БАКТЫЛУУЛУК ФОРМУЛАСЫ

Эмнегедир жүрөгүм кайгыга батып,
өкүнүп турат .
Менин эң жакын адамым узаак сапарга ,
кайра келбес жака кол булгап кетип бараткансыйт .
Көзүмдө жаш, дилимде кайгы, жүрөктө өкүнүч..

Бирок кичинемде менин мугалимим
мага көп нерселерди үйрөтөт болчу .
Бүтүндөй ааламдагы инсаниятга сабак берүүчү
тарбия берүүчү эң жакшы ай ,
бул рамазан айы экен .
Жараткан Аллах Таала өз пенделерине
Боорукер ары Мээримдүү экенин жан дүйнөм менен сезип олтурамын .
Жер жүзүндө жашап жаткан адам балдары
ачка калып, тирүүлөй ата-энесинен,
бир тууган ага-инисинен ажыраган наристенин
абалы көз алдымдан дагы эле кетпей турат .
Жараткандын бизге берген жакшылыгы,
берген тынчтыгы менен мол ырыскысы ,
чексиз-чексиз жакшылыктары …

Эхххххх, биз аны сезбей жүргөн турбайбызбы!?.
Таксырым, сиз муну билип жүргөнсүз го ??
Бир деме десеңизчи ?.

Х! Кантсе да сабырдуу болууну, азга шүгүр кылып,
барга канаат кылууну үйрөндүм .
Динден өтө эле алыста жашап жүргөнүмдү эстесем, кабыргаларым майышып каттуу өкүнүп турамын. Напсиме канча кул болуп жүрүптүрмүн, рамазан мени кулчулуктан куткарды. Роббиге болгон кулчулукту үйрөттү!
Бүтүндөй жандуулардын баарына,
боорукерлик менен мамиле кылуубуз,
эң абзели жүрөктөн кечиримдүү болууну үйрөндүм.
Эч качан укпай жүргөн, окууну да билбеген
Куран китебибизди биринчи ирет ушул айда,
таза абалда кармап, барактадым .
Өкүнүч, аттиң !
Бирок, аны окууну кайдан билмек элем?
Мусулман деген сырткы гана сөзүбүз ,
биздин көзүбүздун пардасын
тосуп алган турбайбы .
Биринчи ирет мусулмандардын жылуу мамилесин, ифтарда күлүп, жылмайып,
бири-бирине таттуу мамилесин ,
үй-бүлөө ичиндеги бактылуулукту,
мечиттерде дүйнө боюнча мусулман элинин
таза даарат менен бир сапта
Жараткан Аллах Таалага жалбарып жаткандарын көрдүм .
Жалган дүйнөдө деле бактылуу болуу үчүн
дин менен жашоо керек экенин ,
эгер дин менен жашаганда гана түбөлүктүү
акырет жашоосунда да
бактылуу жашай аласың да !
Ушундай айда кубанышым керек эле ..
Бирок мен каттуу кайгырып турганчагым.
Анткени, рамазан аяктаса мурдагы абалыбызга кайтып кетеминби деп коркомун .

Бирок мен Аллах Таалага
өмүрүмдүн акырына чейин кулчулук кылып,
адамдарга жакшылык жасап өтөмүн деген ниетти бекем кармандым .
Жараткандан суранамын, бул дүйнөдө толук мусулман болуп өтүүнү ар бирибизге насип этсин !”- деген муңдуу сөздөр,
жүрөктүн түпкүрүнөн чыгып жаткан сөздөр,
айтып жаткан жигиттин көзүнө толгон жаштар,
аны көрүп тилимден:
“Аллах Улуу Зат” – деген гана сөздү
айта алдым.

Аллах Таалам бизге эмне пайда, эмне зыян экенин жакшы билүүчү Зат !
Аллах Таалам эмнеге өкүм берсе анын ичинде
сиз бизге толук пайда бар .
Эмнеден кайтарган болсо ,
анын ичинде сөзсүз зыян бар !
Бул окуядан айтайын дегеним достор,
рамазан айы адамды тарбиялап, такыбаа
болуусуна шарт түзөт.

Тозоктун отун өчүрө ала турган
ааламда бир да суу жок !
Бирок, Аллах үчүн чыккан эки көздүн жашы,
түбөлүккө отту күйбөс кылып өчүрө алат .
Аллах үчүн, Аллахтан уялып, Аллахтан коркуп,
Аллахтан суранып ыйлаган көздөрдү
тозок оту азаптабайт !
Аллах үчүн тер төккөн,
Роббиси үчүн кыйналган адам
кандай гана бактылуу адам .
Кимдир бирөөлөр иш жасап тер төгөт.
Кимдир бирөө ачуусу келип тер төгөт.
Дагы бири чуркап тердейт .
Баардык денеден чыккан терлер дүйнө үчүн.
Бир гана ибаадатта чыккан терлер,
таравих учурунда кыйналып, күндүн ыссыктыгына карабай намазга барган адамдар
кандай гана бактылуу .
Бир жолу да калтырбастан жыл сайын
кадыр түндү ибаадат менен өткөргөндөр
кандай гана бактылуу инсандар .
Рамазан айы Аллах үчүн тер төгө турган,
Аллахтан гана суранып
күнөөлөрдөн арыла турган ай эле.
Бул ай да кетип бара жатат .
Кыяматка чейин кайрылып келбейт !
Сүйүктүү Пайгамбарыбыз алайхис салам
эгер силер орозонун сообун билгениңерде
анда жыл бою орозо болуп калуусун кааламаксыңар – деп мубаарак жүзүнөн нур чачырайт эле .
Анткени Орозо тутуучу адамдын сообун
Кудай Таалам өзү берет .
Бүгүнкү күндө бир киши,
падышадан грамота сыйлык алса
канча сүйүнөт туурабы ?
Ал эми бүткүл падышалардын
Жаратуучусу Робби сыйлык берсе кандай
болот экен эээ ?

Аллах жолунда жуккан чаңга тозоктун түтүнү жакындай албайт .
Адам баласы Алланын жолуна чыкса,
напсиси менен күрөшүп, оңолуп келейин деп,
жакшылыкка чакыруу үчүн дааваттын
береклүү жолдоруна чыкса ,
Аллах Таалам периштелерге кайрылып:
“Бул пендемдин баскан кадамдарын гана эсептеп жазып койгула,
анын сыйлыгын Өзүм беремин !”- дейт .
Аллах Таала Даанышман Зат!
Ибаадаттарга кээде 10дон же көбөйтүлүп 700гө дейре же мисалы Меккеде хараммечитинде окулган намаз 100 миң намазга тете ..
Же ж.б.у.с ..
Ал эми бир амалдын сообу чексиз !
Ал сабырдуулук .
Ким сабырдуу болсо, анын сыйлыгы эсепсиз
чексиз кылып берилет !
Жана ошондой эле Орозонун сыйлыгы да өзүнчө,
аны Аллах Таалам өзү берет.

Бул айда шайтандар байланып
адамдар напсилери менен гана чогуу калат.
Бир адам рамазанга чейин напси жана шайтандын азгыруусу менен күрөшсө ,
Рамазандашайтаны байланып калат да
напсиси менен жекеме-жеке калат .
Разна-раз калган учурда
ким жеңээр экен эми ?)))
Бул ошол напсини Аллага баш ийдире турган ай.
Ким рамазанга жетип туруп күнөөлөрүнөн айрылбаса ал мурду жер сүзсүн,
ийгиликке жетпесин деген хадистегидей
болуп калбайлы да !

Ошондуктан баарыңыздарды Аллах үчүн
жакшы көрөбүз , жакшылык калайбыз.
Бактылуу жашоону, түбөлүк бейиштикаалайбыз.
Аллах Таалам баарыңыздардын кармаган орозоңуздарды кабыл кылсын туугандарым..
Баарыңыздардын окуган таравих,
окуган хатмил Куран,
кылган дубааңыздарды кабыл кылсын !
Кудай Таалам баардык ибаадаттарыбызды кабыл кылып, күнөөлөрүбүздү кечирсин ..
Роббибиз ааламда ачка жүргөн мусулмандардын курсагын тойдуруп,
ааламга тынчтык, молчулук,
Ислам нуру менен, ыймандын, Курандын,
Пайгамбарыбыз алайхис саламдын
сүннөттөрү менен нурландырсын !
Аллах Таалам орто Азияны, Кыргызстанды
тынч кылып, ыйман менен, тынчтыктын
берекеси менен өнүктүрсүн !
Биздин желегибизди ыймандын негизинде
көктө желбиретсин !
Кыяматка дейре бирдагы душман, бир да терорист чек арабызды буза албасын !
Дүйнөдөгү согуштарды токтотчу Аллаахым..

Йаа Робб!
Кыргызстанды арактан, арамдан арылткын !
Зынааны жок кылгын ..
Кудай Таалам, көчөдө намысын сатып жүргөн
кыздарыбызга уяттуулук бер, ыйман бер,
Ата-энесинин астында ак нике менен
бактылуу өмүр кечирүүсүн насип кылгын.
Аллахым Ошту зынаадан тазалап,
ынтымактын, биримдиктин,
ыймандын ордосу кылгын !
Элибизди рибаадан, сүткордуктан алыстаткын.

Кудай Таалам устаздарыбыздан ыраазы бол.
Ар бир дин үчүн акча короткон инсандын
мал-мүлк, казынасын Өзүң көбөйтүп бер!
Роббибиз, биздин катаа
кемчиликтерибизди кечиргин!
Махшар майданында шерменде кыла көрбө!
Ач калгандардын курсагын тойдуруп,
оорулуу бир туугандардын оорусуна
Өзүң шыпаа бергин !
Карызы барлардын карызынан куткаргын !
Ажырашкандарды жараштырып,
ар бир үй-бүлөөнү ыймандын негизинде өмүр кечирүүсүн насип кылгын .
Бизди ата-энебизге, бир туугандарыбызга
жакшылык кылуучулардан кыл ..
Бул дүйнөдөн толук мусулман болуп өтүүнү
насип кыл .
Тооболорубузду кабыл кылбастан биздин
жаныбызды албагын !

Өлүм учурунда, өлүмдү бизге жеңил кыл.
Бизди азабыңа албагын, биз алсызбыз
Сениназабыңа көз ирмемчалык чыдай албайбыз.
Сенин Мээримдүүлүгүң, Азабыңдан жогору,
бизди Өз Мээримиң менен кечирип
Ахли Фирдаус, Фирдаус бейишинде
Пайгамбарыбыз менен кол кармашып
күлүп кирүүнү насип кылгын !

Кудай Таалам бизге сабырдуулук бергин.
Бизге такыбаачылык бергин !
Бизди өз напсибизге таштай көрбөгүн ..
Эгер бизди өз напсибизге таштап койсоң,
анда өзүбүзгө-өзүбүз зулум кылуучулардан
болуп калабыз .
Йаа Робб!
Кайсыл жерде жакшы иш, кайсыл жерде сооптуу иш болсо ошону бизге насип эт.
Кайсыл жерде күнөө, кайсыл жерде жаман иш болсо андан бизди Өзүң алыстаткын !
Аллах Таалам дааватты бизге кайтарып бергин.
Аалымдарыбызга хакты сүйлөт!
Каары, аалымдардын өмүрлөрүнө береке бер!
Урпактарынан да каары, аалымдарды үзбөгүн!
Эл башына ыймандуу, адилеттүү
башкаруучуну насип кыл ..
Өткөндөрүбүздү өз рахматыңа,
Келечек муунду өзүң кечиримиңе алгын.
Бул дүйнө жана акыреттин жакшылыктарын
насип кылып, бизден дагы ыраазы болгун,
бизди дагы ыраазы кылгын !
Өзүңдүн астыңа толлук мусулман болуп барууну насип кыл . Аамин, аамин, аамин .
Эй мусулман бир тууган ..
Кадыр-баркың кандай гана жогору !
Көтөр башты бийик коюп,
Сүннөт жолду тандагын.
Өмүр өтөт, жашоо кетет,
бирге калаар жалгыз сенин амалың .

Өкүнбөйсүң, кайгырбайсың
эгер өтсөң жашап ыйманда !
Ал Аллах, сурак күнү адилеттүү
өкүм берип сени суракка алганда !

Дүйнө жалган, тартып көздүн жоосунун.
Байы дагы, жарды дагы,
жетпей чуркап таалыккан !
Изи менен барып дүйнө артынан,
азгырылып жок болуучу ,
аягы жок алдоолорго кабылба !

Ыйманда сен жашагын
Жалгыз Аллах болуп сенин көөдөнүңдө.
Кыяматта, Мухаммеддей сүйүктүүм менен
жетелешип киргин Бейиштин төрүнө !

“БАКТЫЛУУЛУК ФОРМУЛАСЫ”

Запись Бүгүн рамазандын эң акыркы күнү впервые появилась Formula.KG.

Ассаляму алайкум уа рахматтуллохи уа баракатуух!

Айлардын султаны болгон Ыйык Рамазан айынын,күндөрдүн эң жакшысы болгон Жума күнүңүздөр маарек болсун бир туугандар!

Ушул таңга,ыйык болгон күндөргө жеткизген Аллах Таалама чексиз шүгүрлөр болсун! Анын сүйүктүү Элчиси Мухаммад (ага Аллахтын ырайымы жана саламы болсун) салам -салаваттар болсун!

Кечээ эле кош келдиң деп сүйүнүү,кубаныч менен тосуп алган Куттуу береке төгүлгөн Рамазан айыбыз минтип көз ачып жумганча сапары каарып, бизди таштап коштошуп кете жаткан убагы.Бул ай кимдер үчүн жөн гана май,июнь айлары,а биз мусулмандар үчүн куттуу,ырыскылуу,сүйкүмдүү,кубанычтуу ай болуп эсептелет. Өкүнүчтүүсү, убакытты кармап тура албайсың,чыкылдаган сааттын жебеси токтобой,зымырап заматта өтүп кетти.Пайгамбарыбыз (саллаллоху алейхи вассалам) бул айдын пазилеттерин,даражаларын айтканда куттуу сахабалар орозо бүтөөрдө аябай кайгырышчуу. Эмне демекчибиз кош бол Рамазан деп айтуудан башка айлабыз барбы,эң негизгиси аз болсо да күнөөлөрдөн тазарткан болсок жүрөгүбүздү,жакшы амалдар менен толтурган болсок жан дүйнөбүздү токтотуп койбой улоочуулордон болуп жашообуздун узунбу -кыскабы сапарына умтулуп жашагандардан бололу!
Азирети Умар (Аллах андан ыраазы болсун) айтат күнүңөр бүтүп, ажалыңар жетип АЛЛАХтын алдында эсеп бербестен мурда өзүңөргө өзүңөр эсеп бергиле дейт.

🤔 Орозо тарбия,мугалим,медресе дегендей, эми амалдар, ыкластар кандай болуп орозодон өзүбүзгө кандай тарбия алдык,эмне амалардарды жасадык, бир өзүбүзгө эсеп берип көрбөйлүбү?!

☝Мисалы: Биз бул айда орозо деген гүлдү олтургузуп гүлдөтүү керекбиз деп элестетиңиз. Ал гүл Бейиш гүлү эч жакта жок,бир гана мусулмандар үчүн берилген , ал гүлдү орозо кармагандар гана өстүрө алат.Ал гүлдүн тамыры ыклас,менен ыймандан бекемделген,сөңгөгү аде-ахлактан турат.Анын жалбырактары биз канча амал кылсак ошого карап көбөйүп, жалбырак чыгарат.Ар бир жалбырак,-биздин тарткан зикирлерибиз,айткан салаваттарыбыз,окуган намазыбыз,Кураныбыз,Дос-тууганга,ата-энеге берген жардамыбыз.Кечиримдүүлүк менен ырайымга, боорукерлик,мээримге толгон жүрөгүбүз.Кабыл болгон баардык жакшы иштерибиз. ..
Гүлүбүздү кургата турган бир курт бар ал – биздин напсибиз,күнөөлөрдөн,өзүбүздү тыйсак,ошондо андан сактана алабыз…
Анын даарысы сабырыбыз…
Аны эрте,кеч ооз ачып жапкандагы,дуба,тилек,ниеттерибиз менен суугарабыз. ..
Мына ушундай биздин Орозо гүлүбүздүн гүлдөтүүнүн сыры,анын бүчүр алып гүлдөй турган убагы келип калды,кимдики бүчүр байлап ,кимдики гүлдөп калды ал ар кимдин өзүнө байланыштуу маселе!

Аллахым баарыбыздын ыйык,берекелүү орозо гүлүбүздү соолутпай,гүлдөшүнө,күч -кубат берсин жана насип этсин!Жана ал орозо гүлүбүз кээлерки жылга чейин насип тартып,Жаратканым жеткизээри жазылган болсо, соолубай, орозодон алган жакшы амалдарыбыз,жаман адаттардан арылган тарбиябыз менен суугарып туруубузду насип кылган болсун!

☝Ыклас бул адамдагы эң Жаратканга жаккан сезим.Чын ыкласың менен бир сом берип миллион сом бергенден артык сыйлыкка жетишсе болот.Миллион сомуң туруп,ыкласың Жаратканга жакпаса,анда кайра күнөө иш кылгандардын катарында болуп калууң мүмкүн…

Бул айда жашка оролгон тилектер кабыл боло турган ай.Кубанычтын жалынына бата турган ай… Түндөлөрү көп-көп ниет кылып окуган намазыбызды Аллахым кабыл кылган болсун!

☝Урматтуу жамаат,бир туугандар.Бул айда баарыбыз Жараткандан чын ыклас, ишеним үмүттөр менен , ар ким керегин сурап дуа кылган болсо Аллахым кабыл кылган болсун! .Бирок, дагы да сурай турган нерселер,чоң максаттар бар…

Элибизде ынтымак,жерибизде тынчтык. Үзүлгөндү кураштырган,бөксөнү толтурган,ийилгенди түздөй турган,жыгылганды жөлөй турган, жыгылса тургуза турган адамдардан кылгын бизди , деп сурай турган тилектер бар…!

Кудайым жүрөктөрү,максатары бир болгон адамдарга береке берет…

Жараткандын ырайымы, баары биригип бир нерсени көздөгөн, тилеген тилеги,максаты бир болгон адамдарга түшөт. Ар бир мусулманмын деген пендесинин тилеги, максаты Аллах ыраазылыгына жетүүдүр!

Жараткан жакшы амалдарды аткарууга,жакшы амалдардын аткарылышына себепчи болгон,себепчи болгондорго себепчи болгон адамдардан кылсын бизди…

Аллах Таалам бизди Сенин ырайымыңа, Боорукерлигиңе татыктуу жамааттардан кылгын…

Ар бирибиздин үйүбүзгө Дин бергин,Ислам бергин.Диндин дааватчысы,Исламдын кызматчысы кылгын.Айып кемчиликтерибизди жашырып, оңдогун.Шерменде кылбагын.Эки дүйнө жүзүбүздү жарык кылгын.Пайдалуу илим бергин,илим менен пайда бергин.Окуган окууларыбызга,иштерибизге,өмүрлөрүбүзгө береке бергин.Жаман сөздөн,жаман көздөн.Суук көздөн,суук сөздөн сактагын.Жакшыларга шерик кылгын.Жамандардан алыс кылгын.Элге жерге,мусулмандарга,Ата-энебизге,бир тууган,дос жарларга кызмат кылууну насип кылгын.Аллахым,Бизди берүүчү колдордон кылгын.Бизди пайдалуулардан кылгын.Такыбалардын санын көбөйткүн,кемейтпегин.Бизди алардын катарына кошкун.Акыйкатты ак деп көрсөтүп ал жолдон жаза тайдырбай,ал жол менен кетүүгө өзүң жардам бергин.Арамды арам деп көрсөтүп,ал жолдон алыс болууга өзүң күч кубат,сабыр бергин.Тилеген тилектерибизди бергин,сурай албай калагандарыбызды дагы бергин.Аллах Таалам өзүңдү сүйдүргүн,өзүңдү сүйгөндөрдү сүйдүргүн.Өзүңө жакындатуучу амалдарды сүйдүргүн. Кээлерки жылдын Куттуу Рамазанына жетүүнү баарыбызга насип кылсын! Амин.,Амин,Амин!!!

Кош бол Рамазан!

Бизди таштап кетесиңби Рамазан?
Дуба этсем каласыңбы Рамазан?
Ай башында, ай соңунда келүүчү
Напил болуп арасында Рамазан?

Келер айлар куттуу болсун Рамазан,
Сен шекилдүү таза болсун Рамазан!
Сага кошуп кадыр түнүн жиберген
Раббыбызга мактоо болсун Рамазан!

Сенден калган нуруң менен күндөймүн,
Сенден алган мүнөз менен гүлдөймүн
Келер жылы келишиңе ишенем,
Бирок, аттиң…
Сен келгенде мен боломбу билбеймин

Кош бол Рамазан…

Сиздерди терең урматтап,изги тилектерибиз менен
“FORMULA.KG” – маалыматтык Маданий
Рухий-Агартуучу порталы .

‍‍‍”Бактылуулук Формулсы”,- бактыңыздын багыты! Биз менен бирге болуңуздар,бизге катталыңыздар!

Запись КОШ БОЛ РАМАЗАН! впервые появилась Formula.KG.

Мусулман боордошум, сен кандай
гана бактылуу адамсың !

Сен, миң айдан да артыгыраак
бир жылдык тагдырлар жазыла турган түндүн каршысында турасың !
Ооба, бул ошол кадыр түнү .
Бул түнү жер бетине түшкөн периштелердин саны жердегилердин баарынан да
көбүрөөк болот.
Аллахтын элчиси (саллаллоху
алайхи ва саллам) :
Бул түн тунук ары жарык,
жылуу да эмес, суук дагы эмес
жайлуу болот – деп айткан.
Эй, кулчулукка кол жеткире албай жүргөн
тууганым ?
Кадыр түндө, коюп жиберген мүмкүнчүлүктөрдүн ордун толтурууга тырыш!
Ордуңдан тур, уктаба ..
Жай колуңда Аллага !
Алла Таала сунулган колду
бош кайтаруудан уялат .
Сага бирөө келип:
Эй паланча ?!
Бүгүн уктаба сага сыйлык бар – десе
уктайт белеңиз ?^
Ал эми бул түнү
Алла Таала баардык тилектерди кабыл кылат .

Рамазандын акыркы 10 түнү менен
сиздин 10 жылдык өмүрүңүз да тең келе албайт!
Эй карызга баткан адам?
Эй жүрөгү кайгыга баткан адам?
Эй бактылуу жашоону каалаган адам !
Тилегин, колдон чыгарбагын !
Мына сага зор мүмкүнчүлүк !
Ким бул түндүн ийгилигинен айрылса,
ал бүт өмүрүндөгү ийгиликтерден айрылып
калган адам сыяктуу.

Азирети Айша энекебиз бул түндөрү
“Эй Аллах! Сен кечиримдүүсүң.
Кечиргенди жакшы көрөсүң,
менин күнөөлөрүмдү кечиргин!”- деп
дуба кылаар эле .
Суфйан ас-Саури :
Кадыр түнү көп дуба кылуу мен үчүн (напил)
намаз окуудан дагы сүйкүмдүрөөк – деген.
Абдулла ибну Аббас :
Бул түнү кимге канча ырыскы берилээри,
асмандан канча өлчөмдө жамгыр түшөөрү,
кимдер бул дүйнөгө келип жана
кимдер бул
дүйнөдөн сапар тартаары жазылат – деп айткан.

Кадыр түндүн мындай аталуусунун себеби,
ким бул түндү ибаадат менен өткөрө турган болсо, кадырдуу, сыйлуу адамдардын
катарына кошулаары айтылган .
Көпчүлүк адамдар ушул түнү
“тозоктон кутулду” деген наамга
татыктуу болушат .
Атактуу таабийин Икрама (рохимахуллох):
Кадыр түнү бир жылдын ичинде канча адам ажылык парзын аткарган болсо,
ошол адамдардын аттары, ата-энелери
менен кошулуп жазылат – деп айтаар эле ..

Эй мусулман бир тууган ?
Кой башыңды саждага !
Тиле Роббиңден ,
Бул балким сен үчүн
соңку мүмкүнчүлүк болуп чыгаар .

Абу Хурайра (андан Аллах ыраазыболсун):
Ким кадыр түндү ыйман менен сооп табуу үмүтүндө ибаадат менен өткөрө турган болсо
анын мурдагы кылган күнөөлөрү кечирилет –
деп айткан .
(Бухари – 38 ).

Бул түндө берилүүчү сыйлыктар,
сооп-пазилеттерин билесизби ?
Өмүрүндө бир да калтырбастан
бул түндү ибаадат менен
өткөргөндөр чындыгында бактылуу .
Бул түн миң ай, тагыраагы 83 жыл
4 ай ибаадат жасады деген сыйлык
берилүүчү улуу түн .
Бул түндө Жабрайил периште башчы болгон
баардык периштелер жамааты
жер бетине түшүшөт.
Алардын ушунчалык көп болгонунан
жердин бетинде бут коюга орун калбайт –
деген сахаабалар .
Таң атканга чейин периштелер
ибаадат кылуучуларга
кечирим дубаасын айтып турушат.

Тууганым карачы,
периштелер асмандан жер бетине
түшүп келсе, бул түндү сен
кайдыгерлик менен өткөрүп жүрбөгүн .
Бир жылдык тагдырың жазылышы анык !

Баардык нерседен тажадыңбы?
Бул жашоодон зээриктиңби ?
Жашоодон түңүлүп, кайгыга баттыңбы,?
Кел анда Жараткан Аллахты эсте.
Кадыр-барктуу адам болгуң келеби ?
Акырет менен бул дүйнөдө
бийик даражада жашагың келсе
бул түн сен үчүн чоң мүмкүнчүлүк !
Бүгүн сен уктабоого тийишсиң !

Азирети Пайгамбарыбыз алайхис салам
Рамазандын акыркы он күнүнүн түндөрүн
намаз, ибаадат менен өткөрөт эле.
Жашооңдо кыска убакыттын ичинде мол береке,
көптөгөн жакшылыктарга жетишкиң келсе
ушул түндө берилүүчү мүмкүнчүлүктөрдү
колдон чыгарбай кармап калгын.
Сексен үч жылдык ибаадат турса
кантип сен
кыжаалат болбостон жатып уктайсың?

Ушул күндөрү болбоду дегенде бир адамга
ифтар кылып бер, садака жаса, жакшылык иштерди аткар, атаңдын батасын ал,
энекеңди ыраазыкылууга тырышкын .
Куран оку, дуба кылып Роббиңден тиле!
Жаман ой-пикирлерди унут ,
баарын кечир, сен дагы кечирилесиң тууганым!

Пенденин Аллах Таалага эң жакын кези
саждада турган учуру эмеспи.
Сен бул түнү сажда кылгын.
Ажылык сапарга бара албай жүрөсүңбү?
Ушул түндө дуба кыл, анткени сахаабалар:
Ушул түнү бир жылда канча жана кайсы адамдар ажыга баруусу, ошол кишилердин
фамилиясы менен кошо жазылат деген .

Ушул түндө Пайгамбарыбызга касиеттүү
Курани Карим түшүрүлгөн .
Бул түндүн белгилери
асмандагы жылдыздар учпайт,
салкын ары жагымдуу аба-ырайы коштоп,
айдын нуру дагы жайлуу болот.
Деңиз, океандын ачуу суулары даамсыз болуп,
эртеси чыккан күндүн нуру
нурсуз абалда жарык чачат .
Бул түндө мусулмандын жүрөгүнө тынчтык орноп, жаны ырахаттанат .
Намаз окуган адамдар
башка убакта окуган намаздарына караганда,
бул күнү көбүрөөк ырахат алышат .
Жүрөктөр жибип, көзгө жаш келет.
Жабрайил периште кол алышып ким менен учурашкан болсо,
ошол адамдын көзүнөн жаштар чыгат.

Бул түн
рамазандын соңку он түнүндө жашырылган.
Кимде-ким ушул он түндү ибаадат менен өткөрсө, ал адам сөзсүз
кадыр кечесин жолуктурат.

Аллахтын өкүмүсүз жерден кыпынча чаң көтөрүлбөйт. Аллах каалабаса
дарактагы бир даана жалбырак жерге түшпөйт!
Кетирген кемчиликтерди оңдогону,
кылган күнөөлөрдөн арылып
таза жашоонун барактарын барактоо үчүн берилген сен үчүн өтө чоң мүмкүнчүлүк .
Тууганым, ага-иним,?!
Жылда бир ирет гана келүүчү мүмкүнчүлүктү
бош өткөрүп жибербе !

Рамазан – жүрөктөр кубанып күткөн ай.
Көңүлдөр ырахат менен рахматка бөлөнүп,
кечирим менен тозоктон азат болуучу ай.
Бул түн – сага берилген чоң белек.
Аллах үчүн тургун, уктаба !
Жай колуңду Аллага !
Сура, тилек тиле. Ал Аллах ,
албетте, сөзүз дубааларды кабыл кылуучу Зат!
“Эй Аллах ?!
Сен кечиримдүүсүң, кечиргенди жакшы көрүүчү Затсың. Менин да күнөөлөрүмдү кечирчи !”

Ыйык кадыр түнүндөжасаган ибаадаттарыбызды
Кудай Таалам кабыл кылган болсун.

Урматыбыз менен
“FORMULA.KG” – маалыматтык Маданий
Рухий-Агартуучу парталы .

Запись КОШ КЕЛДИҢ КУТТУУ КАДЫР ТҮН впервые появилась Formula.KG.

✍ Ким каалабасын бир сому он сом,он сому жүз сом,жүз сому миң сом болуусун,баары каалайт,кеп каалаганда эмес аны ишке ашырууда. Садака да ушул сыяктуу арзыбаса да колуңда канча болбосун чын ыкластан Аллах ыраазылыгы үчүн,берген болсоң Аллахым күтүлбөгөндө көбөйтүп берет. Эми садаканын абзели рамазанда берилгени дейт,эмне үчүн дейсизби анткени бул ай берекелер төгүлгөн ай,ким кандай амал кылбасын сообу эселеп берилет. Эми ойлонуп көрүң ошондо бир, он,жүз сомуңуз балким миллиоон,же чеги жок соопко илешип калуусу мүмкүн, анткеи Аллах Таалам бул айдагы сооптордун канча берүүсүн өзү берерин айтып өткөн. Анда жакшылык кылууга чамданыңыз!

Жакшылык иштердин баарысы садака болуп эсептелет. Жакшылык аты айтып тургандай кандай жакшы иш, жакшылык кылсаң, жакшылык көрөгөн инсан эле эмес, жакшылык кылуучунун да жан дүйнөсү тазарып,жүрөктөрдө кубаныч уялайт.
Аллах Таала айтат:
«Жакшылыктардан эмне жасаган боосоңор,Аллах аны билет »(Бакара; 197)

«Демек, кимде -ким кыпындай жакшы иш кылган болсо аны көрөт»(Зилзала; 7).

Мына ыйык, берекелүү рамазан айыбыз да билинбей өтүп жатат,бул айдын өзгөчөлүгү башка айларда кылган жакшылыгыңыз,бул айда эселеп соопторду алып келет.
Садака деп көпчүлүк адамдар бир гана акча,материалдык жардам берүү деп түшүнүп алышат. “Колумда болбосо,өзүмө жетишпесе,өзүм араң жашап жатсам ” -деп садаканын маанилүүлүгүнө көңүл бурбагандар канча. Эгер билсеңиз садак сиз ойлогончолук кыйын иш эмес анда сизге оңой болгон жолдорун Пайгамбарыбыздын (ага Аллахтын садамы жана ырайымы болсун) хадистеринен айтып өтсөк.

✨Абу Мусанын (андан Аллах ыраазы болсун) айтуусу боюнча Аллахтын Элчиси (ага Аллахтын ырайымы жана саламы болсун):
«Ар бир мусулман садака берүүгө тийиш “-деди. Бирөө сурады: “Айтыңызчы, эгер анда (ага ылайык эч нерсе табылбасачы? “Ал айтты: ” Анда колу менен мээнет кылып,өзүнө -өзү пайда алып алып келсин да,садака берсин “. Тигил адам кайра сурады: “О,Аллахтын Элчиси,ал эгерде андайда кыла албасачы? ” .Ал айтты: “Анда оор абалда калган мусулман адамга жардам берсин “. Тигил адам сурады: “Эгер андай да кыла албасачы? “Ал айтты: “Анда жакшылыкка чакырсын”. Анда ошол эле киши кайра сурады: “Эгер ал муну кылууга жарабасачы? “. Ал айтты: “Анда ал (мусулмандарга) жамандык кылуудан тыйылсын,ошол сага садака болуп калат ». (Бухарий; Муслим)

Абу Заар (андан Аллах ыраазы боосун) Аллахтын Элчисинин (ага Аллахтын ырайымы жана саламы болсун мындай дегенин кабардайт:
«Ар күнү таң атаары менен силердин ар бириңер (денеңерде) канча муунуңар болсо ошончолук (сандагы садака берүүгө тийишсиңер:
“Аллахка Даңазалар болсун “[Субхан -Аллахи] деп айтылган ар бир сөз -садака,
“Аллахка макталоор болсун ”
[Алхамду ли -Ллах ]деп айтылган ар бир сөз садака,
“Аллахтан башка кудай жок “[Лаа илааха иллоллох] деп айтылган ар бир сөз- садака ,
“Аллах Улуу ” [Аллааху Акбар] деп айтылган ар бир сөз -садака,
Жамандыктан кайтаруу -садака,
Жакшылыкка чакыруу -садака,
Бирок булардын баарынын ордун (шашкеде окуулуучу) эки рекет (“аз -Зуха) намазы баса алат »(Муслим) .

Сиз садака берүүгө мүмкүнчүлүк -чамам жок десеңиз. Ушундайча жол менен да садака бере аласыз, адам таңга аман -эсен чыккандыгы үчүн Аллахка шүкүр келтирүүгө тийиш.Анын үстүнө ар кандай балээлерден коргонунун да каражаты болуп эсептелет…

Биз пенделер бергенди эмес алганды жакшы көрөбүз,кемигенди эмес көбөйгөндү жакшы көрөбүз, эгер билсеңиз берүүчүнүн сообу алуучуудан көп болот.Азыркы биздин жашап жаткан заманды кыйынчылык,кедейлик,жакырчылыкта же жетишпестик деп айтууга болбойт. Аллахка шүкүрлөр болсун андай жашагандар аз санда гана,демек садака берүугө чамабыз жетишээрлик,канча болбосун колуңуздаг келгенче берсеңиз Аллах Таалам ордун толтуруп берет. “Берер колум, алаар колум “дегендей берешендин ырыскысы кенен болот.
Пайгамбарыбыз салляЛлаху алайхи уа саллям айтып кеткендей:

«Жарым курманы садакага берип болсо да өзүңөрдү Тозоктун отунан сактагыла». (Бухари)

Аллах Таала Курани Каримде айткан:

“Эмнени садака кылсаңар, Аллах анын ордун толтуруп берет. Ал эң жакшы ырыскы берүүчү” (34:39)

Жана дагы Аллахтын Элчиси, саллаллаху алейхи уа саллам, мындай деп айтып кеткен:

«Чындыгында Аллахка эң сүйүктүү иш – момун адамдын жүрөгүнө кубаныч киргизгениң жана кайгы-капасын кетиргениң же анын карызынан кутултканың же (тамак берип) аны ачкалыктан куткарганың». (Байхаки)

Мына туугандар эгер билсек биздин дин аябай жеңил,Аллах Таалам мүмкүнчүлүгүн берип койгон,ким аны туура пайдаланса,туура колдонсо жолдорун көптөгөн ийгилик,соопторго,бактылуулуктарга жетип аласыз!
Береке асмандан төгүлгөндө аны кармап калуу өз колуңузда, бул мүмкүнчүлүк бүгүн бар эртең жок, быйыл күбөсүз эмки жолу жетесизби жокбу Жараткан билет!

Акыретиңизге түшүм жыйноочу айды текке кетирбей Бейишке кампаңызды сооптор менен толтуруп алыңыз!

Орозоңуздар кабыл болсун!

Насиба Абдуллаева.

‍‍‍”Бактылуулук Формуласы ,
Бактыңыздын багыты бизге катталыңыздар! “.

Запись САДАКАНЫН АБЗЕЛИ- РАМАЗАНДА БЕРИЛГЕНИ впервые появилась Formula.KG.

*«ЫЙЫК КУРААН»*

.✍Ассаламу алайкум уа рохматтулоохи уа барокатух! Орозоңуздар кабыл болсун урматтуу жамаат! Сиздерге кайталоо “Ыйык Куран “сабагын кайрадан сунуштамакчыбыз! Андагы катылган сырлар ,пазилеттери,биз мусулмандардын жашоосуна канчалык маанилүү,түбөлүктүү бакыттын жолдорун көрсөтөөрүн дагы бир жолу окуп койсок ашыкчалык кылбастыр! Анткени бул айда Улуу Рамазан айынын улуулугун, берекесин нурлантып турган бул “Ыйык Куран “түшкөн ай! Башка убакта ар бир тамгасына “он “сооптон жазылган болсо бул айда жетмиш,балким Аллах Тааламдын чексиз Мээрими,Ырайымы менен андан көп болушу мүмкүндүр! Анда эмес Жараткандан чоң ишеним менен, бул айдан көптөгөн соопторунан үмүт кылып ,бул сабактын аягына чейин биз менен бирге болуңуздар!

*Бисимиллаахир Рохмаанир Рохиим*

Коркуп жатасызбы ?!
Өзүңүзгө ишенбей,
алсыз сезип жатасызбы өзүңүздү ?

…эмне жөнүндө сөз болуп жатканын байкаган жоксуз ээ ?)

Сөз башынан болсун анда:
« КУРАН » -бул НУР!

Өз Роббиңдин сөзү !
Сенин Эгеңдин сөздөрү !

Аны сиз билесизби ??

Роббиңдин Китебинен канча билесиң, канча ??

Үйрөнүүгө аракет жасап көрдүңүз беле ?

Амал кылып, үйрөнүп башкаларга үйрөткүңүз келеби ??

Компютер, телефон интернетке сааттап убакыт сарптайсың,
Куранды үйрөнүүгө күнүнө канча убакытыңды бөлөсүң мусулман бир тууганым ?

Канчалаган ырларды жаттап алгансыз ,
канча китептерди окудуңуз эле..

Канча кино каармандардын аттарын билесиз ?

Футбоол көрүп сааттарыңды берип жибердиң, Куран үйрөнүү үчүн саат убакыт бөлө албайсызбы ?..

Куран кыяматта дос ары шапаатчы болот!
Дүйнө аакыретте Бактылуу болуунун жолун көрсөткөн, Худал-Лил муттакийн.
Муттакийндер үчүн Туура Жол !

Жашы үчкө эми гана кирген баланын Куранды толлугү менен жаттап алганын уккан белеңиз ?

Ушул жашка келип сиз канча жаттап алдыңыз ? )

Жашым
өтүп калды, эске тутуум начар дейсизби ?
Мен Меккедеги карыя бир кемпирди билемин,
Ал жашынан бери күнүнө бирден аят жаттап жүрүп, 90 жашында каары болгон .
Бир аксакал киши, 80 жашында илим алууна баштаган, 100 жашка чейин 20 жыл илим алып, Чооң бир шаарга Казы болуп элдердин маселелерин чечип, Динге кызмат кылып 20 жыл жашап 120 жашында дүйнөдөн өткөн .

Илим алуунун эрте кечи жок, Өмүрүңдүн акырына чейин Илим алуу буюрулган !

Илим алуу бешиктен кабырга чейин !

Ошондуктан боордош бир тууганым ,
биз менен бирге болсоңуздар Куранды кантип жеңил жаттаса болот, кантип үйрөнөбүз, пазилеттери, берилүүчү сооп-сыйлыктар, Кураан үйрөнүүдөгү сырларды Ин шаа Аллах чогуу үйрөнөбүз ,
Биз менен болсоңуз болду )!

(ар экинчи жана бешинчи күндөрү “Куран үйрөнүүдөгү сырлар ” – аттуу макалабыз менен чогуу болуңуздар ..

Али Оши

‍‍‍ БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ Vk.com/Formulasy
✿ http://ift.tt/2mb2Guk
✿ http://ift.tt/2l8etvu
✿ +996700334493
✿ WWW.FORMULA.KG

Запись ЫЙЫК КУРАН САБАГЫ впервые появилась Formula.KG.

ОРОЗО БИЗ ҮЧҮН….

ОРОЗО–КҮН УЗУН УБАККА ЭМЕС,ДАРАЖАСЫ БИЙИК УБАКТЫСЫНА КЕЛДИ!

ОРОЗО–КҮН ЫСЫК УБАККА ЭМЕС,СООБУ КӨП УБАКТЫСЫНА КЕЛДИ!

КҮН ЫСЫКТА ОРОЗО КАРМАСАҢ–ТОЗОК АПТАБЫНАН АЛЫС БОЛОСУҢ!

УЗУН КҮНДӨ ОРОЗО КАРМАСАҢ–КЫЯМАТТЫН УЗУН КҮНҮНДӨ КӨЛӨКӨДӨ БОЛОСУҢ!

БУЛ ДҮЙНӨДӨ КУРСАГЫ АЧКАБОЛГОНДОР–АКЫРЕТТЕ КӨҢҮЛҮ ТОК БОЛОТ!

“БИСМИЛЛААХИР РОХМААНИР РОХИЙМ”

Көптөн күткөн берекелүү рамазан айы,
эшик каккылап босогодо турган кези .
Бул бир айга гана созулуп, бир ай конок болуп,
бир ай мугалим болуучу улуу ай .
Келиңиздер ушул мүмкүнчүлүктү бекер кетирбестен бүт ааламдардын Роббиси
Аллах Тааладан дүйнө жана акыретибиз үчүн жакшылыктарды суранып, мекенибиз үчүн,
ата-энебиз үчүн, үй-бүлөө туугандар үчүн
Аллах Тааладан кечирим сурап дуба кылайлы.
Эгерде намаз окуп жүргөн болсок,
башка мусулман бир туугандарыбыз үчүн да дуба кылайлы. Күнөөлөрдөн арылууга зор мүмкүнчүлүк. Ушул жерде айта кетчү сөз,
дубааңыздарда биздей күнөөкөрдү да кошуп коюңуздар, балким дубааңыздардын берекетинен кечиримге жетишээрбиз.

Убакыт ушундай учкан куш ал
кайра кайрылып келбес жака
кетип бараткан кези. Кечээ гана рамазанды узаткан болсок мынтип кайра тосуп турган кезибиз. Көп бир туугандарыбыз бул орозону көргөн жок. Балки, былтыркы орозо алардын өмүрүндөгү акыркы орозо болуп калды.
Бул рамазан айы балким мен үчүн
балким сиз үчүн эң акыркысы болуп калуу ыктымалы бар болушу мүмкүн !
Андыктан достор, мусулман диндештерим,
Аллах Таалага көбүрөөк ибаадат кылып,
ал Затка болгон сүйүүнү көбүрөөк күчөтүп алуучу ушул ай эмеспи ?
Дүйнөдө көп адамдар жылдап-жылдап ачка калып күн кечирип жүрүшсө,
мына ошол бир туугандардын абалын түшүнүп,
Аллах Таалам бизге канчалаган нематтарын берип койгонун сезип, шүгүр кылуучу ай !
Он бир ай курсакты тойдуруп, тамак-аштан
каалагандай жеп, напсинин каалосу менен он бир ай жашадык . Бул, айлардын султаны рамазан айы, өз каалоодон чыгып,
напси каалоосун Аллах үчүн тапшырып,
напсиге эмес Аллага кулчулук кылуу айы.
Бүт шайтандар кишенделип, кээ бир ыйманы бекем инсандар үчүн баардык шайтандар
кишенделет . Күнөөдөн алыс качайлы .

Анда эмесе орозону жемиштүү өткөрү үчүн төмөнкү кеңештерге көңүл буруңуз!

Рамазан айында төмөнкү амалдарды аткарууга аракет кыл!

1.Рамазан айында Таравих жана тахажуд намазын оку! Таравих намазы ыйык Рамазан айында гана б.а. бир жылда бир ай окулуучу намаз. Анын руханий пайдасы, сообу абдан көп. Ал эми Тахажуд намазын орозо мезгилинде окубасаъ качан окуйсуң?!
Ансыз да саарлык ичүү үчүн турасың, ошол мезгилде даарат алып, эки ирекет намаз окуудан эринбе! Балким, чын ыклас менен окулган эки ирекет намаз сени тозок отунан тосуп калуусу мүмкүн. Пайгамбарыбыздын (Ага Алланын салам-салаваты болсун): “Рамазан айында кимде-ким ишенүү жана сооп үмүт кылуу менен намаз окуса, анын өткөн күнөөлөрү кечирилет” деген сөзүн эсиңден чыгарба! Күнөөбүз канча экенин өзүбүз жакшы билебиз, демек орозону пайдаланып калалы!

2.Рамазан айында Куран окууну унутпа!
Бул ай – Куран түшүрүлгөн ай. Бул айда пайгамбарыбыз (Ага Алланын салам-салаваты болсун) Жибрийил периштеге Куран окуп берип турган. Курандын бир тамгасын окуган адамга он сооп иш жазылат.Ал эми Рамазан айында ар бир сооптуу иш жетимиш барабар көбөйөрүн унутпа! Эми элестетип кой бир аят,бир сүрөө окуган болсоң канча сооптун астында каларыңды …

3.Рамазан айында көбүрөөк дуба кыл! Орозо туткан адамдын ооз ачар алдындагы дубасы кабыл болорун унутпа! Өзүңө, ата-энеңе, жубайыңа, балдарыңа, тууган-уруктарыңа жана жалпы мусулман элине жакшылык тилеп дуба кыл!Чын ыклас менен кылган сенин дубаңдын себеби менен, бир туугандарың динге кирип, ырыскың көбөйүп, жашооң жеңилдеп калуусу толук мүмкүн.

4.Рамазан айында садака берүүгө шашыл! Садака кылууга эч нерсем жок деп ойлобо.Бир чөйчөк суу табуу сага кыйынбы? Же бир курма берүүгө да күчүң жетпейби? Рамазан айында бир адамга суу, же курма берип ооз ачырса, анын курсагын тойгузгандай соопко ээ болот. Бул адам Акыретте пайгамбарыбыздын (Ага Алланын салам-салаваты болсун) булагынан суу ичүүгө татыктуу болот.

5.Рамазан айында буга чейин жасаган күнөөлөрүңө тооба кыл! Биз алсыз пенделердин билип -билбей кылган күнөөлөрүбүз ат көтөргүс көп экенин өзүбүз жакшы билебиз. Рамазанда күнөөдөн тазаланып, жеңил чыгууга аракет кыл. Бул айдын алгачкы он күнү – ырайымдуулук, ортоңку он күнү – кечиримдүүлүк, ал эми акыркы он күнү – тозоктон куткаруу экендигин эсиңден чыгарба.

Рамазан айында төмөнкү иштерди аткаруудан сактан!

1. Рамазан айында көзүңдү арамдан сакта! Бул айда башка учурда адал болгон тамактануу сыяктуу иштерден тыйыласың. Анан эмне үчүн башка учурда арам болгон иштен тыйыла албайсың? Орозодо адал иштен тыйылып, арам иштен тыйылбоо, бул – акмакчылык.
Орозонун негизги максаты – арамдан тыйылууну үйрөнүү. Мына ушул мүмкүнчүлүктү пайдаланып кал! Бул ай биз үчүн өзүбүздү жакшы жака тарбиялоону үйрөнүү.

2. Рамазан айында тилиңди арамдан сакта! Адамдардын көптөгөн күнөөлөрү тилдин айынан болот. Ыйык орозодо бир гана ашказанга орозо кармабастан, тилге да орозо кармоо керек. Кыйбат, ушак, жалган, сөгүнүү сыяктуу жаман адаттардан орозо кармап, тилибизди зикир, Куран ж.б. жакшы сөздөр менен алек кылалы! Тилдин айынан орозодо табылчу сооптордон куру кол калбайлы.

3. Рамазан айында урушуп-талашуудан сактан! Орозо – адамды жамандыктан тосуп туруучу көшөгө.
Акыретте тозок отунан тосуучу көшөгө болот. Ошондуктан, аны бузуп албай сактоого аракет кыл! Бул айда башкаларга үнүңүдү көтөрүп сүйлөбө, кечиримдүү бол! Эгер сага кимдир бирөө жаман сөз айтып, сени менен урушуп талашууну кааласа, “Мен орозо кармаган адаммын” деп, бир ооз сөз менен жооп кайтарып кой!

4. Рамазан айында убакытты текке кетирүүдңн сактан! Орозо бул уйкунун, же телевизор көрүүнүн айы эмес. Убактыңды уйку, же башка керексиз иштер менен өткөрбө!
Бул ай бир жылда бир келүүчү, мусулмандын мүмкүнчүлүгү, аны туура пайдалансаъ, ийгиликке жетесиң. Туура эмес пайдалансаң ийгиликтен куру кол каласың!

5. Рамазан айында жаман адаттардан арыл! Арак, тамеки, насыбай сыяктуу жаман адаттардан арылуу орозодо абдан жеңил. Эртеден бери тартпай жүргөн тамекини ооз ачкандан кийин тартууга шашылба! Эртеден бери эмне үчүн тартпай жүрдүң, жакшылап ойлонуп көр. Жаратуучу Алланын буйругун аткарып, эртеден бери тартпадың, ал эми ооз ачкандан кийин эмнеге тартып жатасың?! Же Алланын буйругун кщндщз аткарып, кечинде аткарбай койсо боло береби? Жок. Ойлон. Аракет кыл. Дуба кылып, сурангын. Мындай жаман адаттардан кутулуу сен үчүн кыйын эмес!

Дегиеле орозонун улуулугун, ыйыктыгын,чексиз берекесин сөз менен айтып калем менен түгөтө алмак эмесбиз. Анткени бул айда Аллах Таалам сообун Өзүм берем дегенин ! Аллах Тааланын Мээриминин унутпайлы,Кечириминин,Ырайымынын чеги жок! Демек биз үчүн бул табылгыс мүмкүнчүлүк! Анда эмесе келиң бир тууганым орозо кармоого биргеликте бекем ниет менен камданалы!

Орозоңуздар кабыл болсун! Биз менен бирге болуңуздар бакыттын түгөнбөгөн узун жолдорунда бирге бололу! Бактылуулук Формуласы! Бактыңыздын багыты!

Али Оши~

Запись КОШ КЕЛДИҢ ЫЙЫК РАМАЗАН! впервые появилась Formula.KG.

Абдышүкүр ажы Нарматов

Ассалааму алайкум урматтуу мусулман бир туугандар!

Рамазан айы он эки айдын эң ыйыгы. Аллах Таала айлардын ичинен ушул гана айдын атын атап айткан. Куранда: “Рамазан айы, бул айда адамдарга туура жол көрсөтүүчү хидаят жана фуркандан турган анык далил катары Куран түшүрүлдү. Силерден кимде-ким (жаңы) айды көрсө – орозо кармасын. Жана ким оорулуу же сапарда болсо, башка күндөрдүн эсебинен (тутуп берет). Аллах силерге жеңил болуусун каалайт, оор болуусун каалабайт. (Орозо) аны калтырбай тутууңар жана силерди туура жолго салганы үчүн Аллахка шүгүр кылып, даңазалашыңар үчүн (парз кылынды) – деп айтылган. (Бакара, 185-аят).

Аллах Тааланын сөзү менен ыйык Куранда аты аталгандыгы Рамазан айынын өзгөчө экендигин билдирип турат. Рамазан айында орозо кармоо Пайгамбарыбыз (Ага Аллахтын саламсалаваты болсун) Меккеден Мадинага көчүп келгенден кийин эки жылдан соң, тагыраак айтканда пайгамбарлык доордун он бешинчи жылында парз кылынган. Салман (Аллах андан ыраазы болсун) риваят кылган хадисте, минтип айтат: “Шаьбан айнын акыркы күнү Пайгамбарыбыз бизге хутба айтты.

Анда ал: “Оо, адамдар! Силерге ыйык жана берекелүү ай жакындап келе жатат.

Бул айда бир түн бар, анын даражасы миң айдан да жакшыраак. Аллах Таала бул айда орозо тутууну парз, кечинде (таравих) намаз окууну нафил кылды.

Бул айда кимде-ким бир жакшылык кылса, башка айда парз амалын аткаргандай болот. Ал эми бул айда парз амалын аткарса, башка айда жетимиш парзды аткаргандай болот.

Бул ай – сабырдуулуктун айы. Сабырдуулуктун сыйлыгы – Бейиш.

Бул айда мусулмандын ырыскысы көбөйөт.

Бул айда ким орозо камаган адамга тамак берсе, анын күнөөсү кечирилип, тозоктон кутулат. Ал орозо кармаган киши ээ болгон соопко ээ болот. Бирок андан орозо кармоочунун сообу да кемип калбайт.

Бул айдын башталышы – ырайымдуулук, ортосу – кечирим, аягы – тозоктон азат кылуу.

Бул айда төрт ишти көбөйткүлө. Анын экөөсү менен Роббуңарды ыраазы кылаасыңар, экөөсүнө өзүңөр муктаж болсуңар. Роббуңарды ыраазы кылуучу эки амал – “Лаа илааха иллаллоох” деп келме айтуу жана Аллахка истигфар айтып, кечирим суроо. Ал эми өзүңөр муктаж болгон эки амал – Бейишти сурагыла жана тозоктон сактангыла.

Бул айда ким бир адамды тойгузса, Аллах ага менин “Хавз” булагымдан ичирет, ал эч качан чаңкабайт” – деди.

Ошондо кээ бир сахабалар: “Оо, Аллахтын элчиси, орозо тутуучунун курсагын тойгузуу баарыбыздын эле колубуздан келе бербейт” – дешти. Пайгамбарыбыз (Ага Аллахтын салам-салаваты болсун): “Ким бир уурттам суу же сүт, же бир курма менен ооз ачырса, Аллах ага тойгузгандын сообун берет” – деп жооп берди. (Ибн Хузайма).

Рамазан айында мусулмандарга Аллахтын жардамы түшөт. Тарыхта ислам дининин таркоосуна жол ачкан Бадр жеңиши Рамазан айынын он жетисинде болгон. Бул күнү саны да, күчү да аз болгон мусулмандар Аллахтын жардамы менен жеңишке жетишкен. Адамдардын жан дүйнөсүн күмөндөн, ширктен тазалаган, Аллахтын үйүн эстеликтерден жана көп кудайлуулуктан тазалаган Меккени жеңип алуу күнү да Рамазан айында болгон.

Рамазанды кантип тособуз?

Рамазан айы жүрөгүндө ыйманы бар адамдар үчүн майрам жана жан дүйнөнү дарылоочу убакыт. Рамазан айы биздин үйүбүзгө келип, отуз күн түнөп кетүүчү конок. Рамазан айы биздин бир жылдык жасаган күнөөлөрүбуздү жууп кетирүүчү жана Акыретибизге азык камдап алуучу мүмкүнчүлүк. Демек, бул айды күтүп алуу, конок күткөндөй маанилүү. Сахабалар Рамазан айы киргенде кубангандыктан көз жашын төгүп ыйлашат эле. Ал эми Рамазан айы чыгып кеткенде кайгыргандыктан көз жаш төгүшөт эле. Алар “Аллахым Рамазан айына жеткиргин” деп дуба кылышат эле. Алар Рамазанга жетсе, күнөөдөн кутуларына, соопту көбөйтөрүнө толук ишенишет эле. Аларрамазандан алдын аны утурлап нафил орозолорду кармашса, Рамазандан кийин аны менен коштошуп нафил орозо кармашчу. Рамазанды татыктуу тосуп алуу үчүн биз дагы төмөнкү амалдарды аткаруубуз керек:

1. “Рамазанда орозо камаймын” деп ниет кылуу. Пайгамбарыбыз (Ага Аллахтын салам-салаваты болсун): “Бардык амалдар ниетке жараша болот” – деп айткан. Адам өз эркин өзү башкара алат б.а. нафси каалоосун сындырууга өз кудурети жетет. Күн сайын календардын барагын карап, “Рамазан батыраак келсе экен, орозо кармайт элем” деп ниетин бекемдей берсе, ал психикалык жактан орозого даяр болуп калат. Орозо жакындап калганда “кармасамбы же, кармабай эле койсомбу” деген эки анжы ойлор келбейт.

2. Орозо тууралуу китептерди окуп, орозо тууралуу айтылган баяндарга кулак салуусу керек. Анткени, орозонун пайдаларын уккан сайын ага кызыгуу пайда болот жана өзү кызыккан ишти аткаруу жеңил болот.

3. Буга чейин жасаган күнөөлөрүн баштан-аякка чейин эстеп өзүнө эсеп берүүсү керек. Кайсы эле адам жасаган күнөөлөрүн эсептеп чыкса, абдан көп күнөө жасаганын билет. Күнөөсүнүн көптүгүн көргөн адам, бул күнөөлөрдөн тазалоочу Рамазан айын текке кетирүүдөн коркуп, орозо кармайт.

4. Акыретти, Аллах Тааланын алдында эч кандай сообу жок турган күндү көбүрөөк эстөө керек. Эгер биз жасап жаткан амалдарыбыздын аздыгын биле алсак, анда Рамазанды сөзсүз пайдаланып калмакпыз. Анткени, анда биздин бүтүндөй бир өмүрүбүз да жетпей турган “Кадыр кечеси” бар.

5. Аллах Тааланы көп зикр кылуу айрыкча эртең мененки жана кечиндеги зикр сөздөрүн көп айтуу керек. Себеби, зикр кылуу адамды шайтандын азгырыгынан сактайт. Көпчүлүк адамдар шайтандын азгырыгына алданып орозо кармабай калышат.

6. Шаьбан айынын жарымына чейин нафил орозолорду кармап, нафсини көндүрүү керек. Нафил орозо кармаганга көнгөң нафси парз орозону кармоого жөн эле көнөт, анан да орозо кармоого көнүп калгандыктан Рамазандын орозосун кармоо да жеңил болот.

7. “Рамазан айынын орозосун кармоону насип кыл” деп Аллахка көп дуба кылуу керек. Анткени, ар бир иш Аллахтын каалосу менен болот. Канчалаган мусулмандар орозого бир күн калганда бул дүйнөдөн өтүп кетип жатышат.

Рамазанда кандай амалдарды кылуу керек?

Рамазан айы мусулман адам үчүң табылгыс мүмкүнчүлүк. Бул айда жасалган жөнөкөй амал башка айда жасалган парз амалы сыяктуу соопко ээ болот. Ал эми бул айда жасалган бир парз амалы, башка айдагы жетимиш амалдын сообун берет. Ошондуктан бул айга жетүүнү Аллах Таала насип кылса, анда төмөнкү амалдарды аткарууга шашылалы:

1. Таравих жана башка нафил намаздарды окууга. Пайгамбарыбыз (Ага Аллахтын салам-салаваты болсун): “Рамазан айында ким ишенүү жана сооп үмүт кылуу менен намаз окуса, анын өткөн күнөөлөрү кечирилет” – деген. Бул айда окулган бир рекет намаз жетимиш рекет менен барабар. Мындан өткөн сооптуу ишти кайдан таба алабыз?

2. Куранды окууга жана катмы кылууга. Рамазан Куран түшүрүлгөн ай. Пайгамбарыбыз (Ага Аллахтын салам-салаваты болсун) Рамазан айында Жибрийил периште менен бирге Куранды катмы кылган. Курандын ар бир тамагасы үчүн он сооп болорун айткан, ал эми Рамазан айында сооптор жетимишке көбөйөрү белгилүү.

3. Тооба кылууга жана кечирим тилөөгө. Рамазандын алгачкы он күнү – ырайымдуулук, ортоңкусу – кечиримдүүлүк күндөрү болуп эсептелинет. Бул күндөрү кылынган тообалар кабыл болору шексиз.

4. Көбүрөөк дуба кылууга. Пайгамбарыбыз (Ага Аллахтын салам-салаваты болсун): “Орозо тутуучунун ооз ачардагы дубасы сөзсүз кабыл болот” – деген. Демек, отуз күндү текке кетирбейэмне тилегибиз болсо, аны Аллахтан сурап калуубуз керек.

5. Кайрымдуулук кылууга. Ааиша энебиз айтат: “Аллахтын элчиси Рамазан айында абдан кайрымдуу болчу”. Пайгамбарыбыз (Ага Аллахтын саламсалаваты болсун) дайыма кайрымдуу, колу ачык болгон. Ал эми Рамазан убагында кайрымдуулукту чексиз көп жасаган.

6. Башкалардын оозун ачырууга. Бул айда бир адамга суу же курма берип ооз ачыруу, анын курсагын тойгузгандай соопко ээ кылат жана ал адам Пайгамбарыбыздын (Ага Аллахтын салам-салаваты болсун) булагынан суу ичүүгө татыктуу болуп калат. Башка мезгилде таштай албаган жаман адаттарды таштоого. Анткени була йда шайтандын азгырыгы алсыз болот, натыйжада тамеки, насыбай ж.б.у.с. жаман адаттардан кутулууга болот.

Бул айда эмнелерден тыйылабыз?

Рамазан айында Аллах Таала бизди башка учурда адал болгон үч иштен б.а тамактануудан, суусундук ичүүдөн жана аялга жакындык кылуудан тыят. Башка убакта адал болгон иштерден тыйылган соң, башка учурда арам болгон иштерден тыйылуу турган иш. Рамазан айы сооптуу ай болгон менен аны туура пайдалана албаган адамдар кайра күнөөкөр болуп калуусу мүмкүн. Ошондуктан орозо кармаган адам төмөнкү иштерден сактануусу зарыл:

1. Көп сүйлөөдөн. Рамазан Аллахты зикр кылуучу ай. Аллахты зикр кылуудан башка сөздөрдүн баары пайдасыз. Ал эми кыйбат, ушак, жалган айтуу сыяктуу сөздөр орозонун сообун кетирет.

2. Көп уктоодон. Кээ бир адамдар орозодо иш кылууга болбойт дешип көп убактысын уйку менен өткөрүшөт. Бул туура эмес түшүнүк. Орозодо колдон келишинче уйкуну азайтып, ибадатты көбөйтүүгө аракет кылуу керек.

3. Урушуп талашуудан. «Орозо бул – калкан. Ошондуктан ким орозо кармаса, адепсиздиктен этият болсун, үнүн көтөрбөсүн, аны кимдир бирөө сөксө же урушууга тартса, анда ал: Мен орозо тутуучумун деп айтсын” – деген.

4. Ысырапкорлуктан. Кээ бир учурларда “Орозо кармоочулар ооз ачканда шайтан коркуп качат” дешип, ашыкча ысырап кылган адамдар бар. Бул дагы туура эмес түшүнүк. Адам канчалык ачка болбосун, өз деңгээлинен ашыкча тамак жей албайт. Ошондуктан тамак-ашты ашыкча көп жасап ысырап кылууга болбойт.

Рамазан айынын артыкчылыктары:

1. Орозо кармоочуга далил болот. Пайгамбарыбыз (Ага Аллахтын салам-салаваттары болсун): «Орозо бул – далил. Ошондуктан ким орозо кармаса, адепсиздиктен этият болсун, үнүн көтөрбөсүн, аны кимдир бирөө сөксө же урушууга мажбурласа, анда ал: “Мен орозо тутуучумун” деп айтсын. Мухаммаддын жаны колунда турган Аллахка ант болсун, орозо тутуучунун оозунан чыккан жыт Аллах үчүн мисктен да жагымдуу. Орозо тутуучу эки убакта кубанычка бөлөнөт: ооз ачкан убакта жана Роббусуна жолуккан кезде» – деп айткан. (Муслим).

2. Орозо тутуучунун күнөөлөрү кечирилет. Пайгамбарыбыз (Ага Аллахтын салам-салаваттары болсун): «Ким Рамазан айында ишеним жана Аллахтан сыйлык үмүт кылып орозо кармаса, анын мурдагы күнөөлөрү кечирилет» – деп айткан. (Бухарий, Муслим).

3. Орозо кармоочунун сообу чексиз болот. Пайгамбарыбыз (Ага Аллахтын салам-салаваттары болсун) айтты: «Аллах Таала: “Адам баласынын орозодон башка ар бир иши өзү үчүн. Ал эми, орозо – Мен үчүн. Анын сыйлыгын Мен беремин” – деген. (Бухарий, Муслим).

4. Орозо, Бейишке кирүүгө себеп болот. Аллахтын элчиси (Ага Аллахтын салам-салаваттары болсун): «Чындыгында, Бейиште, Кыямат күнү орозо кармоочулар гана кирүүчү «Ар-раян» деген эшик бар. Андан орозо тутуучулардан башка эч ким кирбейт. «Орозо тутуучулар кайда» деп айтылганда, алар алдыга чыгышат. Алар кирип кеткен соң эшик бекем жабылып, андан кийин ага эч ким киргизилбейт» – деп айткан. (Бухарий, Муслим).

Пайгамбарыбыз (Ага Аллахтын салам-салаваттары болсун): «Рамазан айы киргенде Бейиш эшиктери ачылып, Тозок эшиктери жабылат. Ал эми шайтандар кишенделет» – деп айткан. (Бухарий, Муслим).

5. Орозо кармоочу адам тозоктон алыс болот. Пайгамбарыбыз (Ага Аллахтын салам-салаваттары болсун) «Аллах жолунда бир күн орозо кармаган адамдын жүзүн анын ошол амалы үчүн, Аллах Таала оттон жетимиш жылдык аралыкка оолак кылат» – деп айткан. (Бухарий, Муслим).

Запись Орозо жакындап келе жатат впервые появилась Formula.KG.