БАКТЫЛУУЛУК ФОРМУЛАСЫ

Дем алууга чыккан мугалимдин ордуна бул сапар класска башка мугалим кирди. Ал сабакты баштагандан бир аз өтүп, окуучулардын бирине суроо узатты эле, балдар баары күлүп жиберишти. Окутуучу аларга таң калды. Ал окуучуларды сыдыра тиктеп, алар эмне үчүн мынчалык каткырып күлгөндөрүнүн сырын билди. Ага себеп, класста акылсыз, эч кимге кошула албаган «жаман» балага суроо берген экен. Сабак бүтүп, окуучулар сыртты көздөй жөнөшкөндө жанагы баланы өзүнө чакырды. Ал менен класста жалгыз калып, кагазга жазылган эки сап ырды берди да:
-Муну атыңды кандай жаттасаң, ошондой жаттап ал. Эч кимге айтпа,-деди.

Кийинки сабакта мугалим ошол эки катар ыр саптарын доскага жазды. Алардын маани-маңызын түшундүрдү, соң өчүрүп салып:
-Ким азыркы ыр саптарын жаттап калды?,-деген суроону узатты. Эч ким чурк этпеди. Класс ичин жымжырттык каптады. Бир гана баягы-баягы баары «экичи», «акылсыз» деп келекелеген бала акырын колун көтөрдү.

Мугалим да ушуну күтүп тургансып : -Жооп бер,-деди, акырын гана .
Жанагы бала ыр саптарын куюлуштуруп айтып берди. Маанисине да токтолду. Окутуучу аны көпкө чейин мактады.Башкалар да андан өрнөк алса жакшы болоорун айтты. Окуучулар классташынын мындай капысынан кол котөргөнүнө ишенип-ишенбей, таңыркап тиктеп турушту. Айрымдары анын үстүнөн күлүп жүргөндөрүнө кыжаалат да боло түшүштү. Мындай көрнүш бир нече жолу кайталанды. Класстагы окуучулардын ал балага болгон мамаилелери күн сайын өзгөрө баштады. «Экичи» аталган баланын жан дүйнөсү өзгөрүп, оң жагына оой баштады. Ал күн сайын сабактарынан жакшы бааларды алганга тырышаар эле. өзүнө болгон ишенич ансайын артып баратты. Алдыңкы окуучулардын катарына кошулганда өзүнүн акылсыз эмес экендигин аңдады. Окуучулар менен билим таймаштарына чыга ала турганына ишенди. Мектепти эң жакшы баалар менен бүтүрүп, жогорку окуу жайына окууга кирди. Аны аяктаган соң, магистратурада окуй баштады.Илимдин доктору болууну алдына максат койду.

Ал өзүнүн илимий эмгегинин аягында мугалимдер туурасында төмөнкүдөй ой-пикирин жазып койду:

«Мугалимдер эки тайпада болушат. Биринчилери жакшылыктын ачкычы болсо, экинчилери анын жапкычы. Биринчилери баланын шык-жөндөмүн аңдап, колунан жетелеп, алга карай үмүттөндүрөт. Окуучуга досундай ортоктош болуп, турмуш жолун салууга жардам берет. Талантын таптап, алга жылдырат.

Экинчилери болсо, өздөрүнүн туура эмес берген тарбиясы аркылуу окуучудагы эрктүүлүктү мокотот. Ишенимди жоготуп, үмүтсүздүккө жетелейт.Талантын өчүрүп, жоготуп жиберет. Жарыктыкта биринчи эмес экинчи мугалимдин колуна түшкөн канчалык инсандар бар.
Алар бүгүн деле жашоолорунда өздөрүн таппай жүрөт.

Жашоодогу эң чоң оомат- балалыкта мыкты окутуучунун колуна түшүү».

Которгон: Нуркамил АБДУЛЛАЕВ
атайын “Formula.kg” сайты үчүн!

Запись Экичи бала впервые появилась Formula.KG.

Бул дүнүйө кимге майрам кимге арман
Бул дүйнөдөн кимдер кетип ким калган
Учуп кетер кайран өмүр жарымы
Уйку тилеп каректерди жумгандан
Акыл менен кармабасаң мезгилди
Алдап жүрүп көмөлөтөт шум жалган

Жаралгансың топурактан ыйлайдан
Жар боорунан канча жандар куланган
Колу менен жылдыз терип алгансып
Коркпой жашап жүргөндөр бар убалдан
Көкүрөктү керген менен асманга
Кутулбайсың кудуреттүү Кудайдан

Текеберлер тектүүмүн деп озунат
Түбү келип бир дөбөгө кошулат
Опол тоодой байлык жыйып кээ бирөө
Октон качып жашап жүрөт чочулап
Бул жалганда ырахаттын чеги ушул
Бийлигиң да,байлыгың да топурак

Жеңишбек Жумакадыр

Запись …Алдап жүрүп көмөлөтөт шум жалган впервые появилась Formula.KG.

Бир тамчы бал жерге тамчылап төгүлүп кетет. Бир аздан кийин бир кумурска келип төгүлгөн балдын даамын татып көрөт. Артка кайтып жөнөйт, бирок балдын даамын татып көргөн кумурска алыска кете албай кайра кайтып келет. Экинчи жолу келгенде бал салынган идиштин четинен бир аз даамдап көрөт да кайра артка кайтат. Бирок, бул жолу да кумурска алыска кете албайт, анткени ал балдын даамын татып алган эле. Үчүнчү жолу кайра келип бал салынган идишке кирип алып, каалашынча балдан пайдалангандан кийин кайра чыкканга аракет кылат, бирок чыга албай калат. Анткени, буттары бири-бирине тушалып басканга мүмкүнчүлүк болбой калат. Канчалык аракет кылса да, анысынан майнап чыкпай буттары бир жерден жылбай калгандыктан ошол жерде өлүп калат…

Эгерде кумурска аз болсо да бир тамчы бал менен чектелип, кайра-кайра кайтып келип балга башын салбаганда тирүү калмак.

Дүнүйө – балдын чоң тамчысы сыяктуу. Ким балдын бир азына канаат кылса, ал балга чөгүп кетүүдөн кутулат. Ким балдын деңизине чөгүп кетсе, анда ал ошол деңизден чыга албай жок болуп кетет.

Дүнүйө деп акыретин унутуу – балдын деңизине чөгүү дегени. Дүнүйө жыйнап аны акырет үчүн сарптоо – балдын бир тамчысына канаат кылуу дегени…

Запись Бал дүйнө впервые появилась Formula.KG.

– Уулум,бүгүн сен бир мамлекетти куруп жатасың, үй-бүлө куруу- бул аял менен эркектин чогуу жашоосу эле эмес. Калган өмүрүңдү бактылуу жашап, артыңда атыңды улай турган туяк тарбиялап, Жараткан кудайдын алдындыгы милдеттериңди аткарып өтүшүң керек. Демек, үй-бүлө куруу менен жашоонун бийик ашуусун ашасың. Ал эми бул нерсе – жеңил иш эмес .
Уулум, оң кулагың менен да, сол кулагың менен да угуп, жүрөгүңө түйүп алгын. Төмөнкү он осуятты аткара билбесең, бул” ашууну ” аша албай калышың толук мүмкүн:

1. Аял затты эркектин сүйүүсүн ачык, даана көрүүнү каалайт. Ошондуктан сүйүүңдү билдирүүгө сараңдык кылба. Эгер антпесең экөөбүңөрдүн ортоңорго жек көрүү көшөгөсү тартылып калуусу мүмкүн.

2. Аялдар эркектер сыяктуу жакшы сөз угууну жактырат. Ошон үчүн аялыңа дайыма жакшы сөз айтып көңүлүн көтөр;

3. Аялына ар дайым жылмаюу менен кара. Жылмаюу аялдын көңүлүндөгү кирди тазалайт ;

4. Таза кийим жана жыпар жытты жактырбаган аял болбойт. Тер жыттанып кир кийим кийген эркектен аялдын көңүлү бат калат;

5. Үй аял үчүн мамлекет. Анда аял өзүн падыша сезсин. Анын падышалык тактысын кулатып койбо. Тактысынан айрылган падыша эртели- кеч өч албай койбойт.

6. Аял сага кызмат кылуу менен бирге, үй – бүлөсүн да четте калтырбайт. Ошондуктан,өзүң менен анын үй- бүлөсүн да бирдей даражада алып жүр;

7. Аялдар ийри кабыргадан жаралганын унутпа. Бул айып эмес,” каштын көркүн – ийрилиги айгинелейт” эмеспи. Аны түздөөгө аракет кылба, сындырып алууң мүмкүн;

8. Аялдар жакшылыкты бат унутуучу болот. Эгер ага өмүр бою жакшылык кылып, бир жолу жамандык кылып, кемчилдик кетирсен,” сенден эч жакшылык көрбөдүм” деп айта берет. Сен буга көңүл бурба.

9. Аялдар табиятынан назик, алсыз жаратылган, ошондуктан Алла Таала аларга кээде ( этек кири келгенде, төрөгөндө) намаз окуу, орозо кармоодо да жеңилдик берген. Бул учурларда сен да ага жеңилдик кылып, жардам беүүнү унутпа;

10. Аял- сенин туткунун сыяктуу. Туткунга жакшы мамиле кылсаң. ал сага өмүр бою жан шеригиң болуп жүрө берет…

Запись АТАНЫН ОН ОСУЯТЫ впервые появилась Formula.KG.

Коомдогу зулумдуктун эң жеткен чеги бул, ата-эненин Аллага ибадат кылбаган, күнөө иштен тыйылбаган, адеп-ахлагы, кулк-мүнөзү начар баласына Аллахтан корккон, ыймандуу кыз издөөсү.
Окуп жазганды билбеген адам илимсиз эмес, чыныгы илимсиз, наадан адам-кыбланын кайсыл тарапта экендигин билип туруп намаз окубаган адам.

Үч нерсе эч качан артка кайтарылбайт:
1) Айтылган сөз.
2) Убакыт.
3) Жоголгон ишеним.

Жашоо чоң супермаркет сыяктуу. Анын ичинен өзүң каалаган нерсени алсаң болот. Бирок, алдыңда касса бар экенин жана баардыгы үчүн төлөөрүңдү унутпа! Кыямат күнүндө баардыгы үчүн суралабыз. Жакшы амалдарды аткарганга умтулалы!
Ата-энеге сый-урмат көрсөтүп , кызматын кылып, дубасын алуу бул – өз колуң менен жазган окуяң, ал окуяны сага балдарың окуп берет.

Бирөө сенден бир нерсени жашырып айтпай жаткан болсо, аны сурабаганын адептен болот. Сага айтпай жашырганы, ал иштин сага тийиштүү эмес экенинен кабар берет.
Өлүм сени жакшы амал, сооп иштерди кылып алсын, акыретке азыгын камдап алсын деп күтүп турбайт. Тескерисинче сен өлүмгө жакшы амалдар менен даяр бол!
Көпчүлүк адамдар Алла Таала адамдарды жаман сөздөн, жаман көздөн сактаарын билип турсада, өзүнө көз тийип калуусуна көбүрөөк ишенишет .

Дудук адамдар ыйык Куранды окугусу келет. Көзү сокурлар Куранды көргүсү келет. Кулагы укпаган адамдар аны уккусу келет. А биз көзүбүз көрүп, кулагыбыз угуп, тилибиз сүйлөп турса да уюлдук телефондорубуз менен алекпиз.
Курандан алыстоонун түрлөрү: Аны окубай коюу, укпай коюу, Ага амал кылбай коюу.
Куранды акыркы жолу качан ачтыңыз?
Курандан акыркы жолу канча аят жаттадыңыз?
Деги, Куран окуганды билесизби?

Абдишүкүр ажы Нарматов

Эх,  ден-соолук, ден-соолук сен кайдасың,

Сени издеп мен артыңдан барайын.

Бүт ааламдан издегиним сатып алдым,

Бирок сени эч бир жерден таппадым. – дегендей. .

Жашообузда эң баалуулуктардын бири, эч нерсеге алмаштыргыс, эч жакттан издеп табылгыс, биздин байлыгыбыз, дөөлөтүбүз  керек болсо кетпес казынабыз бул -ден- соолугубуз болот. Ден-  соолук: адамзатты адам кылган, келечек максатка жеткизген, бирөөлөр алдында башыңды бийик кылган, ойлогон ой, иштериңе жетүүгө мүмкүнчүлүк берген, өз каалаган нерсеңе жеткизген, жашооңдогу бакытка жетелеген табылгыс кенчиң болот.

Аллах Таалам сага берген бакыт билсең эгер бул- сенин ден- соолугуң. Ден- соолугуң болсо баарын жеңсең болот, жашооңдо кандай кырдаал болбосун, анткени сенде бардык мүмкүнчүлүк бар.  Басууга бутуң, жумуш кылууга колуң, көөрүгө, көзүң, баары жайында болсо сенин ийгилигиң да.  Сен ушундай абалда туруп, жашоом кызыксыз, иш жок, кыйналдым, өлгүм келет, баары бүттү, эч нерсе кыла албаймын деп олтурсаң бул сенин жашоодо эң байкуш, алсыз, акылсыз инсан экендигин билдирет.  Өкүнүчтүү карайт элем ушундай инсандарга. .

“Оору кадырын ооруп өксүгөн жан билет, жашоо кадырын кыйналып жашган жан билет “. . .

“Колдо бар алтындын кадыры жок “деген сыяктуу ден- соолугубуз бар туруп шүкүр кылбай, анын кадырына жетпей келебиз.

Эки колуң, тилиң, оозуң, эки колуң, эки бутуң бар.

«Эми, Роббиңердин кайсы нематын жалганга чыгара аласыңар?! »(55:13).

Эки бутуң менен басууну оңой деп ойлойсуңбу, канчалаган инсандар бар буттарынан айрылган?!

Эки колуң таянып жүрөсүң, канчалаган инсандар бар колдору кесилген?!

Көзүң толо уйкуда жатканың чындык эмеспи, уктай албаган канчалаган көздөр бар?!

Курсагыңды каалаган тамак менен чаңкооңду каалаган муздак суу менен толтуруп жатасың, канчалаган жандар бар оорунун айынан каалаган тамагын, каалаган суусун иче албай жүрөт?!

Дүлөй болуп калбаган калбаган кулагың жөнүндө ойлонсоң боло, сокур болуп калбаган көзүң жөнүндө ойлосоң боло, ала пес оорууга чалдыкпаган денеңе карасаң боло, акылыңдан адашып акылсыз болуп, же жинди болуп калбаган акылыңа карасаң боло.

Эх,  дагы эле сен Аллахка ыраазы эмесиң!

Эгер билсең ден- соолук эч бир нерсеге алмаштыргыс чоң  байлык!

Бир көзүңдү Ухуд тоосундай болгон алтынга алмаштырат белең?!

Кулагыңды бир тоо күмүшкө алмаштырат белең?! Гүлдөн болгон сарайларга тилиңди сатып дүлөй болгуң келеби?! Эки колуңду шуру, мончок бермет асыл таштарга алмаштырып колсуз жүргүң келеби?!

Жок! Жок! Жок! Албетте жок дээр элең.  Ушундай нээаматта жашап жатасың бирок аны билбейсиң, бирок өзүңдү кайгы капада жашап жатам деп ойлойсуң, күлүп турган ден- соолугуң бар, бар нерсеңе ыраазы болбойсуң, бир аз байлыгың жоготконуңа ызаланып, бактылуулуктун ачкычы колуңда турганын билбейсиң. Ал сенин байлыгың, нээматың, жакшылыгың ошондо да кадырына жетпейсиң, жакшылап ойлонуп ыраазы бол.

«Силердин өзүңөрдө да (ар түрдүү укмуштар бар) бар экенин карабайсыңарбы?». (51:21).

Ден- соолук жөнүндө дагы бир заарыл болгон кепти айтып өтпөсөм болбостур:

“Оору келбестен мурда ден- соолугуң жөнүндө ойлон” (хадис). .

Пайгамбарыбыз (с. а. в. ) айтып өткөндөй:

“Мусулман пендеси эки нерсенин кадырына жетпейт. Биринчиси-Убакыт. Экинчиси-Ден- соолук”

Ден-соолук кадырына жетүү, аны сактоо да өзүбүздөн.

“Сактанганды Кудай сактаптыр “деген макал бекеринен айтылган эмес.      Өзүңө кароо, таза жүрүү, сууктардан этият болуу, убагында тамктануу, убагында уктоо  булар биздин ден- соолукка кам көрүүбүз, өзүбүздү ар кандай оорулардан сактап алдын алганга жардам берет.

“Бар байлыктын баркы жок “болуп ден – соолук барында жаныбызды аябай, кандай иш болсо суугуна, ыссыгына карбай кыла беребиз, бир күн ооруп жатып калсак анан оюубузга келип Эх,  аттиң!  өзумдү этият кылбаппын дейбиз анда баары кеч болуп калат.  Ошон үчүн адамзат бир аз болсо да өзүн жакшы көрүп, өзүнө карап убагында даарыгерге кайрылып турса аз да болсо жашоодо өксүбөй бактыллуу жашамак.

“Жаштыкта берсин мээнетти, каарыганда берсин дөөлөттү “деген аталардын сөзү таммай айтылган, каарыганда ата энелерибиз көп оорушат ошондуктан каарыганда ден соолук чын болсо экен деп айтылып калган. Бул дегени эч кимге муктаж болбой өз бутум менен кирип, чыгып өзүмө -өзүм жарап жүрсөм экен, мындан артык дөөлөт болбостур. . .

Бир жашы анчага барган  инсан айткан экен:

“Ден- соолугум барында, күчтүү, баарына өзүм жетип, өзүм кылчуум, эми ден-  соолугум жок керексиз буйумга айландым “-деп аттиң кылган экен.

Басып жүргөн бутуң баспай калганда, жумуштарды кылып чарчабаган колуң ооруп калганда, көрүп жүргөн көзүң көрбөй калганда аракет кылбай өз убагында даарыланып, сууктардан этият болуп жүрсөңөр демекчимин!

Ошондуктан аттиң!  деп айтылчу күн келгенче өзүбүздүн ден- соолугубузга карап, абайлап бар байлыкты барктап кадырына жетели!

Бир ооукчан айткандай:

“Бул жашоодо эч качан ооруп кыйналган инсан, оордум деп ыйлаган көз жаш, оорудум деп жалдыраган  жан, оорудум деп өксүгөн жан болбосун “-дегендей  ооругандар аз болуп, оорубай жашаңыздар деп Аллахтан дуба кылып калабыз!!!

Насиба Абдуллаева,

”БАКТЫЛУУЛУК ФОРМУЛАСЫ”

The post Ден-соолук менин байлыгым… appeared first on БАКТЫЛУУЛУК ФОРМУЛАСЫ.

⌛ Учурда, “мен намаз окубаганым менен , менин жүрөгүм таза, аллахка жүрөгүм менен ишенем, ошол эң негизгиси эмеспи деген “тилинде” гана мусулмандар, тилекке каршы көп. Албетте жакшы адам болуу, жакшылык кылуу, коомго пайдалуу инсан болуу маанилүү жана керектүү. Бирок алар айтып жаткан, “менин намаз окуума муктаждык жок, менин жүрөгүм таза”-деген сүйлөмдүн өзү, дүйнөдөгү эң булганыч сүйлөм. Анткени, пайгамбарлар да өз напсисинен коркушкан. А сиз, эч бир арамды карабадыңызбы? Бир да жолу жалган айтпадыңызбы? Бирөөнүн артынан сүйлөп, күнөөсүн албадыңызбы? Макул буларды кылбадыңыз дейли. Бирок намаз окубаганыңыздын өзү, чоң күнөө катары сизге жетет. Намазга кичинекей бир маселе ( аа, ооба окуш керек, окуйм буйруса) катары караган бирөөнүн чооң бир маселеси калбагандыр. Анткени намаз, андай маани бербей коё турган кичинекей нерсе эмес. Ыймандан кийинки эле сурала турчу нерсе бул, намаз.

Негизи бул жашоодо, бирөө бизге жакшылык кылса сөзсүз рахмат айтабыз. Чоң бир проблемабызды чечип, көйгөйдөн арылуубузга себепчи болгон адамга ыраазычылык билдире албай калсак, ичибизден кыжаалат болобуз. Бирок , биздин ушул дүйнөдө, ушундай өнүккөн доордо, тынч бир өлкөдө, ата-энебизди маңдайыбызда кылып жаратып койгон, жадакалса ошол бизге жардам берген адамдын бизге жардам берүүсүн шарттаган, жаратуучуга бир жолу сажда кылып ыраазычылык билдирбесек нанкөрдүк (жакшылыкты билбегендик) болбойбу? Ойлонуп көрүңүзчү, сиз Сириядай болгон согуш өлкөсүндө, колунда бар үй-бүлөөдө эмес, жакыр бир үй-бүлөөдө туулуп калышыныз мүмкүн эле. Же ушундай жетишкен заманда, тынч өлкөдө туулайын деп, төрөлүүдөн мурда факс жибердиңиз беле? Жакшылап ойлоно турган болсоңуз, бул дүйнөдө бардык жаратылгандар адамдын кызмытында. Бири-биринен өзгөчөлөнгөн жашылча жер жемиштер, көз жоосун алган кооз жаратылыш, булардын баары адам үчүн. “Тилде” гана өзүн мусулман эсептеген бирөө үчүн жылдыздар бул кечки романтика, а чыныгы мусулман үчүн аллахтын берген нээматы. Аллах, бул кооз жаратылышты акындар көрүп кыздарга арнап ыр жазсын деп эмес, жаратуучусун таанысын деп жараткан. Элестетсеңиз сиз бир соонун нерсе жасадыңыз, аны көргөндөр болсо, сиздин атыңызды айтмак тургай эстеп же оюна да алып койбой башка эле бирөөнү даңктап, мактап жатышат. Каарыңыз келип ачууланбайсызбы?

Мына ушул ыраазычылык, шүгүр момун мусулмандын намазы менен билдирилет. Момун мусулмандын ар бир намазы бул мираж, б.а аллах менен жолугушуу. Эгерде сизди, сиз аябай жакшы көргөн, көрүүнү эңсеген бирөөңүз, кумириңиз дейбизби жолугушууга чакырса барбай коё алат белеңиз? Кечигип барат белеңиз? Барган соң маанисин билбеген эле сөздөрдү шаша-буша айтып коюп кеткенге шашылат белеңиз? Жок албетте. Ушул сыяктуу эле, аллах сизди бир күндө беш жолу жолугушууга чакырып жатат. А сиз болсо убактым жок, зарыл иштерим бар, шартым жок деп ар кайсы шылтоолорду айтып, аллахтын чакыруусун четке кагып жатасыз.

Бир адам ооруп ооруканага барса, анын рак оорусуна чалдыкканын жана ашып барса үч ай өмүрү калганын айтышат. Бул мусулман бирөө, үйүнө келип өкүнүп, кайгырып олтуруп калбай, дароо бул дүйнөлүк иштеринен арылып, өлүмдү эстеп даярдана баштайт. Эми суроо: Биздин үч айга чейин жашайбыз деген кепилдигибиз барбы? Эч кандай кепилдигибиз жок. Бирок биз, бул дүйнөдө түбөлүк жашачудай жүрөбүз. Окууму бүтсөм, үйлөнүп жайланып бир жаңсыл болгондон кийин, намаз окуйм буйруса, ниетим бар, жок эмес- деген досторубуз, сиздин ошол күндөргө жетишиңизге кепилдигиңиз барбы? Бул темада сөз болгондо эле кээбирөөлөр “өлүм менен коркутпа!” –дешет. Өлумдөн коркуш эмес, өлүмгө даяр болуш керек. Жаш өлгөндөн эмес, ыймансыз, намазсыз өлүп кетүүдөн коркуш керек. Эгер чын эле өлүмдөн корксоңуз эч ойлонбой дароо намаз окуп башташыңыз керек эмеспи? Бирок кайра эле күнүмдүк иштериңизди улантып, өлүмдү эстегиңиз келбейт. Мергенчиден жашынып, мени көрбөсүн деп башын кумга жашырган төө куш сыяктуубуз. Мергенчи- бул өлүм, бизди көрүп турат, бар экени анык, бирок биз аны көрбөөгө, мойнубузга албоого тырышабыз. Мисалы: сиз, бүгүн өлүп калышым мүмкүн деп ойлодуңузбу? – жок ойлободуңуз, элестете да албайсыз. Жакшына эле жүрүп кантип өлүп калайын деп эстегиңиз да келбейт. Так эле кумга башын жашырган төө куш сыяктуу. Бирок өлүм ак. Ал биз билбеген, күтпөгөн учурда да келип калышы мүмкүн.

Намаз окубаган мусулман туугандар тили менен айтышпаганы менен негизи ушуну айтышат: Убакытым аз, бош эмесмин, аллах берген 24 сааттын 1 саатын аллах үчүн бөлө албайм. Ал эми намаз болсо Аллахка эмес, өздөрүнө керек экенин ойлоп олтурушпайт.

Намаз диндин тиреги. Намаз окубаган бир мусулманды, мусулман деп атоо да кыйын. Анткени намаз окуу кудайга болгон ибадат. Намаз окубоо болсо шайтанга болгон ибадат, шайтанга болгон кулчулук. Тилекке каршы ушундай бир доордо жашап жатабыз, бир мусулмандан, намаз окуйсуңбу?-деп сурайбыз. Негизи мусулман болуу, намаз окуу бири-биринен айрылгыс эле нерселер эмеспи.

❗Урматтуу мусулман бир туугандар, биз намазыбыз менен мусулманбыз. Келиңиздер “тилде” гана мусулман болуудан чыгып, “менин жүрөгүм таза деген сөздөр менен өзүбүздү алдабай”, чыныгы момун мусулман бололу. Намаз сизге оор келбесин. Намаз аркылуу сизге берилүүчү түбөлүк бакытты, убактылуу нерселерге алмаштырбайлы!!!

Перизат Мусабек кызы,
«БАКТЫЛУУЛУК ФОРМУЛАСЫ»
http://ift.tt/1LEVxIg

The post “Эң негизгиси жүрөгүбүз менен ишенсек, жүрөгүбүз таза болсо болду, намаз окуу шарт эмес”- дегендерге. appeared first on FORMULA.KG.

Жашоо кадимкидей эле өз нугунда, сиз да анын бир бөлугундө өзүңүздүн күнүмдүк турмушуңуз менен алек болуп күндөр сызылып өтүп келет. Ушундай бир суроолорго туш болосуз: Жашоодон максатыңыз эмне? Сиз үчүн жашоонун маңызы эмне?  Көпчүлүктүн берген жообу да, дал ушул сыяктуу: Жашоодон максатым, билим алуу, келечектеги максаттарыма умтулуу, элдин керегине жараган инсан болуу, улуурак болсо, бала-чакамын бактысын көрүү. Жашоомун маңызы болсо үй-бүлөө куруу, бала-чакалуу болуу, туяк калтыруу, алар менен бактылуу өмүр сүрүү. Албетте, булар жашап жаткан учурдагы максаттарыбыз, каалоолорубуз. Бирок бул дүйнөгө жаратылуудан максат эмне?

Дагы бир жолу, башынан ойлоп көрүңүзчү! Мен ким элем, кайдан келдим, эмнеге келдим жана кайда барам?-деп. Чын эле, жогоруда айтылган максаттарбы сиздин бул дүйнөгө жаратылуу себебиңиз? Башында берилген суроонун “кополураак” түрү менен мен 2-курсумда кездешкем. Бир мугалимибиз аудиториядагы студенттерден “Эмнеге жашап жатасыңар?” – деп сураган. Негизинен, ушул сыяктуу жооптор болгон:  “Кудай жаратып койгон соң жашайбыз да.” Ушундай да философиялык суроо болобу деп жиндеп да койгонбуз. Кийин түшүндүм, көрсө, бул ар бирибиз ушул дүйнөдө жашап жатып өзүбүзгө беришибиз керек болгон биринчи суроо экен. Азыр да аллахтын бар экенине ишенип, намаз окуш керек экенин билип, бирок башка нерселерге маани бербей жүргөн достор, ага-инилер, эже-синдилерибиз бар чыгаар.

Бул жашоодо жашап жаткандагы максаттарыбызды айтып өттүк. Билим алуу, өзүн өнүктүрүү сыяктуу. Бул сөз да бекеринен айтылбаса керек. “ Бүгүн өлүп калчудай ибадат кыл, эч качан өлбөчүдөй эмгек.” Бул жерде умтулуунун, изденүүнүн, аракет кылуунун маанилүүлүгү айтылууда. Бирок биз буларды бул дүйнөгө келүүдөгү негизги максатыбыз дей албайбыз. Анда аллахтын биз инсандарды жаратуудагы максаты эмне?

Биринчиси: Аллах өзүн,  кулдарына таанытуу максаты. Биздин аллахты таануубуз. Анын заты белгисиз болсо биз аллахты кантип тааныйбыз? Биз аллахты өзүбүз көрүп турган нерселер аркылуу тааный алабыз. Мисалы: Бир жасалган нерсе болсо, аны жасаган бирөө бар. Эч бир нерсе өзүнөн өзү пайда боло калбайт. Өзүбүздүн жашоодон эле бир мисал: Аялдар көз жарган соң балдарын эмизет. Сүт бала төрөлгөндөн кийин гана пайда болот. Жаңы төрөлгөн ымыркай эне сүтүнө жана бирөөнүн кароосуна канчалык муктаж. А апа болгон бирөө, мурда өзүндө болбогон, элестете да албаган энелик мээрим деген сапатка ээ болот.  Сиздин оюнузча ал сезим кандай жаралды жана баланын эң биринчи муктаждыгы болгон сүт энеде кандайча пайда болду? Түшүнүктүүрөөк болуусу үчүн турмуштан алынган дагы бир мисал: Бир наристе аз салмактуу төрөлөт. Бирок врачтардын айтымына караганда, ошол аз салмактуу баланын апасынын суту менен салмагы нормалдуу баланын апасынын сүтүнүн курамы эки башка. Биринчи эненин сүтү атайын салмакты жогорулатуучу азыктарга ээ. Бул болгон бир окуя. Бул нерсе аллахты тааныбагандар ( бизди аллах жаратты, ага ишенебиз – деш менен эле чектелген, “тилде” мусулмандар) үчүн  биялогиялык гана кандайдыр бир көрүнүш. Ал эми аллахты тааныган бирөө үчүн, бул ап-ачык көрүнүп турган, энелерде миллиондо бири гана болгон, аллахтын мээрими! Ушул сыяктуу мисалдар  келтирилгенде, биялогия, химия, физикалык кубулуш- деп илим менен түшүндүрүп киришет. Ал илимдерди аллахтын чыныгы кулдары да билишет. Бирок алар, бул илимдердин эң эле башында турган, ушул илимдерди жараткан, аллахтын илимин таанышат.  Ойлонуп көрсөк, биялогия химиядан ары өтө албагандар канчалык кыска ойлошоорун аңдап билебиз. Көл жээгинде, күндүн батып баратканын карап олтуруп кооздугуна суктанасыз, кандай гана керемет көрүнүш дейсиз, бирок ошол кооздуктун жаратуучусун, ошол кооздукту көрө билүүңүз үчүн кичинекей этти көрө турган бир касиетке ээ кылып койгон жаратуучуңузду эстебесеңиз, тааныбасаңыз кандай өкүнүчтүү!

   Билл Гейтсди тааныбасаңыз уят да, жаратуучуңузду тааныбасаңыз уят эмеспи???

Экинчиси: Өзүнө ибадат кылдыруу. Бул- намаз окуу. Намаз-бул субханаллах деп аллахка таазим, алхамдулиллах деп аллахка шугур, аллаху акбар деп аллахка такбир айтуу. Кыскача түшүндүрө турган болсок:  Аллахтын кемчиликсиз экендигин, улуулугун данктап жана анын бизге берген нээматтары үчүн ыраазычылык, шугур келтирип, аны жүрөгүбүз менен сезип, тилибиз аркылуу айтып жана кыймыл аракетибиз аркылуу көрсөтүү. Намаз баш аяк ушул: субханаллах, алхамдулиллах, аллаху акбар менен коштолот. Демек жашоого жаралуу себебибиздин экинчиси бул намаз окуу. Намаз мусулманмын деген бирөөнүн жашоосунда болбосо болбой турган нерсе.

Үчүнчүсү: Шүгүр келтирүү, ыраазыяылык билдирүү. Жогоруда, намаздын маанисин айтып жатып да айтканыбыз сыяктуу, шүгүр намаз окуу менен ишке ашат. Намаз окубай эле жүрөгүм менен шүгүр келтиргеним эле жетиштүү десеңиз, абдан жаңылышасыз!

Адам жашоосунда ар бир нерсени карап туруп, шүгүр келтирсе болот. Чалынып жыгылсам да, аллахка шүгүр, чалынып кеткен бутум бар. Менин колум сынык болсо, колу жоктор бар. Менин үйүм эски болсо, үйү жоктор бар  жана башка ушул сыяктуу, ар бир мүнөт, секунд сайын жүрөгүбүз шүгүр деп аллахка ыраазы болуп турса да жарашчудай көрүнүштөр бар.

Демек бир туугандар, илим алуу, жакшы адам болуу, бирөөлөргө жакшылык кылуу, максаттарга умтулуу булар өтө керек болсо да бирок кийинки иш-аракеттер экен. Эң алгач биз, бизди жоктон бар кылган, бизди эч убакта унутпаган аллахыбызды таануубуз, анын буюрган намаз, зекет сыяктуу буйруктарын аткаруубуз керек!  Жашоодон, жаралуудан максатыбызды билбей күнүмдүк, 60-70 жылдык өмүрүбүз үчүн күрөшүп, алпуурушуп өтүп кетүүчүлөрдөн болбойлу!

Балким бул макала сиздин бираз болсо да күнүмдүк иштериңизден бошоп,  бираз да болсо ойлонууңузга түрткү болоор. Андай болсо менин бул ишти жазуудагы максатым ишке ашкан болмок. Кемчилик, катачылыктар кеткен болсо кечирим сурайм! Кемчиликсиз бул, жалгыз Аллах!!!

Перизат Мусабек кызы,

“БАКТЫЛУУЛУК ФОРМУЛАСЫ”

www.formula.kg

The post Бул дүйнөдө эмнеге жашап жатасыз? appeared first on FORMULA.KG.

The post Сиз кайсы жолду тандайсыз? appeared first on БАКТЫЛУУЛУК ФОРМУЛАСЫ.