Акыркы учурда Халал индустриясын өнүктүрүү борборунун логотибин товарлардын таңгагында мыйзамсыз колдонуулар көбөйүүдө. Мындай кылмыштардан улам борбордун ишине чоң зыян келтирилүүдө. Анын үстүнө тастыктоосуз логотип менен иштеген өндүрүшчүлөр керектөөчүлөрдү алдап жатканы өкүнүчтүү.
Халал индустриясын өнүктүрүү борбору буга окшогон бир катар фактылар менен мамлекеттик органдарга кайрылууда. Бирок, азырынча натыйжа чыга элек. Ошондуктан, биз мындан нары халал логотибин мыйзамсыз колдонгон ишканалар тууралуу керектөөчүлөрдү массалык маалымат каражаттары аркылуу түз кабардар кылып тууруну туура көрдүк.
«Ак –Тилек» колбасалары – дареги жана жетекчилери белгисиз. Телефондору өчүк. Негизги базарларда сатылат. Адистердин айтымында бул колбасалардын курамындагы эт белгисиз жана чочконун майы болуусу толук ыктымал.
«Шабаза И.» өндүргөн «Дунганские пельмени», «Лязиз» чүчпараларынын да логотиби тастыкталган эмес. Алардын да курамы белгисиз жана адалдыгын тастыктаган сертификаты жок.
«Мастер Фрост» чүчпаралары Халал индустриясын өнүктүрүү борбору менен бир жыл иштешкен. Бирок, борбордун талаптарын буза бергендиктен сертификаты кайра чакырылган. Ага карабай бул мекеме кардарлардан куру калуудан коркуп, борбордун белгисин дагеле жалганчылык менен иштетип келет. Бир канча жолку кайрылуу жардам берген жок. Бул мекеменин азыктарынын адалдыгы тастыкталган эмес жана алардын курамы белгисиз.
Ошондой эле, Ош базарында жайгашкан «Шам –шум» тез татымы, «Мусулман»ашканасы, даараткананын жанындагы «Комплексный обед» ашканалары жана«Адиш – Ата» самсыканасы да халал индустриясынын логотибин мыйзамсыз колдонушуп келет. Алардын тамактарынын адалдыгы биздин борбордон тастыкталган эмес. Ошондуктан, алардын бул аракети кардарларды алдоо деп эсептелет.
Ушундан улам Халал индустриясын өнүктүрүү борбору керектөөчүлөрдү түз эскертип гана калбастан мындай шылуундуктарды токтотууда жардам сурайт. Т.а. борбордун логотибин мыйзамсыз колдонуп жаткан ишкалар тууралуу билдирип коюңуздарды өтүнөт.
Айтмакчы, андан тышкары Халал индустриясын өнүктүрүү борборунда тастыкталган адал азыктар, алардын курамы жөнүндө так маалымат алуу үчүн атайын маалымат кызматы иштейт.
«Халал индустриясын өнүктүрүү Кыргыз борбору» КБ
Тел.: +996 312 89 14 90, +996 555 89 14 90
www.halal.kg
Twitter: @adalkg
December 17, 2015 at 05:54PM
Отправить комментарий