БАКТЫЛУУЛУК ФОРМУЛАСЫ

Таң саарда азан чыкса мечиттен,
Сопу акенин чакырыгын эшиткен.
Атып тургун жылуу жумшак ордуңдан!
Үмүт кылсаң акыретте Бейиштен.

Күн ыссыкта «бешим» намаз убагы,
Кел мечитке тегиз сапка туралы.
Ушул намаз жаратканды кубантып,
Берээр сообу акылыңа сыябы?

Күн салкындап жумуш күчөп турганда,
«Аср» намаз болот окуу убагы.
Ишиң таштап мечит карай жүгүрсөң,
Сообу канча акылыңа сыябы?

Күн кызарып уясына батканда,
Жумуш бүтүп курсак катуу ачканда.
Билесиңби мунун сообу канчалык,
Даарат алып «шам» намазга шашканда.

Түн да кирди чарчаганга карабай,
Таква момун мечит көздөй барат жай,
«Куптан» намаз жамаат менен окуунун,
Сообун билээр аны жалгыз бир Кудай.

Өмүр бүтүп акыретке бармак чын,
Беш убак намаз – бул өкүмү Аллахтын.
Беш убак намаз – кабырыңдын жарыгы,
Беш убак намаз – ачкычыдыр жаннаттын.

Султан Ислам

Запись БЕШ УБАК НАМАЗ! впервые появилась Formula.KG.

✍Ыйык, касиеттүү түндөр Ислам дининде урмат кылына турган түндөр болуп эсептелет. Аллаху таала пенделерине мээримдүүлүк кылып, кээ бир түндөрдү кадырлуу деп сыпаттап, ошол түндөрдө окулган дубалар менен тооболордун кабыл боло тургандыгын билдирди. Пенделеринин көп ибадат кылып, дуба жана тообо кылуулары үчүн ошол түндөрдү себеп кылды..
Ал күндөрдүн бири Ашура түнү. Бул түн – Мухаррам айынын онунчу түнү. Быйыл Ашура күнү 30 -сентябрьга туш келет.Мухаррам айы – Курани каримде ыйык деп билдирилген төрт айдын бири. Ашура – ушул айдын эң кадырлуу түнү. Аллаху таала кээ бир дубаларды Ашура күнүндө кабыл кылган. Адам пайгамбардын тообосунун кабыл болуусу, Нух пайгамбардын кемесинин топон суудан куткарылуусу, Юнус пайгамбардын балыктын ичинен чыгуусу, Ибрахим пайгамбардын Намруддун отунда күйбөй калышы, Идрис пайгамбардын тирүү кезинде эле асманга чыгарылуусу, Якуб пайгамбардын уулу Юсуф пайгамбар менен кездешүүсү жана көздөрүндөгү парданын алынуусу, Юсуф пайгамбардын кудуктан чыгуусу, Аййуб пайгамбардын оорудан айыгуусу, Муса пайгамбардын Кызыл деңизден өтүп, Фараондун сууга чөгүүсү, Иса пайгамбардын туулуусу жана яхудилердин кол салууларынан кутулуп, асманга көтөрүлүүсү – ушулардын бардыгы Ашура күнү жүзөгө ашкан (алейхимуссалам). Бул күндүн улуулугана күбө болуп турганыңыздай ошол себеп Аллах Таалама шүкүр келтирүү максатта орозо кармо керек.
Бул тууралуу Абу Катада, радыяллаху анху, риваят кылат: «Күндөрдүн биринде Пайгамбардан ﷺ Ашура күнүндөгү орозо тууралуу сурашканда, ал: «Ашура күнүндөгү орозо – өткөн жылдагы күнөөлөрдүн кечирилишине себеп болот деп үмүт кыламын»,– деп жооп берди». (Сахих Муслим, 1976)Бул хадистен Ашура күнүнүн орозосу бир жылдык күнөөлөрдүн кечирилишине себеп болоорун билебиз.
Ашура күнүндөгү орозо 3 түрдө тутулат:
Ашура күнү менен кошо анын алдыңкы жана кийинки күндөрү да орозо тутуу. Ошондо үч күн (29-30 сентябрь жана 1- октябрь күндөрү) катар орозо тутулат. Мына ушунусу эң толук деңгээлде тутулганы.
– Пайгамбарыбыздын Сүннөтүн аткарып, Ашуранын орозосун тутуу мустахаб болуп эсептелет;– Бул күнү Пайгамбар да, сахабалар да жана Муса пайгамбар да Аллахка шүгүр келтирүү максатында орозо тутушкан;
– Бул күн байыркы замандан бери өзгөчөлөнүп келген улуу күн;
– Ашура күнү менен кошо анын алдыңкы же кийинки күнү орозо тутуу сүннөт. Анткени жөөттөр Ашура күнү гана орозо тутушкан. Пайгамбарыбыз аларга каршы болуу максатыңда анын алдыңкы күнун же кийинки күнүн кошуп туткан.
Демек бир тууганым бул мүмкүнчүлүктү да колдон чыгарбоого аракет кыл! Бул күндүн улуулугун байкадыңызбы? Улуу пайгамбарлардын кыйынчылыктан куткарылган,дубалардын кабыл болгон күнү! Алланын ырайым эшиктери дайым эле ачылуу боло бербейт,Аллах үчүн тутулган орозонун сообу,сыйлыгын бир Жараткан Өзү билет, Ал Мээримдүү,Ырайымдуу,Кечиримдүү Улуук Заттын жакшылыгынын чеги жок,болгону ниет,ыкластарга байланган. Бул улуу күндүн урматына ар бир мусулман пендесинин орозо кармоого насип кыла көр Аллахым! Чоң үмүт менен ак -тилек, аруу -максаттарга оролгон баталарыбызды кабыл кылып жакшылыктарыңдан кур калтырбагын! Омиийн!

Запись АШУРА КҮНҮ КАНДАЙ КҮН ЭКЕНИН БИЛЕСИЗБИ?! впервые появилась Formula.KG.

✍Досторуң сенден алыстап,жоголуп бара жатабы чөнтөгүңө кара. Анткени чын жүрөктөн дос болгондорго караганда чөнтөк достор арабызда көп.Кайсы эле инсан болбосун байкадыңбы чөнтөгүң кампайгада атың Алим болсо,Алимбек,Алимжан,Алимбай деп артыңдан чуркап,чөнтөгүңө карап,күлүп ,кош колдоп,тааныбаган эле туугандар да доско айланып, көлөкө сымал күн чыкканда пайда болуп ,бүркөлгөндө жок болгон. Андайлардан алыс бол.Анткени, ал жаман ишке барууга түрткү болот. Тозокко түшүп калган кээ бир адамдардын өкүнүч арманы жөнүндө Алла Таала мындай деген: «Өлүм болсун мага, мен баланчаны дос тутпаганымда кана! Чындыгында, мага эскертме – Куран келгенден кийин, ошол (баланча) мени жолдон адаштырды». -дегендерден болуп өкүнгөндөрдөн болуп калбагын.
Адамга достун таасири чоң болгондуктан, мусулман адам жакшы дос тандоого аракет кылуусу керек.
Пайгамбарыбызз ﷺ бул жөнүндө бир хадисинде соонун салыштыруу менен минтип айткан: “Жакшы жана жаман достун абалы атыр саткан киши менен көрүкчүүгө окшош. Атыр саткан киши сага атырын сатат же сен анын жыпар жытын жыттайсың. Ал эми көрүкчүнүн жанына барсаң түтүн жыты кийимиңе сиңип,ал жагымсыз жыттан оңтойсуз абалда каласың “(Бухари,Забаих 31)…
Белгилүү болууң үчүн айланаңда көп досторуң болуусу шарт эмес. Анткени, арстан жалгыз жүргөн учурда да арстан. А кой топ-топ, короо-короо болуп жүргөн учурда да кой бойдон кала берет.
Чыпалак, аты жок, ортон жана сөөмөй колдор бири-бирине жакын жайгашкан, ал эми баш бармак чыпалак жана аты жок бармактан алыс жайгашкан. Эң кызыгы төрт бармак биригип баш бармаксыз эч нерсе кыла албайт. Ишенбесеңиз баш бармаксыз жазып же кийимиңдин топчусун өткөрүп көрүңүз! Эсиңде болсун, айланаңда жүргөн пайдасыз көп доско караганда, алыста болсо да сага пайдасы тийген, сени сыйлаган жана сага чыныгы достугун арнаган дос жакшы. Чыныгы дос-кыйынчылыгыңды жеңилдетип, кайгыңды бөлүшүп ийгиликтериңе кубанган дос.

Аллах үчүн сени жакшы көрөмүн досум!

Асан менен Али эң жакын достордон . Алардын достугу бардыгын суктандыраар эле. Ошону менен бирге алар өз ара убадалашып алышкан болчу. Асан аны: “кең пейилдик,адамгерчилик убаласы “деп атап койгон. Кең пейил,адамгерчилүктүү жолдош -адамдарды дайыма жакшылыкка үндөп,аларга жакшылык жасаган,тууганынан байкап калган каталарды бир гана Алланын ыраазылыгы үчүн бетине айтып ,ал каталарды оңдоого жардамын аябаган дегенди билдирет.
Алар кичинекей жакшылык болсо да каталардын оңдолуусуна жардам бере аларына ишенишчү. Анткени,жасалган ар бир жакшы иш адамга туура жолду эсине салып,башка жолго түшүүсүнө жол бербейт. Ошондуктан алар бир күнү кезигишип,бири -биринин ар кандай каталарын,күнөөлөрүн эскертип турууга,ошону менен катар аларды оңдоого, жакшы иштерди жасап жамандыктан качууга убада беришти.
Ортодон бир топ жылдар өттү. Ага карабастан ал жылдар алардын достук мамилесин алсырата алган жок. Бирок ошол жылы экөөнү тең өкүнткөн окуя болду. Асан иштөө үчүн башка шаарга кетүүгө мажбур болду. Бири -бирин бат -баттан зыярат кылып турууга убада беришти.
Ошентип алар эки башка шаарда жашап калышты. Ортодон бир ай өттү. Али Асанды көргүсү келип,ага аттанды. Досун абдан сагынган эле. Жолдо бара жатканда таң калаарлык бир кишиге туш болду. Ал киши жолдун боюнда олтуруп,ага бир нерсе айткысы келгендей түрү бар эле. Али ага жакын барып салам берди. Негизи ал адам кейипин кийген периште болчу,бирок аны Али билбейт. Ал киши:
-Каякка сапар тарттың, балам?
– Досумду көргөнү бараткам ..
-Досуң сага абдан чоң жакшылык кылса керек? … Андыктан сен ага карызыңды төлөгөнү бара жаткансың го? ….
-Жок! Ага эч кандай карызым жок. Мен аны Алла Тааланын ыраазылыгы үчүн жакшы көрөм. Азыр да ага Алла Тааланын ыраазылыгы үчүн бара жатам.
-Абдан жакшы. Сага бир сый айтайын. Мени жакшы ук. Мен Алла Тааланын сага жөнөткөн элчисимин. Азыр айткандарымды эсиңе түйүп ал. Сен досуңду канчалык Алла Таала үчүн жакшы көрсөң,Алла Таала да сени ошончолук жакшы көрөт….

Демек досторуңдун көптүгү менен эмес,ыйманына карап сыймыктангын. Дос -деген бир жан,бир билек,бир жүрөк сымал. Бирөө болсо да жаназаңда тура турган, Аллах үчүн жакшылыкка чакырган,жамандыктан кайтарган,ач калсаң тамагын бөлүп жей турган,кыйынчылыкта кайгыңды бөлүшө турган,кубансаң көрө албай эмес,кубанган достор менен бекем кармап,бузулбас чеп сыяктуу болгун..
“Адам досунун дининде “экенин эч унутпа, айланаңа кара ким менен жүрүп,ким менен маектешип ким менен кайсы жолдо жүрөсүң таразага салып, ойлонуп көр зыян тартып жатасыңбы же пайда таап жатасыңбы? Балким жакшы досторду таабууда кадамды өзүңдөн баштоо керектир?!

Насиба Абдуллаева.

«БАКТЫЛУУЛУК ФОРМУЛАСЫ»

Запись БИР ДОСУҢ БОЛСО ДА ЖАНАЗАҢДА ТУРА ТУРГАН БОЛСУН! впервые появилась Formula.KG.

Жаңы класс жетекчи бешинчи класстын окуучуларына алгачкы сабагын берип баштайт. Ал ушул сабагында өмүрүндө биринчи жолу жалган айтат. Жалганы эле ушул, “мен баарыңарды бирдей жакшы көрөм!” деп балдардын көңүлүн алганы. Тээ арт тараптагы партада ар убак ойго баткан, түнт, эч кимге сүйлөгүсү келбеген Жоомарт аттуу окуучу олтураар эле.

Мугалим бир жыл бою ал балага көз салып жүрдү. Башка балдар менен ойнобогон, кийимдери кир жана өзү да көптөн бери жуунбай жүргөнүн баланы мугалим астыртан байкап жүрө берди. Дайыма аны көргөндө үмүтсүз, бактысыз бир баланы көргөндөй боло берчү…

Бир күнү класс жетекчи балдардын делосун толтуруп жатып, Жоомарттын делосун өзүнчө бөлүп алып коёт. Кезек анын делосуна жетип, буга чейинки таржымалдары жазылган барактарды окуп жатып чочуп кетет. Себеби, буга чейинки окуган жылдардын ар биринде класс жетекчилер кубанткан да, кайгырткан да, айтор, ар кыл мүнөздөгү мүнөздөмөлөрдү жазыптыр:

Биринчи классындагы мүнөздөмө:
– Акылдуу, ар убак күлүп жиберүүгө даяр турат. Абдан элпек бала. Тапшырмасын ар дайым аткарып келет. Эң жакшы сапаттары бар, достору да аны менен ойногонду жакшы көрөт… 

Экинчи классындагы мүнөздөмө:
– Эң жакшы окуучу! Достору аны баарынан жакшы көрүшөт. Бирок, апасынын катуу оорусу себептүү акыркы учурда көңүлү чөгүп жүрөт… 

Үчүнчү классындагы мүнөздөмө:
– Апасынын өлүмү ага абдан оор болду. Атасы жетиштүү көңүл бура албайжатат. Эгер бир чара көрүлбөсө, үйүндөгү турмуштун таасири тийип калышы мүмкүн… 

Төртүнчү классындагы мүнөздөмө:
– Окууга эч маани бербей түнт болуп, эч кимге сүйлөбөй да калды. Достору да жок. Кээде класста уктап калат.

Класс жетекчи маселенин төркүнүн эми гана түшүнгөндөй болуп буга чейин артта түнөрүп олтура берчү баланын жан дүйнөсүнө жарык берүүгө аракет кылбаганына уялды. Мугалимдер күнү да келип, окуучулар эжейине кооз букеттерди берип, ар кандай белектерди тартуулашты. Алардын шатыра-шатман белектеринен айырмаланып, Жоомарттын берген белеги кыйла маанайды суудурду, бала байкуш кагазга тырыштырып-бырыштырып бирдемелерди ороп бере салыптыр. Жаалап карап турушкан окуучулардын көзүнчө ал белекти ачуудан да айбыгып, бир эсе Жоомарттын көңүлүн ойлоп ачып көрсө түгөнөйүн деп калган атыр, таштарынын айрымдары түшүп калан эски шуру экен. Аны көргөн окуучулар классты жаңырта каткырып, шылдың аралаш күлүп ийишти. Окуучулардын эжейи сыр бербестен, атырдын капкагын коомай ачып, билегине сүйкөп Жоомартты карай ыраазы боло жылмайганда каткырыктар тып басыла түштү.

Сабактар да бүттү. Окуучулардын баары класстан суюлуп чыгып, алардын эң артында атайылап калган Жоомарт мугалимге жалооруй тиктеп: “Эжей, бүгүн керели кечке апамдын жытындай жыттанып жүрдүңүз”,- деп ыраазылыгын билдирип коштошуп чыгып кетти. Класста жалгыз өзү гана калган мугалим Жоомарттын айткан сөзүнөн кийин апасыз өскөн баланын тагдырын ойлоп дээрлик бир сааттай эчкирип-эчкирип ыйлап алды… 

Ошол күндөн тарта ал окуучуларга күнүмдүк предметтик сабактарды гана эмес, балдарга, кыздарга тарбия берүүгө да бел байлады. Айрыкча, Жоомартка өзгөчө көңүл буруп, аны менен сырдаш болуп, такай көңүлүн көтөрө сүйлөп, “мыкты окуп жатасың” деп кубаттап, жакшы маанай тартуулаган сайын бала мурункудай түнөрбөй, көңүлү куунак тартып баштады. Жыл аяктап, Жоомарт алдыңкы окуучулардын катарына кошулуп, мектепти эң мыкты баалар менен бүтүрдү. Ушул класстын окуучуларына алгачкы өткөн сабагында “мен баарыңарды бирдей жакшы көрөм” деген сөздөрдүн жалганы ушул болчу, мугалим башкаларга караганда Жоомартка сыйы артып, ага негедир астейдил бөпөлөп мамиле кылар эле. 

Ал класстагы окуучулардан баары мектепти аякташып, канат күүлөп ар кимиси ар тарапка тарап кетишкен соң, бир күнү мугалимге Жоомарттан кат келиптир. Кат жан дүйнөнүн тереңинен чыгып жазылганы сезилип турат. “Жашоомдо апамдан кийинки эле эң жакшы адамым сиз болдуңуз! Сиз менин кыйрайын деп калган үмүтсүз түнт жашоомо кайрадан жарык бердиңиз!”,-деп, андан тышкары азыркы убакта кандай билим алып жатканын, эмне ийгиликтерге жетишип жатканын узун сабак кылып баяндап жазыптыр. 

Мугалими кийинки катты жети жыл өткөндөн кийин алды. Катта, Жоомарт медициналык академияны бүтүргөнүн, эң жакшы студент болгонун жазып келип “Сиз дагы деле мен үчүн эң жакшы, асыл адамымсыз!”, – деп көңүл көтөргөн сөздөрдү жазган экен. Арадан төрт жыл өтүп андан дагы бир кат келиптир, катта, медициналык билимин дагы өстүрүп, илим жолунда жүргөнү, ушул кесип менен эмгектенип жатканы кенен жазылып, каттын соңунда аты-жөнүнө “доктор” деген сөз кошулуп калыптыр. Көп өтпөй дагы кат келди. Бул ирет Жоомарт үйлөнө турганын, атасы бир нече жыл мурун көз жумганын жазып, “Ушул тоюмда апамдын ордуна апа болуп үлпөтүбүздүн сыйлуу коногу болуп кетиңиз” деген өтүнүчүн кыстарыптыр. 

Мугалим эжейи токтоосуз макул болуп, Жоомарттын маркум апасы себинген атырдан себинип, анын апасынын баягы белекке берилген шурусун тагынып, кубануу менен той үстүнө кирип барат. Жоомарт мугалим эжейин эмес, өз апасы келгендей маңдайы жарыла кубанып бекем кучактап тосуп алат, ал экөөнү карап тургандар булар эне-бала го деп ойлоору шексиз эле… Жоомарт мугалимден апасына айланган асыл адамын катуу кучактап, “Апа! Мага ишенгениңиз үчүн абдан ыраазымын! Сиз менин бутка туруума, куурап бараткан абалымдан кулпурган көчөттөй гүлдөшүмө шарт түзүп бердиңиз! Мага дем берип, кайрадан көгөртүп, өстүрдүңүз!.. Рахмат апаке!”, – деп шыбырады. Анын мугалими: “Жаңыласың, сен мага көп нерсени үйрөттүң, чыныгы мугалимдикти мына сен үйрөттүң! Сага жолукканга чейин мугалим кандай болушу керектигин билбепмин!”, деп көзүнөн кылгырган жашты сүртө жооп кайтарды…

Запись ТАРБИЯ -ТҮШҮНДҮРҮҮ АНАН ҮЙРӨТҮҮ впервые появилась Formula.KG.

Абдишүкүр ажы Нарматов

Бисмил-Лаахир-рохмаанир-рохиим. Мээримдүү жа на ырайымдуу Аллахтын аты менен баштаймын. Ааламдар дын жаратуучусу Аллах Таалага мактоо айтабыз. Андан жардам сурайбыз, кетирген күнөөлөрүбүздү кечирүүсүн суранабыз. Напсибиздин жана амалдарыбыздын жамандыгынан коргоо тилейбиз.
Аллахым, биз менен арамды, чыгыш менен батыштай алыс кыл жана адал жашоонун үстүндө өмүр сүрүүнү насип кыл.
Аллахым, бизге туураны туура көрсөтүп, туура жолуңда алып жүр. Катааны катаа көрсөтүп, адашуудан өзүң сакта.
Аллахым, ар бирибизди пайдасыз илимден сакта. Өзүңдөн коркпогон жүрөктөн сакта. Кабыл кылынбаган дубадан сакта. Өзүңө көтөрүлбөгөн амалдан сакта.
Күбөлүк берем Ал, Аллах жалгыз, Анын шериги жок, Ал бардык нерсеге күчү жетүүчү, Кудреттүү. Ал, Аллах адамзатты жоктон бар кылган жана аны жок кылып кайра тирилтүүгө кудреттүү. Ал, Аллах пендени өзүнө ибаадат кылуу үчүн жараткан жана биз Ага ибаадат кылууга милдеттүүбүз.
Күбөлүк берем Мухаммад (Ага Аллахтын салам-салаваты болсун) Аллахтын элчиси жана кулу. Ал, Пайгамбар адамдарга бул дүнүйөнүн убактылуу экен дигин эскертип, чыныгы жашоого азык камдоого чакырган.
Өз үммөтүнө бул дүйнөдө мусапырдай жашап өтүүнү осуят кылган улуу Пайгамбарыбыз Мухаммадка, анын үй-бүлөөсүнө жана сахабаларына Аллахтын салам-салаваты болсун.

Урматтуу мусулман бир тууганым!

Бүгүнкү сабагыбыз, Аллахты Жаратуучум деп, Исламды диним деп, Мухаммад пайгамбарды (Ага Аллахтын салам-салаваты болсун) Пайгамбарым деп ыраазы болгон мусулмандарга арналат. Ошондой эле өзүн мусулманмын деп эсептеп, бирок мусулмандык милдетин аткарбастан, жүрөгү таштай катып калган бир туугандарыма арналат. Ошондой эле, күн сайын бул жашоодон канчалаган адамдарды алып кетип жаткан өлүмдү көрүп туруп, ага даярданбаган, дүнүйөсүн кооздоп, акыретин эсинен чыгарып койгон, мүрзөлөрдү көрүп туруп, өлүмдөн коркпогон адамдарга да эскертүү болот деп ишенемин.

Урматтуу мусулман бир тууганым!

Эртең сапарга чыгасың. Сапарың анча деле алыс эмес. Ашып кетсе беш же алты күн жүрөсүң. Бирок сапарың жакын, андан кайтууң бат болгонуна карабастан бул сапарга канча күн мурда даярдана баштайсың. Алгач, кийүүчү кийимдериңди, андан соң тамак-ашыңды жолго керектелүүчү буюм-теримдериңди, акырында чыгым кылуучу акчаңды даярдайсың. Ушунун баары сенин беш-алты күндүк сапарыңдын жеңил болуусу үчүн жасалат. Сапарга азыгы жок чыгуу, кемеси жок деңизге кирген менен барабар. Биздин бул дүйнөдөгү жашообуз, чыныгы жашоо болгон акырет сапарына даярданып алуу үчүн токтой калган аялдама сыяктуу. Ким акырет сапарына жакшы даярдык көрсө, сапары жеңил болот. Ким сапарына даярданбаса кыйынчылыкка дуушар болуусу анык.
Пайгамбарыбыз Мухаммад (Ага Аллахтын салам-салаваты болсун) бир жолу Умар ибни Абдуллахка (Аллах андан ыраазы болсун) карап:
– «Эй Абдуллах. Бул дүйнөдө чоочун жолоочудай болгун. Өзүңдү мүрзөдөгүлөрдүн биримин деп эсептегин» – деп осуят кылган. Чындыгында, бул дүйнөгө ким түркүк болуп калат?! Эч ким. Эч ким эч качан бул дүйнөдө түбөлүк калган эмес. Анткени, бул дүйнө акырет эшигине алып баруучу кичинекей гана өткөөл. Бул кичинекей өткөөлгө, алыс сапарга камданып, азык топтоп алуу үчүн гана келгенбиз. Бул мезгилде кандай амал жасап калсаң, эртең аны көрөсүң. Жибрийил (Ага Аллахтын салам-салаваты болсун) бир күнү Пайгамбарыбыздын (Ага Аллахтын салам-салаваты болсун) жанына келип:
– «Эй Мухаммад, бул дүйнөдө каалаганыңдай жаша, бир күнү баары бир өлөсүң. Каалаган амалдарыңды жаса, бир күнү анын сообун же азабын көрөсүң. Каалаганың менен дос болуп, жакшы көргүн, бир күнү андан ажырайсың. Ыймандуунун улуулугу, анын түнкү намаздарды көп окугандыгында. Ыймандын кадыры, башкалардан кажаатсыз болууда» – деп осуят кылды. Эмне үчүн хадисте өлүм тууралуу, бул дүйнөнүн кыскалыгы тууралуу айтылып келип, ага түнкү намазды кошуп койду? Анткени өлүм бүтүү эмес. Өлүм жоголуу эмес. Өлүм, бул башталуу. Өлүмдүн артында бул дүйнөдө жасаганыңа жооп берүүчү күн турат. Демек өлүмдү эстеген адам, ага даярданууну да унутпоосу керек. Түнкү намаз ибаадаттардын эң жакшысы, акырет үчүн пайдалуу азык. Түн ичинде окулган намаз кабырда нур болот.
Хасан Ал-Басрий (Аллах андан ыраазы болсун) кара-тору адам эле. Бирок анын жүзүнөн ар дайым нур чачырап тураар эле. Бир жолу адамдар андан эмне үчүн жүзүндө нур жаркырап тургандыгы жөнүндө сурашканда, ал:
– Түн ичинде Аллахка жалбарып ибаадат кылам, ошол себептен жүзүмө нур чыгат – деп жооп берет. Акырет үчүн азык камдоого шашылуу акылдуу адамдын иши. Өлүм эскертүүсүз келет. Пайгамбарыбыз (Ага Аллахтын салам-салаваты болсун) бир хадисинде:
– «Өлүмдү көбүрөөк эстегиле, ал эч кандай эскер түүсүз келет» – деп айткан. Өлүмдү эстебеген адам, эртең жөнөөчү сапарын унутуп койгон адам сыяктуу. Эч кандай даярдыгы жок сапарга жөнөгөн адамды элестетип көргүн. Аны машина күтүп турат же самолётко билети бар. Качан гана жөнөө убактысы келгенде, ал өтө шашылат. Бирок, эми даярданууга кеч болуп калды. Бул дүйнөнүн кызыгына азгырылып, акырети үчүн даярдык көрбөгөн адамга өлүм келгенде, даярданууга кеч болуп калат. Өлүмдү бир-эки мүнөт коё тур деп күттүрүп коё албайсың.
Пайгамбарыбыздын (Ага Аллахтын саламсалаваты болсун) күйөө баласы Алиге (Аллах андан ыраазы болсун) бир адам келип, бирөөдөн короо жай сатып алгандыгын, кийин аны кайрадан талашып алып албоосу үчүн, күбө болуп, бир кагаз жазып берүүсүн өтүнөт.
Али (Аллах андан ыраазы болсун) ал адамдын дүнүйөгө аябай берилген адам экендигин байкайт. Кагазын алат да «Бир өлүүчү адам, экинчи өлүүчү адамдан короо-жай сатып алды. Ал короонун төрт тарабы бар. Анын биринчиси адам өлгөндө түгөнөт. Экинчиси, мүрзөгө киргенде түгөнөт. Үчүнчүсү, Аллахтын алдында эсеп-кысап бергенде түгөнөт. Ал эми төртүнчүсү, же бейиш же тозок менен аяктайт» деп жазып берет. Тиги адам жакшы түшүнө албай, мен сенден күбөлүк кат жазып бер десем, сен өлүм жөнүндө жазыпсың деп таң алат. Ошондо Али: (Аллах андан ыраазы болсун) «дүнүйөгө көп берилбегин. Бул дүнүйө түбөлүктүү эмес. Эртели кеч жөнөөчү сапарыңды унутпа» деп насаат айтат.
Падыша Харун Рашиддин бир вазири бар эле. Анын милдети падышага насаат айтып, акыретти эстетип туруу болчу. Бир күнү падыша вазирин чакырып, мага насаат айткын дейт. Вазир падышага кайрылып мындай дейт:
– урматтуу падышам, эгер сиз катуу ооруп калсаңыз жана бул оорунун дарысы бир чөйчөк суу болсо, бирок ал суунун баасы өтө кымбат болсо, эмне кылат элеңиз? – дейт. Падыша бир топко ойлонуп:
– мен аны колумдагы мүлктүн жарымын берип болсо да сатып алмакмын – дейт. Ошондо вазири кайрадан:
– Ал эми ошол сууну ичкенден кийин аны кайра чыгара албай кыйналсаңыз эмне кылат элеңиз – деп сурайт. Падыша дагы көпкө ойлонуп туруп:
– дүнүйөмдүн калганын берип болсо да дарыланмакмын – деп жооп берет. Анда вазир:
– урматтуу падышам, сиздин падышалык мүлкүңүз Аллахтын берген ден-соолук нээматынын алдында эки чөйчөк суучалык кадыры жок болгон соң, демек өлүмдү көбүрөөк эстеп жүрүңүз – деп насаат кылган экен.

Урматтуу мусулман бир тууганым!

Сапарга чыгуудагы максатын билбеген адам, ал сапарга даярдык көрө албайт. Бул жашоодогу мак сатын билбеген адам, акыретине даярдана албайт. Бул жашоого Аллахтын сыноосунан өтүү үчүн, Анын буйруктарын аткаруу үчүн келгенбиз. Аллах Таала Кураанда: «Жиндерди жана адамдарды өзүмө ибаадат кылуу үчүн гана жараттым. Мен алардан ырыскы да жана алар мени азыктандыруусун да каалабаймын. Чындыгында Аллах ырыскы берүүчү жана Ал, Күч-кубаттын ээси» деп айткан. Ошондой эле, экинчи бир аятта: «Оо, ыйман келтиргендер! Руку жана сежде кылып Эгеңерге сыйынгыла жана (адамдарга, туугандарыңарга) жакшылык кылгыла. Балким, (тозоктон) кутулаарсыңар» деп айткан. Пенденин милдети Аллахка руку сежде кылып сыйынуу менен бирге башкаларга жакшы мамиле кылуу. Адамдын бул дүйнөгө жаратылуусунун мындан башка максаты жок. Аллах Таала хадиси кудусийде: «Эй адам баласы, мен жалгыздыгымдан сени жолдош болсун деп жараткан эмесмин. Мен аздыгымдан сени көп болсун деп жараткан эмесмин. Кайсы бир амалды аткара албай калсам жардам берет деп жараткан эмесмин. Кимдир бирөөгө менин менен бирге пайда же зыян берет деп да жараткан эмесмин. Мен сени күнү-түнү мага ибаадат кылууң үчүн жаратканмын» дейт. Демек, ибаадат кылуу жума күнү мечитке келип коюу же айт намазын окуп коюу эмес экен. Аллахка өмүр бою, күнүтүнү ибаадат кылуу керек. Анткени, өмүр өтө кыска жана өлүм эскертпестен келет. Сахабалардан кийинки доордо жашаган Мухаммад ибни Каьбий аттуу өтө бай адам болгон. Ал адам ооруп төшөккө жатып калганда, достору келип ага келме айтышып, балдары үчүн эмнени мурас кылып калтырганын сурашат. Алардын суроосуна: Жыйган байлыгымдын баарын акыретим үчүн жөнөтүп жибердим. Ал эми балдарыма Аллахты гана калтырдым. Эгер мен балдарыма мал-дүнүйө калтырсам, күндөрдүн биринде ал баары бир түгөнөт. Ал эми алар такыбаа болушса, Аллах ойго келбеген жерден ырыскы берет. Ал эми Аллахтын казынасы эч качан түгөнбөйт – деп жооп берет.

Урматтуу мусулман бир тууганым!

Өлүм периштеси эшигиңди кагып кирип келгенче акырет үчүн азык камдап ал. Өлүм периштеси келген соң аны кайтара албайсың, андан качып да кете албайсың. Болгону өкүнүч менен гана кете бересиң. Пайгамбарыбыздын (Ага Аллахтын салам-салаваты болсун) жакын сахабаларынын бири, эң көп хадисти бизге жеткирген Абу Хурайра (Аллах андан ыраазы болсун) өлүм төшөгүндө жаткан мезгилде көз жашын агызып ыйлайт. Анын ыйлаганына таң калышкан адамдар, эмне үчүн ыйлап жатканын сурашканда, ал: мени бул жашоо дон кетип жатканы үчүн ыйлап жатат деп ойлойсуңарбы? Жок, мен сапардын алыстыгын көрүп, азыгымдын аздыгын эстеп ыйлап жатам – деп жооп берет. Ар бир пенденин башына бул күн келет. Улуу сахаба ушинтип өкүнүп ыйласа, эч нерсе менен иши жок кайдыгер жашоо өткөзгөн пенделердин абалы кандай болот. Күн өтүп жатат. Күн өткөн сайын өмүр азайып сапарга чыкчу күн жакындап келе жатат. Ар бир күнүбүздү, ар бир саатыбызды, ар бир минутабызды акырет азыгы үчүн жумшоого аракетенүүбүз керек. Аллахтын алдына барган кезде беш нерсеге жооп бермейинче бир кадам да алдыга жыла албайсың.
Биринчи: Аллах берген аздыр-көптүр өмүрдү кайда жумшадың.
Экинчи: Аллах берген күч-кубаттуу жаштыгыңды кандай пайдаландың.
Үчүнчү: мал дүнүйөңдү кандай жол менен таптың.
Төртүнчү: ошол тапкан мал-дүнүйөңдү кандай иштерге сарптадың.
Бешинчи: Билген илимиңе кандай амал кылдың. Мына ушул беш нерсени эстеп, ага жооп берүүгө да даярдык көр.

Диндеги эң такыба деген атка конгон Хасан Ал-басрий: (Аллах андан ыраазы болсун)
– «Эртең менен күн чыкканда адамдарга: эй адам баласы, мен жаңы күнмүн, менден пайдаланып кал. Мен бүгүн кетсем кыяматка чейин кайра келбеймин деп кайрылат» – деп айткан.

Ар бир агарып аткан таңдан кызарып күн батканга чейин акырет үчүн азык камдап сооптуу амалдарды жасоону Аллах Таала баарыбызга насип кылсын. Аллахым ар бирибиздин билип-билбестен жасаган күнөөлөрүбүздү кечиргин. Улуу Жума күнүндө кылган дубаларыбызды кабыл кыл. Адашып туура эмес жолдо жүргөн пенделериңди туура жолго баштагын. үлгү Аллахым, өзүңдүн алдыңа сооп капчыктарыбыз бош, азыгы жок барып калуудан сакта. Асслааму алайкум ва рахматулЛохи ва баракатух!

Запись АЗЫГЫ ЖОК САПАРГА ЧЫКПАЙТ впервые появилась Formula.KG.

ЖАРЫЯ

Араб тилин үйрөнүүнү көптөн бери максат кылып жүргөнсүздөр, бирок, убакыт жетпей, мүмкүнчүлүк болбой жаттыбы?

☝Эми сиздер үчүн үйрөнүүгө жеңил, оңой мүмкүнчүлүк бар!

“Фадиля” кыз келиндерге араб тилин үйрөтүү курсу жаңы башталгыч тайпага каттоону баштады.

Онлайн окуу курсунун алкагында төмөнкүлөрдү окутуп үйрөтөбүз: Окуу, Жазуу,Угуу,Маектешүү…

Жана ошондой эле:

Тамгаларды туура жана сулуу “насх” стилинде жазганды үйрөнөсүздөр;

Махраж- тамгалардын чыга турган жайын, туура айтууну үйрөнөсүздөр;

Тажвид (Куранды окуунун эрежеси) сабактары өтүлөт;

Ар бир окуучунун тапшырмасы жекече текшерилет;

Убакыттын үнөмдүүлүгү;

Курстун акысы:
Катталуу үчүн гана 250 сом төлөнөт, калган баардык айларда бекер.

Катталуу үчүн төмөндөгү номерге what’s app аркылуу кайрылыңыздар:

+996707114571

‼ Каттоо 1- октябрга чейин болот..

‍‍‍”http://ift.tt/2xsN8Jc;

Запись Жарыя! Куран окуу курсу зор мүмкүнчүлүк! впервые появилась Formula.KG.

Адам бул жашоого жаралган соң, ар кандай каалоо- максат менен жашайт. Эң чоң максаты (каалоосу)- бактылуу жашоо! Бактылуулук! Бирок, көбү бактылуулуктун (бакыт) эмне экенин аңдай беришпейт. Биринчи бактылуу болуу үчүн эмне кылуу керек? Биз атайын <Бактылуулук формуласын> түзүп алсак.. Бул формуланы түзүү үчүн эң биринчи кайсы элемент керек жана маанилүү?
Албетте, ыйман жана ден соолук (элементи)! Албетте, биринчи жүрөктө ыйман болуусу- эң чоң бактылуулукка карай кадам жана формуланын маанилүү элементи. Эмнеге ден соолук элементи да маанилүү? Анткени, ден соолугуңуз болбосо эмне иштерди кыла аласыз? Эмнеге жетише аласыз? Эң мыкты деңгээлде ибаадат кылуу үчүн да ден соолук керек.. Жашоо үчүн да, үй-бүлөөнү багуу үчүн да жана башка бардык нерсе үчүн ден соолук керек! Кээ бир учурда ден соолугу чың болуп туруп, кедей жашаган адам да өзүн бактылуу сезет! Эмнеге? Эртең азыгы түгөнсө дагы эмгектенип, азык-оокат таап келет. А бирөө чириген бай болсо да, ден соолугу болбосо ал бактысыз. Анткени, анын тапкан дүнүйөсүнүн баары ден соолугуна кетет. Берекесин көрбөйт!
Олжас Сулейманов айткандай, бутуңдагы ботинкең бутуңду кысып турса, кең дүйнөнүн кеңдигинен не кажет.

“Ден -соолук табылгыс байлык,сатып алгыс бакыт, түгөнбөс кенч, кайсы бир адамдын ден соолугу чың болсо- ал бактылуу”- деп айтсам анда мындай суроо баарында эле туулушу мүмкүн? Ден -соолугу чың баар жогу бүтүн бирок көчөдө бомж,базарда тилемчи,үй -бүлөсүндө тынчтык жок,башы кыйынчылыктан чыкпаган,кедейлик,жакырчылыкта жашаган инсандарды караап анда алар эмне үчүн бактылуу эмес деп айтууңуз мүмкүн э .. ден -соолугу чың болсо эле бактылуу инсандар толуп кетмек да депчи. Ооба өкүнчтүүсү жашоодо мындайлар толо болгону ден -соолук кадырына жетпей бактылуулук эшиктеринин ачыкычтарын кайда экенин издебей жатабыз.
Хадистерде келгендей:

«Азга шүгүр кылбаган адам, көпкө да шүгүр кылбайт» – деп айткан. (Ибн Маажа)…

«Адамдарга шүкүр кылбаган пенде, Аллахка да шүкүр кылбайт» – деген. (Абу Дауд).

Демек Аллахтын берген эсепсиз нематтарына шүкүр кылганды билбей жатабыз. Эгер билсеңиз ден -соолуктун канчалык улуу немат экенин билгениңизде эле башыңыздан баштап бутуңуздун учуна чейин эсептеп көрүңчү, эсебине жете албайсыз. Аллах Таалам канчалык кооз,канчалык татаал,канчалык сырдуу дене -мүчөңүздү жаратып койгон адамзат бул сырды чечүүгө акылы да жетпейт. Ушундай улуук наматта жашап жаткан экенсиз сиз дүйнөдөгү эң бактылуу инсансыз,аны билбей нашкүрчүлүк кылган болбоңуз..
.
“Оору кадырын ооруп өксүгөн жан билет, жашоо кадырын кыйналып жашган жан билет “. . .

“Колдо бар алтындын кадыры жок “деген сыяктуу ден- соолугубуз бар туруп шүкүр кылбай, анын кадырына жетпей келебиз.
Эки колуң, тилиң, оозуң, эки колуң, эки бутуң бар.

«Эми, Роббиңердин кайсы нематын жалганга чыгара аласыңар?! »(55:13).

Аллах Таала айткан: «Силер Мени эстегиле Мен силерди эстеймин. Мага шүгүр кылгыла, каапыр болбогула». (Бакара, 152-аят)…

Эркиндик менен ден соолук окшош: алардан ажыраганда гана “аттиң!” дейсиң.
Анри БЕК:
“Убакыт менен ден соолук көрүнбөгөн бакыт “деп бекеринен айтылбаптыр.
Эгер билсек ден соолук деген:

Ден -соолук -бактылуулук эшиктеринин ачкычы,жашоонун кооздугу,өмүрдүн балуулугу…

Ден -соолук -ийгилик тепкичтерине чыгууга сөйөнүч, жетүүгө күч -кубат ..

Ден -соолук -амалдардын ырахаты,бул дүйнө,аркы дүйнө бейишине жетүүчү жолдомо..

Анткени ден -соолугуң чың үчүн сен бизнесменсиң,илимдүүсүң,сүйгөн кесибиңдин ээсисиң ,деги эле турмушта сүйүктүү жолдошу -жубайсың,балдарыңдын атасы, апасысың,ата -энеңдин сүйүктүү уулу же кызысың. Сенде ушулар бар экен Аллахка шүкүр келтир бир тууганым!

“Биринчи байлык ден соолук,экинчи байлык ак жоолук,үчүнчү байлык бар соолук “-дегендей ден соолук баа жетпеген жалгызгана асыл дүйнө. Аны сактоо,абайлоо ар бир инсандын өз колунда. Ар ким ден соолугунун начарлоосуна өзү күнөөлү. Ден -соолук адам өмүрүндөгү эң жогору баалуу дүнйө болгондуктан,ар бир адам баласы көңүл буруу кажет,аны орунсуз ысарап кылбоо керек.

“Оору келбестен мурда ден- соолугуң жөнүндө ойлон” (хадис). .

Пайгамбарыбыз (с. а. в. ) айтып өткөндөй:
“Мусулман пендеси эки нерсенин кадырына жетпейт. Биринчиси-Убакыт. Экинчиси-Ден- соолук”..

Ден-соолук кадырына жетүү, аны сактоо да өзүбүздөн.
“Сактанганды Кудай сактаптыр “деген макал бекеринен айтылган эмес. Өзүңө кароо, таза жүрүү, сууктардан этият болуу, убагында тамктануу, убагында уктоо булар биздин ден- соолукка кам көрүүбүз, өзүбүздү ар кандай оорулардан сактап алдын алганга жардам берет.

Аллах Таала пендесине эмне пайдалуу болсо аны буйруп, ар дайым аткаруусун буйруган. А эмне зыян болсо, ошол нерселерден тыйган. Аллахтын бизге буйруган дагы бир нээматы- намаз. Намаздын эле ден-соолукка канчалык пайда экенине көңүл буруңуз:

1- Намазда аткарылган аракеттер жай болгондуктан, жүрөктү чарчатпайт жана күндүн ар кандай саатында болгондуктан, адам баласын дайыма сергек кармайт.

2- Күндө башын сексен жолу жерге койгон адамдын мээсине ритмикалык түрдө көп кан барат. Бул себептен улам мээ клеткалары жакшы азыктанат жана склероз, психоз сыяктуу оорулар намаз окуган адамдарда өтө аз кездешет. Алар өмүрү боюнча көп оорушпайт. Медицинада «Деманс сенил» деп аталган ооруга чалдыгышпайт.

3- Намаз окугандардын көздөрү туруктуу тартипте ийилип-түздөлүүдөн улам күчтүү кан айланууга ээ болот. Ошондуктан, көздүн ичинде кан басымы көтөрүлбөйт жана көздүн алдыңкы бөлүгүндөгү суюктуктун үзгүлтүксүз алмашуусу камсыздалат. Көздү «катаракт» же болбосо «кара суу» деген оорулардан сактайт.

4- Намаз учурунда аткарылган изометрикалык кыймыл – аракеттер ашказандагы азыктардын жакшы сиңишине, өттүн оңой агуусуна жана ушундан улам, өттө таштын пайда болбоосунда, панкреастагы ферменттердин оңой чыгышында чоң роль ойнойт. Бөйрөк менен түтүктөрүндөгү кыймылдан улам таш пайда болуусунун алдын алат жана табарсыктын бошошуна жардам берет.

5- Беш маал окулган намаздагы ритмикалык аракеттер күнүмдүк жашоодо машыктырылбаган булчуң менен муундарды кыймылга келтирип, артрит жана туз биригүү сыяктуу муун ооруларынын жана булчуң тырышууларынын алдын алат.

6- Ден-соолук үчүн албетте тазалык керек. Даарат менен гусул материалдык жана моралдык тазалык болуп эсептелет. Ал эми, намаз тазалыктын дал өзү. Анткени, адамда дене жана рухий тазалык болмоюнча намаз болбойт. Даарат менен гусул дененин тазалыгын камсыздайт. Ибадат милдетин орундаткан адам моралдык жактан жеңилдеп, тазаланган болот.

Бул намаздын гана пайдасы а динибиздеги бардык буйрулган амалдарын пайдасы адамдардын бир ден соолугуна эмес жашоосунда көптөгөн жакшылыктарга жетүүсүнө себеп болот.

Ден -соолук чыңында амалдардын канчалык ырахат менен аткаруулусу,Аллах алдында канчалык соопторго жетүүгө мүмкүнчүлүгүн билгениңде эле?! Окуган намазыңа,Кураныңа эле карачы баарын өз ордунда аткарып,ырахат менен окуйсуң, Ошон үчүн жашмын анан окуймун,кыламын дегенден алыс бол. Элүү, алтымышка чыгасыңбы жокбу Аллах билет. Жеткен чакта да амалдарың жарты болот,тик турган белиң бүгүлүп,олтуруп турган буттарың ооруп,орозо кармаганга ашказаның күчсүз,куран окууганга көздөрүң тунарып ,кыскасы көөп жакшылыктардан кур каласың. Ошондуктан жаштыкта күчтүн, ден соолуктун барында жакшы амалдарды аткарып,бул дүйнө бейишин эле эмес аркы дүйнө бейишине да жетишип ал….

Бактылуулуктун эң башкы зарылчылыктары – ден соолуктуу эл, ден соолуктуу үй-бүлө, ден соолуктуу жаштар, ден соолуктуу өспүрүмдөр, ден соолуктуу балалык, ден соолуктуу жашоо ар бир инсандын табылгыс байлыгы…

Нуриза Кармышакова.

«БАКТЫЛУУЛУК ФОРМУЛАСЫ»

Запись ДЕН -СООЛУК ТАБЫЛГЫС БАЙЛЫК! впервые появилась Formula.KG.

Урматтуу мусулман бир туугандар, агалар, достор.

Аллах Таалам кезектеги бир ааз болсо да ыйман сөздөрүн бири бирбизге эскертүүнү насип этиптир.. Диндин себебинен күндө жакшы сөздөрдү угабыз..

Диндин себебинен, ыймандын себебинен адам баласы бактылуу боло алат. Дин болбогондо ушул учур кайдан болсун? Сиздер тааныбайсыздар, биз сиздерди..

Бирок жүрөктөрдө де жүрөктүн тереңинде бир туугандык сезимдер бар. Диндин себебинен бири-бирибиз менен ыйман сөздөрүн сүйлөшүп жатабыз. Дин сиз менен бизди байланыштырып, бири-бирибизди бириктирип жатат. Дин болбосо, сылыктык болбосо, чынчылдык болбосо, кичи пейилдик болбосо, жөнөкөйлүк болбосо, адилеттүүлүк болбосо, кечиримдүүлүк болбосо адамгерчилик болбосо өзүбүз биринчи бузулуп, бүт үммөт бузулуп, бүт аалам бузулмак…

Дин бизге жөнөкөй бол, сылык бол, сылык сүйлө, чынчыл бол, кечиримдүү бол, кичи пейил бол, адилеттүү бол, сабырдуу бол деп насаат айтып жатпайбы .. Эгер дин болбогондо, ыйман болбогондо адам баласы азыр ушунчалык бузулат эле дин келе электеги Мекке Мединанын эли бузулгандай. Мекке Медина дин келгенден кийин ыйман ал коомду канча өзгөрттү ээ..

Бүт үммөткө жол башчы болушту. Бул дин менен ким жашаса заалымдын балдарынан аалымдар чыгат .. Ким таштаса аалымдын балдарынан заалым чыгат . Дүйнөгө эң таанымал адам динге келсе ал динди гүлдөтүп жибербейт . Дин ал адамды гүлдөтөт. Биз ойлойбуз ушул таанымал адам эле, дин менен жашап динди гүлдөттү деп..

Дин ыйман эч нерсеге муктаж эмес, гүлдөтүүгө да муктаж эмес толлук. Ал адам дин менен жашаганы үчүн дин анын даражасын бийик кылды. Караңыздар, ааламга таанымал аалымдар бар. Эгерде дин болбогондо аларды эч ким таанымак эмес, дин болгону үчүн, бир ааз ыйман менен жашаганы үчүн Аллаах алардын даражасын көтөрүп койгон, алар динди эмес Дин аларды гүлдөткөн. Түшүнүктүү болуп жатабы? Ар бир адамды – ыйман бактылуукылат . Бактылуулук бир гана кооз үй эмес. Бактылуулукбир гана кооз унаа эмес. Бактылуулук узак жашоодо дагы эмес . Бактылуулук сулуукелишкен эки жаштын нике менен жашоосунда дагы эмес .. Бактылуулук акча, мал – мүлктө дагы эмес. Бала-чака, үй -жайда дагы эмес .. Бул нерсенин баары болгону неъмат .

Аллахтын берген жакшылыгы. Чыныгы бактылуулук бул Жаратканды таануу. Чыгыгы бактылуулук баардык амалдарды Аллах үчүн аткаруу .. Кээде Аллах үчүн эмес пенделер үчүн жылмаюуга туура келет . Ресторан, кафеге кирсең официант жылмайып келет, бактылуулуктун сүрөтүн көрсөтүүгө аракет кылат . Анткени аны кожоюн талап кылат. Кээде адамдарды жалгандан эле, же жашообуздан алып күлдүрүүгөаракет кылган тамашачылар бар .. Бактылуулук тартуулайбыз деп ойлошот . Анткени биз күлгөн адамды гана бактылуулукдеп түшүнүп, ыйлаган адамды бактысыз экен деп түшүнүп калганбыз. Менин айтайын дегеним урматтуу мусулман бир туугандарым сиздин бул дүйнөдө тирүү жүргөнүңүз бир бактылуулук . Сиздин бар экениңиз бир бактылуулук. Ыйман менен Аллахты таанып жашоо, Пайгамбарды таанып жашоо, өкүмдөрүнө амал кылып жашоонун аты чыныгы бактылуулук! Шайтан сизге пикир салат. Эгер намаз окусаң бети-башыңды жаап, сакал коюп узуун кийинишиң керек … Толгон токой васваса азгыруулары. Замандан артта каласың дейт .

Туурабы туура эмеспи ? Биз дин менен жашабайбыз. Биз демократияны тандап аялдардын укугун эркектики менен бирдей кылабыз. Эркектер кылган укукту бизда кылууга акыбыз бар, көчөдө жүрүүгө да акыбыз бар деп чыгышты. Ооба ал кез дагы келди. Эркектин укугу менен аялдардын укуктары бирдей болду. Динде аялын арабага олтургузуп кышында жылуу, жайында салкын араба менен, жамгыр суукка карабастан аялына кам көрөт эле. Аялы ага ыраазы болуп жашаган. Бүгүн динди таштап туруп эркек аял укугун бирдей кылып, аялдар иштеп жүрөт . Аялдар машине айдап жүрөт .. Жана эркектер арабага чыгып аялдар арабаны тартып калды, мына эркек аялдын укугунун теңдигинин акыбети ! Биз эми капа болбойлу ! Ошондуктан туугандар Аллах Таалам эркектердин мойнуна эмнелерди жүктөгөн болсо ага амал кылсак, аялдарга эмнелерди жүктөсө амал кылсак жашоодо жеңилчилик болот . Дүйнө 21 чи эмес 22 кылымдын даражасында бүгүнкү күндө өнүксө да Дин эң идеальный жашоо бойдон калат . Дин эч качан артта калбайт, бүт аалам айда жашаса дагы дин эң идеальный жашоо бойдон калат . Эң үлкөн жазуучулар, дүйнөнү калеми менен багындырган атактуулар том-том китеп басып чыгарса дагы бир бетинин бир сүйлөмүндө “энеге жакшылык кыл!” деген сөздү таппайсыз.. Эң күчтүү корольдуктар жазып чыккан мыйзамдардын биринде да “Жылмай, атаны нааразы кылба” дегенди таба албайсыз, туурабы туура эмеспи ? Каанча китеп, каанча гезит окубайлы жетимдин башын сыла деген сөздү кезиктирбейбиз. А дин аны бизге үйрөтүп жатпайбы..

Намаздарыбыз каза болуп жатат эч кайгыруу жокко жүрөктө.. 1000 сом чөнтөктөн түшүп калсынчы, 2000 рубль түшүп калсынчы жүрөктөр антарылып демиң кысылып териң куюлуп кетет . Намазыбыз каза болсо 100 сом жоготкончо да кайгырбайбыз, капа болуп өкүнбөйбүз ! 10 сом садака берүү ушунчалык кыйын өзүмө керек деп бекитебиз..)))

Анткени сиз биз дүйнө үчүн өтө көп мээнет кылдык машыктык . Бул дүйнө убактылуу гана.. Дүйнө убактылуу гана – деген создү укпасак деле ар бирибизге маалым . Төрөлгөндөр өлүп жатат, чыккан күн батып жатат, өскөн бак-дарактар чирип жоголуп баратканы дүйнөнүн дагы убактысы бүтөөрү чын экенинин далили. Беш убак намазды өз убагында окуу каанча кыйын ээ. Садака берүү, зекет берүү, сага жамандык жасагандарды кечирип салуу каанча кыйын))) Баарыбызда текебердик бар, напсини жеңүү эң кыйын иш, мына ушул чыныгы жихад ! Жихад ушул туугандар .. Каанча ыйман сөзүн уксак деле ыймандуу болууга аракет жасабагандарды көрүп таң каласың. Анткени, кабыр акыйкат болуп турса, махшар айныгыс чындык, бейиш тозок хак болуп турганын билип туруп дүйнө менен жашоодобуз.. Анын артынан чуркап баратабыз.. Кээде кыямат тезирээк эле болсо бекен – деп тилегиң келет. Ыймансыз болсун ыймандуу болсун, еврей болсун атеист болсун баардык адамдын балдары Аллах Тааланын астында коркконунан бүжүрөйүп калганын көрөт элең. Ыймандуулар бир тууган – деген аятты кабыл алгыбыз келбейт . Мусулман болуп туруп улутка бөлүнүү сезими пайда болду.

Ким улуттарга бөлүнсө ал бизден эмес ..

Мейли бул дүйнөдө ар бир мамлекеттин картасы ар башка көрүнүштөдүр . Бирок жердин астында ар бир адамдын картасы, жаткан кабыры окшош туура эмес болсо айтыңыздар ?

☆ Мен кичинекей кезимде көп адамдын сааты жок эле бирок көп нерселерге жетишкенин көрөт элем. Азыр баарынын сааты бар бирок убактысы жок.

☆ Мен эч нерсеге жетишпей жатамын деп кайгырба. Анткени баардык улуу инсандардын бир күндүк убактысы да сеникиндей 24 сааттан ашкан эмес.

☆ Аллах Таала сага ушунча жыл өмүр берди сен бир секундда “Аллах улуу” деген сөздү айта албайсыңбы ?

☆ Бүгүн акыркы күнүбүздүр балким ….

Келгиле достор акыретибиз үчүн убакыт ажыратайлы, жашообузду ыйман менен жашап өткөрөйлү.

Аллах Таалам өзүң бизге жетиштүүсүң, шайтандын, напсинин, душмандарыбыздын жамандыгынан бизди сактагын. Күнөөлөрүбүздү кечирип, сүйүктүү кулдарыңдын арасына бизди да кошкун ..

Эскертүү бизден жыйынтык сизден береке Алладан!

Али Маматов атайын formula.kg сайты үчүн
“БАКТЫЛУУЛУК ФОРМУЛАСЫ”

Запись Дүйнөгө эң таанымал адам динге келсе ал динди гүлдөтүп жибербейт. Дин ал адамды гүлдөтөт впервые появилась Formula.KG.

Ээ Кыямат! Тез-тез келчи Кыямат!

Ээ Кыямат! Тез-тез келчи Кыямат!
Бизге зыян берген заалым ким дейин!
Бүт күнөөсүн өз мойнуна алган соң,
Анык жүзүн көрүп мен да тилдейин.

Азыр билбейм, анык жаман кимиси?
Душман чыгат агасы же иниси.
Бүгүн тууган болуп жүрсөк эртеси,
Жан кейдирет түлкү кейпин кийиши.

Элдер түрдүү, жакшы жаман аралаш.
Айырмасын билип турам замандаш!
Бир энеден төрөлсө да балдары,
Душман өңдүү, бир-бирине атаандаш.

Пейли бузук жандар жүрөт каткырып,
Шайтан кейпин кийип элди азгырып.
Эгер тез-тез Кыямат Күн келгенде…
Жазаламак Кудай чокко жаткырып.

Түрү суук, эки жүздүү адамдар,
Жакшылардын кара чачын агартты!
Сөз ташыган ушакчылар алсыздын,
Кан басымын көтөргөнгө жарышты.

Сураштырса бир атанын балдары,
Адамдарда коркуу сезим калбады.
Айрымдары маңкурт кылып кишини,
Тынч жашоосун бузуу жолун тандады.

Жер көтөргүс, толуп-ташкан күнөөсү,
Кадам сайын болуп жатам күбөсү.
Бир-биринин көздөрүнө чөп салып,
Ийри жүрөт аялы же күйөөсү.

Мына ушулар катардагы адамдар,
Апаат келсе бирдей басат кадамдар.
Кыямат Күн келсе гана бөлүнүп,
Эки башка жашай турган заман бар.

Ошондуктан тез-тез келчи Кыямат,
Бейиш төрдө бала ыйласын ыңаалап.
Ага кошо ата-эненин күлкүсү,
Ыймандуулар акыретте чыңалат.

«Баардык жандар өлүм даамын татышат жана Кыямат Күнү ар бириңерге сыйлыгыңар толугу менен берилет. (Ошондо) ким Тозок отунан куткарылып, Бейишке киргизилген болсо, мына ошол ийгиликке жетет. Дүйнө жашоосу- азгырыктардан гана пайдалануу».
(Аали Имран, 185-аят).

«Аз гана пайдалануудан кийин алардын орду Тозок. (Ал) кандай жаман орун»!
(Аали Имран, 197-аят).

Жаңыбай Баткен…

Запись Ээ,Кыямат! Тез -тез келчи Кыямат! впервые появилась Formula.KG.

Баткен облусундагы Лейлек районунда өскөн 26 жаштагы Каныкей Батырова Москва шаарында өзүнүн мода үйүн түптөп, кийим тигүү мектебин да ачууга жетишти. Учурда дизайнерлик менен алектенип жатат. Экономика тармагында жогорку билим алган каарманыбыз кыялын кантип ишке ашырганын аймактык кабарчыга айтып берди.

«Мен бала чагымдан тартып тикмечиликке кызыкчумун. Өзүмө каалагандай көйнөктөрдү тигип кийип, сиңдилериме да тигип берчүмүн. Ошондо эле модага болгон табитим жана тандоом жакшы болчу. Дизайнер болууну бала кезимде кыялдансам, азыркы учурда хоббим катары кабыл алам.
Москва шаарында окуп жүргөндө чечен улутундагы кыздар өздөрүнө аз убакыттын ичинде мода үйүн ачып иштетип жатканын байкадым. Аларда эркектер иштеген жерде аялдар иштебейт эмеспи. Жумушу таза жана жагымдуу болчу. Аларды көрүп, биздин кыз-келиндердин оор иштерде иштеп, ден соолугуна зыян тийгизип жатканын ойлоп, зээним кейүүчү. Аялдар үчүн бул жумуш жеңил жана таза болгондуктан бул идеяны өзүмө сиңирип алдым», – деди ал.

Мода үйүнүн ачылганына жабык кийимдерди табуудагы кыйынчылыктар себеп болгонун айтат. Кийим дүкөндөрдөн оюндагыдай узун көйнөктөрдү таба албай, акыры өзү тигип баштаган.

«Өзүм тигип кийген көйнөктөргө кызыккандар көп болуп, кайдан алганымды сурай беришчү. Бир ирет тааныш эжелер сураганынан ушундай көйнөктөрдү тигүү үчүн мода үйүн ачууну убада бердим. Бирок айтылган сөздү иш жүзүнө ашырууда кыйынчылыктар болду. Алгач тажрыйбалуу адис издеп, акыры оюмдагыдай адамды таптым. Ал тигүү мектебимде көптөгөн кыргыз кыз-келиндерге тикмечиликти үйрөтүп, шыктандырып жатат. Биздин тигүү мектептен билим алган айымдардын айрымдары мен сыяктуу мода үйүн ачууга жетишти. Учурда Ош, Бишкек, Казакстанга мода үйүн жана тигүү мектебин ачуу тууралуу сунаштар түшүп жатат», – деди каарманыбыз.

Учурда Каныкей эл аралык журнал чыгарууга камданып жаткан убагы. Ошондой эле, чет өлкөлөрдөгү жарандар менен иштешүүгө чоң мүмкүнчүлүктөр бар экенин кошумчалады.

Запись Лейлектик 26 жаштагы Каныкей учурда Россиядагы мода үйү менен кийим тигүү мектебинин жетекчиси впервые появилась Formula.KG.

Басылманын маалыматы боюнча, бул дүйнөдөгү биринчи автоматташтырылган полиция бекети болуп саналат. Анын 60 түрлүү кызматтарын колдонууга мүмкүн. Мисалы, укук бузуу же жол эрежеси бузулган туурасында ж.б. у.с. билдирүүлөр үчүн колдонсо болот.

Полиция кызматкерлине кайрылуу электрондук тармак аркылуу видео билдирүү менен ишке ашат. Акылдуу полиция бекети күнү-түнү иштейт.

Келечекте мындай полиция бекеттерин Дубайдын бардык турак-жай жана өнөр жай тармакттарында ишке киргизүү пландаштырылууда.

Дубайдын полиция департаментинин айтымында, бул автоматташтырылган бекеттер адаттагы полиция бекттеринин жумушун жеңилдетүү менен бирге ички иштер органдарына кайрылуу туурасындагы адатка айланган терс көз караштарды жоюга жардам берет.

Запись Дубайда дүйнөдөгү биринчи “акылдуу” полиция бекети ачылды впервые появилась Formula.KG.

Балыкчы шаарынын баш имам хатиби Чойбек ажы Исакунов шаар аймагындагы «Ас-Салам» фонду тарабынан курулуп жаткан жетим-жесирлердин турак жайынын курулушу менен жеринде таанышты. Шаар хатиби барак тибинде курулуп жаткан 5 бөлмөлүү үйлөрдү курууда салымын кошуп жаткан «Ас-Салам» фондуна ыраазычылыгын билдирип, курулушчулардын иштерине ийгилик каалады.

«Буга чейин 2 үй толугу менен бүткөрүлүп, турмуш шарты оор, жетим-жесир 10 үй-бүлө турак жайлуу болгон. Эми минтип үчүнчүсү бүткөрүлүү алдында турат»,-деди шаар хатиби Чойбек ажы Исакунов.

Запись Балыкчы шаарында турмуш шарты оор үй-бүлөлөргө үй курулуп жатат впервые появилась Formula.KG.

Күлкү ден соолуктун мүлкү деп айтып жүрөбүз. Бирок, ыйлоо да ден соолукка пайдалуу экенин билет белеңиз?

Адамдардын күлүү эмоциясына караганда ыйлоо эмоциясы эрте пайда болот. тагыраак айтканда, адам баласы төрөлгөндөн эле бир нерсе жетишпей жаткансып ыйлап төрөлөт. Ал эми көз жаш чыгарып ыйлоосу 5-12 жумадан кийин пайда болт деп айтылат. жаш балдар чоң адамдарга караганда көп ыйлоосунун себеби эмоцияларын башкара албоосунда дешет. 12 жашка чейин эркек болобу, кыз болобу баары эле бирдей ыйлашат. Андан кийин балдарга салыштырмалуу кыздар көбүрөөк ыйлаак келишет.

Аялдар максатына жетүү үчүн көз жашты курал катары колдонгонунан эмес, алардын организиминде гормондордун алмашуусу эркектердикине караганда батыраак болгондуктан, ыйлоосу да аларга караганда көбүрөөк болот. Адам кайгы-капасын ый менен чыгарганда өзүн жакшы сезип калат. Бирок, ар дайым эле тынымсыз ыйлоо менен айлана-чөйрөбүздөгү жакындарыбыза терс таасирин тийгизип коюшубуз ыктымал. Айымдар көбүрөөк ыйлагандыктан ичиндеги бугун чыгарып алышат. Ушул себептен улам (статистикалык маалымат көрсөткөндөй) аялдар эркектерге караганда көп жашашат.

Эркектер жаралышынан эле катуу болгондуктан, ошондой эле аларды жашынан эркек балага ыйлаган болбойт деп чыдамкай болууга тарбиялашат. Ошондуктан алар стресстерин ичине сактап жүрүп, жүрөк жана башка ооруларга аялдарга караганда көп кабылышат. Көп ыйлоодо ар түрдүү инфекциялык ооруларга туруктуу болуу менен эле бирге адамдын мээримдүүлүк сезимин да арттырат.

Запись Ыйлаган да пайдалуу впервые появилась Formula.KG.

Ой жүгүртүү жана сүйлөө адамзааданы башка макулуктардан айырмалап турган артыкчылык болуп саналат. Бир адамдын сүйлөгөн кебинен эле анын акыл деңгээлин, дүйнө таанымын көрүүгө болот. Башкача айтканда, сөз – бул адамдын күзгүсү. Адамды адам кылган – тил. Пендезаттын бак- таалайы да, азап-кайсыгы да иралды тилге байланыштуу. Ошол себептен ойлонуп сүйлөп, тилге өтө сак болуп, жаактан жаңылып албоого кылдат болушубуз абзел…

Акыреттеги саламаттык, бейпилдик жана жыргалчылык үчүн жалган, акаарат, бирөөгө жалаа жабуу, бирөөнү шылдыңдоо сыяктуу тил менен жасалган күнөөлөрдөн, бейпайда талаш-тартыштан, бирөөнүн көңүлүн оорутуп коюдан узак болушу керек. Инсан өзү билбеген маселе тууралуу так эмес имиштерди жайылтпашы керек, билгендерди тыңдай билиши керек. Анткени кулак болсун, көз болсун, көңүл болсун, булардын баарын Алла жоопко тартат. Адамзааданы «аттиң» дедиртип тозокко түрткөн да сөөгү жок ушу кызыл тил.
Андыктан мусулман Ислами эрежеге ылайык эч кимдин сөзүн бөлбөй, эч кимдин жүргөгүн оорутпашы керек. «Мусулмандардын эң шарапаттуусу ким?» деген суроого?
Азирети Пайгамбарыбыз (саллаллаху алейхи васаллам) мындай деп жооп берген экен:
«-Тилинен да, колунан да мусулман пенде жабыр тартпаган адам» деп жооп берген (Бухарий, Иман 4, 5, Рикак 26; Муслим, Иман 64-65).

Мусулман пенде кечирим суроого түртө турган сөздү айтпашы керек. Ар дайым чеги менен, жагымдуу, жылуу сөз сүйлөш керек.
«Кулдарыма айт! Сөздүн эң жакшысын сүйлөсүн!…» (Исра сүрөсү, 53-аят).

Анткени жанга жагымдуу, кулакка жугумдуу, көңүлдү кубанта турган жакшы сөз садака катары кабылданат. Адам муну менен тозоктон да кутулушу ыктымал.
Айтылчу ак сөздү өз орду жана убагында айтуу абзел. Эгер маалы келе электе айтылса, жок жерден жагымсыз жагдай жаралып калышы ыктымал.

Азирети Абу Бакрдын бул насааты зор мааниге ээ:
«Кимге, качан, эмне деп атканыңды жана айтаарыңды жакшылап ойлон!»

Азирети Пайгамбарыбыз билимдүүсүнүп, же өзүн кыйын көрсөтүү максатында сөздү жасалма сүйлөө жана тыңсынып эл түшүнбөгөн сөздөрдү колдонуу Кудайы азаптын каалгасын чертээрин кабарлаган.
«Угармандарды өзүнө тартуу үчүн көркөм сөз чебердигин үйрөнүп, сөздү ашыкча сүйлөгөн адамдын, парз болсун, нафил болсун, эч бир ибадатын Алла Таала кыяматта кабыл кылбайт!» (Абу Давуд, Адаб, 86/5006).

*Сөз салмагы*

Бир дыйкан ачуу үстүндө кошунасына катуу сөз сүйлөп койду. Ачуусу тарап өзүнө келгенден кийин, оозунан чыккан сөздөрүнө өзү уялды. Өзүн жаман сезди. Бир топко ойлонуп отуруп, кошунасына барды. Андан кечирим сурады. Кошунасы аны кечирген-дигин айтып, көңүлүн жубатты. Дыйкан бир аз жеңилдегенсип калды. Бирок, жүрөк түпкүрүнөн кандайдыр бир кыжаалатчы-лык кетпей туруп алды. Арадан бир канча күн өтсө да, дыйкандын жан дүйнөсү тынч албады. Акыры талаадан калаага келип, даанышмандан кеңеш суроону чечти. Кудай жалгап даанышман өз ордунда экен.

– Ошол күндөн бери өзүмдү жаман сезип жүрөм, – деди дыйкан болгон окуянын баарын айтып бүткөн соң. Даанышман анын колуна кичинекей баштыктагы тооктун парын карматып:

– Айлыңа бар да, ар бир таанышыңдын эшик алдына бирден парды таштап келгин – деди. Дыйкан баштыкты көтөрүп айлына кетти. Эртеси данышмандын алдына дагы келди.

– Сиздин айтканыңызды толук аткардым, бирок чарчагандан башка эч нерсени сезе албадым, – деди дыйкан.

– Сенин жумушуң бүтө элек, эми ошол парлардын баарын кайра чогултуп кел, – деди даанышман. Дыйкан кайра жөнөп кет-ти. Эртеси дыйкан баштыктын түбүнө бир аз гана пар чогултуп келди.

– Даанышманым, кечиресиз, мен барганча жел жүрүп парлардын көбү учуп кетиптир, бир азын гана чогулта алдым, – деди. Даанышман ага жылмая карап мындай деди:
– Уулум, ооздон чыккан сөз – эшик алды-на ташталган пар сыяктуу. Аны таштап кетүү жеңил, бирок кайра чогултуу мүмкүн эмес. Сөздү да айта салуу оңой, бирок ооздон чыккан сөздү кайра кайтара албайсың…

Жыйынтыктап айтканда, тилдин артында бүтүндөй бир адамдын аялуу сыры жашырынып жатат. Сөзүндө адеби бар адамдын өзү да адептүү десек жаңылышпайбыз. Андыктан сүйлөө маданияттын өөрчүтүү үчүн динибиз буйруган изги ахлакты бек кармануу кажет. Башкача айтканда, мусулман пенде көркөм сөздүн туу чокусу саналган Ыйык Курандагы ахлактан өз үлүшүн алып, андагы кеп маданиятын иликтөөгө алып, үйрөнүүгө аракет кылышыбыз керек.
Башта айтылгандай, жакшы, орундуу сүйлөө үчүн иралды кунт коюп тыңдоону өздөштүрүү кажет. Көп тыңдап, аз сүйлөө үчүн Алла Таала адамга эки кулак, бир тил берген. Көп сүйлөө чындыгында кыска убакытта адамдын баркын кетирет. Ошол себептен аз болсо да саз сүйлөп, чектен чыкпай, керек болсо унчукпай кулак салып олтурууга көнүү зарыл. Анткени айтылган сөз атылган ок сыяктуу. Айтыла электе сен ага кожоюн болсоң, ооздон чыгып кеткенден кийин ал сага өкүм жүргүзөт. Ошондо адамзаада өз сөзүнүн баш көтөргүс кулуна айланып калышы ыктымал. Пендезат айтылбай калган сөздү кези келгенде качан болсо да айтса болот, бирок айтылып кеткен сөзгө эч убакта жооп бербестен кутулуп кете албайт. Опол тоодой ийгилик алып келген жемиштүү сөздөр болгон сыңары, тоодон да барктуу, тоодон да бийик баштарды жуткан сөздөр бар экенин эч убакта унутпасак…

Запись ОЙЛОНУП СҮЙЛӨ-АЙТЫЛГАН СӨЗ АТЫЛГАН ОК впервые появилась Formula.KG.

Абу Зар (ага Аллах ыраазы болсун) бир күнү Аллахтын элчисине (ага Аллахтын тынчтыгы жана мактоосу болсун) келип: Мага насаат айтыңызчы? — деп суранды. Ар бирибиз Абу Зардын ордуна өзүбүздү коюп, пайгамбарыбыз мага эмнени насаат кылар экен деп көңүл буралы. Абу Зар (ага Аллах ыраазы болсун) айтат: насаат айтыңыз деп сурандым да, кулак төшөдүм. Аллахтын элчиси (ага Аллахтын тынчтыгы жана мактоосу болсун): “Аллахтан коркуп такыба бол, мына ушул бардык ишиңдин башаты” – деди. Мен: дагы кошумчалаңыз, – дедим. Ал: “Куранды окугун, Аллахты зикир кылгын, бул сага асманда да, жерде да нур болот”, — деди. Мен: дагы кошумчалаңыз, — дедим. Ал: “Аллах жолунда жихад кыл, напси каалооңду жең, — деди. Дагы кошумчалаңыз, — дедим мен. Ал: “Көп күлбө, бул жүрөктү катырат, жүзүңдүн нурун өчүрөт” – деди. Дагы кошумча кылуусун сурандым. Ал: “Аз сүйлөгүн, бирок жакшы сөз болсо айтуудан тартынба, бул сенден шайтанды алыстатат жана дин ишиңди алып барууңа жардамы тиет, — деди. Мен дагы сурандым.  Ал: “Дайыма өзүңдөн төмөн жашагандарга кара, жогоруларга караба, ошондо Аллахтын бергенине шүгүр кылуучу болосуң, — деди. Дагы айтыңыз, — деп сурандым. “Колунда жоктор менен отур, аларды жакшы көр, — деди ал. Кошумчалай бериңиз, — деп сурандым. “Ачуу болсо да акыйкатты айт” — деди. Дагы кошучалаңызчы, — дедим. Ал: “Жакындарың менен карым-катнашта бол, алар сени менен катташпай койсо дагы”, — деди. Дагы кошумча кылыңызчы, — дедим. Ал: “Аллах жолунда бирөөдөн жеме угуудан коркпо, — деди. Мен дагы сурандым эле, ал: “Өзүңө жакшы көргөндү өзгөлөргө да жакшы көр, — деп, анан мени далыма таптап: “Абу Зар, Аллахтын жараткандарына ой жүгүртүүдөн өткөн акылмандык болбойт, шектүү иштерден сак болоюн десең, анда башкаларга көз артпа,  эл алдындагы сенин сыймыгың адебиңдин мыктылыгы болсун”, — деди.

Мына бул насаттар бир гана Абу Зарга (ага Аллах ыраазы болсун) тиешелүү эмес, бул жалпы мусулмандарга тиешелүү. Андыктан, ар бирибиз бул насааттарды өзүбүзгө айтылды деп эсептеп, аларды аткарууга аракет кылуубуз керек. Бул насааттарда адамдын жашоосун толук өзгөртө турган, эки дүйнө бакытка жетелеген маани катылып жатканын түшүнүүбүз кажет.

Запись Абу Зарга 10 насаат впервые появилась Formula.KG.

Запись Кенияда сейрек кездешүүчү ак акыра впервые появилась Formula.KG.

Таң эртеде маанай деле жок болчу.
Ошскиге маршрутка отургам.
Көздөрүнүн нуру кетип..карыган.
Жанымда бир жупуну чал отурган.

Бир аз жүрүп чал күймөнүп капчыгын.
Алып чыгып санап кирди тыйынын.
Улам бирин кармап байкуш тигилет.
Сездим чалга саноо абдан кыйынын.

Алаканга бар тыйынын төктү да.
Шоопур көздөй жөнөп калды акырыын.
А тыйыны жетпейт болчу..не болот.
деп менин да жетпей турду акылым.

Шоопур дагы олбурлуу бир неме экен.
Билектери билегиндей балбандын.
Ар кандайын сазайыны берет го.
Ачуусуна тийип анын алгандын.

Чал байкушту урушат го эми деп.
Мен да бир аз акча менен камдандым.
Бирок мындай боорукерлик көрбөгөм.
Мен шоопурга чындап эле таңдандым.

Чал барды да деди шоопур кишиге.
“Мени түшүр эмки келген бекетке.
Санай албай берип жатам ал балам
Мына тыйын жетпей калса капетпе..

Шоопур алды чал байкуштун тыйынын.
Бекетке да келдик мына токтоду.
Шоопур кошо түшүп чалды жетелеп.
Бирдемелер берип жаткан окшоду.

Көзүм чалды жүз сомдуктан экини.
Чалга акырыын шоопур берип жатканын.
Толкундоодон суу болду окшойт эми эле.
Жыйырма сом алаканда катканым.

Көздөрүмө жаш айланды негедир.
Көкүрөгүм толуп чыкты кысылып.
Муздап турган жүрөктөр да мындайда.
Алат тура толкундоодон ысынып.

Шоопур келип кайра жолду уладык.
Эл жанданып күбүр шыбыр кубанып.
Тилеп турдум жараткандан ичимде.
Шоопур иши кетсе экен деп уланып.

Мындай шоопур азыр бизде жокко эсе.
Баары эле акча дешип жутунган.
Жүздөн бири болсо керек бул киши.
Кайрымдуулук жолун бийик тутунган.

Запись Жүздөн бири болсо керек бул киши… впервые появилась Formula.KG.

Жашоошун шары, элдин агымы менен Москвага келип, кой дээр кожосу жок, күнүгө дискотекадан чыкпай мас болуп жүргөн улан-кыздардын тагдырынан корком. Жалган жашоого бир жаралып, жашоонун даамын татпай, эненин ууз сүтүн бир оозанбай таштандыга ташталып, ит мышыкка жем болуп, никесиз төрөлгөн наристелердин көз жашы, убалынан корком. Ичкиликке берилип, метролордун айланасында таштанды пиволорду чогултуп ичип жүргөн кыргыз жигиттерибиздин өң-алеттен кеткен абалынан корком. Булар менен жандүйнөмдү оорутуп келишет.

Ооба, биздин балалык кез тизмекке тизгендей бир нукта өтпөдүбү. Барды да, жокту да билчүү эмеспиз. «Уят өлүмдөн катуу» дегенди ар бирибиз жүрөгүбүзгө бекем сактап, ата-энелерибиздин жүзүн жер каратыштан уялып, коркчу элек.

Турмушуң түшкүр «Бирине бар заман, бирине тар заман» дегендей заман өзгөрдү, жашоо өзгөрдү. Антейин десең ошол союз мезгилинде тарбия алган чоң эле аялдар, эркектер заман ушул деп күнөөнү заманга коюп, тири укмуштуудай жоруктарды жасап жатышпайбы, тообо! Аялдар – баласындай балдардын, эркектер – апасындай аялдардын коюнунда жуурулушуп жатканын көрсөң, төбө чачың тик турат!

Азыркы эле көргөн жагымсыз «сюжет» көз алдыңан кетпей, көөнүң азып, көпкө чейин өзүңдү жаман сезесиң. Байкуш баштары айланган жаш балдар… Ата-энелери кандай гана жакшы тилек, жакшы үмүт менен күтүшөт. А булар, жашоо ушул экен деп, жалган жашоодо күнөөгө батып, арам жолдо шайтан аялдарга азгырылып, алданып жүрүшсө бушайман жебегенде кантесиң. Дээринде жок кыздарыбыз чылымды чычайта кармап азербайжан, өзбек, тажиктин эркектерин ээрчип жаманатты болгондору аз келгенсип, кыргыздын канчалаган таза, абийрдүү кыздарынын жүзүнө көө сүртүп жатышпайбы.

Кара тамактын айынан мусулман экенин унуткандар дилин, тилин сатышып, башка динге кирип кеткен көрпенделер жүрүшөт. Раматылык «союз» менен кошо абийр, ар-намыс, уят-сый кошо кеткенби?

Кимге айтып даттанып ыйлайм?! Баары эле өз көздөрү менен көрүп, туюп турбайбы. Жандүйнөм жанчылып ыйлагым келет…

Көтөр башты, мигрант!

Көтөр башты, көңүлүңдү түшүрбө,
Көз жашыңы көлдөтпөчү, үшкүрбө.
Аска зоодой атаң күтөт жол карап,
Ата Журтка керексиң сен бул күндө.

Он гүлүңүн бири гүлдөп ачылбай,
Бөтөн элде санааң турат басылбай.
Темир тордо жаш өмүрүң кор болуп,
Турса дагы көтөр башты басынбай!

Керексиң сен, үй-бүлөңө, апаңа,
Кендириңи кесип салба садага.
Ансыз деле өрттө калып он төрт кыз,
Арман толгон көз жаш калды талаада.

Он төрт кызды жол карашып күтүшкөн,
Он төрт табыт, дене бойду үшүткөн.
Жакшысынан жаман кабар көп болуп,
Жүк эки жүз, арылтпады мүшкүлдөн.

Кыргыз кыздар көп улутка кордолду,
Бакыт издеп, башка улутка жар болду.
Эл жерине кызмат кылар кезинде,
Эр азамат жүрөт шыпырып жолдорду.

Көчмөн элди татаал тагдыр матоодо,
Көндү кыргыз мигранттык жашоого,
Канкорлордун бычагынан жан берип,
Канча жигит кош айтышты жашоодо.

Барган жерге гастарбайтер аталып,
Баркы кетти өз өлкөңүн канчалык.
Балдарыбыз мээрим көрбөй энеден,
Болгон күчтү, бөтөн элге сарптадык.

Тагдыр бизги салса дагы сыноосун,
Турмуштун биз башкарабыз буроосун.
Өлкөлкөбүзгө салым кошуп чет жактан,
Өкмөттүн биз толтурабыз мүдөөсүн.

Күдөр үзбөй, басаар жолуң байкагын.
Көкүрөктөн кайгы, ызааны айдагын.
Кыргыз элиң, тоодой жөлөк артында,
Көтөр башты, муңга чөгүп калбагын,

Кубанычтан күлкүң чыгып таш жарган,
Күнүң келет, бешенеңе шам жаңган.
Келээр күнгө үмүт менен жашап тур,
КЫРГЫЗ деген намыс сенде сакталган.

Көкөй кескен темир тордон кутулуп,
Күндүн көзүн көрөсүң сен ак таңдан.

Айсалкын СООРОНБАЕВА, Россияда эмгектенген кыргыз мигранты

Запись Көтөр башты, мигрант! впервые появилась Formula.KG.

Кайненеңизге дайыма “апа” деп кайрылыңыз. Бул сөз баары бир көңүлдү жибитет, айрыкча, сизден мындай сөздү күтпөгөн болсо, сиз тарапка жакшы упай кошулаарында талаш жок.

Бат-бат телефон чалып туруңуз. Сүйлөшүүгө шылтоо издөөнүн дагы кереги жок. Жөн гана акыбалын сурап койгон туура.

Жолдошуңузга кайненеңиздин жанында сын айтуунун кажети жок. Анткени, кайненеңиз уулуна болушаары турган иш. Анын үстүнө анын эне катары берген тарбиясына да шек жараткан болосуз.

Анын ашканадагы чеберчилигин баалаңыз. Эгерде чогуу жашасаңыздар, баары бир негизги кожойке ал экени эсиңизде болсун да, ашканада анын айтканындай кылууга аракеттениңиз. Ал эми кайненеңизден бөлөк жашасаңыз, анын рецепттеринен үйрөнүп алып, ал конокко келгенде андан үйрөнгөн тамактар менен сыйлаңыз. Дасторкондон өзүнүн тамактарын көргөн кайнене сизге жүрөгү жылып, ыраазы болуп калат.

Андан кеңеш сурап турганыңыз сизге пайда алып келет.

Ар кандай маселелер боюнча анын көз карашы сиздин кыжырыңызга тийип атса да эч качан каршы сүйлөбөңүз. Анын пикирин сыйлаңыз. Эгер айта турган сөзүңүз аябай маанилүү болуп атса, кайненеңизге каршы чыгып, “эл душманы” болбой, жайынча отуруп жолдошуңузга түшүндүрүңүз. Ал апасы менен чечишип алсын.

Жолдошуңузга апасын эч качан жамандабаңыз. Сизди канчалык сүйгөн менен апасы да ошончолук жакын адам. Ортодо чайналып, күйөөңүзгө эле кыйын болот.

Кайненеңизге сиз үчүн жолдошуңузду төрөп бергенине эле ыраазы болсоңуз болот.

Запись Кайнененин көңүлүн кантип алуу керек? впервые появилась Formula.KG.

Жашообузда ушундай бир учурлар келет жол таппай же чечим чыгаралбай,кайда,кимге кайрылууну билбей туңгуюукка камалган учурлар көп кездешет. Пенденин ушундай абалда ыйманын далилин Аллахка тобокел кылуу менен билдире алат.
Маида” сүрөсүнүн 23-аятында: “Эгер ыйманыңар бар болсо, Аллаху таалага таваккул кылгыла!”, …

“Али Имран” сүрөсүнүн 159-аятында: “Аллаху таала таваккул кылгандарды албетте сүйөт” – деп билдирилген.

“Талак” сүрөсүнүн 3-аятында: “Ким Аллаху таалага таваккул кылса Аллаху таала ага жетиштүү болот”, – деп билдирилген. …

Таваккул, б.а., тобокелчилик – бул жүрөктүн аткара турган иши, ал ыймандан пайда болот. Ыймандын да түрлөрү бар. Ал эми, таваккул эки нерсеге таянат. Алар таухидге ыйман келтирүү жана ырайымдуулук менен Аллахтын мээриминин чексиздигине ынануу. Таваккул жүрөктө таухидге жана Аллаху тааланын мээримдүүлүгүнүн чексиздигине ишенүү аркылуу пайда болот. Бул абал адамдын чын жүрөктөн өз өкүлүнө толук ишенүү жана аны менен көңүлүнө тынчтык берүү деген сөз. Мындай адам дүнүйө мүлкүнө таянбайт. Дүнүйөлүк иштеринин бузулуусуна убайымданбайт. Аллаху тааланын кайдан болсо да милдеттүү түрдө ырыскы жибере тургандыгына ишенет. ..

Салиха аялдын Аллахка болгон тобекели…

Куйөөсү өтүп кеткенден кийин жалгы салиха эне үч баласы менен үй- тиричилик иштери,балдарынын тарбиясы менен алышып,күндөрдүн кандай өтүп жатканында сезбей жашап келет. Айрыкча Аллах жолунда илим артынан түшкөн эне үчүн жашоо оңойго турган жок , баарына жетишүү үчүн күнүмдүк жашоосуна эреже түзүп алган. Баамдатка чейин сабак,намаз убагы,балдарын намазга ойготуш,эртең мененки тамака чейин аз болсо да балдарына тарбия берүү,мектепке,бакчага жөнөтүш . Андан кийин өзү сүйгөн илим алуу сабыгына чуркоо. Сабактан кийин балдары үйгө кайтканча тамагын даярдап,Эне болуп күтуп алыш,Ата болуп тиричилик гамын көрүү! Ушу ойлор,эрежелер менен алышып дарекке кандай жетип келгенин да билбей калды. Ой -пикири балдарында. Аларга алсыздыгын билдирбеш,оорлук түйшүктун кыйынчылыгын сездирбеш үчүн балдары кучагына чуркаган минуттарда башын тик тутуп,жүзүндө жылмаюу, мээрми менен күтүп алат.
-Энеке, келдиңизби?
– Энеке эмне алып келдиңиз?
-Мага шокалад алып келдиңизби?
Балдарынын чулдур -чулдурунан курсан болуп,машакаттарды сездирбеш үчүн кабагын “жылмаюу “маскасына ороп күйүү менен жооб берет. Анткени насип кылса келечек аалымдардын,илимдүү инсандардын, каарылардын -энеси деген наамга татыктуу болуш керек да! Көңүлдөрүн калтырып,жашоодон артка кайтыштарына эненин бир да хакысы жок! Өзүнө койсо, Аллахты жүрөгү менен тааныган балдарын жашоосун кубанычка толтуруп,үйдө олтуруп күтуп алып,колдон келишинче жакшы эне болуп берсе! Балдары менен кечки тамактануудан кийин:
-Кана, каары байкелер,дуба кылалы,Аллах сураган пендесин жакшы көрөт!-деп чогу дуба кылышат.Жакшына дубадан кийин сабакбөлмөсүнө кириб,жаншерги болгон дайыма күтүп алган, жыйылбаган жайнамаз үстүнө күчсүз жыгылды. Башын саждага койгончо Аллахка бар дардын төктү: “Аллахым! Угуучу,күч -кубат берүүчү -Өзүңсүң! Жер жүзүндөгү махулуктардын ырыскысын кемитбей Өзүң берүүчүсүң! Бизди жардамсыз таштап коюушуңа ишенбеймин! Мен алсызга жардам бер! Балдарыма ырыскаңдан жеткизе көр! Өзүң күбөсүң акыркы каражатымда иштетип болдум. Эч болбосо нанга да тыйыным калбады. Сен эч нерсеге муктаж эмес затсың,Өзүңдөн башкага муктаж кылба,эй Роббым! Өзүңө ишендим Өзүңө тобокел кылдым Роббым!
Көзжашы жайнамазга сызылып агып жатты,жүрөгү жарып өзүн жеңил сезип ордунан турду. Жана ар дайымкыдай жылмаюу менен бөлмөсүнөн чыгып,кечки балдардын сабагы менен шугулдана баштады. Ордуларынан жай алган “чурулдактар “үчүн бүгүнкү күн “Ясин “кыратын үйрөнү менен аяктады. Ар биринин жүздөрүнөн өөп бир саамга карап,келечектен көөптү күткөн байкуш эне жарыкты өчүрүп, кайра эле жүрөгүнө күч -кубат бере турган бөлөмөсүнө кирди. Негедир башына сабакта кирбеди,көңүлүнө эч нерсе сыкпай,оң тарабындагы дарддашы,сырдашы,канча жылдык жашоосуна күбө сүйүктүү жайнамазы өзүнө чакыргандай болуп жатты. Бешенесин сажадага коюуп, Жараткандан көп үмүттөр менен дуба -тилектерди кылып,убакыттын өткөнүн да сезбей уктап кетет. Таңда азанды үнү угулуп эне ордунан туруп,дааратын алып баамдат намазын канчалык ыклас менен окууга аракет кылса да түшүндө угулган куран айтты ойунан кетпей койду,кайта -кайта кайталанаберди.

“Эгер алар сенден жүз үйүрсө: “Мага Аллах жетиштүү. Андан башка Кудай жок.Ага тообекел кылдым (Ага таяндым Андан гана жардам тиледим) .Ал -Улуу Арштын Кожоюуну ! “-деп айт.

Куранды толук жатабаган себеп аяттын уландысын канча урунса да эч эстей албады. Балкайлар ойгонуп бакчага,мектепке жөнөй турган убакта болуп калды. Жуунтуруп,кийинтип жатты, жүрөгүн ооруткан суроо кичинекейинин тилиден чыкты: “Энеке.,чай ичпедик-го? Нан жеймин “деп тызылдап жатты. Байкуш эне эмне кыларын билбей эч болбосо балдар чай ичишсин деп бир чыныдан ыссык чай ичлиди. Ага чейин сумкаларын, шкаф,китеп сүртмөлөрүн эмнедир чыгып кала тургандай тыткылай баштады. Үч дана кередит карточкасы менен чыгып келди. Экөсү кайдан келгенин билбеди. Бирөсүн мурда иштеткен болчу, 2-3 айда бери бекилип иштебей жаткан болчу. Ичиден эч болбосо жүз,экижүз сом нанга акча чыгып калса деп чөнтөгүнө салып алды.
Кенжетайы: “Энеке,нан жегим келип жатат! ” деген сөзү: “Жолдон биринчи чыккан дүкөндөн алып беремин ин ша Аллах! ” деп жооп берди да бүтүн жүрөгү жылып Аллахтан үмүт кылып жолго түштү.
Эрте болгондуктан дүкөндөр жабык болуп жатты.
“Энеке, тиги дүкөн ачык экен “. Кичкинтай колу менен көрсөтүп ошол тарапка чуркай жөнөдү.
“Апаке пече да алыңыз! ” деп эч нерседен кабары жок кичинекей чурулдап жатты.
“Аллах, эч болбосо жүз сом чыкса ыраазымын,жардам бер! ” деп ичинен күбүрөнүп дүкөнгө кирди.
Салам берди да:
-Печенье канча турат? -деп сурады.
-150 сом..
“Бисмиллах “деп кубүрөп алды да ишенимдүү:
-Ушул кередит карочканы текшерип бериңиз. Жетсе, печенье да аламын! -деп колундагы карточкалардын бирини таваккул кылып сатуучуга узатты. “Код сандарын сураса, эмне деймин? Мурдакы иштетилген кодорду айтып көрөмун. Кана эми дал түшүп калса?! ” -деп ойлонуп жатты.
-Коду?
– Төртө деди..
“Жүрөгү дүкүлдөп,коду туура эмес окшойт. Йа, Аллахым,жардам бер! Эч болбосо нанга жете турган акча болуп калсынчы …Сатуучу карточкан аныкташ үчүн узатты. Ахыргы үмүтү менен кагазга карады го,тизелери калтырап ,жерге жыгылышына аз калды. Жок,жок алсыздыктан эмес,үмүтсүздүктөн да эмес…
Балким жүрөгүндө Аллага болгон ишеничи, тобекели Аллахттан сыйлык болуп кайтканынан! Ушу бир кичинекей кагаз анын ишеничи,үмүдү, дубалары бекер кетпегенин көрсөтүп турду! Кана эми, ар тарабында эч ким болбосо го,саждага жыгылып,тоюуп, тоюуп ыйласа, Аллахка чарчап калганча шүкүр айтса! Аллах Таала Өз кудуретин көрсөткөн эле! Колундагы кичинекей кагазда ушу жазуу бар эле :
5000 ..
Түшүндө угулган аят эсине түштү:

“Эгер алар сенден жүз үйүрсө: “Мага Аллах жетиштүү. Андан башка Кудай жок.Ага тообекел кылдым (Ага таяндым Андан гана жардам тиледим) .Ал -Улуу Арштын Кожоюуну ! “-деп айт.”(Тавба 129)..

Калган сөздү салиха эненин өзүнөн угабыз:
“Ошол күнү перзенттерим киинекей болушуна карабай тобекелдин эмне экенин жаш жүрөктөрү менен сезиштилер. Мен болсо карточкамда ушунча акча кандай пайда болгонун дагы эле түшүнбөймүн. Карточкамдагы акча түгөгөндөн кийин бир да иштеткен эмес элем. Азырда иштебейт. Бирок бир нерсени өтө жакшы билемин жана ыйман келтиремин: Аллах өтө жакын,угуучу -Ага байланган, тобекел кылган жүрөктөрдү эч качан таштап койбойт ! “Шүкүр Алхамдулиллах!

Ошон үчүн бир гана Кудуреттүү жана бардык күчтүн ээси болгон Аллахка гана таяналы,бардык.кыйынчылыктан куткаруучу жалгыз Өзү,ал эми урааның ушул сөз болсун: «Бизге Аллах жетиштүү ал эң жакшы колдоочу »,
эгерде мал -мүлкүң азайып карызың көбөйсө, кирешелериң тотоп жумушуң жүрбөй калса анда: «Аллах жетиштүү.Ал эң жакшы колдоочу»деп чакыргын.
Эгерде кандайдыр душмандан коркунуч болсо же заалым.инсандан коркунуч келсе, же болбосо бир кырсыкка кабылсаң анда: «бизге Аллах жетиштүү Ал эң жакшы колдоочу» деп чакыргын.
«Роббиңдин жетекчилиги жана жардамы жетиштүү». (25:31).
Баарын Билүүчү,баарын Угуучу,барын Көрүүчү ,баарын Сезүүчү,баарын Берүүчү,баарын Алуучу,баарын Чечүүчү АЛЛАХ болгондон кийин дагы сен кимге кайрыласың?!

Хадисте: “Аллаху таалага толук таваккул кылсаңар, куштарга ырыскы бергени сыяктуу силерге дагы жиберер эле. Куштар таң эртең ачка чыгышат. Кечинде болсо тоюп кайтышат”, – деп билдирилген. …

Запись ТОБОКЕЛ КЫЛУУЧУ- АЛЛАХТЫН СҮЙҮКТҮҮ ПЕНДЕСИ.. впервые появилась Formula.KG.

Ноокат районундагы Кыргыз-Ата айыл өкмөтүнүн тургуну Каныбек Бегалиевдин үй-бүлөсүндө ден соолугунан мүмкүнчүгү чектелген 4 адам бар. Төртөө тең ушул күнгө чейин пенсия алышпайт. Жада калса дартты аныктап, майыптыгы тууралуу каттоого турууга каражат жок, деди үй ээси.



Бул үй-бүлө учурда оор абалда күн кечирүүдө. 55 жаштагы Каныбек Бегалиевдин 2 көзү 3 жылдан бери көрбөйт. Ал эми, жубайы Айзада Саматованын жаш кезинен бери кулагы укпайт. Алардын уулу дагы ден соолугунан мүмкүнчүлүгү чектелип, жумушка жараксыз. Бул үй-бүлөнүн келини дагы ооруйт.

Каныбек Бегалиевдин 3 кыз, 1 уулу бар. 2 кызын турмуш жолуна узаткан. Учурда эң кичүү кызынын гана ден соолугу жакшы. Сиңдим мектеп окуучусу, деди үй-бүлөнүн улуу кызы Гүлзира Бегалиевa

«Менин 4 балам бар. Ата-энеме кээде жардам берип турам. Аларды пенсияга чыгарууга каражат жок. Чарбакта 3-4 түп алмабыз бар. Күзүндө алманын түшүмүн сатып тиричилик кылышат. Мамлекет тараптан жөлөк пул берилип калса аз да болсо жардам болмок», - деди Г.Бегалиева

К.Бегалиевдин үй-бүлөсүнө жардам берүүнү каалагандар 0779 742 380 номуру аркылуу байланышса болот.

Бул такбир буга чейин расмий эмес түрдө тажырыйбаланып келген. Бул популярдуулугун төмөнкү видеодон кийийн алган. Анда түрк десантчылары маркум жолдошунун сөөгүн ардактуу күзөттүн Шопендин музыкасынын коштоосунда алып бараткан жеринен музыканын үнү угулбай кала турган абалга чейин такбир айтуу менен маркумдун табытын өздөрү алып жөнөйт.

Бул окуядан кийин Түркиянын дин иштеринин мурунку башчысы Мехмет Гермез мусулмандарга жат салтты Исламда түптөлгөн өздөрүнүн салты менен алмаштырууну сунуш кылган.

Албетте, бул демилгеге Түркиянын секулярчылары кескин сындап Түркияны исламдаштырууда деп чыгышты.

Ага крабастан, бул тууалуу чечим кабыл алынды. Бул чечим тууралуу Түркиянын ички иштер министри Сулейман Сойлу билдирүүсүндө:

“Биздин шейиттерибиздин элеси, алардын үй-бүлөлөрүнө жана биздин элдин астында түбөлүктүү. Акыркы сапарга узатуу аземин бизин улуттук каада-салттын негизинде жана көөнөргүс цивилизациябызда калыптанган таризде аткарууга милдеттубуз. Чет өлкөлүк маркум маршы бизге туура келбейт”-деген.

Запись Эми Түркияда маркум болгон аскерледи такбир астында акыркы сапарга узатышакчы впервые появилась Formula.KG.

Зулпукар Сапановдун иши сотко берилбей калгандагы эки сценарийди карап көрөлү:

Биринчи сценарий боюнча анын басып чыккан “Кыдыр ата осуятынын” миң нускасы ар кимдин китеп таштандысынын арасында орун таап, ызы-чуу жок эле аяктамак.

Экинчи сценарийди карасак, кайрылган диндештерине мусулман активистери көңүл бурбай эле коюшту. Айла таппаганда алар кыргыздын миллиондогон мусулмандарынын арасынан чоң муштумураагына кулак кагыш кылды. Ал бир-эки досун ээрчитип барып Зулпукар Сапановду какыс-кукус кылып койду. Аны биздин Нарын Айып баштаган сөз эркиндигин коргоочулар эшитип калды. Анан маселе “мусулмандардын дини экстремистикти үйрөтөт, сотко эмнеге кайрылышпайт” – деген дүйнөлүк деңгээлдеги ызы-чууга айланды.

Зулпукар Сапановдун абакка 4 жылга кесилүү окуясы кандай өнүккөн?

2016-жылы аталган автор китебин 1000 нускада бастырып чыгарган. Автор аны менен чектелбей эки гезитке китебинин фрагменттерин жарыялаган. Китебинде жана макаласында Алла Таалага, ислам, христиан жана иудаизмге, диндарлардын баары пайгамбарындай сыйлаган Жабраил периштеге (архангел Гавриил), улуу жана сүйүктүү пайгамбарыбыз Мухаммедге, мусулмандардын баарына акараттар айтылган. Карапайым диндарлар мусулман укук коргоочулары жана коомдук ишмерлерге кайрылган. Мусулмандардын нааразылыгы менен кыжырлануусун мыйзамдуу нукка буруу максатында демилгечилер Дин боюнча мамлекеттик комиссияга кайрылышкан. Дин комиссиясы китепке “экстремисттик (элди бөлүп-жаруучулук) мүнөздө” деген бүтүм чыгарган. Мусулман активистери бул чечим менен Улуттук коопсуздук мамлекеттик комитетине кайрылышкан. УКМК миң нусканын 800үн жыйнаткан, 200ү тарап кеткен.

Андан кийин “мындан да жаман китептер жазылып кетпесин” деген ой менен авторго карата арыз жазылып, иши сотко өткөн. Мусулмандар сотко Сапановду баланча жылга соттогула деп айткан эмес, айтууга да укугу жок. Сот өзү 4 жылга эркинен ажыратып, аны сот залынан камакка алган.

Эми биздин кыргыз интеллигенттери жөнүндө сөз кылсак. Алардын бир тобу, эң абройлуу жана кыргыз тарыхына адилеттүү карап, ата-бабабыздын кадырына жете алгандары мусулманчылыкты кабыл алышкан. Советтик, кулдук психологиясынан кутула албагандары эки топко бөлүнгөн. Активдүү, тилге жөндөмдүүлөрү долбоор жазып, батыштык гранттарды утуп, адамдын абсолюттук, эч нерсе менен чектелбеген (уят-сыйыт менен да) эркиндигин жактап жүрөт. Орус жана кыргыз тилинен башка тилди билгиси келбегендер же үйрөнгөнгө дарманы жетпегендер “кыргыздар капысынан, же коркконунан мусулман болгон” деп Кудай Таалага ишенимди ата-бабабыз коркоктугунан кабыл алган деген теорияны жактап жүрөт. Анан ар бири өзүнө жараша ишеним (посткоммунисттиктен теңирчиликке чейин) ойлоп таап алышкан.

Бул эки типтеги интеллигенттин окшоштугу “жалпы диндерди жана айрыкча ислам динин мусулмандардан жакшы билем” деп, диндарлардын сыртынан тон бычканы. Алар айылдын молдосунчалык диний илими болбой туруп, бардык мусулманды караңгы жана башканын укугуна жана акысына көңүл бурбаган түркөй катары көрөт. Ошондуктан дин тууралуу бирдеме сүйлөп киргенде бири-бирине профессор көрүнгөнү менен анча-мынча динге кызыккан адамдын алдында шерменде болуп, уят болуп жаткандарын сезбейт.

Сыртынан интеллигент көрүнгөнү менен динге каршы бардык провокацияларды колдошот. Мисалы “Мен мусулманмын, мен геймин” деген тасманы көрсөткөнгө аракет кылышты, жашы-башына карабай чолок юбка кийип алып жума күнү борбордук мечиттин алдында ары-бери басышты, президент демилгелеген аша чапкан “Кайран кыргыз элим, каякка баратабыз” деген жарнакты эки колдоп колдошту… Мусулмандар Ыйык Курандын:

“Алардын ыйык деп эсептеген нерселерине акарат кылбагыла, алар наадандыгынан Алла Таалага акарат кылбасын” – деген маанидеги аятын эске алып, провокацияларга алдырган жок, провокация да кылган жок.

Ооба, биз мусулмандар да эч кимдин түрмөдө жатуусун каалабайбыз. Кудай анын бетин ары кылсын. Мен, мисалы, Сапановго миллион сом айып пул салып (бизде бир адамдын аброю он миллиондогон сомго бааланып жатпайбы) ай сайын муфтиятка, православ патриархатына жана иудейлердин диний кеңсесине 2000 сомдон төлөп турсун деген чечимди колдойт элем. Бирок мусулмандар, албууттанган интеллигенттерибиз жапырт мактаган, советтик репрессивдик системанын калдыгы болгон мындай соттун чечимине таасир бере албайт.

“Диниңер кечирим деп жатпайбы, кечирип койбойсуңарбы” дегендер бар. Бирок Алла Таалага, пайгамбарга, исламга жана бардык мусулмандарды акарат кылган, анысы аз келгенсип “андай нерсе жок китебимде” деп ыйманын жеп жаткан немени кайсы мусулман коркпой туруп “кечирдим” дей алат. Бул маселе жеке мусулмандын башынан ашып, Алла Тааланын жана биздин мамлекеттин сотуна калды.

Өзүңүздөр көрүп тургандай, бул ишти мусулмандар баштаган жок, провокацияны Зулпукар Сапанов өзү жасаган. Ал мыйзамдуу гана жообун алды. Ага окшогон акмактарды колдогондор, эртең “мечитиңерге керзовой өтүк менен кирем” дегендерди да “ар бир адам каалаган жерине, каалаган бут кийим менен кирүүгө акысы бар” деп жактап чыгуусу турган иш. Ошондуктан мусулмандардын бул провокацияга мыйзамдык жооп кылганы туура. Соттун чечимин болсо, соттун өзүнөн сурап алыңыздар.

Запись “Керзовой өтүгүм менен мечитиңе кирем” же Сапановдун соту жана кыргыз интеллигентинин катасы впервые появилась Formula.KG.

СУРОО: – Эмне үчүн Куранды, намазды кыргызча окуй  албайбыз? Арабдар бизден  өйдө  турабы?

ЖООП: – Эгер  кыргыз  тилинде  түшкөн  болсо  кыргыз тили өйдө турабы демекпиз. Биринчиден, Кудайдын ыктыяры. Экинчиден, араб тили бай болгондугу үчүн. Үчүнчүдөн, бардык адамдардын баш мыйзамы бир тилде  болгондугу талапка  ылайыктуу. Курандын кыргызча котормосун окуса болот. Намаздын араб тилинде болуусу шарт. Буга жооп берүү үчүн гезиттин бир бети арналыш керек.

СУРОО: – Атам мас кезинде өзүмдү коргоп мушташып кеткем. Атам мени “жети атаңдын каргышы  тийсин” деп каргаган. “Атанын сөзү ок” деп коёт эмеспи. Эми не кылам? Кеңеш бериңизчи…

ЖООП: – Атаңыздан  кечирим сурап,  тообо  кылыңыз. Атаңыз өлтүрүп койсо да унчукпашыңыз керек болчу. Арактын арты ушул.

СУРОО: – Согушта адам өлтүрүп, ок тийип өзүң да өлсөң кыяматта жооп бересиңби?

ЖООП: – Адамды себепсиз өлтүрүү күнөө,  жооп берет. Эгерде мекенди коргоп, динди сактап, үй-бүлөсүнүн абийирине тийип, зордуктап жатса өлтүргөн болсо жооп бербейт.

СУРОО: – Апам казакка турмушка чыгып 4 жыл жашап, ажырашты. Азыр турмушка чыккан. Бирок, экөө менен тең жашайт.

ЖООП: – Кандай акмак апа! Андай болбойт. Никеси бары менен жашашы керек. Никеси жогу менен зына эсептелинет.

СУРОО: – Намазды 5 убак окуу керекпи же 2 убак боло береби?

ЖООП: – Бул 5 сом карызым бар, 2 сомун эле берип койсом болобу дегендей сөз. 3 сомун да төлөп беришиңиз керек. 5 маал намаз буйрулган. Намаз окуу менен энергия аласыз, жүрөгүңүз тазарат.

СУРОО: – Адамдын сүрөтүн тарткан күнөөбү?

ЖООП: – Адамдын сүрөтүн фотоаппарат менен тартуу күнөө эмес, кол менен тартуу күнөө.

СУРОО: – Дваваттын мааниси кандай жана максаты эмне?

ЖООП: – Жакшылыкка чакыруу, жамандыктан кайтаруу, динге чакыруу деген сөз. Максаты – адамдарга акыйкатты жеткирүү.

СУРОО: – Ата-энемдин сүрөтүн үйгө илип койгон элем. Периште кирбейт деп жазылыптыр китепте?..

ЖООП: – Сүрөт бар үйгө периште кирбейт. Сүрөт илүү болбогон нерсе, шариятта эле эмес кыргыздын салтында да жок.

СУРОО: – Атам бакшыга үйлөнүп алган. Аялы бизди  батырбайт. Атам болсо өзгөрдү, мурункудай балдарым деп эзилбейт, ичип калыптыр. Инимдин тоюна өз атам да, өгөй атам да катышса болобу?

ЖООП: – Экөө тең катышса болот.

СУРОО: – Бир жарым жылдан бери балалуу болбой жатабыз. Кетип калсам болобу? Бирок жолдошумду аябай жакшы көрөм.

ЖООП: – Кетип эмне кыласыз! Адамдар он жылдан кийин деле балалуу болушат. Кудай берген күнү болот. Балким жаш кезде ойноп-күлүп алышсын деп мүмкүнчүлүк берип жаткандыр.

СУРОО: – Күйөөм ичип алганда “кет, балдарың менен” деген. Талак түшпөйбү?

ЖООП: – Ажырашуу ниетинде айткан болсо түшөт. Анан жөн эле мастыкта келжирей берген сөздөргө маани берилбейт.  СУРОО: – Мурунку жолдошум каза болгондон кийин ашында кабар берилбей карам алынбай калды.  Ишим  жүрүшпөй  жатат.  Каранын мааниси  барбы?  ЖООП: – Эч кандай мааниси жок.

СУРОО: – Дубаны 1000 жолу окуш керек десе сөзсүз ошончо окуш керекпи? Жети токочту Кудай жолуна деп күнүгө жасаса болобу?

ЖООП: – Шарт эмес, бирок көбүрөөк окуган жакшы болот.

Токочту күнүнө 2 жолу жасасаңыз деле жарай берет.

СУРОО: – Беш жылдан бери күйөөм бирөө менен жүрүп, анысы төрөдү. Экөөнүн никеси жок. Күйөөм ага эмнелерге милдеттүү?

ЖООП: – Никеси жок болсо эч нерсеге милдеттүү эмес. Ага да нике кыйдырып ал десеңиз жакшы болот. Балким алардын никеси бардыр, сиз билбегениңиз менен.

СУРОО: – Намаз окуйм. теледен түрк сериалдарын көрсө күнөө болбойбу?

ЖООП: – Түрк, бразилия сериалдарын көрүп, убакытты ысыраптайсыз.

СУРОО: – Мени кудалап койгон. Аны жакшы көргөндүктөн эмне десе кечирип, күтүп жүрдүм. Аябай кызганчаак. анын айынан уятсыз сөздөр  менен сөгө баштады. Көп урушкандыктан көңүлүм калды. Мындайда эки тарап сүйлөшүп чек койсо болобу?

ЖООП: – Кудалашуу никелешүү деген сөз эмес. Бул жөн гана убада. Башка күйөөгө тийсеңиз жарай берет.

СУРОО: – Тиш кыйшык болсо башка тиш салганга болобу?

ЖООП: – Түздөтсө болот. Анан түз эле тишти андан бетер Майкл  Жексондукундай,  Пугачеваныкындай  сулуу кылам десе болбойт.

СУРОО: – Жаман ойлорду ойлой берем. Кайсы аяттарды окуп мындан арылам же бул оорубу?

ЖООП: – “Фатиха”,  Курандын  бардык  аяттары  себепчи боло берет. Окуй бериңиз.

СУРОО: – Сүйлөшкөн кызым  менен жаткам. Кыздыгы жок экен. Аны албай  койсом  болобу?

ЖООП: – Өзүң деле зына иш кылып албай койсом болобу дейсиң.  Дароо алышың  керек! Денеси чоюлчаак болушу мүмкүн, спорт менен машыгууда түшүп калышы мүмкүн же төрөгөндө кыздыгы чыгышы мүмкүн. Балким айып сендедир. Өздөрү эле периште болуп кеткенсип албай коём деп чыгышат!

СУРОО: – Мен ишиме байланыштуу багымдат намазын окуйм, калганын кечинде үйгө келгенде парздарын окусам болобу?

ЖООП: – Колуңдан келишинче толук окуганга аракет кыл. Эгер ниет койсоң Кудай Таалам бардыгына жетиштирет. Дуба кылсаң баары ордуна келет.

СУРОО: – Мен бойдок жигитке турмушка чыккан элем. Ата-энеси  ата-энемдин алдына келе элек. мен да аларды көрө элекмин. Жашаганыбызга бир жыл болду. Качан келээрин сурасам, шарт болгондо дейт. Мени да ата-энем жанымды койбойт, качан кудалар келет деп. Азыр чогуу жашабайм. Эмне кылсам болот? Ата-эне балага жамандык каалабайт да.

ЖООП: – Турмушка чыкканда ата-энеңдин колунан алып кеткендей болуу керек эле. Кыз каадасы кымбат дейт. Ошого карабастан үйлөнүп алган болсоңор, жашап жаткан болсоңор улантып жашай бергиле! Калганы акырындык менен ордуна келет, насип кылса. Жөн эле жетелешип барсаңар деле жараша берет. Кайра жашап баштаңыз. Ажырашуу жакшы эмес. Кудалар келбей койду деп ажырашып кеткен уят иш.

СУРОО: – Үч күндүк даават учурунда европа улутундагы эки аял, бир эркек мас абалында бут кийимдери менен  намазкананын төрүнө өтүп жигиттерди акараттап, “уурулар” деп доомат кылышты. Мен чыдап тура албай сыртка сүйрөп чыгарсам Алла жолундагы бир туугандар менен кайчы пикирде болуп калдык. Ушуга пикир билдирип койсоңуз.

ЖООП: – Алар намазкананын сыртында туруп сүйлөшсө болмок экен. Анын үстүнө мас болсо. Пайгамбарыбыз алайхис саламдын убагында бир адам келип мечиттин ичине эле заара ушаткан. Ал убакта мечиттер өтө эле карапайым болуп, полу топурактан эле. Сахабалардын кээ бирлери заара ушаткан чөлдүк адамды ур-токмокко ала турган болгондо, аларды тыйып, заара ушаткан жерине бир чака сууну куюуга буйрук берген. Андыктан биз да Пайгамбарыбыздын жолун кармангандыгыбыз жакшы болот. Жамандын өзү теңелбесе да сөзү теңелет дейт. Ичкени арак болгон кайрыдиндин намазканага киргени абдан туура эмес, а бирок Аллах Тааланы тааный албаган адамдан башка эмнени күтүүгө мүмкүн эле? Аллах  жолундагы  бир туугандарыбыз ушуларды айткысы келсе керек го…

Запись Чубак ажы Жалилов менен турмуштук суроо-жооптор (67) впервые появилась Formula.KG.

Өзбекстан Мьянма башкаруусун аракандык мусулмандарга каршы күч колдонуу окуяларын токтотууга чакырды.

Өзбекстандын тышкы иштер министрлигинен берилген маалыматта Мьянмадагы абалдын өзгөчө аракандык мусулмандарга каршы күч алган окуялардын Өзбекстанда тынчсыздануу жараткандыгы билдирилди.

БУУда  белгиленген өлкөлөр менен Ислам Кызматташтык Уюмунун максат жана милдеттерине таянып Өзбекстандын  күч колдонуунун бардык түрүн айыптагандыгы билдирилген маалыматында : «Мьянма өкмөтүн  күнөөсүз мусулмандарга каршы күч колдонууну токтотуу, окуяларды алдына алуу жана маселенин тынчтыкчыл жол менен чечилиши үчүн аркандык баш калкалоочулардын муктаждыктарын камсыздоо үчүн гуманитардык жардам жиберүү чечимин чыгаргандыгы белгиленди.

Мьянма армиясынын куралдуу кишилер менен күрөшүү деген негиз менен Араканда жарандарга карата кол салууларында 25 –  августтан бери миңдеген мусулман каза болду. Мьянма башкаруусунун аймакка кирип – чыгууларга уруксат бербешинин айынан  каза болгон жаран саны толугу менен аныктала албай жатат.

Кол салууда 150дөн ашуун айыл, армия жана буддист улутчулдар тарабынан өрттөндү. Он миңдеген аракандык мусулман жан коопсуздугунан улам азыр да аймактан алыстоого аракет кылууда. Мьянмадан качкан жарандар тоолуу аймактарга, Наф дарыясы же деңиз жолу менен Бангладешке өтүп жатат.

Запись Өзбекстан Мьянма башкаруусун күч колдонууну тототууга чакырды впервые появилась Formula.KG.

Бисмиллахир Рохмаанир Рохийм
Балага тарбия берүүдөгү бир гана кемчиликти,
эң чоң каталардын бирисин гана айтып өтөйүн.

Баланы кичине кезинен баштап
Жаратуучусун таанытууга аракет кылыңыз.
Ибаадаттарды аста-секин үйрөтүү менен
адеп-ахлагына өтө маани бериңиз.
Үлкөн аалымдардын бирине
бала көтөрүп бир киши келип :
“Шейхим?!
Үч күн болду балам төрөлгөнүнө..
Кандай тарбия берейин ?”-деп сураса
Шейх : Балага тарбия берүүдө үч күн кечигипсиң”-
деп жооп берген экен ..
Менин айта турган максатым урматтуу мусулман бир туугандар, эч качан баланы үйгө конок келгенде же туугандар келгенде, адамдар келген кезде
алардын көзүнчө балага тарбия бербеңиз !
Кээ бир адамдар бар үйүнө конок келгенде баласына бакырып андай кылбайсыңбы,
тигини кыл, жакшы мамиле жаса – деп каттуу үн менен урушуп берет .
Ата-эне өзү билет кандай сүйлөштү бирок,
коноктордун астында уруш укккан балага бул
жүрөгүн жаралап өтөт ..
Ата-эне муну сезбейт . Сиз балага ушундай тарбия бериңиз, конок келсе сизди сүйлөтпөстөн
айттырбастан сиздин ойлоп турганыңызды аткарсын.
Коноктордун көзүнчө
тарбия берген адам болуп көрүнбөңүз ..
Анткени адамдардын арасында көп уруш уккан бала
конок келсе уяла турган же алар менен чогуу олтуруудан качып калат . Ата-энем дагы эмнемди жамандап бакырып берет экен деп кайгыга батат.
Жана ошондой эле бирөөнүн үйүнө коноко барса да
алар менен ачык олтуруп сүйлөшө албайт,
берген суроолорго толук жооп берүүдө алсыздык кылат. Бул атанын катасы !
Бала бир ааз туура эмес иш кылса бакырып уруша берет, сөгө берет, ура берет акырында бала
анын психологиясы эч нерсе кылбастан жым турууну
саламаттык, ушул туура жол окшойт деп ойлоп калат.
Окуусунда эжекесинен уруш укса,
достору менен мамилеси начар болсо,
эч ким менен жакындан сүйлөшө албаса,
үйгө келсе сен ага бакырып урушсаң ,
бечара бала эмне кылат ? Караңгылык,
туңгуюкта өсүп чоңоёт ..
Жашоого болгон пестимистик көз караштар ..
Көп ойлонуу, кайгы, тартынчаактык ..
Бала эмне кылат эми ?
Жарылайын деп калган ..
Туңгуюктан чыгууну каалайт. Улгайганда мындай жашоону өзү дагы каалабайт .
Кутулгусу келет ..
Акыры, жол таптым өлсөм кутулат экенмин,
өлсөң бейиш экен деп Сирияга аттанат ..
Туурабы туура эмеспи туугандар ?
Илимсиздиктин айынан болдубу ?
Жихад жок ал жерде…
Тартынчаак адам илимден да кур калат .

Молдолор ар бир жума күнү баян айта берет, айта берет аны уккан адам башы айланып калат ..
Башы айланып калат дегенди туура түшүнүңүздөр..
Кайсы бирине амал кылууну билбей калат .
Намаз окуюн десе кантип окушту билбейт.
Орозо тутайын десе кантип тутушту билбейт..
Үйрөнүүнү каалайт. Тез, кыска убакытта өздөштүрүүнү каалайт .
Бир чыгуучу жолду издейт ..
Ким даават деген жолду таап түшүнсө намаздарын үйрөнөт , үч күндө уктагандан тарта тамактанууга чейинки ибаадаттарды билип алат .
Даават жолуна чыгып үч күндө көп нерсени түшүнөт .
Адам баласы өз үйүнөн эки эле максатта чыгат.
Биринчиси дүйнө издеп чыгат.
Экинчиси Алланын жолуна чыгат .
Эмне үчүн дааватты айтып жатамын бул жерде да?
Себеби достор, ушул биздеги бар оорулар
тартынчаактык, кибир, ичи-тардык бул оорулардан арылуу, напси менен күрөшүү чыныгы жихад ушул .
Дааватка чыгып напсиң менен күрөшүп жихад кыл..

Бала тарбиясына келсек,
Коноктордун астында баланы мактап коюңуз..
Жалгыз калганда катаасын сылыктык менен түшүндүрүңүз . Анткени жана айткандай
бала ашыкча тартынчаак болуп өсүп калат . .
Чоңоюп, улгайган кезде бейтааныш бир адамдын астына барып пикирин ачык билдире албайт .
Уялчаактык жакшы сыпат, ыймандын бир бөлүгү !
Бирок тартынчаактык, кысылуу бул баладагы оору.
Ата энелердин эң чоң ошибкасы !
Муну жаштыгында түздөсөң түздөдүң,
кеч калсаң бала менен кошо бул ооруда өсүп чоңоёт .
Бала чоңойгондо “тартынчааксың!” -деп
нааразы болбой өзүңдөн нааразы бол.
Анткени тарбия берген өзүңсүң.
Балдарыбыз чоңойгондо кандай мамиле жасап жатат бизге ? Баарына өзүбүз күнөөлүүбүз !
Ал тарбияны биз бергенбиз ..
Ошондуктан жаштайынан сабырдуулукка,
адамгерчилик, адилеттүүлүккө жана чынчылдыкка үйрөтөйлү. Бул сыпаттар
намаз окуу окутуу менен келет..
Балдарыбыз жаш, алар пайда зыянды билбейт,
пайда зыянды ким берээрин да билбейт ..
Биз чоң болуп көргөнбүз. Алар чоң болуп көрүшө элек да. Биз балдарыбызды түшүнөйлү !
Алардын акылы улгая элек . Билбейт ..
Жүрөктөрү таптаза .. Таза жүрөктү
таза тарбия менен толтурайлы .
Биз түшүндүрөйлү. Урушуп, бакыруудан пайда чыкпайт. Абдишүкүр устазыбыз
Алла Таалам ырыскысына береке берсин
бир сөз айтат:
Кээде кыйкырганга караганда аста сүйлөп түшүндүрүү көбүрөөк таасир берет .

Эгер кимде тартынчаактык сыпаты ашыкча болсо
ата-энесине нааразы болбосун .
Анткени бул сыноо. Напси жихадын өзүңүз кылыңыз.
Ата-эне да пенде, ката кетирет. Катааларын биз кайталабайлы. Аларга жакшы мамиле жасайлы.

Маматов Али атайын formula.kg сайты үчүн

“БАКТЫЛУУЛУК ФОРМУЛАСЫ”

Запись БАЛА ТАРБИЯСЫ,АТА -ЭНЕЛЕР ҮЧҮН ЭСКЕРТҮҮ впервые появилась Formula.KG.