БАКТЫЛУУЛУК ФОРМУЛАСЫ

БИСМИЛЛААХИР РОХМААНИР РОХИЙМ”

✍Аллах Таалам сизди жакшы көрөт тууганым .

Ал Зат сиздин дубааларды,
тилектерди кабыл кылып орундатуучу .
Сиз ойлойсуз иштерим жүрүшпөй жатат,
дубааларым кабыл болбой жатат деп .
Сыноолорго кыйналып кеттим деп наалыйсыз .
Эмне,
Аллах Таалам ушул нерсе үчүн жараттыбы?
Жакшылык дагы жамандык да
Аллахтан болуп жатканын,
тагдырдын жакшы жаманы
Аллахтан экенин унутпайлы !

Кандай сыноо келбесин ал убактылуу.
Ар бир кыйынчылыктын артында эки жакшылык бар!
Муну биз эстейли ..

Каала 10 жыл күнөө иш кыл.
Каала 20 жыл, каала 30 жыл
каала 40, 50, 60, 70, 80, 90 жыл күнөө иш жасап
бир күн өкүнүп ,кайгырып ,
кылган күнөөлөрүңө өкүнүп тообо кылсаң ,
Аллахым мен кайттым, кечиргин,
күнөө ишке башка кадам баспаймын – деп айтсаңыз,
Аллах Таалам сизге:
Оо пендем, кечирдим сени !- деп жооп кайтарат.

Бөлмөгө кирип, олтуруп, башты кармап ойлонуңузчу.
Аллах Таалабыз бизге өтө көп нээматтарды берди,
биз Аллах Таала үчүн эмне кыла алдык??

Бул дүйнө өткүнчү..

Кыйынчылыктардын баарын, проблемалардын баарын
Аллах Таалам жараттыбы,?
Аллахтын башка кылатурган иши жокпу?
Жок,жоок тууганым .
Сизди кыйынчылыкка салуу үчүн жараткан эмес.
Бир эле максатта,
Өзүнө ибаадат кылуу үчүн гана жаратты .
Ибаадаттарга амал кылуу, өкүмдөрүн аткаруу
кыйынчылыктардан сактайт .
Кайсыл жерде бар дагы,
тууганыңа жакшылык кылсаң
өмүрүң узарат – деген кеп??

Башка кайсыл жерден уктуңуз эле
садака 70 түрдүү балээден сактайт дегенди .

Зекет берүүдөн, ажылык ,умра аткаруудан акча кемибейт, көбөйтүлүп берилет – деген
бир да адилеттүү жержок башка .
Бул нерсенин баары динде гана бар.

Дин канча улуу , каанча кымбат нерсе !
Сизди, бизди мусулман кылды. Анын ичинде
тандалган үммөт, Мухаммад алайхис саламга
үммөт кылды. Анын ичинде намаз окуган,
жакшылыккачакырып, жамандыктан кайтарган
момундардан кылып койгон
Аллах Таалага көп шүгүр дейли .
Аллахка ант ичип айтамын
Аллах сизди жакшы көрөт бир боорум .
Ал сүйүүнү эч ким тосо албайт .

Башкалар сенин сакалыңды, жоолугуңду жактырбаса
сен кыжаалат болбо .
Алар түшүнбөстөн кылып жатышат,
ыйманды, акыйкатты билбейт ..
Жүрөгүндө ыйман болгондо мындай кылышмак эмес .
Андыктан сен кайгырба,
сени Роббибиз Алла Таала жакшы көрөт !

Сен ыймандуусуң.
Акылдуу да сенсиң .
Адептүүсүң.
Боорукерсиң сен..
Сулуусуң..
Сулуу кулк-мүнөздүүсүң .
Жана тандалган үммөттүн бири да сен..
Ким укса, ким бул сөздөрдү окуп жатса
тандалган үммөт ошол .

Ообо, тууганым..
Сен бүткүл инсаният ааламында тандалып алынган
үммөттүн бирисиң !
Муну кабыл кылышың керек .
Сенде бүт ДҮЙНӨНҮ өзгөртө ала турган мүмкүнчүлүктөрүң бар !
Бүт кайгы баткагына батып калган
адамдарды жамандыктан кайтарып,
сууруп чыгып кетүү мүмкүнчүлүгү сенде бар.
Ошол үчүн тандалган үммөтсүң .
Сен муну түшүнүп жетүүң керек .
Адамдардын бактылуу жашап өтүүсүнө
жол көрсөтүүчү сенсиң .
Зулумат, кайгы баткагынан сууруп чыгып,
нурлуу хидаяттын жолуна түшүүгө себепчи боло аласың, андан кабардар Зат
ошондуктан сени бул үммөттөн кылып жараткан !
Адамдар сени сөз кылса көз жумуп кой .
Жаман көрсө да сен жакшы көр .
Анткени сени Аллах Таала жакшы көрөт .

Бүгүн адамдар бактылуулук издеп эркеги эркек менен жүрүшөт .
Аял, аял менен ,
бул акмактыкты мен биринчи жолу көрүшүм !
Муну жаныбарлар дагы кылган эмес !
Туурабы туура эмеспи?

Аялдар канча ачык жерин көрсөтүп жүрсө эркин жүргөн адам сыяктуу сезет экен дейт,
Жоок туугандар !
Аллах Таала аял затына назиктикти берген,
аны ороп жаап калбаса
ал назиктик көтөрүлүп кетет..
Сен аялсың, сен Мухаммад саллаллоху алайхи ва салламдин үммөтүнөнсүң .
Сиз карындашым,
Хадича , Фатима , Айша энелерибиздей
үлгү боло алуучу
келечек үммөттүн тарбиячысы сенсиң!

Дагы Аллах Таала бизди жакшы көрүүсүн каалайбыз .
Аллах Таала Куранда Пайгамбарына кайрылып:
“Эй, Мухаммад алайхис салаам ?!
Үммөтүңүзгө айтыңыз .
Эгер Аллахты чындап сүйсө,
менин жолум менен жүргүлө .
Ошондо Аллах силерди сүйөт жана күнөөңөрдү кечирет “-дегин .
Бүгүн биз Пайгамбарыбыздын изи менен барбай жатабыз, сүннөтүн аткарбай кайра сүннөткө
каршы чыгып калдык .
Койгон сакал, кийген кийим жакпай калды .
Ачык жерин жапкан кызды кеп кылып калдык .
Мусулман болуп туруп,
башка мусулман намаз окуса таң кала турган болуп калдык . Туурабы туура эмеспи ?
Сүйүнөсүз, а менин уулум Мессиге окшоп калды.
Менин балам Жастин Бибер сыяктуу чач койду.
Кызым, Selena Gomez сыяктуу кийинет,
аң сезими өсүптүр , чоңоюптур …

Ой, бооой, эртеңки күн эмне болот..
Кабырга киргенде кеч болуп жүрбөсүн .
Менин айтайын дегеним урматтуу мусулман бир туугандар, өлүм периштеси күтпөйт .
Сураныч эжелер, сураныч агалар
Пайгамбарыбыздын өмүр баянын бир окуп чыгыңыз.
Мындан албетте береке табасыз .

..акыйкатты билген башка, акыйкатта жүргөн башка .
Акыйкатты билүүнүн өзү бир нээмат .
Анткени илим, амалдан жогору турат!
Амал кылуу экинчи маселе .
Хадисте келет :
“Ким эгер илимден бир бир бөлүк үйрөнсө,
мечиттин четинде туруп 1000 рекээт окулган нафил намаздан жакшыраак”-деп дейт .
Илимдин бир кичине бөлүгүн эле
М: дааратта масхты кандай тартыш керек , ушуну эле үйрөнүп алганыңыз
миң рекээт намаздан артык !
Үйрөнгөнүңүзгө амал кылсаңыз
ал экинчи маселе ага өзүнчө сооп берилет.

Акыйкатты инсан баласы
Пайгамбарыбыз алайхис салаамдын жолу менен
гана таанып биле алат .
Ал Куран жана Хадис ..
Пайгамбарыбыз Мүхаммад
саллаллооху алайхи уа салламдын жашоосу
толук Куран болгон.

Кимдин жүрөгүндө кыпынчалык текебердик болсо
бейишке кирбейт – деген сөз
качаан акыйкат айтылганда
текебердик кылып жүрөгүнөн
кыпынчалык гана кабыл кылбаса-
бейишке кирбейт деген кеп .
“Кимдин жүрөгүндө кыпынчалык текебердик болсо
Бейишке кирбейт “-деген хадисти уккан сахаабалар:
“Оо,Аллахтын Элчиси?!
Бирөө кооз кийингиси келет, кооз жүргүсү келет
ушул текебердикпи ? “-деп сурашат .
Анда Пайгамбарыбыз алайхис салам айтат:
“Жоок, бул текебердик эмес .
Кооз кийинүү, кооз жүрүү
мусулманга тийиштүү сыпат .
Аллах Таалам сулуу, сулуулукту сүйөт .
Текебердик бул – качаан акыйкат айтылса
кабыл кылбай коюу !”- деген .
Демек достор,
кайсыл аятты уксак, кайсыл хадисти окусак ,
кимдир бирөө бизге хакты жеткирсе ,
аны кабыл кылбай койсок ушунун аты текебердик
ушул тоң моюндук !
Биз аны угуп амал кылууга умтулайлы !
Акыйкатты кабыл кылбоо – текбердик .
Кыпынча текебердик менен
адам баласы бейишке кире албайт .

А эгерде кимдин жүрөгүндө кыпынчалык ыйманы болсо анда тозокко кирбейт – деген .
Аят, хадисти укканда эмнеге андай?
Эмнеге мындай деп айтылбайт.
Эмне үчүн?- деген сыяктуу суроолор берилбейт .
Эмне үчүн хижап парз , эмнеге сакал коёбуз ?
Неге??? – деп суроо коюу мусулман адамдын, ыймандуу адамдын иши эмес .
Эмнеүчүн ар бир беш убак намаздан кийин 33 жолдан тасбих тартабыз ?
Эмнеге 25 эмес ? Эмнеге 27 эмес ?
Ал нерсеге биз аралашпайбыз .
Уккан нерсеге амал кылабыз .
Куранда Аллах Таала айтат :
“Уктук, моюн сундук (амал кылдык) деп айтышты”
(Бакара 285 аяты).

Бул диндин кыпынчалык кыйыр жерин таба албайбыз.
Акыйкат, чыныгы жашоонун өзөгү.
Анткени Даанышман, Билимдүү,
Боорукердүү Заттын хикматы сиз биз үчүн сөзсүз-сөзсүз пайда алып келет !
Аллах Таалам кабардар Зат,
бизге пайдабы зыянбы …
Пайдалууну гана буюруп уруксат берген .
Пайдасыз зыян нерсенин баарынан кайтарган .
Аллах Таалам кайтарган баардык нерседе сөзсүз зыян бар. Буюрган өкүмүндө сөзсүз пайда бар.
Үй-бүлөөдө эң кичүү балаңызды башка
балдарыңызга караганда көбүрөөк жакшы көрөсүз .
Аны ушунчалык этият кылып тарбиялайсыз .
Эмне зыяндуу, эмне пайда ага түшүндүрүп айтып турасыз, сиз пайда зыяндан кабардарсыз .
Менин айтайын дегеним достор
пайда менен зыянды жараткан
жин-инсанды жараткан ,
бүт ааламды жараткан Кудай Таалабыз
сиз бизди жакшы көрөт !
Сизге бир гана жакшылыкты каалайт .
Сүйүп жараттым, мээрим менен жаратты !
Бүгүн биз Аллах үчүн кандай амал жасай алдык?
Аллах үчүн бир карындашыбыз хижабын кийип
башына жоолук салса эскичилик дейбиз.
Сакал койгон азаматты уахабист дейбиз.
Айтсынчы Манастын чачын кыска кылып,
сакалын алып, шорта кийип, наушник тагып
башын кыйшаңдатып жүргөн деп ким айта алат?
Каерден көрдүңүз сиз Курманжан датканын
боёнуп, кыска юпка кийип жүргөнүн !?
Бүгүнкү күндө кээ бир мугалимдер бар,
деректорлор бар өздөрү кыргыз тили, адабиятынан сабак берип туруп жоолук салынган окуучуну мектепке киргизбейт .
Сакал койгонду жактырбайт .
Тарыхтагы ата-бабаларыбыздын келбетине түздөн-түз каршы чыгуу деп баа беремин .
Түшүнүктүү болуп жатабы?
Сакал, хижап, намаз, орозо бул эскичилик ,
динди эскичидик дегендерге айтаар элек –
эмне үчүн анда өзүңүздүн эжеңизге,
апа, карындашыңызга үйлөнуп албайсыз ?
Эмнеге өмүрү тааныбаган аялды тандап аласыз?
Анткени ошол сиз эскиче деп жаткан динде
уруксаат бербейт !
Ата энең дагы бирин-бири тааныбастан туруп
турмуш куруп нике кыйышкан ,
сен төрөлө элек туруп ушул эскичеге
амал кылынгансың !
Бири-бирине на махрам эркек менен аял
качан махрам болот ?
Нике кыйдыргандан кийин .
Ушул никени ким кыят?
Эскиче, эскиче дамыла кыят …
Дагы эскичилик )

Төрөлдүң, кулагыңа азан айтышты, ат койду .
Балагатка жеттиң, үйлөнүшүң керек .
Тойго даярдык көрүп заманбап жасалгалап,
мыкты унааларды чогултуп ысырап кылдың ,
бирок ошол эскиче молдо келип никеңди кыйып бербесе бул тойдун эмне кереги бар ?
Менин айтайын дегеним туугандар
дин эч качан эскиче болуп калбайт .
Совет доорунан тарта ушундай аталды эле бирок совет жоору өзү эскиче болуп калды .
Керек болсо эскиче деп жатканыңыз
сиз дүйнөдөн өтсөңүз дагы
эскиче молдо келип жаназа окуйт эмеспи..

Эй өнүгүп калган адам баласы .
Кайсыл жерден чыкканыңды унуттуңбу?
Бир тамчы суу элең,
Роббиңдин дин кылып берген өкүмдөрү сага
эскичилик болуп калдыбы ?
Сага жан берди, келбет берди .
Көзүңдү ачкын тууганым, сен тандалган үммөтсүң.
Өмүр бир келет.
Бир ирет гана келүүчү өмүрдү
Роббиңдин өкүмдөрүнө амал кылуу менен өткөр .
Шайтан айтат:
Жашоо бир келет, ойноп ал..
Жашап ал – дейт .
Ал лаанаттанган, адамдын кантамырларына чейин кирип кандай азгыруунун жолун издейт .
Билет ал кандай кылганда мусулман адамдын
динден алсыздануусун .
Сиз 30, 40 жыл жашадыңыз .
Шайтан канча кылым алдын жаралган болсо
анын азгыруучу стажы ошончо көп да )

Бирок менин айтайын дегеним туугандар ,
Аллах Таала коргоосуна алган пенделерди азгыруу шайтан үчүн өтө оор .

Андыктан биз, Аллахтын өкүмдөрүн
Өкүм деп билейли !

Али Оши~

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2yzMeui
✿ http://ift.tt/2l8etvu
✿ +996700334493
✿ WWW.FORMULA.KG

Запись Башкалардын пикрин эмес Жараткандын буйругуна моюн сун! впервые появилась Formula.KG.

Зулкарнайын аскери менен жолдо келе жатып: ”Буттарыңарга илинген нерселерди жыйнай жүргүлө “-деп буйрук берет.
Аскерлери бул буйрукту уккан кезде ичтеринен бир бөлүгү :” Көп жүрдүк, катуу чарчадык. Түн ичиндебиз, ага кошо бутубузган тийген нерселерди жыйнап, дагы кыйналабызбы? Эч нерсе жыйнабайбыз”-деген чечимге келип, эч нерсе жыйнашпайт.
Экинчи бөлүгү :”Кол башчыбыз буйруган экен, амирине багынайлы, аз гана болсо да жыйнайлы. Анткени, кол башчыбызга моюн сунушубуз керек”-деп, аз гана жыйнашат.
Үчүнчү топ болсо : “Кол башчыбыз эч нерсени жөндөн-жөн буйрубайт. Милдеттүү түрдө (бир нерсени билип айтса керек) , буйругун аткарабыз”-деп каптарынын баарын толтурушат.
Таң аткан кезде бардык аскерлер түндөсү ‘алтын талаасынан’ өткөндөрүн түшүнүшөт.
Буттарына тийген нерселердин баары алтын экенин эч ким билген эмес экен. Ошондо, амирди укпай, эч нерсе албаган биринчи топ:” Кап! Неге албадык! Кол башчыбыздын сөзүн неге укпадык?! Эч болбогондо бирөөсүн алганыбызда эле?!” – деп өкүнүп калышты.
Экинчи топ өздөрүн сөгө башташты:”Кап! Бир аз дагы алышыбыз керек эле. Каптарыбызды, чөнтөктөрүбүздү оозуна чейин толтуруп алышыбыз керек эле…
Үчүнчү топ да өкүнүп :”Керексиз, пайдасыз нерселерибизди таштаганда, мындан да көп кылып жыйнайт элек”-дешти.

Мына, ушул окуя сыяктуу Акыретте да бардык адамдар өкүнүшөт. Капыр болгон адам: “Эмнеге ыйман келтирбедим?! Ишенгенимде эч болбосо Тозокко түшсөм да, ыйманымдын аркасы менен соңунда баары бир Бейишке кирет элем. Түбөлүк Тозоктон кутулат элем?!! “-дешет.
Мусулман болгону менен сообу аз болгон адам: “Мындан да көп соопту иштерди жасашым керек эле. Мындан да көп нээматка калаар элем”-дешет.
Мусулман болуп, сообу көп болгон киши болсо:” Кап! Мындан да бийик даражаларга көтөрө турган ибаадат жасашым керек эле, көбүрөөк садака берип, көбүрөөк орозо тутуп, көбүрөөк сооп жыйнай турган амалдарды кылышым керек эле “-деп өкүнөт.
Аллах Таала Куранда:

“Бир дагы жан эртең эмне болоорун жана кайсы жерде өлөрүн билбейт. Чындыгында, Аллах – Билүүчү, Кабардар! “. (Лукман:34)

Жана Аллах Таала:

“Бардык жандар өлүм даамын (сөзсүз) татышат жана Кыямат Күнү ар бириңерге сыйлыгыңар толугу менен берилет. (Ошондо) ким Тозок отунан куткарылып, Бейишке киргизилген болсо, мына ошолор (чоң) ийгиликке жетет. Дүйнө жашоосу – (убактылуу) пайдаларга азгырылуудан башка эч нерсе эмес!”. (Али Имран:185)

☝Чындыгында, ар бир жан ээси өлүм даамын татуучу! Адамдар айланасына көз чаптырсынчы! Кечээ эле ата-энесинен же дагы бир тууганынан же кошунасынан ажырап, аны өз көзү менен көрбөдү беле?! Өзү ошол адамдын жаназасына турбады беле?! Адамдарга өлүм жөнүндө эскертип айтсаң: “Жөн олтурчу! Каяктагы жамандыкты сүйлөбөй!”- дешет. Өлүм – жамандык эмес! Өлүм – чындык менен жалганды ажыратуучу нерсе! Жашоо – таттуу! Ошол үчүн адамдар жашоону жакшы көрүшөт. А өлүм – ачуу (нерсе;чындык)! Ошондуктан адамдар коркушат! Эртең берчү сурагынан эмес же эми жакшы иштерди кылып, сооп ала албай калуудар эмес, балким, бул жашоодо аз жашап, дүйнө – мүлктөрүнөн ажыроодон коркот!
❗Эй, тууганым! Айланаңды карачы! Өсүмдүктөр соолуп, жок болуп жатат! Жаныбарлар да өлүп жатат! Адамдар да өлүп жатат! Бул нерсени сен жөнөкөй гана сезимдер менен кабыл алба! Эртеңки Аллах алдында жооп берүүчү күнүңдү ойло! Аллах Таала сага берген жарык күндү, сага берген 24саат убакытты эмнеге короттуң деген суроосуна жооп бере аламбы деген коркуу сезимдери менен кабыл алып, акыретиңе азык топто! Сен кайсыл жерде, канча жашыңда өлөрүңдү билбейсиң! Кайсыл бир күнү өлүм келген кезде ал мүнөттөрдү артка кайтара албайсың!
Бул жөнүндө Аллах Таала:

“Ал эми алардын мөөнөтү келгенде (б.а. ажалы жеткенде), алар (өз) ажалдарын бир саатка кечиктире да, илгерилете да алышпайт”. (Нахл:61)

Өлүм – ар бир тирүү жанга эскертүү! Кандай эскертүү? Сен дагы бир күн бул дүйнөдөн өтөсүң. Сен да Аллахка кайтып баруучусуң. Өлүмдү эстөө – жамандык эмес! Кайра ал сен үчүн жакшылык! Кандай жакшылык бар өлүмдө? Ал сага сенин өлүмүңдү эскертип турат. Күнөө иштериңден тыйып, соопту амалдарды жасап калууңа жардам берет! Бул тууралуу бир икая айтайын:

Дауд (а.с.) пайгамбар аябай күчтүү жана кызганчаак болгон. Ал өз үйүндө жоочун бирөөнү көрүп калса, аябай ачууланчу. Жана анын үйүнө өзү каалаган адамдардан башка эч ким кире алчу эмес. Бир күнү сырттан келсе короосунда бирөөнү көрөт. Аябай ачууланып: “Эй, сен кимсиң? Менин короомо кимден уруксат сурап кирдиң? “-деп сурайт. Жанагы киши: “Биз эч кимден уруксат сурабай келебиз “-деп жооп берет. Дауд (а.с) пайгамбар бул киши Азреил(өлүм периштеси) (а.с.) экенин билет да: “Менин өлүм даамын тата турган күнүм келдиби? “-деп сурайт. Азреил (а.с.): “Ооба “-деп жооп берет. Ошондо Дауд (а.с.) пайгамбар: “Эмнеге мага алдын эскертүү берилген жок? “-дейт. Азреил (а.с.):
-Биз сага эскертүү бердик..
-Кантип? Мага эч кандай эскертүү берилбеди го?
-Сенин баланча акең кайда?-деп сурайт Азреил (а.с)
-Ал өлгөн..
-Сенин баланча эжең кайда?
-Ал да өлгөн…
-Сенин баланча кошунаң кайда?
-Ал да өлгөн..
-Мына ошолор сага эскертүү болчу -деп жооп берип, анын жанын алды…

Мынакей, тууганым. Бизге ар бир нерсе өзүнчө эскертүү, сабак, үлгү! Биз өзүбүзчө келечекке чоң -чоң максаттарды коюп, үмүт кылабыз ээ? Бирок, ошол эле учурда өлүмдү да унутпоо керек.
✨ Пайгамбарыбыз (с.а.у.) тамак ичип жатканда да: “Ушул нерсе ашказаныма жетээр бекен же ага жетпей жан таслим болоор бекем? “-деп, же басып бара жатканда да: “Бул менин акыркы кадамдарым эмес бекен? “-деп ар мүнөт сайын өлүмдү эстеп тураар эле.
Кокустан кырсык болуп, өлүм келип калуусу мүмкүн. Эч ким эртең эмне болушун билбейт жана кепилдик да бере албайт!

Анастын (андан Аллах ыраазы болсун) мындай дегени кабардалат:
“(Бир жолу Аллахтын Элчиси (с.а.у.) сызыктарды сызды да, мынтир айтты: “Бул адамдын үмүтү, а бул болсо анын ажалы, ал мына ушундай (чоң үмүттүү) абалда турган кезинде ага күтүүсүздөн мобул жакын турган (кырсык) сызык келип кошулат!”. (ал -Бухари)

√Бул хадисте айтылгандай Аллахтын Элчиси (с.а.у.) чийген сызыктарындагы турмуштук оош-кыйыштарды көрсөткөн жана өмүр сызыгына каптал тараптан келип кошулган (кырсык) сызыгы тууралуу айтылууда. Т.а. бул жерде адам өмүрүнүн эң акыркы окуясы болуп кала турган сызык жөнүндө айтылууда…

•Ар дайым өлүмдү эстеп, акыретине даярданган адам акылдуу адам. Анткени, ал түбөлүктүү жашоосуна кам көрүп, даярданат.
Өлүмдү эстеп туруу жөнүндө Пайгамбарыбыз (с.а.у.):

“Ырахаттарды кесип салуучу (өлүм) тууралуу көбүрөөк эстегиле!” (Бул хадисти ат -Тирмизи келтирип: “Жакшы хадис “деп атаган)

☝Ошондуктан, ар дайым өлүмдү эстеп турууну унутпаңыз! Өсүмдүктүн соолушун карап, өзүңүздүн өлүмүңүздү эстеңиз, идиштин сынганыр көрүп, өлүмдү эстеңиз, жаныбарлардын өлгөнүн көрүп, өлүмдү эстеңиз, адамдардын жаназасына туруп жатканда, өлүм тууралуу көп ойлонуңуз. Кабырстанга барганда өлүмдү көп эстеңиз. Бул эскертүү болот. А эскертүү өтө жакшы нерсе!
Ойлобоңуз карыганда гана өлөм деп. “Намаз окуйсуңбу?”- десе, “Ниет кылып жатам.. буйруса пенсияга чыкканда “-дешет. Ким кепил болот эртеңки эмес 5мүнөттөн кийин эмне болушуна? Кабырстанга барыңызчы?! Бир жашында, үч айлыгында, 14; 20; 25; 40; 43; 50 жаштарында көз жумгандарды көрөсүз. Булар жаш эле го?! Өлүм аларды жаш экенине карабай жандарын алды! Бул нерселер сиз үчүн эскертүү болсун! Билиңиз, ар бир жан ээси өлүм даамын татуучу! Кайсыл күнү болсо
ошондо …!

Нуриза Кармышакова.

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2yzMeui
✿ http://ift.tt/2l8etvu
✿ +996700334493
✿ WWW.FORMULA.KG

Запись Өлүм сенин жаштыгыңа карабайт впервые появилась Formula.KG.

БИСМИЛЛААХИР РОХМААНИР РОХИЙМ

Адам баласы бир нерсени издейт ..
Анын эмне экенин
инсан өзү деле жакшы аңдып биле бербейт .
Эркеги да аялы дагы, жашы дагы карысы дагы .
Эрте менен таңга маал багымдатты деле окуса окуйт
ошол бойдон издеп жөнөйт .
Көчөнүн четине туруп байкап көрсөңүз ар бир адам ушунчалык шашып бара жатышат,
ар бири өздөрүнүн издеген нерсесин табуу үчүн
колунан келген аракетин жумшайт.
Биздин издеп жаткан нерсебизди өзүбүз деле эмне экенин жакшы биле бербейбиз .

Билбеген нерсенин артынан жүгүрүп жүрүп
кантип бул дүйнөдөн өтүп кеткениңди да
билбей каласың.
Азыр көп адамдардын жүрөктөрүн кайгы баскан .
Ушул кайгыны жок кылуу үчүн адам баласы 24 саат дүйнө издейт, бактылуу күндөргө жетиш үчүн ..
Чөнтөктө акча баар, бирок эмнегедир
дагы эле жүрөк тынч эмес .
Колуңузда айфон, кымбат телефон ..
Эмнеге жүрөк сыгылат ?
Жүрөкө, көңүлүңүзгө эч нерсе жакпай
эч нерсени кабыл алгысы келбей жатабы?
Бмлиңиз тууганым Аллахты зикир кылыңыз..
Анткени жүрөктөгүкайгы күнөөнүн көптүгүнөн болот.
Кайгыны кетирүү үчүн көп дүйнө керек эмес.
Балки өтө көп истигфар керек !

Издеген нерсебиз, чуркап жүргөн максатыбыз
убактылуу гана дүйнө ..
Адамдар кылып жатышат,элди кара !)

Кошуналарың дубалын тургузуп койгон )
Баарыбыз башкача бир бактылуу жашоону каалап
ошол үчүн аракет кылып жүрөбүз.
Бирок эмнегедир окшошпой жатат..
Бактылуулукту өз мекенинен издебей
башка эле жерден таап алсам экен деп кыйналып
жүргөн чагыбыз ..
Аллах Таалам
эки дүйнөнүн бактылуулугун динге койгон !
Бул сөздү терең түшүнүп жетейли биз.
Түшүнүктүү болуп жатабы?
Электр тогун суу менен күндүн нуруна койгон..
Андан башка жерден таппайсыз!
Ошол сыяктуу бактылуу жашоону бир гана динге койгон, издесең динден табасың!
БАШКА ЖЕРДЕ ЖЫТЫ ДА ЖОООК)

Биздин издеген нерсебиз эмне ?
Түбөлүк бактылуулуктун доорун сүрүү эмеспи.
Уйкудан турганда мусулмандарга болгон,
өзүбүзгө болгон гам-кайгы
жүрөгүбүздө барбы же жокпу?
Кошунам намаз окуй албай жүрөт,
туугандарым бидаат ишти билбестен жасап жүрөт мен жеткирейин деген кыжалатчылык жүрөктө ойгонсун ! Же акча байлык, бир карыш курсактын гамын өмүр бою ойлонуп жүрүп өтүп кетүү керекпи?
Караңыз тууганым, бул дүйнөнүн иши зарылчылык.
Бизге уйку зарыл, тамак-аш зарыл, ажатканага баруу зарылчылык .
Бирок ыйман менен жашоо,
дин менен өмүр өткөрүү максатыбыз болсун !
Азыр сиз менен биз айлык алып өмүр кечирүүнү максат кылдык, дин менен жашоону
нике кыйганда жаназа окуганда,
дем салдырганда гана пайдаланып убактылуу зарылчылык кылып алдык туурабы туура эмеспи?
Негизги максатыбыз менен убактылуу зарылчылыктын ордун алмаштырып албайлы.
Дин менен жашоо бүгүнкү күндү ушунчалык зарыл
аба менен суудан зарылыраак !
Келиңиз тууганым аста-секин намаздарыбызды
билгендерге барып каталарын айтууну сураналы..
Окуган Кураныбыз тамгаларынан канча кыйналабыз туурабы, ошону үйрөнүүгө аракет жасайлы.
Сиз биз бир нерсе үйрөнүп бүрөөгө үйрөтүүчү болуңуз. Качанга чейин бирөөлөргө жетелетме болобуз? Качанга дейре үйүбүзгө дааватчы келип мечитке чакырсын ?!
Биз дагы жетелеп бирөөнү динге алып келейлиби?
Биз барып бирөөнү эскертели !

Келиңиз биз дагы ыймангы жакшылыкка чакырайлы.
Балким сиздин артыңызда өтө көп адамдын хидаяты тагдырга жазылгандыр ..
Балким сизди көрүп
көп адамдардын ыйманы күчөйттүр..
Сизди көрүп, сиздин эскертүүңүздү угуп
көп адамдар акыйкатты түшүнүп
тообо кылып калышаттыр.
Ошондуктан туугандар жаш болсок да
улгайып калсак да жакшылыкка чакырайлы..
Ата-энеге каяша айткандар пайда болду.
Бир жолу болсо дагы
“Менин акыретим эмне болот?”- деп уруштукпу )))

Дүйнө болсо, мал-мүлк үчүн үйдө күндүгө жаңжал.
Бир коюң жоголсо жүрөгүң токтоп калайын дейтго,
төрөгөн кызың үйгө келбесе кыжалат болбойсуң..
Тозок же Бейиш турса астыда..
Сен болбогон эле бир нерсе үчүн баш катырасың.
“Мен өлбөйм” – дегендер кол көтөрсүнчү !
Биз ошол күндү эстен чыгарбайлы ..
Балким ушул күн, ушул сааттар,
ушул секундалар менин акыркы убакыттарымдыр
– деп жашайлы ..
Биз Жаратуучуну таанып жашайлы .
Көзүбүз бар бирок акыйкатты көрбөй турган сокур болуп калбайлы.
Бийик үйлөр, кооз имараттар, унааларды көрүп
ким жасады, ким жасады – деп пенделерди издейбиз.
Асманды караңыз бир жериндн жыртыгы жок,
түркүксүз турат, Ким жаратты ?
Тоолорду карайлы, сууну Ким жаратты?
Пенденин ойлоп тапканын айтабыз,
Аллахтын жоктон бар кылганын унутуп калганбыз ..
Туурабы туура эмеспи ?

Менин айтайындегеним урматтуу мусулман бир туугандарым, мусульман болуп жашайлы

Али Оши~

“БАКТЫЛУУЛУК ФОРМУЛАСЫ”

Запись ОЙЛОН БИР ТУУГАНЫМ СЕН МУСУЛМАНСЫҢ! впервые появилась Formula.KG.

*Урматтуу мусулман бир тууганым!*

Өлүм бул ачуу чындык. Андан канчалык коркпойлу, кайда качпайлы баары бир башыбызга келет. Бүгүн бир адамды жууп кепиндедиң. Суунун ысык суугун сезип турдуң. Эртең сени да бирөөлөр жуушат. Бирок суунун ысык суугун сезбейсиң. Бүгүн Имамдын артында туруп бир адамга жаназа окудуң.Эртең да адамдар жаназа окушат, бирок сен имамдын алдында болосуң. Бүгүн бир адамды ийниңе көтөрүп кабырга алып бардың. Эртең сени да бирөөлөр ийнине көтөрүп кабырга алып барышат. Бүгүн бир маркумга арнап дуба кылдың. Эртең сага да бирөөлөр дуба кылышат. Бүгүн бирөө Мункар-Накирдин суроосуна жооп берди. Эртең бул суроолор сага да берилет. Бүгүн бирөөнүн жакындары боздоп ыйлашты, сен аларды угуп турдуң. Эртең сенин да жакындарың боздоп ыйлашат, бирок сен аларды укпайсың. Бүгүн амал кылууга кудуретиң бар, эсеп-кысап берүү жок. Эртең эсеп-кысап болот, бирок амал кылууга кудуретиң жок. Ошол себептен улуу сахаба Умар (Аллах андан ыраазы болсун) айткандай бирөөнүн алдында эсеп кылынганча, өзүңө эсеп берип ал. Бул дүйнөнүн жарык күндөрүнөн пайдаланып кабырдын караңгылыгына даярдан. Пайгамбарыбыз (Ага Аллахтын салам-салаваты болсун) айткандай, кабат-кабат үйлөргө кызыгып, эки кулач кабырды эсиңден чыгарып койбо. Канткен менен, кабат-кабат үйүңдү, катар-катар машинаңды, сүйүктүү бала-чакаңды калтырып, бара турган жериң кабыр. Аны эч качан эсиңден чыгарба.
Аллахым, өтүп кеткен мусулман бир туугандарбызды кабыр азабынан өзүң сакта. Биздин да башыбызга өлүм келип, кабыр босогосун аттаганда суроолорго жеңил жооп берүүнү дилибизге салгын. Ар бирибиздин кетирген күүнөлөрүбүздү кечир. Өзүңдүн кереметтүү бейишиңде чогуу болууну насип кыл. Ассалааму алайкум ва рахматулЛоохи ва баракатуху.

Устаз Абдишүкүр ажы Нарматов

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2yzMeui
✿ http://ift.tt/2l8etvu
✿ +996700334493
✿ WWW.FORMULA.KG

Запись ӨЛҮМГӨ ДАЯРСЫҢБЫ?! впервые появилась Formula.KG.

Абдишүкүр ажы Нарматов

Бисмил-Лаахир-рохмаанир-рохиим. Мээримдүү жа на ырайымдуу Аллахтын аты менен баштаймын. Ааламдар дын жаратуучусу Аллах Таалага мактоо айтабыз. Андан жардам сурайбыз, кетирген күнөөлөрүбүздү кечирүүсүн суранабыз. Напсибиздин жана амалдарыбыздын жамандыгынан коргоо тилейбиз.
Аллахым, биз менен арамды, чыгыш менен батыштай алыс кыл жана адал жашоонун үстүндө өмүр сүрүүнү насип кыл.
Аллахым, бизге туураны туура көрсөтүп, туура жолуңда алып жүр. Катааны катаа көрсөтүп, адашуудан өзүң сакта.
Аллахым, ар бирибизди пайдасыз илимден сакта. Өзүңдөн коркпогон жүрөктөн сакта. Кабыл кылынбаган дубадан сакта. Өзүңө көтөрүлбөгөн амалдан сакта.
Күбөлүк берем Ал, Аллах жалгыз, Анын шериги жок, Ал бардык нерсеге күчү жетүүчү, Кудреттүү. Ал, Аллах адамзатты жоктон бар кылган жана аны жок кылып кайра тирилтүүгө кудреттүү. Ал, Аллах пендени өзүнө ибаадат кылуу үчүн жараткан жана биз Ага ибаадат кылууга милдеттүүбүз.
Күбөлүк берем Мухаммад (Ага Аллахтын салам-салаваты болсун) Аллахтын элчиси жана кулу. Ал, Пайгамбар адамдарга бул дүнүйөнүн убактылуу экен дигин эскертип, чыныгы жашоого азык камдоого чакырган.
Өз үммөтүнө бул дүйнөдө мусапырдай жашап өтүүнү осуят кылган улуу Пайгамбарыбыз Мухаммадка, анын үй-бүлөөсүнө жана сахабаларына Аллахтын салам-салаваты болсун.

Урматтуу мусулман бир тууганым!

Бүгүнкү сабагыбыз, Аллахты Жаратуучум деп, Исламды диним деп, Мухаммад пайгамбарды (Ага Аллахтын салам-салаваты болсун) Пайгамбарым деп ыраазы болгон мусулмандарга арналат. Ошондой эле өзүн мусулманмын деп эсептеп, бирок мусулмандык милдетин аткарбастан, жүрөгү таштай катып калган бир туугандарыма арналат. Ошондой эле, күн сайын бул жашоодон канчалаган адамдарды алып кетип жаткан өлүмдү көрүп туруп, ага даярданбаган, дүнүйөсүн кооздоп, акыретин эсинен чыгарып койгон, мүрзөлөрдү көрүп туруп, өлүмдөн коркпогон адамдарга да эскертүү болот деп ишенемин.

Урматтуу мусулман бир тууганым!

Эртең сапарга чыгасың. Сапарың анча деле алыс эмес. Ашып кетсе беш же алты күн жүрөсүң. Бирок сапарың жакын, андан кайтууң бат болгонуна карабастан бул сапарга канча күн мурда даярдана баштайсың. Алгач, кийүүчү кийимдериңди, андан соң тамак-ашыңды жолго керектелүүчү буюм-теримдериңди, акырында чыгым кылуучу акчаңды даярдайсың. Ушунун баары сенин беш-алты күндүк сапарыңдын жеңил болуусу үчүн жасалат. Сапарга азыгы жок чыгуу, кемеси жок деңизге кирген менен барабар. Биздин бул дүйнөдөгү жашообуз, чыныгы жашоо болгон акырет сапарына даярданып алуу үчүн токтой калган аялдама сыяктуу. Ким акырет сапарына жакшы даярдык көрсө, сапары жеңил болот. Ким сапарына даярданбаса кыйынчылыкка дуушар болуусу анык.
Пайгамбарыбыз Мухаммад (Ага Аллахтын салам-салаваты болсун) бир жолу Умар ибни Абдуллахка (Аллах андан ыраазы болсун) карап:
– «Эй Абдуллах. Бул дүйнөдө чоочун жолоочудай болгун. Өзүңдү мүрзөдөгүлөрдүн биримин деп эсептегин» – деп осуят кылган. Чындыгында, бул дүйнөгө ким түркүк болуп калат?! Эч ким. Эч ким эч качан бул дүйнөдө түбөлүк калган эмес. Анткени, бул дүйнө акырет эшигине алып баруучу кичинекей гана өткөөл. Бул кичинекей өткөөлгө, алыс сапарга камданып, азык топтоп алуу үчүн гана келгенбиз. Бул мезгилде кандай амал жасап калсаң, эртең аны көрөсүң. Жибрийил (Ага Аллахтын салам-салаваты болсун) бир күнү Пайгамбарыбыздын (Ага Аллахтын салам-салаваты болсун) жанына келип:
– «Эй Мухаммад, бул дүйнөдө каалаганыңдай жаша, бир күнү баары бир өлөсүң. Каалаган амалдарыңды жаса, бир күнү анын сообун же азабын көрөсүң. Каалаганың менен дос болуп, жакшы көргүн, бир күнү андан ажырайсың. Ыймандуунун улуулугу, анын түнкү намаздарды көп окугандыгында. Ыймандын кадыры, башкалардан кажаатсыз болууда» – деп осуят кылды. Эмне үчүн хадисте өлүм тууралуу, бул дүйнөнүн кыскалыгы тууралуу айтылып келип, ага түнкү намазды кошуп койду? Анткени өлүм бүтүү эмес. Өлүм жоголуу эмес. Өлүм, бул башталуу. Өлүмдүн артында бул дүйнөдө жасаганыңа жооп берүүчү күн турат. Демек өлүмдү эстеген адам, ага даярданууну да унутпоосу керек. Түнкү намаз ибаадаттардын эң жакшысы, акырет үчүн пайдалуу азык. Түн ичинде окулган намаз кабырда нур болот.
Хасан Ал-Басрий (Аллах андан ыраазы болсун) кара-тору адам эле. Бирок анын жүзүнөн ар дайым нур чачырап тураар эле. Бир жолу адамдар андан эмне үчүн жүзүндө нур жаркырап тургандыгы жөнүндө сурашканда, ал:
– Түн ичинде Аллахка жалбарып ибаадат кылам, ошол себептен жүзүмө нур чыгат – деп жооп берет. Акырет үчүн азык камдоого шашылуу акылдуу адамдын иши. Өлүм эскертүүсүз келет. Пайгамбарыбыз (Ага Аллахтын салам-салаваты болсун) бир хадисинде:
– «Өлүмдү көбүрөөк эстегиле, ал эч кандай эскер түүсүз келет» – деп айткан. Өлүмдү эстебеген адам, эртең жөнөөчү сапарын унутуп койгон адам сыяктуу. Эч кандай даярдыгы жок сапарга жөнөгөн адамды элестетип көргүн. Аны машина күтүп турат же самолётко билети бар. Качан гана жөнөө убактысы келгенде, ал өтө шашылат. Бирок, эми даярданууга кеч болуп калды. Бул дүйнөнүн кызыгына азгырылып, акырети үчүн даярдык көрбөгөн адамга өлүм келгенде, даярданууга кеч болуп калат. Өлүмдү бир-эки мүнөт коё тур деп күттүрүп коё албайсың.
Пайгамбарыбыздын (Ага Аллахтын саламсалаваты болсун) күйөө баласы Алиге (Аллах андан ыраазы болсун) бир адам келип, бирөөдөн короо жай сатып алгандыгын, кийин аны кайрадан талашып алып албоосу үчүн, күбө болуп, бир кагаз жазып берүүсүн өтүнөт.
Али (Аллах андан ыраазы болсун) ал адамдын дүнүйөгө аябай берилген адам экендигин байкайт. Кагазын алат да «Бир өлүүчү адам, экинчи өлүүчү адамдан короо-жай сатып алды. Ал короонун төрт тарабы бар. Анын биринчиси адам өлгөндө түгөнөт. Экинчиси, мүрзөгө киргенде түгөнөт. Үчүнчүсү, Аллахтын алдында эсеп-кысап бергенде түгөнөт. Ал эми төртүнчүсү, же бейиш же тозок менен аяктайт» деп жазып берет. Тиги адам жакшы түшүнө албай, мен сенден күбөлүк кат жазып бер десем, сен өлүм жөнүндө жазыпсың деп таң алат. Ошондо Али: (Аллах андан ыраазы болсун) «дүнүйөгө көп берилбегин. Бул дүнүйө түбөлүктүү эмес. Эртели кеч жөнөөчү сапарыңды унутпа» деп насаат айтат.
Падыша Харун Рашиддин бир вазири бар эле. Анын милдети падышага насаат айтып, акыретти эстетип туруу болчу. Бир күнү падыша вазирин чакырып, мага насаат айткын дейт. Вазир падышага кайрылып мындай дейт:
– урматтуу падышам, эгер сиз катуу ооруп калсаңыз жана бул оорунун дарысы бир чөйчөк суу болсо, бирок ал суунун баасы өтө кымбат болсо, эмне кылат элеңиз? – дейт. Падыша бир топко ойлонуп:
– мен аны колумдагы мүлктүн жарымын берип болсо да сатып алмакмын – дейт. Ошондо вазири кайрадан:
– Ал эми ошол сууну ичкенден кийин аны кайра чыгара албай кыйналсаңыз эмне кылат элеңиз – деп сурайт. Падыша дагы көпкө ойлонуп туруп:
– дүнүйөмдүн калганын берип болсо да дарыланмакмын – деп жооп берет. Анда вазир:
– урматтуу падышам, сиздин падышалык мүлкүңүз Аллахтын берген ден-соолук нээматынын алдында эки чөйчөк суучалык кадыры жок болгон соң, демек өлүмдү көбүрөөк эстеп жүрүңүз – деп насаат кылган экен.

Урматтуу мусулман бир тууганым!

Сапарга чыгуудагы максатын билбеген адам, ал сапарга даярдык көрө албайт. Бул жашоодогу мак сатын билбеген адам, акыретине даярдана албайт. Бул жашоого Аллахтын сыноосунан өтүү үчүн, Анын буйруктарын аткаруу үчүн келгенбиз. Аллах Таала Кураанда: «Жиндерди жана адамдарды өзүмө ибаадат кылуу үчүн гана жараттым. Мен алардан ырыскы да жана алар мени азыктандыруусун да каалабаймын. Чындыгында Аллах ырыскы берүүчү жана Ал, Күч-кубаттын ээси» деп айткан. Ошондой эле, экинчи бир аятта: «Оо, ыйман келтиргендер! Руку жана сежде кылып Эгеңерге сыйынгыла жана (адамдарга, туугандарыңарга) жакшылык кылгыла. Балким, (тозоктон) кутулаарсыңар» деп айткан. Пенденин милдети Аллахка руку сежде кылып сыйынуу менен бирге башкаларга жакшы мамиле кылуу. Адамдын бул дүйнөгө жаратылуусунун мындан башка максаты жок. Аллах Таала хадиси кудусийде: «Эй адам баласы, мен жалгыздыгымдан сени жолдош болсун деп жараткан эмесмин. Мен аздыгымдан сени көп болсун деп жараткан эмесмин. Кайсы бир амалды аткара албай калсам жардам берет деп жараткан эмесмин. Кимдир бирөөгө менин менен бирге пайда же зыян берет деп да жараткан эмесмин. Мен сени күнү-түнү мага ибаадат кылууң үчүн жаратканмын» дейт. Демек, ибаадат кылуу жума күнү мечитке келип коюу же айт намазын окуп коюу эмес экен. Аллахка өмүр бою, күнүтүнү ибаадат кылуу керек. Анткени, өмүр өтө кыска жана өлүм эскертпестен келет. Сахабалардан кийинки доордо жашаган Мухаммад ибни Каьбий аттуу өтө бай адам болгон. Ал адам ооруп төшөккө жатып калганда, достору келип ага келме айтышып, балдары үчүн эмнени мурас кылып калтырганын сурашат. Алардын суроосуна: Жыйган байлыгымдын баарын акыретим үчүн жөнөтүп жибердим. Ал эми балдарыма Аллахты гана калтырдым. Эгер мен балдарыма мал-дүнүйө калтырсам, күндөрдүн биринде ал баары бир түгөнөт. Ал эми алар такыбаа болушса, Аллах ойго келбеген жерден ырыскы берет. Ал эми Аллахтын казынасы эч качан түгөнбөйт – деп жооп берет.

Урматтуу мусулман бир тууганым!

Өлүм периштеси эшигиңди кагып кирип келгенче акырет үчүн азык камдап ал. Өлүм периштеси келген соң аны кайтара албайсың, андан качып да кете албайсың. Болгону өкүнүч менен гана кете бересиң. Пайгамбарыбыздын (Ага Аллахтын салам-салаваты болсун) жакын сахабаларынын бири, эң көп хадисти бизге жеткирген Абу Хурайра (Аллах андан ыраазы болсун) өлүм төшөгүндө жаткан мезгилде көз жашын агызып ыйлайт. Анын ыйлаганына таң калышкан адамдар, эмне үчүн ыйлап жатканын сурашканда, ал: мени бул жашоо дон кетип жатканы үчүн ыйлап жатат деп ойлойсуңарбы? Жок, мен сапардын алыстыгын көрүп, азыгымдын аздыгын эстеп ыйлап жатам – деп жооп берет. Ар бир пенденин башына бул күн келет. Улуу сахаба ушинтип өкүнүп ыйласа, эч нерсе менен иши жок кайдыгер жашоо өткөзгөн пенделердин абалы кандай болот. Күн өтүп жатат. Күн өткөн сайын өмүр азайып сапарга чыкчу күн жакындап келе жатат. Ар бир күнүбүздү, ар бир саатыбызды, ар бир минутабызды акырет азыгы үчүн жумшоого аракетенүүбүз керек. Аллахтын алдына барган кезде беш нерсеге жооп бермейинче бир кадам да алдыга жыла албайсың.
Биринчи: Аллах берген аздыр-көптүр өмүрдү кайда жумшадың.
Экинчи: Аллах берген күч-кубаттуу жаштыгыңды кандай пайдаландың.
Үчүнчү: мал дүнүйөңдү кандай жол менен таптың.
Төртүнчү: ошол тапкан мал-дүнүйөңдү кандай иштерге сарптадың.
Бешинчи: Билген илимиңе кандай амал кылдың. Мына ушул беш нерсени эстеп, ага жооп берүүгө да даярдык көр.

Диндеги эң такыба деген атка конгон Хасан Ал-басрий: (Аллах андан ыраазы болсун)
– «Эртең менен күн чыкканда адамдарга: эй адам баласы, мен жаңы күнмүн, менден пайдаланып кал. Мен бүгүн кетсем кыяматка чейин кайра келбеймин деп кайрылат» – деп айткан.

Ар бир агарып аткан таңдан кызарып күн батканга чейин акырет үчүн азык камдап сооптуу амалдарды жасоону Аллах Таала баарыбызга насип кылсын. Аллахым ар бирибиздин билип-билбестен жасаган күнөөлөрүбүздү кечиргин. Улуу Жума күнүндө кылган дубаларыбызды кабыл кыл. Адашып туура эмес жолдо жүргөн пенделериңди туура жолго баштагын. үлгү Аллахым, өзүңдүн алдыңа сооп капчыктарыбыз бош, азыгы жок барып калуудан сакта. Асслааму алайкум ва рахматулЛохи ва баракатух!

Запись АЗЫГЫ ЖОК САПАРГА ЧЫКПАЙТ впервые появилась Formula.KG.

Урматтуу мусулман бир туугандар, агалар, достор.

Аллах Таалам кезектеги бир ааз болсо да ыйман сөздөрүн бири бирбизге эскертүүнү насип этиптир.. Диндин себебинен күндө жакшы сөздөрдү угабыз..

Диндин себебинен, ыймандын себебинен адам баласы бактылуу боло алат. Дин болбогондо ушул учур кайдан болсун? Сиздер тааныбайсыздар, биз сиздерди..

Бирок жүрөктөрдө де жүрөктүн тереңинде бир туугандык сезимдер бар. Диндин себебинен бири-бирибиз менен ыйман сөздөрүн сүйлөшүп жатабыз. Дин сиз менен бизди байланыштырып, бири-бирибизди бириктирип жатат. Дин болбосо, сылыктык болбосо, чынчылдык болбосо, кичи пейилдик болбосо, жөнөкөйлүк болбосо, адилеттүүлүк болбосо, кечиримдүүлүк болбосо адамгерчилик болбосо өзүбүз биринчи бузулуп, бүт үммөт бузулуп, бүт аалам бузулмак…

Дин бизге жөнөкөй бол, сылык бол, сылык сүйлө, чынчыл бол, кечиримдүү бол, кичи пейил бол, адилеттүү бол, сабырдуу бол деп насаат айтып жатпайбы .. Эгер дин болбогондо, ыйман болбогондо адам баласы азыр ушунчалык бузулат эле дин келе электеги Мекке Мединанын эли бузулгандай. Мекке Медина дин келгенден кийин ыйман ал коомду канча өзгөрттү ээ..

Бүт үммөткө жол башчы болушту. Бул дин менен ким жашаса заалымдын балдарынан аалымдар чыгат .. Ким таштаса аалымдын балдарынан заалым чыгат . Дүйнөгө эң таанымал адам динге келсе ал динди гүлдөтүп жибербейт . Дин ал адамды гүлдөтөт. Биз ойлойбуз ушул таанымал адам эле, дин менен жашап динди гүлдөттү деп..

Дин ыйман эч нерсеге муктаж эмес, гүлдөтүүгө да муктаж эмес толлук. Ал адам дин менен жашаганы үчүн дин анын даражасын бийик кылды. Караңыздар, ааламга таанымал аалымдар бар. Эгерде дин болбогондо аларды эч ким таанымак эмес, дин болгону үчүн, бир ааз ыйман менен жашаганы үчүн Аллаах алардын даражасын көтөрүп койгон, алар динди эмес Дин аларды гүлдөткөн. Түшүнүктүү болуп жатабы? Ар бир адамды – ыйман бактылуукылат . Бактылуулук бир гана кооз үй эмес. Бактылуулукбир гана кооз унаа эмес. Бактылуулук узак жашоодо дагы эмес . Бактылуулук сулуукелишкен эки жаштын нике менен жашоосунда дагы эмес .. Бактылуулук акча, мал – мүлктө дагы эмес. Бала-чака, үй -жайда дагы эмес .. Бул нерсенин баары болгону неъмат .

Аллахтын берген жакшылыгы. Чыныгы бактылуулук бул Жаратканды таануу. Чыгыгы бактылуулук баардык амалдарды Аллах үчүн аткаруу .. Кээде Аллах үчүн эмес пенделер үчүн жылмаюуга туура келет . Ресторан, кафеге кирсең официант жылмайып келет, бактылуулуктун сүрөтүн көрсөтүүгө аракет кылат . Анткени аны кожоюн талап кылат. Кээде адамдарды жалгандан эле, же жашообуздан алып күлдүрүүгөаракет кылган тамашачылар бар .. Бактылуулук тартуулайбыз деп ойлошот . Анткени биз күлгөн адамды гана бактылуулукдеп түшүнүп, ыйлаган адамды бактысыз экен деп түшүнүп калганбыз. Менин айтайын дегеним урматтуу мусулман бир туугандарым сиздин бул дүйнөдө тирүү жүргөнүңүз бир бактылуулук . Сиздин бар экениңиз бир бактылуулук. Ыйман менен Аллахты таанып жашоо, Пайгамбарды таанып жашоо, өкүмдөрүнө амал кылып жашоонун аты чыныгы бактылуулук! Шайтан сизге пикир салат. Эгер намаз окусаң бети-башыңды жаап, сакал коюп узуун кийинишиң керек … Толгон токой васваса азгыруулары. Замандан артта каласың дейт .

Туурабы туура эмеспи ? Биз дин менен жашабайбыз. Биз демократияны тандап аялдардын укугун эркектики менен бирдей кылабыз. Эркектер кылган укукту бизда кылууга акыбыз бар, көчөдө жүрүүгө да акыбыз бар деп чыгышты. Ооба ал кез дагы келди. Эркектин укугу менен аялдардын укуктары бирдей болду. Динде аялын арабага олтургузуп кышында жылуу, жайында салкын араба менен, жамгыр суукка карабастан аялына кам көрөт эле. Аялы ага ыраазы болуп жашаган. Бүгүн динди таштап туруп эркек аял укугун бирдей кылып, аялдар иштеп жүрөт . Аялдар машине айдап жүрөт .. Жана эркектер арабага чыгып аялдар арабаны тартып калды, мына эркек аялдын укугунун теңдигинин акыбети ! Биз эми капа болбойлу ! Ошондуктан туугандар Аллах Таалам эркектердин мойнуна эмнелерди жүктөгөн болсо ага амал кылсак, аялдарга эмнелерди жүктөсө амал кылсак жашоодо жеңилчилик болот . Дүйнө 21 чи эмес 22 кылымдын даражасында бүгүнкү күндө өнүксө да Дин эң идеальный жашоо бойдон калат . Дин эч качан артта калбайт, бүт аалам айда жашаса дагы дин эң идеальный жашоо бойдон калат . Эң үлкөн жазуучулар, дүйнөнү калеми менен багындырган атактуулар том-том китеп басып чыгарса дагы бир бетинин бир сүйлөмүндө “энеге жакшылык кыл!” деген сөздү таппайсыз.. Эң күчтүү корольдуктар жазып чыккан мыйзамдардын биринде да “Жылмай, атаны нааразы кылба” дегенди таба албайсыз, туурабы туура эмеспи ? Каанча китеп, каанча гезит окубайлы жетимдин башын сыла деген сөздү кезиктирбейбиз. А дин аны бизге үйрөтүп жатпайбы..

Намаздарыбыз каза болуп жатат эч кайгыруу жокко жүрөктө.. 1000 сом чөнтөктөн түшүп калсынчы, 2000 рубль түшүп калсынчы жүрөктөр антарылып демиң кысылып териң куюлуп кетет . Намазыбыз каза болсо 100 сом жоготкончо да кайгырбайбыз, капа болуп өкүнбөйбүз ! 10 сом садака берүү ушунчалык кыйын өзүмө керек деп бекитебиз..)))

Анткени сиз биз дүйнө үчүн өтө көп мээнет кылдык машыктык . Бул дүйнө убактылуу гана.. Дүйнө убактылуу гана – деген создү укпасак деле ар бирибизге маалым . Төрөлгөндөр өлүп жатат, чыккан күн батып жатат, өскөн бак-дарактар чирип жоголуп баратканы дүйнөнүн дагы убактысы бүтөөрү чын экенинин далили. Беш убак намазды өз убагында окуу каанча кыйын ээ. Садака берүү, зекет берүү, сага жамандык жасагандарды кечирип салуу каанча кыйын))) Баарыбызда текебердик бар, напсини жеңүү эң кыйын иш, мына ушул чыныгы жихад ! Жихад ушул туугандар .. Каанча ыйман сөзүн уксак деле ыймандуу болууга аракет жасабагандарды көрүп таң каласың. Анткени, кабыр акыйкат болуп турса, махшар айныгыс чындык, бейиш тозок хак болуп турганын билип туруп дүйнө менен жашоодобуз.. Анын артынан чуркап баратабыз.. Кээде кыямат тезирээк эле болсо бекен – деп тилегиң келет. Ыймансыз болсун ыймандуу болсун, еврей болсун атеист болсун баардык адамдын балдары Аллах Тааланын астында коркконунан бүжүрөйүп калганын көрөт элең. Ыймандуулар бир тууган – деген аятты кабыл алгыбыз келбейт . Мусулман болуп туруп улутка бөлүнүү сезими пайда болду.

Ким улуттарга бөлүнсө ал бизден эмес ..

Мейли бул дүйнөдө ар бир мамлекеттин картасы ар башка көрүнүштөдүр . Бирок жердин астында ар бир адамдын картасы, жаткан кабыры окшош туура эмес болсо айтыңыздар ?

☆ Мен кичинекей кезимде көп адамдын сааты жок эле бирок көп нерселерге жетишкенин көрөт элем. Азыр баарынын сааты бар бирок убактысы жок.

☆ Мен эч нерсеге жетишпей жатамын деп кайгырба. Анткени баардык улуу инсандардын бир күндүк убактысы да сеникиндей 24 сааттан ашкан эмес.

☆ Аллах Таала сага ушунча жыл өмүр берди сен бир секундда “Аллах улуу” деген сөздү айта албайсыңбы ?

☆ Бүгүн акыркы күнүбүздүр балким ….

Келгиле достор акыретибиз үчүн убакыт ажыратайлы, жашообузду ыйман менен жашап өткөрөйлү.

Аллах Таалам өзүң бизге жетиштүүсүң, шайтандын, напсинин, душмандарыбыздын жамандыгынан бизди сактагын. Күнөөлөрүбүздү кечирип, сүйүктүү кулдарыңдын арасына бизди да кошкун ..

Эскертүү бизден жыйынтык сизден береке Алладан!

Али Маматов атайын formula.kg сайты үчүн
“БАКТЫЛУУЛУК ФОРМУЛАСЫ”

Запись Дүйнөгө эң таанымал адам динге келсе ал динди гүлдөтүп жибербейт. Дин ал адамды гүлдөтөт впервые появилась Formula.KG.

Ээ Кыямат! Тез-тез келчи Кыямат!

Ээ Кыямат! Тез-тез келчи Кыямат!
Бизге зыян берген заалым ким дейин!
Бүт күнөөсүн өз мойнуна алган соң,
Анык жүзүн көрүп мен да тилдейин.

Азыр билбейм, анык жаман кимиси?
Душман чыгат агасы же иниси.
Бүгүн тууган болуп жүрсөк эртеси,
Жан кейдирет түлкү кейпин кийиши.

Элдер түрдүү, жакшы жаман аралаш.
Айырмасын билип турам замандаш!
Бир энеден төрөлсө да балдары,
Душман өңдүү, бир-бирине атаандаш.

Пейли бузук жандар жүрөт каткырып,
Шайтан кейпин кийип элди азгырып.
Эгер тез-тез Кыямат Күн келгенде…
Жазаламак Кудай чокко жаткырып.

Түрү суук, эки жүздүү адамдар,
Жакшылардын кара чачын агартты!
Сөз ташыган ушакчылар алсыздын,
Кан басымын көтөргөнгө жарышты.

Сураштырса бир атанын балдары,
Адамдарда коркуу сезим калбады.
Айрымдары маңкурт кылып кишини,
Тынч жашоосун бузуу жолун тандады.

Жер көтөргүс, толуп-ташкан күнөөсү,
Кадам сайын болуп жатам күбөсү.
Бир-биринин көздөрүнө чөп салып,
Ийри жүрөт аялы же күйөөсү.

Мына ушулар катардагы адамдар,
Апаат келсе бирдей басат кадамдар.
Кыямат Күн келсе гана бөлүнүп,
Эки башка жашай турган заман бар.

Ошондуктан тез-тез келчи Кыямат,
Бейиш төрдө бала ыйласын ыңаалап.
Ага кошо ата-эненин күлкүсү,
Ыймандуулар акыретте чыңалат.

«Баардык жандар өлүм даамын татышат жана Кыямат Күнү ар бириңерге сыйлыгыңар толугу менен берилет. (Ошондо) ким Тозок отунан куткарылып, Бейишке киргизилген болсо, мына ошол ийгиликке жетет. Дүйнө жашоосу- азгырыктардан гана пайдалануу».
(Аали Имран, 185-аят).

«Аз гана пайдалануудан кийин алардын орду Тозок. (Ал) кандай жаман орун»!
(Аали Имран, 197-аят).

Жаңыбай Баткен…

Запись Ээ,Кыямат! Тез -тез келчи Кыямат! впервые появилась Formula.KG.

Абдишүкүр ажы Нарматов

Бисмиллаахир-рохманир-рохиим. Мээримдүү жа на ырайымдуу Аллахтын аты менен баштаймын. Ааламдардын жаратуучусу Аллах Таалага мактоо айтабыз. Андан жардам сурайбыз, кетирген күнөө лөрүбүздү кечирүүсүн суранабыз. Напсибиздин жана амалдарыбыздын жамандыгынан коргоо тилейбиз.

Аллахым, бизге туураны туура көрсөтүп, туура жолуңда алып жүр. Катааны катаа көрсөтүп, адашуудан өзүң сакта.

Аллахым, ар бирибизди пайдасыз илимден сакта. Өзүңдөн коркпогон жүрөктөн сакта. Кабыл кылынбаган дубадан сакта. Өзүңө көтөрүлбөгөн амалдан сакта.

Аллахым, өлүм кекиртекке келген мезгилде, ыйманыбыз менен жаныбызды алып, кабыр азабынан өзүң сакта.

Күбөлүк берем Ал Аллах жалгыз, Анын шериги жок, Ал бардык нерсеге күчү жетүүчү, Кудреттүү. Ал, Аллах адамзатты топурактан жараткан, кайрадан топуракка айландырат жана кыяматта кайра тирилтет. Ал, Аллах ыймандуу пенделери үчүн кабырды бейиш бакчасына айландырат. Ал эми ыймансыз каапырлар үчүн кабырды тозоктун жалынына толтурат.

Күбөлүк берем Мухаммад (Ага Аллахтын салам-салаваты болсун) Аллахтын элчиси жана кулу. Ал, Пайгамбар (Ага Аллахтын салам-салаваты болсун) үммөтүн кабыр азабынан сактанууга чакырган. Өзүн жана үммөтүн кабыр азабынан сактагын деп Аллахка жалбарып дуба кылган улуу Пайгамбарыбыз Мухаммадга, анын үй-бүлөөсүнө жана сахабаларына Аллахтын саламы жана салаваты болсун. Пайгамбарыбыз Мухаммад: (Ага Аллахтын салам-салаваты болсун)

– «Кабыр, акырет орундарынын эң биринчиси. Ал же бейиштин бакчасы, же тозоктун өрөөнү» – деген. Баардык жандуулар өлүм даамын татат. Ыйык Кураанда Аллах Таала: «Ар бир жандуу өлүм даамын татуучу» – деген. Өзүнүн эң сүйүктүү пендеси болгон Пайгамбарыбызга кайрылып: «Чындыгында сен дагы, алар дагы өлүүчү» – деп айткан. Өлүм, бул эч эскертүүсүз жана кезексиз келүүчү нерсе. Мына ушул эскертүүсүз келген өлүмдүн артында ар бирибизди кабыр күтүп турат.

Урматтуу мусулман бир тууганым!

Кабыр, бул акырет орундарынын эң биринчиси. Кабырга бирөөнү ээрчитип алып кире албайсың. Кабырга чырак же свет коюп коё албайсың. Өмүр бою жыйган мал-мүлкүңдөн, байлыгыңдан бир тыйынды катып кете албайсың. Болгону эки ором кепин менен оролосуң да кетесиң. Кепиндин чөнтөгү болбойт. Өлүмдүн акыйкаты да, коркунучу да, кайгысы да мына ушунда. Жаныңдан миң сом акчаңды түшүрүп койсоң, канча кыжалат болосуң. Аны издеп канча убара болосуң. Бирок бул арзыбаган акча бүгүн болбосо эртең кайра табылат. Ал эми өлүм келгенде, өмүр боюу тырмышып жүрүп тапканыңдын баары калат. Мал-дүйнө эмес, өмүрлүк жарың, сүйүктүү балаң, сүймөнчүк кызың, баары калат. Бул өтө чоң өкүнүч. Бирок, андан да өткөн өкүнүч, эми ошол мал-дүйнөң, үй-бүлөөң үчүн Аллахтын алдында жооп бересиң. Кабырдагы эң биринчи түндү элестетип көргүн. Түндүн караңгылыгы, кабырдын караңгылыгы, а сен болсо жалгызсың. Усман (Аллах андан ыраазы болсун) кабыр жөнүндө угаар замат көз жашын агызып ыйлайт эле. Сахабалар: эй Усман, тозок жөнүндө уксаң ыйлабайсың, бейиш жөнүндө уксаң ыйлабайсың, кабыр жөнүндө угаар замат ыйлайсың мунун кандай себеби бар деп сурашканда: үлгү– Мен эгер бейиште болсом адамдар менен бирге болом. Эгер тозокто болсом дагы адамдар менен бирге болом. Ал эми кабырда менин жанымда эч ким болбойт. Мен ошол үчүн ыйлаймын – деп жооп берет. Бүгүн биз өз ишеничибиз менен таяныпсөйөнүп алган байлык, бийлик, күч-кубат баары бизден бөлүнөт. Аллах Таала Кураанда: «Силер бизге жалгыз-жалгыздан, алгач ирет жараткан сымал болуп келесиңер. Биз силерге бергендердин баарын артка калтырасыңар. Силер кулчулугуңарда (Аллахка) шерик кылып алган колдоочуңарды силер менен бирге көрбөйбүз. Силердин араңардагы байланыштар үзүлгөн жана силер ойлоп жүргөн нерселер силерден жок болгон» – деген.

Урматтуу мусулман бир тууганым!

Бүгүн, рухуң, этиң, сөөгүң, мал-мүлкүң, жасаган амалдарың бар. Эртең ажал жетип жан берип, кабырга киргениңде, рухуң Аллахка барат, этиңди курт жейт, сөөгүң топуракта калат, малмүлкүң мураска кетет, жасаган соопторуң кылган күнөөлөрүң менен жуулат. Кабыр акыреттин эшиги. Пенде үчүн эң биринчи суроо кабырдан башталат. Жаратканың ким? Диниң кайсы? Пайгамбарың ким? Болгону үч суроо. Үч жеңил суроо. Бирок кимге Аллах Таала жеңил кылса ошол үчүн жеңил. Кимдин жүрөгүнүн Аллах Таала орун алса ошол үчүн жеңил. Кимдин жашоосу дин болсо, дин үчүн өмүрүн арнаса, ошол үчүн жеңил. Ким Пайгамбарды сүйсө, анын сүннөтү менен жашаса, ошол үчүн жеңил. Пайгамбарыбыз (Ага Аллахтын салам-салаваты болсун) уулу Ибрахимди жерге жашырып жатып:

– «Эй, Ибрахим, азыр сенден жаратуучуң ким деп сурашса, Жаратуучум Аллах Таала деп жооп бергин. Диниң кайсы деп сурашса, диним Ислам деп жооп бергин. Пайгамбарың ким деп сурашса, Пайгамбарым менин атам Мухаммад деп жооп бергин» – деп көзүнөн жашы агып осуят айтат. Ошондо Пайгамбарыбыздын (Ага Аллахтын салам-салаваты болсун) жанында турган Умар (Аллах андан ыраазы болсун) буркурап ыйлап жиберет. Пайгамбарыбыз (Ага Аллахтын салам-салаваты болсун)

– «Эй, Умар, сени эмне ыйлатты» – деп сураганда:

– Эгер Аллахтын эң сүйүктүү пендеси Мухаммадын уулу Ибрахимге ушундай суроолор боло турган болсо, анда Хаттабтын уулу Умардын абалы кандай болоорун элестете албай жатам – деп жооп берет. Карап көрүңүз урматтуу бир тууганым. Аллахтын сүйүктүү Пайгамбарынын уулу үчүн сурак болсо, эң улуу сахабалардын бири Умар кабыр сурагынан коркуп ыйлап жатса, биздин абалыбыз кандай болот. Өмүрүндө бир жолу Аллахты эстебегендер кантип жооп берет? Өмүрүндө бешенесин бир жолу жерге тийгизип сежде кылбагандар кантип жооп берет? Өмүрүндө бир күн орозо кармап, Аллахты ыраазы кылбагандар кантип жооп берет? Аллахтын берген өмүрүн арак ичүү, зина, уурулук ж.б. күнөөлөр менен өткөрүп, Аллах, дин, Пайгамбар деген түшүнүгү жок байкуштар кантип жооп берет.

Урматтуу мусулман бир тууганым!

Өлүм бул ачуу чындык. Андан канчалык коркпойлу, кайда качпайлы баары бир башыбызга келет. Бүгүн бир адамды жууп кепиндедиң. Суунун ысык суугун сезип турдуң. Эртең сени да бирөөлөр жуушат. Бирок суунун ысык суугун сезбейсиң. Бүгүн Имамдын артында туруп бир адамга жаназа окудуң. Эртең да адамдар жаназа окушат, бирок сен имамдын алдында болосуң. Бүгүн бир адамды ийниңе көтөрүп кабырга алып бардың. Эртең сени да бирөөлөр ийнине көтөрүп кабырга алып барышат. Бүгүн бир маркумга арнап дуба кылдың. Эртең сага да бирөөлөр дуба кылышат. Бүгүн бирөө Мункар-Накирдин суроосуна жооп берди. Эртең бул суроолор сага да берилет. Бүгүн бирөөнүн жакындары боздоп ыйлашты, сен аларды угуп турдуң. Эртең сенин да жакындарың боздоп ыйлашат, бирок сен аларды укпайсың. Бүгүн амал кы лууга кудуретиң бар, эсеп-кысап берүү жок. Эртең эсеп-кы сап болот, бирок амал кылууга кудуретиң жок. Ошол себептен улуу сахаба Умар (Аллах андан ыраазы болсун) айт кандай бирөөнүн алдында эсеп кылынганча, өзүңө эсеп берип ал. Бул дүйнөнүн жарык күндөрүнөн пайдаланып кабырдын караңгылыгына даярдан. Пайгамбарыбыз (Ага Аллахтын салам-салаваты болсун) айткандай, кабат-кабат үйлөргө кызыгып, эки кулач кабырды эсиңден чыгарып койбо. Канткен менен, кабат-кабат үйүңдү, катар-катар машинаңды, сүйүктүү бала-чакаңды калтырып, бара турган жериң кабыр. Аны эч качан эсиңден чыгарба.

Аллахым, өтүп кеткен мусулман бир туугандарбызды кабыр азабынан өзүң сакта. Биздин да башыбызга өлүм келип, кабыр босогосун аттаганда суроолорго жеңил жооп берүүнү дилибизге салгын. Ар бирибиздин кетирген күүнөлөрүбүздү кечир. Өзүңдүн кереметтүү бейишиңде чогуу болууну насип кыл. Ассалааму алайкум ва рахматул-Лоохи ва баракатуху.

Запись КАБЫР БЕЙИШТИН БАКЧАСЫ ЖЕ ТОЗОКТУН ЧУҢКУРУ впервые появилась Formula.KG.

Бисмиллаахир рохмаанир рохийм .
Ва заккир фа инназ-зикроо танфаъул муьминийн.
Содаколлоохул ъазийм!
Ва содако росуулухун-набиййул Карийм .
Ва нахну ъалаа заалика минаш-шаахидийн ,
аммаа-баъд . Ассалааму алайкум
ва рохматуллоохи ва барокатух .

Урматтуу агалар, бир туугандар, достор .
Жашоодо диндин орду ушунчалык чоң,
эң зарыл нерсе .

Ыйман ушунчалык зарыл,
ой бооой* – бул аалам ыймандын себебинен сакталып, ыймандын себебинен
адам баласы
адам катары өмүр кечирип келе жатат .
Эгер жер бетинде бир да адам бири-бирине жакшылык кылууну билбесе, жакшы сүйлөшпөсө,
адилеттүү болбосо, баардыгы мыкаачы болсо,
ата-энени урматтоону, кечирим сурап кечиргенди билбесе кандай жашоо болот эле?
Ааламдагы баардык жакшы сапаттар,
ар бир адамда болгон жакшы сыпаттар дагы динде бар, ыймандын берекетинен,
ааламда тынчтык болуп турат.
Эгер дин болбосо
бул нерселерди инсан билмек эмес !

Адам баласы шашылчаак жаратылган.
Көпчүлүк адамдарда бир оору бар,
караап олтурсаң ар бир адам өзүнүн каалосу сөзсүз болуусун каалайт .
Бир адам басып баратса андай эмес тез-тез басуусун, бирөө тезирээк басса
астараак басчы шашпастан дейт.
Бирөө күлсө күлгөнүн жактырбай мындай күлчү!
Цветафордо туруп сары жанып турган учуру,
бирок жашыл жана электе эле
астында турган машинага ачуусу менен
сигнал басып, тезирээк айдоосун каалайт
туурабы туура эмеспи ?

Кыскасы айлана-чөйрөсүндөгү окуялар, адамдар, иш аракеттер көңүлүндөгүдөй болуусун каалайт .
Ушул оорусун айыктырбаса
жашоодогу жеңилчиликти
адам өзү жоготуп алат ..
Адам эч качан бирөөнү өзү каалагандай башкара албайт.
Өзү каалагандай түз жолго да сала албайт.
“Сен өзүң каалаган адамды түз жолго баштай албайсың, Туура жолду Мен беремин !”-деген
аятта айтылатго .
Анда эмне кылабыз ?

Кантип тарбия кылып, кантип башкалардын да өзүбүз каалагандай болуусун көрө алабыз ?
Адам биринчи кезекте өзүн тарбият кылуусу керек . Өзү оңолсо башка адамдар да оңолот.
Үй бүлөөдө эркек өз ордун, үй бүлөөсүндөгү милдетин, аялына, балдарына, туугандарына болгон акысын мыкты билсе анда
аялы да өз орду менен жашайт .
Аял киши анан өзүнүн милдеттерин
аткарып күйөөнү урматтайт .
Ата оңолсо, ата ыймандуу болсо, ата бакубат болсо анын балдары ошондой болот .
Бала дүйнөнү тааный баштаганда
атасын анан апасын көрүп жашоону үйрөнөт .
Көзүн ачса атасы түтөп тамеки тартып олтурганын, апасы кечке сериал көрүп олтурганын көрсө жашоо ушул экен деп ойлойт да ошону жашоо деп кийин ошондой өмүр кечирип өтөт .
Кээде ата-энелер өз балдарына капа болот .
Эмне үчүн ?
Баласы айтканын аткарбайт, сөз укпайт,
өзүнүн билгенин жасайт.
Бул нерсеге билиңиз ата эне түздөн түз күнөөлүү, өзү жакшылап тарбия бере алган эмес. Анан баладан башкача
кыялындагы мамилени күтөт .
Сиз эң жакшы, эң мыкты тарбияны бериңиз
сиз анын үзүрүн анан көрөсүз !
Диндин тарбиясын бериңиз,
эки дүйнөнүн бакытына кол сунасыз тууганым.
Сиз эң жаман урукту жерге олтургузсаңыз эң мыкты гүл чыгып калбайтго.
Роза гүлдүн уругун олтургузсаңыз
роза гүлдүн жытын жыттайсыз ..

Ааламдын оңолуусу да мусулмандын оңолуусунан башталат !
Бүгүнкү күндө дүйнө жүзү мусулмандарды мыкаачы, террорист деп атай баштады .
Туурабы туура эмеспи ?
Ошолор туптуура айтып жатат )))
Анткени чындыгында эле террористтер ата энесин сыйлабайт, аялына жакшы мамиле жасабайт, мыкаачылар сылык сүйлөй албайт,
бирөөнү сыйлоону билбейт да .
Бүгүн мусулман өзүн өзү оңдоону унутуп салгандыктан Аллах Таалам ошолордун оозунан ушул сөздөрдү айттырып, сиз бизге уктуруп койду сиз биз бул нерсеге капа болбойлу !

Эмне үчүн дүйнөдө жамгыр жаабай жатат .
Аллахтын казынасында жамгырдын тапчылары түгөп калдыбы ?
Эмнеге ичээрге жарактуу көлдөр соолуп баратат? Эмнеге тынч жаткан жер силкинип жатат ? Эмнеге бак дарактарда мөмө
алуу азайып баратат ?
Аллахтын казынасында
мөмө-жемиш түгөп калдыбы ?
Хадисте маанисинде келет :
Аллахтан оюңуздагы нерсенин баарын,
жер асмандагынын баарын
өмүрүңүздүн акырына чейин дуба кылып суранып өтсөңүз ,
Аллах Таала ошол нерсенин баарын сизге берсе,
Аллахтын казынасы кыпынча да азайбайт,
кандай эле океанга ийнени салып аны алганда
ийнеге жуккан суудай да азайбайт !

Бүгүн мусулмандар
Аллахтын айткандарынан алыстап баратканынан, Аллага баш ийүүнү унуткандыктан дүйнө мусулманга баш ийбей жатат . Ким Аллага баш ийсе,
дүйнө ал адамга баш ийет эле. .

Бүгүнкү күндө бир мээнет, иш жүрүп жатат
ал ишти кылган адам биринчи өзү оңолот!
Бүгүнкү күндө баардык адамдар
бирөөлөрдү оңдоонун аракетинде жүрөт,
бирок бир гана даават бул ишти кылуучулар
жалгыз өздөрүн оңдоонун максатында жүргөн
жападан жалгыз бактылуу инсандар !
Азыркы күндө ааламда интернет өчүп калса
баардык топ-топ болуп бөлүнгөн жамааттардын иши токтойт, бирок дааватчынын иши кыямат болгонго чейин улана берет.
Дааватчы ар бир үйгө барып эскертет да.

Эхххх….
Инсан эч качан өзүнө жакшылык тилөөдөн чарчабайт . Дуба кылганда башкаларга караганда өзүнө көбүрөөк жакшылык тилейт .
Бул дүйнөнү, өлүм келгенде бул дүйнөдө калып кетүүчү нерселерди сурайт, ден соолук шыпаа сурайт, тынчтык сурайт, намаз окуган адам болсо акыретти каалайт, Бейишти тилейт,
кабырдын жашоосунан сактанууну каалайт.
Адам эч качан өзүнө жакшылык тилөөдөн чарчабайт .
Фуссилат сүрөөсүнүн 49 аятында айтылгандай да : Инсан өзүнө жакшылык суроодон тажабайт.

Бирок мусулман адам кандай ?
Өзүнө да жакшылык каалайт, башка бирөөгө дагы өзүнө каалаган жакшылыкты тилеп жүрөт.

Бала мектепте окуп жүргөндө атасы:
Оку балам ! Окуп алгын, илим үйрөн, тил үйрөн !-десе укпайт .
Эжекеси : Окуп ал, жазууну үйрөн десе тоготпойт . Эртерээк чоңоюп, эртерээк студент болууну каалайт .
Адамдын ырыскысы анын жакшы окушу,
2 ге же 5 ке окушуна көз каранды эмес .
Тамга тааныбай жүрүп мектепти бүткөн адам да турмушунда элде жок үйгө, машинеге,
эл жебеген тамак-ашка жетишип калуусу мүмкүн . Эң жакшы окуган окуучу,
кээде жашоодо кыйналып калуусу деле мүмкүн,
айтайын дегеним ырыскы тагдырга жазылган !
Өлүм кандай акыйкат болсо,
анын ырыскысы да жазылган, ал да акыйкат .
Сиз чуркасаңыз ырыскыңыз көбөйүп калбайт,
таштасаңыз азайып калбайт.
Сиз өзүңүздүн милдетиңизди кыла бериңиз ..
Пайгамбарыбыз эмне кылган ?
Кербен менен сапарга чыгат эле,
соода кылып бизнес кылганго .
Кой багып, төө саткан учурлары болду элего.
Ырыскы өзү келет деп жатып алган эмес .
Аллах Таала берет деген ишеним менен
биз пенделик милдетибизди аткара берейли.

Ошентип, мектепти бүтүп студент болот
же бир жерге жумушка кирет .
Бирок артын караса окуучулук күндөрү жакшы экенин, ошол убактагы эжелердин айтканын угуп окуп алганымда деп өкүнөт .
Бирок өмүр бир келет, мүмкүнчүлүк кайтпайт,
кеткен кайра кайтып келбейт ..
Түшүнүктүү болуп жатабы?

Адамдын акылы көп нерсеге жетпейт, алсыз.
Кээ бир иштин зыян экенине ушул сыяктуу
ошол иш аяктап
качаан зыян тарткандан,
зыянды көрүп туруп кийин ишенет .
Зыян, чыныгы зулумдук бул – акыретти билип туруп, ага даярданбай коюу .
Күнөөкөр ыймансыз адам кабырга киргенде,
кабырда азап чеккенде,
мункар накир периштени көргөндө
анан өкүнөт бул жашоодо эле жашай берсем,
кана эле кайтканымда:
Эй Аллах !? Мени дүйнөгө кайтаргын,
мен дүйнөдө жакшы амалдарды жасап келейин,
күнөөлөрүмө тообо кылып,
намаз менен кабырымы нурлантып,
астыма бир төшөнчү алып келейин деп
өкүнөт, бирок жаштык учур бир ирет берилгендей, окуучулук күндөрү кайтып келбегендей ага кайтууга жол жок болот.

Айтайын дегеним урматтуу мусулман бир туугандар сиз бизге берилген убакытты
акыретибизге пайдалуу пайдаланайлы.
Аллах Таалам Куранда :
Тозоктун өтө жаман жер экенин бир нече ирет кайталап айтат .
Тамак-аш жебей койсоңуз энеңиз какшап кететго кайра-кайра кайталап, балам же , ыссык бир нерсе же, жеп алгын балам, жеп алчы ! -деп ..

Биз Аллахты тааныйлы туугандар !
Тууганым билесиңби ?

Бул дүйнөгө жаралган ар бир жандын,
ар бир нерсенин, ар бир буюмдун
өзүнүн жаралуудан максаты бар .
Алыска барбай, өзүңүздүн үйүңүздүн
айланасына эле көз чаптырыңызчы ..
Эшиктерине караңыз ..
Эмне максаты бар анын ?
Албетте сууктан тосуп,
жылуукту чыгарбастан өз кызматын аткарат ..

Терезелерге караңыз ..
(жөн эле окуп койбой караңыз !)
Эмне кызмат аткарып жатат ??

Албетте үйгө жарыктык берет !
Үйдүн ичинде салынып турган
килем-төшөктөр
эмне кызмат аткарып жатат ?
Албетте адамдар олтуруп,
жатып эс алуу үчүн жасалган !
Өз максатын толлук аткарып жатат !

Караңыз электр ысыткычтары эмне кызмат аткарып жатат !?
Анын жаралгандан бир эле максаты бар !
Ал үйгө жылуулук берип турат,
өз максатын жансыз темир болсо дагы
толлугу менен аткарып жатат !
Туурабы туура эмеспи ?

Айланаңызды караңыз ..
Бир дагы максатсыз,
максаты жок эле жасалган,
максаты жок эле
жаралган нерсени таап бериңизчи !
Андай нерсе жок ..

Анан кантип
эң акылдуу эсептелген
«Адаам баласынын»
жаралган максаты жок болсун !?
«Мен бул дүйнөдө
эмне кылып жүрөмүн?» – деген суроону
өзүңүзгө берип көрдүңүз беле ?
«Кайда барамын ?» – депчи …
«Каяктан келдим ?»- депчи . .

Адам кээде,
өзүнүн кылган ишине,
тапкан акчасына,
жүрүм турумуна таң калып:
«Мунун баарына мен өзүм жетиштим !
Мен акылдуумун !»- деген ойлорго оролуп, жүрүм-туруму өзгөрүп калат ..

Тууганым ?!
Мен сенден бир нерсе сурайын ..
Ушул суроого жооп берчи
«Аллахты эстөөдөн
сени эмне тосуп турат ?»

Өзүңө суроо берчи ..
“Аллахты эстешиңе
тоскоолдук берип жаткан нерсе эмне ?”
Мен ушул эле суроону берейин .

…… Ойлончу тууганым ?
Аллах Таалам
сизди бир секунд дагы
унутуп, таштап койгон жокко !
Аллах Таалам Куранда
сиз менен бизге ушундай кайрылат :
«Йааа аййухал инсаану
маа горрока бироббикал кариийм !»
Ээй инсаан !
Сени Улуу Роббиң тууралуу эстөөгө
тоскоол болуп,
эмне нерсе сени алдап
(алаксытып) койду !?»

Куранда башка бир аяттын маанисинде
Аллах Таалам айтат :
«Эй инсаан !
Акыры сен бир убакта
бул дүйнөдө жок элең го ?»
Сиз бул дүйнөдө жок элеңиз !
Эненин ичинде да жок элеңиз ,
сизди эч ким тааныбайт эле !
Сизди төрөлөт деп эч ким ойлобойт эле!

«¹Чындыгында инсандын үстүнө
замандан ал тилге алаарлык бир нерсе
болбогон убакыт – мезгил да келген !
²Чындыгында, инсанды
(бойго жеткенден кийин шарият буйруктары менен) сыноо максатында
(аталык жана энелик сууларынан)
аралаш болгон
бир нутфадан – уруктан жараттык !»
(Инсаан сүрөөсү 1-2 аят..)

Бүгүнкү күндө
адамдардын колун акча тийип
калса башкаларды көзгө илбей калат .
Эй досум !
Кайсыл жерден чыкканыңды унуттуңбу ?
Сени Жаратуучу бир тамчы сассык
нитфа уруктук суудан жаратты элего ?

Сен өзүңдү алдаба !
Менин чөнтөгүмдө акча бар,
астымда кымбат унаам бар ! – деп…

«Инсанды бир нитфа
сассык суудан жараттык !»
Сизди бир уруктук
сассык суудан жараткан !

Муну жүрөгүндө кибир,
башкаларды өзүнөн төмөн көргөн
текебер, кекирейип
басып жүргөндөр окусун муну !
Баардык күч-кубатка,
баардык ийгиликке,
баардык нерсеге өзүм жетиштим,
Менин Аллахка убакытым жок
деген инсандар уксун муну !
Сени – мени сассык бир суудан жаратты !
Кечиргиле
мындай сөздөрдү айтканым үчүн !
Бирок акыйкатты айтпасам,
бул жерде олтурганымдан эмне пайда?

Сиз бир сассык суу элеңиз !
Ошол нерсе жерде жатса,
бирөө акча берем карма десе,
жийиркенип кармай албайт элеңиз !
Жагабы жакпайбы бул акыйкат !
(Катасы болсо айткыла)!

Үлкөн аалым Ибну Таймия ушунчалык жүрөккө жетүүчү бир сөз айткан:
«Нажас чыкчуу жерден
бир эмес эки жолу чыгып дагы
жүрөгүндө кибири бар адамдарга
таң калам !»- деген ..

Сиз сийдик өткөн жерден
бир эмес эки ирет өткөнсүз ,
анан кантип ушул инсандын жүрөгүндө
текебердик болсун ? ??
Аллах Таала сени
эненин ичине жайгаштырып,
бир үзүм коюу кан, бир үзүм эт кылып,
андан соң сөөктөрдү берип,
Көрүү үчүн көздү берип,
угуу үчүн кулакты берип,
сүйлөшүң үчүн тилди берип,
кыймылдап басып жүрүүң үчүн
кол менен бутуңду жаратып бербедиби?

Ошол кезде
каякта эле сенин байлыгың ?
Каякта эле сенин мансабың !
Каякта эле сенин күч – кубатың !
Интернет, одноклассник
ватсапп, Фейзбугуң кайда эле ?
Мал мүлкүң кайда эле ?
Сени жаратып жатканда
ушул нерселер каякта эле ?
Бүгүн сен ушул нерселерди деп
Роббиңден алыстап баратасың ?

Сулуулугуң кайда эле ?
Сенин сүйүктүүң кайда эле ?
Бир кызды жактырсаңыз,
бир жигитти жактырсаңыз
түндөсү үчтө туруп телефон менен
кел десе, суукка карабай жуунуп,
атыр себинип пешком жөнөйсүң !
Капа кылып алуудан коркосуң !
Сага өмүр берип жаткан,
ден – соолугуңду берген
Аллах Таалага чакырып
Багымдат намазына азан айтылса
жуунуп – таранып Роббиң тарапка
басуудан тартынасыңбы ?
Өз Роббиңе мамилең ушулбу ?

Тогуз ай энеңдин ичинде ким бакты эле?
Досторуң жок эле,
колуңдан эч нерсе келбейт эле .
Ким сага энеңдин ичинде
сууда дем алууну ,
курсакты тойдурууну ким үйрөттү ?
Кайсыл университет ,
кайсыл мектеп !?

Адам сууда 5 минута турса
думчугуп, аба жетпей өлөт экен.
Аллах Таалам Кадр,
Мүмкүн эмес нерсени
мүмкүн кылып коюуга !
Беш минута эмес Тогуз ай сууда жашадың,
ким сага Өмүр берип
Дүйнөгө келүүңдү насип этти ?
Эстечи энеңдин ичинде жаткан убакты?
Элестетчи …

Көрдүңбү сенин эч нерсеге акылың
жетпейт эле ..
Энеңдин ичинен чыгууну
жеңил кылып койду,
сен бул дүйнөгө төрөлдүң ..
Жыңалач элең, акылың жок эле,
колуңдан эч нерсе келбейт эле !

Сенин буттарың бар эле,
бирок сен басалбайт элең..
Колдоруң бар эле,
бирок кармай албайт элең !
Оозуң бар эле,
тиштериң чыга элек эле,
сага ким ырыскы берди ошондо ?

Эненин сүтүн эмүүнү,
сорсоң сүт чыгуусун түшүнбөйт элең ..
Бүгүнкү күндө бир дагы мамлекет,
бир дагы окумуштуу,
бир дагы өнүккөн техника,
болгон мал-мүлкү менен
Эненин көкүрөгүндөгү сүттүн ширин
даамындай болгон сүттү,
бириси дагы жасай алышкан жок !

Бирок Аллах Таалам
ушул ширин даамдуу сүттү
эненин көкүрөгүнө
ким үчүн жайгаштырган эле ?
“Бирөө төрөлсө энеге сүт өзү келет”-
деген түшүнүк бул ыймансыз адамдын түшүнүгү !
Качаан бир бала төрөлсө,
ошондо энеге сүт келет,
Аллах Таалам ошол төрөлгөн наристеге
берген ырыскысы ошол болот ,
Аллах берип жатат деп айтайлы !

Худба – хууд Бул дегени :
«Күн өзү батып жатат,
ай өзү чыгат, жамгыр жазда жаап,
көпөлөктөр, чымын-чиркей чыгып,
шамал болуп, суулар өзү агып,
булуттар карайып, чагылган болуп,
кышта өзүнөн өзү суук болуп ,
жайда өзүнөн өзү эле ыссык болуп,
табияттан болуп жатат дегендер
бул – каафыр адамдын түшүнүгү !
Аллаах кылып жатат дейли !

..Эненин көкүрөгүндөгү сүттү сен үчүн
Аллах Таалам жайда салкын,
кышта жылуу кылып берет эле !
Түнү менен уйкусунан ажырап,
кыйналса дагы балам деп,
терметип чыккан энеңдин жүрөгүнө
сага болгон мээримди
салып койгон ким эле ?
Колдоруң кармай албайт эле,
Аллах ага уруксаат берди ..
Буттарың баспайт эле,
Аллах ага да уруксаат берди !
Аллах сага тиштерди чыгарып берип,
жүзүңдү келбеттүү кылып койду..

“Лакоди холакунал
инсаана фии ахсани такуийвм” :
Инсандарды өттө суулуу келбетте жараттык ! -деп Куранда айтат .
Адам мындан да сулуу болушу
мүмкүн эмес !
Мурдуңузду колуңуз менен жаап
күзгүдөн караңызчы каанча куник көрүнүп калат экенсиз ?

Ким берди сизге бул келбетти ?
Аллах Таалам сизге айтып жатат:
“Адамдын жүрөгү ар бир соккону үчүн
Аллах Тааладан уруксат сурап
анан согот !”
Канча жылдан бери
Аллах Таала бир жолу болсо дагы
жок дедиби ?
Адамдын жүрөгү күнүнө
100 000 ден ашык соксо,
бир жолу болсо да сенин дем алып
дем чыгарууңа жок дедиби ?

Керек болсо сен күнөө иш кылып жатканыңда дагы,
харам нерсе менен алек болуп жатканыңда дагы
Сен зынаа кылып жатканыңда дагы,
өзүңө зулумдук кылып тамеки тартып,
харамды ичип жатканыңда дагы,
керек болсо Аллахтын газабын келтирүүчү иштерди жасап жатканыңда дагы, сенин жүрөгүң дем алганы үчүн
Аллахтан уруксат сурайт,
Аллах Таалам бир жолу болсо дагы
«Жок!» – дедиби ?

Бүгүнкү күндө адамдар бири-бири менен
бир ааз эле капалашып калса
жылдап сүйлөшпөй,
жүз карашпай коюшат ..
Бир эле ката үчүн бактылуу жашап жаткан жаш-жубайлар,
бир ката үчүн эр-катындар өмүр бою
бири-биринен ажырашып кетишет !
Аллах Таалага
канча күнөө кылып койсок дагы
сиз менен бизди ал Зат унутуп
таштап койдубу ?
Аллах Таала да сабырдуу Зат экен караңызчы.
Канча күнөө кылбайлы жаза берүүгө эч шашпайт, тообо кылат деп
Боорукердүү сыпатын үстүн коёт .

Бүгүн сиз акыл эстүүсүз .
Келбетиңиз келишкен, күч кубатка ээсиз .
Колуңуз менен кармап,
бутуңуз менен баса аласыз,
ал эмес курсак ачканда өзүңүз үчүн
бир нерсе кууруп жей аласыз ..
Сиздин Аллахка убакытыңыз жокпу эми ?
Ушундай Мээримдүү Затка
убакыт ажырата албайсызбы ?
Сиздин убактыңыз ушунчалык тарбы эми ?
Сизге бул керек эмеспи,
же Аллахка ушундайча шүгүрчүлүк билдиресизби тууганым ?

Мисал айтайын :
Сиздин астыңызга ушунчалык абалым начар, курсагым ач, колумдан эч нерсе
келбей турган даражада барып,
тамак берүүңүздү сурандым…
Сиз бир табак кылып
эң жакшы тамакты даярдап берсеңиз,
мен тамакты жедим да
муктаждыгымды бүтүрүп алышым менен,
табакка түкүрүп колуңузга карматтым .
Ахвалыңыз кандай болоор эле?
Ошол сыяктуу ушунча жакшылык
ушунча неъматтарды берген Аллахка
убакытыңыз эми тарбы сиздин ?

………… Ар биир адам өзүн Динге,
Аллахка муктааж сезип жашаш керек.

Өзүн, акчага,
дүйнөгө эле муктаж сезип өтүп кетпесин.
Дин болгону үчүн сиз менен биз
татыктуу адам катары жашап жатабыз !
Дүйнөдөгү менмин деген мамлекеттердин
жазып чыккан мыйзамдары,
бир дагы мамлекеттин мыйзамы,
бир өлгөн адамды кандай көмүш керек?
Ошону айтып бере албайт ..
А дин болсо,
өлгөн адамды жууп, апакай кылып ороп,
алып барып жаткырып,
сый көрсөтүп жатат ..
Бир дагы падышачылыктын
мыйзамы бир на махрам аял
менен намахрам эркекти никелейалбайт!
А дин болсо ошону дагы,
туттуңбу, кармадыңбы деп никелеп
батасын берип жатпайбы ?

Аллах Таалам өттө кымбат нерселерди
өттө арзаан кылып койгон ..
Өттө арзан нерселерди
өттө кымбат кылып койгон .
Уйку адамга канча керек ээ?
Адам эгер бирнече күн уктабай жүрсө
көз жумушу мүмкүн.
А бирок уктаганыңыз бекерго ?)
Эч ким акча сурабайт,
акчаң жок болсо жатып уктай бересиң ..

Аба адамга канча керек,
дем аласың, кымбат нерсе ..
Бирок эч ким акы сурабайт ..
Эң арзан кылып койгон ..
Суу адамга канча керек туурабы ?
Бирок
Аллах Таалам бекер эле берип жатат.
Көрүү адамга канча керек .
Светтин акчасын төлөбөй койсоң
эртеси үзүп кетишет .
Бирок көрүп жүргөнүңүз үчүн акы сурадыбы?Сүйлөө адамга канча зарыл
бекер эле берип койдуго .

Ал эми алтын-темир, таш-тезек,
булар эң арзан нерселер
сиз биз үчүн эң кымбат кылып койгон ..
Бирок адам бул нерселерди көрбөй
деле жашап өтүп кетсе болот )..

Адам баласы эгер дин менен жашабаса
айбандан, жаныбарлардан
төмөн жашап өтөт !
Эмнеге ?
Анткени көрдүңүз беле
эки буканын көлдүн боюнда
дасторконду жайнатып коюп
авратын ачып, күнгө какталып
пиво ичип жатканын ?
Же көрдүңүз беле
эки эчкинин өллө мас болуп,
аракка тоюп алып бири-бири менен көчөдө мушташып сүзүшүп жатканын ?
Көрдүңүз беле же
Ош менен Бишкектик койлордун талпама-талпа болуп бири-бирин уруп,
МВД менен СОБР да иштегендер бөлүштүрүп чуркап жүргөнүн ?
Же көрдүңүз беле
Эки Уйдун жолдун боюнда машинасын
токтотуп коюп, музыканы бакыртып алып
бири-бири менен өбүшүп жатканын ?
Же көрдүңүз беле текелердин,
иттер менен чогуу олтуруп илебин
дөлдөйтүп Насывай салып,
оозуна Тамеки салып
асманга түтүнүн чыгарып коюп
маектешип олтурганын?)

Козулары кечинде түн жарымга чейин
дискотекада жүрүп, өллө чарчап
үйгө жетпей буканын үйүндө жатып калыптыр дегенди уктуңузбу ?

А бирок адамдардын кылганын угуп көрүп эле жүрбөйбүзбү !?)
Көрдүңүзбү ,
эгер адамбаласы Дин менен жашабаса
айбандан төмөн жашап өтөт !!
Айбан кылбаганды адам кылып калат..

Адам баласы гана өзүнүн негизги максатын унутуп жашап жатат…
Памидорду көрдүңөрбү
жоок мен Бадыраң болом деп
жашыл түскө бойонуп алганын ?
Же көрдүңөрбү
мен тоголок болушум керек деп сабиздин картошкага окшошуп алганын?

А бирок адам баласы бүгүнкү күндө,
Европаны туурайбы билбейм,
эркектер аялдарга,
аялдар эркекче кийинип эркек болуп алгандары жок эмес ..
Насывай менен Тамекиге кул болбогун!
Эркексиңби,
эркиң күчтүү болсо азыртан баштап таштап салгын !
Качанга чейин өзүңдүн напсиңе кул болуп жүрүп, өтүп кетесиң ?
Качанга чейин машинаңын көчүгүнөн чыкчуу түтүндү,
ичиңден (оозуңдан) чыгармакчысың ?
Нафсаний эмес,
руханий ыраахат алууну үйрөнөйлү!
Ибаадатка кел, Роббиңе кул бол !
Анткени Ал Зат гана,
суранууга, жалбарууга
чыныгы сыйынууга татыктуу Зат !

Бирөө келип бизден:
«Насывай менен тамеки арамбы ?»-деп сурайт бир күнү …
Биз айтат элек,
ар бир Аллахтан корккон,
акыретке ишенген чыныгы
Ыймандуу момун адам үчүн
Бул нерселер эч качан адал-эмес !
Кыяматта ар бир нерсең үчүн
жооп бересиң,
анын ичинде ден-соолугуң үчүн дагы аны эсиңде чыгарба бир туганым !
Куранда,
арактын арам экени аччык айтылган.
Тамеки тууралуу айтылбаса дагы,
окумуштуулар айтып жатат:
«Аракка караганда тамекинин зыяны
бир нече эсе көбүрөөк !”-деп..

Арактын жыты 4-5 күндө кетет,
а бирок тамекинин жыты
адам өлгөнгө чейин кетпейт !
Өлгөндөн кийин дагы,
түсү карайып бир нече саатта өңү өзгөрүп тамеки сасып чыгат экен .
Денесине тамекинин жыты батып калса,
анын бечара аялынын шору дейт ..
Өмүрүнүн акырына чейин чыныгы
эркектин жытын жыттай албай өтөт!

ТАМЕКИ ЧЕККЕНДЕРГЕ ДАГЫ ЭМНЕ
ДЕП АЙТУУ КЕРЕК !?
Адам жашоодо эмне менен алек болсо
ошол нерсеге көнүп калат экен …
Намаз көп окугандар
кабырдагы периштелер
сурак алуу үчүн тургузганда:
«Эмне болду, Намаз убактысы болуп калдыбы, коё тургула намаз окуйун !»-
дейт экен ..
Сигерет, нас чеккендер
кабырда эмне дээр экен ээ?))
Периштелер сурак үчүн тур десе,
көзүн ачып, периштеге карап:
«Сигерет барбы ?
бир Настан таштаң !»-дейт да)))
Бизге бул Балким күлкүдүр…
А бирок кабыр жашоосу,
тозоктун чуңкурунан болгон бир чуңкур.
Же Бейиштин бакчаларынан болгон
бир бакча ! (хадис).
Билесизби ?
Сарымсак жыттанган адамга
периштелер ызаа болуп,
жакын барууга кыйналат экен..
Тамеки сарымсактан да сассыгыраак ал адамга эми периште эмес
Шакелер келбесе эле билбейм …)
Насывай менен тамекини
таштай албайсыңбы,
өзүңдүн нафсиңди жеңе албайсыңбы,
анда Мен эрекмин деп
басып жүрүүдөн уялгын !
Тамекини сурасаң,
тартып баштаганда бисмиллах
деп баштап бүткөндө
Алхамдулиллах деп айта албасаң,
анын жообун өзүң да билесиң,
арамбы же адал бекенин !
Тамеки менен насывайдан мен жийиркенемин !
«Адамдар жийиркенген нерседен
Периштелер дагы жийиркенет !»
Аллах Таала бүт ааламды жаратуудан мурда
ар бир нерсенин тагдырын жана ырыскысын жазып койгон. Биринчи кезекте “калемди” жаратып “Жазгын !”-деген өкүм болду..
Калем айтты: “Йаа, Робби !? Эмнени жазайын ?!” Аллах Таалам айтты:
“Кыяматка чейин келүүчү ар бир нерсенин тагдырын жаз !”-деп буюрду.

Сиз иштеткен супер маркет, контейнер, магазиндер тилемчинин сураган колу сыяктуу. Аллаах ошол жерге ырыскы берсе анан береке болуп, андан пайдаланып жатасыз !
Сиз ойлобоңуз бизди ушул жер багып жатат!-деп. Аллах Таала ырыскы бергенинен, ошол жерден пайда алып жатасыз. Шыпаа – врачтын колунда эмес. Врач – керек болсо өзү деле ооруп, өзү деле өлүүчү жан. Шыпааны Аллах берет, врач өзүнүн жумушун аткарып гана коёт. Эгер Аллах шыпаа бербесе, ааламдагы врачтар чогулуп келип сактап кала албайт !

Кээде ойлобогон жерден тамак-аш келип калат, мына ошол сиздин ырыскыңыз ал тагдырда жазылган. Кандай эле өлүм ар бир жандын тагдырында бар болгону сыяктуу, анын ырыскысы дагы өзү менен чогуу жүрөт..

Сиз дарак эккениңизде астындагы топуракка кошуп краска же кум шекер кошуп эгесизби? Жоок, топуракты эле таштап коёсуз, бирок ошол дарак өрүк болсо, чоңоюп мөмө алса, каттуу бир отундан жумшак жана ширин мөмөлөр чыгат, ким кылды аны? Аллах кылды! Узуун-узун теректердин чокусуна насос мененсиз суу жеткирипжатасызбы? Анын ар бир шагына, ар бир бутагындагы бүрлөрүнө чейин ырыскы берип жаткан зат – Аллах !

“Силер эгип жаткан эгиндериңер тууралуу эч ойлоп көрдүңөрбү? Аны силер өндүрүп-өстүрөсүңөрбү же Биз өндүрүүчүбүзбү ?” (Ваакиа 63-64).

“Ичип жаткан сууңарды көрдүңөрбү? Булуттан аны силер түшүрдүңөрбү же түшүрүүчү Бизби? Эгер кааласак аны ачуу кылып коймокпуз. Эмнеге, шүгүр кылбайсыңар? Күйгүзгөн отуңарды көрбөйсүңөрбү? Анын дарагын силер жараттыңарбы же жаратуучу Бизби ?!” (Ваакиа 68-72).

Сиз балалуу болуу үчүн, шарият жолу менен себебин кылып, сууну эле куя аласыз, бирок ага жанды ким берди? Колдорун, буттарын, көздөрүн, сүйлөө үчүн тилди ким берди?

“Силер өзүңөрдүн куйган уругуңарды карабайсыңарбы . Аны силер жаратасыңарбы же жаратуучу Бизби ?” (Ваакиа 58-59)

Өрүктүн данеги жумшак, бирок сырткы кабыгы өттө каттуу.. Ошону да тешип чыгып тамырлап кетет. Аллах Таала жаратты, сиз суу элеңиз, жаныңыз жок эле, бирок тирилтти жана күнү келип кайра өлтүрөт, кыяматта кайра тирилтет ! Эгер таңды аттырбай койсо кимдин күчү жетет күндү чыгарууга! Күндү Аллах Таалам батырбай койсо, ким караңгыны киргизе алат! Түндөсү жылдыздарды көрсөтпөй, булут менен каптап, тосуп койсо ким аны көрсөт алат ! Жамгыр жаадырбай, жерден бир дагы нерсени чыгарбай койсо ким жаадыра алат жамгырды?

“Акыйкатта, Аллах урукту жана данекти жарып өндүрүүчү, өлүктөн тирүүнү чыгарат, тирүүдөн өлүктү чыгаруучу. Мына ушул Аллах ! Аны таштап кайсыл жака бара жатасыңар? Ал таңды аттыруучу жана түндү силерге эс алуучу орун кылды. Күндү жана айды силер эсеп-кысап (календар) кылууңар үчүн жаратты. Мунун баары – Мартабалуу , Билүүчүнүн өлчөм койгондору. Ал кургактагы жана деңиздеги караңгычылыктарда жол табууңар үчүн жылдыздарды жаратты. Биз аяттарыбызды (жакшы,жаманды) билген коомдор үчүн мына ушунтип баяндадык. Ал силерди бир жандан жаратты (силер үчүн жатынды) орун жана атаңардын белин жай (кылды) чынында түшүнгөн коом үчүн аяттарыбызды баяндадык. Ал асмандан жамгыр жаадырат. Биз аны менен өсүмдүктөрдөн баардык нерселерди чыгардык. Андан жашыл өсүмдүктөрдү, тизмектелген данды, курма дарагынын мөмөсүнүн чанагын жана жалбырактары окшош, а мөмөлөрү окшош эмес жүзүм зарларды, зайтунду, анарды (өстүрөбүз). Алар мөмөлөгөндө жана бышып жетилип, түшүм бергенде мөмөсүнө карагылачы. Акыйкатта мунун баарында ыймандуулар үчүн үлгү бар!” (Ан’аам 95-99аяттар).

Канчалаган айбандар өздөрүнө азыгын камдап алышпайт. Аллах аларга да, силерге да ырыскы берип жатат, Ал гана – Угуучу Билүүчү” (Анкабут – 60 аят)

Аллах Таалам угуу менен көрүү нематын алып салса, кайсы кудай сизге кайтарып бере алат ? (Ан’аам 46 аятты караңыз).

Айткылачы, эгер Аллаах кыяматка чейин караңгы кылып койсо, жарык кылып берүүчү кудайыңар ким ? Кыяматка чейин күндүз кылып койсо, түн кылып берүүчүңөр ким ?

Шамалды токтотуп койсо, салкын кылуучуңар ким?

“Силердин андан башка кудайыңар жок” (А’роф – 59)

“Эсиңерде болсун !
Жаратуу жана бийлик жүргүзүү – Ага гана таандык ” (А’роф 54-аят).

“Эгер Аллах сени бир кырсыкка учуратса, Андан башка эч ким куткара албайт! Эгер Ал сага жакшылык жөнөтсө, эч ким токтото албайт . Ал аны өз пенделеринин ичинен каалагандарына берет. Ал – Кечиримдүү, Боорукер ” (Юнус – 107).

“Баардык мактоо – Эгебиз, асмандардын Эгеси, жердин Эгеси жана ааламдардын Эгеси – Аллахка таандык. Асмандарда да, жерде да улуктук – Ага таандык. Ал Мартабалуу, Даанышман!” (Жаасия – 36 аят)

Эй пендем ?
Билем сен мээримдүүлүккө муктажсың, Мээримдүүмүн Мен!
Билем сен коркосуң, ал Му’мин Баардык нерселерге амандык, тынчтык, бейпилдик Берүүчү менмин!
билем сен күнөө кыласың, кайгырасың, күнөөңдөн арылгың келет, Гофуур – күнөөлөрдү кечирүүчү Менмин! Гоффаар – өттө көп кечиремин ! Афувв – кечиргенди Мен жакшы көрөмүн !
Адилеттүүлүккө муктажсың сен, Адл, Адилеттүү менмин !
Сен жумшактыкты жактырасың, ал Халиим – Сылык, Жумшакмын Мен!
Билем бирөөнүн жардамына муктажсың, ал Валий – жардам берүүчү досуң Менмин! Коркоксуң сен – Хаафииз – Өз Паанамда сактоочо Менмин !
Сен бир нерсе кылаарда бирөөгө муктаж болосуң, Мен – Кадрмын, Баардык нерсеге өзүм эле жетишем!
Кантип жетишесиң эй Аллах ?
Анткени Мен Муктадирмин, Өтө кудуреттүүмүн, Ахадмын жалгызмын, ал Ваахид жападан жалгызмын, Эч кимге, эч нерсеге муктаж болбогон ас Сомаад менмин !!

Бирок эй пенделерим күнөө кылсаңар – Каардуумун, ал Мунтаким Өч алуучумун !
Эгер тообо кылсаңар – Афувву каталарды жууп жиберүүчү, Ар-Роуф – өттө Мээрбанмын! Билем курсагың ачат – ар Роззаак ырыскы берүүчү менмин ! Аллах Таала сиз бизге дагы эмне кылып берсин ?!

Түндү бердим укташ үчүн, күндүздү бердим иштеп-эмгектенүү үчүн, ибаадат үчүн, жерлерди жумшак кылып бердим, үйлөрдү салууңар үчүн !

Аллах Таалам сиз бизге дагы эмне кылып берсин ?
“Оо адамдар ! Аллах силерге берген жакшылыгын эстегиле: Силерге асмандан жана жерден ырыскы бере турган башка Жаратуучу барбы ? Аллахты таштап кайда бара жатасыңар?” (Фаатир 3).

Аллах Таала сиз бизге дагы эмнекылып берсин?
Ыйманыңды сакта – деп смс келсинби эми ?
Бир эле нерсе калды өзү,
Жабраил периште Борбордук аянтка бүт элди чогултуп туруп:
“ТУУГАНДАР МУНУН БААРЫ ЧЫН !”…
:)))

Инсан күнөөкөр, Робби кечиримдүү ! .

Али Оши, атайын “Formula.KG” сайты үчүн.
‍‍‍ БАКТЫЛУУЛУК ФОРМУЛАСЫ

Запись АДАМ ЫЙМАНЫ МЕНЕН АДАМ впервые появилась Formula.KG.

Бул күзгүнүн аты өмүр деп аталат. Бул күзгүдөн ар ким өзүн көрүп жашайт,кээ бирөөнүн күзгүсү ушундай тунук жапжаңы болуп күнүгө аарчылып турат. Андайлар дайым Жараткандын эстеп, жакшы амалдары, даараты,окуган намазы, кураны менен өз күзгүсүн аарчып турат.Кээ бирөөнүн күзгүсү чаң басып анын кайдан турганын да унутуп калган. Андайлар бул жашоого бир келдим ойноп -күлүп ,жаштыгымды текке кетирбей, жыргап жашап калайын деп Жаратканды унуткандар. Өлүмдүн келиши чындык экенин билсе да ага моюн сунбагандар.
Бул күзгү ушундай назик биз каалаганда эмес,биз күткөндө эмес ,биз даяр болгондо эмес,биз унутканда,биз көрүүнүдөн качканда күтүүсүздөн сынып калышы мүмкүн.Бул күзгү сенин “ӨЛҮМҮҢ “бир тууганым!

Өлүм – бул капыстан келген капсалаң, ажал – бул айттырбай келген ажыдаар! Өлүм жөнүндө биз көп угабыз. Аалымдар дагы аны бизге көп эскертишет. Бирок, биздин эсибиздин түбү тешик белем, уккан сайын унута беребиз, көргөн сайын көңүл бурбай кетебиз. Өлүм жөнүндө сөз кылсак булар өлүмдү айтып коркута берет экендер деп ойлоп жаткандырсыз э бир тууганым .
Эгер билсек өлүм биз үчүн табылгыс улуук насаатчы,эскертүү!
Ыйманың алсырап жатса өлүмдү эсте жүрөгүң ойгоно баштайт!
Жан дүйнөң караңгылыкка батып жатса өлүмдү эсте жашоого болгон максатың пайда боло баштайт!
Жараткандан алыстап моюн сунууну каалабай жатсаң өлүмдү эсте Анын алдында эмне деп жооп берем деген ойлор пайда боло баштайт! Ошондуктан өлүмдөн коркпойлу өлүмгө даяр болой өтүп кетүүдөн корколу!

Бул күзгүдөн канча -канча атактуу падыша,хан болгон инсандардын өткөнүн көрүп турасың.

Кудуреттүү Аллах Таала убадасында турду жана Фараондун денесин азыркы күндөргө чейин сактады. О, адамдар! Көргүлө жана сабак алгыла! Ушул фараон «мен түбөлүк кудаймын» деген болчу. Өлбөй калдыбы?! Анын заалым вазири Хамаан кайда?! Өлбөй калдыбы?! Атактуу Нимруд падыша кайда?! Ал дагы «менден башка кудай жок. Өлтүрүүчү да тирилтүүчү да менмин» дебеди беле?! Кана алар?!

Карачы кечээ эле сени эркелетип “уулум иштериң жакшыбы? Уулум андай кылсаң жакшы болот,мындай кылсаң туура эмес болот “-деп акыл -насаатын айтып төрүңдүн дөөлөтү, үй -бүлөөңдүн ырыскысы,таянаар тооң,жөлөнөөр зооң болгон аталар жок эми!

Карачы кечээ эле “жан кызым кандайсың? Күйөөңдү ук,кайнеңди,кайнатаңды сыйла,урматтап батасын ал “-деп асыл кеңештерин берип,мээрими, жүзүндөгү жылмаюсу менен сени күтүп узатып ,баарын бектип берип,дайым колдоочуң болгон апалар жок эми!

Карачы кечээ эле сени менен бирге оюноп ,бирге күлүп, чуркасаң бирге чуркап,жакшы -жаман күнүңдө от болсоң өчүрүп,кубанычыңды тең бөлүшкөн дос -кошуна-туугандарыбыз арабызда жок эми!

Карачы кечээ эле ата -апалап турган, жашоонун таттуусу ,өмүрүбүздүн келечеги деп бапестеп өстүрүп жаткан балдан таттуу балакайларыбыз арабызда жок эми!

Өлүм деген ушундай жаш -каарыга карабайт, бул күзгүдө бир күн өзүң да болуп калууң мүмкүн!

Эч бир адам кай жерде, кандай абалда өлүшүн билбейт. Аллах Таала айткан: «Ар бир элдин ажалы (б. а. өлүм үчүн белгиленген убактысы) бар. Качан алардын ажалы жеткенде бир саатка да кечиктирилбейт Жана тездетилбейт дагы» (А,РАФ: 35)

Азирети Умар (андан Аллах ыраазы болсун) халифа болуп дайындалган соң өз каражатына бир адамды жалдады. Анын болгон милдети, күн сайын Азирети Умарга (андан Аллах ыраазы болсун) келип: “Эй Умар! Аллахтан корккун, өлүм бар! “-деп айтуу эле. Ошентип ал адам айлап -жылдап өз ишин аткарып жүрдү. Күндөрдүн биринде Азирети Умар (андан Аллах ыраазы болсун) өзүн күзгүдөн карап, чачы менен сакал- муруту акырындан болсо да агарнанын көрдү. Анан ал күндө өлүмдү эске салып туруучү жалчынын мындан ары зарылдыгы жок экендигине ынанып, анын ишин токтото турган болду. Анда жалчы Азирети Умардан (андан Аллах ыраазы болсун):

-Эй, Умар. Эмне мындай жакшы пикириңден баш тарттыңбы? Деги сага эмне болду? -деп сурап калды.

Өзүнүн адилеттүүлүгү, эр жүрөктүүлүгү жана мемлекет башкаруудагы зор жетишкенликтери менен таанымал болгон жана Ислам тарыхында алтын тамгалар менен адилеттүүлүктүн үлгүсү катары жазылып калган. Азирети Умар(андан Аллах ыраазы болсун) жалчынын суроосуна мына мындай өтө маанилүү сөздөр менен жооп берди:

-Ушул убакка чейин жаш болчумун. Чачым менен сакал -мурутумду ак аралаган эмес болчу. Туура багыттан адашпоо үчүн ар күн мага өлүмдү жана Аллахтан коркууну эск салып турган бир үгүт насаатчыга муктаж болчуумун. А азыр болсо, күзгүгө караган убагымда чачым менен сакал -мурутумду ак аралап калганын көрдүм.
Мына, эми “өлүмдүн жарчысы катары ак аралаган чачым менен сакал -мурутум мага жетиштүү “-деп ойлоймун. Сен мага өлүмдү күндүн белгилүү бир убактысында эстетип турган болсоң,чачым менен сакал -мурутум ар убакта күзгүгө көрүнгөндө эске салып турат.
Адашпоо,жан дүйнөнүн тазалыгы,туура жолдо жүрү,бул -Аллахтан коркуп,өлүмдү эстөө менен өзүңө эскертүү бер!

«Бул дүйнөөгө батирчи сыяктуу жайгаш,үйдүн ээси сыяктуу жайгашып алсаң чыгууга кыйын болот ». А. Беккине..

Сөзүбүздү устазыбыздын сөзү менен аяктасак:

Урматтуу мусулман бир тууганым!

Өлүм бул ачуу чындык. Андан канчалык коркпойлу, кайда качпайлы баары бир башыбызга келет. Бүгүн бир адамды жууп кепиндедиң. Суунун ысык суугун сезип турдуң. Эртең сени да бирөөлөр жуушат. Бирок суунун ысык суугун сезбейсиң. Бүгүн Имамдын артында туруп бир адамга жаназа окудуң. Эртең да адамдар жаназа окушат, бирок сен имамдын алдында болосуң. Бүгүн бир адамды ийниңе көтөрүп кабырга алып бардың. Эртең сени да бирөөлөр ийнине көтөрүп кабырга алып барышат. Бүгүн бир маркумга арнап дуба кылдың. Эртең сага да бирөөлөр дуба кылышат. Бүгүн бирөө Мункар-Накирдин суроосуна жооп берди. Эртең бул суроолор сага да берилет. Бүгүн бирөөнүн жакындары боздоп ыйлашты, сен аларды угуп турдуң. Эртең сенин да жакындарың боздоп ыйлашат, бирок сен аларды укпайсың. Бүгүн амал кы лууга кудуретиң бар, эсеп-кысап берүү жок. Эртең эсеп-кы сап болот, бирок амал кылууга кудуретиң жок. Ошол себептен улуу сахаба Умар (Аллах андан ыраазы болсун) айт кандай бирөөнүн алдында эсеп кылынганча, өзүңө эсеп берип ал. Бул дүйнөнүн жарык күндөрүнөн пайдаланып кабырдын караңгылыгына даярдан. Пайгамбарыбыз (Ага Аллахтын салам-салаваты болсун) айткандай, кабат-кабат үйлөргө кызыгып, эки кулач кабырды эсиңден чыгарып койбо. Канткен менен, кабат-кабат үйүңдү, катар-катар машинаңды, сүйүктүү бала-чакаңды калтырып, бара турган жериң кабыр. Аны эч качан эсиңден чыгарба…

Аллахым, өтүп кеткен мусулман бир туугандарбызды кабыр азабынан өзүң сакта. Биздин да башыбызга өлүм келип, кабыр босогосун аттаганда суроолорго жеңил жооп берүүнү дилибизге салгын. Ар бирибиздин кетирген күүнөлөрүбүздү кечир. Өзүңдүн кереметтүү бейишиңде чогуу болууну насип кыл. Ассалааму алайкум ва рахматул-Лооху ва баракаатух!

Насиба Абдуллаева.

«БАКТЫЛУУЛУК ФОРМУЛАСЫ»

Запись ӨЛҮМ ЖАШОО КҮЗГҮСҮ… впервые появилась Formula.KG.

Урматтуу туугандар! Келгиле бүгүн кечирим кербенине отуруп, тооба шаарына сапарга чыгалы. Эй, Алланын пенделери! Эй, өзүнө-өзү зулумдук кылган пенделер. Качанга чейин күнөө деңизинде чөгүп жүрөбүз, качанга чейин адашуу көлүн кечип, качанга чейин каалоо, азгырык дарыясында чабак урабыз?!

Алла Таала айтып жатат:

«Айткын! (Оо, Мухаммад) “Эй өз жандарына зыян кылган пенделерим, Алланын ырайымынан үмүт үзбөгүлө! Чындыгында, Алла күнөөлөрдүн баарын кечирет, анткени Ал Кечирүүчү жана Ырайымдуу». (Зумар, 53-аят).

Ооба, Алла Таала – Кечирүүчү. Ал күнөөлөрдүн баарын кечирет. Чоң күнөөлөрдү да, кичинесин да кечирет. “Мен тоодой болгон күнөөлөрдү кылдым, канча жылдан бери күнөөгө малынып келе жатам, эми Алла Таала мени кечирбейт” – деп Алланын ырайымынан үмүт үзбөгүн!

Алла Таала – Кечирүүчү, кечиргенди жакшы көрөт. Бирок, бир шарт менен, ал шарт тооба кылуу. Аллага кайтуу. Чын жүрөктөн тооба кылуу. Чын жүрөк менен тооба кылсаң, Алла Таала кабыл кылат. Күнөөлөрүңдүн баарысын жууп кетирет. Чыныгы тообаны кабыл кылат, жалган тообаны кабыл кылбайт. Бүгүн тооба кылдым деп, эртең баягы эле тас кейпиңе түшсөң, анда бул тооба эмес. Көптөгөн адамдар тооба кылат, бирок алардын азы гана өздөрүнүн тообасында чынчыл, бекем боло алышат.

Сөзүм куру болбосун үчүн бир окуяны саймедиреп берейин. Мансур бин Аммар деген аалым айтат:

Менин бир досум бар эле, ал көп күнөөлөрдү кылды, бирок кийин тооба кылып, күнөөдөн кайтты. Мен аны Аллага сыйынуучулар, намаз окуучулар, орозо туткандар менен чогуу жүргөнүн көп көрчү болдум. Анын көп ибадат кылганын, тахажжуд намазын окуганын көрөөр элем. Кокустан, аны бир канча күн көрбөй калдым. Мага: ал ооруп калыптыр – деп айтышты. Үйүнө зыярат кылуу үчүн барсам, кызы чыгып: – атам ооруп жатат, жанына эч кимди киргизбе деп суранган – деп мени үйгө киргизүүдөн баш тартты. Мен атасынын досу экенимиди айтып, дагы бир жолу кирүүгө уруксат сурадым. Ал атасына кирип чыкты да, мага кирүүгө уруксат берди. Кирсем оорулуу короодо, төшөктө жатыптыр. Жүзү капкара болуп кетиптир, көзүнөн жаш агып жатат, эриндери көгөрө шишип, салаңдап калыптыр. Мен анын мындай кебетесин көрүп коркуп кеттим. Анын өлүмгө жакындап калганы жүзүнөн билинип турду. Мен ага: – досум, Лаа илааха иллаллах деп көбүрөөк келме айтыңыз – дедим. Менин үнүмдү угуп, көздөрүн ачты, бирок сүйлөй албастан эсинен танып калды. Бир аздан кийин кайра өзүнө келди. Мен ага: келмени көбүрөөк айтыңыз – деп кайталадым. Ал дагы эле тил күрмөй албады. Мен ага бир аз жакындап келмени кайталап олтурдум: лаа илааха иллалаах, лаа илааха иллалаах. Кокустан ага тил бүтүп сүйлөй баштады. Бирок, мен күткөндөй келмени айтпастан, кайра мага кайрылып: – ээ, досум, мага бул келмени айтып убара болбо, аны айтуудан менин тилим тыйылып калган – деди. Оозума кеп кирбей калды, кантип эле жапжакшынакай сүйлөп жаткан адам, эки ооз келмени айта албасын?

Менин оюмду бузуп, ал арманын айта баштады: – досум, мен Алла үчүн бир да амал жасабадым. Менин окуган намазым, туткан орозом, баары элдин сөзүнөн сактануу үчүн эле. Мен эл бар жерде гана ибадат кылчумун, эл көзүнөн оолактаганда баягы эле күнөө эшигине кирип кетчүмүн. Өзүң көрүп тургандай мындан мурда да эки жолу ушундай оорууга чалдыккам. Анда колума Куранды кармап, андагы аяттарды окуп, Аллага дуба кылганымда, ал оорума шыпаа берген. Бирок, айыкканымдан кийин Алланы унутуп, шайтандын жолуна түштүм.Кайра күнөөгө баттым.
Мына эми үчүнчү жолу жыгылдым. Бул жолу Куранды колума кармасам, тамгалары көзүмө көрүнбөйт.
Келме айтууга тилим күмөлбөйт.
Досум сөзүн токтотуп, бир азга тынчып калды.Анын жүзүнөн эмнегедир дагы тооба кылууга, кайра туура жолго кайтууга кызыкпагандай түрү көрүнүп турду.

Туугандар! Тооба кылууга шашылалы, чын жүрөктөн тооба кылалы! Кекиртекке өлүм келгенде тооба эшиги жабылып калат, бул учурда тооба кыууну кааласак да, кеч болот. Андыктан, эртерээк ойгонолу, эртерээк ойлонолу…

Улуу рамазан айында өзүбүздүн напсибизди тыйып,жаман адаттарыбыздан арылып жаткан болсок орозо бүткөндөн кийин кайра эле ошо кейипибизге түшүп алгандардан болбойлу. Балким бул мүмкүнчүлүккө жетпей калышыбыз мүмкүн. Жакшы амалдарыбызды бккем кармап улоочулоордон бололуу токтотуп койбой. Жогорудагы окуя сабак болсун биз үчүн….

Тооба мүмкүнчүлүгү кайра -кайра бериле турган  сен ойлогончулук оюн сыяктуу эмес ал Жараткандын эскертүүсү экенин эч унутпайлы!

Запись ЖАЛГАН ТООБАНЫН ЖАМАНДЫГЫ впервые появилась Formula.KG.