БАКТЫЛУУЛУК ФОРМУЛАСЫ

Аялдар баш бербеген, оолуккан заманга келип калдык, көбүнчө аялдар тоготпойт, уккусу келбейт, баш бербей басып кетиши мүмкүн. Бирок, мындай аялдарга боор ачуу менен гана мамиле кылышыбыз керек. “Укугум бар” – деп көчөгө чыгып кетүү туура эмес болуп саналат.

Аял киши үйүндө жолдошу менен, балдары менен бакыт тапса, бактылуу болсо, кандайдыр бир иш үчүн чыкса болот. Үй-бүлөсүнөн таппаган бакытты көчөдө таба албайт. Мейли, эжесине, сиңдисине, курбу кызына барсын ал бакытты таппайт. Турмушка чыккандан кийин, ошол күйөөсү менен үй-бүлөсү менен бактылуу болушу керек.

Күйөөсүнүн сөзүн укпаган аялды эч ким тоготпойт. Көчөгө барып эч кимге дартын уктура албайт. Тыңсынып тыкыраңданганы менен эгер күйөөсүн укпаса, анда ал аял бактысыз аял дегенди билдирет.

Аялдын бактысы каякта? Күйөөсүнө баш ийгендигинде. Аялдын бактысы каякта? Күйөөсүнө моюн сунгандыгында. Аялдын бактысы каякта? Үйдөгү ынтымакты, кутту сактап тургандыгында болот. Ошондуктан айтаарым, карындаштарым, эжелерим, күйөөңөрдү сыйлагыла. “Жаманбы жакшыбы, аюу да болсо эрим бар, үңкүр да болсо үйүм бар” – деген сөз бар.

Cиздин күйөөңүз, сиздин айыбыңызды жабып турган эриңиз, балдарыңыздын атасы болот. Сиз аны сыйлашыңыз керек. Ага баш бербей көчөгө чыгып кеткениңиз өзүңүздүн бактысыз экениңизден, өзүңүздү өзүңүз сыйлабаганыңыздан кабар берет.

Күйөөсүн сыйлаган аялды күйөөсү сыйлайт, күйөөсүн сыйлаган аялды эл сыйлайт, Күйөөсүн сыйлаган аялга Кудай Таалам ыраазы болуп, бейишине киргизет. Пайгамбарыбыз (с.а.в.) осуятында кимде ким беш маал намазын окуса, отуз күндүк орозосун тутса, күйөөсүнө баш ийип сыйлаган болсо, андай аялзатына Алла Таала “Бейиштин сегиз эшигинин каалаганынан кире берүүгө уруксат” – деп сүйүнчүлөгөн.

Турмушка чыккан кыз кимдин сөзүн угушу керек күйөөсүнүнбү же ата – энесининби?

Турмушка чыккан кыз күйөөсүнүн сөзүн угушу керек. Ата-энеси күйөө болуп бербейт. Пайгамбарыбыз (с.а.в.): “Эгер Аллахтан башкага саждага кылуу уруксат берилсе, аялдарга күйөөңөргө сажда кылгыла дээр элем”, – деп айткан.

Кээ бир кыздар турмушка чыккандан кийин да атасынын сөзүн, апасынын сөзүн угат. Бул туура эмес. Күйөөнүн сөзүн угуу керек. Эгер күйөөң буйрук берсе, шарияттын чегинде аткаруу керек. “Чыккан кыз чийинден тышкары”, турмушка чыккандан кийин ата- энең сага кийигилишпеш керек. Ата-эне сага муктаж эмес. Эгер сен бактылуу жашап жатсаң, аларга ошо маанилүү.

Келин менен кайнене ортосунда мамиле кандай болушу керек?

Аялдар бир нерсени түшүнүүнү каалабайт. Эгер күйөөсү менен мамилеси жакшы болсо, кайненеге жакшы мамиле кылбай коюшат. Күйөөсү менен бирге болуп, аны кармап калууну каалаган аял кайненеге жакшы мамиле кылышы керек. Ага дайыма кошомат кылып, жолуп табыш керек.

Ар дайым айтып жүргөнүмдөй эле, чачын өрүп, тырмактарын алып, кирлерин жууп, мончого түшүрүш керек. Бул нерсени айтсам, бир аял мага ”Ушунун барын каяктан билип алдың” – деп ыйламсырады. Шарият бизди ушуга үйрөтөт.

Негизи кайненеге кызмат кылуу милдет эмес. Ислам аны буйрубайт. Бирок аны инсаният буйруйт. Имам Сарахсинин жакшы бир эмгеги бар, анда: “Эгер аялың тамак бышырбай, кириңди жуубай койсо, сен аны милдеттүү кыла албайсың, бирок сен да үйгө бал-кант алып келбей эле, кара нан алып келип кой. Анткени ошону менен да тойсо болот. Ал милдетин аткарса, сен дагы милдетиңди аткарышың керек”. Бул сөз жубайлар ортосунда ынтымак болуусу керек дегенди билдирет.

Келиндер кызмат кылыш керек. Себеби ушул учурда үй- бүлө сакталат деген маани. Ошол үчүн кайненени жакшы көрүү керек. Эгер кайненесин апасынан көбүрөөк жакшы көргөн болсо, күйөөсүн ошону менен байлаган болуп эсептелет. Күйөөнү кармап калуу – чоң чеберчилик.

Түлкүнүн бир сөзү бар экен, “Менин миң айла амалым бар. Эң эле жакшысы – көрүнбөгөнүм”. Анын сыңарындай аялдардын күйөөсүн кармап калуунун эң эле жакшы айласынын бирөөсү – кайненени жакшы көрүү болуп саналат. Кошомат кылыш керек, жагыныш керек. Эртең өзү да кайнене болот. “Кайнененин камырынан ” деген сөз айланып келип ага калат. Келиндер кайненеге кандай мамиле кылса, ошондой эле мамилени кийин, кайнене болгондо өз келининен көрөт, сөзсүз.

Запись Күйөөсү сыйлаган адамды эл сыйлайт впервые появилась Formula.KG.

Жооп: Ар кайсыны айта бербей дароо ишке өтүш керек. Үй-бүлө бузулган жаман. Азыр көп учурда зордуктап кетти, минтип кетти, антип кетти деген жаңылыктарды көп укчу болдук. Анын баары үй-бүлө бузулгандан болуп жатат. Ата-энеси ар тарапка кетип, балдарын бирөөгө бактырып койгон. Сенин аялың бучук болуп, мурду көктү карап, тешигинен өпкөсү көрүнүп турса да, ал сенин балаңа дүйнөдөгү бардык аялдардан жакшы мамиле кылган аял. Сенин эриң сасып, биттеп, селсаякка айланып кетсе дагы балдарыңа дүйнөдөгү бардык эркектерден мээримдүүрөөк ата. Сага жакшы мамиле кылып жаткан эркек балдарыма да ошентет деп ойлойсуң, бирок андай эмес. Түндөгү 15 мүнөттүк ырахаттын айынан аялыңа талак берип кетип каласың. Бирөөнүн катыны бирөөнө кыз көрүнөт болуп, кээде өзүңдүкүн карабайсың да, башканын аялын, балдарын карап жаткан болосуң. Сенин балдарың кандай тагдырда калды, ага кантип жооп бересиң? Эркек, аялдын ортосунда махабат болушу шарт эмес. Бири-бирине ырайым, аёо деген болуш керек. Сенин жашооң жашоо, балдарыңдыкы жашоо эмеспи? Балдарды ойлош керек.

Ал эми сүйүүнү табыш керек. Жарандык никеде жашап көрүп, жакса үйлөнүш керек деген жалган сөз. Ал атайын мусулмандарды бөлүп-жарыш үчүн капырлардын ойлоп тапкан саясаты. Сүйүү деген никеден кийин болсо беш, болбосо он беш. Ал болбосо мээрим деген бар, ошону менен жашай берет. Алланы сүй, динди, мекенди, элиңди, пайгамбарыңды сүй. Сүйүү тукум-курут болуп калган жери жок. Кыргызстанды сүй. Колдо бар алтындын баркы жок деген эң туура сөз. Жаман көрүп, күндө уруп, тепкилеп аткан сасык катының талак бергенден кийин айчүрөккө айланып кетет. Болгону сен анын колдо бар кезде кадыр-баркын билбейсиң. Болбосо анын артынан 2-3 жыл чуркап жүрүп, жатаканада жашаган болсо терезесин карай берип моюнуң үзүлүп, кыйшайып калайын деген. Кызганып, түнү менен ырларды жазып, ыйлап жаман болгонсуң. Анан үйлөнүп, колуңа келип калгандан кийин салып берген мончоң жок, жуунганга самыны жок, бетине упа, эндиги жок көркүнөн кетпегенде анан эмне болуп кетиши керек?! Сен дагы мурункудай эмес өзгөргөнсүң, анан аялым жакпай калды, сүйүү өчүп кетти деп талак бергенден кийин эки күн өтпөй үйүңдүн куту кетип, балдарың ачка калып, идишиң жуулбай үйүлүп, намаз окуганга дамбалың калбай калганда аялыңдын баркын билип, “аттиң ай” деп өкүнөсүң.

КР Экс муфтийи Чубак ажы Жалилов

Запись Үйлөнгөндөн кийин ортодогу сүйүү өчсө ажырашуу керекпи, Ортодо балдар бар? впервые появилась Formula.KG.

Запись Иранда турмушка чыга турган кыз калыңына 1 372 бак отургузууну талап кылды впервые появилась Formula.KG.

Аллах Тааланы жакшы көрөсүңбү? деген суроого кайсы эле мусулман пендеси болбосун экиленбей туруп ооба деп жооп берет. Бирок бул сөздөр тилибиздин учунда гана айтылууда. Мусулман деген эле аты болбосо толук мусулмандар саналуу гана. Аллах Тааланы сүйүү -бул ыйман келтирүүдөн башталат. Ыйманың толук болгон болсо Аллахка болгон сүйүүңдүн далили.Пайгамбарыбыз (саллАллоху алехи васаллам) айтты:

«Кимде үч сыпат болсо ,анда ал ыйман ыраахатын алат. Алла жана Анын элчиси ал үчүн баарынан сүйүктүү болсо-Эгерде бир адамды жакшы көрсө Аллах үчүн гана жакшы көрсө. Алла аны куфурлуктан сактагандан кийин кайра ага кайтууну -Отко ыргытылганды жаман көргөндөй жаман көрсө »(Имам алъ Бухари:Имам Муслим) ..

«Ким Аллахка Анын элчисине моюн сунса ,албетте, ошол зор ийгиликке жетишет»(Азхаб:71) …
Биз Аллах Тааланы жакшы көрү үчүн Анын бизге жөнөткөн Пайгамбарын ,парз,сүннөт жолдорун тутунуп ишке ашырсак ошондо Аллахка болгон сүйүүбүздү далилдейбиз..

«Айт! Эгер силер Аллахты сүйсөңөр анда мени ээрчигиле ошондо Аллах силерди сүйөт жана күнөөңөрдү кечирет.Аллах Кечиримдүү,Боорукер»(Аали Иамран: 31)..

ЭГЕРДЕ БИЗ АЛЛАХТЫ СҮЙСӨК..

Абу Хурейро (роди Аллоху анхудан) : Алланын Элчиси айтты:”Алла Таала мындай деп айтты:«Ким менин досум менен душман болсо аны менен Мен душман боломун. Менин кулум мага жакындоо үчүн дин жолунан кымбат эч нерсе таба албайт! Менин сүймөнчүлүгүмө ээ болмойунча буйруктун чегинен ашып кеткен (нафил ыктыярдуу) аракеттепди жасай берген кулум Мага жакындаша алат. Мен сүйгөн кулума уга турган кулак,көрө турган көз,тута турган кол, баса турган бут болом. Эгер ал Менден бир нерсе сураса Мен албетте сураганын берем. Эгер ал Менден калкалоочу жай сураса Мен албетте ага жай берем»(Бухариден) ..

АЛЛАНЫН КЕЧИРИМИНИН КЕҢДИГИ..

Анас (ради Аллоху анху) нун айтымында: Алланын Элчиси айтты: ” Кудуреттүү Алла айтты: « О,Адам уулу сен Мага жалбырап турган жана Мага кайрылып тилеп турган учуруңда Мен сини кылгандарыңдыкечиремин жана Мага баари бир. О,Адам уулу ал турсун ,эгер сенин күнөөлөрүң асмандагы булуттарга чейин да жетсе, анан сен жалбарып кечирим сурасаң Мен сени кечиремин.
О,Адам уулу,эгер сен Мага жердин чоңдугундай күнөөлөрүң менен келсең да,бирок Мага эч кимди шерик кылбасаң(Алладан башка Кудай жок деп ишенсең) Мен сага ошончолук магфират (кеңчилик -кечирим) беремин »(Тирмизиден) ..

АЛЛАХ ТААЛАНЫН БООРУКЕРЛИГИ..

Ибн Аббастан (Алла экөөнө тең ыраазы болсун): Алланын Элчиси айтып келтирген сөздөрүндө кудуреттүү Алла Таала тарабынан мындай деп айтылган:

«Акыйкатта Алла Таала бардык жакшы жаман иштерди жазып койгон,анан муну мындайча түшүндүргөн: «Эгер кимдир бирөө жакшы иш иштейин деп ниет кылып,бирок аны аткаралбай калса Алла Таала муну жакшы иш деп жазып алат. Эгер кимдир бирөө жакшы иш жасайын деп ниет кылып ,аны аткарса Алла Таала муну ондон жети жүзгө чейин,андан да ашыгыраак жакшы иш катары жазып алат. Эгер кимдир бирөө жаман иш жасайын деп ниет кылса, аны жасабаса Аллах муну жакшы иш катары деп жазып алат. Эгер кимдир бирөө жаман иш кылам деп ниет кылса, аны иштесе муну Аллах жаман иш деп жазып алат »(Бухари жана Муслим сахиктеринен) ..

Ушундай Улуук, Кудуреттүү, Кечиримдүү,Боорукер, жакшы көрүүсүнүн чеги жок Раббымды эмне үчүн жакшы көрбөйбүз?
Биз үчүн баарын жаратып, кооздуктарды тартуулап ,бизге жашоо берген ,жоктон бар кылып жараткан,бул дүйнө,аркы дүйнө бакытын тартуулаган Раббымды эмне үчүн жакшы көрбөйбүз?
Чеги жок ырыскы,нээматтарын жегиле,ичкиле жашагыла курсанчылыкта деп жашоо тартуулаган Раббымды эмне үчүн жакшы көрбөйбүз?

Биз дагы эле уйкудабыз ойгоно элекпиз, Аллахтын акыйкатын көрүп билип,сезип турсак да кайдыгер карап келебиз, Аллах болгон сүйүүбүз далилибиз кайда? Качан далилдейбиз?

Эгерде чынында Аллах Тааланы сүйүп жашаймын десең төмөнкүлөрдү ишке ашыруу керек:
Ширк келтирбестен жалгыз Аллах Таалага гана ибадат кылуу,өкүм-буйруктарын аткаруу,ысым -сыфаттары менен Ага кайрылуу ,Пайгамбарыбыз (саллаАллоху алейхи васаллам) дын сүннөттөрү менен,өкум буйруктарына,толук моюн сунуу,баардык жакшя иштерди Аллахтын ыраазычылыгы үчүн кылуу…

Эгерде биз Аллахты сүйүп Анын Пайгамбарын ээрчип жашасак,Аллах биздин жүрөгүбүздү жалаң жакшылыктарга ачып коёот,күнөөлөрүн кечирет,ырайым кылат,иш -аракеттерине тууралык салат.
Эч качан Пайгамбарды тааныбай тууруп Аллахты сүйөм деп айтууга болбойт,анткени Аллах Пайгамбарлар аркылуү өкүм -буйруктарын жөнөткөн. Ошондуктан Пайгамбарыбыз Мухаммед СаллаАллоху Алейхи Васалламды жакындан таанып, аны сүйүп жашайлы. Аллах Таалам:

” Пайгамбарды кимде -ким сүйүп,ээрчип жашабаса бейиштен үмүт кылбай эле койсун”-деп айткан…

«БАКТЫЛУУЛУК ФОРМУЛАСЫ»

Запись АЛЛАХ ТААЛАНЫ ЖАКШЫ КӨРӨСҮҢБҮ? впервые появилась Formula.KG.

Адамзаттын адам болуп жашашы тыюу,мыйзамдарга көз каранды. Адам мыйзамдарга баш ийип жашабаса айбандан айырмасы калмак эмес. Мамлекетте мыйзам болбосо башы бириккен эл,бир коом,аты,маданияты дайынсыз чачыранды баш аламан болуп кетмек,мыкачы,ууру,бузукулар толуп дегиеле жашоого туура келбеген иштер болмок. Үйбүлөдө мыйзам болбосо атасын,апасын укпаган, ата -энесин сыйлабаган инсандар дегиеле очогу жанган үйбүлө болмок эмес. Бул мыйзамдар жашообуздагы сыртыкы мыйзамдар ,ал эми адамдын адамдык сыпатын жогору деңгелге көтөргөн, жашоодо жолунан адашпаган түбөлүк бакытка жетелей турган мыйзам бул Жараткандын буйрук,мыйзамдары. Бирок Жараткандын буйуруктары менен жашоо ар бир эле инсандын колунан келе бербейт,ал үчүн күчтүү ишеним,бекем ыйман,толук моюн сунуу, менен жүрөгүбүздү Жараткандан азабынан корку ,жакшылыгынан үзүлбөгөн, күмөнсүз ишеним менен үмүт кылып жашообуз керек. Мына ошондо Аллахтын эң сүйүктүү инсандары болуп жашамакбыз..

Аллахтан коркуу жана Аллахты сүйүү адамды бакыт менен жан ырахатына жеткизе турган кош канат сыяктуу. Пайгамбарыбыз Мухаммед алейхиссалам: “Кимде ким Аллахтан корксо, бардык нерсе ал адамдан коркот. Кимдеким Аллахтан коркпосо, ал адам баарынан корко турган болот”, -деп билдирген.

Дагы бир хадиси шарифте: “Акылдын толук экендиги – Аллахтан канчалык корко тургандыгынан белгилүү болот”, – деп айтылган. Аллахтан корккон адам Анын буйруктарын орундоого, тыюуларынан сактанууга аракет кылат. Эч кимге жамандык кылбайт. Башкалардан келген жамандыктарга сабыр кылат. Кылган күнөөлөрүнө өкүнүп, тообо кылат. Сөзүндө турат. Бардык жакшылыкты Аллах үчүн кылат. Эч кимдин мал-мүлкүнө, ар-намысына, жанына кол салбайт. Жумушта, соода-сатыкта эч кимдин акысын жебейт. Күмөндүү нерселерден оолак турат. Жогору мартабалуу кишилердин жанында артыкча карапайымдыкка берилип, жагынууга аракет кылбайт. Билимдүү жана адеп-ахлактуу адамдарды жана досторун сыйлап урматтайт. Начар кулк-мүнөздүү адамдарга насаат кылат, аларды эрчип кетпейт. Кичүүлөргө ызат кылат. Коногун сыйлайт. Зыяндуу жана пайдасыз сөздөрдү сүйлөбөйт. Эч ким менен корс мамиледе болбойт, жоомарт болот. Мал-мүлк жана мартабаны элге пайдалуу болуу үчүн талап кылат. Эки жүздүүлүк кылбайт. Аллаху тааланын ар дайым көрүп турганын билип, эч кандай жаман иштерге барбайт.
Эгерде инсан шефинен коркуп жоопкерчиликти сезип иштесе, ал иштин майын чыгарып, көп ийгиликтерге жетишип шефинин эң жакын ишенимдүү,жакшы көргөн досуга айланмак.
Эгерде үй -бүлөдө аялы күйөөсүн айтканынан чыкпай,сыйлап,бардык иштерин кылып,колдоп турса,а күйөөсү аялынын иштерине жардам берип, балдарына каралашып турса бактылуу үй -бүлөлөр көп болмок. Бирок биз инсандар мындай адамдарга сутканбай кайра төмөн карайбыз,”а десе шефинен коркот,күйөсүнөн өллө коркот,аялынан корккону үчүн үй иштерин кылат “-деп ушундай терс көрүнүштөр менен баалашат. Анткени биз инсандардын табияты ушундай жакшы жолдун ташын көрөмөйүн жөн олтуралбайбыз. Бул текеберилигибизден бакыттын кайда жашынган билбей жашап келебиз…

Эгерде биз Жараткандын алдындагы жоопкерчиликти туя билип,Анын азабынан коркуп ,жакшылыгынан үмүт кылып жашасак,жүрөгүбүз Аллах Таалага болгон сүйүүгө толуп,намаз,орозо,баардык койгон кадамдарыбыз өз ордунда болуп адашуудан алыс болуп,көөп жакшылыктардын алдынан чыкмакпыз. Анткени бул корку сезими,улуу Пайгамбарлардын,аалымдардын бекем карманган жолу. .. Мухаммед алейхиссалам: “Араңарда Аллаху тааладан эң көп корко турган киши – менмин”, – деген. Аллахтан коркуу бир заалымдан коркуу сыяктуу эмес. Бул коркуу – урмат жана сүйүүгө толгон коркуу. Ашык адамдардын өз сүйүктүүсүнө арнап жазган ырларында ушундай коркуу сезимин кездештирүүгө болот. Бул коркуу – сүйүктүүсүн таарынтып албайын деген коркуу.
Курани каримдин “Фатыр” сүрөсүнүн 28-аятында : “Илими көптүн Аллахтан коркуусу да көп” ,

“Рахман” сүрөсүнүн 46-аятында: “Раббисинин улуулугунан корккон адамга эки Бейиш берилет”, – деп кабар берилген.

“Анфал” сүрөсүнүн 2чи жана “Хаж” сүрөсүнүн 35-аяттарында:
“Момундар – Аллахтын ысымы айтылган кезде жүрөктөрүндө коркуу сезими пайда болгон адамдар”, – деп айтылган.

“Нур” сүрөсүнүн 52-аятында: “Аллаху таала жана Анын Расулуна моюн сунгандар жана Аллахтан корккондор кыяматта азаптан кутулушат” – деп айтылган.

Бул аяттар адамдарды Аллахтан коркууга чакырат. “Хужурат” сүрөсүнүн 13-аятында: “Аллахтын алдында эң кадырлуу адамдар – Андан корккондор деп айтылган”, – деп билдирилген.

Ушул жерде бир маселени айтып кетпесек туура эмес болоор..
Намаз окуйун десем ишим бар,иштен бошой албайм,баамдатка туралбай жатам,куптанда уктап калып жатам эмне кылсам деген туугандарга сабак боло турган алыскы чет жакада иштеп жүргөн бир Аллахтын сүйүктүү пендеси тууралуу сөз кылсак..

Аллах кимди кааласа туура жолго салып кимди кааласа адаштыруучу,бул инсанда Жараткандын каалоосу менен жүрөгү ойгонуп, бир сүрөөнү билбеген,Кудай,пайгамбарды сырттан эле тааныган жан болчу. Адам чөйрөсүнө карап өзгөрүлөт дегендей,бирге жашаган бөлмөдө илими бар таксырлар менен жашап калып, даават артынан Жараткандын жолуна кадам таштайт. Акырындан жаттап,окуп беш маал намазды да бир жылда өздөштүрүп алат. Окуудан анча жок болгондуктан устаздардын видеолорун Абдишүкүр устаздыкын көргөндө кадимкидей көз жаш менен ыйлап,Чубак устаздыкын болот,болбойт дегенин ар кадамын пайдаланып, кызыгуусу күндөн -күнгө артып жүрөгү жарып,Жараткандын жолуна умтула баштайт. Мындай берилүү,чын ыклсатык ар кимге эле бериле бербейт бул да Аллахтын тандаган пенделеринендир. Ал инсандын Аллахка болгон сүйүүсү,андан корккону анын кылган амалдарынан көрүнүп турду. Иши канчалык оор болбосун бир күндө 15 саат тынбай иштесе да намазын калтырбай,үйгө келгенде эшиктен кирээри менен чарчадым да дебей намазын окуп анан тамака олтуруп дем алат. Канча кыйналып,чарчасаңда намазды ырахат менен окуу адамды дем алдырып,жан дүйнөсүнө бейпилдик тартуулайт деген ушудур. Бул инсан илимдүү,сабаттуу эместир бирок Жараткандын эң сүйүктүү инсаныдыр,анткени Аллах ар кимди күчүнө жараша умтулган пендесин жолун жеңилдетип, мүмкүнчүлүгүн түзүп,Өз колдосу менен жакшылыктарынан эч качан кур калтырбайт. Демек намаз окуймун деген инсан үчүн эч кандай шылтоо болбос экен,ал адамдын өзүнөн,ыкласынан,Аллах алдынданы жоопкерчиликти сезе билгендиге байланыштуу болот экен. Бул инсандын азыркы күндө жашоосу жакшы үй -бүлөсү менен жакшы күндөрүн кечирип жүргөн убагы. Балким Жараткан илим жагынан да насип кылып чоң аалымдардын катарына кошоор…..

“Оо,Аллахым ар бирибиздин жүрөгүбүзөгө Умар (андан Аллах ыраазы болсун) Аллахтан корккондой корку сезимин берген болсун,ар бир койгон кадамбызда Аны эстеп жүрөлү! ! Жашообузда адилеттүү,акты ак деп,караны кара деп,акыйкаттын артынан чуркаган,чындыкты дос кылгандардан болуп жашагандардан бололу!
Бакытты Жараткандан деп бил! Анкени Аллахка моюн сунуп,Ага умтулган пендесин бакыт өзү издеп барат! ….

«БАКТЫЛУУЛУК ФОРМУЛАСЫ»

Запись АЛЛАХТАН КОРКУ ЖҮРӨККӨ БАКЫТ ТАРТУУЛАЙТ впервые появилась Formula.KG.

Запись “Энеге зыярат” тасмасы (HD) впервые появилась Formula.KG.

Максатың өзүңдү адамдарга сүйдүрүү болбосун, анткени адамдардын жүрөктөрү (сүйүүлөрү) өзгөрүлүп турат. Негизги максатың Алланын сүйүүсүнө ээ болуу болсун! Эгер Алла Таала сени жакшы көрсө, адамдардын жүрөгүнө сага болгон сүйүү салып койот, ошондо бардык адамдар сени сүйүп, урматташат.

Кыйынчылык келген учурда сабыр кылуу “Ыйман”-деп аталат.
Ырыскың тар болуп, тамак-аш аз болгон кезде сабыр кылуу “Каниет”-деп аталат.
Бирөөнүн сырын сактап эч кимге жарыя кылбай сабыр кылуу “Сыр сактоочу”-деп аталат.
Достукту сактап калуу үчүн кыйынчылыктарга сабыр кылуу “Убадага бекем, убаданы аткаруучу”-деп аталат.
Дүнүйө, мал-мүлк сенден беш нерсени уурдап алып койбосун!

1. Раббиң менен байланыша турган убактыңды.
2. Ата-энеңе кыла турган жакшылыгыңды.
3. Үй-бүлөңө болгон сүйүүңдү.
4. Айланаңдагы адамдарга кылчу жакшылыгыңды.
5. Кылган жумушуңа болгон ыкласыңды.

Намаз учурунда аткарылган алты нерсе эки жүздүүлүктүн белгилери:
1. Намазга турганда жалкоолук кылуу.
2. Адамдардын көзүнчө окуп, башка учурда окубай коюу.
3. Намазды убактысынан кечиктирип окуу.
4. Чымчык жер чокугандай кылып тез окуу. (Сажда кылганда чекесин жерге коюп койбой көтөрүү).

5. Намазда Алланы аз зикр кылуу.
6. Мүмкүнчүлүгү болуп туруп жамаатка барбай жалгыз окуу.

Чыныгы рахат:

Кандай абал, кандай иш болсо да «Аллага шүгүр» деп айтуу. Дүнүйөнүн артынан чуркап чарчаба, эгер Алла Таала тагдырыңа жазган болсо ырыскыңа сөзсүз жетесиң.

Жалкоо адамдар кайгы-капага көп кабылуучу адамдар. Алар кубаныч, сүйүнүч деген эмне экендигин билишпейт. Ал эми жумушун тырышчаактык, аракет менен аткарган адамдар дайыма кубаныч, сүйүнүчтүн, ийгиликтин үстүндө жүрүшөт.

http://muftiyat.kg

Запись Алланы сүй! Алла сага болгон сүйүүсүн адамдарга салып койот… впервые появилась Formula.KG.

Ош шаардык билим берүү башкармалыгы калаадагы мектептерде коомчулукта соңку жылдары «сүйүү күнү» деген ат менен белгилүү болуп калган 14-февралды майрамдоого быйыл да тыюу салды. Бул тууралуу «Кабар 24» агенттигине башкармалыктын өкүлү Тынчтыкбек Бекташ уулу билдирди. Анын айтымында, бул үчүн шаардагы мектептерде сүйүү каттары үчүн атайын кутучуларды орнотпоо жана бул күнгө байланышкан кандайдыр бир оюн-зоок программаларын өткөрбөө эскертилди.

– Валентин күнүн белгилөө эч кайсы мыйзамда жок. Биз Билим берүү министрлиги тарабынан чыккан буйруктарды гана аткарабыз, мындай чет элден келген жоруктар окуучулардын тарбиясына терс таасирин тийгизгендиктен 3-4 жылдан бери ушул чараны колдонуп келе жатабыз, – деген Тынчтыкбек Бекташ уулу бул күнү балдардан кат албай калган кыздар курбуларынын алдында өзүн жаман сезип, кемсинген абалда каларын психологдор аныкташкандыктан мектептерде сүйүү каттарына тыюу салуу туура чечим деп эсептешерин кошумчалады.

Кыргызстанда азырынча мындай ыкма бир гана Ош шаарында гана колдонууда. Калган шаарларда мындай тыюу салуулар болгону кабарлана элек.

Он жети кылым мурда байыркы Римде белгилене баштаган “Ыйык Валентин күнү” кийинчерээк дүйнөгө тарап, “сүйүшкөндөр күнү” катары майрамдалып жүрөт. Бул майрам Кыргызстанга өткөн кылымдын токсонунчу жылдарында келип, жаштар арасында кеңири белгилене баштаган. Өлкөдө диний ишмерлер менен айрым жарандык активисттер бул датаны белгилебөөгө бир канча жолу чакырык жасаганы бар.

Айрым мусулман өлкөлөрүндө бул күндү белгилөөгө тыюу салынган. Маселен, кечээ эле Пакистандын Жогорку Соту коомдук жайларда Валентин күнүн белгилөөгө өлкө боюнча тыюу салды. Сот медиа каражаттарын бул майрам тууралуу маалымат таратпоого да милдеттендирген.

http://kabar24.kg

Запись Ошто Валентин күнүн белгилөөгө тыюу салынды впервые появилась Formula.KG.

Азыркы замандагы жаштар башкача деңгээлде өсүп жатышат. Жаштардын көпчүлүгү кыз-жигит болуп жүрүү күнөө экендигин билишсе да алардын арасынан кыз-жигит болуп жүрүү туура деп жактагандары да бар.

Бул жашоодо ар бир адам бактылуулукту издейт. Кимден сурабайлы, бактылуу болсом деп тилейт. Ар бир эркек менин аялым ыймандуу болуп, келечектеги балдарыма татыктуу эне болуп берсе экен дейт. Ошондуктан ыймандуу, кулк-мүнөздүү аял алууну каалайт. Ошондой эле ар бир кыз да келечектеги күйөөсүн эң жакшы, мени түшүнгөн күйөө болсо деп тилейт. Эң негизгиси бактылуу болуп жашасак болду дейт. Демек, бул жашоодо баарыбыз бакыт издейт экенбиз, сен да, ал да, кыз да, жигит да, бири да калбай бакыт издешет.

Эми карап көрөлү, биз чындап эле бакыт жолуна түштүкпү?! Жаштар мына турмуш жолуна кадам коюп жатышат, карасаң баары эле эки-экиден жетелешип алып кыз-жигит болуп жүрүшөт. Алар кыз-жигит болуп жүрүп бактыларын табыштыбы?

Мурдагы ата-бабаларыбыздын заманында азыркыдай кыз-жигит болуп ээрчишип жүрүү деген түшүнүк жок эле. Ошол убакта ажырашуу, аборт кылуу, зордуктоо, ата-энесинин уруксатысыз өз алдынча жүрүү деген түшүнүк болгон эмес. Ал убактагы адамдар азыркыдай көйгөйлөрдөн алыс жашаган. Бүгүнкү күндөгүдөй ажырашуулар болгон эмес, ал эми акыркы кездерде ажырашкандардын саны күндөн-күнгө өсүп жатат.

Эми ойлонуп көрөлү, мурда жашоо кыйын болсо да үй-бүлөдө ынтымак, биримдик болгон. Азыркы кезде адамдардын материалдык турмушу оңолду, бирок эмне үчүн үй-бүлөлөр бузулуп жатат? Үй-бүлөдө ынтымактын кетишине эмне себеп болуп жатат?

Азыркы жаштарда уяттуулук деген түшүнүк такыр өзгөрдү, алардын арасында бузукулук күчөдү, никесиз төрөгөн кыздар, үй-бүлөсүн таштап кеткен эркектер көбөйдү. Ачыктан-ачык эле жаштар эки-экиден болуп алып кечелерге, түнкү клубтарга барып жатат. Коомдо мындай күнөө иштер кадимкидей эле көрүнүшкө айланып баратат. Булардын баарына эмне себеп болуп жатат? Ал эми мектепте окуган секелек кыздардын жарымы мектепти бүтпөй жатып кыздыгынан айрылса, кээ бири кош бойлуу болуп шерменде болгондору да жок эмес. Келечекте мындай кыздардан кандай эненлерди күтүүгө болот? Балким мындай күнөөлөрдүн жайылыша жаштардын кыз-жигит болуп жүрүүсү да себеп болуп жаткан жокпу? Эгерде кыз-жигит болуп жүрүү жаштардын келечектеги үй-бүлөлүк бактысына коркунуч алып келсе, анда биз бактысыздыктын жолуна түшүп алып бакыт издеп жатсак, анда биз бактылуулукка кантип жетебиз? Кантип бактылуулук издеп жатабыз деп айта алабыз?

Аллах таала ыйык Куранда айткан:

«Зынаага жакындабагыла, анткени ал эң ыплас, жаман жол». (Исра сүрөөсү, 32-аят)

Аллах таала Куранда мындай деп айткан:

«Кимде-ким Менин эскертүүмдөн баш тартса, анда ага машакаттуу тар жашоо болот». (То-Ха сүрөөсү, 124-аят)

Эй, мусулман бир тууганым! Эмнеге сен кыз-жигит болуп жүрүү күнөө экенин билип туруп, аны токтотууга аракет кылбайсың. Сен аны күнөөгө азгырып алдап жүргөн кыз, сага окшогон бирөөнүн карындашы, келечекте бирөөнүн энеси. Балким айтаарсың, жүрөт десе мен силер ойлогондой жүрбөйм, жөн гана бири-бирибизди жакшыраак билиш үчүн эле деп айтаарсың? Эртең эле сен да кыздуу болосуң, ошондо ыраазы болот белең сенин кызың бирөө менен жетелешип жүрүп, аны бир канча убакыт колдонуп, анан сенден жакшы аял чыкпайт деп кызыңды таштап кетсе, сен муну кандай кабыл алат элең?

Сен азыр ушинтип бир кызды алдап жүрсөң. Ошол кыздын абийирин төгүп, сыздатып туруп талаага таштап кетсең эле баары бүтөт деп ойлойсуңбу? Билип кой, Аллах таала бир убакта сенин башыңа да ошондой түйшүктү салганда, сен ошолорго каршы чара көргөнгө алың келбей калат. Анткени сен да убагында бирөөнү сыздаткансың, сен да бирөөнү ыйлаткансың, абийирин төккөнсүң. Сен да бирөөнү бузгансың, бирок билип койгун, жакында сен да аял аласың, сен да кыздуу болосуң. Мына ошондо сен кылгандай бирөө да сенин кызыңды, эже-карындашыңды кантип бузуп кеткенин билбей каласың. Азыр бирөөнү бузган болсоң, бир күнү сен дагы ошонун абалына түшөөрүңдү билип кой. Мына ошондо Аллах Таала бирөөгө кылган жамандыгыңды өз башыңа салат. Анткени Аллах Таала адилеттүү Зат. Эгерде сен бүгүн бирөөнү кордогон болсоң, эртең сени да бирөө кордойт. А балким сен кордолбосоң да, сенин кызың кордолушу мүмкүн. Ошондо сен аргасыздан айтасың, азыркы жаштар бузулду, жаштардан уят кетти деп. Ошого ким себеп болду? Сен дагы ошого себеп болгонсуң. Ошондуктан сен өзүңө каалабаган зыянды башкаларга да каалаба. Эгерде сен келечектеги кыздарыңдын абийирдүү болушун кааласаң, анда кыздардын абийирин бузба.

Эмне үчүн шарият кыз-жигит болуп жүрүүнү тыйган деп ойлойсуң? Анткени аялдар алсыз жаратылган. Аллах Таала аялдарды ушунчалык назик, ишенчек, адамдын көңүлүн ооруткусу келбеген мээримдүү, боорукер кылып жараткан. Ошону адамдын абийирин сыйлабаган, адамгерчилиги жок эркектер пайдаланып кетбесин деп, алардын алсыздыгынан башка бирөө пайдаланып койбосун деп шарият кыз-жигит болуп жүрүүнү тыйган. Шарият дайыма алсызды коргойт, алсызды күчтүү кордосо, анда алсыздын таламын талашат. Анткени Аллах Таала шариятты адамдар өз ара ынтымакта, биримдикте жашоолору үчүн түшүргөн.

Пайгамбар (саллаллаху алейхи уа саллам) айткан:

«Эгерде аял менен эркек жалгыз калса, анда алардын үчүнчүсү шайтан болот». (Тирмизи)

Абу Умама риваят кылды: «Бир жигит Пайгамбарга (саллаллаху алейхи уа саллам) келип: «Оо, Аллахтын Элчиси! Мага зынаа кылууга уруксат бериңиз»,– деп сурады. Ошондо адамдардын баарысы ага жабалактап: «Сага балээ болсун!»,– деп жемелеп киришти. Пайгамбар (саллаллаху алейхи уа саллам): «Бери келчи»,– деди. Ал жигит Пайгамбарга жакын келгенде, ага кайрылып: «Кел, жаныма олтурчу»,– деп айтты, ал жигит отурду. Ошондо Аллахтын Элчиси (саллаллаху алейхи уа саллам):
– «Сен ушул нерсени өз энеңе каалайт белең?»– деди.
– «Жок, Аллахка ант болсун, (кантип эле каалайын), Аллах мени сиз үчүн курман кылсын»,– деп жооп берди. Ошондо Пайгамбарыбыз айтты:
– «Адамдардан да эч кимиси мындайды өз энесине каалабайт. Ушул нерсени кызыңа каалайт белең?»– деп сурады.
– «Жок, Аллахка ант болсун, (кантип эле каалайын). Аллах мени сиз үчүн курман кылсын»,– деп айтты.
– «Адамдардан да эч кимиси мындайды өз кызына каалабайт. Ушул нерсени эжеңе каалайт белең?»– деп сурады.
– «Жок, Аллахка ант болсун, (кантип эле каалайын). Аллах мени сиз үчүн курман кылсын»,– деп айтты.
– «Адамдардан да эч кимиси мындайды өз эжесине каалабайт. Ушул нерсени атаңдын эже-карындаштарына каалайт белең?»– деп сурады.
– «Жок, Аллахка ант болсун, (кантип эле каалайын). Аллах мени сиз үчүн курман кылсын»,– деп айтты.
– «Адамдардан да эч кимиси мындайды өз эжелерине каалабайт. Ушул нерсени тайежеңе каалайт белең?»– деп сурады.
– «Жок, Аллахга ант болсун, (кантип эле каалайын). Аллах мени сиз үчүн курман кылсын»,– деп айтты.
– «Адамдардан да эч кимиси мындайды өз тайежесине каалабайт», – деп ал жигиттин көкүрөгүнө колун коюп: «Оо, Аллах! Мунун күнөөсүн кечир, жүрөгүн тазарт жана анын абийирин таза сакта»,– деп дуба кылды. Мына ошондон баштап ал жигит таптакыр зынаага көңүл бурбай калды»

Аллах таала ыйык Куранда ыймандууларга кайрылып:

«Ыймандуу эркектерге айткын: «Ар кайсы аялдарды карай берүүдөн көздөрүн сактап, уяттуу жерлерин бузукулуктан сакташсын. Бул – алардын өздөрү үчүн абдан жакшы. Чындыгында Аллах алардын кылган иш-аракеттеринен Кабардар»,– деген. (Нур сүрөөсү, 30-аят)

Адам шайтанга азгырылбаш үчүн көздөрүн күнөөдөн сакташ керек. Аллахтын Элчиси (саллаллаху алейхи уа саллам) Алиге мындай деп айтты:

«Эй, Али! Бир карагандан кийин экинчи жолу караба! Экинчи караганың сен үчүн күнөө болот».

Аллах Таала Куранда минтип айткан:

«Эй, Пайгамбар! Аялдарыңа, кыздарыңа жана момундардын аялдарына айткын: «Үстүлөрүнө сырткы кенен кийимдерин жабышсын. Бул – алардын таанылуусуна жана кордук көрбөөлөрүнө жакыныраак. Аллах – Кечиримдүү, Мээримдүү». (Ахзаб сүрөөсү, 59-аят)

Азыркы кездеги кыздардын көпчүлүгү Аллахтын дини менен жашоо канчалык зарыл экендигин толук түшүнбөстөн, муну ресторан-кафе менен алмаштырып, өздөрүнүн негизги максаттарын унутуп коюшту.

Эй, карындашым! Сен өз билгениңди кылып жүрүп, эртең боюңда болуп калса, ата-энеңдин алдына кантип барасың? Бул убакта сени жигитиң эле эмес, сени эң жакшы көргөн ата-энең да сени жерийт. Азыр минтип жүргөнүңдү шайтан кызык көргөзүп жатат, шайтанга азгырылба. Себеби жигитим деп жүргөн адам бир күнү сенин абийириңди төгүп, анан сени керексиз буюмдай таштап, өзү башкага үйлөнүп алганда, ошондо кыз-жигит болуп жүрүү күнөө экендигин түшүнөсүң. Бирок ал убакта кеч болуп калат. Акылдуу адам бирөөлөрдүн катасын көрүп өзүн оңдойт. Ал эми акылсыз адам өзү ошол катага түшүп зыян тарткандан кийин гана түшүнөт. Ал жигитиң сени алдап жатат. Эгерде анын сага үйлөнөм деген ниети болсо, анда атаңа жуучу жөнөтөт, урматың менен үйлөнөт. Сен ойлоп жатасыңбы, ал бирөө менен ээрчип жетелешкен кызга үйлөнөт деп. Ал өзүн өзү билген, көрүнгөн менен жетелешип көп баскан кызган эч качан үйлөнбөйт. Ошондуктан шарият мындай күнөө иштерден тыйган.

Аллах Таала ыйык Куранда:

«Эй ыймандуулар! Шайтандын жолуна түшпөгүлө! Ким шайтандын жолуна түшсө, албетте, аны шайтан бузукулукка жана күнөөгө азгырат. Эгерде силерге Аллахтын жакшылыгы, мээрими болбогондо силерден эч кимиңер эч качан туура жолду таба албайт элеңер. Бирок Аллах Өзү каалаган пендесин туура жолго салат. Аллах – баардык нерсени Угуучу, Билүүчү»,– деген. (Нур сүрөөсү, 21-аят)

Аллах таала Курандын башка аятында мындай деп айткан:

«Ыймандуу аялдарга айткын: «(Ар кайсы эркекти карай берүүдөн) көздөрүн сактап, уяттуу жерлерин (бузукулуктан) сакташсын. Сулуулуктарын көрсөтүшпөсүн, бирок кийингенден кийин (жүзү, колу, бутунун томуктан ылдыйкы бөлүгү көрүнсө) эч нерсе эмес». (Нур сүрөөсү, 31-аят)

Мурда элибизде эркектер менен аялдар аралашып отурганы уят болсо, азыркы күндө эркектер менен аялдар аралашып отурбагандын өзү уят деп эсептелип калды. Эркектер менен аялдар аралашып олтурганга болбойт деп айтылса көпчүлүк таң калат. Адамдардын динден алыстаганынан улам жашоодогу көз-караштар тескери болуп калды. Уятсыздыкты уяттуу эмес катары эсептеп, уяттуулукту уят катары эсептеп калды. Мындай аралашуу адатка айланды. Бул аялдын кадыр-баркына доо кетирип, ушак-айыңга калып, ар кандай күнөөлөрдүн көбөйүүсүнө себеп болууда.

Кыз-жигит болуп жүрүп баш кошуунун зыяндары өтө көп, алардын кээ бирлерин айта кетсек:

1. Сүйдүм-күйдүм деп жүрүп, бири-биринин айыптарын көрбөй, турмуш кургандан кийин көрүп, анан жактырбай калат. Анткени шайтан аларга кооз кылып көргөзө берет. Аллахтын Элчиси (саллаллаху алейхи уа саллам) айтты:

«Чындыгында шайтан адамдын каны менен кошо айланат». (Сахих Бухари)

2. Бири-бирине ашык болгондор бул жашоону романтика, сүйүү түгөнбөйт, дайым ушундай болот деп ойлошот. Ошондуктан жалаң гана сүйүү жөнүндө сүйлөшөт. Жашоодогу кыйынчылыктар, милдет-жоопкерчиликтер жөнүндө такыр сөз козгобойт. Ушундай ойлогондору үчүн үйлөнгөндөн кийин жашоо кыйынчылыктары булар күткөндөн такыр өзгөчө болуп чыгат, натыйжада алар өзгөрүп бири-бирине башкача мамиле жасай башташат.

3. Кыз-жигит болуп жүргөндөр бири-бирине көргөзгөн жылуу мамилени, боорукерликти, урмат-сыйды ж.б.у.с көрүнүштөрдү чындык катары кабыл алышат. Бул нерселер дайым улана бербейт. Никеден кийин адамдын чыныгы жүзү, мамилеси ачыкка чыгат. Анткени ага чейин экөөсү тең жалан гана жакшы жактарын көргөзүүгө аракет кылышат. Берилген суроого жалаң гана жакшы жоопторду айтат. Мисалы, “Ачууланасынбы? ”– десе, “Жок”,– дейт. “Аялын урган эркектерге кандай карайсың?”– десе, “мен андай эркектерди эркек деп эсептебейм”, – дейт. Эч бир адам ичиндеги нерсесин ачылып айтпайт. Эч бири айтпайт “мен ушундай ороймун, эгер жинге тийсе, аял кишинин көңүлүнө карабайм” деп айтпайт. Кыргызда сөз бар го “Алганга чейин алтыным, алгандан кийин катыным” деген, ошол сөз бекеринен айтылган эмес. Эч бир кыз айтбайт мен ушундай ажаанмын, эгер көңүлүмө туура келбесе, көк беттигим кармап калат. “Кыз кезинде баары жакшы жаман аял кайдан чыгат” деген сөздө чындык нерселер бар. Мына ошентип никеден кийин көйгөйлөр башталат.

Мындан башка дагы көптөгөн зыяндары бар. Сен ойлойсуң, мен сүйлөшүп жүрүп тандап алсам жашоом жакшы болот деп. Эч качан мындай болбойт! Сен билбейсиң, сен жакшы деген адам, жаман болуп чыгышы мүмкүн, сен жаман деген балким жакшы адам болушу мүмкүн. Сен сүйлөшүп, кыз-жигит болуп жүрүп тандап алган кызың сага кийин жакбай да калышы мүмкүн. Демек, сен үйлөнөм деп канча сүйлөшүп жүргөн болсоң да бир күнү баары бир ал сага жакбай калышы мүмкүн. Эгер буюм болсо аны башкасына алмаштырып аласың, а сенин өмүрлүк жубайың болгон соң андан балалуу болгондон кийин кантесиң? Чыныгы сүйүү – бул никеден кийинки сүйүү. Ага чейинки сүйүү деп атап жүргөн нерсе суктануу, шайтандын азгырыктары. Анткени бул убакта экөө бири-бирин реалдуу жашоодогу мээримин көрүп сүйөт. Шарият боюнча үйлөнүүдө такыр көрбөй туруп үйлөнүш керек деген сөз эмес. Келечектеги жубайын никеден алдын жолугуп сүйлөшүп көрүүгө уруксат берилген. Бирок жолугушуу жалгыз эмес кыздын жанында ага жакын туугандарынан бирөө жарым болушу шарт.

Мугийра ибн Шуьба (радыяллаху анху) үйлөнүү үчүн бир аялга жуучу жөнөткөндө Пайгамбар (саллаллаху алейхи уа саллам) ага:

«Аны бир көргүн, чындыгында аны көргөнүң – экөөңөрдүн ортоңордо тунук сүйүүнү пайда кылган эң абзел иш»,– деп айткан.

Эркектердин намысын, кыздарыбыздын абийирин, үй-бүлөлөрдүн ынтымагын сактоо үчүн биз никегеге чейин кыз-жигит болуп жүрүүдөн жана зынаадан сактануубуз керек жана башкаларды да бул күнөө иштерден тыюубуз керек. Ар бир оорунун дарысы бар сыяктуу ар бир көйгөйдүн чечими бар. Ошондуктан кыз-жигит болуп жүрүү бул күнөө деп эле калбастан, андан кутулуу жолдорун да бар:

1) Аялдар менен эркектердин аралашып отуруулары күнөө экендигин ар бир адам билиш керек.
2) Адамдарды жакшылыкка чакырып, күнөө иштерден тыюу.
3) Аялзатына мүнөздүү болгон уяттуулук сапатына көңүл буруу.
4) Кыз бойго жеткен кезде аны турмушка берүү.

Пайгамбар (саллаллаху алейхи уа саллам):

«Эгерде силер динине жана кулк-мүнөзүнө ыраазы болгон адам (кызыңарга) куда түшүп келсе, анда ага кызыңарды турмушка бергиле»,– деп айтты.

5) Эркектер намыстуу болуп үй-бүлөсүн, эже-карындаштарын туура жолго баштоосу керек.
Аллах таала Куранда ыймандууларга кайрылып мындай деген:

«Эркектер – аялдардын үстүнөн башкаруучу. Анткени Аллах бирөөсүн экинчисинен (башкаруучулук сыпатта) абзел кылды». (Ниса сүрөөсү 34-аят)

6) Эркектер үйлөнүүгө шарты болсо кечиктирбей үйлөнүү. Абдулла бин Масьуд (радыяллаху анху) Аллахтын Элчиси (саллаллаху алейхи уа саллам) айтканын айтты:

«Эй,жигиттер! Кимиңердин үйлөнүүгө шартыңар болсо, анда (кечиктирбей) үйлөнгүлө! Анткени үйлөнүү адамды зынаадан жана көздү күнөөдөн сактайт. А эгер үйлөнүүгө шартыңар болбосо, анда орозо кармагыла. Чындыгында, бул (силерди күнөөдөн сактоого) эң жакшы жол».

Запись Өз бактысын бактысыздык жолдон издеген кыз-жигиттер впервые появилась Formula.KG.

Аллах Тааланы жакшы көрөсүңбү? деген суроого кайсы эле мусулман пендеси болбосун экиленбей туруп ооба деп жооп берет. Бирок бул сөздөр тилибиздин учунда гана айтылууда. Мусулман деген эле аты болбосо толук мусулмандар саналуу гана. Аллах Тааланы сүйүү -бул ыйман келтирүүдөн башталат. Ыйманың толук болгон болсо Аллахка болгон сүйүүңдүн далили.Пайгамбарыбыз (саллАллоху алехи васаллам) айтты:

«Кимде үч сыпат болсо ,анда ал ыйман ыраахатын алат. Алла жана Анын элчиси ал үчүн баарынан сүйүктүү болсо-Эгерде бир адамды жакшы көрсө Аллах үчүн гана жакшы көрсө. Алла аны куфурлуктан сактагандан кийин кайра ага кайтууну -Отко ыргытылганды жаман көргөндөй жаман көрсө »(Имам алъ Бухари:Имам Муслим) ..

«Ким Аллахка Анын элчисине моюн сунса ,албетте, ошол зор ийгиликке жетишет»(Азхаб:71) …

Биз Аллах Тааланы жакшы көрү үчүн Анын бизге жөнөткөн Пайгамбарын ,парз,сүннөт жолдорун тутунуп ишке ашырсак ошондо Аллахка болгон сүйүүбүздү далилдейбиз..

«Айт! Эгер силер Аллахты сүйсөңөр анда мени ээрчигиле ошондо Аллах силерди сүйөт жана күнөөңөрдү кечирет.Аллах Кечиримдүү,Боорукер»(Аали Иамран: 31)..

ЭГЕРДЕ БИЗ АЛЛАХТЫ СҮЙСӨК..

Абу Хурейро (роди Аллоху анхудан) : Алланын Элчиси айтты:”Алла Таала мындай деп айтты:«Ким менин досум менен душман болсо аны менен Мен душман боломун. Менин кулум мага жакындоо үчүн дин жолунан кымбат эч нерсе таба албайт! Менин сүймөнчүлүгүмө ээ болмойунча буйруктун чегинен ашып кеткен (нафил ыктыярдуу) аракеттепди жасай берген кулум Мага жакындаша алат. Мен сүйгөн кулума уга турган кулак,көрө турган көз,тута турган кол, баса турган бут болом. Эгер ал Менден бир нерсе сураса Мен албетте сураганын берем. Эгер ал Менден калкалоочу жай сураса Мен албетте ага жай берем»(Бухариден) ..

АЛЛАНЫН КЕЧИРИМИНИН КЕҢДИГИ..

Анас (ради Аллоху анху) нун айтымында: Алланын Элчиси айтты: ” Кудуреттүү Алла айтты: « О,Адам уулу сен Мага жалбырап турган жана Мага кайрылып тилеп турган учуруңда Мен сини кылгандарыңдыкечиремин жана Мага баари бир. О,Адам уулу ал турсун ,эгер сенин күнөөлөрүң асмандагы булуттарга чейин да жетсе, анан сен жалбарып кечирим сурасаң Мен сени кечиремин.
О,Адам уулу,эгер сен Мага жердин чоңдугундай күнөөлөрүң менен келсең да,бирок Мага эч кимди шерик кылбасаң(Алладан башка Кудай жок деп ишенсең) Мен сага ошончолук магфират (кеңчилик -кечирим) беремин »(Тирмизиден) ..

АЛЛАХ ТААЛАНЫН БООРУКЕРЛИГИ..

Ибн Аббастан (Алла экөөнө тең ыраазы болсун): Алланын Элчиси айтып келтирген сөздөрүндө кудуреттүү Алла Таала тарабынан мындай деп айтылган:

«Акыйкатта Алла Таала бардык жакшы жаман иштерди жазып койгон,анан муну мындайча түшүндүргөн: «Эгер кимдир бирөө жакшы иш иштейин деп ниет кылып,бирок аны аткаралбай калса Алла Таала муну жакшы иш деп жазып алат. Эгер кимдир бирөө жакшы иш жасайын деп ниет кылып ,аны аткарса Алла Таала муну ондон жети жүзгө чейин,андан да ашыгыраак жакшы иш катары жазып алат. Эгер кимдир бирөө жаман иш жасайын деп ниет кылса, аны жасабаса Аллах муну жакшы иш катары деп жазып алат. Эгер кимдир бирөө жаман иш кылам деп ниет кылса, аны иштесе муну Аллах жаман иш деп жазып алат »(Бухари жана Муслим сахиктеринен) ..

Ушундай Улуук, Кудуреттүү, Кечиримдүү,Боорукер, жакшы көрүүсүнүн чеги жок Раббымды эмне үчүн жакшы көрбөйбүз?
Биз үчүн баарын жаратып, кооздуктарды тартуулап ,бизге жашоо берген ,жоктон бар кылып жараткан,бул дүйнө,аркы дүйнө бакытын тартуулаган Раббымды эмне үчүн жакшы көрбөйбүз?
Чеги жок ырыскы,нээматтарын жегиле,ичкиле жашагыла курсанчылыкта деп жашоо тартуулаган Раббымды эмне үчүн жакшы көрбөйбүз?

Биз дагы эле уйкудабыз ойгоно элекпиз, Аллахтын акыйкатын көрүп билип,сезип турсак да кайдыгер карап келебиз, Аллах болгон сүйүүбүз далилибиз кайда? Качан далилдейбиз?

Эгерде чынында Аллах Тааланы сүйүп жашаймын десең төмөнкүлөрдү ишке ашыруу керек:
Ширк келтирбестен жалгыз Аллах Таалага гана ибадат кылуу,өкүм-буйруктарын аткаруу,ысым -сыфаттары менен Ага кайрылуу ,Пайгамбарыбыз (саллаАллоху алейхи васаллам) дын сүннөттөрү менен,өкум буйруктарына,толук моюн сунуу,баардык жакшя иштерди Аллахтын ыраазычылыгы үчүн кылуу…

Эгерде биз Аллахты сүйүп Анын Пайгамбарын ээрчип жашасак,Аллах биздин жүрөгүбүздү жалаң жакшылыктарга ачып коёот,күнөөлөрүн кечирет,ырайым кылат,иш -аракеттерине тууралык салат.
Эч качан Пайгамбарды тааныбай тууруп Аллахты сүйөм деп айтууга болбойт,анткени Аллах Пайгамбарлар аркылуү өкүм -буйруктарын жөнөткөн. Ошондуктан Пайгамбарыбыз Мухаммед СаллаАллоху Алейхи Васалламды жакындан таанып, аны сүйүп жашайлы. Аллах Таалам:

” Пайгамбарды кимде -ким сүйүп,ээрчип жашабаса бейиштен үмүт кылбай эле койсун”-деп айткан…

Насиба Абдуллаева,

www.formula.kg

Ойчул адамдардын бирине жаш  жигит келип кирди. Салам айтып чөк  тизелеп  олтурду  да,  суроосун  узатты:

– Таксырым, мен жөн жерден эле  катуу  сүйлөп  келинчегимдин  жүрөгүн оорутуп алдым, эми аны айыктыруунун жолу барбы? Жанатан көзүн  жумуп, башын жерге салып олтурган  карыя акырын башын көтөрүп, көзүн  ачты да, жигитке суроо салды:

– Гүлгө суу куйсаң эмне болот?

– Гүлгө суу куйсам ал гүлдөп өсөт.

– Гүлдү жулуп алсаң эмне болот?

–  Гүлдү  жулуп  алсам,  ал  куурап  калат.

–  Куурап  калган  гүлүңдү  кайра  жерге сайып койсоң эмне болот?

– Ал кайра өсүп чыкпайт, анткени  ал куурап калган да.

Анын  акыркы  жообунан  кийин  карыя бир аз жылмайды да, жигитке  акырын шыбырады:

Уулум, жүрөктү эч качан куураган  гүлдүн  абалына  жеткирбе.  Эгер  жүрөктү  оорутуп  кууратып  алсаң,  ага канча суу куйсаң да кайра тирилбейт.

The post Соолуган гүл кайра ачылбайт appeared first on БАКТЫЛУУЛУК ФОРМУЛАСЫ.

( Болгон окуяларга негизделген)

The post Эненин чыдамкайлуулугу, эр жүрөктүүлүгү жана сүйүүсү. appeared first on БАКТЫЛУУЛУК ФОРМУЛАСЫ.

Обондуу, обонсуз ырлардын, чыгармалардын  99% ы сүйүү жөнүндө. Жашообузда сүйүү дегендин орду чоң. Сүйбөсөң бул дүйнөдө жашадым дебей эле кой- деп,  сүйүүнүн жашообузда өтө маанилүү жана  керектүү экенине басым жасап келишет. Албетте айткандарыңыздар туура. Адам бул өмүрдө бир нерселерди жакшы көрөт, бирөөлөрдү сүйөт.  Эгер кимде бул нерсе жок болсо,  андагы бир кемчилик десек болот экен. Анткени, биз адамдардын жүрөгүндө түбөлүк сүйө билүү касиети бар. Бул касиет бизге жаратканыбыз тарабынан, түбөлүктүү болгон жаратканыбызды сүйүүбүз үчүн берилген.

 Түбөлүк сүйүү үчүн сүйө турган затыбыз да түбөлүктүү болуш керек. А биз болсо ал касиетибизди, түбөлүктүү болбогон, бир күн келип бизди таштап кетүүчү нерселерге же бирөөлөргө бөлүп-бөлүп колдонуудабыз. Бизге берилген бул касиетти туура эмес сарптоодобуз. Сүйүүбүздүн 99% ын Аллахка 1% ын дүйнөгө сарптообуз керек эле, бирок тескерисинче 99% ын дүйнөгө сарптап, калган 1% ын да Аллахка  сарптабагандарыбыз бар. Биз ушул дүйнө үчүн эле жаратылган сыяктуу, бардык убактыбызды, сүйүүбүздү ушул дүйнөгө арноодобуз.

Анда чыныгы сүйүү кандай болот?

 Чыныгы сүйүү,  бул Аллах үчүн сүйүү.  А Аллах үчүн кантип сүйөбүз? Аллах үчүн сүйүү, жакшы көрүү бул, ал нерсени ( машина, үй, телефон ж.б.) же адамды (ата-эне, дос, курбу, жубай, бала-чака ж.б.)  бизге берилген Аллахтын бир белеги катары сүйүү. Аларды бизге Аллах берди, каалаган учурда кайра алып коюшу да мүмкүн. Биздин аларды “меники” дегенге акыбыз жок. Биз акылыбызга ушул нерсени орноштурсак, алардан айрылганда да, ( мисалы: машинаңыз бузулду, жакыныңыздан айрылдыңыз) психологиялык соккуга, депрессияга кабылбайсыз.

 Мен кичине кезимде апама, “ тигинин жаңы эле телевизору бузулуп калыптыр, машинасы жүрбөй калыптыр”- десем “техника го бузулат да, адам өлүп жатпайбы”- дечү эле. Көрсө апам бул дүйнөдө эч бир нерсе түбөлүк туруктуу эмес, баары жок болот деген ойду айтчу экен. Албетте  жаңы машинабызды, үйүбүздү, акыркы моделдеги телефонубузду жакшы көрөбүз. Бул боло турган нерсе. Бирок ага байланып, ансыз жашоону элестете албай кала турган деңгээлге жетпеш керек. Тагыраак айтканда, алар бизди таштап кетүүдөөн мурда, биз аларды, түбөлүктүү жок болбоочу жалгыз Аллах, калган нерселердин баары убактылуу деш менен таштап кетишибиз керек. Ошондо айрылганда да дартыңыз жеңил болот.

 Ушул эле теманын учурда чоң көйгөйлөрдү жараткан жана өтө көп кездешкен кыз-жигиттердеги абалын карай турган болсок, тилекке каршы динден, исламдан маалыматы бар, намазын да окуган досторубуздун эле арасында  сүйлөшкөн кызы же баласы барлар толтура жана муну кадимки эле көрүнүш деп эсептегендер андан көп. Алар “ биз жаман нерсе жасабайбыз, дин жөнүндө сүйлөшөбүз, бири-бирибизге хадис айтып беребиз,  бири-бирибизди багымдатка, теххежудка тургузабыз, анын үстүнө биз үйлөнөбүз”- деген сөздөрдү айтышат. Бирок унутпаңыз,  Аллах, зынаа кылбагыла дебейт, зынаага жакындабагыла дейт! Анткени башында социалдык тармактарда таанышып сүйлөшө баштайт, кийин бир жолу жолугушат, бара-бара жолугуулар көбөйөт, кол кармашып жетелешип жүрмөй жана башка болуп уланып кетиши мүмкүн. Анан да, мен аны Аллах үчүн жакшы көрөм-дешет. Жакшы көргөн адам, жакшы көргөн адамын, билип туруп тозок отуна түртпөйт! Ушул нерсени “биз барыбир үйлөнөбүз да”- деп жүргөн достор түшүнүп коюшса жакшы болмок!

 Бул дүйнөдө кооздук деп атала турган эмне болсо, алардын баары Аллахтын жамалынын көптөгөн пардалардан өткөн ичкээ көлөкөсү. Гүлдүн кооздугу эмес, Аллахтын жамалынын гүлдөгү чагылышы. Күндүн жердеги нурларын эмес, күндү жакшы көргөнүбүз сыяктуу, Аллахтын жараткан нерселерин да, Аллах бергенин сезип, билип, биринчи кезекте Аллахты, андан соң Аллахтын бизге берген чооң белеги катары ата-энебизди, досторубузду,  өмүрлүк жарыбызды жакшы көрөбүз.

Башында айткан, Биздин жүрөгүбүздөгү сүйүүнүн кулпусу Аллах, ачкычы биздин сүйүүбүз. Биздин сүйүүбүз Аллахка арналганда гана ал ачкыч ошол кулпуга туура келет. Сиздин оюнузча, эмнеге бул дүйнөдө бир нерсени (бирөөнү) аябай жакшы көрөбүз бирок ага жеткен соң, муруңку сүйүүбүз басаңдап, жоголуп, мурда укмуш болуп көрүнгөн нерсе, жеткен соң жөнөкөй эле болуп калат? Анткени биздин жүрөгүбүздүн сүйүү ачкычы аларга түшпөйт!!!

Перизат Мусабек кызы,

«БАКТЫЛУУЛУК ФОРМУЛАСЫ»

The post ❤ Чыныгы сүйүү кандай болот? 💞 appeared first on БАКТЫЛУУЛУК ФОРМУЛАСЫ.

Мен балдар үйүндө өсүп тарбияланып жаткан бир жетим кызмын. Мен жашоомдо “эне” деген инсанды “эне” деген аты эле болбосо ал жөнүндө эч нерсе билбеймин ,ал жөнундө китеп телелвизорлордон гана көрүп билип келем. Эне сен кимсиң? Эне сен кандай инсансың?

Мен дагы башка балдар катары энекем жөнүндө билгим келди. Күн өткөн сайын эне деген инсанды күтүүчү болдум. Бул бардык балдар үйүндөгү балдардын бирден бир тилеги.
Энекем мен сага эч качан таарынбаймын! Качан келип алып кетсең мен даярмын. Мени таштап кетти деп жек көрбөймүн, анткени сен дагы бир адашуу, мүмкүнчүлүк жок болуп калгандан ушул ишке баргандырсың, мен сени кечирип келем. Анткени сен менин жаным энекемсиң тогуз ай курсагыңда көтөрүп менин жарык дүйнөгө келүүмө себепчисиң!
Эгерде сен менин ушул жазгандарымды окуп калган болсоң мен сени күтүп, сени сагынып жашап келем! Энекем менин сени тааныбасам да сенин жүзүңдү жылмайып көздөрүң күлүмсүрөп, мээримиң күн нурундай чачырап өзүнө тартып турган инсанды элестетип кыялданып келем. Жаным энекем мен сенин кучагыңда эркелеп сени менен жакшы жаман күндөрүмдү сырдашып бөлүшкүм келет! Сага жетсем бек бек кучактап күлмүңдөгөн жүзүңдөн тойо сүйүп, энелик жытыңды кучагыңдан чыкпай искеп-исекеп алмакмын! Энекем менин! Сени канчалык көргүм келгенин билсең гана бир жолу болсода кучагыңда эркелегенимде ыраазы элем! Жаным энекем сагынчтан кусаланып сени күтүп, терезеден жолуңду күндө көзүмдү үзбөй карап олтура берем! Энекем менин мээримиңе болөнүп “ЭНЕ “деп көп-көп кайра-кайра айткым келет. Сенин “кызым” деген сөзүңдү зарыгып уккум келет. Менин сүйүктүү алтын энекем!

Менин бирден-бир тилегим биринчи “Энекемди” жолуктурсам, андан кийин талыкпай билим алып келечекте жакшы уй бүлөө күтүүм, балдарымдын энеси болсом деймин. Ошондо мен эч качан баламды таштабаймын, эч качан кор кылбаймын,андан мээримимди аябаймын,керек болсо бирөөгө карматбайт элем бир да чачын кор кылмак эмес элем. Анткени мен энеге зар болгон инсанмын!

❤ Бул жерде жакшы карабайт деп эч качан айтпаймын эжейлерге миң мертебе ыраазымын, бирок мен Энелик мээримге, энелик сүйүүгө зар болуп келем!
Энекем жаным менин кайда болсоң да бир жолу келип кетчи сени заарыгып күткөн кызың,сенин жолдоруңду үмүт менен сагынуу кусалык менен күтүп жашап келем! …
“Ата-эне кадырын жетим билет” деп бекеринен айткан эмес. Энеге зар болгон инсандарды карап сабак алыңыз. Сиздин үйүңүздө энеңиз болсо! Сиз энеңизди ар күнү көрөсүз, күндө “балам” деген үнүн угасыз, күндө “эне” деп кайрыласыз, мээримине бөлөнөсүз, бирок анын биз үчүн улук экенин анча маани бербей, сезбей келебиз. Кандай болбосун энелерди сыйлайлычы туугандар! Бейишибизди төбөбүзгө коюп сыйлап, ыраазылыгына ээ бололучу!

Энебиздин бары чоң бакыт, чоң байлык!

Насиба Абдуллаева,

«БАКТЫЛУУЛУК ФОРМУЛАСЫ»

The post Эне сен кандай инсансың? appeared first on FORMULA.KG.

Бир жолу мугалим окуучуларынан сурап калды:

-Эмне үчүн адамдар урушканда кыйкырышат?

-Себеби, тынчы кетет,- деди бирөө.

-Адам жанында эле болгон соң неге кыйкырат?-деп кайра суроо салды мугалим.

-Эмне акырын эле сүйлөшсө болбойбу? Капа болгон болсоң неге кыйкырасың?

Окуучулар ар бири өз жообун айтып жатты. Бирок, бирөө да мугалимди канаатандырган жок. Акыры ал өзү мындай деп түшүндүрүп берди:

-Адамдар бири-бирине нааразы болуп, уруша кеткенде алардын жүрөгү бири-биринен алыстай түшөт. Бул аралыкты жоюп, бири-бирин уга билүү үчүн кыйкырганга туура келет. Канчалык катуу капа болушса, ошончолук катуу кыйкырыша баштайт. А, адамдар бири-бирин сүйүп калганда кандай болот? Алар кыйкырышпайт, тескерисинче акырын сүйлөшүшөт. Анткени, алардын жүрөгү бири-бирине жакындашып, ортосундагы аралык өтө аз болот. Аябай сүйүшүп калганда эмне болот?-деп сөзүн улады мугалим:

–Сүйлөшүшпөйт, шыбырашып мурункудан да жакын болушат. Акырында аларга шыбырашкандын да кереги жок болуп калат. Бири-бирин көз караштан эле түшүнүшүп калат. Бул бири-бирин сүйгөн эки адам чогуу болгондо болот. Мына ошондуктан чырдаша кеткенде жүрөгүңөрдүн бири-биринен алысташына жол бербегиле, ортоңордогу аралыкты ого бетер алыстата турган сөздөрдү айтпагыла. Анткени, аралык байкалбастан өтө алыстап кеткен учур келгенде, кайтаар жол таппай калышыңар мүмкүн.

The post Жүрөгүңөрдүн бири-биринен алысташына жол бербегиле! appeared first on FORMULA.KG.