени ким кыят?
Эскиче, эскиче дамыла кыят …
Дагы эскичилик )

Төрөлдүң, кулагыңа азан айтышты, ат койду .
Балагатка жеттиң, үйлөнүшүң керек .
Тойго даярдык көрүп заманбап жасалгалап,
мыкты унааларды чогултуп ысырап кылдың ,
бирок ошол эскиче молдо келип никеңди кыйып бербесе бул тойдун эмне кереги бар ?
Менин айтайын дегеним туугандар
дин эч качан эскиче болуп калбайт .
Совет доорунан тарта ушундай аталды эле бирок совет жоору өзү эскиче болуп калды .
Керек болсо эскиче деп жатканыңыз
сиз дүйнөдөн өтсөңүз дагы
эскиче молдо келип жаназа окуйт эмеспи..

Эй өнүгүп калган адам баласы .
Кайсыл жерден чыкканыңды унуттуңбу?
Бир тамчы суу элең,
Роббиңдин дин кылып берген өкүмдөрү сага
эскичилик болуп калдыбы ?
Сага жан берди, келбет берди .
Көзүңдү ачкын тууганым, сен тандалган үммөтсүң.
Өмүр бир келет.
Бир ирет гана келүүчү өмүрдү
Роббиңдин өкүмдөрүнө амал кылуу менен өткөр .
Шайтан айтат:
Жашоо бир келет, ойноп ал..
Жашап ал – дейт .
Ал лаанаттанган, адамдын кантамырларына чейин кирип кандай азгыруунун жолун издейт .
Билет ал кандай кылганда мусулман адамдын
динден алсыздануусун .
Сиз 30, 40 жыл жашадыңыз .
Шайтан канча кылым алдын жаралган болсо
анын азгыруучу стажы ошончо көп да )

Бирок менин айтайын дегеним туугандар ,
Аллах Таала коргоосуна алган пенделерди азгыруу шайтан үчүн өтө оор .

Андыктан биз, Аллахтын өкүмдөрүн
Өкүм деп билейли !

Али Оши~

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2yzMeui
✿ http://ift.tt/2l8etvu
✿ +996700334493
✿ WWW.FORMULA.KG

Запись Башкалардын пикрин эмес Жараткандын буйругуна моюн сун! впервые появилась Formula.KG.

✍”Оо,Аллахым! Акыркы жана акыбетимди кайырлуу кылгын! Акыркы демимди тилемде “ыйман калимасын “айтууну,дене -мүчөм таза абалда,жүрөгүм ыйманда,жан дүйнөм нурга толгон кураным менен ,кулчулук кылган бешенем саждада беш убак намазым менен өтүүнү насип кыл! ” -деп ар намазда ар бирибиздин кылган дубаларыбыздын бири ушул болсо керек. Анткени мусулман пендесинин ушул калима менен ” “Ла илаха иллаллах Мухаммадур росулуллах” деген сөз. Мааниси – Аллаху таала жалгыз, шериги, окшошу жок. Мухаммед алейхи салам – Анын сүйүктүү кулу жана Пайгамбары. ” -деп тил менен айтып жүрөк менен тастыктап Аллахка жүрөктөрдү байлайт. Бирок бул сыноо жашоодо бизнесмен болсун,илимдүү болсун,бай болсун, кедей болсун,атактуу, жаш -каары болсун, окмушту болсун, арак кор,ууру,кылымышкер болсун анын акыркы деминде (аныграагы Жаратканга жолугаар кези) эң маанилүү минут,секунттардан болуп эсептелет. Ошол кез кимгедир “ыйман “калимасын айтуу насип кылса кимгедир насип кылбайт. Өмүр жолу өлүм эшиктерин “ыйман “калимасы менен ачкан инсандар өлүм ырахатын татып, кабырда сурагы жеңил болуп,кыяматка чейин бейиштин жытына бөлөнүп жатат.
Ал эми өлүм эшигин “ыйман “калимасы менен ачуу насип кылбаган инсандар өлүм жазасы кабырга чейин эле башталат,бул эң өкүнүчтөрдүн өкүнүчү. Анткени аалымдардын айтуусунда ар бир жан ээси:
“Эй, Ырайымдуу Раббим жана эй, Жоомарт Жаратуучум!
Мен туура эмес тандоом аркылуу өмүрүм менен жаштыгымды текке кетирдим…
Ошол өмүр менен жаштыктын мөмөлөрүнөн кайгы берүүчү күнөөлөр, кордук берүүчү кайгылар жана адаштыруучу күмөндөр гана колумда калды.
Эми бул оор жүк, оорулуу жүрөк жана кабатырланган жүзүм менен кабырга жакындашып баратам.
Көз алдымда көрүп туруп өтө тездик менен зымырап, оңго-солго карабастан, эрксиз түрдө көзү өтүп кеткен сүйүктүүлөрүм менен тууган-уруктарым сыяктуу мүрзөнүн босогосун көздөй жанашып келе жатам.
Ал мүрзө – бул убактылуу жерден түбөлүктүү ажыроо менен түбөлүктүүлүк жолуна курулган жана ачылган эң алгачкы турак жай жана эң биринчи босого. Мына ушул бекем байланып алган жана ашык болгон бул жалган дүйнөнүн жаратылгандыгын, өтүп кетээрин, убактылуу экенин жана өлөөрүн ачык-айкын түшүндүм.
Көрүп, күбө болуп турган бардык макулуктар дагы бири-биринин артынан топ-топ болуп көчүп кетип баратышат, жок болуп жатышат.
Өзгөчө, мен сыяктуу напси аммареси барларга бул дүйнө абдан мыкаачы жана алдамчы болот.
Бир жолу ырахат берсе, миң жолу азап чектирет. Бир жүзүм берсе, жүз жолу шапалак урат.

” Эй, Ырайымдуу Раббим жана эй, Жоомарт Жаратуучум! «Бардык келүүчү нерселер жакын» эрежеси боюнча, мен азыртадан эле көрүп жатамын: Жакынкы бир мезгилде мен кепинимди кийдим, табытыма жаттым жана досторум менен коштоштум.
Кабырыма жүз буруп кирип жатып, Сенин ырайым босогоңдо жаназамын «абал тили» менен, рухумдун өз тили менен мынтип бакырдым:
«Жардам бер! Жардам бер! Йаа Ханнан! Йаа Маннан! Мени күнөөлөрүмүн кыжаалатчылыгынан куткар».
Мынакей, кабырымын башына келдим, мойнума кепиними асып кабырымдын башында сулайып жаткан денемин үстүнө токтодум, башымы Аллахтын ырайымына көтөрүп, болгон күчүм менен бакырып жалбарамын:
«Жардам бер! Жардам бер! Йаа Ханнан! Йаа Маннан! Мени күнөөлөрүмүн оор жүктөрүнөн куткар…»

Мынакей кабырыма кирдим, кепиниме оролдум. Жаназамды алып келгендер мени жалгыз таштап кетишти. Сенин ырайымың менен кечиримиңди чыдамсыздык менен күтүп жатам.Мына ошентип: «Сенден башка куткаруучу жок. Күнөөлөрүмүн жийиркеничтүү жүзүнөн жана ошол мекендин тардыгынан бардык күчүм менен Сага жалбарынып:
«Жардам бер! Жардам бер! Йаа Рахман! Йаа Ханнан! Йаа Маннан! Йаа Даййан! Мени жийиркеничтүү күнөөлөрүмүн мага дос болуп келүүлөрүнөн куткар, жаткан жерими кеңейт. Аллахым! Сенин ырайымың – менин куткаруучум. Ааламдарга ырайым кылып жөнөтүлгөн Хабибиң, б.а. сүйүктүү пайгамбарың – (САВ) Сенин ырайымыңа жетиштире турган себепчибиз. Сени эмес өз напсимди күнөөлөп, Сага арызданамын» – деп айтышат.
Бирок кеч болуп калышы мүмкүн! Ошон үчүн жүрөгүң, тилиң “ыйман “калимасына нымдалып жүрүүсү үчүн ар бир амалың да,кадымың да,намазың да,кураның да,деги эле жашооңдогу Алланын буйурктарын аткарууң да жүрөгүңдү тыңшап жүр! Анткени Аллах сенин байлыгыңа,бийлигиңе, кийген кийимиңе,сулуулугуңа,үй жайыңа,катар -катар унаңа карабайт, бир гана сенин чын жүрөктөн, чын ыкластан, ниетиңдин түздүгү менен гана Жараткандын алдына кечиримине,ырайымына бөлөнүү менен “ыйман “калимасын айтуу насип кылат …

Ооба бир тууганым! Өлүм деген ушундай ачуу, анын таттуу мөмөсүн татуу үчүн бир гана сенин бул дүйнөдө кылган жакшы амалдарың гана жардам бере алат. Өлүм жөнүндө көөп угабыз,көөп эскертүү алабыз,күндө эле жаназага катышабыз,кабырына жеткизип көөмүп кайтабыз! Бирок ал өткөн инсандын акбалы кандай болуп жатат?Сурагы кандай болуп жатат?Ыйманы менен кеттиби? Жокбу бизди анча деле ойлондурбайт. Балким биздин жүрөктөр катып дагы эле уйкудадыр. Көөп өлүмдөрдү көрдүк жүзүндө жылмаюу менен аппак, нурлуу Алланын ырайымына бөлөнгөн инсандарды. Көөп өлүмдү көрдүк жүзү капкара болуп,кабырына жетпей жатып Алланын азабына калган инсандарды. Кабырына койгондо да кабыр кабыл албаганын. Бул акыйкатты көрүп билип туруп өлүмдү эстөөбө биз үчүн өтө өкүнүчтөрдөн болуп эсептелет!
Ошон үчүн бир тууганым кеч боло электе Аллахка кайт!
Алланын жолуна түш! Аллахка жакын бол!
Ниетиңди оңдо,жүрөгүңдү түздө, ыйманыңды өлүмдү эстөө менен жаңылап тур!
Тилиңди,жүрөгүңдү ““Ла илаха иллаллах Мухаммадур росулуллох” калимасы менен дайым нымдап жүр!

Пайгамбарыбыз (саллаллаху алейхи васаллам) мындай дейт: “- Кимде ким Калима-и таухидди(ыйман келмесин) айтса, Аллаху таала менен ошол калменин ортосундагы парда көтөрүлүп, сөзсүз Аллаху таалага жетип барат. Аллаху таала:
“Эй, калима, токто!” – деп буюрат. Ал эми калима болсо: “Мени айткан адам Сенин рахматыңа, кечиримиңе ээ болмоюнча токтой албаймын, – деп айтат. Ошондо Аллаху таала айтат:
– Улуулугумдун, кудуретимдин, кемелдигимдин акысы үчүн Мени зикир кылган (эсине алган) кулумду кечирдим…

Пайгамбарыбыз Мухаммед алейхи салам мындай деп айтты: “Кимде ким чын жүрөктөн, чын ыкылас менен бир жолу Калима-и таухидди (ыйман келмесин) айтса, Аллаху таала ага Бейиште төрт миң даража берип, төрт миң күнөөсүн кечирет”.
Сахабалар: “Эй, Расулуллах! Анын төрт миң күнөөсү жок болсочу?” – деп сурашканда:
“Жубайынын, бала-бакырасын жана туугандарынын күнөөлөрүн кечирет”, – деп жооп берди….

Аллах Таалам баарыбызды укканыбызга,окуганыбызга,көргөнүбүзгө амал кылуучулардан кылып,жакшылар менен бирге жүрүп,жакшылардын айткан насааттарын угуп,жакшылардын артында өтүүнү, акыркы демибиз “ыйман “калимасы менен Жаратканга жолуугуну насип кылган болсун! Амиин!Асслааму алайкум ва рахматул-Лохи ва барактуху!

Насиба Абдуллаева.

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2yzMeui
✿ http://ift.tt/2l8etvu
✿ +996700334493
✿ WWW.FORMULA.KG

Запись АКЫРКЫ ДЕМИҢ “ЫЙМАН “КАЛИМАСЫ МЕНЕН ӨТҮҮНҮ КААЛАЙТ БЕЛЕҢ?! впервые появилась Formula.KG.

✍ Намаздын өтө баалуу жана маанилүү экендигин, анын үстүнө шарттарынын да өтө жеңил жана аз гана убакытты сарптоо менен окулаарын, ал эми намаз окубаган адамдын жеткен акылсыз жана зыяндуу болоорун, эки жерде эки төрт болгону сыяктуу ачыкайкын түшүнгүң келсе, ушул мисалда айтылган окуяга кара жана салыштырып көр: Бир жолу улуу бир өкүмдар эки кызматкеринин ар бирине жыйырма төрт алтындан берип, эки ай алыстыктагы өзүнө гана таандык болгон сонун бир жерине туруктуу жашап калуулары үчүн жөнөтөт. Жөнөтүп жатып аларга мындай деп буйрук берет:
«Бул акчаны жолго жана жол акысына жумшагыла жана ал жердеги турак жайыңарга керектүү кээ бир нерселерди сатып алгыла.
Бир күндүк алыстыкта бир бекет бар. Ал жерде машина да, кеме да, поезд да, учак да бар.
Калган акчаңарга карап булардын бирине түшө аласыңар». Эки кызматкер өкүмдардын бул насаатын уккандан кийин жолго чыгышат.
Алардын бири бактылуу эле, айтылган бекетке чейин акчасынын бир бөлүгүн каржылайт. Бирок, ошол акчасын сарптоо менен кожоюнуна жага тургандай сонун бир соода кылат дейсиң, акчасы бирден миңге чейин көбөйөт. Экинчи кызматкер болсо, бактысыз жана акылсыз болгондугунан бекетке жеткенге чейин эле жыйырма үч алтынын сарптап жиберет. Кумар ойноп акчасын уткуруп жиберет. Ошентип, жалгыз гана бир алтыны калат. Жолдошу ага: «Эй досум, сен эми ушул алтыныңды билетке жумша.
Ошондо гана бул узак жолдо жөө жана ачка калбайсың. Анын үстүнө биздин кожоюнубуз өтө мээримдүү, балким, ырайым кылаар, кылган каталарыңды кечирип жиберээр. Сени да учакка миндирип коѐр. Ошентип, туруктуу жашап кала турган жерибизге бир эле күндө жетип бараарбыз.
Болбосо эки айлык узак бир чөлдө ачка, жөө жана жалгыз кетүүгө мажбур болосуң» – деп айтат.
Таң калыштуу, эгер бул адам өжөрлөнүп, ошол жалгыз алтынын олжолуу бир казынанын ачкычы сыяктуу болгон билетке бербестен, убактылуу ырахаттар үчүн бузуку жолго сарптай турган болсо, анын абдан акылсыз, зыяндуу жана бактысыз экендигин эң акылсыз адам дагы түшүнбөйбү?
Мына, эй, намаз окубаган адам жана эй, намаз окууну жактырбаган напсим!

Мисалда айтылган өкүмдар падыша болсо, Раббибиз Жаратуучубуз.
Ошол эки кызматкер жолоочулар болсо, биринчиси – динге моюн сунган, намазын жан-дили менен берилип окуган, ал эми экинчиси болсо, Кудайды унуткан, намаз окубаган адамдар.
Ал эми жыйырма төрт алтын болсо – жыйырма төрт саат, бир күндөгү өмүр. Ошол өзүнө гана таандык болгон сонун жер болсо – Бейиш. Ошол бекет болсо – мүрзө.
Ал саякат болсо – мүрзөгө, Хашрга жана түбөлүктүү жашоого алып баруучу адамзаттын сапары. Кылган амалдарына жана такыбаалыгына карап, ошол узак жолду ар түрдүү даражада басып өтүшөт.
Кээ бир такыбаа адамдар чагылган сыяктуу миң жылдык жолду бир күндө басып өтүшөт. Кээ бирлери болсо; кыял сыяктуу элүү миң жылдык аралыкты бир күндө кесип өтүшөт.
Бул акыйкатка Ыйык Куран эки аяты менен ишарат кылат. Ал эми билет болсо – Намаз. Беш убакыт намаз үчүн бир гана саат даараты менен бирге жеткиликтүү. Кызык, жыйырма үч саатын бул кыска дүнүйөлүк өмүрүнө жумшаган жана ошол узун, түбөлүктүү өмүрүнө бир саатын да жумшабаган адам өзүнө өтө чоң зыян кылат, напсисине да зулумдук кылган болот жана таптакыр акылга терс аракет кылган болот. Анткени, миң адам биргелешип ойногон лотерея кумарына акчасынын тең жарымын берүүнү акылы кабыл кылса, а бирок утуу ыктымалы миңде бирөө гана. Ал эми жыйырма төрт сааттын бир саатын токсон тогуз пайыз утуу кепилдиги бар болгон түбөлүктүү казынанын ачкычы болгон намазга бербей коюу – канчалык акылга жана даанышмандыкка терс аракет кылганын жана канчалык акылсыздык болоорун өзүн акылдуумун деп ойлогон адам түшүнбөйбү?
А бирок мындан сырткары:Намазда рухтун, жүрөктүн жана акылдын да өтө чоң ырахаты бар, ары денеге да анчалык оор бир иш эмес. Анын үстүнө намаз окуган адамдын мубах болгон башка дүнүйөлүк амалдары да жакшы бир ниет менен ибадат өкүмүн алат. Мына ушундайча бүткүл өмүр байлыгын Акыретине мүлк кыла алат. Убактылуу өмүрүн да бир жагынан түбөлүктөштүрүп алат…

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2yzMeui
✿ http://ift.tt/2l8etvu
✿ +996700334493
✿ WWW.FORMULA.KG

Запись БЕЙИШИҢДИН БИЛЕТИ- НАМАЗ БОЛОТ! впервые появилась Formula.KG.

Жолдон бир досума жолугуп калдым. Бир шаарда жашасак дагы, ал досумду көптөн бери көрө элек болчумун. Адатынча шымы кычырата үтүктөлгөн жашыл түстөгү костюм кийип досума жолукканыма жетине албай амандашып, өткөн-кеткенди сүйлөшүп отурганыбызда жакын турган мечиттен азандын үнү угулуп калды. Мен жума намазына бараткан элем. Азандын үнү аяктап дуба кылгандан кийин досума кубанычтуу карадым да:
– Жүр досум, жума намазга кеттик,- дедим колунан тартып.
Менин сунушума жийиркенген кишидей бетин бырыштыра кабагын түйгөн досум:
– Доске, бара албайм! Менин жума намазга барбай турганымды, деги эле намазга жакын эмесимди билесиң го? Тамаша кылба! Бар өзүң бара бер!,- деди колун кагып.
Досумдун мындай жоругуна шагым сына түштү да:
– Эч өзгөрбөпсүң го досум. Анча эмне мечиттен качасың?,- дедим шаабайым сууп. Досум мени күлмүңдөп карады дагы:
– Билбейм, айтор… Такыр эле мечитке бара албай койдум. Анын үстүнө намаз окусаң шымдын кыры кетип, тизе бултуйуп чыгып кетет да. Мен аны каалабайм,- деди.
Анын бул сөздөрүн угуп бир башкача күлүп жибердим да:
– Ооой, досум! Сен эмне тамаша кылып жатасыңбы? Ошондо биз шымдын кыры кетип калат деп намаздан качалыбы?,- дедим.
– Чын айтам доске. Өзүң деле билесиң го, мен үчүн кийим өзгөчө орунда турат. Анын үстүнө жашыл түстү өтө жакшы көргөндүктөн, бул түстөгү кийимдеримди кайдагы бир мечитке барып жышкым келбейт”,- деп кесе жооп берди. Чындыгында эле бул досум кичинесинен кымбат кийимдерди кийип, ар дайым кычырап жүрчү. Ошентсе дагы анын бул жоругуна тырчып:
– Өмүрүңдө бир ирет мечитке бардың беле?- дедим. Менин улам суроо бергениме жактырбагандай жолдо мечитти көздөй шашып бараткан адамдарды көңүлсүз караган боюнча:
– Ооба баргам. Кичинемде атамды ээрчип барып калчумун. Ал кезде шымымдын тизеси чыгат деп коркпогон жылдарым болсо керек да. Бирок мындан ары дагы мечитке барам деп ойлобойм. Деги эле мечитке аяк баскым келбейт!,- деди. Ошентип досум экөөбүз бири-бирибизге таарынышкан боюнча айрылдык. Мен мечитти көздөй чуркап, ал болсо кара көз айнегин тазалап, анын кымбат кийимине суктанып карагандарга маашыр болгонсуп өз жолунда кетип баратты…
Арадан эки ай убакыт өттү. Бир тааныштарым тиги досумдун мечитте экенин айтышты. Мен үчүн бул күтүүсүз кабар эле. Кылып жаткан ишимди тыштап мечитке жүгүрүп жеттим. Чын эле досумду мечиттен таптым. Адатынча жапжашыл түскө бөлөнүп, болгондо да мечит толгон жааматтын сап башында экен…
Акырын жылып отуруп досума жакын келдим да:
– Досум.. Досум… Кана сен мечитке эч качан аяк баспайм дедиң эле го?,- деп шыбырап суроо бердим. Бирок досумдан үн чыккан жок. 

Анткени досум үстү жапжашыл кездеме менен жабылган табытта жансыз жаткан эле..

Запись МЕЧИТКЕ АЯК БАСПАЙМ ДЕДИҢ ЭЛЕ ГО? впервые появилась Formula.KG.

Абдишүкүр ажы Нарматов

Мээримдүү жана Ырайымдуу Аллахтын аты менен баштаймын. Ааламдардын Жаратуучусу, адам баласын сыноо үчүн жаратып, Акырет күнү алардан сурак алуучу Аллах Таалага мактоо болсун. Аллахтын эң акыркы пайгамбары, бул дүйнөнүн убактылуу экендигин үммөтүнө далилдеп, Акыреттеги эсеп-кысапка даярдануунун жолун үйрөткөн пайгамбарыбыз Мухаммадга Аллахтын салам-салаваты болсун.

Аллах Таала Куранда: “Оо, ыйман келтирген пенделер! Аллахтан корккула! Ар бир жан эртеңки күнү (Кыямат) үчүн эмне амал кылганына карасын. Аллахтан корккула! Аллах эмне иш жасап жатканыңардан кабардар” – деп айткан. (Хашр, 18-аят). Мына ушул аятты уккан сахабалар бул аятка кандай амал кылышты? Абу Бакр Сыддык (Аллах андан ыраазы болсун) бир күнү бак ичине кирип, бутактанбутакка конуп мөмөлөрдү терип жеп жүргөн чымчыкты көрдү. Ал чымчыкка суктануу менен карап: “Оо, чымчык! Сен бутактан-бутакка коносуң, каалаганыңды жейсиң, каалаганыңды ичесиң, бирок эртең Аллахтын алдында бул үчүн жооп бербейсиң. Сенин жашооң кандай жакшы. Аттиң, мен эл башкарган халифа болуп, эртең Аллахтын алдында эсеп бере албай турганымча, ыймандуу адамдын денесиндеги бир тал түк болуп калсам кана…?” Умар (Аллах андан ыраазы болсун) айтат: “Аттиң, бул жашоодо сыналып, сыноодон өтпөй калганча, Умардын энеси мени төрөбөй койсо жакшы болмок”. Ибн Аббас (Аллах андан ыраазы болсун) өзүнө-өзү кайрылып мындай дейт: “Оо, Ибн Аббас! Эгерде Аллах сенин күнөөлөрүндү кечирбесе, анда абалың оор болорун билип кой”. Анас бин Малик айтат: “Мен бир күнү Умардын өзү менен өзү сүйлөшүп жатканын уктум. Ал: “Аллахка касам ичип айтам, эй менин нафсим, сенин алдыңда эки эле жол бар: же такыба болул жашайсың, же Аллахтын азабына туш болосуң” – деп айтып жатты..

Сурак күнү болушу жөнүндө адамдар ар кандай пикирде болушуп үч топко бөлүнүштү:

бирөөлөрү сурак болбойт, адам өлдүбү ал үчүн баары бүттү дешет;

Экинчи топ сурак күнү болушуна толук ишенишет;

үчүнчү топ арсар, сурак күн болот же болбойт деп күмөн менен жашашат.

Сурак күнүнүн болушуна кыпындай да күмөндө болбоңуздар. Ал күн сөзсүз келет. Баарыбыз бирибиз да калбай өлүп кайра тирилгенден кийин топтолуп Алланын алдына барып Анын суроолоруна жооп беребиз. Алла Өзү Куранда айткан: «Биз аны бир тамчы суудан жаратканыбызды инсан көрбөдүбү? Ошентсе да ал ачык жаңжалчы. Ал өз жаралышын унутуп Бизге: «Бул чириген сөөктөрдү ким тирилтет?» – деп мисал келтирет. « Аны алгач жараткандай эле (кайра) тирилтет. Ал бардык жаралгандарды Билүүчү»-дегин. (Ясин, 77-аят). Өлгөндөн кийин кайра тирилүүнүн чындык экенин далилдөө үчүн түшкөн бул аяттардын себеби төмөнкүдөй: күндөрдүн биринде меккелик Убай бин Халаф аттуу араб Алланын пайгамбарына (с.а.в.) келди да колундагы сөөктүн күлүн пайгамбардын (с.а.в.) алдына таштап мындай деди: «Ушул күлгө айланган сөөктү Алла кайра тирилтишине чындап эле ишенесиңби?!» Ага пайгамбарыбыз жооп берди: «Билип койгун, Алла бул сөөктү да жана Ал зат сенин сөөктөрүңдү да кайра тирилтет. Ааламдын кожоюну болгон Алла адамдын балдарын бир тамчы суудан жаратканын байкуш араб билген жокпу? Алла аны да бир тамчы суудан жараткандай эле, анын күлгө айланган сөөктөрүн кайра тирилтүүгө Кудуреттүү! Байкуш араб, Алла аны эмнеден жаратканын унутту! Чирип күлгө айланган сөөктөрдү ким тирилте алат, – деп талашууда. Аларды ким биринчи жараткан болсо, Ал аларды кайра тирилтет. Ал Алла – Кудуреттүү жана бардыгын Билүүчү.

Хасан Басрий айтат: “Эй, адам баласы, сен күндөрдөн түзүлгөнсүң, күн өткөн сайын сен кемип жатасың”. Эң чоң ысырап, бул – акчаны, же башка нерсени ысырып кылуу эмес. Эң чоң ысырап, бул – убакытты текке кетирүү. Арабдардын макалында: “Убакыт кылыч сыяктуу, эгер сен аны кескенге жетишпесең, ал сени кесип салат” – деп айтылат. Күн менен түн сага каршы иштеп жатат. Булар жаңыны эскиртет, жашты карытат, барды жоготот. Аалымдар айтат: “Кимдин бүгүнкү күнү кечээги күнүнө окшош болсо, жашоодон уткузуптур, кимдин бүгүнкү күнү кечээгиден жаман болсо, ага каргыш болсун”. Пайгамбарыбыз (Ага Аллахтын салам-салаваты болсун) айтат: “Эгер Аллахтан сурасаңар, Фирдаусту сурагыла! Ал бейиштин ортосу жана анын бийиктиги Аллахтын аршына жетет”. Мусулман пенде ар дайым бийиктикке умтулуусу керек. Дуба кылганда да жөн гана бейишти сурабастан, “Фирдаусту” сурагыла. Күндөрүбүзгө эсеп берели. Өзүбүздү-өзүбүз оңдойлу. Кетирген күнөөлөрүбүз үчүн чын ниеттен кечирим тилейли. Аллах Таала Кечиримдүү жана Боорукер. Ар бирибизге Аллахтын тынчтыгы, мээрими жана ырайымы болсун.

Запись АЛЛАХКА КАЙТУУЧУ КҮНДӨН КОРККУЛА впервые появилась Formula.KG.

Бисмиллаахир рохмаанир рохийм .
Ва заккир фа инназ-зикроо танфаъул муьминийн.
Содаколлоохул ъазийм!
Ва содако росуулухун-набиййул Карийм .
Ва нахну ъалаа заалика минаш-шаахидийн ,
аммаа-баъд . Ассалааму алайкум
ва рохматуллоохи ва барокатух .

Урматтуу агалар, бир туугандар, достор .
Жашоодо диндин орду ушунчалык чоң,
эң зарыл нерсе .

Ыйман ушунчалык зарыл,
ой бооой* – бул аалам ыймандын себебинен сакталып, ыймандын себебинен
адам баласы
адам катары өмүр кечирип келе жатат .
Эгер жер бетинде бир да адам бири-бирине жакшылык кылууну билбесе, жакшы сүйлөшпөсө,
адилеттүү болбосо, баардыгы мыкаачы болсо,
ата-энени урматтоону, кечирим сурап кечиргенди билбесе кандай жашоо болот эле?
Ааламдагы баардык жакшы сапаттар,
ар бир адамда болгон жакшы сыпаттар дагы динде бар, ыймандын берекетинен,
ааламда тынчтык болуп турат.
Эгер дин болбосо
бул нерселерди инсан билмек эмес !

Адам баласы шашылчаак жаратылган.
Көпчүлүк адамдарда бир оору бар,
караап олтурсаң ар бир адам өзүнүн каалосу сөзсүз болуусун каалайт .
Бир адам басып баратса андай эмес тез-тез басуусун, бирөө тезирээк басса
астараак басчы шашпастан дейт.
Бирөө күлсө күлгөнүн жактырбай мындай күлчү!
Цветафордо туруп сары жанып турган учуру,
бирок жашыл жана электе эле
астында турган машинага ачуусу менен
сигнал басып, тезирээк айдоосун каалайт
туурабы туура эмеспи ?

Кыскасы айлана-чөйрөсүндөгү окуялар, адамдар, иш аракеттер көңүлүндөгүдөй болуусун каалайт .
Ушул оорусун айыктырбаса
жашоодогу жеңилчиликти
адам өзү жоготуп алат ..
Адам эч качан бирөөнү өзү каалагандай башкара албайт.
Өзү каалагандай түз жолго да сала албайт.
“Сен өзүң каалаган адамды түз жолго баштай албайсың, Туура жолду Мен беремин !”-деген
аятта айтылатго .
Анда эмне кылабыз ?

Кантип тарбия кылып, кантип башкалардын да өзүбүз каалагандай болуусун көрө алабыз ?
Адам биринчи кезекте өзүн тарбият кылуусу керек . Өзү оңолсо башка адамдар да оңолот.
Үй бүлөөдө эркек өз ордун, үй бүлөөсүндөгү милдетин, аялына, балдарына, туугандарына болгон акысын мыкты билсе анда
аялы да өз орду менен жашайт .
Аял киши анан өзүнүн милдеттерин
аткарып күйөөнү урматтайт .
Ата оңолсо, ата ыймандуу болсо, ата бакубат болсо анын балдары ошондой болот .
Бала дүйнөнү тааный баштаганда
атасын анан апасын көрүп жашоону үйрөнөт .
Көзүн ачса атасы түтөп тамеки тартып олтурганын, апасы кечке сериал көрүп олтурганын көрсө жашоо ушул экен деп ойлойт да ошону жашоо деп кийин ошондой өмүр кечирип өтөт .
Кээде ата-энелер өз балдарына капа болот .
Эмне үчүн ?
Баласы айтканын аткарбайт, сөз укпайт,
өзүнүн билгенин жасайт.
Бул нерсеге билиңиз ата эне түздөн түз күнөөлүү, өзү жакшылап тарбия бере алган эмес. Анан баладан башкача
кыялындагы мамилени күтөт .
Сиз эң жакшы, эң мыкты тарбияны бериңиз
сиз анын үзүрүн анан көрөсүз !
Диндин тарбиясын бериңиз,
эки дүйнөнүн бакытына кол сунасыз тууганым.
Сиз эң жаман урукту жерге олтургузсаңыз эң мыкты гүл чыгып калбайтго.
Роза гүлдүн уругун олтургузсаңыз
роза гүлдүн жытын жыттайсыз ..

Ааламдын оңолуусу да мусулмандын оңолуусунан башталат !
Бүгүнкү күндө дүйнө жүзү мусулмандарды мыкаачы, террорист деп атай баштады .
Туурабы туура эмеспи ?
Ошолор туптуура айтып жатат )))
Анткени чындыгында эле террористтер ата энесин сыйлабайт, аялына жакшы мамиле жасабайт, мыкаачылар сылык сүйлөй албайт,
бирөөнү сыйлоону билбейт да .
Бүгүн мусулман өзүн өзү оңдоону унутуп салгандыктан Аллах Таалам ошолордун оозунан ушул сөздөрдү айттырып, сиз бизге уктуруп койду сиз биз бул нерсеге капа болбойлу !

Эмне үчүн дүйнөдө жамгыр жаабай жатат .
Аллахтын казынасында жамгырдын тапчылары түгөп калдыбы ?
Эмнеге ичээрге жарактуу көлдөр соолуп баратат? Эмнеге тынч жаткан жер силкинип жатат ? Эмнеге бак дарактарда мөмө
алуу азайып баратат ?
Аллахтын казынасында
мөмө-жемиш түгөп калдыбы ?
Хадисте маанисинде келет :
Аллахтан оюңуздагы нерсенин баарын,
жер асмандагынын баарын
өмүрүңүздүн акырына чейин дуба кылып суранып өтсөңүз ,
Аллах Таала ошол нерсенин баарын сизге берсе,
Аллахтын казынасы кыпынча да азайбайт,
кандай эле океанга ийнени салып аны алганда
ийнеге жуккан суудай да азайбайт !

Бүгүн мусулмандар
Аллахтын айткандарынан алыстап баратканынан, Аллага баш ийүүнү унуткандыктан дүйнө мусулманга баш ийбей жатат . Ким Аллага баш ийсе,
дүйнө ал адамга баш ийет эле. .

Бүгүнкү күндө бир мээнет, иш жүрүп жатат
ал ишти кылган адам биринчи өзү оңолот!
Бүгүнкү күндө баардык адамдар
бирөөлөрдү оңдоонун аракетинде жүрөт,
бирок бир гана даават бул ишти кылуучулар
жалгыз өздөрүн оңдоонун максатында жүргөн
жападан жалгыз бактылуу инсандар !
Азыркы күндө ааламда интернет өчүп калса
баардык топ-топ болуп бөлүнгөн жамааттардын иши токтойт, бирок дааватчынын иши кыямат болгонго чейин улана берет.
Дааватчы ар бир үйгө барып эскертет да.

Эхххх….
Инсан эч качан өзүнө жакшылык тилөөдөн чарчабайт . Дуба кылганда башкаларга караганда өзүнө көбүрөөк жакшылык тилейт .
Бул дүйнөнү, өлүм келгенде бул дүйнөдө калып кетүүчү нерселерди сурайт, ден соолук шыпаа сурайт, тынчтык сурайт, намаз окуган адам болсо акыретти каалайт, Бейишти тилейт,
кабырдын жашоосунан сактанууну каалайт.
Адам эч качан өзүнө жакшылык тилөөдөн чарчабайт .
Фуссилат сүрөөсүнүн 49 аятында айтылгандай да : Инсан өзүнө жакшылык суроодон тажабайт.

Бирок мусулман адам кандай ?
Өзүнө да жакшылык каалайт, башка бирөөгө дагы өзүнө каалаган жакшылыкты тилеп жүрөт.

Бала мектепте окуп жүргөндө атасы:
Оку балам ! Окуп алгын, илим үйрөн, тил үйрөн !-десе укпайт .
Эжекеси : Окуп ал, жазууну үйрөн десе тоготпойт . Эртерээк чоңоюп, эртерээк студент болууну каалайт .
Адамдын ырыскысы анын жакшы окушу,
2 ге же 5 ке окушуна көз каранды эмес .
Тамга тааныбай жүрүп мектепти бүткөн адам да турмушунда элде жок үйгө, машинеге,
эл жебеген тамак-ашка жетишип калуусу мүмкүн . Эң жакшы окуган окуучу,
кээде жашоодо кыйналып калуусу деле мүмкүн,
айтайын дегеним ырыскы тагдырга жазылган !
Өлүм кандай акыйкат болсо,
анын ырыскысы да жазылган, ал да акыйкат .
Сиз чуркасаңыз ырыскыңыз көбөйүп калбайт,
таштасаңыз азайып калбайт.
Сиз өзүңүздүн милдетиңизди кыла бериңиз ..
Пайгамбарыбыз эмне кылган ?
Кербен менен сапарга чыгат эле,
соода кылып бизнес кылганго .
Кой багып, төө саткан учурлары болду элего.
Ырыскы өзү келет деп жатып алган эмес .
Аллах Таала берет деген ишеним менен
биз пенделик милдетибизди аткара берейли.

Ошентип, мектепти бүтүп студент болот
же бир жерге жумушка кирет .
Бирок артын караса окуучулук күндөрү жакшы экенин, ошол убактагы эжелердин айтканын угуп окуп алганымда деп өкүнөт .
Бирок өмүр бир келет, мүмкүнчүлүк кайтпайт,
кеткен кайра кайтып келбейт ..
Түшүнүктүү болуп жатабы?

Адамдын акылы көп нерсеге жетпейт, алсыз.
Кээ бир иштин зыян экенине ушул сыяктуу
ошол иш аяктап
качаан зыян тарткандан,
зыянды көрүп туруп кийин ишенет .
Зыян, чыныгы зулумдук бул – акыретти билип туруп, ага даярданбай коюу .
Күнөөкөр ыймансыз адам кабырга киргенде,
кабырда азап чеккенде,
мункар накир периштени көргөндө
анан өкүнөт бул жашоодо эле жашай берсем,
кана эле кайтканымда:
Эй Аллах !? Мени дүйнөгө кайтаргын,
мен дүйнөдө жакшы амалдарды жасап келейин,
күнөөлөрүмө тообо кылып,
намаз менен кабырымы нурлантып,
астыма бир төшөнчү алып келейин деп
өкүнөт, бирок жаштык учур бир ирет берилгендей, окуучулук күндөрү кайтып келбегендей ага кайтууга жол жок болот.

Айтайын дегеним урматтуу мусулман бир туугандар сиз бизге берилген убакытты
акыретибизге пайдалуу пайдаланайлы.
Аллах Таалам Куранда :
Тозоктун өтө жаман жер экенин бир нече ирет кайталап айтат .
Тамак-аш жебей койсоңуз энеңиз какшап кететго кайра-кайра кайталап, балам же , ыссык бир нерсе же, жеп алгын балам, жеп алчы ! -деп ..

Биз Аллахты тааныйлы туугандар !
Тууганым билесиңби ?

Бул дүйнөгө жаралган ар бир жандын,
ар бир нерсенин, ар бир буюмдун
өзүнүн жаралуудан максаты бар .
Алыска барбай, өзүңүздүн үйүңүздүн
айланасына эле көз чаптырыңызчы ..
Эшиктерине караңыз ..
Эмне максаты бар анын ?
Албетте сууктан тосуп,
жылуукту чыгарбастан өз кызматын аткарат ..

Терезелерге караңыз ..
(жөн эле окуп койбой караңыз !)
Эмне кызмат аткарып жатат ??

Албетте үйгө жарыктык берет !
Үйдүн ичинде салынып турган
килем-төшөктөр
эмне кызмат аткарып жатат ?
Албетте адамдар олтуруп,
жатып эс алуу үчүн жасалган !
Өз максатын толлук аткарып жатат !

Караңыз электр ысыткычтары эмне кызмат аткарып жатат !?
Анын жаралгандан бир эле максаты бар !
Ал үйгө жылуулук берип турат,
өз максатын жансыз темир болсо дагы
толлугу менен аткарып жатат !
Туурабы туура эмеспи ?

Айланаңызды караңыз ..
Бир дагы максатсыз,
максаты жок эле жасалган,
максаты жок эле
жаралган нерсени таап бериңизчи !
Андай нерсе жок ..

Анан кантип
эң акылдуу эсептелген
«Адаам баласынын»
жаралган максаты жок болсун !?
«Мен бул дүйнөдө
эмне кылып жүрөмүн?» – деген суроону
өзүңүзгө берип көрдүңүз беле ?
«Кайда барамын ?» – депчи …
«Каяктан келдим ?»- депчи . .

Адам кээде,
өзүнүн кылган ишине,
тапкан акчасына,
жүрүм турумуна таң калып:
«Мунун баарына мен өзүм жетиштим !
Мен акылдуумун !»- деген ойлорго оролуп, жүрүм-туруму өзгөрүп калат ..

Тууганым ?!
Мен сенден бир нерсе сурайын ..
Ушул суроого жооп берчи
«Аллахты эстөөдөн
сени эмне тосуп турат ?»

Өзүңө суроо берчи ..
“Аллахты эстешиңе
тоскоолдук берип жаткан нерсе эмне ?”
Мен ушул эле суроону берейин .

…… Ойлончу тууганым ?
Аллах Таалам
сизди бир секунд дагы
унутуп, таштап койгон жокко !
Аллах Таалам Куранда
сиз менен бизге ушундай кайрылат :
«Йааа аййухал инсаану
маа горрока бироббикал кариийм !»
Ээй инсаан !
Сени Улуу Роббиң тууралуу эстөөгө
тоскоол болуп,
эмне нерсе сени алдап
(алаксытып) койду !?»

Куранда башка бир аяттын маанисинде
Аллах Таалам айтат :
«Эй инсаан !
Акыры сен бир убакта
бул дүйнөдө жок элең го ?»
Сиз бул дүйнөдө жок элеңиз !
Эненин ичинде да жок элеңиз ,
сизди эч ким тааныбайт эле !
Сизди төрөлөт деп эч ким ойлобойт эле!

«¹Чындыгында инсандын үстүнө
замандан ал тилге алаарлык бир нерсе
болбогон убакыт – мезгил да келген !
²Чындыгында, инсанды
(бойго жеткенден кийин шарият буйруктары менен) сыноо максатында
(аталык жана энелик сууларынан)
аралаш болгон
бир нутфадан – уруктан жараттык !»
(Инсаан сүрөөсү 1-2 аят..)

Бүгүнкү күндө
адамдардын колун акча тийип
калса башкаларды көзгө илбей калат .
Эй досум !
Кайсыл жерден чыкканыңды унуттуңбу ?
Сени Жаратуучу бир тамчы сассык
нитфа уруктук суудан жаратты элего ?

Сен өзүңдү алдаба !
Менин чөнтөгүмдө акча бар,
астымда кымбат унаам бар ! – деп…

«Инсанды бир нитфа
сассык суудан жараттык !»
Сизди бир уруктук
сассык суудан жараткан !

Муну жүрөгүндө кибир,
башкаларды өзүнөн төмөн көргөн
текебер, кекирейип
басып жүргөндөр окусун муну !
Баардык күч-кубатка,
баардык ийгиликке,
баардык нерсеге өзүм жетиштим,
Менин Аллахка убакытым жок
деген инсандар уксун муну !
Сени – мени сассык бир суудан жаратты !
Кечиргиле
мындай сөздөрдү айтканым үчүн !
Бирок акыйкатты айтпасам,
бул жерде олтурганымдан эмне пайда?

Сиз бир сассык суу элеңиз !
Ошол нерсе жерде жатса,
бирөө акча берем карма десе,
жийиркенип кармай албайт элеңиз !
Жагабы жакпайбы бул акыйкат !
(Катасы болсо айткыла)!

Үлкөн аалым Ибну Таймия ушунчалык жүрөккө жетүүчү бир сөз айткан:
«Нажас чыкчуу жерден
бир эмес эки жолу чыгып дагы
жүрөгүндө кибири бар адамдарга
таң калам !»- деген ..

Сиз сийдик өткөн жерден
бир эмес эки ирет өткөнсүз ,
анан кантип ушул инсандын жүрөгүндө
текебердик болсун ? ??
Аллах Таала сени
эненин ичине жайгаштырып,
бир үзүм коюу кан, бир үзүм эт кылып,
андан соң сөөктөрдү берип,
Көрүү үчүн көздү берип,
угуу үчүн кулакты берип,
сүйлөшүң үчүн тилди берип,
кыймылдап басып жүрүүң үчүн
кол менен бутуңду жаратып бербедиби?

Ошол кезде
каякта эле сенин байлыгың ?
Каякта эле сенин мансабың !
Каякта эле сенин күч – кубатың !
Интернет, одноклассник
ватсапп, Фейзбугуң кайда эле ?
Мал мүлкүң кайда эле ?
Сени жаратып жатканда
ушул нерселер каякта эле ?
Бүгүн сен ушул нерселерди деп
Роббиңден алыстап баратасың ?

Сулуулугуң кайда эле ?
Сенин сүйүктүүң кайда эле ?
Бир кызды жактырсаңыз,
бир жигитти жактырсаңыз
түндөсү үчтө туруп телефон менен
кел десе, суукка карабай жуунуп,
атыр себинип пешком жөнөйсүң !
Капа кылып алуудан коркосуң !
Сага өмүр берип жаткан,
ден – соолугуңду берген
Аллах Таалага чакырып
Багымдат намазына азан айтылса
жуунуп – таранып Роббиң тарапка
басуудан тартынасыңбы ?
Өз Роббиңе мамилең ушулбу ?

Тогуз ай энеңдин ичинде ким бакты эле?
Досторуң жок эле,
колуңдан эч нерсе келбейт эле .
Ким сага энеңдин ичинде
сууда дем алууну ,
курсакты тойдурууну ким үйрөттү ?
Кайсыл университет ,
кайсыл мектеп !?

Адам сууда 5 минута турса
думчугуп, аба жетпей өлөт экен.
Аллах Таалам Кадр,
Мүмкүн эмес нерсени
мүмкүн кылып коюуга !
Беш минута эмес Тогуз ай сууда жашадың,
ким сага Өмүр берип
Дүйнөгө келүүңдү насип этти ?
Эстечи энеңдин ичинде жаткан убакты?
Элестетчи …

Көрдүңбү сенин эч нерсеге акылың
жетпейт эле ..
Энеңдин ичинен чыгууну
жеңил кылып койду,
сен бул дүйнөгө төрөлдүң ..
Жыңалач элең, акылың жок эле,
колуңдан эч нерсе келбейт эле !

Сенин буттарың бар эле,
бирок сен басалбайт элең..
Колдоруң бар эле,
бирок кармай албайт элең !
Оозуң бар эле,
тиштериң чыга элек эле,
сага ким ырыскы берди ошондо ?

Эненин сүтүн эмүүнү,
сорсоң сүт чыгуусун түшүнбөйт элең ..
Бүгүнкү күндө бир дагы мамлекет,
бир дагы окумуштуу,
бир дагы өнүккөн техника,
болгон мал-мүлкү менен
Эненин көкүрөгүндөгү сүттүн ширин
даамындай болгон сүттү,
бириси дагы жасай алышкан жок !

Бирок Аллах Таалам
ушул ширин даамдуу сүттү
эненин көкүрөгүнө
ким үчүн жайгаштырган эле ?
“Бирөө төрөлсө энеге сүт өзү келет”-
деген түшүнүк бул ыймансыз адамдын түшүнүгү !
Качаан бир бала төрөлсө,
ошондо энеге сүт келет,
Аллах Таалам ошол төрөлгөн наристеге
берген ырыскысы ошол болот ,
Аллах берип жатат деп айтайлы !

Худба – хууд Бул дегени :
«Күн өзү батып жатат,
ай өзү чыгат, жамгыр жазда жаап,
көпөлөктөр, чымын-чиркей чыгып,
шамал болуп, суулар өзү агып,
булуттар карайып, чагылган болуп,
кышта өзүнөн өзү суук болуп ,
жайда өзүнөн өзү эле ыссык болуп,
табияттан болуп жатат дегендер
бул – каафыр адамдын түшүнүгү !
Аллаах кылып жатат дейли !

..Эненин көкүрөгүндөгү сүттү сен үчүн
Аллах Таалам жайда салкын,
кышта жылуу кылып берет эле !
Түнү менен уйкусунан ажырап,
кыйналса дагы балам деп,
терметип чыккан энеңдин жүрөгүнө
сага болгон мээримди
салып койгон ким эле ?
Колдоруң кармай албайт эле,
Аллах ага уруксаат берди ..
Буттарың баспайт эле,
Аллах ага да уруксаат берди !
Аллах сага тиштерди чыгарып берип,
жүзүңдү келбеттүү кылып койду..

“Лакоди холакунал
инсаана фии ахсани такуийвм” :
Инсандарды өттө суулуу келбетте жараттык ! -деп Куранда айтат .
Адам мындан да сулуу болушу
мүмкүн эмес !
Мурдуңузду колуңуз менен жаап
күзгүдөн караңызчы каанча куник көрүнүп калат экенсиз ?

Ким берди сизге бул келбетти ?
Аллах Таалам сизге айтып жатат:
“Адамдын жүрөгү ар бир соккону үчүн
Аллах Тааладан уруксат сурап
анан согот !”
Канча жылдан бери
Аллах Таала бир жолу болсо дагы
жок дедиби ?
Адамдын жүрөгү күнүнө
100 000 ден ашык соксо,
бир жолу болсо да сенин дем алып
дем чыгарууңа жок дедиби ?

Керек болсо сен күнөө иш кылып жатканыңда дагы,
харам нерсе менен алек болуп жатканыңда дагы
Сен зынаа кылып жатканыңда дагы,
өзүңө зулумдук кылып тамеки тартып,
харамды ичип жатканыңда дагы,
керек болсо Аллахтын газабын келтирүүчү иштерди жасап жатканыңда дагы, сенин жүрөгүң дем алганы үчүн
Аллахтан уруксат сурайт,
Аллах Таалам бир жолу болсо дагы
«Жок!» – дедиби ?

Бүгүнкү күндө адамдар бири-бири менен
бир ааз эле капалашып калса
жылдап сүйлөшпөй,
жүз карашпай коюшат ..
Бир эле ката үчүн бактылуу жашап жаткан жаш-жубайлар,
бир ката үчүн эр-катындар өмүр бою
бири-биринен ажырашып кетишет !
Аллах Таалага
канча күнөө кылып койсок дагы
сиз менен бизди ал Зат унутуп
таштап койдубу ?
Аллах Таала да сабырдуу Зат экен караңызчы.
Канча күнөө кылбайлы жаза берүүгө эч шашпайт, тообо кылат деп
Боорукердүү сыпатын үстүн коёт .

Бүгүн сиз акыл эстүүсүз .
Келбетиңиз келишкен, күч кубатка ээсиз .
Колуңуз менен кармап,
бутуңуз менен баса аласыз,
ал эмес курсак ачканда өзүңүз үчүн
бир нерсе кууруп жей аласыз ..
Сиздин Аллахка убакытыңыз жокпу эми ?
Ушундай Мээримдүү Затка
убакыт ажырата албайсызбы ?
Сиздин убактыңыз ушунчалык тарбы эми ?
Сизге бул керек эмеспи,
же Аллахка ушундайча шүгүрчүлүк билдиресизби тууганым ?

Мисал айтайын :
Сиздин астыңызга ушунчалык абалым начар, курсагым ач, колумдан эч нерсе
келбей турган даражада барып,
тамак берүүңүздү сурандым…
Сиз бир табак кылып
эң жакшы тамакты даярдап берсеңиз,
мен тамакты жедим да
муктаждыгымды бүтүрүп алышым менен,
табакка түкүрүп колуңузга карматтым .
Ахвалыңыз кандай болоор эле?
Ошол сыяктуу ушунча жакшылык
ушунча неъматтарды берген Аллахка
убакытыңыз эми тарбы сиздин ?

………… Ар биир адам өзүн Динге,
Аллахка муктааж сезип жашаш керек.

Өзүн, акчага,
дүйнөгө эле муктаж сезип өтүп кетпесин.
Дин болгону үчүн сиз менен биз
татыктуу адам катары жашап жатабыз !
Дүйнөдөгү менмин деген мамлекеттердин
жазып чыккан мыйзамдары,
бир дагы мамлекеттин мыйзамы,
бир өлгөн адамды кандай көмүш керек?
Ошону айтып бере албайт ..
А дин болсо,
өлгөн адамды жууп, апакай кылып ороп,
алып барып жаткырып,
сый көрсөтүп жатат ..
Бир дагы падышачылыктын
мыйзамы бир на махрам аял
менен намахрам эркекти никелейалбайт!
А дин болсо ошону дагы,
туттуңбу, кармадыңбы деп никелеп
батасын берип жатпайбы ?

Аллах Таалам өттө кымбат нерселерди
өттө арзаан кылып койгон ..
Өттө арзан нерселерди
өттө кымбат кылып койгон .
Уйку адамга канча керек ээ?
Адам эгер бирнече күн уктабай жүрсө
көз жумушу мүмкүн.
А бирок уктаганыңыз бекерго ?)
Эч ким акча сурабайт,
акчаң жок болсо жатып уктай бересиң ..

Аба адамга канча керек,
дем аласың, кымбат нерсе ..
Бирок эч ким акы сурабайт ..
Эң арзан кылып койгон ..
Суу адамга канча керек туурабы ?
Бирок
Аллах Таалам бекер эле берип жатат.
Көрүү адамга канча керек .
Светтин акчасын төлөбөй койсоң
эртеси үзүп кетишет .
Бирок көрүп жүргөнүңүз үчүн акы сурадыбы?Сүйлөө адамга канча зарыл
бекер эле берип койдуго .

Ал эми алтын-темир, таш-тезек,
булар эң арзан нерселер
сиз биз үчүн эң кымбат кылып койгон ..
Бирок адам бул нерселерди көрбөй
деле жашап өтүп кетсе болот )..

Адам баласы эгер дин менен жашабаса
айбандан, жаныбарлардан
төмөн жашап өтөт !
Эмнеге ?
Анткени көрдүңүз беле
эки буканын көлдүн боюнда
дасторконду жайнатып коюп
авратын ачып, күнгө какталып
пиво ичип жатканын ?
Же көрдүңүз беле
эки эчкинин өллө мас болуп,
аракка тоюп алып бири-бири менен көчөдө мушташып сүзүшүп жатканын ?
Көрдүңүз беле же
Ош менен Бишкектик койлордун талпама-талпа болуп бири-бирин уруп,
МВД менен СОБР да иштегендер бөлүштүрүп чуркап жүргөнүн ?
Же көрдүңүз беле
Эки Уйдун жолдун боюнда машинасын
токтотуп коюп, музыканы бакыртып алып
бири-бири менен өбүшүп жатканын ?
Же көрдүңүз беле текелердин,
иттер менен чогуу олтуруп илебин
дөлдөйтүп Насывай салып,
оозуна Тамеки салып
асманга түтүнүн чыгарып коюп
маектешип олтурганын?)

Козулары кечинде түн жарымга чейин
дискотекада жүрүп, өллө чарчап
үйгө жетпей буканын үйүндө жатып калыптыр дегенди уктуңузбу ?

А бирок адамдардын кылганын угуп көрүп эле жүрбөйбүзбү !?)
Көрдүңүзбү ,
эгер адамбаласы Дин менен жашабаса
айбандан төмөн жашап өтөт !!
Айбан кылбаганды адам кылып калат..

Адам баласы гана өзүнүн негизги максатын унутуп жашап жатат…
Памидорду көрдүңөрбү
жоок мен Бадыраң болом деп
жашыл түскө бойонуп алганын ?
Же көрдүңөрбү
мен тоголок болушум керек деп сабиздин картошкага окшошуп алганын?

А бирок адам баласы бүгүнкү күндө,
Европаны туурайбы билбейм,
эркектер аялдарга,
аялдар эркекче кийинип эркек болуп алгандары жок эмес ..
Насывай менен Тамекиге кул болбогун!
Эркексиңби,
эркиң күчтүү болсо азыртан баштап таштап салгын !
Качанга чейин өзүңдүн напсиңе кул болуп жүрүп, өтүп кетесиң ?
Качанга чейин машинаңын көчүгүнөн чыкчуу түтүндү,
ичиңден (оозуңдан) чыгармакчысың ?
Нафсаний эмес,
руханий ыраахат алууну үйрөнөйлү!
Ибаадатка кел, Роббиңе кул бол !
Анткени Ал Зат гана,
суранууга, жалбарууга
чыныгы сыйынууга татыктуу Зат !

Бирөө келип бизден:
«Насывай менен тамеки арамбы ?»-деп сурайт бир күнү …
Биз айтат элек,
ар бир Аллахтан корккон,
акыретке ишенген чыныгы
Ыймандуу момун адам үчүн
Бул нерселер эч качан адал-эмес !
Кыяматта ар бир нерсең үчүн
жооп бересиң,
анын ичинде ден-соолугуң үчүн дагы аны эсиңде чыгарба бир туганым !
Куранда,
арактын арам экени аччык айтылган.
Тамеки тууралуу айтылбаса дагы,
окумуштуулар айтып жатат:
«Аракка караганда тамекинин зыяны
бир нече эсе көбүрөөк !”-деп..

Арактын жыты 4-5 күндө кетет,
а бирок тамекинин жыты
адам өлгөнгө чейин кетпейт !
Өлгөндөн кийин дагы,
түсү карайып бир нече саатта өңү өзгөрүп тамеки сасып чыгат экен .
Денесине тамекинин жыты батып калса,
анын бечара аялынын шору дейт ..
Өмүрүнүн акырына чейин чыныгы
эркектин жытын жыттай албай өтөт!

ТАМЕКИ ЧЕККЕНДЕРГЕ ДАГЫ ЭМНЕ
ДЕП АЙТУУ КЕРЕК !?
Адам жашоодо эмне менен алек болсо
ошол нерсеге көнүп калат экен …
Намаз көп окугандар
кабырдагы периштелер
сурак алуу үчүн тургузганда:
«Эмне болду, Намаз убактысы болуп калдыбы, коё тургула намаз окуйун !»-
дейт экен ..
Сигерет, нас чеккендер
кабырда эмне дээр экен ээ?))
Периштелер сурак үчүн тур десе,
көзүн ачып, периштеге карап:
«Сигерет барбы ?
бир Настан таштаң !»-дейт да)))
Бизге бул Балким күлкүдүр…
А бирок кабыр жашоосу,
тозоктун чуңкурунан болгон бир чуңкур.
Же Бейиштин бакчаларынан болгон
бир бакча ! (хадис).
Билесизби ?
Сарымсак жыттанган адамга
периштелер ызаа болуп,
жакын барууга кыйналат экен..
Тамеки сарымсактан да сассыгыраак ал адамга эми периште эмес
Шакелер келбесе эле билбейм …)
Насывай менен тамекини
таштай албайсыңбы,
өзүңдүн нафсиңди жеңе албайсыңбы,
анда Мен эрекмин деп
басып жүрүүдөн уялгын !
Тамекини сурасаң,
тартып баштаганда бисмиллах
деп баштап бүткөндө
Алхамдулиллах деп айта албасаң,
анын жообун өзүң да билесиң,
арамбы же адал бекенин !
Тамеки менен насывайдан мен жийиркенемин !
«Адамдар жийиркенген нерседен
Периштелер дагы жийиркенет !»
Аллах Таала бүт ааламды жаратуудан мурда
ар бир нерсенин тагдырын жана ырыскысын жазып койгон. Биринчи кезекте “калемди” жаратып “Жазгын !”-деген өкүм болду..
Калем айтты: “Йаа, Робби !? Эмнени жазайын ?!” Аллах Таалам айтты:
“Кыяматка чейин келүүчү ар бир нерсенин тагдырын жаз !”-деп буюрду.

Сиз иштеткен супер маркет, контейнер, магазиндер тилемчинин сураган колу сыяктуу. Аллаах ошол жерге ырыскы берсе анан береке болуп, андан пайдаланып жатасыз !
Сиз ойлобоңуз бизди ушул жер багып жатат!-деп. Аллах Таала ырыскы бергенинен, ошол жерден пайда алып жатасыз. Шыпаа – врачтын колунда эмес. Врач – керек болсо өзү деле ооруп, өзү деле өлүүчү жан. Шыпааны Аллах берет, врач өзүнүн жумушун аткарып гана коёт. Эгер Аллах шыпаа бербесе, ааламдагы врачтар чогулуп келип сактап кала албайт !

Кээде ойлобогон жерден тамак-аш келип калат, мына ошол сиздин ырыскыңыз ал тагдырда жазылган. Кандай эле өлүм ар бир жандын тагдырында бар болгону сыяктуу, анын ырыскысы дагы өзү менен чогуу жүрөт..

Сиз дарак эккениңизде астындагы топуракка кошуп краска же кум шекер кошуп эгесизби? Жоок, топуракты эле таштап коёсуз, бирок ошол дарак өрүк болсо, чоңоюп мөмө алса, каттуу бир отундан жумшак жана ширин мөмөлөр чыгат, ким кылды аны? Аллах кылды! Узуун-узун теректердин чокусуна насос мененсиз суу жеткирипжатасызбы? Анын ар бир шагына, ар бир бутагындагы бүрлөрүнө чейин ырыскы берип жаткан зат – Аллах !

“Силер эгип жаткан эгиндериңер тууралуу эч ойлоп көрдүңөрбү? Аны силер өндүрүп-өстүрөсүңөрбү же Биз өндүрүүчүбүзбү ?” (Ваакиа 63-64).

“Ичип жаткан сууңарды көрдүңөрбү? Булуттан аны силер түшүрдүңөрбү же түшүрүүчү Бизби? Эгер кааласак аны ачуу кылып коймокпуз. Эмнеге, шүгүр кылбайсыңар? Күйгүзгөн отуңарды көрбөйсүңөрбү? Анын дарагын силер жараттыңарбы же жаратуучу Бизби ?!” (Ваакиа 68-72).

Сиз балалуу болуу үчүн, шарият жолу менен себебин кылып, сууну эле куя аласыз, бирок ага жанды ким берди? Колдорун, буттарын, көздөрүн, сүйлөө үчүн тилди ким берди?

“Силер өзүңөрдүн куйган уругуңарды карабайсыңарбы . Аны силер жаратасыңарбы же жаратуучу Бизби ?” (Ваакиа 58-59)

Өрүктүн данеги жумшак, бирок сырткы кабыгы өттө каттуу.. Ошону да тешип чыгып тамырлап кетет. Аллах Таала жаратты, сиз суу элеңиз, жаныңыз жок эле, бирок тирилтти жана күнү келип кайра өлтүрөт, кыяматта кайра тирилтет ! Эгер таңды аттырбай койсо кимдин күчү жетет күндү чыгарууга! Күндү Аллах Таалам батырбай койсо, ким караңгыны киргизе алат! Түндөсү жылдыздарды көрсөтпөй, булут менен каптап, тосуп койсо ким аны көрсөт алат ! Жамгыр жаадырбай, жерден бир дагы нерсени чыгарбай койсо ким жаадыра алат жамгырды?

“Акыйкатта, Аллах урукту жана данекти жарып өндүрүүчү, өлүктөн тирүүнү чыгарат, тирүүдөн өлүктү чыгаруучу. Мына ушул Аллах ! Аны таштап кайсыл жака бара жатасыңар? Ал таңды аттыруучу жана түндү силерге эс алуучу орун кылды. Күндү жана айды силер эсеп-кысап (календар) кылууңар үчүн жаратты. Мунун баары – Мартабалуу , Билүүчүнүн өлчөм койгондору. Ал кургактагы жана деңиздеги караңгычылыктарда жол табууңар үчүн жылдыздарды жаратты. Биз аяттарыбызды (жакшы,жаманды) билген коомдор үчүн мына ушунтип баяндадык. Ал силерди бир жандан жаратты (силер үчүн жатынды) орун жана атаңардын белин жай (кылды) чынында түшүнгөн коом үчүн аяттарыбызды баяндадык. Ал асмандан жамгыр жаадырат. Биз аны менен өсүмдүктөрдөн баардык нерселерди чыгардык. Андан жашыл өсүмдүктөрдү, тизмектелген данды, курма дарагынын мөмөсүнүн чанагын жана жалбырактары окшош, а мөмөлөрү окшош эмес жүзүм зарларды, зайтунду, анарды (өстүрөбүз). Алар мөмөлөгөндө жана бышып жетилип, түшүм бергенде мөмөсүнө карагылачы. Акыйкатта мунун баарында ыймандуулар үчүн үлгү бар!” (Ан’аам 95-99аяттар).

Канчалаган айбандар өздөрүнө азыгын камдап алышпайт. Аллах аларга да, силерге да ырыскы берип жатат, Ал гана – Угуучу Билүүчү” (Анкабут – 60 аят)

Аллах Таалам угуу менен көрүү нематын алып салса, кайсы кудай сизге кайтарып бере алат ? (Ан’аам 46 аятты караңыз).

Айткылачы, эгер Аллаах кыяматка чейин караңгы кылып койсо, жарык кылып берүүчү кудайыңар ким ? Кыяматка чейин күндүз кылып койсо, түн кылып берүүчүңөр ким ?

Шамалды токтотуп койсо, салкын кылуучуңар ким?

“Силердин андан башка кудайыңар жок” (А’роф – 59)

“Эсиңерде болсун !
Жаратуу жана бийлик жүргүзүү – Ага гана таандык ” (А’роф 54-аят).

“Эгер Аллах сени бир кырсыкка учуратса, Андан башка эч ким куткара албайт! Эгер Ал сага жакшылык жөнөтсө, эч ким токтото албайт . Ал аны өз пенделеринин ичинен каалагандарына берет. Ал – Кечиримдүү, Боорукер ” (Юнус – 107).

“Баардык мактоо – Эгебиз, асмандардын Эгеси, жердин Эгеси жана ааламдардын Эгеси – Аллахка таандык. Асмандарда да, жерде да улуктук – Ага таандык. Ал Мартабалуу, Даанышман!” (Жаасия – 36 аят)

Эй пендем ?
Билем сен мээримдүүлүккө муктажсың, Мээримдүүмүн Мен!
Билем сен коркосуң, ал Му’мин Баардык нерселерге амандык, тынчтык, бейпилдик Берүүчү менмин!
билем сен күнөө кыласың, кайгырасың, күнөөңдөн арылгың келет, Гофуур – күнөөлөрдү кечирүүчү Менмин! Гоффаар – өттө көп кечиремин ! Афувв – кечиргенди Мен жакшы көрөмүн !
Адилеттүүлүккө муктажсың сен, Адл, Адилеттүү менмин !
Сен жумшактыкты жактырасың, ал Халиим – Сылык, Жумшакмын Мен!
Билем бирөөнүн жардамына муктажсың, ал Валий – жардам берүүчү досуң Менмин! Коркоксуң сен – Хаафииз – Өз Паанамда сактоочо Менмин !
Сен бир нерсе кылаарда бирөөгө муктаж болосуң, Мен – Кадрмын, Баардык нерсеге өзүм эле жетишем!
Кантип жетишесиң эй Аллах ?
Анткени Мен Муктадирмин, Өтө кудуреттүүмүн, Ахадмын жалгызмын, ал Ваахид жападан жалгызмын, Эч кимге, эч нерсеге муктаж болбогон ас Сомаад менмин !!

Бирок эй пенделерим күнөө кылсаңар – Каардуумун, ал Мунтаким Өч алуучумун !
Эгер тообо кылсаңар – Афувву каталарды жууп жиберүүчү, Ар-Роуф – өттө Мээрбанмын! Билем курсагың ачат – ар Роззаак ырыскы берүүчү менмин ! Аллах Таала сиз бизге дагы эмне кылып берсин ?!

Түндү бердим укташ үчүн, күндүздү бердим иштеп-эмгектенүү үчүн, ибаадат үчүн, жерлерди жумшак кылып бердим, үйлөрдү салууңар үчүн !

Аллах Таалам сиз бизге дагы эмне кылып берсин ?
“Оо адамдар ! Аллах силерге берген жакшылыгын эстегиле: Силерге асмандан жана жерден ырыскы бере турган башка Жаратуучу барбы ? Аллахты таштап кайда бара жатасыңар?” (Фаатир 3).

Аллах Таала сиз бизге дагы эмнекылып берсин?
Ыйманыңды сакта – деп смс келсинби эми ?
Бир эле нерсе калды өзү,
Жабраил периште Борбордук аянтка бүт элди чогултуп туруп:
“ТУУГАНДАР МУНУН БААРЫ ЧЫН !”…
:)))

Инсан күнөөкөр, Робби кечиримдүү ! .

Али Оши, атайын “Formula.KG” сайты үчүн.
‍‍‍ БАКТЫЛУУЛУК ФОРМУЛАСЫ

Запись АДАМ ЫЙМАНЫ МЕНЕН АДАМ впервые появилась Formula.KG.

Бул дүйнө мээнет, кыйынчылык ааламы.
Бул дүйнө. Дүйнө эч качан
бейиш болуп бере албайт ..
Идеальный жашоо бейиште гана болот)!

Бул дүйнөдө баардык нерсенин тегиз болуусун күтүү туура эмес .
Кайсыл бир адам бул дүйнөнүн эмне экенин
жан дүйнөсү менен туюп,
жүрөгүнүн түпкүрүнөн таанып билген болсо,
ал адам башына кененчилик келгенде кубанбайт. Башына кайгы келсе
ага кыпынча да кайгырып койбойт .
Дүйнө кыйынчылыктардан куралган .
“Бул дүйнө момундун капасы,
каапырдын бейиши ” (хадис).

Башыбызга түшкөн ар бир кыйынчылык,
ар бир оор сыноолор сиз биздин пайдабыз үчүн
гана болоорун биз билейли.
Бир ойлоп көрүңүз, баардык нерсе 100%
биз каалагандай эле боло берсе,
кыпынча проблема болбосо, баардыгы 5 болуп эле бир да адам оорубаса,
дүйнө мал-мүлк ойдогудай, бала-чака ойдогудай, баардык нерсе жетиштүү бар болсо
анда адам баласы
Аллага жолугууну каалабай калмак .
Дүйнө ар дайым эле бир түстө боло бербегени,
ар багытта ар түрдүү сыноолордун келүүсү
Аллахтын сиз бизге берген даанышмандыгы !

Бул дүйнө сөзсүз бир кем дүйнө !
Бир адамдын баласы болсо акчасы жок.
Акчасы бар адамдын баласы жок.
Аялы диндар, бирок өзү оорулуу болуп калуусу мүмкүн. Бири ден соолук издесе,
ден соолугу бар адам эч нерсеге жетишпей
убакытка жетпейт .
Бир кишинин байлыгы өтө көп бирок,
үй бүлөө же ден соолугу начар..
Бирөө апасынан капа, бирөө баласынан капа.
Кошунасы жакшы, бирок туугандары жаман.
Ата эне жакшы бирок аялы жаман .
Ушундай бир сыноолор келет кээде
адам чыдай албаймго деген ойго батып калат .
Сен кылдың!-деп атасын урушат.
Сиз күнөөлүсүз !-деп апасын урушат .
Сенин себебиңден !-деп аялын урушат.
Сен болбогондо !-деп баласын урушат .
Кайгынын чок ортосунда калып азапталат ..

Бул учурда эч кимден эмес,
Алладан болду дейтурган болсок,
жүрөктөгү кайгы тып басылат,
жан дүйнө ырахат алып кетет!

Адамдардын башына кайгы келсе,
кыжаалат болуп агасына барат, досуна барат,
шефине барат, кыскасы ишенгенине барат.
Акыры эч ким жардам бере албай калганда
“Аллах ! Мен сабыр кыламын дейт )
Бул учурда сабыр кылган болуп эсептелбейт.
Бул чекке жеткенде айласыздан жүрөк
сабыр кыламын деп айтууга мажбур болот.
Негизи жүрөк кайгыга чыдай албай эси ооп калган болот ))))
Сабырдуулук – кыйынчылыктын башындагы сабырлуулукту айтат туугандар .
Кандай сыноо келбесин
Эй Аллах сабыр кыламын, мага сабырдуулук бер – деп Аллах менен байланышсаңыз
кыйынчылыктын кандай жеңил өткөнүн да
сезбей каласыз ..

Инсандын башына келген ар бир сыноо,
кайгы, анын пайдасы үчүн гана келет .
Аллах Таалам андай Зат эмеес,
бир нерсени пайдасыз эле кыла берчүүдөй!
Бир хадиси кудсийде
Аллах Таалам айтат:
“Кайсыл пендемдин жанын алаар экенмин
ага биринчиден ырайым кылууну каалаймын !
Анын ар бир кылган күнөөсү,
ар бир кылган катаасы үчүн жазаа беремин.
(Бул дүйнөдө күнөө иш кылганда анын жазаасы берилиши эң жакшы нерсе .
Анткени анын жообун кыяматта берүү оор.
Колдун кайрылып калуусу, буттун оруусу,
белдин, тиштин, баштын, кайсы бир жериңиз
ооруп жатса билиңз
Аллах сиздин күнөөңүздүн жазаасын акыретке калтырбай бул дүйнөдө кечирип жатат .
Сизге жакпаган бир окуя болот,
же бир учур келет ошол бир эле кыйынчылык үчүн Аллах Тапла пенденин өтө көп
кемчиликтерин кечирип коёт .
Сиз бул үчүн сабыр кылышыңыз керек !)

Кудсий хадистин уландысында:
“Пендемдин денесиндеги оору менен,
же ырыскысындагы тардык менен сынаймын .
Мал-мүлкүндөгү же бала-чакасындагы
кыйынчылыктар менен сынаймын .
Пендем күнөө кылганда ага кыйынчылык
кайгы капаны, ооруну, ар түрдүү сыноолорду берем, биринин артынан бирин берип
анын күнөөсүн кечиремин .
Эгер дагы бир күнөөлөрү калган болсо
анда акыркы чек ,
ага өлүм учурун өтө оор кылып коёмун,
ушуну менен ал бүт күнөөлрүнөн таптаза
абалда Менин алдыма келет !
Энеден жаңы төрөлгөндөй
Мага жолугат !

Демек достор бизге берилген ар бир кайгы, оору, кыйынчылык, кайгы-капалар биздин кылган күнөөбүз үчүн гана экен .
Күнөөлөргө тообо кылып,
колдон келишинче такыбаа болууга умтулайлы!
Диндар болуп, ыймандын негизинде жашоого аракет жасайлы .
Эмнеге сен ыйман менен жашаган жоксуң!?-деген суроо акыретте берилбесе да
Эмнеге ыйман менен жашоого аракет кылган эмессиң ?-деген
суроо берилүүсү толлук ыктымал.

Ошондуктан бул дүйнөдө бизге кандай кыйынчылык учур келбесин
биз ыраазы болойлу .
Анткени ага өзүбүз гана күнөөлүүбүз.
Биз бир күнөө кылганбыз анын кечирилүүсү үчүн каффаарат болуп жатат .
Бул Аллах Тааланын бизге нааразылыгы эмес,
балки Кечиримдүү,
Ырайымдуулугунун себебинен.

“Ким Аллах Тааланын эскертүүлөрүнөн баш тартса, анда ага машакаттуу оор жашоо беребиз !” (Куран аяты).

Аллахтын буюрган ар бир өкүмү сиз биз үчүн чексиз пайда, кайтарган ар бир өкүмү
сиз биз үчүн чексиз зыян !♡

Али Оши, атайын “Formula.KG” сайты үчүн.

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2mb2Guk
✿ http://ift.tt/2l8etvu
✿ +996700334493
✿ WWW.FORMULA.KG

Запись Бул дүйнө мээнет, кыйынчылык ааламы. впервые появилась Formula.KG.

*Абдишүкүр ажы Нарматов*

*Урматтуу мусулман бир тууганым!*

✍Адам баласына өтө зарыл болгон баалуу нерселер бар. Аларга жетүү үчүн адам баласы бүткүл өмүрүн коротот. Бирок, канчалаган мээнет, канчалаган эмгек менен табылган бул нерселерди калтырып, жалгыз кетүүчү күн келет. Мына ошол күн келип, баардык нерсени калтырып кетүүчү убакытта, бизге жолдош болуп жаныбыздан бир карыш да алыстабай бирге боло турган эң баалуу нерсе бул – ыйман.
Адам баласы төрөлгөндөн өлгөнгө чейин, өлгөндөн, Аллахтын алдына барып, эсеп берип Бейишке киргенге чейин аны менен бирге болуп, ага бакыттын жолун көрсөтүүчү нерсе бул – ыйман.
Ыймандын даамын татып, ыйман нуру менен жашаган адам эки дүйнөдө бактылуу, ал эми андан алыс болуп, ыймансыздыктын караңгылыгында жашаган адам эки дүйнөдө бактысыз болот.

*Урматтуу мусулман бир тууганым!*

Ыйман бул – тил менен айтуу, жүрөк менен ишенүү жана амал менен тастыктоо. Тилибиз менен “Лаа илааhа илЛаллооhу Мухаммадур-расуулуллоh,”
[ Аллахтан башка сыйынууга татыктуу зат жок, Мухаммад анын элчиси]- деп күбөлүк беребиз. Айткан келмебизге жүрөгүбүз менен ишенебиз. Аллахтын, Жалгыз жана шериги жоктугуна, Жараатуучу жана Кудреттүүлүгүнө, Тирүү жана эч качан өлбөстүгүнө, Баардык ааламды башкаруучу жана ибаадат кылууга татыктуу зат экенине ишенген соң, Ага гана ибаадат кылабыз. Аллах Таала канча пайгамбар жиберген болсо, алардын баары «Лаа илааhа ил-Лаллооh» келмесин жеткиришти. Пайгамбарыбыз (Ага Аллахтын салам-салаваты болсун) дагы, алгачкы пайгамбарлык доорунда ыйман үчүн мээнет кылды. Анткени адамга ыйман кирмейинче, ал ибаадат кыла албайт. Ыйман келмеси эң алгачкы милдет жана эң акыркы милдет. Тагыраак айтканда, адам мусулман болуу үчүн ыйман келмесин айтуу керек. Ошондой эле өлүм алдында дагы ыйман келмесин айтуу керек. Пайгамбарыбыз (Ага Аллахтын салам-салаваты болсун) бир хадисте:

– «Лаа илааhа ил-Лаллооhу, бейиштин ачкычы» – деп айткан.
Улуу сахабалардын бири Муаз ибни Жабал (Аллах андан ыраазы болсун) бир жолу чогулуп отурган адамдарга мындай деди:
– Азыр силерге сүйүнүчтүү кабар айтамын. Мен, Пайгамбарыбыздан (Ага Аллахтын салам-салаваты болсун) бир сөз уккан элем. Бирок, силерди ошого таянып албасын деп ушул күнгө чейин айтпай жүрдүм. Эми мага өлүм жакындап калды, эгер бул сөздү айтпастан өтүп кетсем, күнөөкөр болуп калам. Анткени билгенин жашырып башкаларга айтпаган адам кыямат күнү оттон жасалган жүгөн менен жүгөндөлөт. Пайгамбарыбыз (Ага Аллахтын салам-салаваты болсун) мага:
– «Кимдин өлүм алдындагы эң акыркы сөзү «Лаа илааhа ил-Лаллооh» болсо, ал бейишке кирет» – деп айткан.
«Лаа илааhа ил-Лаллооh» келмеси менен өткөн адам кайсы бир күнөөлөрү үчүн азапталса да, баары бир бейишке кирет. Пайгамбарыбыз (Ага Аллахтын салам-салаваты болсун) – «Кимдин жүрөгүндө, кыпындын салмагындай ыйманы болсо, тозоктон чыгарылып бейишке киргизилет» – деген.

Диндеги эң такыба адам деген атка конгон Хасан Ал-Басрий бир досунан кабар алганы үйүнө келет. Досу төшөктө, өтө оор абалда жатат. Хасан Ал-Басрий:
– Досум, азыр эмнени көрүп турасың – деп сурайт. Анда досу:
– Өтө шашылыш келген өлүмдү көрүп турам, би рок андан кутулууга эч кандай айлам жок.
Аябай коркунучтуу мүрзөнү көрүп турам, бирок ал жерде мени менен бирге боло турган жолдошум жок.
Жагымдуу, кооздолгон бейишти көрүп турам, бирок ал жерге алып баруучу амалым жок.
Жагымсыз, алоолонгон тозокту көрүп турам, бирок андан сактап калуучу жардамчым жок.
Илинип коюлган таразаны көрүп турам, бирок ага салмак болуучу соопторум жок.
Тартылган кыл көпүрөнү көрүп турам, бирок андан алып өтүүчү жандоочум жок. Кечиримдүү, Боорукер Аллахты көрүп турам, бирок Анын алдына алып баруучу эч кандай далилим жок – деп
жооп берет. Досу кайтыш болгондон кийин Хасан Ал-Басрий түшүндө көрөт да:
– абалың эмне болду – деп сурайт. Анда ал: Аллах мени өз ырайымы менен Лаа илааhа ил-Лаллооh келмесинин урматы үчүн бейишке киргизди деп жооп берет. Бул келме, бул дүйнөдө ак-таза жашоого, акыретте болсо бейиште болууга жардам берет. Бул келме жети сөздөн турат. Ким ага амал кылып жашап өтсө, ага тозоктун жети эшиги жабык болот. Бул келме жыйырма төрт тамгадан турат. Ким ага амал кылып жашаса, анын жыйырма төрт саат ичиндеги жасаган кылган күнөөлөрү кечирилет. Ким бул дүйнөдө ыйык келмени жүрөгүнө киргизсе, өлүм алдында аны айтуу жеңил болот.

Мисирде бир ооруканада мындай окуя болот. Ооруканага авто кырсыкка кабылган эки адамды алып келишет. Дарыгер аларды карап, текшергенден кийин, алардын жашап кетүүсүнө көзү жетпей, аларга келме айттырууга аракет кылат. Алардын бирине «Лаа илааhа ил-Лаллооh» деп айткан сайын аны кайталоонун ордуна, тамеки бергиле деп кайра-кайра айтат да, башка бир сөз айта албастан көз жумат. Экинчисине келмени айтканда, ал дарыгерге карап: сен Ла илааhа ил-Лаллооh келмесин туура эмес айтып жатасың, келмени Лааа илааhа илла-Лооhу деп созуп айтуу керек деп ага үйрөтүп, анан жан берет. Бул дүйнөдө жүрөк эмнеге толсо, өлүм алдында ошону эстейт. Аллахым ар бирибизге ыйман келмеси менен өтүүнү насип кыл.

*Урматтуу мусулман бир тууганым!*

Качан инсан кабырга коюлган кезде, ага эң биринчи берилген суроо дагы «Рообуң ким» деп, ыйман келмеси тууралуу болот.
Ал эми, Кыяматта бейиштин алдына келген кезде, бейиштин эшигине да ушул ыйман келмеси жазылып коюлган.
Лаа илааhа илла-Лооh менен жашайбыз,
Лаа илааhа илла-Лооh менен жан беребиз.
Лаа илааhа илла-Лооh менен кабырга киребиз, Лаа илааhа илла-Лооh менен Мункар-Накирдин суроосуна жооп беребиз. Лаа илааhа илла-Лооh менен Махшар майданына тирилебиз,
Лаа илааhа илла-Лооh менен Аллахтын алдында сурак беребиз.
Лаа илааhа илла-Лооh менен сирот көпүрөсүнөн өтөбүз,
Лаа илааhа илла-Лооh менен бейишке киребиз. Биздин бактыбыз бир гана ушул келмеде. Башка эч нерседе бактылуулук жок.

*Урматтуу мусулман бир тууганым!*

Өлүм периштеси эшигибизди кагып келгенге чейин, ыйман келмесин жүрөгүбүзгө киргизели. Өзүбүз ага амал кылып, башкаларды да ага чакыралы. Өзүбүзгө каалаган бейишти, башкаларга да ыраа көрөлү. Аллахым, ар бирибиздин жүрөгүбүзгө ыйман келмесин жайгаштаргын.
Аллахым, ар бирибизди ушул келме менен жашап, ушул келме менен өтүүнү насип кыл. Аллахым, баарыбыздын билип жана билбей жасаган күнөөлөрүбөздү кечирип, улуу Бейишиңде чогуу кыл. Ассалааму алайкум ва рахматул-Лоhи ва баракатуху.

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2mb2Guk
✿ http://ift.tt/2l8etvu
✿ +996700334493
✿ WWW.FORMULA.KG

Запись ЫЙМАН КЕЛМЕСИНИН КЕРЕМЕТИ впервые появилась Formula.KG.

*✨БИСМИЛЛАХИР РОХМААНИР РОХИЙМ.*

✍Кимде-ким Рамазан айынын келээрине сүйүнсө, чыдамсыздык менен күтүп кубанса,
орозо бүтөөрүндө кайгырса ал адамдын
бүт күнөөлөрү кечирилет .
Сүйүнүп эле койгон адамдын күнөөсү кечирилет !

Шейхтер айтат:
Сүйлөп жаткан адамдын өңүнө, келбетине,
жашына эмес сөзүнө маани бергин
ошондон пайда табасың !
Эмне үчүн кебете, өң-түсүнө карабайбыз?
Анткени ибилийс алайхи лаъна
Адам алайхис саламдын келбетине карап:
– Бул топурактан жаралса.. -деп
текеберденди эле зыянга учурады.

Баарыбыз баян укканды жакшы көрөбүз.
Баарыбыз аалымдарды, каарыларды сыйлайбыз. Анткени Аллахтын жардамы аалымдар менен, Аллахтын рахматы каары, уламалар менен бирге .
Сиз менен биз уктап жатканда алар
түндү түн дебестен илим окушат .
Аалымды жамандаган,
аалымды гыйбаттап, урматтабаган адамдын урпактарынан каары-улама жети урпагына чейин илимден махруум болот !
Бул урук-тукумунан аалым чыкпайт дегени.
Бүгүнкү күндө туугандарым,
маселе-баян угуу жөн гана маанай көтөрүүчү
же бир ыйлап алуучу көрүнүш сымал болуп бараткансыйт . Адамдардын баарында интернет бар . Телефон менен каалаган шейхтин баянын уга алабыз. Чубак устаздын баяндарын укканда жалаң позитивдүү,
маанайды көтөрө турган маселелерин
тандап-тандап угабыз .
Мейли, уга бериңиз ..

Ресторанга кирип, официантты чакырсаңыз
келип менюну берсе
тамактардан
1 Манты
2 Лагман
3 Пельмен
ж.б

Экинчиге:
1 Куурдак
2 Плов
ж.б

Үчүнчүгө суюк тамактар:
Шорпо
Мастава 0,7 – 120 сом.

Андан сырткары Суппер Хошан.
Оштун тандыр самсасы .
Жаңыбайдын Жаңы самсасы да бар деп менюда жазылып турса, сиз сатып алып жебестен эле
караап олтуруп кетип калсаңыз
курсак өзүнче эле тоюп калабы )?

Качаан чөнтөктөн акчаны алып
тамакты сатып алып жегенде
курсак тойгондой
сиз качаан баян укканыңызда аны түшүнүп,
аят-хадиске амал кылганыңызда гана жашооңузга бактылуулук келет !

Дагы эмнени айтат экен,
эмне сөз бар, жаңы окуяларды айтат бекен
деп укпастан, Аллах үчүн угуп ,
Аллах үчүн башкаларга жеткирейли .
Баян айтсаң кээ бирлери телефонунун диктафонун жандырып коёт .
Сиз менен биз жүрөктүн диктафонун жандырайлы! Кандай дейсиздер?
Атаңыз сизге бир иш айтса жүгүрүп барып сүйлөгөнүн диктафонго жаздырып алып,
атам эмне деди экен деп кийин угуп иш кылбайсызго . Угуп эле айтканын кыласыз.
Ошол сыяктуу угуп эле амал кыла берейли )..
Кандай дейсиздер ?

Сиз бизге обратно кайра кетүү үчүн билет алынган . Кээ бир адамдар Россияга, Туркия ж.б мамлекеттерге бара жатып 1 же 1 жарым айдан кийин кайра кайтам деп обратно билет сатып алышат туурабы ?
Дал ошол сыяктуу акыретке кайтуучу сапар бар, биз менен сиз конок болуп жүргөн чагыбыз. Бир күн келип сөзсүз кетээрибиз анык. Сапардан кайтып баратып жакындарыңызга, туугандарыңызга белек менен Российский жакшы оригинал шокаладдан тандап алып барсаңыз Ата-Энеңиз каанча кубанат. Туугандарыңыз каанча сүйүнүшөт туурабы туура эмеспи ?
Айтайын деген максатым туугандар,
акырет узак, ага канчалык даярдандык?
Биз өзүбүз менен кошо ала барган амалдарды
көрүп Жараткан Зат ыраазы болобу ?
Акырет сапары узаак..
Акырет сааты болсо жакын .
Дүйнө убактысы асты тешик
кум идиштей азайгандан азайып баратат .
Акырет жакындап келе жатат .
Дүйнө алыстап бара жатат .
Инсан балдары гана,
түбөлүктүү жака карай баспастан ,
артын карабастан кетип бара жаткан дүйнөнүн артынан түшүп, кыска убакытка карай бет алууда. Астыда узаак жашоо турса,
кыска бир жашоонун проблемаларын
проблема кылып жүрөбүз .
Эхх, кандай гана өкүнүчтүү .
Дин дүйнөнү таштап кой дебейт .
Дин – дүйнө жашооңду дин менен жашап өткөргүн дейт !

Өмүр өтүп жашыбыз бир топко барып калса да
арстандан кутулуунун үмүтү бар кийиктин баласы сымал ажалдан качууга умтулабыз .
Арстандай артыбыздан кубалап келе жаткан өлүм периштеси астыңдан тосуп чыгаары,
ал эмес кайсыл убакта келээри белгисиз.
Адамдардын баары качан төрөлгөнүн, кайсы күнү төрөлгөнүн саатынан бери билишет.
Бирок бир дагы адам качан өлөөрүн билбейт .
“Куллу нафсин заааикотул мааувт!
Ар бир жандын ээси өөлүм даамын татат.
Кыбыр этип кыбырап жүргөн жандын баары өлүм даамын татат.
Баары эле ошол даярдалган чуңкурга коюлат дегендей)..
Аллах насип кылса 100 жылдан кийин такыр эле башка адамдар биздин ордубузга келишет.
Бүгүнкү күндө басып жүргөн ар бир жан өтөт.
Муну түшүнүү керек!
Ойлонуу керек, амал кылуу керек.
Мейли ал адам чоң болсун, кичине болсун ..
Бай болсун кедей болсун..
Сулуу болсун куник болсун ..
Депутат болсун Министр болсун .
Мейли, ал адам милиция болсун..
Падыша президент болсун .
Мейли Кыргыз болсун башка болсун ..
Баарыбыз, мен да сиз дагы ошол суракты көрөбүз . Кача албайбыз . Убакытты токтотуп тура албайбыз . Колубуздан келе турган нерсе
ошол сурак күнүнө даярдануу .
Ошол өлүмгө, өлүмдөн кийинки өмүргө
даярданайлы деген теманын айланасында
сөз болуп ошого мээнет болуп жатпайбы.
Кепиндин чөнтөгү жок!
Эгерде сиз менен биз дин менен жашап
динге амал кылсак, Куран Хадис менен аракет кылып жашообузга ыйман алып келсек ,
бул дүйнөдө да акыретте да,
өлүм учурунда да амал таразасында да,
сирот көпүрөсүндө да кабырда да
керек болсо эки метр көрдүн ичинде
эки метр кепиндин ичинде жатып бактылуу болобуз, Аллахтын астында даражабыз жогору болот ! Канткенде сиз биздин жашообузга
дин келет ? Канткенде мусулмандар кыйналбай бактылуу болуп жашашат?
Канткенде балдар ыймандуу болуп
ата-энесин какшатпай калат ?
Канткенде кыздар уяттуу болуп,
бактылуу эне болушат ?
Канткенде мусулманды мусулман алдап кетпейт, канткенде бирин-бири урушуп кетпейт, канткенде бири-бирине сылык мамиледе болуп, канткенде улутка бөлүнбөй бир тууган болуп, бир үммөт болуп күн кечиришет !!?

2010 жылдары адамдар бир кыйынчылыкты башынан өткөрүштү ..
Ошол убактарда элге айттык эле:
“Кыргыз Бейишке кирбейт!”-дедик .
Адамдар чочуй түштү.
Бир ааз туруп :
“Бейишке Өзбеги да кирбейт!”-десек адамдар жалдырап карап туруп калышты, анан ким кирет дегенсип .
Анан биз айттык:
” Бейишке – Мусулман кирет !”-деп.

Улутка бөлүнбөйлү, жаман көрбөйлү .
Ким улут-улутка бөлүнүп урушса,
ал адам кыямат күнүндө шайтандын сабында тирилет! Пайгамбар алайхис салаам айтат:
“Улутка бөлүнгөндөр менин үммөтүмдөн эмес!”

Адамдык сыпатты менменсинүү, текеберденүү,
көрө-албастык, бирөөнү кыйбаттоо сыяктуу сыпаттар жок кылат .
Ар бирибиз өзүбүздү мактап, өзүбүздү жакшы көрүп алганбыз . Алфавитте “Я” деген тамга эң акыркы турат . Сиз менен биз эң биринчиге коюп алганбыз . Ушул нерселер сиз бизди жек көрсөтүп жатат . Азия, орто Азия элдери айрыкча адеп ахлакка өтө чоң маани берген эл.
Адеп-ахлагыбызды оңдойлу.
Үйгө келгенде жакындарыңыз кубансын,
үйдөн чыгып кеткенде эмес !)))

Пайгамбарыбыз алайхис салам бир да жолу:
– Эмнеге андай кылдың?
Эмнеге андай кылган жоксуң ?-деп айткан эмес. Үйгө келгенде Айша энебизге сылык сүйлөйт эле .
Сиз биз азыркы күндө үйгө кирип эле:
Турбайсыңарбы! Чай койбойсуңарбы!
Сасып жата бересиңерби ?-деп урушабыз.
Туугандар менен мамилени оңдойлу.
Жылмайганды үйрөнөйлү.
Айрыкча эркек кишилердин арасында көп болот, бири-бирине катып желкелерди чыгарып , эки каш биригип Вандам болуп
бири-бири менен айтышып түртүшүп кетет .
Пайгамбар алайхис салам бүгүнкү сиз көрүп жаткан динди алып келген эмес !
Жанагы сөздөгүдөй болуп калбайлы да:
“Мен бул жерден мусулманды көрдүм
бирок исламды көрбөдүм”

Тилди пайдасыз сөздөрдөн сактайлы.
Эки желкедеги периштелер оозуңуздан кайсы сөз, керек болсо бир тамга айтсаңыз да жазып коюшат . Сөгүнсөңүз ошону да жазат .
Энеңдин деп “эне” деген бойдон токтоп калсаңыз
амал дептериңизге “Эне!”- деп жазып коёт.))))

Эң улуу айлар келе жатат .
Орозо айында колдон келишинче ибаадат менен өткөрүүгө аракет кылайлы .
Анан ушул жерден айта кетчү маселе:
Жаштар орозо тутуп саартан кечке укташат экен да, түнү менен тамак жешет экен.
Эрте менен оозду жабат уктайт.
Пешимде туруп намазын окуп кайра уктайт.
Асрда туруп намазын окуп кайра уктайт .
Шамда жакындарын кыйкыртып жүрүп ойгонот да, оозун ачып алып түнү-менен көчөдө достору менен бильярдда жүрүп, эрте менен келип оозун жаап кайра уктайт .
Бул эмне деген орозо болду эми ?
Үйдө кызмат кылайлы туугандар!
Сиз биздин себебибизден динге сөз тийип калбасын ! Кээ бир жакындарыбыз байкуш түшүнүшпөйт . Сиздин оңолоюн деген оюңузду билбейт . Мындай мамиле жасасак ,
орозону да жаман көрсөтөбүз .
Кичинекей күкүрт чоң бир токойду өртөп коюуга жетерлүү.
Ошол сыяктуу сиз биздин ар бир туура эмес аракетибиздин себебинен динге сөз тийип жүрбөсүн!

1 жыл бою бир карыш карынды тойдурамын деп дүйнөнүн артынан канча жүгүрдүк .
Эми бир ай гана курсакты ач коёлу.
Нафсини тарбиялайт.
Бул Аллахтын өкүмү!
Аллах Таалам билет канткенде биз
оңолобуз, канткенде такыба болоорубузду!
Бир миллионер келип сизге:
“Саатына 3000 миңден беремин, бир сутка же 18 саат ачка жүрүп бербейсиңби десе, сиз:
Братан бир жолу 25 саат кылып бербейспи ?-дейт элек да)))
Акчанын кадыры жүрөгүбүзгө кирип кеткен.
Бүгүнкү күндө адам баласы сомго канчалык муктаж болуп жатса,
эртең кыямат күнү ошончолук соопко муктаж болуп калат !
Кыямат күнү махшарда атасы баласын көрүп:
“Балам менин!
Сени кичинеңден тарбиялап багып чоңойттум эле. Мектепке да окутуп,
үй салып, машина алып бердим эле.
Мага бир эле сооп берип турчу ?”-дейт.
Анда баласы:
“Ооба атаке.
Бермекмин, бирок сиз муктаж болгон нерсеге мен да муктаж болуп турамын !”-деп жүзүн бурат . Апасынан качат .
Агасынан, эжесинен, жакындарынан качат .
Күйөөсү аялынан, аялы күйөөсүнөн качат .
Ата-эне балдарынан качып калышат .
(Абаса сүрөөсү 33-37 аяттар).

Ар бир жан өзүм-өзүм деп калат .
Тааныш адамдар мени көрүп калып,
менден сооп сурап келбесе экен деп жашырынышат . Ар кимдин түйшүгү өзүнө жетерлүү болот . Ошол сурак күнүндө:
“Ким кыпынчалык жакшы иш кылса аны да көрөт. Ким кыпынча жаман иш кылса
анын жазасын дагы көрөт !”
(Залзала 7-8 аяттар)

Тозоктун чуңкурлугу 70 жылдык жол.
Тозоктун четинен таш сыйгаланып түшсө,
тозоктун түбүнө 70 жылдан кийин жетет .
Акыреттин бир күнү биздин 100 жылга барабар. Курандагы:
“Эй күнөөкөрлөр!
Момундардан бөлүнгүлө !”-деген аят айтылганда сиз менен биз кайсы тарапта тураарыбызды билбейбиз .
Ошол күнгө даярданайлы .
Кечээ эле биз менен бирге мечитке каттап,
орозо тутуп, намаз окуп жаныбызда жүргөн чоң ата чоң энелерибиз, жакындарыбыз бүгүн жок,
балким өтүп кетишкендир .
Бул рамазан сиз бизге берилген эң чоң мүмкүнчүлүк !
Балким бул өмүрүбүздөгү эң акыркы мүмкүнчүлүк болуп жүрбөсүн ?? …

Али Оши~

1. ‍‍‍ БАКТЫЛУУЛУК ФОРМУЛАСЫ
   ══════════════════
   ✿ OK.ru/Formulasy
   ✿ Fb.com/Formulasy
   ✿ Vk.com/Formulasy
   ✿ http://ift.tt/2mb2Guk
   ✿ http://ift.tt/2l8etvu
   ✿ +996700334493
   ✿ WWW.FORMULA.KG

Запись Акыретке сапар впервые появилась Formula.KG.

Адам баласы кабырда курсагынан жана жыныстык мүчөлөрүнөн чирип баштайт.

Субханаллах! Курсак менен жыныстык мүчөлөрдөн! Бул органдар адам баласы бул дүйнөдө аябай сактоосу керек болгон органдар болуп саналат.

Адам кабырда биринчи күнү мына ушул эң керектүү эки мүчөсүнөн ажырайт. Андан кийин адамдын денесинин өңү жашыл өңгө өзгөрөт.

Экинчи күнү боор,көк боор, өпкө жана ичегилер чирип баштайт.

Өлүк үчүнчү күнү сасык жыт чыгара баштайт.

Жетинчи күнү жүзүндө шишиктер пайда боло баштайт, көздөрү, тили жана беттери шишип баштайт. Мүчөлөрдүн, карындын, көк боордун ич көңдөйүнөн чиригендигинен он күндөн кийин дене өтө шишиген абалга келет. Эки жумадан кийин чачтары түшө баштайт. 15 күндөн кийин көк (өлүк) чымындары өлүктүн жытын беш киллометр аралыктан сезишет да денени толугу менен курттар ороп алышат. Алты айдан кийин денеден эч нерсе калбайт. Бир гана этсиз сөөк (скелет) калат. 25 жылдан кийин бул түзүлүш (скелет) топуракка айланып кетет. Бул топурактын арасында куймулчак деп аталган бир сөөк калат. “Ошентип кыямат күнү адам баласы дал ушул куймулчактан кайрадан өз калыбына келтирилет….”

Кабыр күндө адам баласын беш жолу өзүнө чакырып, мындай дейт: “Мен жалгыздык үйүмүн, андыктан Куран окууну өзүңө жолдош кыл! Мен караңгылык үйүмүн, мени түнкү ибаадаттар менен жарыт! Мен чаң-топурактын үйүмүн, андыктан жакшы амалдардан өзүңө керебет кургун! Мен жылан чаяндын үйүмүн, андыктан уунун күчүн жоготуучу каражат Алланын аты “Бисмиилла” менен кел. Мен Мункар менен Накирдин үйүмүн, андыктан “Лаа илааха иллАллах!” келимесин көбүрөөк айт!”

Кыямат күнү сени кылган амалдарың үчүн сурака алып жатканын бир элестетип көр. Сен бул дүйнөдө өтө көп күнөө кылдың, сен ушундай абалдасың сага эч ким суктанбайт жана сен өзүңө мен тозоко эле түшөмүн деп айтасың. Элестеттиңби? Анда сен эмне жөнүндө кыялданасың? Албетте сен мени жер жутуп эле алса экен дейсиң, туурабы? Эми ушул эле учурда тоодой жакшы иштер келгенин элестет. Билесиңби алар кайдан келет? Ал жакшы амалдар сенин беш мүнөттүк убактыңды бөлүп, бир күндө же бир жумада же болбосом андан да азыраак убакыт эмгек кылып айтып койгон сөздөрүң. Бирок билгин канчалык көп эмгек сарптасаң ошончолук сенин куткаруучу тоодой амалдарың ошончо көп болот. Элестеттиңби? Бул беш мүнөт убактыңды алган сөздөр: Субхана-Ллахи ва бихамдихи, Субхана-Ллахиль-‘азым (Аллах кемчиликтерден таза жана бардык мактоолор Ага гана, Улуу Аллах кемчиликтерден таза) айттыңбы? Сен азыр кандай соопторго ээ болгонуңду билесиңби? Билгин, сен азыр өзүңдүн жакшы амалдар идишинди салмактуу кылдың, жана дагы билгин, сен канчалык көп айтсаң ошончолук сенин идишиң салмактуу болот. Пайгамбарыбыз (сав) айтты: Эки сөз бар, Мээримдүүгө жагымдуу, тилге жеңил таразада оор: Субхана-Ллахи ва бихамдихи, Субхана-Ллахиль-‘азым (Аллах кемчиликтерден таза жана бардык мактоолор Ага гана, Улуу Аллах кемчиликтерден таза).
Сенин сооп иштериң тартылчу амал таразаң дагы да оор болуусун каалайсыңбы? Бул кабарды башкаларга жеткирип, бөлүшкүн. Көңүл кош мамиле кылба! Анткени ушул пайдалуу маалыматты башкаларга эскертүү катарында жеткирип койгонуң себептүү Кыямат күнү балким сооп амалдарыңды өзүң күткөндөн да салмактуурак жолуктурасың. Ушул кылган жакшылыгың үчүн бир адам болсо да пайда алып калса сага сооп жазыла берет.

Пайгамбарыбыз (сав) айтты:

“Чындыгында Бейиш элдери Бейишке киргенде бул дүйнөдө жакшы амалдарда бирге болгон досторун таппай, “Оо Жараткан биздин биз менен бирге ибадат кылып, орозо кармап жүргөн досторубуз бар эле бирок биз аларды көрө албай турабыз”. Ошондо Алла Таала аларга: “Тозокко баргыла да андагы жүрөгүндө кыпындай да болсо ыйманы барларды алып келгиле дейт”.

Хасан аль-Басрий (Аллах аны Өз мээримине алсын) мындай деген:

“Ыймандуулардан өзүңөргө көбүрөөк дос алгыла, анткени чындыгында алар Кыямат күнү силерге жактоочулук кылышат”.

Ибн Каййим (Аллах аны Өз мээримине алсын) мындай деген:

“Эгерде силер мени Бейиште өз араңарда таппасаңар, анда мен жөнүндө сураштарап, мындай дегиле: Оо Жараткан баланча деген бир кулуң Сен жөнүндө эскертчү эле…”

Андан кийин Ибн Каййим (Аллах аны Өз мээримине алсын) ыйлап жиберди. Силерден суранарым эгерде мени Бейиште өз араңарда таппасаңар мен жөнүндө сураштыргыла. Мүмкүн мен да силерди Аллахка эскерип калармын. Аллах кемчиликтерден аруу жана Улуу.

Амин! Амин! Амин!

Запись Адам баласы кабырда курсагынан жана жыныстык мүчөлөрүнөн чирип баштайт. впервые появилась Formula.KG.

Бисмиллахир Рахмаанир Рахийм

Бул китепче айттырбай келген ажал, капыстан келген кырсык жана ар  бирибизге  өтө  узун  жана түгөнгүстөй туюлган өмүр шамын алеки саатта жалп өчүргөн өлүмдүн өжөр чындык экени жөнүндө икая кылат.

Өлүм – бул капыстан келген капсалаң, ажал – бул айттырбай келген ажыдаар! Өлүм жөнүндө биз көп угабыз. Аалымдар дагы аны бизге көп эскертишет. Бирок, биздин эсибиздин түбү тешик белем, уккан сайын унута беребиз, көргөн сайын көңүл  бурбай  кетебиз.  Өлүм кырсыгы болсо каш менен кабактын ортосунда. Ал келгенде качкандан пайда жок. Аллах Таала кимдин жанын алгысы келсе, асманга учса да кутулбайт.

Урматтуу окурман! Бул китепченин максаты үрөй учурган турмуштук эпизоддор менен силерди коркутуу эмес. Болгону ал бизди  өткөөл  дүйнө  кумарына алданып,  акыретти  унутпоогочакырат, башталгандын акыры бар экенин  эскертет  жана  Аллах Тааланын  өлүм-өмүр  жөнүндөгү аяттарын,  улук  пайгамбардын насааттарын  көңүл  борборунда тутуп жүрүүгө үндөйт. Расулуллах саллаллоху алайхи ва саллам айтты:

«Кыямат жакындашкан сайын адамдар дүйнөгө сук болуп, Аллах Тааладан алыстап жатышат»

Аллах Таала айтты:

«(Эй,  адамдар!)  Билгиле, чынында дүйнө жашоосу болгону оюн-күлкү, зыйнат-жасалгалар, өз араңарда  (дүйнөңөр  менен) сыймыктануу  жана  мал-дүйнө, бала-чака  көбөйтүүдөн  гана турат» (Хадид – 20)

Улук пайгамбарыбыз саллаллоху алайхи  ва  саллам  үмөттөрүнүн умтулганы – дүйнө, самаганы – байлык болуп, акыретти унутуп калуусунан көп кабатыр болгон эле.

Ал өзүнүн бир хадисинде мындай деген:

«Раббим мага «Макканын бүт таштарын  алтынга  айлантып берейинби?» дегенде, мен айттым: «жок, эй Раббим! Мен бир күн ток болсом, бир күн ачка жүрөйүн. Ток болгон кезде Сага шүгүр кыламын, ач калганымда Сага жалбарып, дуба кыламын.»

Уктуңарбы,  эй  мусулмандар! Дүйнө  жыргалына  алданып, акыретти унутпагыла! Аллах Тааланын ыймандууларга кантип кайрылганын уккула:

«Эй, ыйман келтирген адамдар! Мал-дүйнөңөр,  бала-чакаңар силерди  Аллахты  эскерүүдөн алагды кылбасын! Ким ушундай кылса, алар эки дүйнөдө зыян тартуучулар!  Жана  силерден бириңерге өлүм келгенге чейин Биз  ырыскы  кылып  берген нерселерден эхсан-садака кылып калгыла! Анан ал (ажалдын колуна түшкөн  бирок,  эхсан  кылууга үлгүрбөгөн)  адам  айтат:  “эй, Раббим!  Эгер  мени  жакынкы мезгилдерге  чейин  (жанымды албай)  кечиктирсең,  садака кылаар  элем  жана  жакшы адамдардан болоор элем!” Бирок, ажалы жеткенде Аллах эч бир жанды  кечиктирбейт!  Аллах силер жасап жаткан иштерден Кабардар!”» (Мунафикун – 9,10, 11)

Расулуллах саллаллоху алайхи ва саллам айтты:

«Эгер мен билгенди билгениңерде азыраак  күлүп,  көбүрөөк ыйламаксыңар»

Чынында, эгер биз жан алкымга келгендеги азапка, акыретте болор каар-казапка,  ошондой  эле,  бар экени чын Бейишке терең ишенсек, азыраак жыргап, көбүрөөк амал кылмакпыз. Биз дин аалымдарынан өлүмдү эскерүү жана өлүмгө даярдануу жөнүндө  көп  угабыз.  Бирок, укканыбыз жуга бербейт.

Аллах Тааланын айтканын уккула: «Ар бир жан (өлүм шарабын) татуучу. Кыямат Күндө силерге сообуңар толук берилет. Кимде-ким  (ошондо)  тозоктон четтетилип, Бейишке киргизилсе, демек ал анык жеңишке жетти! Ал эми,  дүйнө  жашоосу  болсо, азгыруучу  пайдалардан  башка эмес» (Аалы Имран – 185)

Өлүм – бул өжөр чындык!

Аллах Таала айтты: «Андагы бардык нерселер өтүп кетет. Бир гана Улуулук, Урматтуулук Ээси болгон  Раббиңдин  Жүзү  гана түбөлүк калат!» (Ар Рахман – 26,27)

Өлүмдөн асманга учкандар дагы кутулбайт. Аллах Таала айтты:

«Кайда болсоңор дагы өлүм силерди таап алат. Эгер бекем курулган  сарайларда  болсоңор дагы» (Ниса – 78)

Эч бир адам кай жерде, кандай абалда өлүшүн билбейт.

Аллах Таала айткан:

«Ар бир элдин ажалы (б. а. өлүм үчүн белгиленген убактысы) бар. Качан алардын ажалы жеткенде бир саатка да кечиктирилбейт. Жана тездетилбейт дагы»  (А,РАФ: 35)

Аллах Таала дагы мындай деген:

«Айткын: силер андан качып жүргөн  өлүмгө  сөзсүз жолугасыңар.  Андан  кийин кайыпты да ашкерени да билип турган Аллахка кайтарыласыңар жана  Ал  силерге  жасаган ишиңердин кабарын билдирет» (Жума – 8)

Аллах Таала айтты:

«Айткын:  «эгер  өлүмдөн  же өлтүрүлүүдөн  качсаңар,  качуу силерге  эч  пайда  бербейт… Айткын: эгер Аллах силерге бир жамандыкты  кааласа  Андан силерди ким сактап кала алат?» (Ахзап – 16,17)

Жакынкы  жылдарда  Израил мамлекетинде  бир  топ  напси пенделерин көз көрүнөө эле… жер жутуп кетти.

Анткени, Аллах Таала айткан:

«Айла-амал менен күнөөлөрдү жасаган адамдар, аларды Аллах жерге  жуткуруп  жиберүүсүнөн аманбы?  Же  болбосо,  аларга сезбеген тараптан азап келишинен аман бекен? Же болбосо саякаттап жүргөн мезгилдеринде (Аллахтын азабы) кармашынан жана андан качканга жай таппай калышынанаманда бекен?!» (Нахыл – 45,46)

О, адамдар! Тообага шашылгыла! Кеч болуп кала электе Аллахка кайткыла! Аллах Таала азаптоого шашылбаса,  бейгам  болбойлу.Ал бизди күтүүдө. Эгер кайтпасак катуу азап менен кармап коёт.

Аллах Таала айтты:

«Сенин  Раббиң  заалым шаарларды  (азап  менен) кармаганда  ушундай  кармайт! Чынында  Анын  кармаганы азаптуу  жана  катуу!  Мында Акырет  азабынан  корккон адамдар үчүн үлгү-сабактар бар»

О,  замандаштар!  Көздөрүбүз качан ачылат! Аллах Таала бизге жетиштүү  эле  алааматтарды көргөздү-го!  Өлүм  сааты  келип калгыча эсибизге келбейлиби?!

Өзүнүн «бол!» деген бир гана сөзү  менен  жаралган  дүйнөнү заматта жок кылып коюу Аллах Таалага оор эмес! Анткени, ар бир нерсе жок болуучу, бир гана Аллах Таала түбөлүк!

Аллах Таала айтты:

«Эй,  адамдар!  Раббиңерден корккула!  Чынында  кыямат коогалаңы өтө айбаттуу! Силер аны көргөн күндө бардык сүт эмизүүчү жаныбарлар (коркуудан) өз баласын унутат! Жана ар бир кош бойлуу бойундагысын таштап коёт! Жана сен адамдарды нес-мас абалда көрөсүң! Жок, алар мас эмес,  бирок  Аллахтын  азабы катуу!» (Хаж – 12)

О, адамдар! Ар бир адам өлүм менен бетме-бет келет. Өлүмдөн эч ким качып кутулган эмес. Ар бир адам:  ал  каапырбы-мусулманбы, жаманбы-жакшыбы,  жашпы-карыбы, урматтуубу -урматсызбы, мансаптуубу-мансапсызбы, падышаабы-кедейби,  ким  болсо- болсун, өлүм менен бетме-бет келет.

Өлүм чындыгы – ушундай!

Запись Өлүм – бул капыстан келген капсалаң, ажал – бул айттырбай келген ажыдаар! впервые появилась Formula.KG.