БАКТЫЛУУЛУК ФОРМУЛАСЫ

Эмгектин сыйы

✍Айылда бир бай адам жашачу. Ал айланасындагы кедей-кембагалдарга көп жардам берчү. Ооругандардан кабар алып, жаш балдарга түрдүү белектерди тартуулоочу.Ошентсе да, кээ бир адамдар анын байлыгына жана жоомарттыгына ичи тардык кылышчу. Ошондой ичи тар адамдарга байлыкка жетүү үчүн эмгек кылуу зарыл экендигин айгинелеш үчүн бай адам бир иш жасады.Ал элден эрте туруп, айылды жарып өткөн жолдун дал ортосуна чоң ташты тоголотуп алып келип, анын алдына бир баштык алтынды бастырып койду. Анан үйүнө кирип, терезеден ташты аңдый баштады. Ташка биринчи болуп уй айдаган уйчуман келди. Ал жолдун дал ортосуна туруп калган ташка таңыркай карап, анын кантип бул жерге келип калганына түшүнбөй, айланып өтүп кетти. Бир аздан кийин эшегин кыдыңдатып дагы бирөө келди. “Жолду тосуп салган кандай акмак” деп сүйлөнүп, ал да айланып өтүп кетти. Ошентип адамдар биринин артынан бири келип жатты. Бирок, бирөө да аны алып салууну ойлогон жок. Баары бул ишти жасаган адамга ачууланып, сүйлөнгөн болуп өтүп жатышты. Күүгүм кирип, көз байланып калган учурда, колуна кетмен көтөргөн жаш жигит таш жанына келди. Ал башкалар сыяктуу ачууланган да, сүйлөнгөн да жок. Кетменин коё коюп, ташты жол жээгине чыгаруу үчүн тоголото баштады. Ташты тоголотуп жатып, анын алдында жаткан баштыкка көзү түштү. Алгач ташты жол жээгине жеткирип, анан баштыкты колуна алды. Караса баштык ичи толо алтын экен. Жигит бул баштыктын ээсин кантип табуунун айласын ойлой баштады. Бир аз ойлонуп, эртең менен эл намазга чогулганда жарыя кылууну туура тапты да, кетменин алып жолун улантты.Бул окуяны баштан аяк карап турган бай адам, жигитке ичинен ыраазы болду.

Эртеси адамдар мечитке чогулду. Намаз окулуп бүткөн соң, жигит элге кайрылып:

– Кечээ күнү бир идиште алтын таап алдым, ким анын ээси экенин далилдей алса, аны кайтарып берем, ал үчүн алтындын кандай идиште экенин айтуусу керек, – деди. Ошол учурда бай адам ордунан туруп:

-Бул менин алтыным, ал кайыш баштыкка салынган жана анын ичинде кагазга жазылган кат бар, – деди. Жигит коюнунан баштыкты алып чыгып, оозун ачты да, ичинен оролгон кагазды таап чыкты. Анда “Ким ушул ташты жол жээгине чыгарса, алтын ошонуку” деп жазылган экен. Жигит катты окугандан кийин, бай киши элге кайрылып:

– Байлык эч качан өзүнөн-өзү келбейт, ал үчүн жалкоолукту таштап, эмгекчил болуу керек. Бул алтындар сенин бир аз эмгегиңдин кайрымжысы – деди да, алтындарды жигитке тартуу кылды….

Жакшылык кылуу ,жакшылыктын ээси болуу үчүн эмгегиң,аракетиң болуусу керек. Жакшылык кылгандарды Жараткан эч качан кур калтырбайт.

“Ким адамдарга жаккысы келсе Аллах үчүн амал кылсын. Мына ошондо адамдар аны жакшы көрөт “Умар ибн Аль -Хаттаб (Аллах андан ыраазы болсун) …

Сени жакшы көрөгөндөр бар деп кубанба, сен жакшы көрөгөн адамдар көп үчүн кубан. Анткени жакшы көрүнүш менен эмес жакшы көрүү менен жан дүйнөң бай,жүрөгүң сулуу,даражаң жогору болот….
Эч качан унутпаң бул дүйнө жакшы адамдар бар үчүн сулуу, тынч абалда,деңиз көтөрүлбөй,жер жарылбай,асман кулабай, күн өз нугунда батып кайра чыгууда! Өткөнчү өмүрдө жакшылардан болуп жашайлы!

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2yzMeui
✿ http://ift.tt/2l8etvu
✿ +996700334493
✿ WWW.FORMULA.KG

Запись ЭМГЕКТИН СЫЙЫ впервые появилась Formula.KG.

Зулкарнайын аскери менен жолдо келе жатып: ”Буттарыңарга илинген нерселерди жыйнай жүргүлө “-деп буйрук берет.
Аскерлери бул буйрукту уккан кезде ичтеринен бир бөлүгү :” Көп жүрдүк, катуу чарчадык. Түн ичиндебиз, ага кошо бутубузган тийген нерселерди жыйнап, дагы кыйналабызбы? Эч нерсе жыйнабайбыз”-деген чечимге келип, эч нерсе жыйнашпайт.
Экинчи бөлүгү :”Кол башчыбыз буйруган экен, амирине багынайлы, аз гана болсо да жыйнайлы. Анткени, кол башчыбызга моюн сунушубуз керек”-деп, аз гана жыйнашат.
Үчүнчү топ болсо : “Кол башчыбыз эч нерсени жөндөн-жөн буйрубайт. Милдеттүү түрдө (бир нерсени билип айтса керек) , буйругун аткарабыз”-деп каптарынын баарын толтурушат.
Таң аткан кезде бардык аскерлер түндөсү ‘алтын талаасынан’ өткөндөрүн түшүнүшөт.
Буттарына тийген нерселердин баары алтын экенин эч ким билген эмес экен. Ошондо, амирди укпай, эч нерсе албаган биринчи топ:” Кап! Неге албадык! Кол башчыбыздын сөзүн неге укпадык?! Эч болбогондо бирөөсүн алганыбызда эле?!” – деп өкүнүп калышты.
Экинчи топ өздөрүн сөгө башташты:”Кап! Бир аз дагы алышыбыз керек эле. Каптарыбызды, чөнтөктөрүбүздү оозуна чейин толтуруп алышыбыз керек эле…
Үчүнчү топ да өкүнүп :”Керексиз, пайдасыз нерселерибизди таштаганда, мындан да көп кылып жыйнайт элек”-дешти.

Мына, ушул окуя сыяктуу Акыретте да бардык адамдар өкүнүшөт. Капыр болгон адам: “Эмнеге ыйман келтирбедим?! Ишенгенимде эч болбосо Тозокко түшсөм да, ыйманымдын аркасы менен соңунда баары бир Бейишке кирет элем. Түбөлүк Тозоктон кутулат элем?!! “-дешет.
Мусулман болгону менен сообу аз болгон адам: “Мындан да көп соопту иштерди жасашым керек эле. Мындан да көп нээматка калаар элем”-дешет.
Мусулман болуп, сообу көп болгон киши болсо:” Кап! Мындан да бийик даражаларга көтөрө турган ибаадат жасашым керек эле, көбүрөөк садака берип, көбүрөөк орозо тутуп, көбүрөөк сооп жыйнай турган амалдарды кылышым керек эле “-деп өкүнөт.
Аллах Таала Куранда:

“Бир дагы жан эртең эмне болоорун жана кайсы жерде өлөрүн билбейт. Чындыгында, Аллах – Билүүчү, Кабардар! “. (Лукман:34)

Жана Аллах Таала:

“Бардык жандар өлүм даамын (сөзсүз) татышат жана Кыямат Күнү ар бириңерге сыйлыгыңар толугу менен берилет. (Ошондо) ким Тозок отунан куткарылып, Бейишке киргизилген болсо, мына ошолор (чоң) ийгиликке жетет. Дүйнө жашоосу – (убактылуу) пайдаларга азгырылуудан башка эч нерсе эмес!”. (Али Имран:185)

☝Чындыгында, ар бир жан ээси өлүм даамын татуучу! Адамдар айланасына көз чаптырсынчы! Кечээ эле ата-энесинен же дагы бир тууганынан же кошунасынан ажырап, аны өз көзү менен көрбөдү беле?! Өзү ошол адамдын жаназасына турбады беле?! Адамдарга өлүм жөнүндө эскертип айтсаң: “Жөн олтурчу! Каяктагы жамандыкты сүйлөбөй!”- дешет. Өлүм – жамандык эмес! Өлүм – чындык менен жалганды ажыратуучу нерсе! Жашоо – таттуу! Ошол үчүн адамдар жашоону жакшы көрүшөт. А өлүм – ачуу (нерсе;чындык)! Ошондуктан адамдар коркушат! Эртең берчү сурагынан эмес же эми жакшы иштерди кылып, сооп ала албай калуудар эмес, балким, бул жашоодо аз жашап, дүйнө – мүлктөрүнөн ажыроодон коркот!
❗Эй, тууганым! Айланаңды карачы! Өсүмдүктөр соолуп, жок болуп жатат! Жаныбарлар да өлүп жатат! Адамдар да өлүп жатат! Бул нерсени сен жөнөкөй гана сезимдер менен кабыл алба! Эртеңки Аллах алдында жооп берүүчү күнүңдү ойло! Аллах Таала сага берген жарык күндү, сага берген 24саат убакытты эмнеге короттуң деген суроосуна жооп бере аламбы деген коркуу сезимдери менен кабыл алып, акыретиңе азык топто! Сен кайсыл жерде, канча жашыңда өлөрүңдү билбейсиң! Кайсыл бир күнү өлүм келген кезде ал мүнөттөрдү артка кайтара албайсың!
Бул жөнүндө Аллах Таала:

“Ал эми алардын мөөнөтү келгенде (б.а. ажалы жеткенде), алар (өз) ажалдарын бир саатка кечиктире да, илгерилете да алышпайт”. (Нахл:61)

Өлүм – ар бир тирүү жанга эскертүү! Кандай эскертүү? Сен дагы бир күн бул дүйнөдөн өтөсүң. Сен да Аллахка кайтып баруучусуң. Өлүмдү эстөө – жамандык эмес! Кайра ал сен үчүн жакшылык! Кандай жакшылык бар өлүмдө? Ал сага сенин өлүмүңдү эскертип турат. Күнөө иштериңден тыйып, соопту амалдарды жасап калууңа жардам берет! Бул тууралуу бир икая айтайын:

Дауд (а.с.) пайгамбар аябай күчтүү жана кызганчаак болгон. Ал өз үйүндө жоочун бирөөнү көрүп калса, аябай ачууланчу. Жана анын үйүнө өзү каалаган адамдардан башка эч ким кире алчу эмес. Бир күнү сырттан келсе короосунда бирөөнү көрөт. Аябай ачууланып: “Эй, сен кимсиң? Менин короомо кимден уруксат сурап кирдиң? “-деп сурайт. Жанагы киши: “Биз эч кимден уруксат сурабай келебиз “-деп жооп берет. Дауд (а.с) пайгамбар бул киши Азреил(өлүм периштеси) (а.с.) экенин билет да: “Менин өлүм даамын тата турган күнүм келдиби? “-деп сурайт. Азреил (а.с.): “Ооба “-деп жооп берет. Ошондо Дауд (а.с.) пайгамбар: “Эмнеге мага алдын эскертүү берилген жок? “-дейт. Азреил (а.с.):
-Биз сага эскертүү бердик..
-Кантип? Мага эч кандай эскертүү берилбеди го?
-Сенин баланча акең кайда?-деп сурайт Азреил (а.с)
-Ал өлгөн..
-Сенин баланча эжең кайда?
-Ал да өлгөн…
-Сенин баланча кошунаң кайда?
-Ал да өлгөн..
-Мына ошолор сага эскертүү болчу -деп жооп берип, анын жанын алды…

Мынакей, тууганым. Бизге ар бир нерсе өзүнчө эскертүү, сабак, үлгү! Биз өзүбүзчө келечекке чоң -чоң максаттарды коюп, үмүт кылабыз ээ? Бирок, ошол эле учурда өлүмдү да унутпоо керек.
✨ Пайгамбарыбыз (с.а.у.) тамак ичип жатканда да: “Ушул нерсе ашказаныма жетээр бекен же ага жетпей жан таслим болоор бекем? “-деп, же басып бара жатканда да: “Бул менин акыркы кадамдарым эмес бекен? “-деп ар мүнөт сайын өлүмдү эстеп тураар эле.
Кокустан кырсык болуп, өлүм келип калуусу мүмкүн. Эч ким эртең эмне болушун билбейт жана кепилдик да бере албайт!

Анастын (андан Аллах ыраазы болсун) мындай дегени кабардалат:
“(Бир жолу Аллахтын Элчиси (с.а.у.) сызыктарды сызды да, мынтир айтты: “Бул адамдын үмүтү, а бул болсо анын ажалы, ал мына ушундай (чоң үмүттүү) абалда турган кезинде ага күтүүсүздөн мобул жакын турган (кырсык) сызык келип кошулат!”. (ал -Бухари)

√Бул хадисте айтылгандай Аллахтын Элчиси (с.а.у.) чийген сызыктарындагы турмуштук оош-кыйыштарды көрсөткөн жана өмүр сызыгына каптал тараптан келип кошулган (кырсык) сызыгы тууралуу айтылууда. Т.а. бул жерде адам өмүрүнүн эң акыркы окуясы болуп кала турган сызык жөнүндө айтылууда…

•Ар дайым өлүмдү эстеп, акыретине даярданган адам акылдуу адам. Анткени, ал түбөлүктүү жашоосуна кам көрүп, даярданат.
Өлүмдү эстеп туруу жөнүндө Пайгамбарыбыз (с.а.у.):

“Ырахаттарды кесип салуучу (өлүм) тууралуу көбүрөөк эстегиле!” (Бул хадисти ат -Тирмизи келтирип: “Жакшы хадис “деп атаган)

☝Ошондуктан, ар дайым өлүмдү эстеп турууну унутпаңыз! Өсүмдүктүн соолушун карап, өзүңүздүн өлүмүңүздү эстеңиз, идиштин сынганыр көрүп, өлүмдү эстеңиз, жаныбарлардын өлгөнүн көрүп, өлүмдү эстеңиз, адамдардын жаназасына туруп жатканда, өлүм тууралуу көп ойлонуңуз. Кабырстанга барганда өлүмдү көп эстеңиз. Бул эскертүү болот. А эскертүү өтө жакшы нерсе!
Ойлобоңуз карыганда гана өлөм деп. “Намаз окуйсуңбу?”- десе, “Ниет кылып жатам.. буйруса пенсияга чыкканда “-дешет. Ким кепил болот эртеңки эмес 5мүнөттөн кийин эмне болушуна? Кабырстанга барыңызчы?! Бир жашында, үч айлыгында, 14; 20; 25; 40; 43; 50 жаштарында көз жумгандарды көрөсүз. Булар жаш эле го?! Өлүм аларды жаш экенине карабай жандарын алды! Бул нерселер сиз үчүн эскертүү болсун! Билиңиз, ар бир жан ээси өлүм даамын татуучу! Кайсыл күнү болсо
ошондо …!

Нуриза Кармышакова.

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2yzMeui
✿ http://ift.tt/2l8etvu
✿ +996700334493
✿ WWW.FORMULA.KG

Запись Өлүм сенин жаштыгыңа карабайт впервые появилась Formula.KG.

✍Шаьбан Валий азиреттин жанына бир кедей адам келип:
– Азирет, мен абдан кедей адаммын. Бир гана эшегим бар эле, ошону менен турмушумду өткөрүп, бала-чакамды багып жүрөт элем.
Ал өлгөндөн бери жашоом оорлоп кетти. Мага дуба кылыңыз, Аллахым жашоомду жеңилдетсин, тилемчилик кылып калуудан сактасын – деп суранды.
Шаьбан Валийдин кедейге ичи ачышты. Колун көтөрүп Аллахка дуба кылды. Ал дубасын бүткөн учурда, эшигин тыкылдатып, бир адам кирүүгө уруксат сурады. Азирет ага уруксат берди.
Салам айткан жигит:
– Азирет, көптөн бери ниет кылып жүргөн жакшылык ишим бар эле. Эшикте бир качырды жетелеп келдим. Ушуну менин атымдан белек катары кабыл алыңыз, – деди.
Шаьбан Валий кедейге жылмая карап:
– Мынакей, Аллах сүйүктүү пенделерине жамандык артынан жакшылык берет. Өлгөн эшегиңдин ордуна, андан күчтүүрөк качыр берди.
Аны алып үйүңө кете бер, – деди. Кедей ыраазылыгын билдирди да, качырын алып үйүнө кетти.
Шаьбан Валийдин бул ишине таңданган тиги:
– «Субханаллах» – деди таңыркап,
– Бул качырды сизге эртең менен алып келейин дедим эле, бирок эртең менен өтө зарыл жумуш үчүн эртелеп жолго чыга турган болуп калдым да, караңгыга карабастан келе бердим эле. Көрсө, Аллах Таала качырды бул кедейге буйруп койгон экен да…

Ошон үчүн эч качан Алланын ырайымынан үмүт үзбө. Эгер билсеңиз эң күчтүү нерсе эмне экенин билесизби? Бул деген үмүт болот. Эч нерсеси жок,эң төмөн, эң алсыз инсандын жашоого болгон шамын күйгүзүп Жаратканга эң жакын кылып, жүрөктөрдү чоң ишеним менен байлайт мына ушунусу менен эң улуук сезим болуп эсептелет. Үмүтсүз жашоо шайтандын табылгыс куралы. Жашооңдо кандай кырдал болбосун Жаратканга таян. Пендеден эмес Аллахтан үмүт кыл. Анткени Аллах каалаганы үчүн өмүрүң берекелүү, жүрөгүңдөн тынчтык ,амалдарың өз жайында болуп жатат,Аллах каалаганы үчүн ден -соолугуң чың,башкалардай эмес өз каалаганыңа жетип,өз наныңды таап жеп жатасың ,Аллах каалаганы үчүн иштериңди ийгилик коштоп жашоо -тириличилигиң жакшы ,Аллах каалаганы үчүн бактылуу мүнөттөрүң, күндөрүң болуп жатат! Аллахтын каалоосуз эч нерсе болгон эмес болбойт дагы Ал баарын жаратып Ал баарын Өзү көзөмөл кылат. Алланын эң жакшы көргөн пенделери жүрөктөрүн жашоосунда кандай сыноо болбосун үзүлбөгөн аркан жибин бекем байлагандар болот. Алардын жашоодогу максаты кыйынчылык келсе сабыр куралы менен жеңип,жакшылык келсе шүгүр дубаларын кылгандар болот. Ошон үчүн эч качан үмүтсүз болбо бир тууганым! Бир бутуң жерде бир бутуң жарда болсун,өмүр сууң түгөнүп ,жашооң кыл үстүндө болсун,кайгыдан башың чыкпай көз жашың деңиз болсун. Чөлдү карап ушунчалык кенен аягы жок экен дебегин,а бирок чөл бүткөндөн соң артында жашыл бакчалар,көлөкөлүү дарактар бар.
Жипти көрүп ушунчалык катуу тартуулат дебегин,тарта берсе аягында ал да үзүлүп кетээрин билгин. Көз жаштын артында кубаныч болот,коркунуч артында бейпилдик болот. Анткени жашоо мыйзамы ушундай.
Эгер от күйгүзгөндө анда Ибрахим Пайгамбарды күйгүзүп салмак,бирок Кудай Таала отко буйуруп: “Оо,от Ибарахимге муздак жана саламаттык бол! “(21;69) анткени отту да Аллах Таала жараткан.
Эгер деңиз чөктүргөндө Муса Пайгамбарды чөктүрүп кетмек,бирок Муса Пайгамбар деңиздин жанына келип:
“Албетте Роббым мени менен! Ал мага жол көрсөтөт “. (26;62) деп Аллахка кайрылганда,деңиз Муса Пайгамбарга жол болуп ачылып Муса (а.с) андан аман эсен өтүп кетти….Анткени Аллахка үмүт байлаган жүрөктөргө Аллах Өзү жетиштүү!

“Кандай болсо да Алланын ырайымынан үмүт үзбөгүлө. Анткени Алланын ырайымынан каапыр коом гана үмүт үзөт”(12;87)….

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2yzMeui
✿ http://ift.tt/2l8etvu
✿ +996700334493
✿ WWW.FORMULA.KG

Запись АЛЛАХТЫН КААЛООСУ впервые появилась Formula.KG.

✍”Оо,Аллахым! Акыркы жана акыбетимди кайырлуу кылгын! Акыркы демимди тилемде “ыйман калимасын “айтууну,дене -мүчөм таза абалда,жүрөгүм ыйманда,жан дүйнөм нурга толгон кураным менен ,кулчулук кылган бешенем саждада беш убак намазым менен өтүүнү насип кыл! ” -деп ар намазда ар бирибиздин кылган дубаларыбыздын бири ушул болсо керек. Анткени мусулман пендесинин ушул калима менен ” “Ла илаха иллаллах Мухаммадур росулуллах” деген сөз. Мааниси – Аллаху таала жалгыз, шериги, окшошу жок. Мухаммед алейхи салам – Анын сүйүктүү кулу жана Пайгамбары. ” -деп тил менен айтып жүрөк менен тастыктап Аллахка жүрөктөрдү байлайт. Бирок бул сыноо жашоодо бизнесмен болсун,илимдүү болсун,бай болсун, кедей болсун,атактуу, жаш -каары болсун, окмушту болсун, арак кор,ууру,кылымышкер болсун анын акыркы деминде (аныграагы Жаратканга жолугаар кези) эң маанилүү минут,секунттардан болуп эсептелет. Ошол кез кимгедир “ыйман “калимасын айтуу насип кылса кимгедир насип кылбайт. Өмүр жолу өлүм эшиктерин “ыйман “калимасы менен ачкан инсандар өлүм ырахатын татып, кабырда сурагы жеңил болуп,кыяматка чейин бейиштин жытына бөлөнүп жатат.
Ал эми өлүм эшигин “ыйман “калимасы менен ачуу насип кылбаган инсандар өлүм жазасы кабырга чейин эле башталат,бул эң өкүнүчтөрдүн өкүнүчү. Анткени аалымдардын айтуусунда ар бир жан ээси:
“Эй, Ырайымдуу Раббим жана эй, Жоомарт Жаратуучум!
Мен туура эмес тандоом аркылуу өмүрүм менен жаштыгымды текке кетирдим…
Ошол өмүр менен жаштыктын мөмөлөрүнөн кайгы берүүчү күнөөлөр, кордук берүүчү кайгылар жана адаштыруучу күмөндөр гана колумда калды.
Эми бул оор жүк, оорулуу жүрөк жана кабатырланган жүзүм менен кабырга жакындашып баратам.
Көз алдымда көрүп туруп өтө тездик менен зымырап, оңго-солго карабастан, эрксиз түрдө көзү өтүп кеткен сүйүктүүлөрүм менен тууган-уруктарым сыяктуу мүрзөнүн босогосун көздөй жанашып келе жатам.
Ал мүрзө – бул убактылуу жерден түбөлүктүү ажыроо менен түбөлүктүүлүк жолуна курулган жана ачылган эң алгачкы турак жай жана эң биринчи босого. Мына ушул бекем байланып алган жана ашык болгон бул жалган дүйнөнүн жаратылгандыгын, өтүп кетээрин, убактылуу экенин жана өлөөрүн ачык-айкын түшүндүм.
Көрүп, күбө болуп турган бардык макулуктар дагы бири-биринин артынан топ-топ болуп көчүп кетип баратышат, жок болуп жатышат.
Өзгөчө, мен сыяктуу напси аммареси барларга бул дүйнө абдан мыкаачы жана алдамчы болот.
Бир жолу ырахат берсе, миң жолу азап чектирет. Бир жүзүм берсе, жүз жолу шапалак урат.

” Эй, Ырайымдуу Раббим жана эй, Жоомарт Жаратуучум! «Бардык келүүчү нерселер жакын» эрежеси боюнча, мен азыртадан эле көрүп жатамын: Жакынкы бир мезгилде мен кепинимди кийдим, табытыма жаттым жана досторум менен коштоштум.
Кабырыма жүз буруп кирип жатып, Сенин ырайым босогоңдо жаназамын «абал тили» менен, рухумдун өз тили менен мынтип бакырдым:
«Жардам бер! Жардам бер! Йаа Ханнан! Йаа Маннан! Мени күнөөлөрүмүн кыжаалатчылыгынан куткар».
Мынакей, кабырымын башына келдим, мойнума кепиними асып кабырымдын башында сулайып жаткан денемин үстүнө токтодум, башымы Аллахтын ырайымына көтөрүп, болгон күчүм менен бакырып жалбарамын:
«Жардам бер! Жардам бер! Йаа Ханнан! Йаа Маннан! Мени күнөөлөрүмүн оор жүктөрүнөн куткар…»

Мынакей кабырыма кирдим, кепиниме оролдум. Жаназамды алып келгендер мени жалгыз таштап кетишти. Сенин ырайымың менен кечиримиңди чыдамсыздык менен күтүп жатам.Мына ошентип: «Сенден башка куткаруучу жок. Күнөөлөрүмүн жийиркеничтүү жүзүнөн жана ошол мекендин тардыгынан бардык күчүм менен Сага жалбарынып:
«Жардам бер! Жардам бер! Йаа Рахман! Йаа Ханнан! Йаа Маннан! Йаа Даййан! Мени жийиркеничтүү күнөөлөрүмүн мага дос болуп келүүлөрүнөн куткар, жаткан жерими кеңейт. Аллахым! Сенин ырайымың – менин куткаруучум. Ааламдарга ырайым кылып жөнөтүлгөн Хабибиң, б.а. сүйүктүү пайгамбарың – (САВ) Сенин ырайымыңа жетиштире турган себепчибиз. Сени эмес өз напсимди күнөөлөп, Сага арызданамын» – деп айтышат.
Бирок кеч болуп калышы мүмкүн! Ошон үчүн жүрөгүң, тилиң “ыйман “калимасына нымдалып жүрүүсү үчүн ар бир амалың да,кадымың да,намазың да,кураның да,деги эле жашооңдогу Алланын буйурктарын аткарууң да жүрөгүңдү тыңшап жүр! Анткени Аллах сенин байлыгыңа,бийлигиңе, кийген кийимиңе,сулуулугуңа,үй жайыңа,катар -катар унаңа карабайт, бир гана сенин чын жүрөктөн, чын ыкластан, ниетиңдин түздүгү менен гана Жараткандын алдына кечиримине,ырайымына бөлөнүү менен “ыйман “калимасын айтуу насип кылат …

Ооба бир тууганым! Өлүм деген ушундай ачуу, анын таттуу мөмөсүн татуу үчүн бир гана сенин бул дүйнөдө кылган жакшы амалдарың гана жардам бере алат. Өлүм жөнүндө көөп угабыз,көөп эскертүү алабыз,күндө эле жаназага катышабыз,кабырына жеткизип көөмүп кайтабыз! Бирок ал өткөн инсандын акбалы кандай болуп жатат?Сурагы кандай болуп жатат?Ыйманы менен кеттиби? Жокбу бизди анча деле ойлондурбайт. Балким биздин жүрөктөр катып дагы эле уйкудадыр. Көөп өлүмдөрдү көрдүк жүзүндө жылмаюу менен аппак, нурлуу Алланын ырайымына бөлөнгөн инсандарды. Көөп өлүмдү көрдүк жүзү капкара болуп,кабырына жетпей жатып Алланын азабына калган инсандарды. Кабырына койгондо да кабыр кабыл албаганын. Бул акыйкатты көрүп билип туруп өлүмдү эстөөбө биз үчүн өтө өкүнүчтөрдөн болуп эсептелет!
Ошон үчүн бир тууганым кеч боло электе Аллахка кайт!
Алланын жолуна түш! Аллахка жакын бол!
Ниетиңди оңдо,жүрөгүңдү түздө, ыйманыңды өлүмдү эстөө менен жаңылап тур!
Тилиңди,жүрөгүңдү ““Ла илаха иллаллах Мухаммадур росулуллох” калимасы менен дайым нымдап жүр!

Пайгамбарыбыз (саллаллаху алейхи васаллам) мындай дейт: “- Кимде ким Калима-и таухидди(ыйман келмесин) айтса, Аллаху таала менен ошол калменин ортосундагы парда көтөрүлүп, сөзсүз Аллаху таалага жетип барат. Аллаху таала:
“Эй, калима, токто!” – деп буюрат. Ал эми калима болсо: “Мени айткан адам Сенин рахматыңа, кечиримиңе ээ болмоюнча токтой албаймын, – деп айтат. Ошондо Аллаху таала айтат:
– Улуулугумдун, кудуретимдин, кемелдигимдин акысы үчүн Мени зикир кылган (эсине алган) кулумду кечирдим…

Пайгамбарыбыз Мухаммед алейхи салам мындай деп айтты: “Кимде ким чын жүрөктөн, чын ыкылас менен бир жолу Калима-и таухидди (ыйман келмесин) айтса, Аллаху таала ага Бейиште төрт миң даража берип, төрт миң күнөөсүн кечирет”.
Сахабалар: “Эй, Расулуллах! Анын төрт миң күнөөсү жок болсочу?” – деп сурашканда:
“Жубайынын, бала-бакырасын жана туугандарынын күнөөлөрүн кечирет”, – деп жооп берди….

Аллах Таалам баарыбызды укканыбызга,окуганыбызга,көргөнүбүзгө амал кылуучулардан кылып,жакшылар менен бирге жүрүп,жакшылардын айткан насааттарын угуп,жакшылардын артында өтүүнү, акыркы демибиз “ыйман “калимасы менен Жаратканга жолуугуну насип кылган болсун! Амиин!Асслааму алайкум ва рахматул-Лохи ва барактуху!

Насиба Абдуллаева.

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2yzMeui
✿ http://ift.tt/2l8etvu
✿ +996700334493
✿ WWW.FORMULA.KG

Запись АКЫРКЫ ДЕМИҢ “ЫЙМАН “КАЛИМАСЫ МЕНЕН ӨТҮҮНҮ КААЛАЙТ БЕЛЕҢ?! впервые появилась Formula.KG.

Жашообузда ушундай бир учурлар келет жол таппай же чечим чыгаралбай,кайда,кимге кайрылууну билбей туңгуюукка камалган учурлар көп кездешет. Пенденин ушундай абалда ыйманын далилин Аллахка тобокел кылуу менен билдире алат.
Маида” сүрөсүнүн 23-аятында: “Эгер ыйманыңар бар болсо, Аллаху таалага таваккул кылгыла!”, …

“Али Имран” сүрөсүнүн 159-аятында: “Аллаху таала таваккул кылгандарды албетте сүйөт” – деп билдирилген.

“Талак” сүрөсүнүн 3-аятында: “Ким Аллаху таалага таваккул кылса Аллаху таала ага жетиштүү болот”, – деп билдирилген. …

Таваккул, б.а., тобокелчилик – бул жүрөктүн аткара турган иши, ал ыймандан пайда болот. Ыймандын да түрлөрү бар. Ал эми, таваккул эки нерсеге таянат. Алар таухидге ыйман келтирүү жана ырайымдуулук менен Аллахтын мээриминин чексиздигине ынануу. Таваккул жүрөктө таухидге жана Аллаху тааланын мээримдүүлүгүнүн чексиздигине ишенүү аркылуу пайда болот. Бул абал адамдын чын жүрөктөн өз өкүлүнө толук ишенүү жана аны менен көңүлүнө тынчтык берүү деген сөз. Мындай адам дүнүйө мүлкүнө таянбайт. Дүнүйөлүк иштеринин бузулуусуна убайымданбайт. Аллаху тааланын кайдан болсо да милдеттүү түрдө ырыскы жибере тургандыгына ишенет. ..

Салиха аялдын Аллахка болгон тобекели…

Куйөөсү өтүп кеткенден кийин жалгы салиха эне үч баласы менен үй- тиричилик иштери,балдарынын тарбиясы менен алышып,күндөрдүн кандай өтүп жатканында сезбей жашап келет. Айрыкча Аллах жолунда илим артынан түшкөн эне үчүн жашоо оңойго турган жок , баарына жетишүү үчүн күнүмдүк жашоосуна эреже түзүп алган. Баамдатка чейин сабак,намаз убагы,балдарын намазга ойготуш,эртең мененки тамака чейин аз болсо да балдарына тарбия берүү,мектепке,бакчага жөнөтүш . Андан кийин өзү сүйгөн илим алуу сабыгына чуркоо. Сабактан кийин балдары үйгө кайтканча тамагын даярдап,Эне болуп күтуп алыш,Ата болуп тиричилик гамын көрүү! Ушу ойлор,эрежелер менен алышып дарекке кандай жетип келгенин да билбей калды. Ой -пикири балдарында. Аларга алсыздыгын билдирбеш,оорлук түйшүктун кыйынчылыгын сездирбеш үчүн балдары кучагына чуркаган минуттарда башын тик тутуп,жүзүндө жылмаюу, мээрми менен күтүп алат.
-Энеке, келдиңизби?
– Энеке эмне алып келдиңиз?
-Мага шокалад алып келдиңизби?
Балдарынын чулдур -чулдурунан курсан болуп,машакаттарды сездирбеш үчүн кабагын “жылмаюу “маскасына ороп күйүү менен жооб берет. Анткени насип кылса келечек аалымдардын,илимдүү инсандардын, каарылардын -энеси деген наамга татыктуу болуш керек да! Көңүлдөрүн калтырып,жашоодон артка кайтыштарына эненин бир да хакысы жок! Өзүнө койсо, Аллахты жүрөгү менен тааныган балдарын жашоосун кубанычка толтуруп,үйдө олтуруп күтуп алып,колдон келишинче жакшы эне болуп берсе! Балдары менен кечки тамактануудан кийин:
-Кана, каары байкелер,дуба кылалы,Аллах сураган пендесин жакшы көрөт!-деп чогу дуба кылышат.Жакшына дубадан кийин сабакбөлмөсүнө кириб,жаншерги болгон дайыма күтүп алган, жыйылбаган жайнамаз үстүнө күчсүз жыгылды. Башын саждага койгончо Аллахка бар дардын төктү: “Аллахым! Угуучу,күч -кубат берүүчү -Өзүңсүң! Жер жүзүндөгү махулуктардын ырыскысын кемитбей Өзүң берүүчүсүң! Бизди жардамсыз таштап коюушуңа ишенбеймин! Мен алсызга жардам бер! Балдарыма ырыскаңдан жеткизе көр! Өзүң күбөсүң акыркы каражатымда иштетип болдум. Эч болбосо нанга да тыйыным калбады. Сен эч нерсеге муктаж эмес затсың,Өзүңдөн башкага муктаж кылба,эй Роббым! Өзүңө ишендим Өзүңө тобокел кылдым Роббым!
Көзжашы жайнамазга сызылып агып жатты,жүрөгү жарып өзүн жеңил сезип ордунан турду. Жана ар дайымкыдай жылмаюу менен бөлмөсүнөн чыгып,кечки балдардын сабагы менен шугулдана баштады. Ордуларынан жай алган “чурулдактар “үчүн бүгүнкү күн “Ясин “кыратын үйрөнү менен аяктады. Ар биринин жүздөрүнөн өөп бир саамга карап,келечектен көөптү күткөн байкуш эне жарыкты өчүрүп, кайра эле жүрөгүнө күч -кубат бере турган бөлөмөсүнө кирди. Негедир башына сабакта кирбеди,көңүлүнө эч нерсе сыкпай,оң тарабындагы дарддашы,сырдашы,канча жылдык жашоосуна күбө сүйүктүү жайнамазы өзүнө чакыргандай болуп жатты. Бешенесин сажадага коюуп, Жараткандан көп үмүттөр менен дуба -тилектерди кылып,убакыттын өткөнүн да сезбей уктап кетет. Таңда азанды үнү угулуп эне ордунан туруп,дааратын алып баамдат намазын канчалык ыклас менен окууга аракет кылса да түшүндө угулган куран айтты ойунан кетпей койду,кайта -кайта кайталанаберди.

“Эгер алар сенден жүз үйүрсө: “Мага Аллах жетиштүү. Андан башка Кудай жок.Ага тообекел кылдым (Ага таяндым Андан гана жардам тиледим) .Ал -Улуу Арштын Кожоюуну ! “-деп айт.

Куранды толук жатабаган себеп аяттын уландысын канча урунса да эч эстей албады. Балкайлар ойгонуп бакчага,мектепке жөнөй турган убакта болуп калды. Жуунтуруп,кийинтип жатты, жүрөгүн ооруткан суроо кичинекейинин тилиден чыкты: “Энеке.,чай ичпедик-го? Нан жеймин “деп тызылдап жатты. Байкуш эне эмне кыларын билбей эч болбосо балдар чай ичишсин деп бир чыныдан ыссык чай ичлиди. Ага чейин сумкаларын, шкаф,китеп сүртмөлөрүн эмнедир чыгып кала тургандай тыткылай баштады. Үч дана кередит карточкасы менен чыгып келди. Экөсү кайдан келгенин билбеди. Бирөсүн мурда иштеткен болчу, 2-3 айда бери бекилип иштебей жаткан болчу. Ичиден эч болбосо жүз,экижүз сом нанга акча чыгып калса деп чөнтөгүнө салып алды.
Кенжетайы: “Энеке,нан жегим келип жатат! ” деген сөзү: “Жолдон биринчи чыккан дүкөндөн алып беремин ин ша Аллах! ” деп жооп берди да бүтүн жүрөгү жылып Аллахтан үмүт кылып жолго түштү.
Эрте болгондуктан дүкөндөр жабык болуп жатты.
“Энеке, тиги дүкөн ачык экен “. Кичкинтай колу менен көрсөтүп ошол тарапка чуркай жөнөдү.
“Апаке пече да алыңыз! ” деп эч нерседен кабары жок кичинекей чурулдап жатты.
“Аллах, эч болбосо жүз сом чыкса ыраазымын,жардам бер! ” деп ичинен күбүрөнүп дүкөнгө кирди.
Салам берди да:
-Печенье канча турат? -деп сурады.
-150 сом..
“Бисмиллах “деп кубүрөп алды да ишенимдүү:
-Ушул кередит карочканы текшерип бериңиз. Жетсе, печенье да аламын! -деп колундагы карточкалардын бирини таваккул кылып сатуучуга узатты. “Код сандарын сураса, эмне деймин? Мурдакы иштетилген кодорду айтып көрөмун. Кана эми дал түшүп калса?! ” -деп ойлонуп жатты.
-Коду?
– Төртө деди..
“Жүрөгү дүкүлдөп,коду туура эмес окшойт. Йа, Аллахым,жардам бер! Эч болбосо нанга жете турган акча болуп калсынчы …Сатуучу карточкан аныкташ үчүн узатты. Ахыргы үмүтү менен кагазга карады го,тизелери калтырап ,жерге жыгылышына аз калды. Жок,жок алсыздыктан эмес,үмүтсүздүктөн да эмес…
Балким жүрөгүндө Аллага болгон ишеничи, тобекели Аллахттан сыйлык болуп кайтканынан! Ушу бир кичинекей кагаз анын ишеничи,үмүдү, дубалары бекер кетпегенин көрсөтүп турду! Кана эми, ар тарабында эч ким болбосо го,саждага жыгылып,тоюуп, тоюуп ыйласа, Аллахка чарчап калганча шүкүр айтса! Аллах Таала Өз кудуретин көрсөткөн эле! Колундагы кичинекей кагазда ушу жазуу бар эле :
5000 ..
Түшүндө угулган аят эсине түштү:

“Эгер алар сенден жүз үйүрсө: “Мага Аллах жетиштүү. Андан башка Кудай жок.Ага тообекел кылдым (Ага таяндым Андан гана жардам тиледим) .Ал -Улуу Арштын Кожоюуну ! “-деп айт.”(Тавба 129)..

Калган сөздү салиха эненин өзүнөн угабыз:
“Ошол күнү перзенттерим киинекей болушуна карабай тобекелдин эмне экенин жаш жүрөктөрү менен сезиштилер. Мен болсо карточкамда ушунча акча кандай пайда болгонун дагы эле түшүнбөймүн. Карточкамдагы акча түгөгөндөн кийин бир да иштеткен эмес элем. Азырда иштебейт. Бирок бир нерсени өтө жакшы билемин жана ыйман келтиремин: Аллах өтө жакын,угуучу -Ага байланган, тобекел кылган жүрөктөрдү эч качан таштап койбойт ! “Шүкүр Алхамдулиллах!

Ошон үчүн бир гана Кудуреттүү жана бардык күчтүн ээси болгон Аллахка гана таяналы,бардык.кыйынчылыктан куткаруучу жалгыз Өзү,ал эми урааның ушул сөз болсун: «Бизге Аллах жетиштүү ал эң жакшы колдоочу »,
эгерде мал -мүлкүң азайып карызың көбөйсө, кирешелериң тотоп жумушуң жүрбөй калса анда: «Аллах жетиштүү.Ал эң жакшы колдоочу»деп чакыргын.
Эгерде кандайдыр душмандан коркунуч болсо же заалым.инсандан коркунуч келсе, же болбосо бир кырсыкка кабылсаң анда: «бизге Аллах жетиштүү Ал эң жакшы колдоочу» деп чакыргын.
«Роббиңдин жетекчилиги жана жардамы жетиштүү». (25:31).
Баарын Билүүчү,баарын Угуучу,барын Көрүүчү ,баарын Сезүүчү,баарын Берүүчү,баарын Алуучу,баарын Чечүүчү АЛЛАХ болгондон кийин дагы сен кимге кайрыласың?!

Хадисте: “Аллаху таалага толук таваккул кылсаңар, куштарга ырыскы бергени сыяктуу силерге дагы жиберер эле. Куштар таң эртең ачка чыгышат. Кечинде болсо тоюп кайтышат”, – деп билдирилген. …

Запись ТОБОКЕЛ КЫЛУУЧУ- АЛЛАХТЫН СҮЙҮКТҮҮ ПЕНДЕСИ.. впервые появилась Formula.KG.

Ибадаттардын эң жогоркусу болгон намаз – Аллага кайрылып, жалынып жалбаруунун да эң жогоркусу. Ошондуктан тигил же бул бардык кыйынчылык, кырсык, балээ-апаат жана азапка дуушар болгондо, же болбосо катуу ачууга алдырганда дароо намаз окуш керек. Бул Азирети Пайгамбарыбыздын (саллаллоху алейхи васаллам) турмушунда көп жолу кайталанган сүннөттөрдөн. Хузайфа (Аллах андан ыраазы болсун) бул тууралуу мындай дейт: «Азирети Пайгамбарыбыз бир кыйын абалга туш келгенде, дароо намаз окучу.» (Ахмед, Абу Давуд)..
Бул өңүттөн алганда, Алланын элчиси (саллаллоху алейхи васаллам) кандайдыр бир кыйынчылыкка дуушар болгондо үй-бүлөсүнө дароо намаз окушту буюруп, төмөнкү аятты окучу:
«Эй, элчим! Жакындарыңа намазды буюр жана ага (кыйынчылыкка) көтөрүмдүүлүк менен сабыр кыл. Биз сенден ырыскы сурабайбыз, ырыскыны сага биз беребиз. А акыбет такыбалыкка таандык (такыбалыкта жатат).» (Таахаа: 132)..

Ушундайча кандайдыр бир коркунуч, же кырсык тооруган кезде, үй-бүлөсүнө жана үммөтүнө намаз окууну буюрган Азирети Пайгамбарыбыз (саллаллоху алейхи васаллам) башка пайгамбарлардын да мындай кездерде намаз окушкандарын билдирүү иретинде: «Мурдагы пайгамбарлар да кыйынчылык, кырсык учурунда намаз окушчу.» (Фазаил Амал, 249) – деген.
Кээде төмөнкү хадисти да айтчу: «Аллах бул үммөткө алсыздардын дубасы, намазы жана ыкыластарынан улам жардам берет.» (Насаи, Жихад, 43)…

Аллах Таала кулдарын сөзсүз боло турган кыяматка даярдоо максатында, бул сыяктуу ар тyрдyy көрүнүштөрдү ишке ашырууда.

Азирети Надр бул тууралуу мындай дейт: «Бир жолу күпкүндүз күтүлбөгөн жерден шумдуктуудай караңгылык басты. Азирети Анаска чуркап барып:
– Расулалланын учурунда да ушундай нерсе болду беле? – деп сурадым. Ал:
– Аллах сактасын! Расулалланын мезгилинде шамал бир аз катуу соксо эле, кыямат жүрүп кетет экен деп мечитке чуркайт элек, – деп жооп берди.» Анткени намаз – бул дүйнөдө көптөгөн кырсыктардан сактаган, акыретте болсо тозок отунан коргогон калкан. Аллах Таала Куранда:

«Эй, ыйман келтиргендер! Сабыр жана намаз менен жардам сурагыла!» (Бакара, 153)..

Илгери Египетти башкарып турган фараондор династиясы жалпыбызга маалым. Алар өздөрүнүн ашынган зулумдугу жана текебердиги менен тарыхта калышкан. Азирети Ибрахим доорунда да ошол династия Египетке өкүмдарлык кылып турган. Өкүмдар Фараон өлкөсүнө келген чоочун, сулуу аялдарды дароо карматып, күйөөлөрү бар болсо, аларды өлтүртүп салчу. Эгер эркек бир тууганы бар болсо, аялды андан суратып алчу. Ибрахим алейхиссалам Намруд өлгөндөн кииин, Урфадан чыгып, жанына Саара энебизди ала Египеттин чегинен өтүп баратышканда, Фараон билип калат. Фараондун адамдары аларга жетип келип, Ибрахим алейхиссаламдан жанындагы аялдын ким экенин сурашат. Халилуллах шарият уруксат берген жалганды колдонуп, «дин боордошу» маанисин көзгө тута, «карындашым» деген сөздү колдонот. Бул жоопту угушкан жоокерлер Ибрахим алеихйссаламга тийбестен, Азирети Саараны сарайга алып келишет.
Сахих-альБухарийде жазылгандай: «Саара Фараондун сарайына келгенде дароо даарат алып, эки ирекет намаз окуду. Аллах Таалага жалбара кайрылды. Аллах Таала аны өз коргоосуна алды.» Натыйжада, Саарага жакындаганга аракеттенген Фараондун деми күтүлбөгөн жерден кыстыгып, денесинин эч бир жери кыймылдабай калат. Анткени Аллах Таала Азирети Саараны Фараондун жамандыгынан сактап жаткан. Мындан Фараон абдан коркуп, Азирети Саараны бош коё берет. Муну менен гана тим калбастан күңү Ажарды ага тартуу кылат. Сарайда таң кала карап калышкан адамдарына:
«Бул аял – бир жин экен. Дагы бир аз болгондо, өлүп калмакмын. Мага зыяны тийбесин деп ага Ажарды бердим!» – деп жооп берет. ..
Мына, Аллах үчүн чыныгы ыкылас менен окулган эки ирекет намаздын бул дүйнөдөгү жардамы ушундай болот!

Бул макаланы жазуудан максат өзүңүздөр күбө болуп көрүп жатасыздар Мьянмада жакынкы күндөрдөн бери адам үшүн титиреткен, айбандан пас зулумчулардын кол астында кор болгон мусулман бир туугандардын акбалы жалпы мусулмандардын жүрөктөрүн сыздатып, күйүп турган учурубуз. Бул да Аллахтын сыноосудур. Биз ал жака жардамга барууга,чамабыз күчүбүз да жетпей. Аралыктар алыс күчүбүз алсыз болсо да дубаларда кезикчүү жүрөктөр бар. Баарыбыз биргеликте намазыбыз да болсун зикирибизде болсун,кураныбыз да болсун акыркы мүмкүнчүлүк болсо да ыйманыбыздын далили менен колдон келгенче дуба кылалы!
Аллахым Ар бирибиздин билип-билбей жасаган күнөөлөрүбүздү кечир. Заалымдын заалымдыгынан алыс кыл. Бирөөгө зулум кылып коюуудан да мазлум болуп калуудан да өзүң сакта. Ал жактагы мусулман бир туугандарды өз коргооңо алып, зулум кылгандарды өзүң жазала! Анткени бул аалам бир гана Сага гага таандык,Сенин каалооңсуз эч нерсе болбойт да болгон да эмес! Бир гана Өзүңө таянып Өзүңдөн гана жардам сурайбыз!Бизге бир гана Аллах жетиштүү! Омиийн!!!

“Бактылуулук Формуласынын эмгек жамааты “…

Запись НАМАЗ-ЖАПАДАН ЖАЛГЫЗ КАЛКАНЫЧ! впервые появилась Formula.KG.

Аллахым ашык кулуңмун,
Тилеги жетсин кулуңдун.
Жүзүңдү көрсөм деп тилеп,
Жүрөктөн сага бурулдум.

Аллахым ашык пендеңмин,
Аллах деп жашап келгенмин.
Ар кандай абал болсо да,
Аллах деп жашай бермекмин.

Улуусуң жалгыз Кудайым,
Пендеңде көп убайым.
Айтылган буйрук сөздөрүң,
Аткарбай кантип турайын.

Ашыкмын аллах Өзүңө,
Ишенем Куран сөзүңө.
Ар дайым Куран окусам,
Жаш келет толкуп көзүмө.

Куранда толгон керемет,
Окусаң келет берекет.
Алланын улуу сөзүнө,
Кандай сөз ага теңелет.

Ааламды аңдап карасам,
Акылым жетпейт санасам.
Ушундай улуу Аллахым,
Акыл көз менен карасаң.

Ашыкмын Аллах ашыкмын,
Ашыктык толкуп ташыпмын.
Түшүмдө издеп нуруңду,
Токтобой ыйлап жатыпмын.

Дүйшөнбек ажы Өтөнбай уулу..

Запись Аллахым, ашык кулуңмун! впервые появилась Formula.KG.

Өзүнүн кол ачык, берешендиги менен эл оозуна алынган, айтылуу Умар бин Убайдулла бак аралап бара жатып, дарактын көлөкөсүндө нан жеп отурган балага көзү түштү. Жамачыланбаган жери калбаган эски кийим-чен жаш бала, колундагы бир сындырым кара нандан бир өзү тиштеп, бир итине үзүп берип отурган экен. Баланын көптөн бери жарытылуу тойбогону кумсарган жүзүнөн көрүнүп турат. Умар балага жакындап келип, салам берди да, суроо узатты:

– Эмне кылып олтурасың, жигит?- Тамактанып олтурам, – бала кыска жооп берди.

– Нандан бөлөк тамагың жокпу?

– Аллахка шүгүр, мындан башканын кереги жок.

– Бул ит сеникиби?

– Жок.

– Эмне үчүн ага өз наныңды берип жатасың?

– Кимдир бирөөнүн көзүнчө жалгыз тамактануудан уялам.Умар баланын ыйманына, зиректигине таңдана анын жанына олтура кетти:

– Сен азатсыңбы, же бирөөнүн кулусуңбу?

– Мен ушул бактын кожоюнунун кулумун, – деди бала сумасайып. Умар ордунан акырын туруп, баланын далысынан таптады:

– Сен мени күтө тур, мен сенин кожоюнуң менен сүйлөшүп келейин.
Умар бактын кожоюнуна барып, андан бакты да, баланы да сатып алды. Анан балага келип, сүйүнчү айтты:

– Аллах сени азат кылды жана бул бакты сага белек кылды, эми анын түшүмүн сен пай-даланасың.
Бала сүйүнүп, ыраазылыгын билдирди да:

– Аллахтын алдында сен күбөсүң, бул бактын түшүмүн шаардагы кембагалдарга беремин, – деп кошумчалады.
Умар эми чындап таң калды:

– Өзүң кедейсиң, эмне үчүн түшүмүңдү башкаларга бересиң?

– Аллах мага берешендик кылган нерсеге сараңдык кылуудан уялам, – деп жооп берди бала камырабай.

Балким бул окуядан сабак алып бизда Аллах алдында уялаарбыз , “жок “,”жок ” “кыйналдым “дей бербестен өзүбүздөгү сан жеткис нематтардын кадырына жетип ,колубузду көтөрүп сураганды билгенден кийин,колубузду сунуп бергенди билип,көбүрөөк шүкүр кылып жашаганды үйрөнсөк. “Аккан суунун кадыры жок, кыйынчылыксыз жашоонун баркы жок “дегендей биринчиден Аллахтын сага берген өмрүн,баасы бааланбаган ден соолунуңа эле карап көрчү, сенде бар нематтар башкаларда жок. Үй -жайыңа,машинең,бала -чакаңа кара дегеле жеп жаткан наныңа,сууңа карачы каанча жандар бар чет жакада бир тамчы сууга, нанга зар а биздин жашоо алардын жашоосунун алдын билген адамга бейиштир.
– Мусулманчылык ниматтарынын колдон кетүүсүнө себеп – булардын баркын билбөө. Колубуздан алган – Аллаху таала. Аллаху тааланын илахи адаты мындай: жакшы иштерди сүйгөн пенделерине, ал эми жаман иштерди душмандарына кылдырат. Аллаху таала Курани керимде: “Ниматтарымдын баркын билип, шүгүр кылсаңар аларды көбөйтөмүн. Баркын билбей, нанкөрдүк (жакшылыкты билбегендик) кылсаңар, колуңардан алып, катуу азап кыламын”, – деген мааниде билдирүүдө. Ар нимат үчүн да ушундай. Шүгүр кылуу ал ниматты уруксат берилген жана буйрук кылынган жерде колдонуу болуп саналат. Тили менен “алхамдуллиллах” же “көп шүкүр деп айтуу” менен шүгүр кылынган болбойт. Бул “хамд” деп аталат. Хамд тил менен, шүгүр дене аркылуу кылынат. Көз ниматына шүгүр кылуу үчүн Аллаху таала тарабынан кара делген жерге карап, караба делген жерге карабаш керек. Ыйман ниматына шүгүр кылуу үчүн да аны Аллаху тааланын башка пенделерине жеткизүү керек.

– Дүнүйөдөн сактангыла деген – харамдардан, тыюу салынган нерселерден сактангыла дегенди билдирет.

– Мусулмандар Аллаху таалага тобокел кылышат. Тобокел жумуш кылбай жатып алып күтүү дегендик эмес. Тобокел – иштеп, себептерине жармашып, ал себептин таасирин Аллаху тааладан күтүү дегендик. Эч нерсе кылбастан “эй Кудайым мага бер” деген болбойт. Бул намаз окубай эле, Кудайым күнөөлөрүмдү кечире көр деген менен бирдей. Намаз окубаган адамдын дубасы кабыл болбойт.

– Жакшы себепке жармашкан жакшы натыйжа алат. Аракет кылып, натыйжа ала албасаңар кемчиликти өзүңөрдөн издегиле.
– Көралбастык кылган адам бактылуу боло албайт.

– Ибадат үчүн даарат шарт, соодада чынчылдык шарт.

– Динибизде бир нерсе суроо зиллат (кордук), бир нерсе берүү болсо иззат (аброй).

– Халал акча менен тамактанган адамга ибадат кылуу оңой болот.

– Челегинен чыкпаган аары бал топтой албайт.

– Акча бир нерсеге жароо үчүн жаратылган, сүйүү жана чогултуу үчүн эмес.

– Акча сүйүүсү жылан сүйүүсү сыяктуу.

– Дүнүйө байлыгын жүрөгүнөн чыгарып салган адам Аллахтын сүйүктүү кулу болот.

– Динди куткаруу үчүн дүнүйөнү бергиле.

– Жумуш кылып, табыш табуунун кыйынчылыгын тартпаган адамдан пайда жок.

– Аллахтын берген ырызкысына ыраазы болгон адамды, башкалардын колунда болгон ниматтар капа кылбайт.

– Жумуш кылбай ар кимге муктаж болуп калгандардын дини жана акылы кемчиликтүү болот.

– Байлык табуу менен абийир табылбайт.

– Соодада үч шарт бар: Сапат, баа, таттуу тил жана жылуу жүз.

Запись АЛЛАХТАН УЯЛАМЫН впервые появилась Formula.KG.

Бир күнү халифа Абу Жафар Мансур (95-158/714-775) адаттагыдай сарайында отурат. Капыстан бир чымын учуп келип жүзүнө конот. Ал чымынды кагып жиберет. Ошентсе да чымын кайта айланып келип жүзүнө конот. Кайта кагып жиберет. Ушундайча чымын бир нече жолу жүзүнө конуп, тынчын алат. Халифа ыза болот. Эшиктин оозунда турган желдеттерге карап:

-Эшиктин алдына ким келди?- деп сурайт. Желдеттердин бири келип:

-Мукатил ибн Сулайман (Мукатил ибн Сулайман- аалым, тафсирчи, хижри 150-жылы дүйнөдөн кайткан) кирүүгө уруксат сурап жатат- деди. Халифа:

-Дароо алдыма киргизгиле!- дейт. Мукатил сарайга кирет. Халифа Мукатилди көрөөр замат:

-Аллах Таала чымынды эмне үчүн жаратканын билесиңби? -деп сурайт. Мукатил эч камырабастан:

-Аллах Таала чымынды өзүн кудуреттүүмүн деп санаган чоңдорду төбөсүнө түшүрү үчүн жаратты- деп жооп берет.
Абу Жафардын оозуна кум куюлуп, ”а-б” деп үндөбөй калган экен.

Запись Аллах Таала чымынды эмне үчүн жаратты? впервые появилась Formula.KG.

Оо,менин кайгыга баткан бир тууганым! Башыңа сен күтпөгөн, сен каалабаган,сен жактырбаган кыйынчылыктар келип жатабы? Эч жаның жай албай ооруп жатасыңбы? Үй -бүлөңдө чыр болуп,уруш -талаштан кутула албай жатасыңбы? Карызың тоодой болуп кирээрге жер,качаарга жай таппай жатасыңбы? Турмуштун ачуусу алсыратып бирине тапсаң бири түгөп түйшүктөн кутула албай жатасыңбы? Анда сөзүбүзгө көңүл бур! Ооба тууганым жер бетинде бир эле сен кыйналган жоксуң сендейлер толо, эгер билсең башка кыйынчылык түшсө, жүрөктү кубандырат,күнөөнү өчүрөт,кекирейген менменсингенди сындырат,уйкудагы жүрөктү ойготуп,Кудайды эске салдырат. Напси балээни сындырып,акыретти эске салдырат. Кудайга зикир айттырып сабырдуулукка үйрөтөт. Акыретке даярдантып жүрөктөгү бул дүйнө сүйүүсүн чыгарат. Кичи пейилдикке үйрөтүп күнөөдөн узактатат. Кандайча дейсиңби?

Эгерде сенин курсагың ачпаса, ачкалыктын,бир күкүм нандын кадырына жетмек эмессиң ..

Эгерде сенин жаның ооруп кыйналбаса ден-соолуктун кадырына жетмек эмессиң..

Эгерде сенин ботинкаң жыртылып суу өтүп,ташка чалыштабасаң киймимдин ,буйумдун кадырына жетмек эмессиң …

Афлатондун сөзүндө: Жыргал жашоого караганда кыйынчылык адамды оңдойт. Ал эми жыргал жашоо инсанды кыйынчылыкка караганда бузат “..

“Жыргал жашоо караңгы түнгө окшош. Анда эмне кыларыңды ойлонбойсуң. Ал эми кыйынчылык күндүзгү жарыкка окшош. Анда өзүңдү да башкаларды да кандай болуп жатканын көрүп турасың “….

Асмааъ бинту Умайс (р.а) риваят кылган хадисте: Пайгамбарыбыз (с.а.в) мага ушундай деди:
“Кыйынчылык башка тушкөн учурда айта турган сөздү үйрөтөйүнбү? (Ал сөз ушундайча) “Аллах менин Раббим,ага эч кандай шерик кошпоймун “.

Дагы башка бир сөзүндө “Кимге кайгы,капалык,оору же кыйынчылык келсе анда ал: Аллах менин Роббим анын эч кандай шериги жок,-деп айткан болсо, анын кыйынчылыгы чеичилет “…

Эгерде сенин жашооңдо бир да кыйынчылык болбосо Жаратканды унутуп, керек болсо ким экениңди да, адамдык сыппаттан чыгып кетмексиң. Буга мисал: Фаронду билесиңби Муса (а.с) доорунда өзүн Кудаймын деп канча жанды кыйнап, азаптап, канча күнөөлөрдү кылды, бирок анын өмүрүндө бир да жолу башыда ооруган эмес,байлыгы ашып -ташып жатты акырында эмне болду Жараткандын азабыга,каарыга калды түбөлүк тозоктун отунуна айланды …эмне сенда ошо Фарон мен бирге болууну каалайт белең,эч жериң оорубай,эч нерседен кем болбой . Сага келген кыйынчылык,оору,мусибайт,Жараткандын сага болгон ырайымы деп бил! Сен Аллахкка муктажсың !

Эгерде башыңа бир мусибайт түшсө,кайгыга батып,башыңа балээ келсе биринчи жалбыраганың “Оо,Ааллах! ” деген сөз болот…

Эгерде кайрылган эшиктерңидин бардыгы жабык болсо,сурагандарын алдында пардалар тосук болсо, анда жалынып сураганганың “Оо,Аллах! ” деген сөз болот…

Эгерде баштаган ишиңде ийгиликке жетүүгө айла -амал калбаса, жолдоруңдун баары тарыса,үмүттөр түгөнсө, байланыштар үзүлсө жолун табуу үчүн суранганың “Оо,Аллах! “деген сөз болот..

Эгерде жер жүзү сен үчүн тар болуп сыгылып,жаның жаныңа батпай кыйналсаң дароо “Оо Аллах! деген сөз болот…

Ооба тууганым сен Аллахкка муктажсың! Анткени Аллахтын ысмы менен гана инсандын сөзү оңолот,андан жардам сурап кайрылат,анан зикир кылуу менен жүрөктөр тынчтанып,сезимдер рахаттанып, кайгылар жоголуп,аң сезимдер ордуна келип,ишеним орундалат, анткени:

“Аллах пендерине боорукер “..

“Аллах “:ысымдардын эң коозу,тамгалардын эң жакшысы,сүйлөмдөрдүн эң тууоасы,сөздөрдүн эң кымбаты ….

“Анын (Аллахтын) ысымдарына теңдеш ысым бар бекен?! “..

“Аллах “Баарына Жетиштүү жана Түбөлүк,Күчтүү жана Жардамчы,Улуук жана Кудуреттүү Даанышман…

Кайгырба бир тууганым! Анкени бир күн келет оору да айыгат,мусибайт да чечиле,күнөө да кечирилет,карыз да берилет,камалганда чыгарылат,жоголгон да табылат,күнөөкөр да тообо кылат,кедей да бай болот..

Кайгырба бир тууганым! Кара булуттардын тараганын,караңгы күндүн жарыганын,шамалдын токтогонун,боорондун акырындаганын көрбөй жатасыңбы?! Андай болсо сенин да кыйынчылыгың жеңилдейт,жашооң да оңолот келечегиң да кең болот..

Кайгырба бир тууганым! Сен бир аз сабыр кылып ,күтүп тур. Албетте,күндүн ысыгын караңгы көлөкө муздатат,чаңкаган чаңкоону муздак суу кандырат,ач курсакты ыссык нан тойгозот,уйкусуз түндүн бейпил уйку токтотот,ооруган ооруну да таттуу айыгуу келип токтотот…..

Муса пайгамбарындын доорунда бир аял тууралуу окуяны, анда мен сага айтып берейин:
Муса пайгамбар (а.с) Аллах Таала менен түздөн-түз сүйлөшкөн пайгамбар. Ал күндө өзүнүн үңкүрүнө барып Жараткандан көп нерселерди сурачу жана Ага ибадат кылчу. Ошол күндөрдүн биринде жолуна бир көп жылдан бери бала көрбөгөн аял тосуп:
“Оо,Муса пайгамбар Аллахтан мен балалуу боломбу жокбу сурап келчи, унутуп калба “-деп суранат. Муса(а.с) макул деп жолуна түшөт. Үңкүргө баргандан кийин Муса (а.с) Аллахтан сурагандарын сурап эми артына кайтайын дегенде. Аллах:
“Оо,Муса сен башка эч нерсе унуткан жоксуңбу дагы эмне сурайсың? “-дейт. Муса (а.с.) жоок деп жооп берет. Анда Аллах жолдогу аялчы дейт сен айта бар анын тагдырына бала көрү жазылган эмес балалуу болбойт дейт ..Эртеси Муса (а.с.) жолунан чыккан аялга:
“Сенин тагдырыңа балалуу болуу жазылбаптыр “деп жооп берет. Бирок аял токтоп калган жок күндө Муса пайгамбардын жолун тосуп “Аллахтан сурап келчи “деп тажатып жиберет. Акыры Муса (а.с) башка жол менен бара турган болот. Бир жылдан кийин ошол жолго салат баяны жолун тоскон аялдын колунда бала бар экенин көрөт. Таң калып аялга келип:
“Бул баланы кайдан таптың,кимдик? “деп сурайт. Аял:
-“Өзүмдүн балам өзүм төрөдүм “деп жооп берет. Анда Муса (а.с) кайра таңдана:
“Аллах сенин тагдырыңа бала жазылбаганын айтиы эле го? “.
Аял: “Аны барып Аллахтан сура “дейт. Муса (а.с.) дароо үңкүргө карай бет алат.
Аллах мындай жооп берет:
“Ооба мен ал аялдын тагдырына балалуу болбой турганын жазган элем,бирок ал аял менден сураганын токтоткон жок “Ар Рохмаан,Ар Рохиим “(Аллоху Акбар:Йа-Рахмаану.
Озу жараткан бардык макулуктарга бул дуйнодо эн Мээримдуу.
.Йа-Рахииму.
Ырайымдуу.Акыретте ыймандуу адамдардын баарына ырайым кылуучу.) -деп чын ыклас үмүт менен сураганын эч токтотбой койду. Анын тагдырын өзгөртүүгө мажбур болдум “-деп жооп берди…
Анткени Аллахтан Мээримдүүлөрдүн Мээримдүүс
ү ,Ырайымдуулардын Ырайымдуусу анын Мээриминин,Ырайымынын чеги жок …
Демек менин тагдырым ушул экен деп жатып караңгылык дүйнөсүнөн батып алуу керек эмес экен.Бирөөнүн эшигин канчалык көп каккылаган сайын эшик ачылаарын билесиң ошо сыңар Жаратканга болгон ишенимиң менен себебин изденип дуба кылып бер сөзсүз дубалар кабыл болот ин ша Аллах!

Дагы эле ойлонуп олтурасыңбы бир тууганым! Жараткан Роббыңа жүзүңдү бур! Жүрөгүңдү туурулап,ниетиңти оңдоп, чын ыкластан,жан дүйнөң менен көзүңдөн аккан жаш менен колдоруңду сун! Ин ша Аллах канча тагдырың кыйынчылык баткагында болбосун,оорууң олутту болбосун,карызың тоодой болбосун,жашооңдо эч бир жол,эч бир үмүт шамы өчө турган болбосун Сенин тагдырыңды өзгөртүп,же жеңилдөөсүнө бир гана АЛЛАХ жардам берет!

Анткени Аллах Тааламдын Ыйык Куранда пенделерине берген убадасы бар:

«Мага дуба кылгыла,силерге жооп беремин (кабыл кыламын) »(40;60)..

«Кантсе да, Аллахтын ырайымынан үмүт үзбөгүлө,Анткени,Аллахтын ырайымынан каапыр болгон коом гана үмүз үзөт»(12;87)..

«Балким силер жаман көргөн нерсе силер үчүн жакшыдыр,балким силер жакшы көргөн нерсе силер үчүн жамандыр. Анткени Аллах Билүүчү. Силер билбейсиңер »(2;216)..

«Аллах өз пенделерине мээримдүү»(42;19)..

«Ырайымы бардык нерсени камтыйт »(7:156)..

«Кайгырба! Чындыгында, Аллах биз менен бирге»(9;40)..

Запись Кайгырба бир тууганым Аллах сени менен! впервые появилась Formula.KG.

✍ Аллах Тааламдан өткөн мээримдүү Зат жок,ал пендесинин тозок отуна күйүүсүн каалабайт,канча күнөө кылсын ,Ал Өзүнө жакын кылууну Бейишиден насип кылууну кааласа пенделерине ар кандай сыноолорун жөнөтөт. Ошол сыноо аркылуу Мага кайрылсын,Мен анын күнөөлөрдөн тазалайын деп. Эгерде кимде ким Аллахтын ыраазылыгын тапкысы келсе, Аллах жакшы көргөн сыноодогу пенделеринен кабар алып,жардамын берсин. Анткени кимде -ким Аллах үчүн тууганын,досун,ата -энесин,оорукчан,кыйынчылыкта жашаган,кедей -жетимдерден кабар алып,жакшы мамиле кылып жакшы көрсө,ошол пендесин Аллах Таалам жакшы көрөт,Өз коргосуна алып жакшылыктарынан тартуу кылат.

Бул тууралу Алланын Элчисинин (ага Аллахтын ырайымы жана саламы болсун) мындай дегени кабардалат:
«Адам кимди сүйсө ошону менен (акыретте да чогуу) болот »(Бухарий)

Абу Хурайра (андан Аллах ыраазы болсун) Аллахтын Элчисинин (ага Аллахтын ырайымы жана саламы болсун) мындай дегенин кабарлайт:
«Кыямат Күнү Кудуреттүү жана Улуук Аллах минтип айтат: «О,Адам баласы, Мен ооруп калдым эле сен,Мени зыярат кылганың жок! »( Ошондо мындай суроону уккан) пенде минтип айтат:
«О,Жан Эгем, Сен ааламдардын Эгеси болсоң,анан кантип мен Сени зыярат кыла алмак элем? »Аллах айтат:
«Менин баланча деген кулум ооруп жатканын сен билип туруп,сен зыярат кылганың жок! Эгерде сен аны зыярат кылган болсоң,анда Мени ошол жерден сөзсүз табарыңды билген эмес белең?!
О,Адам перзенти,Мен сенден Мени тойгозушуңду сурандым эле,сен Мени тойгозгонуң жок! »(Ошондо) адам айтат:
«О,Жан Эгем, Сен ааламдардын Эгеси болсоң,анан кантип мен Сени кантип тойгозо алмак элем? »Аллах айтат:
«Менин баланча деген кулум өзүн тойгозушуңду сенден сураганда сен аны тойгозгонуң жок,эгерде сен аны тойгозгонуңда анда анын (сообун) Менин алдымдан сөзсүз табарыңды билген эмес белең?!
О,Адам урпагы,Мен сенден суу сурадым эле,сен Мага суу бергениң жок! »(Ошондо) пенде айтат:
«О,Жан Эгем, Сен бүткүл ааламдардын Эгеси болсоң,анан кантип мен Сага суу бере алмак элем? »Аллах айтат:
«Сенден баланча деген кулум суу сурады эле, сен ага бергениң жок! Эгерде сен аны тойгозгонуңда ,анда анын сообун Менин алдымдан сөзсүз табарыңды билген эмес белең?! »(Муслим)

✨ Абу Хурайра (андан Аллах ыраазы болсун) Аллахтын Элчисинин (ага Аллахтын ырайымы жана саламы болсун) мындай дегени кабарлайт:
«Бир адам башка айылда жашаган (диндеш) тууганын зыярат кыланы жолго чыгат. Ал эми Аллах Таала (бир) периштеге анын өтө турган жолунан күтүп турууну буюрат. Ал адам ошол айылга жеткен кезде андан (периште) сурайт:
«Сен кайда баратасың? ». Ал: «Ушул айылдагы тууганыма (аны зыярат кылганы) баратам». Периште сурады: «Сен балким ага жакшылык кылып,эми анын пайдасын көргөнү бара жаткандырсың? ». Тигил адам жооп берди: «Жок,чындыгында,мен аны Аллах Тааланын ыраазылыгы үчүн сүйөмүн ». (Ошондо) периште айтты : «Чындыгында, сен ал адамды кандай сүйсөң Аллах да сени дал ошондой сүйөрүн (билдирүү үчүн) мени сага Аллах жиберди »(Муслим)

Дагы бир хадисте мындай делет: «Ооруп жаткан адамды же тууганын Аллахтын ыраазылыгына жетүү үчүн зыярат кылган адамга эки жарчы( периште) : «Сен ыраазы болгун,жолуң берекелүү болуп,жайың Жаннаттан болсун! »-деп кайрылышат ». (Тирмизий)

✨ Алинин (андан Аллах ыраазы болсун) мындай дегени кабардалат:
«Мен Аллахтын Элчисинин (ага Аллахтын ырайымы жана саламы болсун ) мындай дегенин укканмын:
«Ооруп жаткан мусулманды эртең менен зыярат кылган ар кайсы мусулман үчүн жетимиш миң периште кечке чейин Аллахка сөзсүз кайрылып дуба кылып турушат. Ал эми ооруп жаткан мусулманды кечинде зыярат кылган ар кайсы мусулман үчүн жетимиш миң периште эртеңге чейин Аллахка сөзсүз кайрылып дуба кылып турушат жана ал мусулман үчүн Бейиште жемиштер жыйналып коюлат! »(Тирмизий)

Деги эле жашообузда мусулман болгонубуздан кийин бири -бирибизди кабар алууга эмне жетсин. Бирин -бир кабар алуу зыярат кылуу ортодогу туугандык мамилелерди жаңыртып,чыңдантып,мээримдүүлүк отун тутантып,ынтымактуулукка өбөлгө түзөт.Бул жашоодо өзүң үчүн эмес башкалар үчүн жашаганды да үйрөөнү керек,”Өз камын ойлогон эледен чыгат,Эл камын ойлогон элге жагат,элге жаккан Аллах Таалага жагат “.

Дүйнөдө мээрим көздөр көп болсо ошол жерге Аллахтын мээрими төгүлөт. Дүйнөдө боорукер жандар көп болсо,ошолорго Аллах боорукерлик кылып ырайымына бөлөйт. Дүйнөдө бирин -бири сүйүп, сыйлашкандар көп болсо, ошолорды Аллах Таалам сүйөт. Дүйнөдө урушкандар жарашып,кечиргенди билгендер көп болсо ,ошолорду Аллах кечирип күнөөлөрүн жок кылат!

Мындай адамдар эң бактылуу адамдар,Кыяматта да Аллах Тааламдын коргосунда болот ин ша Аллах!

«Бактылуулук Формуласы »

Запись АЛЛАХТЫН ЫРААЗЫЛЫГЫН КАЙДАН ТАПСА БОЛОТ? впервые появилась Formula.KG.

Аллах Тааланы жакшы көрөсүңбү? деген суроого кайсы эле мусулман пендеси болбосун экиленбей туруп ооба деп жооп берет. Бирок бул сөздөр тилибиздин учунда гана айтылууда. Мусулман деген эле аты болбосо толук мусулмандар саналуу гана. Аллах Тааланы сүйүү -бул ыйман келтирүүдөн башталат. Ыйманың толук болгон болсо Аллахка болгон сүйүүңдүн далили.Пайгамбарыбыз (саллАллоху алехи васаллам) айтты:

«Кимде үч сыпат болсо ,анда ал ыйман ыраахатын алат. Алла жана Анын элчиси ал үчүн баарынан сүйүктүү болсо-Эгерде бир адамды жакшы көрсө Аллах үчүн гана жакшы көрсө. Алла аны куфурлуктан сактагандан кийин кайра ага кайтууну -Отко ыргытылганды жаман көргөндөй жаман көрсө »(Имам алъ Бухари:Имам Муслим) ..

«Ким Аллахка Анын элчисине моюн сунса ,албетте, ошол зор ийгиликке жетишет»(Азхаб:71) …
Биз Аллах Тааланы жакшы көрү үчүн Анын бизге жөнөткөн Пайгамбарын ,парз,сүннөт жолдорун тутунуп ишке ашырсак ошондо Аллахка болгон сүйүүбүздү далилдейбиз..

«Айт! Эгер силер Аллахты сүйсөңөр анда мени ээрчигиле ошондо Аллах силерди сүйөт жана күнөөңөрдү кечирет.Аллах Кечиримдүү,Боорукер»(Аали Иамран: 31)..

ЭГЕРДЕ БИЗ АЛЛАХТЫ СҮЙСӨК..

Абу Хурейро (роди Аллоху анхудан) : Алланын Элчиси айтты:”Алла Таала мындай деп айтты:«Ким менин досум менен душман болсо аны менен Мен душман боломун. Менин кулум мага жакындоо үчүн дин жолунан кымбат эч нерсе таба албайт! Менин сүймөнчүлүгүмө ээ болмойунча буйруктун чегинен ашып кеткен (нафил ыктыярдуу) аракеттепди жасай берген кулум Мага жакындаша алат. Мен сүйгөн кулума уга турган кулак,көрө турган көз,тута турган кол, баса турган бут болом. Эгер ал Менден бир нерсе сураса Мен албетте сураганын берем. Эгер ал Менден калкалоочу жай сураса Мен албетте ага жай берем»(Бухариден) ..

АЛЛАНЫН КЕЧИРИМИНИН КЕҢДИГИ..

Анас (ради Аллоху анху) нун айтымында: Алланын Элчиси айтты: ” Кудуреттүү Алла айтты: « О,Адам уулу сен Мага жалбырап турган жана Мага кайрылып тилеп турган учуруңда Мен сини кылгандарыңдыкечиремин жана Мага баари бир. О,Адам уулу ал турсун ,эгер сенин күнөөлөрүң асмандагы булуттарга чейин да жетсе, анан сен жалбарып кечирим сурасаң Мен сени кечиремин.
О,Адам уулу,эгер сен Мага жердин чоңдугундай күнөөлөрүң менен келсең да,бирок Мага эч кимди шерик кылбасаң(Алладан башка Кудай жок деп ишенсең) Мен сага ошончолук магфират (кеңчилик -кечирим) беремин »(Тирмизиден) ..

АЛЛАХ ТААЛАНЫН БООРУКЕРЛИГИ..

Ибн Аббастан (Алла экөөнө тең ыраазы болсун): Алланын Элчиси айтып келтирген сөздөрүндө кудуреттүү Алла Таала тарабынан мындай деп айтылган:

«Акыйкатта Алла Таала бардык жакшы жаман иштерди жазып койгон,анан муну мындайча түшүндүргөн: «Эгер кимдир бирөө жакшы иш иштейин деп ниет кылып,бирок аны аткаралбай калса Алла Таала муну жакшы иш деп жазып алат. Эгер кимдир бирөө жакшы иш жасайын деп ниет кылып ,аны аткарса Алла Таала муну ондон жети жүзгө чейин,андан да ашыгыраак жакшы иш катары жазып алат. Эгер кимдир бирөө жаман иш жасайын деп ниет кылса, аны жасабаса Аллах муну жакшы иш катары деп жазып алат. Эгер кимдир бирөө жаман иш кылам деп ниет кылса, аны иштесе муну Аллах жаман иш деп жазып алат »(Бухари жана Муслим сахиктеринен) ..

Ушундай Улуук, Кудуреттүү, Кечиримдүү,Боорукер, жакшы көрүүсүнүн чеги жок Раббымды эмне үчүн жакшы көрбөйбүз?
Биз үчүн баарын жаратып, кооздуктарды тартуулап ,бизге жашоо берген ,жоктон бар кылып жараткан,бул дүйнө,аркы дүйнө бакытын тартуулаган Раббымды эмне үчүн жакшы көрбөйбүз?
Чеги жок ырыскы,нээматтарын жегиле,ичкиле жашагыла курсанчылыкта деп жашоо тартуулаган Раббымды эмне үчүн жакшы көрбөйбүз?

Биз дагы эле уйкудабыз ойгоно элекпиз, Аллахтын акыйкатын көрүп билип,сезип турсак да кайдыгер карап келебиз, Аллах болгон сүйүүбүз далилибиз кайда? Качан далилдейбиз?

Эгерде чынында Аллах Тааланы сүйүп жашаймын десең төмөнкүлөрдү ишке ашыруу керек:
Ширк келтирбестен жалгыз Аллах Таалага гана ибадат кылуу,өкүм-буйруктарын аткаруу,ысым -сыфаттары менен Ага кайрылуу ,Пайгамбарыбыз (саллаАллоху алейхи васаллам) дын сүннөттөрү менен,өкум буйруктарына,толук моюн сунуу,баардык жакшя иштерди Аллахтын ыраазычылыгы үчүн кылуу…

Эгерде биз Аллахты сүйүп Анын Пайгамбарын ээрчип жашасак,Аллах биздин жүрөгүбүздү жалаң жакшылыктарга ачып коёот,күнөөлөрүн кечирет,ырайым кылат,иш -аракеттерине тууралык салат.
Эч качан Пайгамбарды тааныбай тууруп Аллахты сүйөм деп айтууга болбойт,анткени Аллах Пайгамбарлар аркылуү өкүм -буйруктарын жөнөткөн. Ошондуктан Пайгамбарыбыз Мухаммед СаллаАллоху Алейхи Васалламды жакындан таанып, аны сүйүп жашайлы. Аллах Таалам:

” Пайгамбарды кимде -ким сүйүп,ээрчип жашабаса бейиштен үмүт кылбай эле койсун”-деп айткан…

«БАКТЫЛУУЛУК ФОРМУЛАСЫ»

Запись АЛЛАХ ТААЛАНЫ ЖАКШЫ КӨРӨСҮҢБҮ? впервые появилась Formula.KG.

Адамзаттын адам болуп жашашы тыюу,мыйзамдарга көз каранды. Адам мыйзамдарга баш ийип жашабаса айбандан айырмасы калмак эмес. Мамлекетте мыйзам болбосо башы бириккен эл,бир коом,аты,маданияты дайынсыз чачыранды баш аламан болуп кетмек,мыкачы,ууру,бузукулар толуп дегиеле жашоого туура келбеген иштер болмок. Үйбүлөдө мыйзам болбосо атасын,апасын укпаган, ата -энесин сыйлабаган инсандар дегиеле очогу жанган үйбүлө болмок эмес. Бул мыйзамдар жашообуздагы сыртыкы мыйзамдар ,ал эми адамдын адамдык сыпатын жогору деңгелге көтөргөн, жашоодо жолунан адашпаган түбөлүк бакытка жетелей турган мыйзам бул Жараткандын буйрук,мыйзамдары. Бирок Жараткандын буйуруктары менен жашоо ар бир эле инсандын колунан келе бербейт,ал үчүн күчтүү ишеним,бекем ыйман,толук моюн сунуу, менен жүрөгүбүздү Жараткандан азабынан корку ,жакшылыгынан үзүлбөгөн, күмөнсүз ишеним менен үмүт кылып жашообуз керек. Мына ошондо Аллахтын эң сүйүктүү инсандары болуп жашамакбыз..

Аллахтан коркуу жана Аллахты сүйүү адамды бакыт менен жан ырахатына жеткизе турган кош канат сыяктуу. Пайгамбарыбыз Мухаммед алейхиссалам: “Кимде ким Аллахтан корксо, бардык нерсе ал адамдан коркот. Кимдеким Аллахтан коркпосо, ал адам баарынан корко турган болот”, -деп билдирген.

Дагы бир хадиси шарифте: “Акылдын толук экендиги – Аллахтан канчалык корко тургандыгынан белгилүү болот”, – деп айтылган. Аллахтан корккон адам Анын буйруктарын орундоого, тыюуларынан сактанууга аракет кылат. Эч кимге жамандык кылбайт. Башкалардан келген жамандыктарга сабыр кылат. Кылган күнөөлөрүнө өкүнүп, тообо кылат. Сөзүндө турат. Бардык жакшылыкты Аллах үчүн кылат. Эч кимдин мал-мүлкүнө, ар-намысына, жанына кол салбайт. Жумушта, соода-сатыкта эч кимдин акысын жебейт. Күмөндүү нерселерден оолак турат. Жогору мартабалуу кишилердин жанында артыкча карапайымдыкка берилип, жагынууга аракет кылбайт. Билимдүү жана адеп-ахлактуу адамдарды жана досторун сыйлап урматтайт. Начар кулк-мүнөздүү адамдарга насаат кылат, аларды эрчип кетпейт. Кичүүлөргө ызат кылат. Коногун сыйлайт. Зыяндуу жана пайдасыз сөздөрдү сүйлөбөйт. Эч ким менен корс мамиледе болбойт, жоомарт болот. Мал-мүлк жана мартабаны элге пайдалуу болуу үчүн талап кылат. Эки жүздүүлүк кылбайт. Аллаху тааланын ар дайым көрүп турганын билип, эч кандай жаман иштерге барбайт.
Эгерде инсан шефинен коркуп жоопкерчиликти сезип иштесе, ал иштин майын чыгарып, көп ийгиликтерге жетишип шефинин эң жакын ишенимдүү,жакшы көргөн досуга айланмак.
Эгерде үй -бүлөдө аялы күйөөсүн айтканынан чыкпай,сыйлап,бардык иштерин кылып,колдоп турса,а күйөөсү аялынын иштерине жардам берип, балдарына каралашып турса бактылуу үй -бүлөлөр көп болмок. Бирок биз инсандар мындай адамдарга сутканбай кайра төмөн карайбыз,”а десе шефинен коркот,күйөсүнөн өллө коркот,аялынан корккону үчүн үй иштерин кылат “-деп ушундай терс көрүнүштөр менен баалашат. Анткени биз инсандардын табияты ушундай жакшы жолдун ташын көрөмөйүн жөн олтуралбайбыз. Бул текеберилигибизден бакыттын кайда жашынган билбей жашап келебиз…

Эгерде биз Жараткандын алдындагы жоопкерчиликти туя билип,Анын азабынан коркуп ,жакшылыгынан үмүт кылып жашасак,жүрөгүбүз Аллах Таалага болгон сүйүүгө толуп,намаз,орозо,баардык койгон кадамдарыбыз өз ордунда болуп адашуудан алыс болуп,көөп жакшылыктардын алдынан чыкмакпыз. Анткени бул корку сезими,улуу Пайгамбарлардын,аалымдардын бекем карманган жолу. .. Мухаммед алейхиссалам: “Араңарда Аллаху тааладан эң көп корко турган киши – менмин”, – деген. Аллахтан коркуу бир заалымдан коркуу сыяктуу эмес. Бул коркуу – урмат жана сүйүүгө толгон коркуу. Ашык адамдардын өз сүйүктүүсүнө арнап жазган ырларында ушундай коркуу сезимин кездештирүүгө болот. Бул коркуу – сүйүктүүсүн таарынтып албайын деген коркуу.
Курани каримдин “Фатыр” сүрөсүнүн 28-аятында : “Илими көптүн Аллахтан коркуусу да көп” ,

“Рахман” сүрөсүнүн 46-аятында: “Раббисинин улуулугунан корккон адамга эки Бейиш берилет”, – деп кабар берилген.

“Анфал” сүрөсүнүн 2чи жана “Хаж” сүрөсүнүн 35-аяттарында:
“Момундар – Аллахтын ысымы айтылган кезде жүрөктөрүндө коркуу сезими пайда болгон адамдар”, – деп айтылган.

“Нур” сүрөсүнүн 52-аятында: “Аллаху таала жана Анын Расулуна моюн сунгандар жана Аллахтан корккондор кыяматта азаптан кутулушат” – деп айтылган.

Бул аяттар адамдарды Аллахтан коркууга чакырат. “Хужурат” сүрөсүнүн 13-аятында: “Аллахтын алдында эң кадырлуу адамдар – Андан корккондор деп айтылган”, – деп билдирилген.

Ушул жерде бир маселени айтып кетпесек туура эмес болоор..
Намаз окуйун десем ишим бар,иштен бошой албайм,баамдатка туралбай жатам,куптанда уктап калып жатам эмне кылсам деген туугандарга сабак боло турган алыскы чет жакада иштеп жүргөн бир Аллахтын сүйүктүү пендеси тууралуу сөз кылсак..

Аллах кимди кааласа туура жолго салып кимди кааласа адаштыруучу,бул инсанда Жараткандын каалоосу менен жүрөгү ойгонуп, бир сүрөөнү билбеген,Кудай,пайгамбарды сырттан эле тааныган жан болчу. Адам чөйрөсүнө карап өзгөрүлөт дегендей,бирге жашаган бөлмөдө илими бар таксырлар менен жашап калып, даават артынан Жараткандын жолуна кадам таштайт. Акырындан жаттап,окуп беш маал намазды да бир жылда өздөштүрүп алат. Окуудан анча жок болгондуктан устаздардын видеолорун Абдишүкүр устаздыкын көргөндө кадимкидей көз жаш менен ыйлап,Чубак устаздыкын болот,болбойт дегенин ар кадамын пайдаланып, кызыгуусу күндөн -күнгө артып жүрөгү жарып,Жараткандын жолуна умтула баштайт. Мындай берилүү,чын ыклсатык ар кимге эле бериле бербейт бул да Аллахтын тандаган пенделеринендир. Ал инсандын Аллахка болгон сүйүүсү,андан корккону анын кылган амалдарынан көрүнүп турду. Иши канчалык оор болбосун бир күндө 15 саат тынбай иштесе да намазын калтырбай,үйгө келгенде эшиктен кирээри менен чарчадым да дебей намазын окуп анан тамака олтуруп дем алат. Канча кыйналып,чарчасаңда намазды ырахат менен окуу адамды дем алдырып,жан дүйнөсүнө бейпилдик тартуулайт деген ушудур. Бул инсан илимдүү,сабаттуу эместир бирок Жараткандын эң сүйүктүү инсаныдыр,анткени Аллах ар кимди күчүнө жараша умтулган пендесин жолун жеңилдетип, мүмкүнчүлүгүн түзүп,Өз колдосу менен жакшылыктарынан эч качан кур калтырбайт. Демек намаз окуймун деген инсан үчүн эч кандай шылтоо болбос экен,ал адамдын өзүнөн,ыкласынан,Аллах алдынданы жоопкерчиликти сезе билгендиге байланыштуу болот экен. Бул инсандын азыркы күндө жашоосу жакшы үй -бүлөсү менен жакшы күндөрүн кечирип жүргөн убагы. Балким Жараткан илим жагынан да насип кылып чоң аалымдардын катарына кошоор…..

“Оо,Аллахым ар бирибиздин жүрөгүбүзөгө Умар (андан Аллах ыраазы болсун) Аллахтан корккондой корку сезимин берген болсун,ар бир койгон кадамбызда Аны эстеп жүрөлү! ! Жашообузда адилеттүү,акты ак деп,караны кара деп,акыйкаттын артынан чуркаган,чындыкты дос кылгандардан болуп жашагандардан бололу!
Бакытты Жараткандан деп бил! Анкени Аллахка моюн сунуп,Ага умтулган пендесин бакыт өзү издеп барат! ….

«БАКТЫЛУУЛУК ФОРМУЛАСЫ»

Запись АЛЛАХТАН КОРКУ ЖҮРӨККӨ БАКЫТ ТАРТУУЛАЙТ впервые появилась Formula.KG.

Абдишүкүр ажы Нарматов

Мээримдүү жана Ырайымдуу Аллахтын аты менен баштаймын. Ааламдардын Жаратуучусу, адам баласын сыноо үчүн жаратып, Акырет күнү алардан сурак алуучу Аллах Таалага мактоо болсун. Аллахтын эң акыркы пайгамбары, бул дүйнөнүн убактылуу экендигин үммөтүнө далилдеп, Акыреттеги эсеп-кысапка даярдануунун жолун үйрөткөн пайгамбарыбыз Мухаммадга Аллахтын салам-салаваты болсун.

Аллах Таала Куранда: “Оо, ыйман келтирген пенделер! Аллахтан корккула! Ар бир жан эртеңки күнү (Кыямат) үчүн эмне амал кылганына карасын. Аллахтан корккула! Аллах эмне иш жасап жатканыңардан кабардар” – деп айткан. (Хашр, 18-аят). Мына ушул аятты уккан сахабалар бул аятка кандай амал кылышты? Абу Бакр Сыддык (Аллах андан ыраазы болсун) бир күнү бак ичине кирип, бутактанбутакка конуп мөмөлөрдү терип жеп жүргөн чымчыкты көрдү. Ал чымчыкка суктануу менен карап: “Оо, чымчык! Сен бутактан-бутакка коносуң, каалаганыңды жейсиң, каалаганыңды ичесиң, бирок эртең Аллахтын алдында бул үчүн жооп бербейсиң. Сенин жашооң кандай жакшы. Аттиң, мен эл башкарган халифа болуп, эртең Аллахтын алдында эсеп бере албай турганымча, ыймандуу адамдын денесиндеги бир тал түк болуп калсам кана…?” Умар (Аллах андан ыраазы болсун) айтат: “Аттиң, бул жашоодо сыналып, сыноодон өтпөй калганча, Умардын энеси мени төрөбөй койсо жакшы болмок”. Ибн Аббас (Аллах андан ыраазы болсун) өзүнө-өзү кайрылып мындай дейт: “Оо, Ибн Аббас! Эгерде Аллах сенин күнөөлөрүндү кечирбесе, анда абалың оор болорун билип кой”. Анас бин Малик айтат: “Мен бир күнү Умардын өзү менен өзү сүйлөшүп жатканын уктум. Ал: “Аллахка касам ичип айтам, эй менин нафсим, сенин алдыңда эки эле жол бар: же такыба болул жашайсың, же Аллахтын азабына туш болосуң” – деп айтып жатты..

Сурак күнү болушу жөнүндө адамдар ар кандай пикирде болушуп үч топко бөлүнүштү:

бирөөлөрү сурак болбойт, адам өлдүбү ал үчүн баары бүттү дешет;

Экинчи топ сурак күнү болушуна толук ишенишет;

үчүнчү топ арсар, сурак күн болот же болбойт деп күмөн менен жашашат.

Сурак күнүнүн болушуна кыпындай да күмөндө болбоңуздар. Ал күн сөзсүз келет. Баарыбыз бирибиз да калбай өлүп кайра тирилгенден кийин топтолуп Алланын алдына барып Анын суроолоруна жооп беребиз. Алла Өзү Куранда айткан: «Биз аны бир тамчы суудан жаратканыбызды инсан көрбөдүбү? Ошентсе да ал ачык жаңжалчы. Ал өз жаралышын унутуп Бизге: «Бул чириген сөөктөрдү ким тирилтет?» – деп мисал келтирет. « Аны алгач жараткандай эле (кайра) тирилтет. Ал бардык жаралгандарды Билүүчү»-дегин. (Ясин, 77-аят). Өлгөндөн кийин кайра тирилүүнүн чындык экенин далилдөө үчүн түшкөн бул аяттардын себеби төмөнкүдөй: күндөрдүн биринде меккелик Убай бин Халаф аттуу араб Алланын пайгамбарына (с.а.в.) келди да колундагы сөөктүн күлүн пайгамбардын (с.а.в.) алдына таштап мындай деди: «Ушул күлгө айланган сөөктү Алла кайра тирилтишине чындап эле ишенесиңби?!» Ага пайгамбарыбыз жооп берди: «Билип койгун, Алла бул сөөктү да жана Ал зат сенин сөөктөрүңдү да кайра тирилтет. Ааламдын кожоюну болгон Алла адамдын балдарын бир тамчы суудан жаратканын байкуш араб билген жокпу? Алла аны да бир тамчы суудан жараткандай эле, анын күлгө айланган сөөктөрүн кайра тирилтүүгө Кудуреттүү! Байкуш араб, Алла аны эмнеден жаратканын унутту! Чирип күлгө айланган сөөктөрдү ким тирилте алат, – деп талашууда. Аларды ким биринчи жараткан болсо, Ал аларды кайра тирилтет. Ал Алла – Кудуреттүү жана бардыгын Билүүчү.

Хасан Басрий айтат: “Эй, адам баласы, сен күндөрдөн түзүлгөнсүң, күн өткөн сайын сен кемип жатасың”. Эң чоң ысырап, бул – акчаны, же башка нерсени ысырып кылуу эмес. Эң чоң ысырап, бул – убакытты текке кетирүү. Арабдардын макалында: “Убакыт кылыч сыяктуу, эгер сен аны кескенге жетишпесең, ал сени кесип салат” – деп айтылат. Күн менен түн сага каршы иштеп жатат. Булар жаңыны эскиртет, жашты карытат, барды жоготот. Аалымдар айтат: “Кимдин бүгүнкү күнү кечээги күнүнө окшош болсо, жашоодон уткузуптур, кимдин бүгүнкү күнү кечээгиден жаман болсо, ага каргыш болсун”. Пайгамбарыбыз (Ага Аллахтын салам-салаваты болсун) айтат: “Эгер Аллахтан сурасаңар, Фирдаусту сурагыла! Ал бейиштин ортосу жана анын бийиктиги Аллахтын аршына жетет”. Мусулман пенде ар дайым бийиктикке умтулуусу керек. Дуба кылганда да жөн гана бейишти сурабастан, “Фирдаусту” сурагыла. Күндөрүбүзгө эсеп берели. Өзүбүздү-өзүбүз оңдойлу. Кетирген күнөөлөрүбүз үчүн чын ниеттен кечирим тилейли. Аллах Таала Кечиримдүү жана Боорукер. Ар бирибизге Аллахтын тынчтыгы, мээрими жана ырайымы болсун.

Запись АЛЛАХКА КАЙТУУЧУ КҮНДӨН КОРККУЛА впервые появилась Formula.KG.

Пайгамбарыбыз саллаллооху ъалайхи ва саллам айтат: Кайсыл адамдын башына кыйынчылык келсе, кайгы-капа оор сыноолору менен бастырып келсе ушундай деп айтсын :
“Оо, Кудай Таалабыз ?!
Албетте мен Сенин пендеңмин .
Сенин кулуңмун !
Менин үстүмдө сенин өкүмүң
мажбуур түрдө өтүүчүдүр .
Сенин ар бир улуу атың менен,
Өзүңдү тааныткан ысымдарың менен,
Сен жараткан маклуктардын бирине үйрөткөн
атың менен, Өзүңдүн гана астыңда
эч ким билбеген гайып илимиң менен жашырып койгон улуу Даражаң менен,
КУРАНДЫ жан дүйнөмдүн тынчтыгы
көзүмдүн тынчтыгы кылууңду,
кайгы жана капаны жүрөгүмдөн чыгарып,
жеңилчилик жана жыргал жашоого, бактылуу күндөрүмө алмаштырып бергин !”- деп айтсын. Бул дубаны эрте менен кечинде, жок дегенде күнүнө бир ирет Аллага кайрылып дуба кылып турсак
Аллах Таалам кабыл кылат сөзсүз .

Эгерде ушул хадистерди, багыттарды, баяндарды угуп туруп да жашообуз оңолбой жатса билиңиз татыктуу үммөт боло албай жатабыз, өзүбүз дуба кылууда алсызбыз,
өзүбүз себепчибиз ..

Акча бер, саартан кечке изден деген жок,
ушул дубаны эле айтып кой
Сага жашоону Мен беремин деп жатат .
Мени ыраазы кылуунун гамын кылсаң,
сенин гам-кайгыңды Мен кетиремин деп жатат.
Сахаабалар бул хадисти угушуп:
– Эй Аллахтын Элчиси бул дубаны жаттап алайлыбы?- деп сураганда Пайгамбарыбыз:
“Ооба, муну уккан ар бир адамга
жаттап алуу ваажип – деди .

Демек, бүгүнкү күнүбүздөгү кеңири тарап кеткен ичи тардык, жан дүйнөнүн тардыгы,
стресс, нервный болуубуздун кетүүсүн кааласак, кайгы-капа карыздан кутулууну кааласак көбүрөөк аракет кылайлы .
Айтышатго: Бул дүйнөдө бир гана адам сени бийиктерге көтөрүп, эң төмөндөргө түшүрөт.
Ал өзүңсүң !-деп.
Дүйнө менен Ыйман амалы тең келип бир убакта келип калса ыйман амалын ойлонбостон тандай берейли. Ушул ишти бүтсөм анан окуп аламында, орозо кармасам иштер калып кетет,
азыр сезондо бир рейс ташып алайын,
ушул товарды сатып бүтсөм анан намаз окуймун
азыр пайда көбүрөөк болуп жатат – деп
акылга салып жүрбөйлү. Сиз каяктан билесиз
ошонун сизге сөзсүз пайда берээрин ?
Бакытты дүйнөдөн, мал-мүлк ушул сыяктуу утурумдуу өтүп кетүүчү нерселерден бактылуулук издесеңиз убактылуу бактылуу болосуз. Убактылуу нерсенин арты да убактылуу. Андыктан түбөлүктүү бакытка
умтулайлы, түбөлүк бакыт кандай жакшы жер)!
Сиз пайда – зыянды бере албайсыз
Аллах берет .
Сиз гам-кайгыны чече албайсыз
Аллах гана кетирет тууганым !

Аллах Таалам амал кылууга тоофик берсин,
тоофик бербесе эч бирибиз
амал кыла албайбыз .
Асслааму ъалайкум ва
рохматуллоохи ва барокатух .

~Али Оши атайын “Formula.Kg”сайты үчүн..

“БАКТЫЛУУЛУК ФОРМУЛАСЫ”

Запись КАЙГЫҢА ДАБА БОЛУУЧУ ДУБА впервые появилась Formula.KG.

Абу Зарр ал – Гиффаари (рози Аллаху анху)нун айтымында: Алланын Элчиси тарабынан берилген риваятта анын Раббы (Алла Таала) айткан экен:

«О, менин пенделерим! Зулумдукту мен өзүмө да силерге да арам кылдым, андыктан бир-бирине зулумдук кылбагыла!

О, менин пенделерим! Мен түз жолго салгандан башкаларыңар баарың адашкансыңар ошондуктан менден (гана) туура жол сурангыла, ошондо мен силерди туура жолго саламын.

О, пенделерим! Мен тоюндургандан башкаңар бүт баарыңар ачкасыңар, ошондуктан Менден азык сурагыла, ошондо мен силерди азыктандырам.

Оо, пенделерим! Мен кийиндиргенден бөлөгүңөр баарың жылаңачсыңар, ошондуктан менден кийим сурагыла, ошондо мен силерди кийиндиремин.

О, менин пенделерим, силер күндүр- түндүр күнөөгө батасыңар. Мен бардык күнөөлөрдү кечиремин, анда Менден (гана) кечирим тилегиле, Мен силерди кечиремин.

О, менин пенделерим! Силерге Мага зыян келтиргидей эч кандай зыяндын түрүн кыла албайсыңар жана Мага пайда кылгыдай эч кандай пайда да келтире албайсыңар.

О, менин пенделерим! Силердин алгачкыңар болсун же акыркыңар болсун, инсаныңар же жиндериңер 1 болсун силер баштан – аяк бардыгыңар араңардагы эң бир таза, эң ыймандуу бирөөнүн жүрөгүндөй тап-таза ыймандуу болсоңор да ал Менин Падышалыгымды (мүлкүмдү) эч кандай өлчөмдө көбөйтө албайт.

О, Менин пенделерим!
Силердин алгачкыңар болсун же акыркыңар болсун, инсаныңар болсун же жиндериңер болсун, силердин бардыгыңар тең баштан-аяк араңардагы эң ыплас бирөөнүн жүрөгүндөй болсоңор да ал Менин Падышалыгымды (мүлкүмдү) эч кемите албайт.

О, Менин пенделерим! Силердин алгачкыңар же акыркыңар болсун, инсаныңар же жиндериңер болсун бардыгыңар баштан –аяк бир жерге чогулуп алып тилек тилеп Мага кайрылсаңар, а Мен болсо ар бириңе эмне тилегиңер болсо да ошонун баарын берсем- бул, Менин колумдагыны: ийнени деңизге малгандай гана (деңизге малып кайра алганда ийнеге жуккан тамчы суудай гана) кемите алат.

О, менин пенделерим! Мен силердин эмне кылганыңардын баарын көрүп –билип турамын, жана ошонуңарга жараша, ар кимиңерге өз энчиңерди беремин. Ошондуктан ким жакшылык тапса-(акыретте Бейишке кирсе) ал Алланы мактасын, ал эми ким андан башканы тапса2 ал өзүн-өзү гана күнөөлөсүн!
(Муслимден).

“Баардык мактоо – Эгебиз, асмандардын Эгеси, жердин Эгеси жана ааламдардын Эгеси – Аллахка таандык. Асмандарда да, жерде да улуктук – Ага таандык. Ал Мартабалуу, Даанышман!” (Жаасия – 36 аят)

Эй пендем ?
Билем сен мээримдүүлүккө муктажсың, Мээримдүүмүн Мен!
Билем сен коркосуң, ал Му’мин Баардык нерселерге амандык, тынчтык, бейпилдик Берүүчү менмин!
билем сен күнөө кыласың, кайгырасың, күнөөңдөн арылгың келет, Гофуур – күнөөлөрдү кечирүүчү Менмин! Гоффаар – өттө көп кечиремин ! Афувв – кечиргенди Мен жакшы көрөмүн !
Адилеттүүлүккө муктажсың сен, Адл, Адилеттүү менмин !
Сен жумшактыкты жактырасың, ал Халиим – Сылык, Жумшакмын Мен!
Билем бирөөнүн жардамына муктажсың, ал Валий – жардам берүүчү досуң Менмин! Коркоксуң сен – Хаафииз – Өз Паанамда сактоочо Менмин !
Сен бир нерсе кылаарда бирөөгө муктаж болосуң, Мен – Кадрмын, Баардык нерсеге өзүм эле жетишем!
Кантип жетишесиң эй Аллах ?
Анткени Мен Муктадирмин, Өтө кудуреттүүмүн, Ахадмын жалгызмын, ал Ваахид жападан жалгызмын, Эч кимге, эч нерсеге муктаж болбогон ас Сомаад менмин !!

Бирок эй пенделерим күнөө кылсаңар – Каардуумун, ал Мунтаким Өч алуучумун !
Эгер тообо кылсаңар – Афувву каталарды жууп жиберүүчү, Ар-Роуф – өттө Мээрбанмын! Билем курсагың ачат – ар Роззаак ырыскы берүүчү менмин ! Аллах Таала сиз бизге дагы эмне кылып берсин ?!

Түндү бердим укташ үчүн, күндүздү бердим иштеп-эмгектенүү үчүн, ибаадат үчүн, жерлерди жумшак кылып бердим, үйлөрдү салууңар үчүн !

Аллах Таалам сиз бизге дагы эмне кылып берсин ?
“Оо адамдар ! Аллах силерге берген жакшылыгын эстегиле: Силерге асмандан жана жерден ырыскы бере турган башка Жаратуучу барбы ? Аллахты таштап кайда бара жатасыңар?” (Фаатир 3).

Албетте инсан жалгыз өзү ар түрдүү окуяларды, кыйынчылыктарды, кайгы капаларды жеңе албайт, анткени инсан алсыз күчсүз жаралган, бир гана Роббисине таянып ага ишенип, бардык ишти ага тообокел кылып тапшырганда гана жеңе алат, адам баласы бир мусийбат каптаган кезде анын айласы бир гана Аллахка тапшыруу, «Аллахка гана тообокел кылгыла, эгер момун болсоңор».(5:23).
Ошон үчүн бир гана Кудуреттүү жана бардык күчтүн ээси болгон Аллахка гана таяналы, бардык кыйынчылыктан куткаруучу жалгыз Өзү, ал эми урааның ушул сөз болсун: «Бизге Аллах жетиштүү ал эң жакшы колдоочу», эгерде мал -мүлкүң азайып карызың көбөйсө, кирешелериң топтоп жумушуң жүрбөй калса анда: «Аллах жетиштүү. Ал эң жакшы колдоочу» деп чакыргын. Эгерде кандайдыр душмандан коркунуч болсо же заалым инсандан коркунуч келсе, же болбосо бир кырсыкка кабылсаң анда: «бизге Аллах жетиштүү Ал эң жакшы колдоочу» деп чакыргын. «Роббиңдин жетекчилиги жана жардамы жетиштүү». (25:31)

Запись ЖАРДАМДЫ БИР АЛЛАДАН СУРА! впервые появилась Formula.KG.

Бисмиллаахир рохмаанир рохийм .
Ва заккир фа инназ-зикроо танфаъул муьминийн.
Содаколлоохул ъазийм!
Ва содако росуулухун-набиййул Карийм .
Ва нахну ъалаа заалика минаш-шаахидийн ,
аммаа-баъд . Ассалааму алайкум
ва рохматуллоохи ва барокатух .

Урматтуу агалар, бир туугандар, достор .
Жашоодо диндин орду ушунчалык чоң,
эң зарыл нерсе .

Ыйман ушунчалык зарыл,
ой бооой* – бул аалам ыймандын себебинен сакталып, ыймандын себебинен
адам баласы
адам катары өмүр кечирип келе жатат .
Эгер жер бетинде бир да адам бири-бирине жакшылык кылууну билбесе, жакшы сүйлөшпөсө,
адилеттүү болбосо, баардыгы мыкаачы болсо,
ата-энени урматтоону, кечирим сурап кечиргенди билбесе кандай жашоо болот эле?
Ааламдагы баардык жакшы сапаттар,
ар бир адамда болгон жакшы сыпаттар дагы динде бар, ыймандын берекетинен,
ааламда тынчтык болуп турат.
Эгер дин болбосо
бул нерселерди инсан билмек эмес !

Адам баласы шашылчаак жаратылган.
Көпчүлүк адамдарда бир оору бар,
караап олтурсаң ар бир адам өзүнүн каалосу сөзсүз болуусун каалайт .
Бир адам басып баратса андай эмес тез-тез басуусун, бирөө тезирээк басса
астараак басчы шашпастан дейт.
Бирөө күлсө күлгөнүн жактырбай мындай күлчү!
Цветафордо туруп сары жанып турган учуру,
бирок жашыл жана электе эле
астында турган машинага ачуусу менен
сигнал басып, тезирээк айдоосун каалайт
туурабы туура эмеспи ?

Кыскасы айлана-чөйрөсүндөгү окуялар, адамдар, иш аракеттер көңүлүндөгүдөй болуусун каалайт .
Ушул оорусун айыктырбаса
жашоодогу жеңилчиликти
адам өзү жоготуп алат ..
Адам эч качан бирөөнү өзү каалагандай башкара албайт.
Өзү каалагандай түз жолго да сала албайт.
“Сен өзүң каалаган адамды түз жолго баштай албайсың, Туура жолду Мен беремин !”-деген
аятта айтылатго .
Анда эмне кылабыз ?

Кантип тарбия кылып, кантип башкалардын да өзүбүз каалагандай болуусун көрө алабыз ?
Адам биринчи кезекте өзүн тарбият кылуусу керек . Өзү оңолсо башка адамдар да оңолот.
Үй бүлөөдө эркек өз ордун, үй бүлөөсүндөгү милдетин, аялына, балдарына, туугандарына болгон акысын мыкты билсе анда
аялы да өз орду менен жашайт .
Аял киши анан өзүнүн милдеттерин
аткарып күйөөнү урматтайт .
Ата оңолсо, ата ыймандуу болсо, ата бакубат болсо анын балдары ошондой болот .
Бала дүйнөнү тааный баштаганда
атасын анан апасын көрүп жашоону үйрөнөт .
Көзүн ачса атасы түтөп тамеки тартып олтурганын, апасы кечке сериал көрүп олтурганын көрсө жашоо ушул экен деп ойлойт да ошону жашоо деп кийин ошондой өмүр кечирип өтөт .
Кээде ата-энелер өз балдарына капа болот .
Эмне үчүн ?
Баласы айтканын аткарбайт, сөз укпайт,
өзүнүн билгенин жасайт.
Бул нерсеге билиңиз ата эне түздөн түз күнөөлүү, өзү жакшылап тарбия бере алган эмес. Анан баладан башкача
кыялындагы мамилени күтөт .
Сиз эң жакшы, эң мыкты тарбияны бериңиз
сиз анын үзүрүн анан көрөсүз !
Диндин тарбиясын бериңиз,
эки дүйнөнүн бакытына кол сунасыз тууганым.
Сиз эң жаман урукту жерге олтургузсаңыз эң мыкты гүл чыгып калбайтго.
Роза гүлдүн уругун олтургузсаңыз
роза гүлдүн жытын жыттайсыз ..

Ааламдын оңолуусу да мусулмандын оңолуусунан башталат !
Бүгүнкү күндө дүйнө жүзү мусулмандарды мыкаачы, террорист деп атай баштады .
Туурабы туура эмеспи ?
Ошолор туптуура айтып жатат )))
Анткени чындыгында эле террористтер ата энесин сыйлабайт, аялына жакшы мамиле жасабайт, мыкаачылар сылык сүйлөй албайт,
бирөөнү сыйлоону билбейт да .
Бүгүн мусулман өзүн өзү оңдоону унутуп салгандыктан Аллах Таалам ошолордун оозунан ушул сөздөрдү айттырып, сиз бизге уктуруп койду сиз биз бул нерсеге капа болбойлу !

Эмне үчүн дүйнөдө жамгыр жаабай жатат .
Аллахтын казынасында жамгырдын тапчылары түгөп калдыбы ?
Эмнеге ичээрге жарактуу көлдөр соолуп баратат? Эмнеге тынч жаткан жер силкинип жатат ? Эмнеге бак дарактарда мөмө
алуу азайып баратат ?
Аллахтын казынасында
мөмө-жемиш түгөп калдыбы ?
Хадисте маанисинде келет :
Аллахтан оюңуздагы нерсенин баарын,
жер асмандагынын баарын
өмүрүңүздүн акырына чейин дуба кылып суранып өтсөңүз ,
Аллах Таала ошол нерсенин баарын сизге берсе,
Аллахтын казынасы кыпынча да азайбайт,
кандай эле океанга ийнени салып аны алганда
ийнеге жуккан суудай да азайбайт !

Бүгүн мусулмандар
Аллахтын айткандарынан алыстап баратканынан, Аллага баш ийүүнү унуткандыктан дүйнө мусулманга баш ийбей жатат . Ким Аллага баш ийсе,
дүйнө ал адамга баш ийет эле. .

Бүгүнкү күндө бир мээнет, иш жүрүп жатат
ал ишти кылган адам биринчи өзү оңолот!
Бүгүнкү күндө баардык адамдар
бирөөлөрдү оңдоонун аракетинде жүрөт,
бирок бир гана даават бул ишти кылуучулар
жалгыз өздөрүн оңдоонун максатында жүргөн
жападан жалгыз бактылуу инсандар !
Азыркы күндө ааламда интернет өчүп калса
баардык топ-топ болуп бөлүнгөн жамааттардын иши токтойт, бирок дааватчынын иши кыямат болгонго чейин улана берет.
Дааватчы ар бир үйгө барып эскертет да.

Эхххх….
Инсан эч качан өзүнө жакшылык тилөөдөн чарчабайт . Дуба кылганда башкаларга караганда өзүнө көбүрөөк жакшылык тилейт .
Бул дүйнөнү, өлүм келгенде бул дүйнөдө калып кетүүчү нерселерди сурайт, ден соолук шыпаа сурайт, тынчтык сурайт, намаз окуган адам болсо акыретти каалайт, Бейишти тилейт,
кабырдын жашоосунан сактанууну каалайт.
Адам эч качан өзүнө жакшылык тилөөдөн чарчабайт .
Фуссилат сүрөөсүнүн 49 аятында айтылгандай да : Инсан өзүнө жакшылык суроодон тажабайт.

Бирок мусулман адам кандай ?
Өзүнө да жакшылык каалайт, башка бирөөгө дагы өзүнө каалаган жакшылыкты тилеп жүрөт.

Бала мектепте окуп жүргөндө атасы:
Оку балам ! Окуп алгын, илим үйрөн, тил үйрөн !-десе укпайт .
Эжекеси : Окуп ал, жазууну үйрөн десе тоготпойт . Эртерээк чоңоюп, эртерээк студент болууну каалайт .
Адамдын ырыскысы анын жакшы окушу,
2 ге же 5 ке окушуна көз каранды эмес .
Тамга тааныбай жүрүп мектепти бүткөн адам да турмушунда элде жок үйгө, машинеге,
эл жебеген тамак-ашка жетишип калуусу мүмкүн . Эң жакшы окуган окуучу,
кээде жашоодо кыйналып калуусу деле мүмкүн,
айтайын дегеним ырыскы тагдырга жазылган !
Өлүм кандай акыйкат болсо,
анын ырыскысы да жазылган, ал да акыйкат .
Сиз чуркасаңыз ырыскыңыз көбөйүп калбайт,
таштасаңыз азайып калбайт.
Сиз өзүңүздүн милдетиңизди кыла бериңиз ..
Пайгамбарыбыз эмне кылган ?
Кербен менен сапарга чыгат эле,
соода кылып бизнес кылганго .
Кой багып, төө саткан учурлары болду элего.
Ырыскы өзү келет деп жатып алган эмес .
Аллах Таала берет деген ишеним менен
биз пенделик милдетибизди аткара берейли.

Ошентип, мектепти бүтүп студент болот
же бир жерге жумушка кирет .
Бирок артын караса окуучулук күндөрү жакшы экенин, ошол убактагы эжелердин айтканын угуп окуп алганымда деп өкүнөт .
Бирок өмүр бир келет, мүмкүнчүлүк кайтпайт,
кеткен кайра кайтып келбейт ..
Түшүнүктүү болуп жатабы?

Адамдын акылы көп нерсеге жетпейт, алсыз.
Кээ бир иштин зыян экенине ушул сыяктуу
ошол иш аяктап
качаан зыян тарткандан,
зыянды көрүп туруп кийин ишенет .
Зыян, чыныгы зулумдук бул – акыретти билип туруп, ага даярданбай коюу .
Күнөөкөр ыймансыз адам кабырга киргенде,
кабырда азап чеккенде,
мункар накир периштени көргөндө
анан өкүнөт бул жашоодо эле жашай берсем,
кана эле кайтканымда:
Эй Аллах !? Мени дүйнөгө кайтаргын,
мен дүйнөдө жакшы амалдарды жасап келейин,
күнөөлөрүмө тообо кылып,
намаз менен кабырымы нурлантып,
астыма бир төшөнчү алып келейин деп
өкүнөт, бирок жаштык учур бир ирет берилгендей, окуучулук күндөрү кайтып келбегендей ага кайтууга жол жок болот.

Айтайын дегеним урматтуу мусулман бир туугандар сиз бизге берилген убакытты
акыретибизге пайдалуу пайдаланайлы.
Аллах Таалам Куранда :
Тозоктун өтө жаман жер экенин бир нече ирет кайталап айтат .
Тамак-аш жебей койсоңуз энеңиз какшап кететго кайра-кайра кайталап, балам же , ыссык бир нерсе же, жеп алгын балам, жеп алчы ! -деп ..

Биз Аллахты тааныйлы туугандар !
Тууганым билесиңби ?

Бул дүйнөгө жаралган ар бир жандын,
ар бир нерсенин, ар бир буюмдун
өзүнүн жаралуудан максаты бар .
Алыска барбай, өзүңүздүн үйүңүздүн
айланасына эле көз чаптырыңызчы ..
Эшиктерине караңыз ..
Эмне максаты бар анын ?
Албетте сууктан тосуп,
жылуукту чыгарбастан өз кызматын аткарат ..

Терезелерге караңыз ..
(жөн эле окуп койбой караңыз !)
Эмне кызмат аткарып жатат ??

Албетте үйгө жарыктык берет !
Үйдүн ичинде салынып турган
килем-төшөктөр
эмне кызмат аткарып жатат ?
Албетте адамдар олтуруп,
жатып эс алуу үчүн жасалган !
Өз максатын толлук аткарып жатат !

Караңыз электр ысыткычтары эмне кызмат аткарып жатат !?
Анын жаралгандан бир эле максаты бар !
Ал үйгө жылуулук берип турат,
өз максатын жансыз темир болсо дагы
толлугу менен аткарып жатат !
Туурабы туура эмеспи ?

Айланаңызды караңыз ..
Бир дагы максатсыз,
максаты жок эле жасалган,
максаты жок эле
жаралган нерсени таап бериңизчи !
Андай нерсе жок ..

Анан кантип
эң акылдуу эсептелген
«Адаам баласынын»
жаралган максаты жок болсун !?
«Мен бул дүйнөдө
эмне кылып жүрөмүн?» – деген суроону
өзүңүзгө берип көрдүңүз беле ?
«Кайда барамын ?» – депчи …
«Каяктан келдим ?»- депчи . .

Адам кээде,
өзүнүн кылган ишине,
тапкан акчасына,
жүрүм турумуна таң калып:
«Мунун баарына мен өзүм жетиштим !
Мен акылдуумун !»- деген ойлорго оролуп, жүрүм-туруму өзгөрүп калат ..

Тууганым ?!
Мен сенден бир нерсе сурайын ..
Ушул суроого жооп берчи
«Аллахты эстөөдөн
сени эмне тосуп турат ?»

Өзүңө суроо берчи ..
“Аллахты эстешиңе
тоскоолдук берип жаткан нерсе эмне ?”
Мен ушул эле суроону берейин .

…… Ойлончу тууганым ?
Аллах Таалам
сизди бир секунд дагы
унутуп, таштап койгон жокко !
Аллах Таалам Куранда
сиз менен бизге ушундай кайрылат :
«Йааа аййухал инсаану
маа горрока бироббикал кариийм !»
Ээй инсаан !
Сени Улуу Роббиң тууралуу эстөөгө
тоскоол болуп,
эмне нерсе сени алдап
(алаксытып) койду !?»

Куранда башка бир аяттын маанисинде
Аллах Таалам айтат :
«Эй инсаан !
Акыры сен бир убакта
бул дүйнөдө жок элең го ?»
Сиз бул дүйнөдө жок элеңиз !
Эненин ичинде да жок элеңиз ,
сизди эч ким тааныбайт эле !
Сизди төрөлөт деп эч ким ойлобойт эле!

«¹Чындыгында инсандын үстүнө
замандан ал тилге алаарлык бир нерсе
болбогон убакыт – мезгил да келген !
²Чындыгында, инсанды
(бойго жеткенден кийин шарият буйруктары менен) сыноо максатында
(аталык жана энелик сууларынан)
аралаш болгон
бир нутфадан – уруктан жараттык !»
(Инсаан сүрөөсү 1-2 аят..)

Бүгүнкү күндө
адамдардын колун акча тийип
калса башкаларды көзгө илбей калат .
Эй досум !
Кайсыл жерден чыкканыңды унуттуңбу ?
Сени Жаратуучу бир тамчы сассык
нитфа уруктук суудан жаратты элего ?

Сен өзүңдү алдаба !
Менин чөнтөгүмдө акча бар,
астымда кымбат унаам бар ! – деп…

«Инсанды бир нитфа
сассык суудан жараттык !»
Сизди бир уруктук
сассык суудан жараткан !

Муну жүрөгүндө кибир,
башкаларды өзүнөн төмөн көргөн
текебер, кекирейип
басып жүргөндөр окусун муну !
Баардык күч-кубатка,
баардык ийгиликке,
баардык нерсеге өзүм жетиштим,
Менин Аллахка убакытым жок
деген инсандар уксун муну !
Сени – мени сассык бир суудан жаратты !
Кечиргиле
мындай сөздөрдү айтканым үчүн !
Бирок акыйкатты айтпасам,
бул жерде олтурганымдан эмне пайда?

Сиз бир сассык суу элеңиз !
Ошол нерсе жерде жатса,
бирөө акча берем карма десе,
жийиркенип кармай албайт элеңиз !
Жагабы жакпайбы бул акыйкат !
(Катасы болсо айткыла)!

Үлкөн аалым Ибну Таймия ушунчалык жүрөккө жетүүчү бир сөз айткан:
«Нажас чыкчуу жерден
бир эмес эки жолу чыгып дагы
жүрөгүндө кибири бар адамдарга
таң калам !»- деген ..

Сиз сийдик өткөн жерден
бир эмес эки ирет өткөнсүз ,
анан кантип ушул инсандын жүрөгүндө
текебердик болсун ? ??
Аллах Таала сени
эненин ичине жайгаштырып,
бир үзүм коюу кан, бир үзүм эт кылып,
андан соң сөөктөрдү берип,
Көрүү үчүн көздү берип,
угуу үчүн кулакты берип,
сүйлөшүң үчүн тилди берип,
кыймылдап басып жүрүүң үчүн
кол менен бутуңду жаратып бербедиби?

Ошол кезде
каякта эле сенин байлыгың ?
Каякта эле сенин мансабың !
Каякта эле сенин күч – кубатың !
Интернет, одноклассник
ватсапп, Фейзбугуң кайда эле ?
Мал мүлкүң кайда эле ?
Сени жаратып жатканда
ушул нерселер каякта эле ?
Бүгүн сен ушул нерселерди деп
Роббиңден алыстап баратасың ?

Сулуулугуң кайда эле ?
Сенин сүйүктүүң кайда эле ?
Бир кызды жактырсаңыз,
бир жигитти жактырсаңыз
түндөсү үчтө туруп телефон менен
кел десе, суукка карабай жуунуп,
атыр себинип пешком жөнөйсүң !
Капа кылып алуудан коркосуң !
Сага өмүр берип жаткан,
ден – соолугуңду берген
Аллах Таалага чакырып
Багымдат намазына азан айтылса
жуунуп – таранып Роббиң тарапка
басуудан тартынасыңбы ?
Өз Роббиңе мамилең ушулбу ?

Тогуз ай энеңдин ичинде ким бакты эле?
Досторуң жок эле,
колуңдан эч нерсе келбейт эле .
Ким сага энеңдин ичинде
сууда дем алууну ,
курсакты тойдурууну ким үйрөттү ?
Кайсыл университет ,
кайсыл мектеп !?

Адам сууда 5 минута турса
думчугуп, аба жетпей өлөт экен.
Аллах Таалам Кадр,
Мүмкүн эмес нерсени
мүмкүн кылып коюуга !
Беш минута эмес Тогуз ай сууда жашадың,
ким сага Өмүр берип
Дүйнөгө келүүңдү насип этти ?
Эстечи энеңдин ичинде жаткан убакты?
Элестетчи …

Көрдүңбү сенин эч нерсеге акылың
жетпейт эле ..
Энеңдин ичинен чыгууну
жеңил кылып койду,
сен бул дүйнөгө төрөлдүң ..
Жыңалач элең, акылың жок эле,
колуңдан эч нерсе келбейт эле !

Сенин буттарың бар эле,
бирок сен басалбайт элең..
Колдоруң бар эле,
бирок кармай албайт элең !
Оозуң бар эле,
тиштериң чыга элек эле,
сага ким ырыскы берди ошондо ?

Эненин сүтүн эмүүнү,
сорсоң сүт чыгуусун түшүнбөйт элең ..
Бүгүнкү күндө бир дагы мамлекет,
бир дагы окумуштуу,
бир дагы өнүккөн техника,
болгон мал-мүлкү менен
Эненин көкүрөгүндөгү сүттүн ширин
даамындай болгон сүттү,
бириси дагы жасай алышкан жок !

Бирок Аллах Таалам
ушул ширин даамдуу сүттү
эненин көкүрөгүнө
ким үчүн жайгаштырган эле ?
“Бирөө төрөлсө энеге сүт өзү келет”-
деген түшүнүк бул ыймансыз адамдын түшүнүгү !
Качаан бир бала төрөлсө,
ошондо энеге сүт келет,
Аллах Таалам ошол төрөлгөн наристеге
берген ырыскысы ошол болот ,
Аллах берип жатат деп айтайлы !

Худба – хууд Бул дегени :
«Күн өзү батып жатат,
ай өзү чыгат, жамгыр жазда жаап,
көпөлөктөр, чымын-чиркей чыгып,
шамал болуп, суулар өзү агып,
булуттар карайып, чагылган болуп,
кышта өзүнөн өзү суук болуп ,
жайда өзүнөн өзү эле ыссык болуп,
табияттан болуп жатат дегендер
бул – каафыр адамдын түшүнүгү !
Аллаах кылып жатат дейли !

..Эненин көкүрөгүндөгү сүттү сен үчүн
Аллах Таалам жайда салкын,
кышта жылуу кылып берет эле !
Түнү менен уйкусунан ажырап,
кыйналса дагы балам деп,
терметип чыккан энеңдин жүрөгүнө
сага болгон мээримди
салып койгон ким эле ?
Колдоруң кармай албайт эле,
Аллах ага уруксаат берди ..
Буттарың баспайт эле,
Аллах ага да уруксаат берди !
Аллах сага тиштерди чыгарып берип,
жүзүңдү келбеттүү кылып койду..

“Лакоди холакунал
инсаана фии ахсани такуийвм” :
Инсандарды өттө суулуу келбетте жараттык ! -деп Куранда айтат .
Адам мындан да сулуу болушу
мүмкүн эмес !
Мурдуңузду колуңуз менен жаап
күзгүдөн караңызчы каанча куник көрүнүп калат экенсиз ?

Ким берди сизге бул келбетти ?
Аллах Таалам сизге айтып жатат:
“Адамдын жүрөгү ар бир соккону үчүн
Аллах Тааладан уруксат сурап
анан согот !”
Канча жылдан бери
Аллах Таала бир жолу болсо дагы
жок дедиби ?
Адамдын жүрөгү күнүнө
100 000 ден ашык соксо,
бир жолу болсо да сенин дем алып
дем чыгарууңа жок дедиби ?

Керек болсо сен күнөө иш кылып жатканыңда дагы,
харам нерсе менен алек болуп жатканыңда дагы
Сен зынаа кылып жатканыңда дагы,
өзүңө зулумдук кылып тамеки тартып,
харамды ичип жатканыңда дагы,
керек болсо Аллахтын газабын келтирүүчү иштерди жасап жатканыңда дагы, сенин жүрөгүң дем алганы үчүн
Аллахтан уруксат сурайт,
Аллах Таалам бир жолу болсо дагы
«Жок!» – дедиби ?

Бүгүнкү күндө адамдар бири-бири менен
бир ааз эле капалашып калса
жылдап сүйлөшпөй,
жүз карашпай коюшат ..
Бир эле ката үчүн бактылуу жашап жаткан жаш-жубайлар,
бир ката үчүн эр-катындар өмүр бою
бири-биринен ажырашып кетишет !
Аллах Таалага
канча күнөө кылып койсок дагы
сиз менен бизди ал Зат унутуп
таштап койдубу ?
Аллах Таала да сабырдуу Зат экен караңызчы.
Канча күнөө кылбайлы жаза берүүгө эч шашпайт, тообо кылат деп
Боорукердүү сыпатын үстүн коёт .

Бүгүн сиз акыл эстүүсүз .
Келбетиңиз келишкен, күч кубатка ээсиз .
Колуңуз менен кармап,
бутуңуз менен баса аласыз,
ал эмес курсак ачканда өзүңүз үчүн
бир нерсе кууруп жей аласыз ..
Сиздин Аллахка убакытыңыз жокпу эми ?
Ушундай Мээримдүү Затка
убакыт ажырата албайсызбы ?
Сиздин убактыңыз ушунчалык тарбы эми ?
Сизге бул керек эмеспи,
же Аллахка ушундайча шүгүрчүлүк билдиресизби тууганым ?

Мисал айтайын :
Сиздин астыңызга ушунчалык абалым начар, курсагым ач, колумдан эч нерсе
келбей турган даражада барып,
тамак берүүңүздү сурандым…
Сиз бир табак кылып
эң жакшы тамакты даярдап берсеңиз,
мен тамакты жедим да
муктаждыгымды бүтүрүп алышым менен,
табакка түкүрүп колуңузга карматтым .
Ахвалыңыз кандай болоор эле?
Ошол сыяктуу ушунча жакшылык
ушунча неъматтарды берген Аллахка
убакытыңыз эми тарбы сиздин ?

………… Ар биир адам өзүн Динге,
Аллахка муктааж сезип жашаш керек.

Өзүн, акчага,
дүйнөгө эле муктаж сезип өтүп кетпесин.
Дин болгону үчүн сиз менен биз
татыктуу адам катары жашап жатабыз !
Дүйнөдөгү менмин деген мамлекеттердин
жазып чыккан мыйзамдары,
бир дагы мамлекеттин мыйзамы,
бир өлгөн адамды кандай көмүш керек?
Ошону айтып бере албайт ..
А дин болсо,
өлгөн адамды жууп, апакай кылып ороп,
алып барып жаткырып,
сый көрсөтүп жатат ..
Бир дагы падышачылыктын
мыйзамы бир на махрам аял
менен намахрам эркекти никелейалбайт!
А дин болсо ошону дагы,
туттуңбу, кармадыңбы деп никелеп
батасын берип жатпайбы ?

Аллах Таалам өттө кымбат нерселерди
өттө арзаан кылып койгон ..
Өттө арзан нерселерди
өттө кымбат кылып койгон .
Уйку адамга канча керек ээ?
Адам эгер бирнече күн уктабай жүрсө
көз жумушу мүмкүн.
А бирок уктаганыңыз бекерго ?)
Эч ким акча сурабайт,
акчаң жок болсо жатып уктай бересиң ..

Аба адамга канча керек,
дем аласың, кымбат нерсе ..
Бирок эч ким акы сурабайт ..
Эң арзан кылып койгон ..
Суу адамга канча керек туурабы ?
Бирок
Аллах Таалам бекер эле берип жатат.
Көрүү адамга канча керек .
Светтин акчасын төлөбөй койсоң
эртеси үзүп кетишет .
Бирок көрүп жүргөнүңүз үчүн акы сурадыбы?Сүйлөө адамга канча зарыл
бекер эле берип койдуго .

Ал эми алтын-темир, таш-тезек,
булар эң арзан нерселер
сиз биз үчүн эң кымбат кылып койгон ..
Бирок адам бул нерселерди көрбөй
деле жашап өтүп кетсе болот )..

Адам баласы эгер дин менен жашабаса
айбандан, жаныбарлардан
төмөн жашап өтөт !
Эмнеге ?
Анткени көрдүңүз беле
эки буканын көлдүн боюнда
дасторконду жайнатып коюп
авратын ачып, күнгө какталып
пиво ичип жатканын ?
Же көрдүңүз беле
эки эчкинин өллө мас болуп,
аракка тоюп алып бири-бири менен көчөдө мушташып сүзүшүп жатканын ?
Көрдүңүз беле же
Ош менен Бишкектик койлордун талпама-талпа болуп бири-бирин уруп,
МВД менен СОБР да иштегендер бөлүштүрүп чуркап жүргөнүн ?
Же көрдүңүз беле
Эки Уйдун жолдун боюнда машинасын
токтотуп коюп, музыканы бакыртып алып
бири-бири менен өбүшүп жатканын ?
Же көрдүңүз беле текелердин,
иттер менен чогуу олтуруп илебин
дөлдөйтүп Насывай салып,
оозуна Тамеки салып
асманга түтүнүн чыгарып коюп
маектешип олтурганын?)

Козулары кечинде түн жарымга чейин
дискотекада жүрүп, өллө чарчап
үйгө жетпей буканын үйүндө жатып калыптыр дегенди уктуңузбу ?

А бирок адамдардын кылганын угуп көрүп эле жүрбөйбүзбү !?)
Көрдүңүзбү ,
эгер адамбаласы Дин менен жашабаса
айбандан төмөн жашап өтөт !!
Айбан кылбаганды адам кылып калат..

Адам баласы гана өзүнүн негизги максатын унутуп жашап жатат…
Памидорду көрдүңөрбү
жоок мен Бадыраң болом деп
жашыл түскө бойонуп алганын ?
Же көрдүңөрбү
мен тоголок болушум керек деп сабиздин картошкага окшошуп алганын?

А бирок адам баласы бүгүнкү күндө,
Европаны туурайбы билбейм,
эркектер аялдарга,
аялдар эркекче кийинип эркек болуп алгандары жок эмес ..
Насывай менен Тамекиге кул болбогун!
Эркексиңби,
эркиң күчтүү болсо азыртан баштап таштап салгын !
Качанга чейин өзүңдүн напсиңе кул болуп жүрүп, өтүп кетесиң ?
Качанга чейин машинаңын көчүгүнөн чыкчуу түтүндү,
ичиңден (оозуңдан) чыгармакчысың ?
Нафсаний эмес,
руханий ыраахат алууну үйрөнөйлү!
Ибаадатка кел, Роббиңе кул бол !
Анткени Ал Зат гана,
суранууга, жалбарууга
чыныгы сыйынууга татыктуу Зат !

Бирөө келип бизден:
«Насывай менен тамеки арамбы ?»-деп сурайт бир күнү …
Биз айтат элек,
ар бир Аллахтан корккон,
акыретке ишенген чыныгы
Ыймандуу момун адам үчүн
Бул нерселер эч качан адал-эмес !
Кыяматта ар бир нерсең үчүн
жооп бересиң,
анын ичинде ден-соолугуң үчүн дагы аны эсиңде чыгарба бир туганым !
Куранда,
арактын арам экени аччык айтылган.
Тамеки тууралуу айтылбаса дагы,
окумуштуулар айтып жатат:
«Аракка караганда тамекинин зыяны
бир нече эсе көбүрөөк !”-деп..

Арактын жыты 4-5 күндө кетет,
а бирок тамекинин жыты
адам өлгөнгө чейин кетпейт !
Өлгөндөн кийин дагы,
түсү карайып бир нече саатта өңү өзгөрүп тамеки сасып чыгат экен .
Денесине тамекинин жыты батып калса,
анын бечара аялынын шору дейт ..
Өмүрүнүн акырына чейин чыныгы
эркектин жытын жыттай албай өтөт!

ТАМЕКИ ЧЕККЕНДЕРГЕ ДАГЫ ЭМНЕ
ДЕП АЙТУУ КЕРЕК !?
Адам жашоодо эмне менен алек болсо
ошол нерсеге көнүп калат экен …
Намаз көп окугандар
кабырдагы периштелер
сурак алуу үчүн тургузганда:
«Эмне болду, Намаз убактысы болуп калдыбы, коё тургула намаз окуйун !»-
дейт экен ..
Сигерет, нас чеккендер
кабырда эмне дээр экен ээ?))
Периштелер сурак үчүн тур десе,
көзүн ачып, периштеге карап:
«Сигерет барбы ?
бир Настан таштаң !»-дейт да)))
Бизге бул Балким күлкүдүр…
А бирок кабыр жашоосу,
тозоктун чуңкурунан болгон бир чуңкур.
Же Бейиштин бакчаларынан болгон
бир бакча ! (хадис).
Билесизби ?
Сарымсак жыттанган адамга
периштелер ызаа болуп,
жакын барууга кыйналат экен..
Тамеки сарымсактан да сассыгыраак ал адамга эми периште эмес
Шакелер келбесе эле билбейм …)
Насывай менен тамекини
таштай албайсыңбы,
өзүңдүн нафсиңди жеңе албайсыңбы,
анда Мен эрекмин деп
басып жүрүүдөн уялгын !
Тамекини сурасаң,
тартып баштаганда бисмиллах
деп баштап бүткөндө
Алхамдулиллах деп айта албасаң,
анын жообун өзүң да билесиң,
арамбы же адал бекенин !
Тамеки менен насывайдан мен жийиркенемин !
«Адамдар жийиркенген нерседен
Периштелер дагы жийиркенет !»
Аллах Таала бүт ааламды жаратуудан мурда
ар бир нерсенин тагдырын жана ырыскысын жазып койгон. Биринчи кезекте “калемди” жаратып “Жазгын !”-деген өкүм болду..
Калем айтты: “Йаа, Робби !? Эмнени жазайын ?!” Аллах Таалам айтты:
“Кыяматка чейин келүүчү ар бир нерсенин тагдырын жаз !”-деп буюрду.

Сиз иштеткен супер маркет, контейнер, магазиндер тилемчинин сураган колу сыяктуу. Аллаах ошол жерге ырыскы берсе анан береке болуп, андан пайдаланып жатасыз !
Сиз ойлобоңуз бизди ушул жер багып жатат!-деп. Аллах Таала ырыскы бергенинен, ошол жерден пайда алып жатасыз. Шыпаа – врачтын колунда эмес. Врач – керек болсо өзү деле ооруп, өзү деле өлүүчү жан. Шыпааны Аллах берет, врач өзүнүн жумушун аткарып гана коёт. Эгер Аллах шыпаа бербесе, ааламдагы врачтар чогулуп келип сактап кала албайт !

Кээде ойлобогон жерден тамак-аш келип калат, мына ошол сиздин ырыскыңыз ал тагдырда жазылган. Кандай эле өлүм ар бир жандын тагдырында бар болгону сыяктуу, анын ырыскысы дагы өзү менен чогуу жүрөт..

Сиз дарак эккениңизде астындагы топуракка кошуп краска же кум шекер кошуп эгесизби? Жоок, топуракты эле таштап коёсуз, бирок ошол дарак өрүк болсо, чоңоюп мөмө алса, каттуу бир отундан жумшак жана ширин мөмөлөр чыгат, ким кылды аны? Аллах кылды! Узуун-узун теректердин чокусуна насос мененсиз суу жеткирипжатасызбы? Анын ар бир шагына, ар бир бутагындагы бүрлөрүнө чейин ырыскы берип жаткан зат – Аллах !

“Силер эгип жаткан эгиндериңер тууралуу эч ойлоп көрдүңөрбү? Аны силер өндүрүп-өстүрөсүңөрбү же Биз өндүрүүчүбүзбү ?” (Ваакиа 63-64).

“Ичип жаткан сууңарды көрдүңөрбү? Булуттан аны силер түшүрдүңөрбү же түшүрүүчү Бизби? Эгер кааласак аны ачуу кылып коймокпуз. Эмнеге, шүгүр кылбайсыңар? Күйгүзгөн отуңарды көрбөйсүңөрбү? Анын дарагын силер жараттыңарбы же жаратуучу Бизби ?!” (Ваакиа 68-72).

Сиз балалуу болуу үчүн, шарият жолу менен себебин кылып, сууну эле куя аласыз, бирок ага жанды ким берди? Колдорун, буттарын, көздөрүн, сүйлөө үчүн тилди ким берди?

“Силер өзүңөрдүн куйган уругуңарды карабайсыңарбы . Аны силер жаратасыңарбы же жаратуучу Бизби ?” (Ваакиа 58-59)

Өрүктүн данеги жумшак, бирок сырткы кабыгы өттө каттуу.. Ошону да тешип чыгып тамырлап кетет. Аллах Таала жаратты, сиз суу элеңиз, жаныңыз жок эле, бирок тирилтти жана күнү келип кайра өлтүрөт, кыяматта кайра тирилтет ! Эгер таңды аттырбай койсо кимдин күчү жетет күндү чыгарууга! Күндү Аллах Таалам батырбай койсо, ким караңгыны киргизе алат! Түндөсү жылдыздарды көрсөтпөй, булут менен каптап, тосуп койсо ким аны көрсөт алат ! Жамгыр жаадырбай, жерден бир дагы нерсени чыгарбай койсо ким жаадыра алат жамгырды?

“Акыйкатта, Аллах урукту жана данекти жарып өндүрүүчү, өлүктөн тирүүнү чыгарат, тирүүдөн өлүктү чыгаруучу. Мына ушул Аллах ! Аны таштап кайсыл жака бара жатасыңар? Ал таңды аттыруучу жана түндү силерге эс алуучу орун кылды. Күндү жана айды силер эсеп-кысап (календар) кылууңар үчүн жаратты. Мунун баары – Мартабалуу , Билүүчүнүн өлчөм койгондору. Ал кургактагы жана деңиздеги караңгычылыктарда жол табууңар үчүн жылдыздарды жаратты. Биз аяттарыбызды (жакшы,жаманды) билген коомдор үчүн мына ушунтип баяндадык. Ал силерди бир жандан жаратты (силер үчүн жатынды) орун жана атаңардын белин жай (кылды) чынында түшүнгөн коом үчүн аяттарыбызды баяндадык. Ал асмандан жамгыр жаадырат. Биз аны менен өсүмдүктөрдөн баардык нерселерди чыгардык. Андан жашыл өсүмдүктөрдү, тизмектелген данды, курма дарагынын мөмөсүнүн чанагын жана жалбырактары окшош, а мөмөлөрү окшош эмес жүзүм зарларды, зайтунду, анарды (өстүрөбүз). Алар мөмөлөгөндө жана бышып жетилип, түшүм бергенде мөмөсүнө карагылачы. Акыйкатта мунун баарында ыймандуулар үчүн үлгү бар!” (Ан’аам 95-99аяттар).

Канчалаган айбандар өздөрүнө азыгын камдап алышпайт. Аллах аларга да, силерге да ырыскы берип жатат, Ал гана – Угуучу Билүүчү” (Анкабут – 60 аят)

Аллах Таалам угуу менен көрүү нематын алып салса, кайсы кудай сизге кайтарып бере алат ? (Ан’аам 46 аятты караңыз).

Айткылачы, эгер Аллаах кыяматка чейин караңгы кылып койсо, жарык кылып берүүчү кудайыңар ким ? Кыяматка чейин күндүз кылып койсо, түн кылып берүүчүңөр ким ?

Шамалды токтотуп койсо, салкын кылуучуңар ким?

“Силердин андан башка кудайыңар жок” (А’роф – 59)

“Эсиңерде болсун !
Жаратуу жана бийлик жүргүзүү – Ага гана таандык ” (А’роф 54-аят).

“Эгер Аллах сени бир кырсыкка учуратса, Андан башка эч ким куткара албайт! Эгер Ал сага жакшылык жөнөтсө, эч ким токтото албайт . Ал аны өз пенделеринин ичинен каалагандарына берет. Ал – Кечиримдүү, Боорукер ” (Юнус – 107).

“Баардык мактоо – Эгебиз, асмандардын Эгеси, жердин Эгеси жана ааламдардын Эгеси – Аллахка таандык. Асмандарда да, жерде да улуктук – Ага таандык. Ал Мартабалуу, Даанышман!” (Жаасия – 36 аят)

Эй пендем ?
Билем сен мээримдүүлүккө муктажсың, Мээримдүүмүн Мен!
Билем сен коркосуң, ал Му’мин Баардык нерселерге амандык, тынчтык, бейпилдик Берүүчү менмин!
билем сен күнөө кыласың, кайгырасың, күнөөңдөн арылгың келет, Гофуур – күнөөлөрдү кечирүүчү Менмин! Гоффаар – өттө көп кечиремин ! Афувв – кечиргенди Мен жакшы көрөмүн !
Адилеттүүлүккө муктажсың сен, Адл, Адилеттүү менмин !
Сен жумшактыкты жактырасың, ал Халиим – Сылык, Жумшакмын Мен!
Билем бирөөнүн жардамына муктажсың, ал Валий – жардам берүүчү досуң Менмин! Коркоксуң сен – Хаафииз – Өз Паанамда сактоочо Менмин !
Сен бир нерсе кылаарда бирөөгө муктаж болосуң, Мен – Кадрмын, Баардык нерсеге өзүм эле жетишем!
Кантип жетишесиң эй Аллах ?
Анткени Мен Муктадирмин, Өтө кудуреттүүмүн, Ахадмын жалгызмын, ал Ваахид жападан жалгызмын, Эч кимге, эч нерсеге муктаж болбогон ас Сомаад менмин !!

Бирок эй пенделерим күнөө кылсаңар – Каардуумун, ал Мунтаким Өч алуучумун !
Эгер тообо кылсаңар – Афувву каталарды жууп жиберүүчү, Ар-Роуф – өттө Мээрбанмын! Билем курсагың ачат – ар Роззаак ырыскы берүүчү менмин ! Аллах Таала сиз бизге дагы эмне кылып берсин ?!

Түндү бердим укташ үчүн, күндүздү бердим иштеп-эмгектенүү үчүн, ибаадат үчүн, жерлерди жумшак кылып бердим, үйлөрдү салууңар үчүн !

Аллах Таалам сиз бизге дагы эмне кылып берсин ?
“Оо адамдар ! Аллах силерге берген жакшылыгын эстегиле: Силерге асмандан жана жерден ырыскы бере турган башка Жаратуучу барбы ? Аллахты таштап кайда бара жатасыңар?” (Фаатир 3).

Аллах Таала сиз бизге дагы эмнекылып берсин?
Ыйманыңды сакта – деп смс келсинби эми ?
Бир эле нерсе калды өзү,
Жабраил периште Борбордук аянтка бүт элди чогултуп туруп:
“ТУУГАНДАР МУНУН БААРЫ ЧЫН !”…
:)))

Инсан күнөөкөр, Робби кечиримдүү ! .

Али Оши, атайын “Formula.KG” сайты үчүн.
‍‍‍ БАКТЫЛУУЛУК ФОРМУЛАСЫ

Запись АДАМ ЫЙМАНЫ МЕНЕН АДАМ впервые появилась Formula.KG.