БАКТЫЛУУЛУК ФОРМУЛАСЫ

Запись Нарын казыятынын өкүлдөрү Памирден келген кыргыз боордоштордон кабар алды впервые появилась Formula.KG.

Ысык-Көл облусунун Балыкчы шаардык хатибиятынын жана баш имам хатиб Чойбек ажы Исакуновдун демилгеси менен 50 жакыр үй-бүлөгө 1 тоннадан көмүр таратылды. Бул туурасында шаар хатиби Чойбек ажы Исакунов билдирди, – деп маалымдайт КМДБнын басма сөз кызматы.

«Буга чейин жетим-жесир жана жакыр 50 үй-бүлө турак жай менен камсыз болгон болсо, бүгүн кышка карата даярдык көрүлүп, 50 тонна көмүр менен камсыздалды»,-деди шаар хатиби.

Жардамга ээ болгон үй-бүлө мүчөлөрү кайрымдуулук колун сунган инсандарга ыраазычылыктарын билдирүү менен мындай иш чаралар башка аймактарда дагы улантылса деген пикирлерин билдиришти.

Эскерте кетсек, аталган  кайрымдуулук иш чара Ɵзбек ажы Чотоновдун жардамы менен ишке ашырылган.

Запись Балыкчы шаардык хатибиятынын демилгеси менен шаардагы 50 жакыр үй-бүлө көмүр менен камсыздалды впервые появилась Formula.KG.

Таң эртеде маанай деле жок болчу.
Ошскиге маршрутка отургам.
Көздөрүнүн нуру кетип..карыган.
Жанымда бир жупуну чал отурган.

Бир аз жүрүп чал күймөнүп капчыгын.
Алып чыгып санап кирди тыйынын.
Улам бирин кармап байкуш тигилет.
Сездим чалга саноо абдан кыйынын.

Алаканга бар тыйынын төктү да.
Шоопур көздөй жөнөп калды акырыын.
А тыйыны жетпейт болчу..не болот.
деп менин да жетпей турду акылым.

Шоопур дагы олбурлуу бир неме экен.
Билектери билегиндей балбандын.
Ар кандайын сазайыны берет го.
Ачуусуна тийип анын алгандын.

Чал байкушту урушат го эми деп.
Мен да бир аз акча менен камдандым.
Бирок мындай боорукерлик көрбөгөм.
Мен шоопурга чындап эле таңдандым.

Чал барды да деди шоопур кишиге.
“Мени түшүр эмки келген бекетке.
Санай албай берип жатам ал балам
Мына тыйын жетпей калса капетпе..

Шоопур алды чал байкуштун тыйынын.
Бекетке да келдик мына токтоду.
Шоопур кошо түшүп чалды жетелеп.
Бирдемелер берип жаткан окшоду.

Көзүм чалды жүз сомдуктан экини.
Чалга акырыын шоопур берип жатканын.
Толкундоодон суу болду окшойт эми эле.
Жыйырма сом алаканда катканым.

Көздөрүмө жаш айланды негедир.
Көкүрөгүм толуп чыкты кысылып.
Муздап турган жүрөктөр да мындайда.
Алат тура толкундоодон ысынып.

Шоопур келип кайра жолду уладык.
Эл жанданып күбүр шыбыр кубанып.
Тилеп турдум жараткандан ичимде.
Шоопур иши кетсе экен деп уланып.

Мындай шоопур азыр бизде жокко эсе.
Баары эле акча дешип жутунган.
Жүздөн бири болсо керек бул киши.
Кайрымдуулук жолун бийик тутунган.

Запись Жүздөн бири болсо керек бул киши… впервые появилась Formula.KG.

Кечээ Стамбулдун базарларынын бирине Курман айт майрамына азык-түлүк алуу үчүн келгендерге “сюрприз” даярдалган эле.

«SBK» (Сезгин Баран Коркмаз) холдиңинин жетекчиси базардагы бардык азык-түлүктүн акчасын төлөп, аны келгендерге акысыз берди. Базардагы азык-түлүк 2 сааттын ичинде түгөнгөнү маалым болду.

Мөмө-жемиш, сыр, зайтун, тамак-аш ж.б нерселер берилди.
Алар акысыз экенин билишкен жок. Ошол себептен акча сунуп, акчасын кайрыганда абдан таң калышты.
Алар кайра барып коңшу-колоңдорго кабар беришип, базарда таламай башталды. Аз убакытта эч нерсе калбай калды…

Баран Коркмаз болсо бул боюнча айтып берүүдөн баш тартты жана бул сооптуу ишти жасаганын жашыруун калышын каалады.

Булак: Formula.kg

Запись Түркиялык бизнесмен азык-түлүктөрдүн акчасын төлөп, аны колунда жокторго таркатып берди. впервые появилась Formula.KG.

Канадада жашаган 70 жаштагы Сабария Хусейн ар күнү 300 адамга ылайык тамак жасайт. өз колу менен жасаган тамагын ал көчөдөгү карыптарга, жакырларга таратып чыгат.

Ал Канаданын Монреаль калаасына 30 жыл мурун келип жашай баштаган болчу. Жашы бир топко барып, улгайып калганына карабастан ал жергиликтүү мусулман жамааттарынын иш чараларына активдүү катышып турат.

Муну менен катар ал жергиликтүү чиркөө менен да тыгыз байланышып, ал жакка каттаган жакырларга, колунда жокторго алардын расасына, жынысына, динине карабастан колунан келген жардамын берип, колдоп келет.

Запись 70 жаштагы мусулман аял ар күнү 300 карып-мискинге тамак жасап таратат впервые появилась Formula.KG.

Запись “Муктаж инсандардын барына жардам бергенге аракет кылабыз” впервые появилась Formula.KG.

БУУнун балдарга жардам фонду UNICEF Ливияда жарым миллиондон ашуун баланын гуманитардык жардамга муктаж экендигин билдирди.

UNICEF Жакынкы Чыгыш жана Түндүк Африка аймактык директору Герт Каппалере Ливияга жасаган сапарынан кийин берген жазуу түрүндөгү маалыматта өлкөдө 550 миңден ашуун баланын улантылып жаткан кагылышуулар, саясий ыраатсыздык жана экономикалык начарлоодон улам гуманитардык жардамга муктаж экендигин белгиледи.

Ливиялык балдар үчүн өлкөдөгү саясий кризистин эртерээк чечилиши керектигин баса белгилеген Каппалере : «Кээ бир аймактарда болуп жаткан кагылышуулардан улам үй  – бүлөлөр үйлөрүн таштап кеткенге мажбур болушууда. 80 миңден ашуун баш калкалоочу бала бар. Бул балдар  ар кандай кыйынчылыктарга дуушар болууда»,- деди.

UNICEFтин 2011 –  жылдан бери балдардын муктаждыктарын камсыз кылуу үчүн иштерди жүргүзгөндүгүн эске салган Каппалере өткөн жылы 1, 3 миллон баланын шал оорусуна каршы үчүн эмделгендигин белгиледи.

Ливияда  Муаммер Каддафи мезгилин акырына чыгарган 2011 – жыл 17 –  февралдагы төңкөрүштөн кийин саясий ыраатсыздык менен атаандаш топтордун ортосундагы кагылышуулар улантылууда.

Запись Ливияда балдар гуманитардык жардамга муктаж впервые появилась Formula.KG.

Чүйдүн Чолпон жана Оштун Күңгөй айылдарындагы эки мектеп тең мамлекеттин балансына өткөрүлүп, алардын расмий ачылышы дем алыш күндөрү КРнын президентинин аппаратынын, Билим жана илим министрлигинин өкүлдөрүнүн катышуусу менен өттү.

Чолпондогу 150 орундуу жана Күңгөйдөгү 170 орунга ылайыкталган мектептер тиешелүү эмерек, класстык жасалга, видеокөзөмөл апараттары менен жабдылып, короо-жайы тосмолонду.

Бүткүл дүйнөлүк жаштар ассамблеясынан билдиришкендей, 2 жыл аралыгында аталган уюм Кыргызстанга дагы 10 мектеп куруп берүүнү пландоодо.

Эскерте кетсек, буга чейин аталган ассамблея тарабынан Кыргызстанда 30 мектеп курулган.

Запись “БДМЖА” Кыргызстанда дагы 10 мектеп курууну пландоодо впервые появилась Formula.KG.

Qatar Charity кайрымдуулук уюму Кыргызстанда “Угуу – бактысын тартуулайбыз” деп аталган долбоорду ишке киргизди. Аталган уюмдан билдиришкендей, долбоордун алкагында угуу мүмкүнчүлүгүнөн ажыраган муктаж адамдарга Швейцарияда жасалган жогорку сапаттагы аппараттар акысыз таратылып жатат. Долбоор эки ай мурда социалдык түйүндөр аркылуу элге жарыяланган. Атайын комиссиянын тандоосунун негизинде аз камсыз үй-бүлөдө жашаган, угуу мүмкүнчүлүгү начар 50 адам тандалып алынып, аларга угуу аппараттары берилүүдө.

Аталган уюм бул сыяктуу социалдык долбоорлор дагы жүзөгө ашырыла турганын айтууда.

Qatar Charity (Катар кайрымдуулугу) 1992-жылы Катар мамлекетинде негизделген.

“Азаттык”

Запись Qatar Charity уюму майыптарга акысыз аппарат таратууда впервые появилась Formula.KG.

Урматтуу эже-сиңдилер!
Сиздер үчүн мыкты мүмкүнчүлүк!

“Нахла Хайрия” коомдук фонду “Кыз-келиндер үчүн жайкы АКЫСЫЗ ЛАГЕРине чакырат.

Эс алууга жана пайдалуу убакыт өткөрүүнүн эң сонун мүмкүнчүлүгү!!!

Программада;
Тамак-аш боюнча мастер-класстар,
Тигүүчулүк боюнча мастер-класс,
Араб тили сабактар.

Сурап-билүү телефондору:
0777707650
0702620479
0558228404

Дареги: Бишкек шаары, Ленин пр. 111

Булак: http://ift.tt/2vKRfyi

Запись Бишкекте кыз-келиндер үчүн акысыз лагерь уюштурулат. впервые появилась Formula.KG.

Фитир – мааниси боюнча “жаралмыш, табигый абал жана орозону ачуу” деген сөз. Кыргыздар демейде фитир садакасын “орозонун битири” деп атап келген. Бул садака Рамазан айына туш келген жана негизги муктаждыктарынын сыртында нисабга жеткен мал-мүлкү бар болгон мусулмандардын өздөрү менен кароосу астындагы адамдар үчүн аткарууга милдеттүү материалдык ибадат. Ханафийлер боюнча фитир садакасын берүү важиб. Башка мазхабдар боюнча парз болуп эсептелет.
Пайгамбарыбыз (САВ) бир топ хадистеринде фитир садакасын берүүгө буюрган. Абдулла бин Умар баяндаган бир хадисте айтылат: “Аллахтын элчиси (САВ) фитир садакасын кул, эркек, аял, кичине бала жана чоңдорго бир саа (өлчөм) курма, же бир саа (өлчөм) арпа деп белгилеген эле. Адамдар айт намазына чыгуудан мурун берүүлөрүн буюрган”. (Бухарий, Закат-76; Муслим, Закат-12).
Фитир садакасы Алла Тааланын бир адамга жана анын багуусу алдындагыларга ыйгарган өмүр-жашоонун сансыз сыйларына карата шүгүрчүлүктү айгинелеген ибадаттардын бири. Кала берсе фитир садакасынын важиб болуусу үчүн орозо кармоо шарт эмес, б.а., орозо кармай албаган адамдар да милдеттүү түрдө фитир садакасын берүүлөрү керек.
Фитир садакасы ошол бир жылдын орозосун аткара билген мусулмандардын ушундай улук ибадатты орундоого шарт түзүп, ден соолук жана чама-чарк берген улуу Алла Таалага ыраазычылык-ырахмат билдирүү маанисин да туюнтат.
Ошол эле убакытта хадисте айтылгандай фитир садакасы орозо кармаган мусулмандын орозосуна жарашпаган маанисиз сөз-аракеттер аркылуу доо кетирилген ибадатынын кенемтесин толтурат жана кедей-кембагалдардын да майрам кубанычына ортоктош болууларын камсыз кылат. (Абу Дауд, Закат-17; Ахмад бин Ханбал, Муснад, 2/ 277).
Фитир садакасы зекетке салыштырмалуу кеңири чөлкөмдө мусулмандардын арасында жүрөт. Бул аркылуу мүмкүнчүлүгү болгон ар бир мусулман адам Алла Тааланын жолунда бир нерсе берүүнүн үзүрүн сезет жана коомчулуктагы муктаж адамдардын чыныгы абалын дагы жакын арадан көрүп түшүнүүгө жетише алат. Дагы бир жагынан кедей, муктаж адамдардын да кадыр-баркы сакталып, башкаларга жалдырап суранууларына аргасыз калтырылбай туугандык жардам колдор созулган болот. Дегинкиси мындай коомдо өмүр сүргөн адамдар арасында боордоштук, ырашкерлик көпүрөлөрүнүн дагы бирөө курулуп, өз милдетин аткарууга киришкен болот.
Фитир садакасы кантип берилет?
Фитир садакасы бир ибадат катары ниетти да шарт кылат. Демек фитир садакасын атайын ниет менен берүү зарыл. Берип жаткан учурда фитир деп ниеттенсе да, же болбосо ал үчүн берилчү нерсе, же акча эсептелип жаткан маалда ниеттенсе да болот. Ниет дегенибиз, берген фитир садакасын Аллахтын ыраазычылыгына жетүүнү ойлоп аткаруу дегендик. Жүрөк менен ойлоп туруп, тил аркылуу ниетин айтканга да болот. Берип жаткан адам Аллахтын өзүнө аманат катары ыйгарган мал-мүлктөн жарды-жакырларга, окуучуларга Алла Тааланын тапшырмасы боюнча өз ээлери катары таратып жаткан өңдүү берүүсү зарыл.
Фитир садакасын берип жаткан учурда “бул фитир” деп айтуусунун зарылчылыгы жок.
Кедейлердин түрдүү муктаждыктарына өздөрү каалаган ыкмада сарптоосу үчүн фитир садакасын акчалай берген ого бетер жакшыраак. Ошону менен бирге абалга жараша айтылып өткөн азык-түлүктөрдөн берсе да болот.
Фитир садакасы “менчиктеп” берилет, б.а., алуучу адамдын колуна ошол адамдын өз мүлкү катары толук ээлетип берүү керек. Ошондуктан фитир садакасын берүүгө милдеттүү адам бир кедейден алуучу карызына чегерип эсептеп ага фитир садакасын берүүсү жарамсыз.
Фитир садакасы кимдерге берилет?
Фитир садакасы кадимки зекет берилчү адамдарга берилүүгө тийиш, б.а., зекет берилбөөчү бай сыяктуу адамдарга фитир садакасы да берилбейт.
Фитир садакасы берилбөөгө тийиштүү адамдар мына булар:

Шарият боюнча бай деп эсептелгендер. Булар көбөйүүчү өзгөчөлүктө болсун, же болбосун колунда нисабга жеткен мал-мүлкү бар адамдар болуп саналат, т.а., күнүмдүк негизги муктаждыктарын камсыздоочу чыгымынан жана карызынан сырткары 85 грамм алтын же 595 грамм күмүштүн наркына жете мал-мүлккө эгедер адамдар шарият боюнча бай деп каралат.
Ошондой эле фитир садакасын өз аялына, түпкү тегине (ата-эне, чоң ата-чоң энелерине) урпагына (бала-чака жана неберелерине), жалпысынан өзү багууга жооптуу адамдарга берүүгө болбойт.
Фитир садакасын өзү жашаган чөйрөдөгү кедейлерге, алыс жерде болсо да өз тууган-уруктарына, адеп-ахлактуу жарды адамдар менен окуучуларга биринчи катарда берүү абзел.
Бир адам фитир садакасын бир кедейге бергени өңдүү эле бир нече кедейге таратып берсе да болот. Бирок алган адамдын муктаждыктарын толугураак жабуусу үчүн бир адамга берилгени абзел.
Зарыл болсо бир топ адам фитир садакаларын жыйып, бир жакырга берсе да болот.
Фитир садакасын берүү убактысы
Фитир садакасы Рамазан айы кирген күндөн тарта берилсе болот. Ислам аалымдары Пайгамбарыбыздын (САВ) хадистеринде алга сүрүлгөн жарды-жакырлардын айт күндөрү мезгилиндеги муктаждыктарын кандыруу максатына ылайык фитир садакасы Орозо айттан бир-эки күн мурда берилүүсүн колдошкон.
Кантсе да фитир садакасы айттын биринчи күнүнөн кийинкиге калтырылуусу туура эмес. Бирок айттан кийин калса да фитир садакасын берүүгө милдеттүүлүк моюнда болот жана мүмкүн болушунча тезирээк аткарылуусу керек болот.
Фитир садаксынын өлчөмү
Бир аз башта айтып өткөнүбүздөй фитир садакасы менен байланыштуу хадистерде пайгамбарыбыздын (САВ) заманында бул экономикалык ибадат курма, арпа, кургаткан жүзүм (жемиш) өңдүү ошол мезгилдин кеңири колдонулган азык-түлүктөрүнөн бир саа берилгени айтылган. +згөчө төрт халифа арасында болгон сахабалардын жасагандарына ылайык буудайдан 1/2 саа өлчөмүндө фитир садака берилгени баяндалат.
Фитир садакасына байланыштуу ушундай баяндар негизинде ислам укукчулары фитир садакасынын түрү менен өлчөмүн төмөндөгүчө бекитишет:
Ханафийлер боюнча фитир садакасы буудай, арпа, курма жана жемиш өңдүү азык-түлүктөрдөн берилет. Буудайдан жана буудай ундан жарым саа, башкаларынан болсо, бир саа өлчөмүндө берилүүсү керек.
Белгилей кетүүчү бир жагдай, хадистерде фитир садакасынын өлчөмү катары бекитилген жана ислам укуктук колдонмо китептеринде өлчөм катары алынгандары өлчөмдүн төмөнкү чектери болуп саналат. Бул жөнүдөгү пайгамбарыбыздын (САВ) буйрук жана жол-жоболору жарды-жалчылардын ушундай кутман күндө башкаларга көз артпоосу, алардын да азык-түлүк жагынан камсыз болуп майрам кубанычына бөлөнүүсү жөнүндө айтылган…

Запись ФИТИР САДАКАСЫ ДЕГЕН ЭМНЕ? впервые появилась Formula.KG.

✍ Ким каалабасын бир сому он сом,он сому жүз сом,жүз сому миң сом болуусун,баары каалайт,кеп каалаганда эмес аны ишке ашырууда. Садака да ушул сыяктуу арзыбаса да колуңда канча болбосун чын ыкластан Аллах ыраазылыгы үчүн,берген болсоң Аллахым күтүлбөгөндө көбөйтүп берет. Эми садаканын абзели рамазанда берилгени дейт,эмне үчүн дейсизби анткени бул ай берекелер төгүлгөн ай,ким кандай амал кылбасын сообу эселеп берилет. Эми ойлонуп көрүң ошондо бир, он,жүз сомуңуз балким миллиоон,же чеги жок соопко илешип калуусу мүмкүн, анткеи Аллах Таалам бул айдагы сооптордун канча берүүсүн өзү берерин айтып өткөн. Анда жакшылык кылууга чамданыңыз!

Жакшылык иштердин баарысы садака болуп эсептелет. Жакшылык аты айтып тургандай кандай жакшы иш, жакшылык кылсаң, жакшылык көрөгөн инсан эле эмес, жакшылык кылуучунун да жан дүйнөсү тазарып,жүрөктөрдө кубаныч уялайт.
Аллах Таала айтат:
«Жакшылыктардан эмне жасаган боосоңор,Аллах аны билет »(Бакара; 197)

«Демек, кимде -ким кыпындай жакшы иш кылган болсо аны көрөт»(Зилзала; 7).

Мына ыйык, берекелүү рамазан айыбыз да билинбей өтүп жатат,бул айдын өзгөчөлүгү башка айларда кылган жакшылыгыңыз,бул айда эселеп соопторду алып келет.
Садака деп көпчүлүк адамдар бир гана акча,материалдык жардам берүү деп түшүнүп алышат. “Колумда болбосо,өзүмө жетишпесе,өзүм араң жашап жатсам ” -деп садаканын маанилүүлүгүнө көңүл бурбагандар канча. Эгер билсеңиз садак сиз ойлогончолук кыйын иш эмес анда сизге оңой болгон жолдорун Пайгамбарыбыздын (ага Аллахтын садамы жана ырайымы болсун) хадистеринен айтып өтсөк.

✨Абу Мусанын (андан Аллах ыраазы болсун) айтуусу боюнча Аллахтын Элчиси (ага Аллахтын ырайымы жана саламы болсун):
«Ар бир мусулман садака берүүгө тийиш “-деди. Бирөө сурады: “Айтыңызчы, эгер анда (ага ылайык эч нерсе табылбасачы? “Ал айтты: ” Анда колу менен мээнет кылып,өзүнө -өзү пайда алып алып келсин да,садака берсин “. Тигил адам кайра сурады: “О,Аллахтын Элчиси,ал эгерде андайда кыла албасачы? ” .Ал айтты: “Анда оор абалда калган мусулман адамга жардам берсин “. Тигил адам сурады: “Эгер андай да кыла албасачы? “Ал айтты: “Анда жакшылыкка чакырсын”. Анда ошол эле киши кайра сурады: “Эгер ал муну кылууга жарабасачы? “. Ал айтты: “Анда ал (мусулмандарга) жамандык кылуудан тыйылсын,ошол сага садака болуп калат ». (Бухарий; Муслим)

Абу Заар (андан Аллах ыраазы боосун) Аллахтын Элчисинин (ага Аллахтын ырайымы жана саламы болсун мындай дегенин кабардайт:
«Ар күнү таң атаары менен силердин ар бириңер (денеңерде) канча муунуңар болсо ошончолук (сандагы садака берүүгө тийишсиңер:
“Аллахка Даңазалар болсун “[Субхан -Аллахи] деп айтылган ар бир сөз -садака,
“Аллахка макталоор болсун ”
[Алхамду ли -Ллах ]деп айтылган ар бир сөз садака,
“Аллахтан башка кудай жок “[Лаа илааха иллоллох] деп айтылган ар бир сөз- садака ,
“Аллах Улуу ” [Аллааху Акбар] деп айтылган ар бир сөз -садака,
Жамандыктан кайтаруу -садака,
Жакшылыкка чакыруу -садака,
Бирок булардын баарынын ордун (шашкеде окуулуучу) эки рекет (“аз -Зуха) намазы баса алат »(Муслим) .

Сиз садака берүүгө мүмкүнчүлүк -чамам жок десеңиз. Ушундайча жол менен да садака бере аласыз, адам таңга аман -эсен чыккандыгы үчүн Аллахка шүкүр келтирүүгө тийиш.Анын үстүнө ар кандай балээлерден коргонунун да каражаты болуп эсептелет…

Биз пенделер бергенди эмес алганды жакшы көрөбүз,кемигенди эмес көбөйгөндү жакшы көрөбүз, эгер билсеңиз берүүчүнүн сообу алуучуудан көп болот.Азыркы биздин жашап жаткан заманды кыйынчылык,кедейлик,жакырчылыкта же жетишпестик деп айтууга болбойт. Аллахка шүкүрлөр болсун андай жашагандар аз санда гана,демек садака берүугө чамабыз жетишээрлик,канча болбосун колуңуздаг келгенче берсеңиз Аллах Таалам ордун толтуруп берет. “Берер колум, алаар колум “дегендей берешендин ырыскысы кенен болот.
Пайгамбарыбыз салляЛлаху алайхи уа саллям айтып кеткендей:

«Жарым курманы садакага берип болсо да өзүңөрдү Тозоктун отунан сактагыла». (Бухари)

Аллах Таала Курани Каримде айткан:

“Эмнени садака кылсаңар, Аллах анын ордун толтуруп берет. Ал эң жакшы ырыскы берүүчү” (34:39)

Жана дагы Аллахтын Элчиси, саллаллаху алейхи уа саллам, мындай деп айтып кеткен:

«Чындыгында Аллахка эң сүйүктүү иш – момун адамдын жүрөгүнө кубаныч киргизгениң жана кайгы-капасын кетиргениң же анын карызынан кутултканың же (тамак берип) аны ачкалыктан куткарганың». (Байхаки)

Мына туугандар эгер билсек биздин дин аябай жеңил,Аллах Таалам мүмкүнчүлүгүн берип койгон,ким аны туура пайдаланса,туура колдонсо жолдорун көптөгөн ийгилик,соопторго,бактылуулуктарга жетип аласыз!
Береке асмандан төгүлгөндө аны кармап калуу өз колуңузда, бул мүмкүнчүлүк бүгүн бар эртең жок, быйыл күбөсүз эмки жолу жетесизби жокбу Жараткан билет!

Акыретиңизге түшүм жыйноочу айды текке кетирбей Бейишке кампаңызды сооптор менен толтуруп алыңыз!

Орозоңуздар кабыл болсун!

Насиба Абдуллаева.

‍‍‍”Бактылуулук Формуласы ,
Бактыңыздын багыты бизге катталыңыздар! “.

Запись САДАКАНЫН АБЗЕЛИ- РАМАЗАНДА БЕРИЛГЕНИ впервые появилась Formula.KG.

Бут кийимдеги акча..

Устат менен шакирт эгин талааны жарып өткөн чыйыр менен келе жатса, жол четинде эскилиги жеткен бут кийим жатыптыр. Шакирт шум жигит болчу, устазына карап:
– Чамасы, бул эгин суугарып жүргөн дыйкандын бут кийими окшойт. Катып койсок, эмне дейсиз? Келип, бут кийимин таппай, издегенин бир тамаша кылалы, – дейт.
– Кедейлерди кыжалат кылып, өзүбүздүн кызыкка батканыбыз жакшы иш эмес. Андан, көрө, чындап тамаша кылгын келсе, бут кийимине акча салып коёлу да, анан аңдып туралы эмне болоор экен? – дейт устаты. Устазынын кеңеши көңүлүнө жаккан шакирт макул болду да бут кийимге акча салып, экөө чөп арасына жатып андый баштады. Көп өтпөй жүзү күнгө тотуккан бозоро оңуп, өңүөчкөн чапанынын этегин белине түрө байланган бир адам келип, ылай болгон бутун шиберге сүртүп бут кийимин кийе жөнөдү. Бирок бутуна урунган бир нерсени сезип, бут кийимин какты эле ичиндеги акча чачылып кетти. Чачылган акчаларды көргөндө дыйкан көргөн көзунө ишенбей, дендароо болуп туруп калды. Бир аздан кийин өзүнө келип, эки жагын каранды. Айланада тирүү жан көзгө илинбейт. Акчаларды шаша буша койнуна тыгып, тизелей отура калган дыйкан колун асманга сөзүп: ” Оо, Жараткан, менин абалымды менден да жакшы Билүүчусүң. Аялым ооруп төшөктө жатканын балдарым ая-жыланач отурганын жакшы билесин. Башыбызга түшкөн балээден куткарганына шүгүр. Өзүнө чексиз чексиз шугур, шүгүр….” – деп көз жашын төгүп жиберди.
Чөп арасында аны карап отурган шакирттин көз жашы агып жатканын көргөн устаты.
– Азыр мурдагы абалындан бактылуу экеңинди сезип тургандырсын? Биринчи максатынды ишке ашырганда абалын таптакыр башкача болмок – деди шыбырап.
– Устаз, өмүр бою эстен чыкпай турган сабак алдым. ” Бергендин бактысы, алгандын бактысынан таттуу болот ” дегенди эми түшүндүм, – деди көз жашын сүртүп..

“Эгерде адам болом десең дүйнө кез “-деген экен бир даанышман. Ошосыңар азыркы күндөрдө элибиз ток,бири -бири менен жарышып той -тамаша кылган андан көп,катар -катар уна алып көз -көз кылып минген андан көп,үй -жай,кабат -кабат,евро кылмай жарышмай андан көп бирок ушу кичинекей эле кыргызстаныбызга бир саякат кылсаңыз кедей -жарды,муктаж,оорукчан,каарылар үйү толо,жетим -жесир четтен кезиктиресиң. Ишенбесеңиз борборубуз болгон Бишкектин чет жакаларына барыңыз ал жакта өзүнчө дүйнө жашоо үчүн күрөш, жап-жаш балкайлар,атасы жок, ичикиликтен жабыркаган бир күндүк курсагы үчүн кечке изденип, алар үчүн жүз сом акча канчалык маанилүү, кадырлуу экенине күбө болосуң! Эх, бир кем дүйнө дештен башка айлаң барбы? Бул жагдайларга кимдер күнөлүү? Балким биздин мээримдүүлүк,кайрымдуулук кыла турган жүрөктөрүбүз тоңуп,көздөрүбүз май басып, боорукерлик,сүйүүгө толгон жан дүйнөбүз соолуп бара жаткандыр. Өзүңүз күбөсүз жакындан бери башыбыз кырсыктан чыкпай калды, балким келген кырсык апааттар ушу себептен болуп жаткандыр… бири -бирибизге көңүл бурбай, бир туугандык мусулмандык парзыбызды аткарбай жатканыбыздандыр…
Келиңиз бир тууганым! Эч болбосо ушул Улуу, куттуу айдын урматына,Аллах Тааланын ыраазылыгы үчүн колдон келгенче муктаж болгон туугандарга садака берүүгө умутулууга аракет кылалы…

Садака биз үчүн канчалык маанилүү экенине төмөнкү хадис,аяттарга көңүл буруңуз….

Амалдардын бааланышы Аллага таандык. Өмүрдүн кайрымдуусу – Алла үчүн жашалганы. Адам баласы өлүп, денеси жерге берилгенде, жалган жашоонун эскермелери менен көмүлөт.
Мүрзөлөр – салих амалдардан башка эч бир нерсе пайда бербей турган жерлер.
Куттуу хадисте: «Момун өлгөндө намазы башында, садага оңунда, орозо солунда болот.» (Фазаил Амал, 267-268) – деп айтылышы мунун эң жакшы далили.

Бул берекелүү айдын кадырына жетүү туурасында аткарылган ибадаттардын башында колунда жоктор, жетим-жесир, бей-бечара, оору-сыркоо жана муктаждарды да унутпаш керек, жүрөктөрдүн мындай кишилерге боор оорушу, алардын кайгысын тең бөлүшүүсү – Ыйык Рамазандын пазилетин бийиктеткен эң маанилүү факторлор. Анткени бул ибадаттар, тактап айтканда, туура берилген зекеттер, садага-кайрымдуулуктар сыяктуу жарамдуу (салих) амалдар Аллах Тааланын кечиримин, мээримин тартып, пендени кут-берекеге бөлөйт. Алланын мээрим каалгаларын ачтырып, азап жолун жаптырат.

Куттуу хадисте минтип айтылат: «Садага 70 түрдүү балээге тоскоол болот.» (Суютии, Жамиус Сагир, II, 52) …

«Садага Алланын ачуусун басат.» (Термезии, Зекет, 28)

Улукман Аким уулуна: «Уулум! Билип-билбестен бир күнөө кылган болсоң, дароо тообо кылып, садага бер!» – дечү….
Өзгөчө Ыйык Рамазанда берилген садага-кайрымдуулуктун канчалык маанилүү экени төмөнкүчө баян кылынган:
Бир киши Азирети Пайгамбарыбызга (саллаллоху алейхи васаллам) келип:
«- Йа, Расулалла! Кайсы садага сооп жагынан алганда чоңураак? – деп сурайт. Алланын элчиси (саллаллоху алейхи васаллам) минтип жооп берет:
– Ыйык Рамазанда берилген садага.» (Термезий) …

Соопкерчиликке үлгү көрсөтүш максатында Аллама бин Каййым Азирети Пайгамбарыбыздын (саллаллоху алейхи васаллам) кайрымдуулуктагы жан-дүйнөсүнүн байлыгын төмөнкүчө баяндайт: «Азирети Пайгамбарыбыз (саллаллоху алейхи васаллам) колунда бар нерселерди садага катары берүү берүүдө эч бир кишиге окшобойт эле. Алла берген мүлктү бир жерге жыйначу эмес. Бирөө бир нерсе сураса, аздыр-көптүр сөзсүз түрдө берчү. Ал садаганы кедей болуп калуудан коркпостон берчү. Садага берүү ал үчүн бөтөнчө бир жыргал эле. Анын садага берүүдөн алган сүйүнүчү муктаж кишинин сүйүнүчүнөн бир нече эсе көп болчу. Кайрымдуулук кылууда адамдардын эң жоомарты эле. Оң колу береке-кут чачкан шамал сыяктуу болчу. Муктаждыгы болгон киши ага дартын айтканда, сезимдерге абдан берилип, кээде тамагын, кээде үстүндө кийип турган кийимин берип салчу»…

Бешинчи халифа наамын алган Умар бин Абдулазиз мындай дечү: «Намаз сени жолдун ортосуна чейин алып барат. Орозо падышанын эшигин ачат. Садага болсо падышанын алдына алпарат.» ..

Убаид бин Умайр мындай дейт: «Адамдар болуп көрбөгөндөй ачка, суусуз жана жыңалач болуп тирилишет. Алардын кимиси бул дүйнөдө Аллах үчүн тамак берген болсо, Аллах аны ошол күнү тойгузат. Аллах үчүн бул дүйнөдө суусундук бергенди Аллах ал күнү суусунун кандырат. Аллах үчүн кийиндиргенди да ал күнү Алла кийиндирет.»..

Куттуу хадисте: «Садага кыл, эй, адам баласы, сага да садага кылынсын.» (Бухарии, Муслим) – деп айтылат…

Соопкерчиликтин маани-маңызын Азирети Мавляна төмөнкү мисал менен кандай гана сонун баяндайт: «Садага берүү менен байлык такыр азайбайт.Кайрымдуулук кылуу мал-мүлктү жоголуудан, зыянга учураштан коргойт. Берген зекетиң капчыгыңды кайтарып, аны коргойт.Окуган намазың койчу сыяктуу сени жамандыктардан, «карышкырлардан» коргойт. Эгин эккендердин кампасы бошолот. Бирок түшүм убагы келгенде эккен эгининен канча эсе көбүрөөк алат. Бирок буудай себилбестен, эч жерде колдонулбастан кампада сакталып тура берсе, курт-кумурскага, чычкандарга жем болуп, жоголот.» ….

Алла Таала мындай дейт: «Силерге берген ырыскыбыздан соопкерчилик кылгыла!»(Мунафикун: 10) ..
«(Эи, Расулум!) Алтын менен күмүштү чогултуп, аларды Аллах жолуна жумшабагандарга жан чыдагыс азапты «сүйүнчүлө».» (Тообо: 34)..
Зекет менен соопкерчилик Алла үчүн кылынган ибадат болгондуктан берилген нерселердин түздөн-түз Аллага берилип жатканын билиш керек. Бул тууралуу куттуу хадисте минтип айтылат: «Чындыгында, садага муктаж киши аны ала электе эле Алланын (кудурет) колуна жетет (тактап айтканда муктажга берилген зекет менен садагаларды, оболу, Аллах алат, анан кедей-кембагалга өткөрүп берет).» (Мунави, Кунузул-Хакаик, 34)…
Акыйкатта, момун зекет менен садаганы Алланын колуна берет, муктаж муну ыраазы боло алса, берилген нерселер адептүүлүк жана шүгүрчүлүк ичинде муктажга берилген болуп саналат. Аятта бул ибадаттын канчалык маанилүү экенин түшүндүрүү иретинде каймана түрдө «Садагаларды Аллах алат.» – деп айтылат. (Тообо: 104)…

Насиба Абдуллаева.

«БАКТЫЛУУЛУК ФОРМУЛАСЫ»

Запись САДАКА БЕРҮҮ АЛЛАНЫН МЭЭРИМИНЕ БӨЛӨЙТ впервые появилась Formula.KG.

Кечээ, 11-июндан 12-июнга оогон түнү Россиянын борбору Москва шаарында эмгектенип жатышкан кыргыз улан-кыздарыбыз өз ара демилге көтөрүшүп, ошол эле Москвада кафе, чайкана, ресторан иштетишкен, соода түйүндөрүн жетектеген, медициналык борборлорду уюштурушкан мекендештерибизге жана Москвадагы кыргыздардын маданият үйүнө жарамазан айтышты.

Мындай саамалык менен алыста жүрүшкөн мекендештерибиз ортодогу өз ара ынтымакты дагы бир ирет бекемдешип, кыргыздар кайда болбосун шайыр, каада-салтын сактаган, жакшылык-жамандык күндөрдө ар дайым бирге боло алышкан улут экенин тастыктоо менен сыймыктана алышаарын иш-чараны уюштуруучулардын бири Зулпидин Нурматов билдирди.

З.Нурматов маалымдагандай, жарамазан айтуудан түшкөн каражатты толугу менен Москвада ооруп жаткн мекендешибиздин атасына беришкен.

– Кайрымдуулук жарамазанындан түшкөн акчаны ооруп жаткан Мухидин инибизге беребиз деп чечкенбиз. Элден айланса болот, жалпысынан 55200 рубль акча чогулду жана ал акчаны Мухидин инибиздин атасы Тажидин акеге толук тапшырдык. Мухидин инибизге Аллах шыпаа берсин!, -деген Зулпидин Нурматов жарамазанчылардын атынан Москвадагы кыргыз ишкерлерине ыраазычылыгын айтат.

Запись Москвада кыргыз жаштары жарамазан айтышып, чогулган акчаны ооруп жаткан мекендешибизге беришти впервые появилась Formula.KG.

Нарында бир учурда эле 250 үй-бүлө уйлуу болду. Муктаж үй-бүлөлөргө «Ас-Салам» фонду бир уй торпогу менен же башкача айтканда 500 баш бодо мал таратты.

Запись Нарында бир учурда эле 250 үй-бүлө уйлуу болду. впервые появилась Formula.KG.

Бир сооп үчүн он сооп жазылып, ал жети жүз соопко же андан да артык соопторго көбөйүү мүмкүнчүлүгү бар. Ал эми бир күнөө бирөө эле болуп жазылып, балким Аллах аны да кечип жиберет.

“Сага жеткен кыйынчылыктарга сабыр кыл”. (31:17)

Бийик даражага жетүү кыялдануу менен болбойт, түш көргөндүк менен да болбойт, чечкиндүүлүк жана сабырдуулук менен гана болот.
Сен мөмөлүү дарак сыяктуу бол! Адамдар сага таш ыргыткан кезде, сен аларга жемишиңден бер. Бул дүйнө 5 күндүк. Сага канчалаган жаман сөздөр, амалдар жасалса да сен аларга жакшылык менен жооп бер. Эгер алар сенин жакшылыгыңды түшүнбөсө, Аллах бар! Аллах Билүүчү! Балким сен алардын ыйманга келишине себепчи болосуң!

Малик бин Динар хазреттеринин яхуди кошунасы бар эле. Бул яхуди душмандык кылып, үйүнүн ажатканасынын чуңкурун Малик хазреттеринин бөлмөсүнүн артына такап жасайт. Бөлмөсүнө ажаткананын суусу өтүп, жагымсыз жыттар чыгып, тынчын алчу. Малик бин Динар хазреттери күн сайын өткөн сууларды кургатып, сүртүп, жаман жытты кетирүү үчүн атыр жыттуу нерселерди сээп койчу. Ал бул нерсеге сабыр кылат эле. Яхиди Малик хазреттеринин тынчсыз абалда жүргөнүн билчү. Бирок, арызданып келбегенине таң калчу. Чыдай албай, кошунасынын үйүнө барат. Жаман жытты сезгенде: “Эй, Малик! Мына бул эмненин жыты?”- деди.

– Бул бөлмөдө жыты чыккан нерселерди тазалап жүрөм”
-Жок, бул ажаткананын жыты, кара, дубалдан тамчылап турат. Эмне үчүн мага айтпай жүрөсүң?
-Эгер айтсам сен таарынмаксың. Биздин динибизде кошунаны (мусулман бир тууганды) таарынтпоо жана андан келген кыйынчылыкка чыдоо, сабыр кылуу деген бар- деп жооп берди. Яхуди бул сөздөрдү уккан соң: “Азыркыга чейин Ислам динине душман элем, азыр болсо Ислам динине таң калдым. Мындай көркөм мүнөздүү мусулман болуу үчүн эмне кылуу керек болсо баарына даярмын. (Яхуди калимаи шахадатты айтып, мусулман болду).

Эми, бул окуядан үлгү алгын тууганым! Биз азыркы учурда ушундай нерсеге сабыр кыла алабызбы? Биз эмне, ушундай каапырлар суктана тургандай сыпатка ээ болсок болбойбу? Балким, сабырдуулугубуз менен башка бир адамдын хидаятка келүүсүнө себепкер болоорбуз.
Качан гана биз кечиримдүү болсок, ошондо ийгиликке жетүүчүлөрдөн болобуз. Анткени сабыр менен кечиримдүүлүк бир тууган сыяктуу! Эгерде сен кол алышып кечирген болсоң, анда сен дүнүйө жана Акырет шарапатына жетесиң. Аллах Таала Кураанда:

“Ким кечирсе жана жарашса, анын сообун Аллах берет”. (42:40).

Кыйынчылыктарга сабыр кылуу, жана адамдарды кечире билүү- жакшы инсандардын мүнөзү. Инсан ар күнү жатаардан алдын баарын кечире билүүсү керек. Күнү бою ким ага жамандык кылып, зыян жеткизген болсо да. Мына ошентип ал Аллахтын Кечирим, Мээримине да оңой жете алат. Жамандыктарды кечире билүү дүйнөдөгү эң жакшы даары болуп саналат, бул да Аллахтын китебинен алынган даары:

“Жамандыкты жакшылык аркылуу жойгун”. (41:34)

“Ачуусун сабыр менен баскандар, адамдарга кечиримдүү болгондор- (ушулар такыбалар)! Аллах- жакшылык кылуучуларды сүйөт”. (3:134)

Оо, тууганым! Жүрөгүңдү жети жолу кечиримдүүлүк менен жууп, сегизинчисин таза кечиримдүүлүк менен жууп сал. Бирөө сага жамандык кылса, жакшылык менен жооп бер. Бул тууралуу Аллах Таала Кураанда айтып жатат.

Нуриза Кармышакова, атайын “Formula.kg” сайты үчүн. 

‍‍‍ Бактылуулук формуласы

Запись 🌳Мөмөлүү дарак сыяктуу бол! впервые появилась Formula.KG.

Дин кызматчысы ага белекке берилген унааны көп балалуу аялга белекке берди. Ал аял Кыдырман имам башчылык кылган мечиттин полун жууп иштечү экен.

Ошентип, Казакстандын Көкшетоо районундагы Наун Хазрети атындагы мечиттин имамы Канат Кыдырман ушундай жакшы иш жасады. Башка имамдар, анын ичинде биздин кыргыз имамдары дагы ал имамдан үлгү алса болчудай.

Имам Канат мырзанын айтымында, имам менен жергиликтүү ишкерлер жолуккан учурда, имамга ыраазычылык иретинде Toyota Camry автоунаасын белекке берген.

Ачкычты алган Кадырман, бул белекти мечиттин «уборшицасы» балдары менен үй сатып алуусу үчүн, берээрин айтты.

Азыр аял батирде турат жана күйөөсү каза болгондон тарта, 7 баласын жалгыз тарбиялап келет. Мына, соопчулук иш деп ушуну айт.

Булак:Чагылган

Запись Мечиттин имамы белекке алган Toyota Camry’ни жесир аялга берди впервые появилась Formula.KG.

Запись Саид Баюми: Жакында жыйырмадай мектеп куруп беребиз впервые появилась Formula.KG.

✍.. Битир садакасы -негизги муктаждыктарынан жана карыздарынан тышкары эң аз акча каражатына барабар (80.18 грамм алтын же анын баасындагы акча) мүлккө ээ болгон ар бир мусулмандын өзү же ага жооптуу болгон адамдар тарабынан бериле турган ,ваажип өкүмүндөгү садака. Муну кыскача битир дейт. Рамазан айынын аягында берилет.

Хадиси шарифте айтылган:

"Фитр садага байларыңарга тазкийа. Кедейлериңер да берсе Аллаху таала аларга андан көбүн берет.” [Абу Давуд] (Тазкийа тазартуу, тазалоо дегенди билдирет.)

"Рамазан орозосу көк менен жердин арасында турат. Фитр садага берилгенде көтөрүлөт.” [Абу Хафс]

"Фитр садага орозолуу адамдын орунсуз сөздөрүнөн пайда болгон күнөөлөрдү тазалайт.” [Байхаки]

Калган үч мазхабда бир күндүк жей турган тамагы бар адамдын фитра берүүсү фарз. Хадиси шарифте: "Фитр садаганы чоң-кичине, бай-кедей баарынын берүүсү керек”, - деп буюрулган. (Абу Давуд)

Битир садакасын берүү мусулмандарга хижранын экинчи жылында киргизилген. Бул жардам катарында болгону менен,орозонун кабылданышына, өлүм алдындагы кыйынчылыктардан жана кабырдагы азаптан кутулууга себеп болот. Битир Рамазан майрамынын (айыттын) биринчи күнү таң эртең менен берүү ваажип болсо да,аны андан бир нече күн мурун берсе да болоберет. Майрамдан кийин берүүлүсү туура эмес. Муну менен кедей -кембагалдардын муктаждыктарына пайдаланууга мүмкүнчүлүк түзүлгөн болот. Хадистерде битир курма,жүзүм буудай,жана арпа менен берилгени айтылган. Мындай азык заттар аркылуу дагы же алардын баасына барабар акчалай түрдө берсе дагы болот. Кедейлерге кандай берүү пайдалуу болсо,ошондой түрдө берүү жакшы.

✨Аллах Таала Куранда мындай деген:
«Акыйкатта садакалар Аллах жүктөгөн парз: колу жука кедейлерге,колунда жок жакырларга ,аны жыйноочуларга,көңүлдөрүн алуу керек болгондорго,(мусулман) кулду бошотууга,карыздууларга, Аллахтын жолундагы жана (мусулман)мусаапырларга берилет. Аллах    -ар нерсени Билүүчү ,Даанышман! »(Тооба; 60 аят)

☝ Эне-атага, чоң атага, чоң энеге, балага, небереге, аялына жана мусулман эмес адамга фитра берилбейт. Кедей болуу шарты менен келинге, бир тууганга, атасынын кыз жана эркек бир тууганы, апасынын кыз жана эркек бир тууганы сыяктуу туугандарга, күйөө балага, кайненеге, кайнатага, кайын ини-карындашка, өгөй балага берүүгө болот. Эгер салих болушса жакын тууганга берүү артык сооптуу. (Макуфат)

Рамазан айында берилүүчү битир быйыл 1 адамга 1 килограмм 600 грамм буудайдын баасына барабар болот. Натыйжада базар баасы менен алганда битир ар бир адамга 32 сомдон эсептелди. Ошондой эле садага-битир буудайдан башка ун (1 кг 600 грамм), мейиз (1 кг. 600 грамм), арпа (3 кг. 200 грамм) жана курманын салмагы (3 кг. 200 грамм) менен да өлчөнөт. Алсак, мейиз – 320 сом, ун – 48, арпа – 48 сом болсо, курманын битирге тиешелүү салмагы 384 сом деп эсептелген.

‍‍‍ "Бактылуулук Формуласы ".

  ✍   Ким каалабасын бир сому он сом,он сому жүз сом,жүз сому миң сом болуусун,баары каалайт,кеп каалаганда эмес аны ишке ашырууда. Садака да ушул сыяктуу арзыбаса да колуңда канча болбосун чын ыкластан Аллах ыраазылыгы үчүн,берген болсоң Аллахым күтүлбөгөндө көбөйтүп берет.  Эми садаканын абзели рамазанда берилгени дейт,эмне үчүн дейсизби анткени бул ай берекелер төгүлгөн ай,ким кандай амал кылбасын сообу эселеп берилет. Эми ойлонуп көрүң ошондо бир, он,жүз сомуңуз балким миллиоон,же чеги жок соопко илешип калуусу мүмкүн, анткеи Аллах Таалам бул айдагы сооптордун канча берүүсүн өзү берерин айтып өткөн. Анда жакшылык кылууга чамданыңыз!

Жакшылык иштердин баарысы садака болуп эсептелет. Жакшылык аты айтып тургандай кандай жакшы иш, жакшылык кылсаң, жакшылык көрөгөн инсан эле эмес, жакшылык кылуучунун да жан дүйнөсү тазарып,жүрөктөрдө кубаныч уялайт.
Аллах Таала айтат:
«Жакшылыктардан эмне жасаган боосоңор,Аллах аны билет »(Бакара; 197)

«Демек, кимде -ким кыпындай жакшы иш кылган болсо аны көрөт»(Зилзала; 7).

Мына ыйык, берекелүү рамазан айыбыз да билинбей өтүп жатат,бул айдын өзгөчөлүгү башка айларда кылган жакшылыгыңыз,бул айда эселеп соопторду алып келет.
Садака деп көпчүлүк адамдар бир гана акча,материалдык жардам берүү деп түшүнүп алышат. "Колумда болбосо,өзүмө жетишпесе,өзүм араң жашап жатсам " -деп садаканын маанилүүлүгүнө көңүл бурбагандар канча. Эгер билсеңиз садак сиз ойлогончолук кыйын иш эмес анда сизге оңой болгон жолдорун Пайгамбарыбыздын  (ага Аллахтын садамы жана ырайымы болсун) хадистеринен  айтып өтсөк.

✨Абу Мусанын (андан Аллах ыраазы болсун) айтуусу боюнча Аллахтын Элчиси (ага Аллахтын ырайымы жана саламы болсун):
«Ар бир мусулман садака берүүгө тийиш  "-деди. Бирөө сурады: "Айтыңызчы, эгер анда (ага ылайык эч нерсе табылбасачы? "Ал айтты: " Анда колу менен мээнет кылып,өзүнө -өзү пайда алып алып келсин да,садака берсин ". Тигил адам кайра сурады: "О,Аллахтын Элчиси,ал эгерде андайда кыла албасачы? " .Ал айтты: "Анда оор абалда калган мусулман адамга жардам берсин ". Тигил адам сурады: "Эгер андай да кыла албасачы? "Ал айтты: "Анда жакшылыкка чакырсын". Анда ошол эле киши кайра сурады: "Эгер ал муну кылууга жарабасачы? ". Ал айтты: "Анда ал (мусулмандарга) жамандык кылуудан тыйылсын,ошол сага садака болуп калат ». (Бухарий; Муслим)

Абу Заар (андан Аллах ыраазы боосун) Аллахтын Элчисинин (ага Аллахтын ырайымы жана саламы болсун мындай дегенин кабардайт:
«Ар күнү таң атаары менен силердин ар бириңер (денеңерде) канча муунуңар болсо ошончолук (сандагы садака берүүгө тийишсиңер:
"Аллахка Даңазалар болсун "[Субхан -Аллахи] деп айтылган ар бир сөз -садака,
"Аллахка макталоор болсун "
[Алхамду ли -Ллах ]деп айтылган ар бир сөз садака,
"Аллахтан башка кудай жок "[Лаа илааха иллоллох] деп айтылган ар бир сөз- садака ,
"Аллах Улуу " [Аллааху Акбар] деп айтылган ар бир сөз -садака,
Жамандыктан кайтаруу -садака,
Жакшылыкка чакыруу -садака,
Бирок булардын баарынын ордун (шашкеде окуулуучу) эки рекет ("аз -Зуха) намазы баса алат »(Муслим) .

Сиз садака берүүгө  мүмкүнчүлүк -чамам жок  десеңиз. Ушундайча жол менен да садака бере аласыз, адам таңга аман -эсен чыккандыгы үчүн Аллахка шүкүр келтирүүгө тийиш.Анын үстүнө ар кандай балээлерден коргонунун да каражаты болуп эсептелет...

Биз пенделер бергенди эмес алганды жакшы көрөбүз,кемигенди эмес көбөйгөндү жакшы көрөбүз, эгер билсеңиз берүүчүнүн сообу алуучуудан көп  болот.Азыркы биздин жашап жаткан заманды кыйынчылык,кедейлик,жакырчылыкта же жетишпестик деп айтууга болбойт. Аллахка шүкүрлөр болсун андай жашагандар аз санда гана,демек садака берүугө чамабыз жетишээрлик,канча болбосун колуңуздаг келгенче берсеңиз Аллах Таалам ордун толтуруп берет.  "Берер колум, алаар колум "дегендей берешендин ырыскысы кенен болот.
Пайгамбарыбыз салляЛлаху алайхи уа саллям айтып кеткендей:

«Жарым курманы садакага берип болсо да өзүңөрдү Тозоктун отунан сактагыла». (Бухари)

Аллах Таала Курани Каримде айткан:

"Эмнени садака кылсаңар, Аллах анын ордун толтуруп берет. Ал эң жакшы ырыскы берүүчү" (34:39)

Жана дагы Аллахтын Элчиси, саллаллаху алейхи уа саллам, мындай деп айтып кеткен:

«Чындыгында Аллахка эң сүйүктүү иш – момун адамдын жүрөгүнө кубаныч киргизгениң жана кайгы-капасын кетиргениң же анын карызынан кутултканың же (тамак берип) аны ачкалыктан куткарганың». (Байхаки)

Мына туугандар эгер билсек биздин дин аябай жеңил,Аллах Таалам мүмкүнчүлүгүн берип койгон,ким аны туура пайдаланса,туура колдонсо жолдорун көптөгөн ийгилик,соопторго,бактылуулуктарга жетип аласыз!
Береке асмандан төгүлгөндө аны кармап калуу өз колуңузда, бул мүмкүнчүлүк бүгүн бар эртең жок, быйыл күбөсүз эмки жолу жетесизби жокбу Жараткан билет!

Акыретиңизге түшүм жыйноочу айды текке кетирбей Бейишке кампаңызды сооптор менен толтуруп алыңыз!

Орозоңуздар кабыл болсун!

Насиба Абдуллаева.

‍‍‍"Бактылуулук Формуласы ,
Бактыңыздын багыты бизге катталыңыздар! ".