Орозонун аякташы менен боло турчу майрамдык намаз 5-июлда өтөт.
Айт намазы 5-июлда саат 7.30дан 8.10гө чейин Жеңиш аянтынын жанындагы Фрунзе көчөсүндө окула турганын Бишкек мэриясынын маалымат кызматы билдирди.
Буга чейин айт намаздары эски аянтта окулуп келген. Быйыл ал жакта оңдоо иштери жүрүп жаткандыктан, майрамдык намаз Фрунзе көчөсүнүн Абдрахманов жана Ибраимов көчөлөрүнө чейинки аралыкта болот.
Аталган аймак Биринчи Май райондук "Тазалык" жана "Зеленстрой" ишканалары тарабынан иретке келтирилип, тазаланат. Ал эми Бишкек ШИИБдин Кайгуул милиция башкармалыгы айт-намаз учурунда коомдук тартипти көзөмөлдөйт.
Отправить комментарий