Halloween party ideas 2015
Твитте Жакты Бөлүш Бөлүш

Запись Президент Азирети муфтийди кабыл алды впервые появилась Formula.KG.

Твитте Жакты Бөлүш Бөлүш

Запись Нуржигит Кадырбеков: “Оңолуш үчүн бетке айт!” впервые появилась Formula.KG.

Твитте Жакты Бөлүш Бөлүш

Чыныгы мусулман адамдын жүрөгүндө төрт түрдүү аял жашайт:

  1. Энеси,
  2. аялы,
  3. карындаш эжеси
  4. кызы.

Апаңды ыраазы кылууң, Алланы ыраазы кылгандыгың.

Аялыңды сыйлооң бул – Пайгамбарыбыз (соллаллоху алайхи васаллам)дын осуятын аткаргандыгың.

Эже-карындашыңа жакшылык кылып, алар менен мамилени бекемдөөң үйүңө берекенин киргендиги.

Кызыңа чыныгы мусулмандын тарбиясын берип өстүрүүң, бейишке карай эшигиңдин ачылганы.

Имам Шафийге бир киши келип: Пендени Алла Таалага жакын кыла турган эң улуу амал кайсы? – деп сурайт. Имам Шафий (рохимахуллох) көзүнө жаш алып ыйлап жиберет, соң төмөнкү жоопту берет:

“Алла Таала сенин жүрөгүңө карап, дүйнө-акыретте Өзүнүн ыраазылыгын гана тилешиңди көрүүсү сени Аллага жакын кылат”.

Али (Алла андан ыраазы болсун) айтат:

Үч нерсе үч нерсени алып келет:
Тырышчаакты- байлыкты,
жалкоолук-кедейчиликти,
сараңдык-ооруну.

 Абдишүкүр Нарматов

Запись Чыныгы мусулмандын жүрөгүндө 4 түрдүү аял жашайт впервые появилась Formula.KG.

Твитте Жакты Бөлүш Бөлүш

🏻Дуба кылуу Дуба кылуу – бул, ибадат болуп эсептелет. Пайгамбарыбыз (Ага Аллахтын салам-салаваты болсун):

«Дуба – бул, ибидат» – деген.

Экинчи бир хадисте:

“Аллахтын алдында дубадан өткөн баалуу нерсе жок” – деп айтса,

дагы бир хадисте:

“Аллах Тирүү, Берешен.Ошондуктан кайсы бир пендеси Ага дуба кылып суранса, анын сунулган колун бош кайтаруудан уялат…” – деп айткан.

“Мага дуба кылгыла, (кылган) дубаларыарга жооп кайтарайын.” (Момундар сүрөсү, 60-аят)

Дуба сүйүү жана жакындык. Дуба жашообуздун көркүнө көрк кошот. Кубанычыбызга кубаныч кошот. Жолубузга жарык чачат. Аллах Таала дуба кылуубузду каалайт. Андыктан дуба кылалы жашообуздагы кыйынчылыктарды дуба куралы менен талкалап,жакшылыктарга шүкүр кылып Жараткан менен бирге бол бир тууганым!

✨“Оо улуу кудуреттүү Аллах таала, мага ыроологон ырыскыларың үчүн Сага чексиз шүгүр кылам. Сен сүйгөн жана биздин сүйүктүү пайгамбарыбыз болгон азирети Мухаммедге салават келтирип салам берем.”…

✨“Оо Аллам, мени Өзүңдү жана пайгамбарыңды сүйгөн, Өзүңө жана пайгамбарыңа ишенип моюн сунган адам кыл. Бардык күнүмдү жакшылыктар жана сулуулуктар менен өткөр. Дүйнөдөгү жана акыреттеги бардык кайрымды, сулуулук жана ырыскыларды Сенден сурайм, ал эми бардык ндыктардан оолак болуу үчүн Сага баш калкалайм.”..

✨“Оо ааламдардын Раббиси болгон Аллам. Бир гана Сага сыйынып, бир гана Сенден жардам тилейм. Сенин бардык нерсеге күчүң жетет. Сен менин ачык жана купуя бардык сырымды билесиң. Мага ырайым кыл жана жүрөгүмдү боорукердик жана сүйүү сезими менен толтур. Жалкоолуктан, натыйжасыз аракеттен, убакытты пайдасыз нерселер үчүн коротуудан, баш аягы билинбеген башаламан иштен, ийгиликсиздиктен, адамдарга, айлана-чөйрөгө жана өзүмө зыян келтирүүдөн алыс болуу үчүн Өзүңдөн баш паанек издейм.”..

✨ “Оо жараткан Аллам, ыйманымды бекемде, жакшы амалдарымды арттыр жана адеп-ахлагымды оңдо. Кабыл болбой турган дубадан оолак болуу үчүн Сага сыйынам. Сүйүктүү пайгамбарыбыздын каалоо-тилектерин мен да Сенден тилейм, оолак болгон нерселеринен мен да оолак болуу үчүн Сага баш калкалайм.”..

✨“Аллах таалам, жасаган иштеримдин туура эмес түшүнүлүшүнөн жана жалган жалаага кабылуудан, бирөөнү ыксыз жерден күнөөлөп адилетсиздик кылуудан сактооң үчүн Сага корголойм. Жасаган иштеримдин натыйжаларын оң кыл жана алардын ошол калыбанда улана беришин насип кыл. Мени үй бүлөмө, өлкөмө жана адам коомуна пайдалуу киши кыл. Бизди бул дүйнөдө жана акыретте эң сонун ырыскыларың менен сүйүндүр.”..

✨“Кудуреттүү Аллам, көңүлүмдү ар кандай жаман ниет, ойдордон сакта. Жүрөгүмдү ар кандай коркуу сезимдерден, күмөн ойлордон жана жагымсыз адат-мүнөздөрдөн корго. Мени бир гана өзүн ойлоп, өзүнүн проблемаларын чоң көрүп, башкалар менен болгон байланыш-катышын үзүп салган өзүмчүл жана текебер кишилерден кылба.”..

✨“Оо Алла таалам, Сен кечиримдүүсүң, кечиргенди жакшы көрөсүң. Менин жана бардык момундардын күнөөлөрүн, кемчиликтерин кечир.”..

✨“Оо улуу Раббим, мени сүйүктүү кулдарыңдан кыл. Иштеримди жеңилдет. Турмушумду жакшырт. Мени аркасынан жакшылыктары жана жакшы сапаттары эскерилгендерден кыл. Өзүңө жакпаган бардык нерсени менден оолак кыл. Мени жашоо-турмушум, жүрүш-турушум жана сөздөрүм аркылуу Сени жана Исламды эң жакшы түшүндүргөн адамдардан кыл.”..

✨“Аллах таалам, иштеримди жеңилдет. Эң жакшы ысымдар Сага таандык жана ошол ысымдарың менен Өзүңө жалбарамын. Узун өмүр жана жасаган иштериме береке бер. Мага буюрган ырыскылардын баркына жетип, алар үчүн шүгүр кылып ысырапчылыкка жол бербөөнү мага насип кыл.”..

✨“Оо улуу кудуреттүү Аллам, мени пайдасыз иштер жана ыксыз көңүл ачуулар менен алек болуп, өз милдеттерин жана ибадаттарын унутуп койгондордон кылба. Туура жүрүп түз сүйлөгөндөрдөн кыл. Ар кандай кырсык-балээлерден, алаамат-балекеттерден сакта.”..

📌Дуба кабыл болуучу убакыт

1. Түн ичиндеги дубалар. Пайгамбарыбыз (Ага Аллахтын салам-салаваты болсун):

“Түн ичинде бир убакыт бар, эгерде пенденин Акырет жана дүнүйө жакшылыгын тилеген дубасы ошол убакытка дал келсе, Аллах анын сураганын берет” – деп айткан.

2. Азандан кийинки дубалар. Пайгамбарыбыз (Ага Аллахтын салам-салаваты болсун) айткан: “Азан менен икамат ортосундагы дуба кайтарылбайт”.

3. Жума күнүндөгү дубалар. Абу Хурайра (Аллах андан ыраазы болсун) келтирген хадисте, Аллахтын элчиси Жума күнү жөнүндө баяндап жатып:

“Бул күнү бир убакыт бар. Кимдин дубасы ошол убакытка дал келсе, кынтыксыз кабыл болот” – деп айткан.

4. Рамазан айындагы дубалар. Пайгамбарыбыз (Ага Аллахтын салам-салаваты болсун):

“Орозо тутуучу адамдын ооз ачаар алдындагы дубасы жоопсуз калбайт” – деген.

5. Арафа күнүндөгү дубалар. Пайгамбарыбыз (Ага Аллахтын салам-салаваты болсун):

“Дубалардын эң жакшысы – Арафат күнүндөгү дуба…” – деген.

6. Намаздан кийинки дубалар.

Пайгамбарыбыздан “Кайсы дуба уккулуктуу?” – деп сурашканда, ал: “Түндүн акыркы бөлүгүндөгү жана фарз намаздардын артынан айтылган дуба” – деп жооп берген.

7. Кадыр түнүндөгү дубалар.

8. Сажда учурундагы дубалар.

9. Ажы, же умра учурундагы дубалар.

10. Оорулуунун абалын сурап барган учурдагы дубалар.

11. Зам-зам суусун ичкен убактагы дубалар. Аллах Таалам дубаларыбызды кабыл кылсын!

👤Насиба Абдуллаева.

👨👩👧👦 БАКТЫЛУУЛУК ФОРМУЛАСЫ 

Запись 🙌🏻Жашообузга бейпилдик тартуулай турган дубалар впервые появилась Formula.KG.

Твитте Жакты Бөлүш Бөлүш

Эх убакыт, убакыт кайда шашып барасың,
Адамзаттын өмүрүнүн тамчыларын уурдайсың.
Токтой турчу бир жыл,бир ай,бир саат, мүнөттөргө суранам,
Бейиш болгон ата -энемдин ыраазылыгын алайын…

Дегендей убакыттын учкан куштай зымырап учушу коркунучтуу болуп,бизди көп нерселерге жетишпей калып жатабыз. Байкап көрдүңүзбү таңдын атышынан батышы тез болуп күнүбүздүн кандай өткөнүн сезбей калып жатабыз. Жылдар айга,айлар күнгө,күндөр саатка,сааттар мүнөткө айланып жаткандай,болбосо ошол эле саат,ошол эле күн, ай,жылдар . Бул да болсо Жараткандын катылган сырларынын биридир,же кыяматтын белгилеринен кабар берет. Замандын өнүгүүсү күндөн -күнгө жаңылыктарын тартуулап,мүмкүнчүлүк адамзатка канчалык берилген сайын, жашообуздагы кадырлуу мүнөттөрүбүздү баалабай калдык. Биз адамдар эки ааламда жашап калдык бири бул жашообуз болсо, экинчиси интернет ааламы . Жаш каары дебей бир бутубуз ал жакта бир бутубуз бул жакта. Бир сыйыкыр дүйнөгө кирип жашап жаткандайсың,акча менен тамагыңды бербесе,каалаганыңды көрүп, угуп,дүйнө саякатын жайыңда олтуруп алып кезесиң.
Азыркы учурда интернетке кирбеген адам жок болуш керек. Жадакалса, неберелери чоң ата, чоң энесине үйрөтүп, ватсап, фейсбук, инстаграм дегендин баарын колдонот. Анткени менен бу интернет дегендин алысты жакындатканы эле болбосо канчалаган адамдын алтындай секунддарын, мүнөттөрүн, сааттарын, күндөрүн, түндөрүн уурдоодо. Албетте, пайдалуу нерсе издеп, жакшы маалыматтарды окуп, тарбиялуу нерселерди көрүп, оң жакка колдонгондор да бар. Ал эми канчалаган убактысын коротуп, пайдасыз нерселерди көрүп аткандарчы? Алардын келечеги кандай болот? Канткенде убакыттын кадырына жетебиз?
Бул жашоодо ар бир адамга бирдей убакыт берилет. Чындыгында, ал убакытты ким кандай колдонот, адамдар ошонусу менен бири-биринен айырмаланат. Кээ бирлери аны сарамжалдуу колдонгонду кичинесинен үйрөнүп, жашоосуна маанилүү өзгөрүүлөрдү, өнүгүүлөрдү киргизет. А кеч түшүнгөндөр болсо, убакыттын кадырын кечигип байкап, бармагын тиштейт.

Өмүрдү текке кетирүү өлүмдөн да жаман.Себеби өлүм дүйнөдөн ажыратат.Ал эми өмүрдү текке кетирүү акыреттеги бейиштен ажыратат.

Чындыгынды өмүрлөр жылдар менен жазылбайт а ар бир чыккан дем менен жазылат.

Себеби ар бир өткөн күнүңүздө өмүрүңүз кыскарып кабырыңызга жакындай бересиз.Ошондуктан сиз чынчыл болуп өзүңүзга назар салыңыз.

Соолих адамдар айтышчу экен :
Биз адам балдары кызык эле жанбыз. Жакындап бара жаткан жакка кам көрбөй,алыстап бара жаткан жакка кам көрөбүз.

Жеңишбек акын айткандай: “Интернет алысты жакын кылган менен тууганчылык ортосундагы мээрим тамчыларын уурдап,келген коногуң чай -пайың барбы дебестен, вай -файың барбы? деп калды..) Ыйлап жаткан балкайга телефон карматсаң соороп калат жаш карыны өзүнө тартып сыйкырлап алды “….

Канчасын ыйлатып,канчасын сүйүнтүп,канчасы бузулуп,канчасы оңолуп,канчасы ооруп,канчасы ууланып,канчасы өлүп канчасы кыйрап чөккөнү чөгүп өзүнчө бир ааламга айланды. Бул да Жараткандын чоң сыноолорунан, биздин абал бир бутубуз кылда,бир бутубуз отто, колубузга чок кармаган сыяктуубуз. Анткени интернет биздин алтындай болгон убактыбызды уурдап,канчалаган саат,мүнөттөрүбүз текке кетип,сооптуу амалдарды кылуудан тосуп койуп жатат.
Намаз,куран окууга ,зикир тартуу,дуба кылууга мүнөттөрдү аяп убакыт жок деп өзүбүздү өзүбүз алдайбыз. А интернетке акчабызда сааттар, түндөрүбүз кетип жаканы кандай гана өкүнүчтү. Бул да шайтандын жолунун ачылганы ыйманы алсыз канчаалаган инсандар күнөөгө батып убактысын бай берип,акыретине сооп эмес өзүнө өзү отун жыйып өмүрлөр соолуда….

Бир күнү Пайгамбарыбыздан (алейхиссалам): «Йа, Расулаллах, дүнүйө менен акырет арасындагы аралык канчалык?» – деп суралганда: «Көз ачып жумгучалык жакын», – деп буюрду.
Адам баласынын эң баалуу барлыгы – убактысы. «Убакыт – накит» делген, «накит» – бул алтын жана күмүш акча болуп саналат. Убакытты бошко сарптоо акчаны бошко сарптоо сыяктуу. Акча бошко сарпталганда колдогу байлык текке кетет. Ал эми убакытты бошко сарптаганда болсо өмүр байлыгы текке кетет. Дүнүйөдө айтылган бир калимаи таухид же бир жолу Аллах деп айтуу акыретте таразаны өзгөртүүсү мүмкүн. Ошондуктан, баалуу өмүрүбүздүн ар көз ирмемин жакшы пайдалануубуз керек. Жолдо, үйдө, жумушта, ар бир мүмкүнчүлүктө Аллах деп айтуу, салават айтуу, тообо истигфар окуу бизди аазаптан куткарышы мүмкүн. Пайгамбарыбыз мындай деген:
«Беш нерсе келүүдөн мурда ушул беш нерсенин кадырын билгиле:
1-Карылык келүүдөн мурда жаштыктын,
2-Оору келүүдөн мурда ден-соолуктун,
3-Бош убакытсыздыктан мурда бош убакыттын,
4-Кедейликтен мурда байлыктын,
5-Өлүүдөн мурда өмүрдүн, дүнүйөдө акыретти табуунун кадырын билгиле!»

Аттиң!деп айтылуучу күн кайсы күн экенин билесизби? Убакытты туура пайдаланбай өмүр сааты түгөп гаргара келген учур болот. Ал күн өтө кеч болгон учур ошол күн келгенче ойлонолу. Бүгүн сен эртенки күнүңдү өзгөртсөн болот , кечеки күнүңдү эч качан өзгөртө албайсын.
Кыяматта сооптуу амалдардын чогулушу,таразанын жакшылыктарга оор болушу убакытты туура пайдаланууда.
Аллах Таала акыретте убакытты эки жолун сурайт. Биринчиси
жаш кезиңди каяка жумшадың? Өмүрүңдү
кайда өткөздүң? Бул суроолордун жообу убакыттын биз үчүн канчалык маанилүү экенине кабар берет…

Кыскасы сөздүн аягы интернет тууралу сөз кылсак сөз түгөбөйт,калемибиздин сыясы түгөйт. Ар ким акыл калчап интернеттин чексиздигине сүйүнбөй өмүрүбүздүн чексиз, барктуу экенин туя билип убакыттын кадырына жетели!

👤Насиба Абдуллаева.

👨👩👧👦 БАКТЫЛУУЛУК ФОРМУЛАСЫ

Запись Интернетиң чексиз болгону менен, өмүрүң чектелүү впервые появилась Formula.KG.

Твитте Жакты Бөлүш Бөлүш

Ас саламу алайкум ва барокатух!
Урматтуу мусулман бир туугандар.
Учурдагы соц тармактардагы дагы бир көйгөйлүү маселе, уяттуу тайпалар (грүппалар) бар. Ким кайсы бир күнөөгө себепкер болуп калса, ага да күнөө сөзсп з жазылаары шексиз ! Андан көрө ыйманга, түз жолго чакыруучу тайпа ачып кызмат кылсаңыз аны канча адам угуп, окуп
Аллахка бир ааз болсо да жакындаса
ал сооптон сиз дагы үлүш аласыз.
Урматтуу оозго алгыс уяттуу тайпалардын админдери ! Эгер бул эскертүүнү окуп,
көзүңүздөр түшкөн болсо билгиле
эскертип аманатыбыздан кутулдук,
кылган ишиңиздерге тообо кылуу менен бирге
зынаага алып баруучу группаларыңыздарды
өчүрүңүз жана анда катталып жүргөн бир туугандар болсо бул кайрылууну жеткирүү менен тайпадан алыстаңыздар !
Сиздин карындашыңыз менен эжеңиздин сүрөттөрүн на махрам эркектер ар кандай
зынаага алып баруучу, ыплас тайпаларга жүктөгөнүн каалабайсызго ..
Дал ошондой аны башкаларга да каалабаңыз!
Админдерге айтаарым кыямат күнү ал үчүн да сурак болуп, күнөөгө батуудан корккула !
Кичинекей күнөө тозокко түртүүгө жетиштүү.
Зынаа чоң күнөө, аны көргөн көз, уккан кулак,
колдор эртеңки кыямат күнү суракка тартылып
зыяныбызга күбөөгө өтүп калбасын !
Келгиле баарыбыз биргеликте аракет кылып,
чогуу жакшылыкка чакырайлы !
Аллах Таалам кай жерде болсок да
көрүп турганын эсибизден чыгарбасак болгону.
“Эскертүү ыймандууларга пайда!
BaarakAllohu fiikum!

Али Оши’

Formula.kg

Запись Аллах баарын көрүп турат впервые появилась Formula.KG.

Твитте Жакты Бөлүш Бөлүш

БИСМИЛЛААХИР РОХМААНИР РОХИЙМ!

Бул ааламга бир ирет гана келүүчү адам баласынын жашоосу ары кызык жана жагымдуудай көрүнүп өзүнө тартат .
Биринин артынан бири келген сыноолорго карабай сабырдуулук менен жеңе билүү,
Жараткан тараптан берилип жаткан сыноо экенин сезе билип ага шүкүрчүлүк кылуу момун адамдын гана колунан келүүчү иш .
Мусулман таң калычтуу инсан!
Анын башына мүшкүл иш түшсө сабыр кылат,
бул үчүн ал сооп табат .
Эгер жеңилидик келсе ага шүгүр кылат,
ал үчүн да сооп алат .
Бул дүйнө сыноо дүйнөсү!
Сиз биз инсан болуп жаратылып,
Жараткандын астына кайра кайтып баруучу пенделербиз. Ар бирибиздин
эмне кылып жаткандыгыбыз жазылып туруучу
амал китебибиз бар, аны эмне менен толтуруп жазып жаткандыгыбызды ойлонойлу .
Ал улуу Жаратуучу Аллах!
Ичтеги сырларды билип туруучу Даанышман!
Азыр кимдир бирөөлөр ушул макаланы окуп жатып балким ой- пикири башка жактадыр..
Кимдир бирөө машинасын ойлоп жатат.
Кимдир бирөө үйүн чонойтуу керек,
ремонт кылыш керек аны ойлонуп жатат .
Кимдир бирөөлөр сүйгөнүн ойлоп жатат)
Дагы бирөө эч нерсени ойлонбойт,
оюнда эч нерсе жок ..
А бирок ошол баардык жандуулардын ичинде эмнелер, кандай сезимдер, кайсы ойлор болуп жатканын билип турган Зат бар!
Бактылуулук адамдын колунда эмес !
Эгер бактылуу кылуу адамдын колунда болгондо анда адам баласы өзүнүн жакындарын
ата-энесин, агасын, эжесин, карындашын бактылуу кылып коймок .
Шыпааны Аллах берет !
Оору да Аллахтын каалосу менен келет.
Шыпааны Аллах берет десе кээ бирлери
дары-дармекти такыр колдонбой,
врачтарга барып көрүнбөй, оорусун жашырып
жүрө берүү керек деп түшүнүп алат да.
Муса пайгамбар күндөрдүн биринде каттуу ооруду. Өттө кыйналып Аллах Таалага кайрылып шыпаа берүүсүн сураганда
Аллах Таалам жерде өсүүчү бир өсүмдүктүн жалбырагын кайнатып ичүүсүн өкүм кылды.
Муса алайхис салам келди, өсүмдүктү тапты,
жалбырактарын кайнатып ичти,оорусу басылды. Арадан бир кыйла убакыт өтүп
Муса пайгамбар дагы ооруп калды.
Барып жанагы өсүмдүктүн жалбырактарын кайнатып дагы ичти .
Бирок оорусу басылбады, көп кыйналды..
Аллах Таалага кайрылып
сураганда жооп болду:
“Эй, Муса!?
Сен биринчисинде шыпааны менден сурап келдиң, жана шыпааны бердим .
Экинчисинде менден эмес туура барып ошол өсүмдүктөн шыпаа издедиң,
бирок шыпаа таппадың !”-дейт.
Сиз менен бизде дал ушул сыяктуу
Ушул даары мени айыктырат – деген
түшүнүк эмес, Пайгамбарыбыз деле даары колдонгону үчүн мен да колдономун,
Аллахым шыпаа бер деген түшүнүк болсун!
Бир күнү бирөөнүн үйүнө зыяратка бардык.
Барсак эшикти инилери ачып ичкери киргизди.
Агасы 10 жылдан бери төшөктөн турбайт экен .
Эки буту, эки колу такыр иштебейт экен.
Бул жакта жүрүп шүгүр кылайлы деп айта берет экенсиң, бирок өз көзүм менен көргөн соң
Жүрөктөн чындап шүгүр кылдым.
Тамак да өзү жей албайт, эшикке чыгалбайт, жүгүрө албайт, кеңири олтуруп кайра туралбайт, түз жата албайт ..
Аны көрүп жүрөгүм кошо бүт денем
муздай түштү .
Бир ааз чогуу олтуруп сыртка чыктым да
Жаратканга жүрөктөн шүгүр айттым .
Эки көзүбүз менен көрө алабыз,
кулактарыбыз уга алат, буттарыбыз баса алат,
тилибиз сүйлөйт, эң негизгиси ажат канага өзүңүз басып бара аласыз ..
Аллах сактасын 15 жыл бирөө сизди жуунтуп, ажат канага алып барып, тамак жедирсинчи
ошондо жашоону көрмөксүз !
Азыр бүт денеси сак болуп туруп жашоого нааразы болгондор бар .
Эмнеңе нааразы болосуң ?
Адам баласы дүйнөдө өзүнөн төмөндөгүлөрдү карап жашоо керек .
4 маал курсагың тоюп, чалкалап телефон чукулап ыссык жерде жатып уктайсың
башка жерде кээ бирлери өмүрү бир жумшак жерге жатып, өмүрү ыссык тамакты көрө электер бар. Шүгүр кылайлы тууганым !
Аллах Таалам гана ырыскы берет !
Кээ бирлери муну да түзмө-түз түшүнүп алат да иштебей, мээнет кылбастан эле
алма пышып оозума түш деп алышат)
Пайгамбарыбыз деле иштеген ..
Соодагер болгон, кээде жаштыгында кой баккан
мээнет кылганго үлгү алайлы !
Ырыскыны биз эркектер издейли !
Изилдеп чыгышса Каримов деле кичинесинде
дед домдо өскөн бала экен .
А бирок бир чоң мамлекетти кыңк эттирбей
көп жылдар бою башкарып койбодубу ..
Ал өзү мисалга да татыктуу эмес эле,
жөн гана түшүнүктүү болуусу үчүн айтып жатамын) Ырыскыны Аллах берет !
Аллах Таалам жерди титиретсе
ким токтото алат !?
Асмандан бир даана жамгыр түшүрбөй,
курукчулук кылып салса ким нөшөрлөтүп чагылганы менен кошо жамгыр жаадыра алат.
Апрелде кар жаадырса ким токтото алат ?
Бак-дарактарга бүчүр бербесе ким гүлдөтө алат ? Түндү күндүз кылып, күндү түн кылуучу
Затты ар дайым эстеп жүрөйлү !
8-9 балл жер силкинсе баардык нерселер кыйрап түшөт экен .
Ал эми 12 балл жер титиресе адамдар коркконунан жүрөгү жарылып
өздөрү эле өлүп калышат экен .
А бирок кыямат күнү жер силкинип
ичиндеги болгон нерсесин сыртка чыгарып салат . Тоолор пахта сыяктуу учуп,
асмандар айнек сыяктуу сынат .
Жыртылбайсың, сынбайсың деген бекер кеп)))..
Сиз биздин астыбызда ушундай нерселер турат, сиз менен биз дагы эле дүйнө менен
убарабыз . Бул дүйнөдө
бир ирет берилүүчү жашообузду
Аллах каалагандай өткөрүүгөаракет кылайлы !
Дин душмандарынын бири ойлонуп олтуруп,
Мусулмандар өнүгүп бара жатат кантип жок кылсак болот деп,
аңдып мусулмандардын бир мамлекетине келет. Кеч кирип түнөгөнгө гостиница таап үч күн жашайт .
Үч күндөн кийин акчасын төлөйүн деп
ээсине барса гостиницанын ээси мусулман экен айтат:
– Сен бизде үч күн конок болупсуң.
Биздин динде үч күн конокту бекер сыйлайт акчаңды албайбыз деп чыгарып коёт.
Жанагы киши мусулмандарды базарда уят кылса болот деп базарга барып,
Топу сатып алмакчы болуп
Сатуучуга кайрылып 10 шт топу берүүсүн суйрайт . Сатуучу айтат:
Эх ! Сен менден эмес тээтиги кошунамдан алгын, мен бүгүн жакшы эле пайда таптым,
ал да пайда көрсүн деп сатпай коёт..
Ошондо жанагы дин душманы аң-таң болуп
чыныгы дин Ислам дини экен деп
Ыйман келтирип мусулман болот.
Куран Хадис кандай улуу нерсе !
Аны үйрөнсөңүз, балдарыңызга үйрөтсөңүз
жашоодо амал кылсаңыз бактылуу адам болосузго..
Дүйнөлүк илимде, чет жердеги менмин деген университеттер бириси дагы ата-энени кантип сыйлоо керек, каарыса эмне кылуу керек
аны айтып бере албайт !
Бирок ошону да дин үйрөтүп жатат !
Куранды үй-бүлөөбүзгө ,
балдарыбызга үйрөтөйлү,
өзүбүз амал кылайлы,
Ошондо Бактылуу болобуз !
(кайталоо, эскертүүлөр)…

Али Оши~

“БАКТЫЛУУЛУК ФОРМУЛАСЫ”

Запись Куран жана бала тарбиясы впервые появилась Formula.KG.

Твитте Жакты Бөлүш Бөлүш

Запись Эмне үчүн ай көрөбүз? впервые появилась Formula.KG.

Твитте Жакты Бөлүш Бөлүш

🏻«Аллах деген – ал жалгыз: андан башка кудай жок.

Ал тирүү жана ойгоо: аны үргүлөө да, уйку да албайт. Жер жана асмандагылардын бардыгы Аныкы…» (Бакара: 255)

Ушул учу-кыйырсыз ааламда адамдын акылын айран-таң калтырган бир тартип жана шайкештиктин бар экени айдан ачык. Бул мыйзам менен шайкештик ушундай кынтыксыз болгону үчүн, аалам жаралгандан бери такыр бузулбастан, кылдат жана аяр эсептердин түбөлүк тең-салмактыгы ичинде жашап келет.
Эгер Жер шарынын орбитасында 23.5 градус ийкемдик (ийрилик) болбогондо, төрт мезгил пайда болбойт эле: жай болгон жер түбөлүк жай бойдон; кыш болгон жер түбөлүк кыш бойдон калмак. Же болбосо күн менен жер шарынын ортосундагы аралык бир аз көбүрөөк болгондо, жер бетин толук муз каптап калмак.
Тескерисинче, азыркыдан бир аз жакын болгондо, бардык нерсе куурулуп күйүп кетмек.
Ушул жана ушул сыяктуу нерселер бардык асман телолору жашоону камсыз кыла турган түрдө программаланганын далилдейт. Мындай кынтыксыз, абдан кылдат жана бири-бири менен тыгыз байланышкан эсептер менен жаралган аалам механизми Жараткан Аллах Тааланын бар жана бир экенине жана кудурети менен улуулугуна далил болот.

Аятта мындай деп айтылат:

«Ал асмандарды көтөрүп, бир чен-өлчөм (теңсалмактык) койду.» (Рахман: 7)

«Ал асмандарды жети кабат кылып жараткан. Рахмандын (Мээрмандын) бул жаратканынан эч кандай ыраатсыздык көрө албайсың. Көзүңдү кайрадан асманга бурчу, кандайдыр жараканы көрөр бекенсиң?» «Бир ыраатсыздык табуу үчүн көзүңдү кайра-кайра асманга бур, көздөрүң издегенин таба албай, ордуна талып кайтат.» (Мyлк: 3-4)

✏Шотландиянын атактуу философторунун бири Бюти баласына ааламдын кокусунан жаралбай турганын, ал бир гана Аллах Таала тарабынан жаралганын төмөнкүчө далилдеген экен:
Бакчасында казылган топурактын бир четине уулунун ысымын сөөмөйү менен жазат. Бул сызыктардын ичине бир чөптүн үрөнүн сээп, көөмп коёт. Белгилүү убакыт өткөндөн кийин уулу атасына чуркап келип, толкундана мындай дейт:
– Атаке, бакчанын бир бурчунда менин атым чөп менен жазылып калыптыр! Атасы көңүлдөнбөгөндөй түр көрсөтүп:
– Жөн эле кокусунан жазылып калса керек да, – дейт.
Баласы ага каршы чыгып, мунун сөзсүз түрдө бирөө тарабынан жасалганын айтат:
– Атаке, менин атым өзүнөн өзү эле чөп менен жазылышы мyмкyн эмес да?..
Менин атымды чөптөр дагы, топурак дагы билбейт.Муну менин атымды билген эле бирөө кылган…
Атасы дароо темирди кызуусунда чабат:
– Болуптур, сен ысымыңдын бакчада өзүнөн өзү жазылбай турганын айтыбатасың, андай болсо, андан да үстөм жана чебер жаралган денеңдин, же бул ааламдын кокусунан пайда болгонуна кантип ишенибатасың?
Мынчалык жөнөкөй жана оңой иш дагы кокусунан болбосо, анда өтө эле чоң жана укмуштай сонун жаралган адамдар, айбанаттар жана аалам кантип өзүнөн өзү пайда болот?
Булардын бардыгынын бир жаратуучусу болушу керек да?
Чындыкты түшүнгөн философтун уулу кечирим сурап:
– Атаке, сизге чоң ыракмат. Анткени бул мисал менен дүйнөдө эң кичинекей нерсенин дагы өзүнөн өзү болбой тургандыгын түшүндүм.Эми бардык нерсени жараткан Улук Жаратуучунун бар экенине мен да ишенем.
Азирети Мавляна Аллах Таала тууралуу терең ой жүгүртүүнү сунуштап, кайдыгер адамдарды ойгонууга чакырат:
«Тегирмен ташынын айланганын көрүп турганыңдан кийин жакшылап карап, ал ташты айландырган сууну да көр!
Абадан топуракты, чаңды көрсөң, аларды асманга учурган шамалды да көр!
Мобул сарайларды, чоң-чоң имараттарды салган бирөөнүн болгону акылга сыйымдуубу, же болбогонубу?
Жазууну жазган жазуучунун болгону акылга сыярлыкпы, же ал жазуучусуз жазылды дейсиңби?
Эх, адамдар! Бул ааламдан өзүнөн өзү пайда болгон бир нерсени көрсөтө аласыңарбы?»
Акындардын бири бул боюнча мындай дейт: Жаралган болсо бул аалам өзүнөн өзү,
Салынат эле бул там да өзүнөн өзү!
Чатырдан чыккан морлоруң айтууда сага:
От болбой түтүн чыгабы өзүнөн өзү?
Турбаса бир күч башкарып, бул ааламды,
Айланат беле жаңылбай өзүнөн өзү?
Кылбаса эмгек дыйкандар, кызыл буудай,
Бөлүнөт бекен самандан өзүнөн өзү?
Суусаса жерде топурак, асманда булут,
Төгүлөт бекен билгендей өзүнөн өзү?
Көрбөдүм десең парда артын, бул жалганың,
Oзүңө жылан болот го өзүнөн өзү!

Табияты бузулбаган ар бир жан ааламдагы себептер чынжырын аң-сезимдүү түрдө байкап, бул себептер Жараткан Аллах Тааланы билдирерин түшүнүп, ага ыйман келтирет. Бирок шайтан мындан адам акыл-эсин жаңылтыш үчүн бардык жерге ар түркүн тузакта курган. Көптөгөн кайдыгер адамдар түшкөн бул тузакка түшпөш үчүн Мавляна мындай дейт: «Сен ыйманыңдан шайтанга азгырылба. Ал өтө шумпай ууруга окшоп, түнкүсүн эшигиңди кагат.

Сен болсо колуңа чырак алып, эшикти каккан ким экен деп чыгасың жана ширеңке чагып, чыракты жандырайын дегенде, ал отту өчүрүп салат. Караңгылыктан аны көрө албай: «Биликте май түгөнүп калган турбайбы…» – дейсиң. Ошентип чырагыңды өчүргөн ууру сага белгисиз бойдон калат да, сен андан бейкапар болуп каласың…

Шайтан кайдыгерлик караңгылыгында сенин дилиңдеги «ыйман чырагын» дал ушинтип өчүргөнгө умтулат жана ошону менен сени Аллага кайдыгер калтырып, «жан-дүйнө казынаңдан» бүткүл байлыкты уурдап, натыйжада, сени акыретке куржалак жөнөткүсү келет.
Ага кайдыгер карап, анчейин маани бербесең, көзүң менен көңүлүң жаралган нерселерди да, аларды жаратканды да байкабай калат!».

Дагы бир мисал катары айбанаттын бир түрүн алалы: бул түрдөн тараган жана тарай турган – бардык жаныбарларды жер бетине бир убакта жаратканда, бул дүйнө бир гана ошол түргө кирген жаныбарларга тардык кылгандай эле, андагы азыктар дагы аларга жетмек эмес.

Бирок Жараткан бул нерсенин да алдын алып, бардык жан-жаныбарларды мезгилге жана мейкиндикке көз каранды кылып жараткан. Ошондуктан Жер шары демейдеги сыйымдуулуктан триллиондогон эсе көбүрөөгүн батырууда. Тактап айтсак, жанжаныбарлардын дүйнөдө орун алышы дагы бир тең салмактыкка баш ийет.
Мисалы, теректен жылыга миллиондогон уруктар пайда болот. Бул уруктар парашют сымал бубактары менен шамалга учуп, туш тарапка жайылат.

Булардын ар биринен терек өсyп чыкканда, Жер шары терекке толуп кетмек. Башкача айтканда, кең дүйнө дарактын бир эле түрүнө тардык кылмак. Калган бардык нерселерди бул мисал менен салыштырып карасак, бул ааламда акыл оңой-олтоң жете бербеген теңсалмактыкты көрөбүз. Мындан тышкары, Жараткан Алла Таала жандууларга ушундай өзгөчөлүк бергендиктен, бирдей эле азыктарды жегендер дагы ар түркүн нерселерди пайда кылып, жашоону толуктоодо.

Мисалы, тыттын жашыл жалбырагын уй, же кой жесе, андан эт, сүт жана жүн пайда болот. Ал эми жибек курту ошол эле жалбыракты жеп, жибек буласын пайда кылат.Ошол эле жалбыракты марал жесе, андан жыпар жыт жасалат.Ааламда эң кынтыксыз болгон адам баласы аарынын гүл чаңчаларынан жасаган балындай бал жасай албайт. Жөнөкөй эле чөптүн түрүнө кирген ар түркүн гүлдөн чыккан түстөр, жыттар жана жалбырактарды эч бир химик жасай албайт. Мал чөптү этке жана сүткө айлантса, химия лабораториясында тонналаган чөптөн бир грамм эт, же сүттү пайда кылуу адам баласынын колунан келбейт.

Тунук акыл-эске ээ болгон киши кайсыл жакка гана карабасын, Жараткандын бар экендигине күбө болот. Пайгамбарларды жөнөтүү, алардын тили, илими жана адеп-ахлагы аркылуу адамзаттын кемчилигин толуктоо сыяктуу көрүнүштөр – Аллах Тааланын мээриминин далили. Бир жагынан адамзатка миңдеген пайдаларды алпкелген илимдердин натыйжасы, экинчи жагынан Аллах Тааланын бар экенин адамзаттын алсыздыгын сездирүү менен өзүнүн кулчулук ордун билүүгө өбөлгө болууда.

Адам баласы өзүнө жана ааламга баам салып караганда, көрүнгөн Улуу Кудуреттин алдында ыйман келтирбөө кандай гана күлкү келтирерлик экенин дароо аңдайт.

Албетте, бул чексиз ааламдын өзү– Жараткан Алланын бардыгынан жана анын улуулугунан бир белги, адам баласына жогорку бир ыйман нуру…..

 

Запись САГА ДАГЫ КАНДАЙ ДАЛИЛ КЕРЕК АЛЛАХТАН ЖҮЗ БУРГУДАЙ?! впервые появилась Formula.KG.

Твитте Жакты Бөлүш Бөлүш

Запись “Шаги в устойчивое будущее” впервые появилась Formula.KG.

Твитте Жакты Бөлүш Бөлүш

Запись Алланын астындагы сурактын катаалдыгы / Устаз Абдишукур Нарматов впервые появилась Formula.KG.

Твитте Жакты Бөлүш Бөлүш

Запись Сабак: “Шайтандын кылыктары” Осмон уулу Максат впервые появилась Formula.KG.

Твитте Жакты Бөлүш Бөлүш

🔊 ЖАРЫЯ! 🔊

«ФАДИЛЯ» кыз-келиндерге араб тилин үйрөтүү курсу апрель айында айына  жаңы группага кабыл алууну баштайт!

Сабактар WhatsАpp аркылуу (сүрөт, видео, аудио түрүндө) өтүлөт:

1) Тамгаларды туура жана сулуу жазганды;
2) Курани Каримди тажвид менен окуганды үйрөтөбүз.

Сабактарга жазылуу үчүн:
☎ номерине +79630519579
WhatsApp аркылуу кайрылыңыздар.

💰 Курска катталуу акысы 250 сом. Андан кийинки айларга акысыз
окутулат.

Катталуу үчүн төмөнкү маалыматтарды толук жибериңиз:
✍Атыңызды?;
✍Жашыңызды?
✍Жашаган жериңизди?

Эскертүү!
10 апрельге чейин катталгандар гана сабактарга катыша алат!

Запись 🔊 ЖАРЫЯ! впервые появилась Formula.KG.

Твитте Жакты Бөлүш Бөлүш

Запись “Телефон менен алексиң” впервые появилась Formula.KG.

Твитте Жакты Бөлүш Бөлүш

Ар бир ишти өз-өзүнчө аткарыңыз. Эч качан, эки ишке бирдей киришпеңиз, эгер экөөсүн бирдей баштасаңыз, кайсынысын биринчи бүтүрөрүңүздү билбей кыжаалат болосуз. Ошондуктан биринчисин толук бүтүрүп, андан соң экинчисине өткөнүңүз оң.

Залымдыктын акыры кырсыкка же кыйроого кабылтат. Ошондуктан күнөө кылып өзүңүзгө-өзүңүз залымдык кылбаңыз. Адамдарга колуңуз менен да,тилиңиз менен да ыза бербеңиз. Сизден зулум көргөн адам, сиздин зыяныңызга дуба кылса, анда кантип тынч уктай аласыз!? Адамдардын жүрөгүн жаралап, көз жашын агызып, анан кантип кенен-кесир өмүр сүрөсүз!?

Эч качан ачууланбаңыз, ачууланган кезде адам өзүн жоготот, акылы менен эмес, ачуусу менен чечим чыгарып калат. Ачуу менен чыгарылган чечимдин аягы кайгылуу, акыбети өкүнүчтүү болот.

Жумушуңуз же байлыгыңыз сизди балдарыңыздан алыстатып койбосун. Анткени, балдарга туура тарбия берүү чоң вазыйпа, балдарыңыздын такыба болуп өсүүсү, тентек эмес, элпек болуп чоңоюусунун өзү эле баа жеткис байлык.

Эгер кырсыкка кабылсаңыз, колуңузда эмне калганын жана эмнени жоготконуңузду карап көрүңүз. Ошондо, бул кырсык сизге зыянын тийгизбегенин сезесиз, өзүңүздү дагы эле жакшылыктын кучагында экендигиңизди байкайсыз. Сизге кубаныч тартуулоочу көп нерсе бар экенин көрөсүз. Сиздин колуңузда калган нерселер, жоготкон нерсеңизге караганда бир канча эсе көбөйөрү бышык. Мисалы, унаа кырсыгына учурап колу сынган адам, башынын аман калганына кубанып, шүгүр кылары турган кеп.

Сизге жамандык кылган адамдарды кечире билиңиз. Кечирип эле койбостон, ал үчүн истигфар айтып, кечирим тилеңиз. Сиз адамдарды кечирсеңиз, сизди Жараткан Алла кечирет. Эгер адамдарга жумшак мамиле кылсаңыз, Алла Таала да сизге мээримин төгөт, күнөөлөрүңүздү өчүрөт.

Дайыма бактылуулук жана кубаныч жөнүндө сүйлөңүз, ошондо аны табасыз. Кайгы-капа, кыйынчылык жөнүндө ооз ачпаңыз, антпесе жамандык артыңыздан ээрчип алат.

Убакытты  кадырлай билиңиз, аны ибадатсыз өткөрүп алуудан коркуңуз. Жоголгон байлыкты тапсаңыз болот, бирок өткөн убакытты артка кайтара албайсыз. Убактыңызды пайдалуу нерселер менен гана өткөрүңүз…

Канчалык чоң күнөө кылсаңыз да, Алланын мээриминен үмүт үзбөңүз. Анткени Алла Тааланын мээрими сиздин күнөөңүзгө караганда чексиз. Алла Тааланын кечирими, сиздин катаңыздан кененирээк. Тообо кылыңыз, кечирим тилеңиз, Алла Таала- Мээримдүү, Ырайымдуу, Кечиримдүү.

Абдишүкүр ажы Нарматов.

Запись “Абдишүкүр ажыдан сизге насаат…” впервые появилась Formula.KG.

Твитте Жакты Бөлүш Бөлүш

Али (разияллоху анху) айткан:

Сага Исламдан ашкан байлык жок.
Ибадаттан өтөөр кызмат жок.
Өлүмдөн өтөөр үлгү жок.
Жылаңач төрөлгөмүн, кетем кайра,
Жылаңач төрөлгөмүн, кетем кайра,
Ошол бойдон, даңкыңдан эмне пайда!
Өткөн өмүр өттү го, бороон болуп,
Басынттым өзүмдү ага берип толук.
Кайда мүнөз жашоого кошо келген?
Кандай жерге үрөндү эктим экен?
Эмнени эксем – ошону оруп алам,
Эмнени орсом – ошого канаат кылам!
Жаштык өттү, карганча жашадым мен,
Айткан сөзгө мен өзүм жооп берем.
Жатпагын, тообо кылгын Раббиңе,
Күнү-түнү күнөөмдү кеч деп тиле.
Жылан, чаян, курттар денемди жечү,
Дүйнө кууп не семирттим мынча эми…

Бир адам чогулгандардан сурап калды:
– Таң калыштуу жана андан да таң калыштуураак нерсе эмне экенин ким айтып берет?
Адамдар бири-бирин карап ойлонуп калышат.
Ошондо Али (Аллах андан ыраазы болсун) ага карап:

– Таң калыштуу нерсе – бул, дүнүйө.
Ал эми дүнүйөгө берилүү – андан да таң калыштуу – деп жооп берди.

Запись Таң калыштуу нерсе – бул, дүнүйө. Ал эми дүнүйөгө берилүү – андан да таң калыштуу впервые появилась Formula.KG.

Твитте Жакты Бөлүш Бөлүш

Запись Куран окуганды үйрөнөбүз (колдонмо китеби) впервые появилась Formula.KG.

Твитте Жакты Бөлүш Бөлүш

 

Саид мырза сиздердин мекеменин быйылкы 2017-жылга кандай пландарыӊыз бар?

— Эӊ биринчи жумуштарыбыз ийгиликтүү болуп жатканы үчүн Жаратканга шүгүрчүлүк келтиребиз. Буга чейинки кылып келген иштерибиз жемиштүү болуп, өздөрүнүн жакшы натыйжаларын көрсөтүп келе жатат. Мамлекет тарабынан да, эл тарабынан да бизге болгон ыраазычылыктар бизге дем-күч берип дагы да Кыргызстандын калкынын жашоосу жакшырышы үчүн жигердүү эмгек кылууну көздөп жатабыз. Быйыл 2017-жылы билим берүү жана саламаттыкты сактоо тармагына көбүрөөк көӊүл буруп, ушул эки тармакта көбүрөөк иш алып баралы деп белди бекем бууп ишке кириштик. Элге пайда келтирген курулуштарды жүргүзүүгө белсенип турабыз. Быйыл 5 мектептин курулуш ишин баштадык.  Ат-Башыда жаӊы мектеп курулуп башталат, Ысык-Ата районунун Кеӊ-Булуӊ айыл өкмөтүндө мектептин курулушу башталып дубалы тургузулууда. Ноокат районунун Кайрагач айылында да мектептин курулуш иштери башталды. Ошол эле учурда Кызыл-Кыя шаарында заманбап, бардык талаптары менен 2 кабаттуу мектеп курууну пландап жатабыз. Мындан сырткары Бишкек шаарында дагы чоӊ билим берүү комплекси пландалууда. Бизде мектеп куруп бергиле деген талаптар көп, аларга демөөрчүлөрдү издөө менен алекпиз. Жакынкы аралыкта 20дай мектеп куруп берели деп аракеттенип жатабыз.

Кандай жагдайда жардам көрсөтөсүздөр, же ар бир кайрылуучуга жардам бере бересиздерби?

— Бизге ар кандай кызматтагы адамдар келет. Зарыл болгон жерлерди тандап алабыз. Мисалы Кеӊ-Булуӊ менен Чолпон айылынын ортосунда чоӊ Чүй каналы бар, окуучулар эки көпүрөдөн өтүп анан мектепке барышат. Сууга түшүп кеткен учурлар да көп катталган. Чоӊ жолдо тротуар жок, унаа жок, болсо деле батпай калышат. Жооптуу маршрут уюштурулса деле жетишпей калышат. Ысыкта, суукта, жамгырда, шамалда кыйынчылык менен мектепке катташат. Алар өздөрү билим алуу үчүн мектепке барышат. Ошондой балдарды карап муктаж жерлерди тандап алабыз. Кээ бир айылдарда мектеп алыс болуп 5-6 чакырым жөө барып окушат. Ошолорго карап чыныгы муктаждарды тандап алып эртеӊки келечек үчүн, кайсы бир элдин келечегин көргүӊ келсе анын жаштарына кара, — деп улуу бир даанышман айткандай, биз азыр жаштарыбыздын туура билим алуусу үчүн керектүү шарттарды түзүп беришибиз керек.

Медицина тармагына кандай жардамдарды көрүүдөсүздөр?

— Биздин мекеменин жакшы бир урааны бар. “Адамдын жан дүйнөсүнө, акылына жана ден соолугуна көӊүл бурабыз” деген. Мунун жан дүйнөсү — мечиттерди курганбыз. Акылы илим-билими мектептерди, окуучуларды жана студенттерди колдоо. Ал эми ден соолугу катары атайын тез жардам унаасын берип баштадык. Үч нерсе чыӊ болгондо адам толук кандуу өнүккөн инсан болот. Адамдардын ден соолугуна көӊүл буруу үчүн ФАПтарды, клиникаларды куралы деп атабыз. Шаардын чет жактарына жаӊы конуштар көп курулбадыбы. Миӊдеген адамдар жашайт, бирок аларда клиника жок шаарга катташат. Кокус тезинен жардам көрсөтүүчү учур болуп калса ал адамды шаарга жеткирүү үчүн кызматтар керек болот. Чет өлкөдөн келген конокторубуз менен Карл Маркс айылына иш сапарыбыз менен бара жатканда жолдо тез жардам унаасынын бузулуп турганын көрүп конокторубуз да кейишти. Анын ичиндеги адам өлүм менен күрөшүп жаткан болсо кандай болот?- деп ойлонушту. Ошондо 1 миллион сомдон ашык каражатка заманбап техникалары менен тез жардам автоунаасын сатып алып бердик. Буюрса дагы алалы деп турабыз. Тез жардам унаасынан 3-4тү алып муктаждарга беребиз. Кээ бир алыскы айылдарда адам ооруп комага түшүп калса, анын өмүрүн сактап калуу үчүн ооруканага кыймылдатпай, жасалма дем алдырып жеткирүү үчүн заманбап тез жардам унаасы керек болот. Бул азыркы учурда эӊ орчундуу маселе. Андан сырткары профилактикага көп басым жасайбыз. Адамдар ооруганга чейин алардын ден соолугуна кам көрүү максатында ооруканаларды оӊдоп-түзөп, ооруканаларды куруп берели деп турабыз.

Кыргыздын боз үйүн Араб өлкөлөрүнө тигип жакшы саамалык баштадыӊыздар?..

— Бизде ушундай бир жакшы ниеттерибиз бар. Кыргыз-араб ортосундагы маданиятты бекемдөө максатында, КРнын Президенти Алмазбек Шаршенович Атамбаев Араб өлкөлөрүнө жасаган иш сапарынын негизинде биздин өлкөдө араб өлкөлөрүнүн элчиликтери ачылып алардын ишмердүүлүгүндөгү чоӊ иштер ишке ашып жатат. Негизи 22 араб мамлекети бар, 300 миллиондон ашык калк жашайт. Туристтер, саякатчылары көп. Мусулман мамлекеттерине, тоого, абасы, суусу таза жерге барганды жактырышат. Аларды кыргыз маданиятын таанытууда, Кыргызстанга тартуу максатында кыргыз боз үйүн Доха шаарына өтө бир сый урматка татыган таанымал инсандын өргөөсүнө тиккенбиз. Ал атактуу инсан өзүнүн дос-жарларын, жакындарын ал боз үйгө конок тосуу ниетин билдирген. Бир нече айдан бери анын короосунда тигилип турат. Андан сырткары Джидда шаарында Яхья Хасан  Филаали деген коомдук ишмердин короосуна дагы бир боз үй тигилди. Арабдарда да көчмөн маданияты бар. Алар дагы чатырды көп колдонушат. Кумдуу чөлдө шамал болуп турат эмеспи. Боз үй аларга абдан ыӊгайлуу, себеби бардык жагы жабылып турат жана боз үйдүн өзгөчө жасалгалары-ууктары, керегелери, түндүгүн ачканда асмандын көрүнүшү, боз үйдүн ичиндеги атмосфера адамга жагымдуу келет, сырттан ысыктан боз үйгө киргенде боз үйдүн ичи салкын болот. Арабдарга биздин боз үй таӊ калычтуу, эксклюзивдүү нерсе көрүнүп жатат. Бул буюрса башталышы, дагы да масштабдуу нерселерди жасайбыз.

Төлөбүбү Касмалиева, bagyt.kg

Запись Саид Баюми: Жакында жыйырмадай мектеп куруп беребиз впервые появилась Formula.KG.

Твитте Жакты Бөлүш Бөлүш

Запись Таштан эстелик жасап иштейм, тапканым адалбы? впервые появилась Formula.KG.

Твитте Жакты Бөлүш Бөлүш

Жан берээр кезде: “Лаа илааха иллаллох, Мухаммадур расууллуллох” келмесин айта албай көз жумуу кандай өкүнүчтүү.

Кыямат күнүндө Алла Таала:

“О, пендем! Мага жолугар кыямат күнүнө кош көңүл мамиле жасадыңбы? – деп айтуусу кандай өкүнүчтүү.

Курани Карим окулбай текчелерде, сандыктарда сакталуусу кандай өкүнүчтүү.

Артистер жөнүндө төрт беш саат сүйлөшүп, Алланын кудурети жөнүндө беш мүнөт да сүйлөшө албагандыгыбыз кандай өкүнүчтүү.

Көптөгөн ырларды жаттап бирок, Курандан бир сүрө жаттабай жүргөнүбүз кандай өкүнүчтүү.

Жаштар батышты туурап, өзүнүн пайгамбарына ээрчигенди унутуп калганы кандай өкүнүчтүү.

Кыямат күнү Пайгамбар (соллалоху алайхи васаллам) бизге:

“Сухкон, сухкон (Алланын мээриминен алыс болгула)” деп айтуусу кандай өкүнүчтүү.

Кыямат күнү, таразанын бир тарабына соопторум, экинчи тарабына күнөөлөрүм коюлуп, күнөөлөрүм коюлган тарабы оор болуп калуусу кандай өкүнүчтүү.

Экзамен бүтүп, жооп жазылган барагым алынган кезде, барагыма эч нерсе жазылбай ап-апакай бойдон калуусу кандай өкүнүчтүү. Бул жашоо – сынак, сыноо, экзамен. Кыямат болуп сооп амалдарың, жазылган китебиң берилген кезде, китебиңден бир да сооп амалды таппай калууң кандай өкүнүчтүү.

Динибизди жек көрсөткөн фильм, сериал сыяктуу телевизордон берилүүчү программаларды балдарыбызга көрсөтүп койгонубуз кандай өкүнүчтүү.

Кайсы бир артист же футболистти кумир тутуп, бирок өзүңдүн пайгамбарың жөнүндө эч кандай маалымат билбей жүрүү кандай өкүнүчтүү.

Дин душмандары мусулман аялдарды алдап, “эркиндик, азаттык ” деген ураандын астында, аларды денесин ачып кийинүүгө үгүттөгөнү жана өз динин өзүнө жек көрсөткөнү кандай өкүнүчтүү.

Пайгамбарыбыз Мухаммад (соллалоху алайхи васаллам)дын сүннөттөрү унутулуп калгандыгы кандай өкүнүчтүү.

Алла Таалага ибадат кылынбай жаткан үйлөрдө, динден алыстагандыгынын себебинен, талаш-тартыш жана чыр-чатактын чыгуусу кандай өкүнүчтүү.

Убактымды текке кетирип, жаратылышымдан негизги максат “Ибадат” кылууну унутуп калганым кандай өкүнүчтүү.

Жашоодогу эң чоң максатыбыз:

“Алла Тааланын ыраазылыгына жетүү жана бейишке кирүү” болбой калгандыгы кандай өкүнүчтүү.

Диниме, элиме жана мекениме болгон сүйүү, кан тамырда кошо айланбай жаткандыгы кандай өкүнүчтүү.

Пара алуу, сүт кордук кылуу, зына ишке баруу, бирөөнүн байлыгын арам жол менен тартып алуу жана башка арам иштердин мусулмандардын арасына кенен жайылып кеткендиги кандай өкүнүчтүү.

Үй бүлөңдүн, досторуңдун Алла Таалага ибадат кылбай жүргөнүн көрүп, аларга акыл – насаат айталбай жүргөнүң кандай өкүнүчтүү.

Ата-эненин бирөөсү, сага ачуусу келген абалда көз жумуусу кандай өкүнүчтүү.

Алладан корккон такыба адамдар бейишке кирип, жалгыз сенин алардын катарына кошула албай калууң кандай өкүнүчтүү.

Динин бекем кармап жашаган адамдардын чоочун болуп көрүнүп калгандыгы кандай өкүнүчтүү.

Аллахым күнөөлөрүбүздү кечирип, эки дүйнөдө тең бактылуулардын катарына кош!

Абдишүкүр Нарматов

Запись Өкүнүчтүү впервые появилась Formula.KG.

Твитте Жакты Бөлүш Бөлүш

🏻Бул дүйнө жашоосун мен үчүн эч түгөнбөгөн кызыктарга бай,жашоого бир келгенден кийин оюн -күлкү менен жыргап өткөзүү,бир жараласың баарын көрүп калыш керек деп жеңил ойлогон жаш жигит болчуумун.
Ал күнү жума күнү эле,досторум менен деңиз жээгинде олтурчуубуз. Бир кезде “Хайя алас солаах,хайя алал фалаах! “-деген үндү угуп калдым. Жашоомдун ушул күнүнө чейин канча жолу азан үнүн уккан болсом да,бир жолу болсо да “хайя алал солаах “сөзүнүн маанисине көңүл бурган эмес экенмин. Шайтан жүрөгүмдү ушунчалык караңгылыкка бөлөп салган экен,азан сөздөрү мен түшүнбөй турган сөздөргө айланган экен. Айланабыздагы адамдар жайнамаздарын даярдап ,намаз окууга камданып жатышты. Биз болсо сууга түшүү үчүн керектүү буюумдарды,аба кислотасын жеткизе турган асбаптарды даярдоо менен обара болдук.
Акыры деңизге түшүү үчүн атайын кийимдерди кийип ,деңизге түштүк. Жээктен анча узактап,деңиз ортосуна барып калдык. Ар кимибиз ар тарапка бөлүнүп сайкаттай баштадык. Баары жайында, мына кандай гана кооздук,жер бети өзүнчө дүйнө болсо,деңиз ичи да өзүнчө бир укмуш ажайып дүйнө!
Күтүлбөгөндө оозго суу кирүүсүн тосуп турган,түтүкчө аркылуу аба кислотасын алыш артымдагы резина каучугу аба алып жаткан учурумда жарылып кетти. Шор суу тамчылары агып дем ала турган жолун бекитип салды. Өлүшүмдүн жакындаганын сезе баштадым,мага аба! Аба гана керек эле! Кыжалатка түшө баштадым,деңиз караңгы жана тыптынч эле. А досторум менден анча алыста болчуу,чындыгында абал өтө оор экенин аңдай баштадым. Мен өлүп жатам,шум ажалдын айтпай келгенин карачы,абалым оорлошуп жатты. Шор суу ооз мурдумдан кирип кыйнала баштадым.

Жашоомдун ар бир өткөн тасмасы көз алдымдан өтө баштады,биринчи эле эсимди жоготкондо өзүмдү канчалык күчсүз,канчалык алсыз жан экенимди сезе баштадым. Аллах Таала бир нече тамчы шор сууга эрк бериши менен,мага Өзүнүн канчалык күчтүү Жаббар Зат экенин көрөстүп койду.

Аллахтан башка эч ким жардам бербесин,сактай турган Ал гана экенинине чын ыкластан ишенимдин. Тезинен аракет кылып суудан чыгууга урунуп көрдүм,бирок мен өтө терең чуңкурда элем. Менин өлүмдөн башка көйгөйүм жок болчуу,эми Аллах менен кандай жолугам деген ойлор менен алышып жаттым. Менден кылган амалдарым тууралуу сураган учурда эмне деп жооп берем?! Мейли аларды эсепке албай турайын, бирок намазымчы? Аны да окубай таштап койгонмун?! Шахаадат келмелерин эстедим ,өмүрүмдүн акыркы минут -секунттары эч болбосо аягы ушул келме менен бүтүшүн кааладым. Эми гана “Ашх”-дегеним менен тамагым буула баштады,кандайдыр көрүнбөгөн кол менен бирөө моюнумду бууп,сүйлөштөн тосуп жаткандай туйулду. Бар күчүм менен аракет кылдым: “Ашх…ашх…ашх.. “бирок ушу үч тамгадан ары өтө албадым. Жүрөгүм менен чыркырап,бакыра баштадым:

“Роббым! Мени кайтар. Роббым, мени кайтар! Бир мүнөткө болсо да,бир көз ирмемге болсо да кайтар көр! Бирок эххх! Эч нерсени сезбей өзүмдү жогото баштадым. Айланамды караңгылык,коркунуч каптап калган эле. Бирок бүт ааламдын Роббиси болгон Аллах рахматы өтө кең Мээрими чексиз Заттыр.

Күтүлбөгөндө өпкөмө кайра дем кире баштады. Көз алдымда бир киши аба түтүкчөсүн тутуп турганын көрдүм. Биз деңиздин ортосундабыз, ал киши менин жашап калышым үчүн аябай аракет кылып жатты. Анын жүзүндөгү жылуу жылмайусун көрүп,эми түшүнө баштадым акыбалым жакшыланып жатканын. Чын ыклас менен жүрөгүм,тилим,жаным менен:

“Ашхаду ал ла илааха иллАллах,Ашхаду анна Мухаммадан Расулуллох!”- Алахка чексиз шүкүрлөр болсун деп жаттым. Суудан Аллахтын ырайымы,кечирими менен эсен -аман чыкканымда,мен башка бир инсанга айланган элем. Жашоого болгон көз карашым өзгөрө баштады. Күндөр өткөн сайын мен Аллахка дагы да жакын боло баштадым. Жашоомдо канчалык бактылуу,жан дүйнөм тынч,өзүнчө ыракат алып жашап жатканымдын сырын аңдадым. Аллах Тааланын: ” Силер ибадат кылуу үчүн жаратылгансыңар “деген сөзүн эстедим. Кандайгана чындык хак сөздөр! Биз жөндөн -жөн жарытылбаганбыз!

Күндөр өтүп ошо болуп өткөн окуяны эстеп ,деңизге бардым. Атайын деңизге түшүү үчүн кийиле турган кийимдерди кийип,сууга түштүм. Бир өзүм ошо деңиз ортосунда болгон жайга бардым,ошол жерде Жаратканга сажда кылдым. Өмүрүмдө ушу сажда сыяктуу сажда кылганымды эстей албаймын. Мына ушу жайда менден мурда башка бирөө сажда кылган деп да ойлобоймун. Качандыр бир күн ушул деңиз мекени,кыямат күнү күбөлүк берсе го,деңиз ортосунда кылган саждам себептүү,Аллах Таала мага ырайым,рахматын кылып,Өзүнүн Бейишинен насип кылса эле,Аллахым дубаларымды кабыл кыл Амиин!

🏻Ушул окуя ар бирибизге сабак болсун бир тууганым! Кандай гана убакыт, саат,мүнөттөр болбосун өлүм деген шум ажал айттырбай келген учурун эсиңизге туйуп алыңыз,ал учур ар кимге эле кайтуу мүмкүнчүлүгү бериле бербейт,ал кезде аттиң деп калуучулардан болуп калбайлы! Ал сапар түбөлүк жыргалчылык же түбөлүк азапка бара турган учур болот.

Ал ачуу акыйкаттан эч ким качып кутулган эмес,сиз жашап жаткан экенсиз ар бир күнүңүздү текке кетирбей ибадат кылып калыңыз! Ал учур келгенче сизде мүмкүнчүлүк бар. Аллах Таалам баарыбызды жүрөгүбүздө ыйманыбыз,намазыбыз,кураныбыз,тилибизде келмебиз менен өтүүнү насип кылсын!

👨👩👧👦 БАКТЫЛУУЛУК ФОРМУЛАСЫ
══════════════════

Запись 💧 Деңиз түбүндө Аллага сажда кылган жигит впервые появилась Formula.KG.

Твитте Жакты Бөлүш Бөлүш

🏻Куранда Аллах Тааланын намазга тйешелүү берген буйруктары «Намаз окугула!» деп эмес, «Намазды толук окугула!» – деген мааниде айтылган. Толук окулган намаз – момунду напсиге таандык жаман арзуулардын айлампасынан куткарган, эң лаззатуу сезимдерге ээ кылган, абдан пазилеттүү ибадат. Аятта минтип айтылат:

«Намазды толук окугула! Чынында, намаз абийирсиздиктен, жамандыктан тыят. Алланын зикири, калетсиз, эң улуу. Аллах силер эмне кылып жатканыңарды билет.» (Анкабут: 45)

Намаздын жамандыктардан тыйышы намаздан мурун, намаз маалында жана намаздан кийин да уланат.Эгерде намаз окуган киши жамандыктардан тыйылбаган болсо, анда ал чыныгы намазкан эмес. Мындайлардын намазы боюнча Аллахтын Элчиси:

«Ким намаз окуп, намазы аны ачык, же көмүскө жамандыктардан тыйбаса, ал бир гана Аллахдан алыстыгын арттырат.» (Жамиул Фаваид 1,339) – дейт.

Ошондуктан намазда хушууга абдан маани бериш керек.

📌Кайдыгер окулган намаз

✏ Намаздын адеби жана эрежесинен оолак бир көңүл менен окулган жана ичине шайтан аралашкан намаз, адатта, пенденин жүзүнө урулган күнөө чүпүрөгү сыяктуу. Куранда минтип айтылат:

«Намаздарын кайдыгер окугандарга; (аны) эл көрсyү деп окугандарга жана дүнүйөсүн ийне-жибине чейин (элден) аягандарга наалат болсун.» (Мааун: 4-5)

Тафсирчилер намаздагы кайдыгерликти үч түрдө тyшyндyрyшкөн:

1. Намазды убагында окубай каза кылуу;

2. Денеси намазда болсо да, жүрөгү (ойсанаасы) башка жактарда болуу;

3.Фыкх эрежелерине көңүл бурбоо. Азирети Мавляна: «-Ыйман деген эмне? – деп акылыман сурадым. Ал жүрөгүмдүн кулагына ийилип:

– Ыйман адептен турат. – деп шыбырады. Андай болсо, адеби болбогон киши Алланын мээриминен кур калат.» – дейт.

Эң башкы адеп – бул, Аллах Таалага урмат көрсөтүү. Бул урмат көрсөтүүнүн эң жакшы жана эң күчтүү чагылышы ибадаттарда, айрыкча, намазда болушу керек. Намаздын мазмунуна, адебине жана парздарынын тигил, же мунусуна кылынган кайдыгер мамиле – шайтандын пенденин намазынан уурдаган нерсеси.Намаз окуган кишинин кайдыгерликке ыкташы шайтандын илешүүсүнө шарт түзөт.

Албетте, шайтан тарабынан начарлатылган намаз кабыл кылынбайт. Кээ бирлер исламдын кызуу кандуу талапкерлери болушканы менен намаз ибадатынын канчалык маанилyy экенин толук түшүнө албай, намаздарына ыкшоо, кайдыгер мамиле жасашат. Ал тууралуу Куранда жана пайгамбарыбыз тарабынан айтылган буйрук, осуяттарды жеңил санап, анча маани беришпейт. Намаздагы хушууну аткармак тyгyл, анын эрежесине жөндөп баш ийишпейт. Окуган намаздары – эптемей-септемей. Аллах Таала мындаи кайдыгерликтен бардыгыбызды сактасын! Бул кайдыгерлик аңгегине түшүп калгандар колундагы тоодой чоң байлыкты чыгашага учуратып, банкрот болгон адамга окшош. Анда калган нерсе – бир гана чарчапчаалыгуу. Хадисте бул тууралуу минтип айтылат:

«Канчалаган намазкандар бар, алардын намаздан алган насиби – чарчап-чалыгуу менен убарадан башка эч нерсе эмес.» (Насаи)

«Намазын зыянга учуратканына карабастан, намазын окуй берген кишинин башка кылган жакшылыктарына Аллах маани бербейт.» (Табараниии)

Мындан тышкары, намаздын негиздерин так аткарбай жана анын башка адептерин да чала-бучук орундоону Алланын Элчиси (саллаллоху алейхи васаллам) «уурулук» катары сыпаттап, мындай дейт:

«Эң жаман ууру – намаздан уурдаган киши.» (Ахмед, Хаким)

Бул уурулук шайтандын иши болгондуктан, жогорудагы хадистерде билдирилгендей, адамга чарчоодон башка эч нерсе алпкелбейт.Андыктан намаздан уурдагандар Алланын төмөнкy наалатын эстеши керек:

«Намаздарын кайдыгер окугандарга наалат болсун!» (Мауун: 4-5)

Бул аят билдиргендей, жалкоолук кылгандар намазга жакындай алышпайт, ал эми напсинин тоскоолунан өтө албагандар намазды формалдуу түрдө гана окушат, анын руханиятынан пайдалана алышпайт. Тагыраак айтканда, талап кылынган түрдө намаз окубаса, Аллахтын көзөмөлүндө экендерин унутушуп, эс-дартынын баары соодасатыкта, же башка дүнүйөлүк иштер менен алек болсо, ал эч качан намазкан болуп саналбайт. Ал окуган намаз бул дүйнөдө гана калат. Жүрөктөгү ыймандын кемтигин толуктаган намаз мындай кайдыгерлерди натыйжада куржалак калтырат. Тескерисинче, моюндарына оролгон азап сыйыртмагы, же чыныгы жүздөрүрүн көрсөткөн күзгү катары жан кыйнаган азаптын кабарчысы болот:

Чынында, эки жүздүүлөр Алланы алдайбыз дешет. Акыйкатта, Аллах аларды алдоодо. Эгер алар намазга турушса, жалкоолонуп, эл көрсүн деп гана турушат жана Алланы аз гана эстебесе, башка эстешпейт.» (Ниса: 142)

📌Намаздан оолак болгондорго

✏Олуялар намаздан оолак болгондорду эскертүү иретинде мындай дешет:

«Мал-мүлктүн, баилыктын көптүгүнөн кайдыгерликке түшүп, намазга жакындабагандар хашр күнү Карун менен кошо тирилишет. Бийлик, башчылыктан улам жакындабагандар Фараон менен кошо тирилишет. Мамлекеттик жогорку кызматтан улам жакындабагандар Хаман менен бирге тирилишет. Соода-сатык, материалдык кызыкчылык себептүү жакындабагандар паигамбарыбыздын душманы болгон Убай бин Халаф менен кошо тирилишет…»

Намаздан алыс кишилер бул дйинөлүк жашоосун берекесиз өткөрүшөт. Жүзүндө Аллах берген сулуулуктун нуру калбайт жана андаилардын кылган эч бир жакшылыгына сооп жазылбайт. Дубалары кабыл кылынбайт. Салих инсандардын сүйүүсүнөн кур калат. Эзелтен бери байкалып келе жаткандаи, «Кандай жашасаң, ошондой өлөсүң» демекчи, акыркы деми коркунучтуу натыижаланып, кыиналып жатып жан беришет. Жаткан кабыры аны кысып, ал жер тозоктун чуңкурунан бир чуңкур болот. Кыяматта да Алла Таала ага каарын төгөт. Эсеби өтө оор болуп, натыйжада, тозокко ыргытылат.

📕 Бухарйидин хадис китебине таянсак, Расулалла (саллаллоху алейхи васаллам) багымдат намазынан кийин сахабаларынан кандай тyш көргөндөрүн сурачу. Бир күнү да ошондой кылып, анан:

«Мен бир түш көрдyм, эки киши келип мени алып кетти.» – деп баштап,

андан кииин түшүндө көргөн беиишти, тозокту жана тозоктогу кишилерге берилген азапты бир-бирден айтып берет. Алардын бири башы таш менен жанчылып, азапталып жаткан киши болчу. Таш ушунчалык катуу тийгендиктен, тийгенде башы чачырап кетип, кайра ордуна келип калып жатты. Азап болсо ушинтип токтобой улана берди. Азирети Паигамбарыбыз (саллаллоху алейхи васаллам) өзүн алып келген эки кишиден:

– Бул ким? – деп сурайт.

Алар: – Бул киши Куран окуганды билсе дагы, аны окубаган жана парз намазын окубай, уктап жаткан киши, – деп жооп берет. Ибилис адам баласын башка ибадаттарга караганда намаздан көбүрөөк азгырып,

«Намазы жоктун дини жок.» (Табарании)

– деген хадис сыпаттаган кишилердин тобуна кошконго аракеттенет жана ошону менен ал адамды Алланын мээриминен алыстатууну көздөйт. Андыктан баам-парасаттуу момун-мусулмандар шайтандын бул жолдогу тузактарынан өздөрyн коргоп, тигил, же бул себептен улам окуи албаи калган намаздардын казасын шашыла окушат жана намаз үчүн эч бир аракетин аябайт. Эгер хадисте айтылган:

«Кимде-ким бир намазды унутуп калса, аны эстери менен дароо окусун, анын мындан башка каффараты жок.» (Муслим, Масажид, 314)

– деген баянга көңyл бурулбаса, карыз намаздары тоодой yйyлyп, натыйжада, пендени акыретте оор жоготууга дуушар кылат.

👨👩👧👦 БАКТЫЛУУЛУК ФОРМУЛАСЫ

══════════════════

Запись 🕌Намазга кайдыгер болбо бир тууганым! впервые появилась Formula.KG.

Твитте Жакты Бөлүш Бөлүш

Коомдун бактылуулугу үй-бүлөгө байланыштуу

Үй-бүлө бактылуу болсо коом дагы бактылуу болушат. Эгер үй-бүлөдө маселе жаралып, бакубат жашай албаса анда анын кедергиси коомго да тийип, бакубаттуулук коомдо да жоголот.

Үй деген касиеттүү нерсе. Курани Каримде Алла Таала «Нахл» сүрөөсүнүн 80-аятында: «Алла Таала силердин үйүңөргө жан үрөгөн тынчтык, жан эргиткен бейпилдик», – дейт. Алла Таала ушундай кылып жараткан. Анткени адам үйүнө барганда эс алат, өзүн кенен сезет. Ушул нерсени ар бир адам жакшы көрөт. Ал эле эмес адамдын уйкудагы жана уктабай ойгоо жүргөндөгү убактысын экиге бөлүп карай турган болсок, анда өмүрүнүн жарымы үйүндө өтөт. Демек үй-бүлөдөгү бактылуулук адамдын бактылуу болушунун негизги өзөгүн түзөт десек болот.

Алла Таала Курани Каримдин «Ахзаб» сүрөөсүнүн 33-аятында: «Аялдар үйлөрүндө олтурсун. Аялдар үйлөрүнүн куту болсун. Алгачкы доордогудай болуп, көчөгө кийимсиз чыгып албасын», – деп жазылган. Демек аялдардын өзүлөрүнүн аврат жерлерин сактоосу, абийирин сактоосу жана үй-бүлөнүн дөөлөтүн кармап туруу аялдардын үйдө олтуруусу менен болот. Демек бул дагы үй-бүлөнүн бактылуу болушунун дагы бир очогу деп айтсак жаңылышпайбыз.

Бану Назир деген жөөт урууларынын үйлөрүн өз колдору менен бузуп кеткендигин Курани Каримде баяндайт: «Алла Таала «Ахли-Китабдардан» болгон капырларды Шам жергесине чыгарды. Алар үйлөрүн өз колдору жана момундардын колдору менен бузушту. Эй акыл-эси барлар, мына ушундан үлгү алгыла». Бул пайгамбарыбыздын доорунда үйлөрүнүн бекемдиги жана бийиктиги менен мактанып келген Бану Назир урууларын үйлөрү урап калганы жана буга Жараткандын кудурети жеткендигин түшүндүрөт. Мында бир чоң ишарат бар. Эгерде бир адамдын үйү бийик болуп, үй-бүлөсү бактылуу жашап, канчалык бай болуп, бийликте отурбасын Кудай Таалага жакпай калса, анда Жараткан аны бат эле жок кылып коюусу толук мүмкүн.

Ошондой эле адамдын үй-бүлөсү бактылуу болуп турса дагы ошол бакубаттуулукту сактап калуу, ошону коргоп кийинки муунга мурас кылып өткөрүп берүү бул абдан чоң жоопкерчилик.

Алла Таала Куранда:

«Оо, ыйман келтиргендер! Отуну адамдар менен таштан болгон тозоктон өзүңөрдү жана үй-бүлө, бала-бакыраларыңарды сактагыла», – дейт.

Үйдү куруу, аны оңдоо жана тиричиликти жөнгө салуу маселеси – өзүңүздү жана үй-бүлөңүздү тозоктон сактоонун жолу. Анткени үйү бар адамдын көнүлү жай болуп, курсагы ток болот. Дайыма үйүнө токтоп көңүлү жай алып, эс алат. Эгерде адамдын үй-бүлөсү жайында эмес болсо анда ал адамдын бактысы албетте толук эмес.

Алла Тааланын элчиси пайгамбарыбыздын (саллаллаху алейхи васаллам) риваятын азирети Анас бизге айтат:

«Жараткан ар бир адамга кандай жоопкерчилик берсе ошол жоопкерчиликти сурайт, ошол үй-бүлөнү аманатка берсе үй-бүлөнү сактап кала алдыбы же аны талаалатып таратып ийдиби деген сурак сөзсүз түрдө болот. Ошондой эле үй-бүлө мүчөлөрүнүн абалын дагы жоопкер кишиден сурайт».

Башка бир хадисте,

«эгерде кайсы бир адам өзүнүн тилине ээлик кыла ала турган болсо бул адамга сүйүнчү болсун» – деп айтылат.

Демек тилине ээлик кылган адам баарына ээлик боло алат дегенди билдирет. Бул адамдар бактылуу болушат. Ошондой эле өзүнүн үйүнө өзүн батырган адамдарга сүйүнчү болсун деп да айтылат. Үйүнө батпай, кире албай калган адамдар дагы бар. Же болбосо кандайдыр бир себептер менен чайкана, кафе-ресторанда жүрүп, бирок үйүнө кире албаган кишилер дагы жок эмес. Муну менен биз үйүнө батпай, жыла чыгып калган адамдарды да бактысыз десек болот. Ал эми жумушу бүткөндө же башка иштери бүткөндө үйүнө шашып тургандар бар. Бул жубайларга тиешелүү. Жубайлардын үйгө шашып туруусу ошол үйдө бакыт бар экенинен кабар берип турат. Бирок үйдө аялым же күйөөм мени күтпөйт деп барбай койсо, балдарын сагынып аларды көрүү үчүн дагы үйгө келбей койсо бул жакшылыкка алып барбайт. Ошондой эле өзүнүн катасын билип, ошого өкүнүп ыйлаган адамга дагы сүйүнчү болсун деп Пайгамбарыбыз (саллаллаху алейхи васаллам) айтып кеткен.

Ал эми Пайгамбарыбыздын (саллаллаху алейхи васаллам) башка бир хадисинде,

«беш түрдүү адам бар. Аларга Алла Таала бейишке кирүүгө кепилдик берет. Алардын биринчиси ооруган адамдарды зыярат кылып, ал-абалын сурап барган адам» – дейт.

Демек оорулуунун акыбалын сурасаң айыккандай болуп сүйүнүп калат. Ал эми хадистин уландысында, «экинчиси бир маркум өтүп кетсе анын жаназасына туруп ээрчиген адам» – деп айтылат. Биз адатта жаназага туруп коюп эле кетип калабыз. Эгер маркумду мүрзөгө чейин коштоп барып, топурак салып, Куран окуп кайта турган болсок бул дагы бейишке кирүүбүздүн негизги себептери болуп калат. «Үчүнчүсү элдин, мекендин, жердин, диндин коопсузудугуна коркунуч жаралып жана ага каршы күрөшкө аттанган, ниети түз болгон инсанга дагы Алла Таала бейишти убадалаган. Ошондой эле Кудай жолунда адилеттүү падыша болуп, “туура бийде тууган жок, туугандуу бийде ыйман жок” – деген принципти бекем кармангандар дагы жогорудагы айтылгандардын катарына кирет. Акыркысы коомдо ызы-болуп, фитна жаралганда ал адам үйүнө кирип тынч отурат. Кишилер мындан аман болот, бул дагы кишилерден аман болот». Адам адам менен адам. “Киши болор кишинин киши менен иши бар” – деген сөз бар. Демек, адам коомчулук менен адам. Бирок кээ бир учурда коомдо ызы-чуу жаралып кетип, бир адам эшикке чыгып бир адамды эриктирбей эки адамды зериктирбей, төрт адамды бири-бири менен кайраштырганчакты үйүндө тынч олтурганы жакшы болот. Бул адамга Алла Таала бейишти убада кылган. Демек ушундай кырдаал жаралганда кирип кете турган үйү бар адам чоң бакытка ээ болгон болот.

Ар бирибиздин үй-бүлөбүздүн болгону макул нерсе. Шарты болуп, элүүгө чыгып алып деле үйлөнбөй жүрө бергендер сөзсүз үйлөнүшү керек. Үй-бүлөдөн эч кимибиз качып кутула албайбыз. Үй-бүлөнү сактоо жана ага кам көрүү биздин милдетибиз.

Пара бербестен, бара бер

Паракорлук арам. «Бакара» сүрөөсүнүн 188-аятында: «Дүнүйө-мүлктөрүңөрдү өз ара ортоңордо арам жолдор менен жебегиле! Өзүңөр арам экендигин билип туруп, адамдардын акысын арам жол менен жеш үчүн анын кээ бир бөлүгүн акимдерге пара катары бербегиле!» – десе, «Маида» сүрөөсүнүн 46-аятында жөөттөрдүн жаман кулк-мүнөзүн баяндап келип: «Жалгандарды (туура эмес күбөлүктөрдү) көп угушат, ачуу келтиргендерди (параны, арам акчаны аянбастан) көп алышат», – деп айтылат. Азирети Умар: «Ачуу келтирген нерсе – бул пара»,- деп баса белгилейт.

Азирети Саубан айтат:

«Пайгамбарыбыз (алайхис салам) пара берүүчүгө да, пара алуучуга да, экөөнүн ортосунда ортомчу болгонго да лаанат (каргыш) айтты!» (Мажмаьуз завааид 4\198, Канзул уммаал 6\57).

Азирети Анас Пайгамбарыбыз (алайхис салам) айтат:

«Ким кайсы бир ишти бүтүрүү үчүн пара алган болсо, аны менен жаннаттын ортосу тосулат!» (Канзул уммаал 6\60).

Пара эмне үчүн берилет?

1. Өкүмдарга, сотко акыйкатты кара деп, караны акыйкат деп өкүм чыгаруу үчүн пара берүү. Бул түрдөгү пара берүү шексиз арам. Далил катары жогорудагы аят-хадистерди келтирсе болот.

2. Өзү жарамсыз болгон ишке туруу үчүн, кээ бир мансаптарды сатып алуу үчүн пара берүү. Бул түрдөгү пара шексиз арам. «Ниса» сүрөөсүнүн 58-аятында мындай делет:

«Акыйкатта, Аллах Таала силерди, аманаттарды өз ээлерине жеткирүүгө буйруйт!»

3. Өзүнө таандык болгон укукту талашып, кайра өзүнө кайтарып алуу үчүн, же болбосо өзүнө келе турган зулумдукту кайтаруу үчүн берилген пара. Бул учурда пара алган күнөөкөр болуп, пара берүүчү күнөөкөр болбойт. Абу Лейс Самаркандий айтат: «Биз мына ушул фатваны карманабыз. Малы менен өзүнө келе турган зыянды, балээни кайтаруу үчүн пара берсе болот!» (Ал жаамиь ли ахкаамил кураан, Куртубий 6\183-184).

Пара берүү азыркы учурда, ансыз жашоо болбочудай көрүнүп калган убак. Пара берүүнүн жолдору да ар кандай ыкмалар менен ишке ашып келет.

1. Ачык түрдө, Кудайдын каарынан коркпой алган пара.

2. Бадарке деп жасалгалап, кичине уялымыш этип алынган пара. Белек берүү түпкүлүгүндө шарият тараптан жактырылган ийги нерсе. Пайгамбарыбыз (алайхис салам) айтат:

“Бири-бириңерге белек беришкиле! Ортоңордо бири-бириңерге махабат, жакшы көрүү пайда болот”. (Абу Яьлаа, Муснад, Абу Хурайрадан). А бирок, белек демиш болуп пара берүү шексиз – арам”.

Имам Ахмад айтат:

«Ким бийликке келип калган болсо, адамдардын белектерин албасын!..» (Мукниь 3\612).

Ибну Тиин айтат:

«Кызматкерлерге берилген белек пара болуп эсептелет, ал белекке кирбейт. Себеби, кызматы болбогондо ага белек берилбейт эле». (Умдатул каары 11\407).

Бул түрдөгү пара алуучулар да түрдүү болот. Эң негизгилерине токтолобуз:

• Имамга берилген белектер. Фыкых китепте-рибиздеги бул маселедеги «имам» сөзү чоң имамга, тагыраак айтканда, мусулмандардын падышасына, өкүмдарына айтылат. Ибн Аабидин «Хаашиясында» (5\338) айтат:

«Падышага белек алууга болбойт. Себеби өкүмдар бардык кызматкерлердин үлгүсү болууга тийиш.

Пайгамбарыбыз (алайхис салам) айтат:

«Падышаларга, амирлерге берилген белектер, олжого келген малдан уурдап алгандай эле арам өкүмүндө!» (Файзул кадиир 6\357).

Адилет падыша Азирети Умар бин Абдулазизге белек берилип, ал кабыл алуудан баш тарткан учурда, ага:

«Эмне үчүн белек алуудан баш тартасыз? Пайгамбарыбыз (алайхис салам) белек алчу эле го?» – дешет.

Кайран киши мындай деп жооп берет:

«Пайгамбарыбыздын (алайхис салам) Пайгамбар болгондугу үчүн жакындагыбыз келет. А, бизге бийликте болгондугубуз үчүн жакындагысы келишет. Экөөнүн айырмасы асман менен жердей». (Муьиинул Хуккаам 17)

Андан сырткары, Пайгамбарыбыз (алайхис салам) кимдир бирөө белек бергендиги үчүн жүрөгү ага ооп кетет деп айтууга болбойт. Ал эми биз пенделер бадарке берген адам, бакшыдай болуп турса деле, көзүбүзгө барандуу көрүнүп, итине сөөк салгыбыз келип калат эмеспи?! Туура, мурдатан алыш-бериш мамилеси болуп келген болсо, ал нерсеге тыюу салынбайт.

  • Сотторго берилген белектер. Соттор дагы адам. Адамдар менен мамилеси болот. Бирок ошол соттордун кээ бир учурларда алган белектери пара катарына эсеп болот. Мисалы: (А) Сотко иши түшүп келген адам белек берген болот. Ал адам сот менен мурдатан карым-катнашы болуп, же тууганчылыгы себебинен алыш-бериш кылып жүргөн болсо да, ушул учурда берген белеги пара болот. (Б) Ошондой эле сотко иши түшпөгөн адамдын, сотко белек берүүсү. Бул адам менен мурда-кийин алыш-бериш кылып көргөн эмес. Бул белек да пара болуп эсептелет. (В) Сот менен мурдатан алыш-бериш болуп келген. Сотко иши түшкөн жери жок. Бирок сот болуп иштей баштагандан кийин алыш-бериштин көлөмү көбөйө баштаган болот. Мына ошол ашыкчасы пара өкүмүндө каралат.
  • Муфтийге берилген белектер.

Эгер муфтийдин аалымдыгына, такыбалыгына, сүннөткө амал кылгандыгын урматтап бере турган болсо, албетте бул жакшы нерсе. А бирок дүнүйөлүк мурат-максатка жетүү үчүн, же туура эмес (өздөрүнө ылайык- туу/ред.,) фатва чыгарып берүү үчүн белек берилсе, албетте арам болот.

  • Мугалимге берилген белектер. Мугалимдин эмгегин баалап, ага белектер берилгени макул, мактоого ылайык. А бирок, жакшы баа коюп берүү үчүн берилген белектин баарысы арам, пара деп саналат.
  • Ортомчуларга белек берүү. Кайсы бир ишти бүтүрүп берүү үчүн мансаптууларга ортого түшө тургандар болот. Ошолордун ортого түшкөндүгү үчүн ала тургандарынын баары арам болот. Азирети Абу Умаама Пайгамбарыбыз (алайхис салам) айтат:
  • «Ким кайсы бир диндеш бир тууганына шапаатчы болуп, ишин бүткөрүп берсе, бүткөргөндүгү үчүн ага белек берилсе, ал аны алса, сүткордуктун эң чоң эшигинен кирген болду». (Ахмад, Абу Дауд) 3. Ачык пара бербейт, белек дагы бербейт. Бирок тиги адамдын муктаждыктарын бүтүрүп, ажатын ачып, кызматын кылып, пайдасын тийгизет. Мисалы:
  • Тиги адамга пара бербейт, бирок карыз акча берип турат. Жөн-жай кезде карыз бербейт эле, ишин бүтүргөнү үчүн карыз берип турат. Байхакийде Пайгамбарыбыз (алайхис салам) айтат: «Дүнүйө пайдасын алып келген ар бир карыз берүү – сүткордук» (Ибн Аабидин, Хашия 5\372).
  • Тиги адамга пара бербейт, бирок колдонуп турганга буюмун берип турат. Мисалы, «үйүмө бекер жашап туруңуз» же «мобул «Мерседес S класс» машинени айдап туруңуз», – деп кызмат көрсөтөт. Бул да парага кошулат. Арам болуп эсептелет.
  • Тиги адамга пара бербейт, бирок кайсы бир менчигиндеги үйүн, же жерин тиги адамга өз баасынан арзан сатат. Элдер сатып алды деп ойлойт. А чындыгында, бир миллион турган үйүн буга жарым миллионго сатат, калганын пара катары берген бо луп саналат.
  • Тиги адамга пара бербейт, бирок «кызматыңа кызматым» деп анын башка ишин, татыксыз болсо деле бүтүрүп берет. Мисалы, соттогу бир ишин бүткөрүп берсе, ага кызматынан пайдаланып (мисалы, мэр болсо) жер тилкесин кесип берет, же (өкмөттө иштесе) уулун, же кызын кайсы бир кызматка коюп берет. Кызмат даражасын жогорулатат. Пара алуу төмөндөгү үч жолдун бири аркылуу такталат:

• Эки эркек адамдын күбөлүк берүүсү менен пара алгандыгы, бергендиги аныкталат. «Бакара» сүрөөсүнүн 282-аятында айтат: «Өз адамдарыңдан эки кишини күбөлүккө тарткыла!» Бир эркек, эки аял кишинин күбөлүк берүүсү менен да аныкталат. «Бакара» сүрөөсү 282-аятта айтат: «Эгер эки эркек күбө болбосо, анда өзүңөр ыраазы боло тургандай күбөлөрдөн бир эркек, эки аялды күбөгө тарткыла!»

  • Моюнга алуу. Пара алуучу, же пара берүүчү чын ыктыяры менен пара алгандыгын-бергендигин моюнга алып, ыкрар кылат. Шариятта балагатка жеткен акылдуу адамдын ыкрары ыкрар деп эсептелет.
  • Так кесе далалат кылган күчтүү далилдер менен аныкталат. Илимий жетишкендиктин натыйжасында пара алуу-берүүнү аныктоонун бир кыйла жолдору бар. Мисалы, атайын «пара» деп жазылган, же белги коюлган акчаларды пара катары берүү. Бирок өтө этияттык кылуу керек. Кээде ак адамды каралоо үчүн, андан бир нерсе сатып алган адам болуп, акысына, белги коюлган тыйынды берип, аны салып берүүсү мүмкүн. Зулумдук кылуу – арам. Пара алуучуга, берүүчүгө, ортого түшүүчүгө берилүүчү жазалар: Акчалай жаза салуу, камап коюу, балак уруу, кызматтан айдоо жана мамлекет тараптан бериле турган кээ бир жеңилдиктерден пайдалана албоо сыяктуу жазалар берилүүсү мүмкүн. Албетте, керемет шариятыбызда ар бир маселе дыкаттык менен изилденип, эң туура өкүмдөр берилет. Ар бир маселеге кеңири токтолот. Атайын эмгектер жазылган. Фыкых эмгектеринде атайын баптар, бөлүмдөр каралган. Өзгөчө жазылган эмгек катарында төмөнкүлөрдү мисал катары айтсак болот:

• «Жарийматур ришва фиш шариьатил исла- мия…» Д. Абдулла бин Абддулмухсин Тарифий.

  • «Жарааимур ришва фит ташрииь ал мис- рий…» Д. Ахмад Хафаажий.

Кудай Таалам өлкөбүздү пара алуучулардан, берүүчүлөрдөн, ортосунда жүрүүчүлөрдөн сактаган болсун. Кудай Таалам буларга туура жолдо жүрүүнү жазган болсо, туура жолго салган болсун. Туура жолдо жүрүү тагдырларына жазылбаган болсо, анда аларга ылайык жазасын берген болсун. Кудайым жаман жолдон оолактатсын! «Казанга жакын болсоң көөсү жугат», жамандардан ыраактатсын! Жакшынын шарапаты, жакшыларга жууктатсын. Кудайым бетин жуубагандардын көзүн каратпасын.

http://saresep.kg

Запись Чубак ажы Жалилов менен турмуштук суроо-жооптор (54) впервые появилась Formula.KG.

Твитте Жакты Бөлүш Бөлүш

Бир даанышман кишиден: “Өткөн өмүрдөн эмнени үйрөндүңүз?” – деп сурашат. Даанышман төмөнкүчө жооп берет: “Өмүр карызга берилип, күнү келгенде кайра алынаарын жана дүйнөнүн өтүп кетээрин түшүндүм.”

Мазлум (укугу тепселген) адамга, кеч болсо да жардам берилерин түшүндүм.

Биз капылетте калган кезде, көз ирмемчелик убакыттын ичинде ажал келип, өмүр бүтүп калышы мүмкүн экендигин түшүндүм.

Жылуу сөз, жылмайып турган жүз – адеп-ахлактын эң жогорку даражасы экендигин түшүндүм.

Ден-соолугу чың, тынчтыкта жашаган адам – бул ааламдагы эң бай адам экендигин түшүндүм.

Сарымсак эккен адам, түшүм алган кезде райхан албастыгын түшүндүм.

Өмүр бүтсөдө да, жумуштун эч качан түгөнбөстүгүн түшүндүм.

Адамдарга сөзүнүн уккулуктуу болуусун каалаган адам, оболу өзү адамдардын сөзүн угуусу зарыл экендигин түшүндүм.

Адамдар менен сапарга чыгуу бул – микроскоп сыяктуу. Ал адамдардын ички дүйнөсүндө эмнелер бар экендигин көргөзүп берээрин билдим.

Кени алтындан болгон (жан дүйнөсү таза) адамдын, кени алтын (ички дүйнөсү таза) бойдон каларын, жана кени темирден болгон (ички дүйнөсү начар) адамдын темирин дат басарын түшүндүм.

Кабырда жаткан адамдардын бардыгы, тирүү кезинде иштешкен, аларда чоң-чоң максаттары болгон, бирок ал максаттарынын көбүнө жетпей калышкандыгын түшүндүм.

Кичинекей өлүмгө (уйкуга) даярданып жаткан кезибизде, тынч уктоо үчүн керебетти иретке келтиребиз, терезелерди ачып абаны тазалайбыз. Бирок чоң өлүмгө даярданып, амалдарыбызды иретке келтирип, кабырыбызды кенен, жарык кылуу үчүн эмнеге аракет кылбайбыз???

Адамдар ооруп калбаш үчүн ден-соолукка зыян алып келүүчү тамак-аштан сактанышат, бирок тозокко түшүп калбаш үчүн эмнеге күнөөлөрдөн сактанышпайт???

Абдишүкүр ажы Нарматов

Запись “ТYШYНДYМ” впервые появилась Formula.KG.

Твитте Жакты Бөлүш Бөлүш

Дем алууга чыккан мугалимдин ордуна бул сапар класска башка мугалим кирди.
Ал сабакты баштагандан бир аз өтүп, окуучулардын бирине суроо узатты эле, балдар баары күлүп жиберишти.
Окутуучу аларга таң калды. Ал окуучуларды сыдыра тиктеп алар эмне үчүн мынчалык каткырып күлгөндөрүнүн сырын билди.
Ага себеп, класста акылсыз, эч кимге кошула албаган “жаман” балага суроо бергени экен.
Сабак бүтүп, окуучулар сыртты көздөй жөнөшкөндө жанагы баланы өзүнө чакырды.
Ал менен класста жалгыз калып, кагазга жазылган эки сап ырды берди да:

-Муну атыңды кандай жаттасаң,ошондой жаттап ал.
Эч кимге айтпа.-деди.
Кийинки сабакта мугалим ошол эки катар ыр саптарын доскага жазды.Алардын маани-маңызын түшүндүрдү.

Анан өчүрүп салып:

-Ким азыркы ыр саптарын жаттап калды-деген суроону узатты.
Эч ким чурк этпеди.
Класс ичин жым-жырттык каптады.

Бир гана баягы баары “экичи”, ”акылсыз” деп келекелеген бала кол көтөрдү.

Мугалим:

-Жооп бер, – деди.
Жанагы бала ыр саптарын куюлуштуруп айтып берди. Маанисине да токтолду. Окутуучу аны көпкө чейин мактады. Башкалар да андан өрнөк алса жакшы болоорун айтты. Окуучулар классташынын мындай кылганына таңыркап тиктеп турушту. Айрымдары анын үстүнөн күлүп жүргөндөрүнө кыжаалат да болушту. Мындай көрүнүш бир нече жолу кайталанды. Класстагы окуучулардын ал балага болгон ишеними күн сайын өзгөрө баштады.

“Экичи” аталган баланын жан дүйнөсү өзгөрүп оң жагына оой баштады.
Ал күн сайын сабактарынан жакшы бааларды алганга тырышар эле.
Өзүнө болгон ишенич ан сайын артып баратты. Алдыңкы окуучулардын катарына кошулганда өзүнүн акылсыз эмес экендигин аңдады. Окуучулар менен билим таймаштарына чыга ала турганына ишенди. Мектепти эң жакшы баалар менен бүтүрүп, жогорку окуу жайына окууга кирди.
Аны аяктаган соң, магистратура да окуй баштады.
Илимдин доктору болууну алдыга максат койду. Ал өзүнүн китепчесине мугалимдер туурасында төмөнкүдөй ой-пикирин да жазып койду.

*“Мугалимдер эки тайпада болушат.*

Биринчилери жакшылыктын ачкычы болсо, экинчилери анын жапкычы.

Биринчилери сиздин шык-жөндөмүңүздү аңдап, колунуздан жетелеп ,алга карай үмүттөндүрөт.

Ооруп жүргөн жан дүйнөңүзгө ортоктош болуп, турмуш жолуңузду салууга жардам берет.

Экинчилери болсо, сиздеги эрктүүлүктү бекитип, мокотот. Жамандыкка жол баштап, үмүтсүздүккө жетелейт.

Жарыктыкта жогорудагыдай мугалимдердин курманчылыгына айланган канчалаган инсандар бар.

Алар бүгүн деле жашоолорунда өздөрүн таппай жүрөт.

Жашоодогу эң чоң оомат-балалыкта мыкты окутуучунун колуна түшүү”.

Балким бул тарбияны мугалимдер гана эмес ата -энелерда, жашообузда балдарызга,досторубуз,туугандарыбызга колдоно билсек ,жашоодо жакшы адамдар көп боолор беле ….

Адамзат үчүн өзүнө -өзү ишенүү тоодой күч -кубат берет,ага байлаган бекем үмүтү жолду көрсөтүп турган жарык чачкан нур болот. Ишеним бактылуулуктун фундаменти, анын тепкичтери бийик максат менен өйдөгө карап ийгилик эшиктерине жетелейт.

Эң негизги ишеним бул Жаратканга болгон ишеним болсун, ал ишенимдин күчү ыйманды бекемдейт,адеп -ахлакты жакшыртат,адамдын адам болуусуна себеп болот. Ишеним Жаратканга бекем болсо, Ал сага каалаган ийгилик эшиктерин ачып берет,Анткени бул аалам,жашоо бүт-бүт баары Анын каалоосундан кыпынчалык да алдыга же артка жылбайт. Муну биз эч качан унутпашыбыз керек…

Сенин ийгилиңе, жакшы жашооңо кээде мугалим,кээде ата -энең,кээде досторуң,кээде тууганың,жубайың себепчи болуусу гана мүмкүн ….

Насиба Абдуллаева.

БАКТЫЛУУЛУК ФОРМУЛАСЫ

Запись МУГАЛИМ МӨМӨЛҮҮ ДАРАКМУГАЛИМ МӨМӨЛҮҮ ДАРАК впервые появилась Formula.KG.

Твитте Жакты Бөлүш Бөлүш

Компьютерде эртеден-кечке иштөө ден соолукка зыяндуу экени талашсыз. Өзгөчө көздүн көрүүсүн начарлатат. Бирок замандын талабына ылайык, кеңселерде компьютердин маңдайынан чыкпай иштөөгө туура келет. Мындай учурда ден соолукту сактоо үчүн кандай аракеттерди жасоо керек экендигин сөз кылалы.

ЖУМУШТА ЖАНА АНДАН КИЙИН…

•2 саат сайын 10-15 мүнөттөн тыныгуу керек. Тыныгууда көздү эс алдыруучу көнүгүүлөрдү жасаңыз. Бул үчүн түз отуруп, өйдө-ылдый, оңго-солго, сааттын жебесинин багыты боюнча жана сааттын жебесинин багытына каршы карап, көзүңүздү кыймылдатыңыз.
•Андан кийин колдун манжасын көзгө туштап тиктеп туруу керек да, анан акырындык менен кароону эң алыс турган бир чекитке багыттаңыз. Алыс турган чекитти толугу менен карагандан кийин кайра акырындык менен көздүн кароосун манжага бурабыз. Муну 2 мүнөттөй отурган абалда кайталаңыз. Андан соң көздү жумуп, денеңизди бош таштаңыз.
•Абадан кере дем алып, колдун булчуңдарын чоюу менен керилиңиз. Эки колду жогору көтөрүп, артты көздөй кериңиз.
•Бир калыпта 20-30 мүнөттөн ашык отурууга жана турууга болбойт. Дайыма кыймылда болуңуз.
•2 саат сайын эс алуу учурунда бөлмөнүн эшик-терезесин ачып, ичин желдетип абаны алмаштырып туруңуз.
•Жумуштан чыккандан кийин жарым чакырымга чейин жөө, шашпай бир темпте басыңыз.

Мындан тышкары үйдө да төмөнкү эрежелерди сактоого аракет кылыңыз

•Кечинде жатарда алдыңыздагы төшөк жукараак болууга тийиш. Себеби калың төшөктө жаткан адамдын денеси талыкшып, эртең менен турганда кыйналып калат. Бирок өтө жука да болбошу керек. Жука болуп калса, полдун катуулугунан денеңиз жанчылып, уйкуңуз бузулат.
•Жаздык да өтө жумшак жана бийик болбоосу зарыл. Бийик жаздык баштагы кан айланууну жайлатат жана мээ жетиштүү деңгээлде эс ала албай калат.

КЫСКАЧА

•Окумуштуулардын изилдөөлөрүнө таянсак, өмүр бою отуруп иштеген адамдын өмүрү 10 жылга кыскарат экен.

•Ошондой эле дамамат отуруп иштөө геморрой, остеохондроз, семирүү, простатит, варикоз, кан айлануунун бузулушу жана башка оорулардын пайда болушуна алып келери аныкталган.

 

Компьютердин алдында кантип отуруу керек?

Азыркы заманда жумушта компьютер алдында көп отурууга туура келет. Үйгө келгенде да компьютер алдында көпкө отургандар аз эмес. Ушуга байланыштуу адам компьютер алдында туура эмес отурса бат чарчап, омуртка, көз ооруулары пайда болушу же күчөшү мүмкүн.

Төмөндө компьютер алдында отуруунун эрежелери берилген:
1. Башыңарды түз кармагыла;
2. Ийниңерди бош койгула;
3. Аркаңар түз болсун, бир аз жөлөнүп отургула;
4. Көзүңөр экранга түз же бир аз өйдөдөн ылдый карагандай болсун;
5. Алаканыңар менен билегиңер бир сызыкта болуп, денеңерге карата тик бурчту (90 градусту) түзүшү керек;
6. Таманынар полдон бир аз көтөрүлүп турганы оң. Бутуңардын алдына бийиктиги анчалык эмес таканчык коюп алгыла;
7. Монитор көзүңөрдүн деңгээлинде 40-75 см аралыкта болушу керек;
8. Отургучтун бийиктиги 38-55 см болушу зарыл. Отургуч катары бийиктигин өзгөртүүгө мүмкүн болгон креслону колдонгон туура болот;
9. Монитор турган столдун бийиктиги 72-75 см болсун.
http://insan.kg

Запись Компьютерде көп иштегендер үчүн кеңеш впервые появилась Formula.KG.

Твитте Жакты Бөлүш Бөлүш

Аллах бейишти жаратып, аны Жабрайил периштеге барып, көрүп келүүсүн буюрат. Ал барып келген соң:”Өзүндүн атыңа ант! Бул жакты көргөндөр  киргенче чыдай алышпайт го” дейт.

Андан кийин Аллах бейишти кыйынчылыктар менен курчап коёт (б.а. такыбаалык, намаз, зекет, зикир, хадж ж.б.)

Аны көргөн Жабрайил периште: “Эми бул жакка эч ким кире албайт го деп корком” дейт.

Ошондой эле Аллах тозокту жаратып, аны Жабрайил периштеге барып, көрүп келүүсүн буюрат. Жабрейил периште келип: “Өзүндүн атыңа ант! Бул жакты көргөндөр, эч кимиси жоломок эмес” дейт.

Ошондо Аллах тозоктун тегерегин кооздук менен курчап коёт, (б.а. бул дүйнө жыргалчылыгы, бой көтөрүү, байлык топтоо, зынаакордук) кыскасы, акыретти унуттуруучулар менен курчап коёт.

Аны көргөн Жабрайил периште: “Эми бул жактан эч ким чыга албайт го деп корком” дейт.

Урматтуу мусулман бир тууган дегеним – “ошол” кооздукка кызыгып акыретти, эсеп берүүчү күндү унутпайлы. Аллахым баарыңыздарга жогорудагы кыйынчылыктарды жана ошого бекем болууңуздарды насип этсин. Оомиинь!

Пайгамбар алейхи салам айтты :

Бейишти кыйынчылыктар курчаган.
Тозокту жыргалчылыктар курчаган. 
(Сахих Муслим 2822)

Бейишке кирем деген адам жыргап напси каалаганын аткара бербейт. Ал дайым ар бир кылган ишин көзөмөлдөйт. Алла тыйгандан тыйылат буйругун аткарат.

Ал эми тозокко кирүүчү адам арам адал менен башы оорубайт.Бул дүйнөдо жыргап,ар бир напсисине тарткан ишти жасай берет.[1]

Запись Бейишти кыйынчылыктар, Тозокту жыргалчылыктар курчаган. впервые появилась Formula.KG.

Твитте Жакты Бөлүш Бөлүш

1. Байлыкка болгон сүйүү:
Байлыктын өзү эмес, ага болгон сүйүүнүн таасири жүрөккө катуу таасир берет. Жүрөккө катуу таасир берген соң көрпенде айла жок артка кетенчиктейт. Акыретте жакшылык табуу үчүн байлыктын мааниси зор. Кайрымдуулук кылуу, дин жолундагы кызматтарга демөөрчүлүк кылуу сыяктуу алгы иш-аракеттерди жасоого болот. Бирок бул нерсени жасоого байлыкка болгон сүйүү тоскоол болот. Андыктан, адампенде дүнүйөкорлукту жүрөктөн чыгарышы зарыл!

2. Мансапкорлук:
Мансап жана бийлик – акыретте Алланын алдына жарык жүз менен барууга зор мүмкүнчүлүк болуп эсептелет. Анткени көптөгөн нерселер бийликке көз каранды. Бийлик менен Аллахтын Ак динин өнүктүрүп, эл-журтту ыйманга сугарып, калкка бейпил турмуш ыроологонго болот. Бирок буга мансапка болгон сүйүү тоскоол болот. Тескерисинче бийликтин кандуу камчысы менен динди тизгиндеп, элдин ырысыкысын талап-тоногонго да шарт түзүлөт. Коомчулукка ак кызмат өтөө үчүн бийликке отуруу башка нерсе, өз напсисинин каалоосун орундатуу үчүн мансапка баруу такыр башка нерсе.

3. Башка нерселерге болгон сүйүү:
Аллах Таалага болгон сүйүүдөн башка жүрөктү туткундап ала турган ышкы-каалоонун баарын жүрөктөн алыс тутуу абзел. (мис; үйдүн жасалгалуулугун сүйүү, унаа айдоону сүйүү, айбанаттарга кордук кылып, аларды уруштуруу, жарыштыруу, сүзүштүрүүнү сүйүү ж.б. пайдасыз сүйүүлөр)

4. Күнөө:
Адампенде жасаган ар бир күнөөсү үчүн Аллахга тообо кылып, кечирим тилеши керек. Азирети Пайгамбарыбыз мындай деген:

“Кимде-ким бир күнөө жасаган болсо, заматта жүрөгүндө кара чекит пайда болот. Эгер тооба кылса, ал чекит өчүрүлөт. Тескерисинче үзгүлтүксүз улантып кетсе, кара чекит чоңоюп олтуруп бүтүндөй жүрөктү каптап калат” (Ибн Маажа, Зухд, 29; Ах- мад бин Ханбал, Муснад, 2, 297).

Аталган 4 бөгөттү ашып өтүү үчүн 4 нерсени аткаруу керек:
1. Тамакты аз-аздан, адалынан жеш. Аллах Таала момун-мусулмандарга:

“Биз насип кылган адал ырыскылардан жегиле!” деп буюрат.

Азирети Пайгамбарыбыз өз хадисинде мындай деген: “Ашыкча жеп-ичип жүрөгүңөрдү жараксыз кылып албагыла!”

2. Уйкучулуктан арылуу:
Ашыкча тамактанган адам көп суу ичет да, көп уктайт. Ашкере уйкучу пенде кыяматта бушайман болот. Аллахтын сүйүктүү Элчиси (саллаллаху алейхи васаллам) өз хадисинде мындай деген:

“Аллах Таала ашыкча жеп-ичкен жана көп уктаган адамды сүйбөйт” (Имам Газали).

3. Көп сүйлөбөй, аз, бирок саз сүйлөө кажет: Пайгамбарыбыздан бир хадис:

“…Аллага жана акырет күнүнө ишенген адам же пайдалуу сөз сүйлөсүн, болбосо унчукпасын!” (Бухарий, Рикак, 23; Муслим, Иман, 74, 75, 77).

4. Жаман адамдан, жаман нерселерден оолак болуу: Пендезат алкаш досунун жанында көп жүрсө, ал дагы ашаткы, тамеки жыттанып, анын сөгүнгөнүнөн, ахлаксыздыгынан таасирленет. А эгер атыр саткан досу менен көп-көп жолугушуп турса, дайым жагымдуу жыттанып жүрөт. Ушунун сыңары адамдын жакшы же жаман болушуна чөйрө көп таасир берет. Сүйүктүү Пайгамбарыбыз (саллаллаху алейхи васаллам) бизге береги насаатын айткан:

“Адам досунун жашоо таризинен таасир алат. Андыктан ким менен достошконуңарга көңүл бургула!” (Абу Давуд, Адаб, 16; Тирмизий, Зухд, 45).

“Ак башат”

Запись Жүрөктү тазалагысы келген адамга төрт несе бөгөт болот впервые появилась Formula.KG.

Твитте Жакты Бөлүш Бөлүш

Абу Хурайра, радыяллаху анху, риваят кылды:

«Алланын Элчиси, саллаллаху алейхи уа саллам, (сахалабалардан): «Гыйбат деген эмне экендигин билесиңерби?!» – деп сурады. «Алла жана Анын Элчиси билет»,– деп айтышты. Ал айтты: «Гыйбат деген – бул бир адамга тийиштүү ал жаман көргөн нерсеси тууралуу сөз кылганың». (Сахабалардан) бир адам: «А эгер менин айтканым ал адамда болсочу?!» – деп сураганда, Алланын Элчиси, саллаллаху алейхи уа саллам, айтты: «Эгерде сенин айтканың ал адамда болсо, анда аны ушактаган болосуң. А эгер сенин айтканың ал адамда жок болсо, анда жалаа жапкан болосуң». (Имам Муслим)

Имам ан-Навави айтты:

«Гыйбат деген бул – адамдын денесине, динине, жашоосуна, жеке өзүнө, дене-боюна, мүнөзүнө, мал-мүлкүнө, ата-энесине, бала-чакасына, аялына, кызматчыларына, кийимине, кыймыл-аракетине, түнт же жайдары мүнөзүнө жана башка ага тийиштүү ал жаман көргөн нерсеси тууралуу сөз кылуу. Гыйбат сөз, белги же ишарат менен болот». (“аль-Азкар”)

Бир топ сахабалар Алланын Элчиси, саллаллаху алейхи уа салламдын, алдында отурган кезде бир адам тууралуу сөз кылып: 

«Тамак бермейинче өзү жей албайт, мингизмейинче өзү мине албайт»,– деп айтышты. Пайгамбар, саллаллаху алейхи уа саллам, айтты: «Силер аны гыйбат кылдыңар». Айтышты: «О, Алланын Элчиси! Биз андагы болгон нерсени гана айттык». Ал айтты: «Андагы болгон нерсени айтуунун өзү эле сага жетиштүү». (аль-Асбахани; “ат-Таргиб уа ат-Тархиб”)

Гыйбат кылуу – бул бир адамды анын жок кезинде ал укса жаман көрө турган сыпатын башкаларга айтуу же аны жамандоо. Бул анын динине, дене-мүчөсүнө, тегине, кулк-мүнөзүнө же кийимине байланышабы, баары бир гыйбат болуп саналат.

Алла Таала Ыйык Куранда мындай деп айтты:

«Эй, ыйман келтиргендер! Көп (жаман) ойлордон алыстагыла. Чындыгында, кээ бир ойлор күнөө. (Бири-бириңерди) аңдыбагыла жана бири-бириңерди гыйбат кылбагыла. Силердин кимиңер өлгөн бир тууганынын этин жегенди жакшы көрсүн?! А силер мындан жийиркенесиңер! Алладан корккула.Чындыгында, Алла тообаларды кабыл кылуучу жана ырайымдуу».  Хужурат сүрөөсү (49:12)

Башкача айтканда, бирөөнүн артынан жаман сөз айтып аны ушактабагыла дегени. Андан соң Алла Таала гыйбат кылган адамды мисал кылып:

«Силердин кимиңер өлгөн бир тууганынын этин жегенди жакшы көрсүн?!»,– деп айтты.

Алла Таала жогорудагы аятта анын бул кылганы ошол адамдын өлүк этин жегени сыяктуу деп мисал келтирди жана «А силер мындан жийиркенесиңер!»,– деп гыйбат кылуунун күнөө экендигин мисал кылып баяндады.

Эч бир адам өлүктүн этин жемек турсун, аны кармоого дагы батынбайт. Ал эми көпчүлүк адамдар ушактоонун канчалык күнөө экендигин билбестен туруп бири-биринин артынан эринбей ушак айткандарын четинен жолуктурасын. Ал эми кээ бирлери мунун күнөө экендигин билсе дагы, ушактап жаткан адамды: “Муну өзүнө айт, мага айтып эмне кыласың”,– деп айтууга дагы оозу барбайт.

Айша, радыяллаху анха, айтты: «Бир жолу Пайгамбар, саллаллаху алейхи уа салламга:

«Сага Сафийянын мындай-тигиндей болгону деле жетишет (б.а бою кичине)»,– дедим. Ошондо ал айтты: «Сен ушундай сөздү айттың, эгерде ал деңиздин суусуна аралашса, анда деңиздин суусун да бузуп жибермек». (Имам Абу Дауд; Имам ат-Тирмизи)

Бул хадисте бирөөнүн кемчилдигин айтып жамандоонун күнөө экендиги айтылды.

Абу Хурайра, радыяллаху анхунун, риваят кылган хадисте Алланын Элчиси, саллаллаху алейхи уа саллам, айтты:

«Ар бир мусулмандын каны, мал-мүлкү жана ар-намысы башка бир мусулман үчүн арам».   (Сахих Муслим)

Билгиниң, ушактаган адам да, ушакты угуп жатканы да бирдей күнөөкөр. Уккан адам бул күнөөдөн алыс болуусу үчүн ушактаган адамды тили менен тыйсын. Эгерде муну кыла албаса, жүрөгү менен жаман көрсүн же ал жерден туруп кетсин. А эгер тыюуга кудурети жетсе, анда “мындай кылбагын” деп айтып токтотуу ал үчүн важип.

ГЫЙБАТ КЫЛУУНУН СЕБЕПТЕРИ

1) Ачуусун басуу

Мисалы, бир адам башка бирөөнү иши менен же сөзү менен ызасына тийсе же ачуулантса, ал адам ачуусун басуу же кек алуу максатында ынгайлуу учуру келгенде аны да башкаларга жамандайт жана муну менен табасы канат.

2) Башка адамдарды коштоо

Эгерде достору, тааныштары же туугандары менен чогу болгон кезде алар бир адамды жамандап же ушактап жатышса жана ал адам аларды токтотчу болсо, алардын ага болгон мамилеси начарлайт же жаман көрүп калышат деп токтотпостон кайра аларды коштойт.

3) Башканы жамандоо менен өзүн актоо же көтөрүү

Мисалы, “баланча эч нерсени билбейт, такыр түнүшүгү жок” деген сыяктуу. Ал муну айтуу менен өзүн көтөрүүнү максат кылат жана мен андан дагы билимдүүмүн дегендикке жатат. Же болбосо адамдар башка бир адамды жакшы жактарын айтып мактап жатышса, ал көралбастык кылып “жок, андай эмес” деп аны жамандоого аракет кылат.

4) Шылдыңдоо

Мисалы, бир адамдын сыпатын айтып же аны туурап адамдарды күлдүрүү. Кээ бир адамдар муну адат кылып алышкан.

ГЫЙБАТТАН КУТУЛУУНУН ЖОЛУ

Билгиниң, гыйбат кылуу адамды Алланын каарына калтырат. Ал эми Кыяматта анын кылган жакшылыктары ал ушактаган адамга берилет. А эгер кылган жакшылыктары жок болсо, анда ал адамдын жамандыктары ага өтөт. Эгерде ким ушактын канчалык күнөө экендигин толук түшүнүп билсе, анда өзүн гыйбаттан, ушактан, чагымчылдыктан жана жамандоодон сактайт.

Андыктан гыйбат кылаардан алдын адам өз айып-кемчиликтерин ойлонсун жана алардан арылууга аракет жасасын. Ошондой эле ушак кылууга эмне себеп болуп жатканын аныктап, аларды жок кылсын. Түрткү болуп жаткан себепти жок кылуу менен гана биз андан толук арылабыз.

ГЫЙБАТ КҮНӨӨСҮНӨН АРЫЛУУ

Билгиниң, ушактаган адам эки түрдүү күнөө алат:

Биринчиси, Алланын алдында күнөөкөр болот. Анткени Анын тыйганын кылды. Бул күнөөсүнөн тазаланыш үчүн Аллага чын жүрөктөн тооба кылып, ал кылганына өкүнүп жана гыйбат кылуудан алыстайт.

Экинчиси, пенденин алдында күнөөкөр болот. Анткени ал анын ар-намысына шек келтирди. Эгерде ушактаганы ал адамга жетсе, анда ага барып күнөөсүн мойнуна алып, кечирим суроосу керек.

А эгер ушактаганы ага жетпесе, анда Аллага истигфар айтып күнөөсүн кечирүүсүн сурап, ал күнөөнү экинчи кылбашы керек.

www.islam-kg.com

Запись Ушактын кесепеттери впервые появилась Formula.KG.

Технологии Blogger.