БАКТЫЛУУЛУК ФОРМУЛАСЫ

Ээ Кыямат! Тез-тез келчи Кыямат!

Ээ Кыямат! Тез-тез келчи Кыямат!
Бизге зыян берген заалым ким дейин!
Бүт күнөөсүн өз мойнуна алган соң,
Анык жүзүн көрүп мен да тилдейин.

Азыр билбейм, анык жаман кимиси?
Душман чыгат агасы же иниси.
Бүгүн тууган болуп жүрсөк эртеси,
Жан кейдирет түлкү кейпин кийиши.

Элдер түрдүү, жакшы жаман аралаш.
Айырмасын билип турам замандаш!
Бир энеден төрөлсө да балдары,
Душман өңдүү, бир-бирине атаандаш.

Пейли бузук жандар жүрөт каткырып,
Шайтан кейпин кийип элди азгырып.
Эгер тез-тез Кыямат Күн келгенде…
Жазаламак Кудай чокко жаткырып.

Түрү суук, эки жүздүү адамдар,
Жакшылардын кара чачын агартты!
Сөз ташыган ушакчылар алсыздын,
Кан басымын көтөргөнгө жарышты.

Сураштырса бир атанын балдары,
Адамдарда коркуу сезим калбады.
Айрымдары маңкурт кылып кишини,
Тынч жашоосун бузуу жолун тандады.

Жер көтөргүс, толуп-ташкан күнөөсү,
Кадам сайын болуп жатам күбөсү.
Бир-биринин көздөрүнө чөп салып,
Ийри жүрөт аялы же күйөөсү.

Мына ушулар катардагы адамдар,
Апаат келсе бирдей басат кадамдар.
Кыямат Күн келсе гана бөлүнүп,
Эки башка жашай турган заман бар.

Ошондуктан тез-тез келчи Кыямат,
Бейиш төрдө бала ыйласын ыңаалап.
Ага кошо ата-эненин күлкүсү,
Ыймандуулар акыретте чыңалат.

«Баардык жандар өлүм даамын татышат жана Кыямат Күнү ар бириңерге сыйлыгыңар толугу менен берилет. (Ошондо) ким Тозок отунан куткарылып, Бейишке киргизилген болсо, мына ошол ийгиликке жетет. Дүйнө жашоосу- азгырыктардан гана пайдалануу».
(Аали Имран, 185-аят).

«Аз гана пайдалануудан кийин алардын орду Тозок. (Ал) кандай жаман орун»!
(Аали Имран, 197-аят).

Жаңыбай Баткен…

Запись Ээ,Кыямат! Тез -тез келчи Кыямат! впервые появилась Formula.KG.

Пайгамбар, саллаллаху алейхи уа саллам, кабар берген Кыяматтын чоң белгилеринин бири — Яжуж жана Мажуж коомунун чыгуусу.

ЯЖУЖ ЖАНА МАЖУЖ КООМУ ДЕГЕН КИМ?

Бул коом азыркы учурда жер бетинде жашайт, бирок Аллах таала алардын турган жерин жашырып койгон. Ал коом жер бетинде бузукулук кылышкан себептүү аларды Зулкарнайн деген салих падыша аларды эки тоонун ортосуна тосмо менен камап койгон. Алардын кайсы жерде экенин Аллахтан башка эч ким билбейт. Акыр заманда Аллах таала каалаган бир учурда бул коом чыгып кайрадан бузукулук жайылта баштайт.

Аалымдар Яжуж жана Мажуж коому туурасында эки ой айтышкан.

1. Араб тилине тиешеси жок, бөлөк тилден келген сөз деп айтышат.

2. Араб тилинен: ысык от, шор суу, душман ж.б.у.с сөздөрдөн келип чыккан деп айтышат.

Куранда Яъжуж Маьжуж деп окулат, ошондуктан ушундай атайбыз деп кээ бир алымдар айтканы менен көпчүлүк алымдар Яжуж Мажуж деп айткан туурараак дешет.

ЯЖУЖ ЖАНА МАЖУЖ ЖӨНҮНДӨ КУРАН-СҮННӨТТӨ КЕЛГЕН ДАЛИЛДЕР

Аллах таала айты:

«Эки тоонун ортосуна жеткен кезде суйлөгөндү жакшы билбеген бир элди тапты. Алар айтышты: “Эй, Зулкарнайн! Чындыгында, Яжуж менен Мажуж бузукулук кылып жатышат, балким алар менен биздин ортобузга тосмо жасап бересиң? Биз сага чыгашаңды төлөп берели”. Ал айтты: “Менин Раббим мага андан да жакшы нерсе берген. Күч топтоп мага жардам бергиле, ортоңорго тосмо жасап берем. Мага темирдин кесиндилерин алып келгиле” – деди. Эки тоонун ортосуна толгон кезде “Көрүктөгүлө!” – деди. Ал кызып калганда: “Мага ээриген жез алып келгиле, мен үстүнө куяйын” – деди. Ошондон кийин ашып дагы өтө алышпады, теше да алышпады. Ал айтты: “Бул Раббимдин Мээрими”. Раббимдин убадасы келген кезде аны жер менен теңеп түздөп коёт. Раббимдин убадасы акыйкат”. (Кахф сүрөөсү, 93-98-аяттар)

Башка бир аятта айтты:

«Яжуж Мажуж (камалган жери) ачылып, бардык жагынан чыккан кезде акыйкат убада жакындайт. Ошондо каапырлардын көздөрү алайып: “Куруп эле кетели! Бул нерседен капылетте болгон экенбиз, заалым болгон экенбиз” – деп айтышат». (Анбия сүрөөсү, 96-97-аяттар)

Яжуж менен Мажужту Кыяматтын чоң белгилеринен деп келгенинин себеби, анткени бул аяттарда ачык-айкын айтылды. Эгер Яжуж жана Мажуж чыга турган болсо, анда ал Кыяматтын жакын эле калганынын белгиси.

Зайнаб бинту Жахш, радыяллаху анха, айтты:

“Бир күнү Пайгамбар, салллаллаху алайхи уа саллам, уйкудан жүзү кызарган абалда турду да, мындай деп айтты: «Лаа илааха иллаллах! Арабдарга кыйын болду! Жамандык жакындап келди. Бүгүн Яжуж менен Мажужтун тосмосу мына ушундай болуп ачылды» – деп бармагы менен сөмөйүн тоголок кылып бириктирип көрсөттү. Ошондо мен: “биздин арабызда салих адамдар болуп турса да биз кыйрап жок болобузбу?” – деп сурадым. Ал айтты: «Эгер бузукулук көбөйсө».* (Бухари, 6650)

ЯЖУЖ ЖАН МАЖУЖ КООМУНУН КЫЙРООСУ ЖАНА АЛАРДАН КИЙИНКИ ЖЫРГАЛЧЫЛЫК ЖАШОО

Яжуж жана Мажужтун жер бетинде зордук-зомбулугу жана бузукулугу жайылып, жадагалса жашылча-жемиштерди жана укум-тукумдарды да жок кылып жиберишкенден кийин, Иса пайгамбар жана анын жанындагылар Аллахка дуба кылышат. Себеби Яжуж жана Мажужтан келген балээге өздөрүнүн айласы жана күчү жетпегенден кийин Аллахтан жардам сурап дуба кылышат. Аллах алардын дубасын кабыл кылып. Аллах аларды жок кылыш үчүн болгону киченекей курттарды гана жөнөтүп койот. Алар биринин үстүнө бири чыгып, чегиртке кырылгындай эле кырылып калышат.

Жер бети алардын өлүктөрүнөн чыккан сасык жытка толуп калгандыктан адамдар үчүн жер бетинде жашаш мүмкүн болбой калганда Иса пайгамбар жана анын жанындагылар экинчи жолу Аллахка дуба кылышат.

Аллах алардын дубаларын кабыл кылып канаттууларды жиберет. Алар Яжуж жана Мажуж коомунун өлүктөрүн деңизге алып барып ташташат. Андан кийин Яжуж жана Мажужтун калдыктарын жууп кетиш үчүн Аллах таала жамгыр жөнөтөт. Андан кийин Аллах таала жерге өз жер-жемиштерин өстүрүп, берекесин берүүгө буйрук берет”. Бардык нерседе береке, молчулук жана токчулук болот. Иса пайгамбар жана анын жанындагылар амандыкта жана байлыкта жашашат.

Абу Саид аль-Худри, радыяллаху анху, риваят кылган хадисте Пайгамбар, саллаллаху алейхи уа саллам, айтат:

«…Ошондон кийин алардын арасынан (Яжуж жана Мажужтан) бирөө найзасын асманга карап ыргытканда, аларга (Аллахтан) балээ жана сыноо катары найзасы канга боёлуп кайтып келет. Ошондо алар: «Биз асмандагыларды да өлтүрдүк» деп текеберленишет. Алар ушундай абалда турганда, Аллах аларга Нагаф (Миазы) деген курт жиберет. Ал курт аларды моюндарынан жеп, чегиртке кырылгандай кырылып бири-бирине минген абалда өлүп калышат. Алардын дымы чыкпай калганынан мусулмандар: «Кайсы эр өз жанын аябастан барып алардын эмне болгонун билип келет» – деп сурушат. Ошондо алардан (мусулмандардан) өлүмгө даяр болгон абалда бир киши (чептен) чыгып, алардын (Яжуж жана Мажужтун) өлүп калганын көрөт да мусулмандарга: «Сүйүнчү! Душманыңар кыйрады» – деп жар салып, адамдарды (чептеринен) чыгарат…» (Ибну Маажах, 3313)

Калмырза Абдыкадыров
☑ ИсламОнлайнKG

Запись ЯЖУЖ ЖАНА МАЖУЖ КООМУНУН ЧЫГУУСУ впервые появилась Formula.KG.

Адам баласы кабырда курсагынан жана жыныстык мүчөлөрүнөн чирип баштайт.

Субханаллах! Курсак менен жыныстык мүчөлөрдөн! Бул органдар адам баласы бул дүйнөдө аябай сактоосу керек болгон органдар болуп саналат.

Адам кабырда биринчи күнү мына ушул эң керектүү эки мүчөсүнөн ажырайт. Андан кийин адамдын денесинин өңү жашыл өңгө өзгөрөт.

Экинчи күнү боор,көк боор, өпкө жана ичегилер чирип баштайт.

Өлүк үчүнчү күнү сасык жыт чыгара баштайт.

Жетинчи күнү жүзүндө шишиктер пайда боло баштайт, көздөрү, тили жана беттери шишип баштайт. Мүчөлөрдүн, карындын, көк боордун ич көңдөйүнөн чиригендигинен он күндөн кийин дене өтө шишиген абалга келет. Эки жумадан кийин чачтары түшө баштайт. 15 күндөн кийин көк (өлүк) чымындары өлүктүн жытын беш киллометр аралыктан сезишет да денени толугу менен курттар ороп алышат. Алты айдан кийин денеден эч нерсе калбайт. Бир гана этсиз сөөк (скелет) калат. 25 жылдан кийин бул түзүлүш (скелет) топуракка айланып кетет. Бул топурактын арасында куймулчак деп аталган бир сөөк калат. “Ошентип кыямат күнү адам баласы дал ушул куймулчактан кайрадан өз калыбына келтирилет….”

Кабыр күндө адам баласын беш жолу өзүнө чакырып, мындай дейт: “Мен жалгыздык үйүмүн, андыктан Куран окууну өзүңө жолдош кыл! Мен караңгылык үйүмүн, мени түнкү ибаадаттар менен жарыт! Мен чаң-топурактын үйүмүн, андыктан жакшы амалдардан өзүңө керебет кургун! Мен жылан чаяндын үйүмүн, андыктан уунун күчүн жоготуучу каражат Алланын аты “Бисмиилла” менен кел. Мен Мункар менен Накирдин үйүмүн, андыктан “Лаа илааха иллАллах!” келимесин көбүрөөк айт!”

Кыямат күнү сени кылган амалдарың үчүн сурака алып жатканын бир элестетип көр. Сен бул дүйнөдө өтө көп күнөө кылдың, сен ушундай абалдасың сага эч ким суктанбайт жана сен өзүңө мен тозоко эле түшөмүн деп айтасың. Элестеттиңби? Анда сен эмне жөнүндө кыялданасың? Албетте сен мени жер жутуп эле алса экен дейсиң, туурабы? Эми ушул эле учурда тоодой жакшы иштер келгенин элестет. Билесиңби алар кайдан келет? Ал жакшы амалдар сенин беш мүнөттүк убактыңды бөлүп, бир күндө же бир жумада же болбосом андан да азыраак убакыт эмгек кылып айтып койгон сөздөрүң. Бирок билгин канчалык көп эмгек сарптасаң ошончолук сенин куткаруучу тоодой амалдарың ошончо көп болот. Элестеттиңби? Бул беш мүнөт убактыңды алган сөздөр: Субхана-Ллахи ва бихамдихи, Субхана-Ллахиль-‘азым (Аллах кемчиликтерден таза жана бардык мактоолор Ага гана, Улуу Аллах кемчиликтерден таза) айттыңбы? Сен азыр кандай соопторго ээ болгонуңду билесиңби? Билгин, сен азыр өзүңдүн жакшы амалдар идишинди салмактуу кылдың, жана дагы билгин, сен канчалык көп айтсаң ошончолук сенин идишиң салмактуу болот. Пайгамбарыбыз (сав) айтты: Эки сөз бар, Мээримдүүгө жагымдуу, тилге жеңил таразада оор: Субхана-Ллахи ва бихамдихи, Субхана-Ллахиль-‘азым (Аллах кемчиликтерден таза жана бардык мактоолор Ага гана, Улуу Аллах кемчиликтерден таза).
Сенин сооп иштериң тартылчу амал таразаң дагы да оор болуусун каалайсыңбы? Бул кабарды башкаларга жеткирип, бөлүшкүн. Көңүл кош мамиле кылба! Анткени ушул пайдалуу маалыматты башкаларга эскертүү катарында жеткирип койгонуң себептүү Кыямат күнү балким сооп амалдарыңды өзүң күткөндөн да салмактуурак жолуктурасың. Ушул кылган жакшылыгың үчүн бир адам болсо да пайда алып калса сага сооп жазыла берет.

Пайгамбарыбыз (сав) айтты:

“Чындыгында Бейиш элдери Бейишке киргенде бул дүйнөдө жакшы амалдарда бирге болгон досторун таппай, “Оо Жараткан биздин биз менен бирге ибадат кылып, орозо кармап жүргөн досторубуз бар эле бирок биз аларды көрө албай турабыз”. Ошондо Алла Таала аларга: “Тозокко баргыла да андагы жүрөгүндө кыпындай да болсо ыйманы барларды алып келгиле дейт”.

Хасан аль-Басрий (Аллах аны Өз мээримине алсын) мындай деген:

“Ыймандуулардан өзүңөргө көбүрөөк дос алгыла, анткени чындыгында алар Кыямат күнү силерге жактоочулук кылышат”.

Ибн Каййим (Аллах аны Өз мээримине алсын) мындай деген:

“Эгерде силер мени Бейиште өз араңарда таппасаңар, анда мен жөнүндө сураштарап, мындай дегиле: Оо Жараткан баланча деген бир кулуң Сен жөнүндө эскертчү эле…”

Андан кийин Ибн Каййим (Аллах аны Өз мээримине алсын) ыйлап жиберди. Силерден суранарым эгерде мени Бейиште өз араңарда таппасаңар мен жөнүндө сураштыргыла. Мүмкүн мен да силерди Аллахка эскерип калармын. Аллах кемчиликтерден аруу жана Улуу.

Амин! Амин! Амин!

Запись Адам баласы кабырда курсагынан жана жыныстык мүчөлөрүнөн чирип баштайт. впервые появилась Formula.KG.

    ✍ Бул жашоодо өкүнбөгөн инсан болбосо керек, "Эх! Тигиндей кылганымда, жакшы болмок,андай кылбай эле койбоппун,неге антим экен,минтекнимде эле болмок. Неге башкаларда бар менде жок,неге мен ийгиликке жетишпеймин,неге балалуу болбоймун башкалар сыякту,неге менин деле ден-соолугум чын болсо болбойт,айта берсек адамдар айтыла турган өкүнүчтөр толтура   " , бирок сен канча каалаба,канча өкүнбө ал эч качан болбойт,ал сенин тагдырыңа жазылган, ал Аллахтын каалоосу,балким сенин жакшылыгыңадыр . Эгер билсең бул дүйнө сыноолору мусулмандар үчүн Аллахтын ырайымы,каапырлар үчүн азаптыр. Бул дүйнөнүн өкүнүчү эч нерсе эмес,бир күн келет,бир күн кетет, убакыт даарылап жашоо нугу улана берет. Мезгил жаңыланып,коом өзгөрү,жашоо мөөнөтү түгөгөндөр кетип,жаңы бөбөктөр төрөлө берет. Өкүнүчтүн өкүнүчүнүн келе турган түбөлүктүү өкүнүч бар.  Ал Кыямат  күнү ал күн өтпөйт да кетпейт, кайрылбайт да, токтобойт да мына ушул күндү өкүнүч күн деп айтса болот. Түбөлүк жыргал же түбөлүк өкүнүч!
А биздин жашоодогу өкүнүч бул мүмкүнчүлүк бар, сен жакшылыкка, кубанычтуу күндөргө жетүүгө пайдалынып калсаң болот. Ошондуктан жашоодону келген сыноолорго өкүнбөйлүү!

Аллах Таала Куранда мындай дейт:

«Оо,ыйман келтиргендер! Силерди мал -мүлкүңөр жана балдарыңар Аллахты зикир кылуудан (эстөөдөн) силерди алаксытып койбосун, (Ал эми) ким ошондой кылса,ал зыянга учурайт. "Ар бириңер өлүм келгенге чейин Биз (Өзүбүз) силерге ыроологон ырыскылардан (садака) сарптап калгыла!

Ошондо (Кыямат Күнү) ал: "О,Эгем, эгер менин өмүрүмдү бир аз узартсаң мен кайрымдуулук иштерди көп жасап,жакшылардан болот элем "-дейт.
Бирок Аллах тирүү жана өлүм маалы жеткен кезде  эч качан аны кечиктирбейт. Аллах силердин эмне кылганыңардын баарысын билип турат! »(Мунафикун: 9'1)
Аллах Таала ошондой эле мындай деген:

«Алардын бирине өлүм келген кезде,ал:

"О,Эгем! Мени артка кайтара көр! -деп жалбырап айтат -балким, мен калтырган дүйнөдө жакшылыктырды жасаармын ".

Жок! Бул мурда эле өзү айтып келген сөз.  (Эми) алардын артында алар тирилүүчү (Кыямат) Күнүнө чейин тосмо бар. Сурнай үнү жаңырган Күнү алардын ортосундагы тууганчылыктар унутулат жана бири -бирине жардам сурай алышпайт.

Кимдин (амал таразасы оор, болсо,ошолор ийгиликке жетүүчүлөр .

    Кимдин (амал) таразасы жеңил болсо, алар өздөрүнө өздөрү (зулумдук жана) зыярат кылгандар. Ошолор Тозокто түбөлүк калышат.

От алардын беттерин куйкалайт жана анда эриндери түйрүлүп,(ырсайып,кейиптери куник болуп калышат) .
(Ошондо аларга): Менин аяттарым окулганда силер жалганга чыгарбадыңар беле? "( деп айтылат) 

.Алар айтышат: "О,Эгебиз! Биздин бактысыздыгыбыз үстөмдүк кылып,адашкан эле болдук.

О, Эгебиз! Бизди бул жерден чыгар. Эгер биз кайрадан күнөө кылсак,анда заалымдардан бололу! ".

(Ошондо) Аллах: "Ошол жакта (Тозокто калып, Менден) алыс болгула! Мага сүйлөбөгүлө!

Менин пенделеримдин бир бөлүгү: "О,Эгебиз! Биз (Сага гана) ыйман келтирдик,(ошондуктан)биздин күнөөлөрдү кечир! Бизди өз мээримиңе бөлө. Сен мээримге бөлөөчүлөрдүн эң мыктысың ",-дегегдер болчу.

Силер ошондо аларды шылдыңдагансыңар . Ошонуңар а түгүл Мени зикир кылууну да силерге такыр унуттурган эле. Бүгүн Мен алардын сабыр кылганы үчүн сыйладым,алар ийгиликке жеткендерден болушту "-деп айтат.

(Анан алардан) Аллах: "Силер Жерде канча убакыт болдуңар?"-деп сурайт.

Алар: "Биз бир күн, же жарым күндөй эле болдук. Бирок эсептеп жүргөндөрдөн сурагыла  ",-дешет.

Аллах айтат: "Эгер билсеңер,силер аз эле убакыт болдуңар, Биз силерди жөн эле (ойноп) жаратып, силер Бизге кайра кайтпайбыз",- деп ойлогон белеңер?! »(Му 'минуун: 99'115).

     Ушул жазылгандарды окуп жатсаңыз сиз жарыктыктасыз,сизде мүмкүнчүлүк бар,ошондо эмнеге окуп амал кылбадым,угуп эмнеге аткарбадым,эмнеге? ,эмнеге?  Деген күн келгенче, балким чын эле ойлоноорбуз, бул сөздөр кимдер үчүн эч нерсе эместир.  Бирок мусулманмын дегендерге эскертүү болоор деп ойлоймун!

Насиба Абдуллаева.

‍‍‍"Бактылуулук Формуласы,Бактылуулуктун багыты! ,биз менен бирге болунуздар, бизге катталыныздар!".

Азирети Айша айтты, мен Расул Алла (ﷺ)дан: Я Расул Алла (ﷺ), кыямат күнүндө дос- досту, бал- чака, ата- эне бири- бирин тааныйбы?- деп сурадым. Расул Алла (Аллахтын саламы жана салаты болсун) айтты: баары тааныйт, бири- биринен ал- жайын сурашат. Алар үч жерде бирин- бири тааныбайт:
1- тараза башында күнөөм оор болобу же жеңил болобу деп, таразаны карайт;
2- амал дептерин берерде оң жагыман келеби же сол жагымдан келеби деп, ошого алагды болот;
3- чаяндар тозоктун жапа- тырмак кыйкырып, биз Алла- Таалага жана Расул Алла (ﷺ)га ишенбеген адамдарды азаптоого издеп чыктык дейт, ошондо коркунучтан бири- бирин тааныбайт.

Абдылда ибн Аббас айтты: Мен Расул Алла (ﷺ)дан тозоктун жайын сурадым. Тозоктун сыпатын, анын кыйын азабын тил менен айтып жеткизүү мүмкүн эмес. Бирок мен сага аздап айтайын деп айтты. Срат көпүрөсүн- тозоктун үстүнө тартат. Чыгуу 1000 жылдык, үстү тегиздиги 1000 жылдык, түшүү 1000 жылдык- баары 3000 жылдык.
Тозоктун 7 түрү бар:
1- синде имандан сурайт;
2- синде намаз, орозодон сурайт;
3- сүндө зекет, үшүрдөн сурайт;
4- сүндө ата- эне акысы, коңшу акысынан сурайт. Эгер баарына жооп берсең боштондук аласын, жооп бере албасаң тозокко жиберет.
Я Расулл Алла, ал кезде эл каякта болот? Эл ал кезде Срат (кыяматтын көпүрөсү) үстүндө болот. Алла- Таала жерди мистей кылат, күнгө кубат берет, жер оттой кызыйт. Тозокту жердин үстүнө коёт. Кыямат күнүнүн узундугу, бир күнү бул дүйнөнүн 50 миң жылындай болот. Алла- Таала жерди, асманды жаратып ошондон кийин, Исрапил деген бир периште жаратып, колуна Сур берип, ошол Сурду оозуңа салып тур деп амир кылат.
Расул Алла (Аллахтын саламы жана салаты болсун) айтты: Сур деген бир чоң зат, анын тегерегинде жер жүзүндө канча адам болсо анда ошончо адамдын санындай тешиги бар. Алла ошол Сурду эки ирет үйлө дейт.
1- үйлөгөндө жамы калк өлөт.
Андан кийин Алла жааганга: “Жерге жаа”,- деп амир берет.
Ошондо жаандын ар тамчысы жумурткадай болуп жаайт. Суу тоодон он төрт кез жогору ашып көтөрүлөт. Ошондон кийин 40 жыл чамасында ал суу топурак менен аралашат. Андан кийин Исрапилге Алланын буйругу берилет. Исрапилди Сурду үйлө дейт. Ошондо Исрапил Сурга үйлөгөндө ар бир көөдөндүн жаны сурдан боштондукка чыгып, жердеги денесине келип кирет. Ар бир адам уйкудан ойгонгондой болуп, кайра жаралып, жылаңач ордунан турат.
Расул Алла (Аллахтын саламы жана салаты болсун) айтты: ошондо эң биринчи мени тургузат жана 4 мухарраб периштенин бирине буюруп, мага жаннаттан кийим алдырып кийгизет. Ошондо мен Жебирейилден сураймын, бул кай күн деп. Жебирейил айтат, бул кыямат күнү деп. Кыямат күнү ошондой оор, машактуу болор. Мисалы, 70 ирет жан бергендей. Мындан кийин жамы элдин ортосуна тараза курар. Ал таразанын чоңдугу ушундай- бир башына 7 кат көк, 7 кат жердин бардык адамын салса толбос. Муну көрүп, эл зорлугуна таң калар.
Расул Алла (Аллахтын саламы жана салаты болсун) айтты: Ошол кыямат күнү жамы тирүү жанды бешке бөлөт.

1- бөлүк сураксыз тозокко барат (шайтан, ага иликкендер);
2- бөлүк сураксыз жаннатка барат (булар периштелер);
3- бөлүк сурак алышат, булар перилер;
4- бөлүк жок боло тургандар, булар жаныбарлар;
5- бөлүк сурак алышат. Адам перзенттери.

Расул Алла (Аллахтын саламы жана салаты болсун) дагы айтты: Кыямат күнү адам баласы 4 нерсе суралмайынча ордунан эч бир козголо албайт.
1- өмүрүңдү сурайт. Эй пенде, өмүрүңдө эмне иштедиң?
2- эй пенде, мен сага адал дүнүйө бердим, ошону кайда жумшадың?
3- эй пенде, мен сага акыл, билим бердим, сен эмне амал жасадың?
4- мен сага дене бердим, ошол денеңи ал дүйнөдө кайсы ишке буюрдуң?

Кааб ибни Акбар айтты: “Азирети Исхак, азирети Ибраимдин баласы. Ошол күндө Ибраим өз уулу Исхакты тааныбай, эй Алла, Исхакты эмне кылсаң кыл, мени оор кылба деп сурайт. Ошол кезде ар бир пайгамбар ар кайсысы өзүнүн жеке башын сурайт. Мына ошондой адамдар ошол абалда болгондо биздин алыбыз не болот? Эгер пенде ошону билсе эч качан Алланы унутпаган болор эле, дайым Алладан коркуп таат ибадат этер эле. Тынбай ыйлап тилек тилер эле”.

Расул Алла (Аллахтын саламы жана салаты болсун) жана айтты: “Кимде ким чын ниети менен таат ибадат өтөсө, ошол пенде күнөө жасабас, кыяматтын кыл көпүрөсүнөн чагылгандай өтүп жаннатка барат. Эгер тобосуз дүйнөдөн өтсө, анда ал адамды кыл көпүрөсү койсо, буту тайып, токтобой тозокко түшөт”.

Расул Алла (Аллахтын саламы жана салаты болсун) айтты: “Тозоктун белгиси, тозоку адамга оттон кепич кийгизет. Кепичин кийгенде мээси кайнайт”.

Имам Алкыма айтты: “Мен Расул Алла (ﷺ)дан уктум, кыямат күнү пенденин күнөө менен сообун таразага салып өлчөйт, сообу бир аз жетпеген пенде Алладан: “Я Алла мага уруксат бер, мен ата- энеме, ини- карындашыма, дос, бала- чакама барып сооп сурап апкелейин” ,- дейт. Алла уруксат берет. Ал пенде өзүнүн ата- энеси, тууган- туушканы, бала- чакасына барып, мага бир аз сооп керек болуп турат, кимиң бересиң дегенде, булар биз сени тааныбайбыз, сен кимсиң? Өзүбүздүн жагдайыбыз не болору белгисиз деп, сооп бербей жиберишет. Ал бечара үмүт үзүп, тараза башына келип жер карап турат. Алла- Таала: “Не иштеп келдиң, сооп таптыңбы?” – дейт. Ал бечара: “Я Алла, өзүң ракым этип жалгабасаң, менин эч бир айлам жок, таппай келдим”,- деп жооп берет. Ошол убакта Алла: “Эй пенде, сен менин рахман экенимди билесиң ал дүйнөдө неге мени эскерип мага жакын дос болууга аракет жасап амал кылбадың? Үй- ичиңи, бала- чакаңды урматтап, алар менен болдуң?”- дейт. Ошондо пенде бечара эч бир жооп таппай турат. Алла ракым этсе кечтим күнөөңдү, жаннатка бар деп, же болбосо күнөөкөрсүң тозокко бар деп өкүм кылат.

Амир Момун айтты: Мен бир күнү Расул Алла (ﷺ)нын жанына бардым. Расул ыйлап отурган экен. Мен: я Расул, сиз неге ыйлап отурасыз деп сурадым. Ия Момун, мен миражга барганда бир ишти көргөн элем, ошол эсиме түшүп ыйлап отурам деди. Мен ал кандай иш деп сурасам Расул айтты, Алла мага миражды насип этти, мен миражга бардым, анда Алланын амири менен мага жаннат, тозокту көрсөт деп Жебирейил периштеге буйруду. Жебирейил мени тозокко апкелди. Анда Алаа Таала жараткан өтө зор бир периште оттон жасаган тактын үстүндө, алдындагы чокмор, оозунан дем ордуна от жалын чыгып отурган экен, мен коркуп аны айбатына таат кыла албай Жебирейилден сурадым. Я бурадарым Жебирейил, бул ким деп, анда Жебирейил айтты: я Мухаммед, бул тозоктун баш периштеси. Мен салам бердим, ал саламды албады. ошондо Жебирейил, эй тозок ээси Малик, бул акырдын пайгамбары Мухаммед деп тааныштырганда салам алып урмат көрсөттү. Мен ал периштеден тозоктун баш- аягы канча де сураганымда ал периште аны мен билбейм, Алла билет деп жооп берди. Мен ага тозокту көрсөт десем, я Мухаммед тозокту көрүүгө сага уруксат жок деген жоопту алып дым болдум. Ошондо Жебирейил келип, эй Малик тозок, бул күнү Мухаммед не айтса аткар деди. Ошондон кийин Малик мага тозокту көрсөттү. Мен анда түрдүү- түрдүү азаптарды көрдүм. Ошол көргөн тозокто бир жылан бар, анын 30 миң башы бар. Ар башында 30 миң ооз бар. Ар оозунда 1000 халка, ар халкада бир чынжыр бекитилген. Ар чынжырды бир периште кармайт. Мен, я Малик, бул тозокто канча алыстыктагы жерден күйдүрөт деп сурадым. Анда периште, я Мухаммед, бул тозок кыяматка чейин миң жылдык жердеги караны ак кылат, акты кара кылат деп жооп берди.
Малик жана да айтты: Бул тозок жети бөлүк, 
1- жаганнам
2- лази
3- хатмет
4- жахим
5- сагир
6- сакыр
7- хавие
Ошол сөздү уккандан кийин: Я Малик, ар кимиси кимдердин жайы, мекени деп сурадым. Ошондо Малик айтты:
1- мунапыктардын жайы
2- нуктун жайы
3- шайтандан жайы
4- кудайсыздардын жайы
5- текеберлик кылуучулардын жайы
6- яхудийлердин жайы
7- Мухаммед пайгамбардын үмөтүнүн жайы.
Алар күнөө сагира, күнөө кабира жасап тургандар. Тобосуз өлгөндөр.

Расул Алла (Аллахтын саламы жана салаты болсун) айтты: О Малик тозоктогу ушул үмөттөрүмдү көрөйүн дедим эле. Малик көрсөткүсү келбеди. Ошондо Алладан буйрук келди. Эй, Малик досум, Мухаммед эмне айтса кабыл кыл деди. Андан кийин Малик бардык тозокту аралатып көрсөттү. Малик айтты: Эй Мухаммед бул жаханнамда үч миң оттон казык (башкача айтканда тоо) бар, ар казыктын чоңдугу үч миңдик жылдык жол, ар тоодун миң бөлүгү бар. Бир бөлүгүндө жети жүз миң шаар. Ар шаардында оттон жети жүз миң көчө бар. Ар көчөдө жети жүз миң сарай бар оттон. Ар сарайда 700 бөлүк бар оттон. Ар бөлүгүндө 700 миң үй бар оттон. Ар үйдө 700 миң сандык бар оттон. Ар сандыкта 700 миң түрлүү- түрлүү оор азап бар. Ошол азаптын Алла- Таала өзү сактасын, оомийн, я раббил аламин.

1. Расул Алла (Аллахтын саламы жана салаты болсун) жана айтты. Бир бөлөк элди көрдүм, жылан- чаян мойнуна оролуп азаптап турат. Мен я Малик, булар ким?- деп сурадым. Малик: я Расул, булар малын зекет, эгининен үшүр бербегендер деди.

2. Дагы бир коомду көрдүм, мойнуна оттон боо салып колу- бутун от аркан менен байлап азап берип жаткан. Андан кийин, я Малик, булар ким?- деп сурадым. Малик булар сүткорлор деп айтты.

3. Дагы бир жамаатты көрдүм, өз этин өзү жулуп жеп турган. Я Малик, булар ким?- деп сурадым. Малик айтты, булар жалган дүйнөдөушак айтып, зыян кылып, тобосуз дүйнөдөн кайткандар.

4. Дагы бир коом көрдүм, тозоктун ичинде эки оттун ортосунда бутунда оттон кепич, башында оттон тажы, үстүндө оттон кийим. Я Малик, булар ким?- десем. Булар жалган дүйнөдө эки аял алып, экөөбүнө тең карабай, бирин артык, бирин кем көргөндөр.

5. Дагы бир жамаатты тозокто от найза менен уруп азаптап жаткан экен. Бул кандай жамаат?- деп дагы сурадым. Ошондо Малик айтты, булар дүйнөдө күнөө ишти жасап, эл ичинде жасабагандай болуп жүргөн, тобо кылбай өлгөндөр. Эми биз аларга казык кагып, азап берип жатабыз.

6. Дагы бир жамаат көрдүм, тили салактап салбырап турат. Я Малик, булар ким?- деп сурадым. Малик айтты, булар аялын, балдарын себепсиз уруп, себепсиз сөккөндөр.

7. Жана бир аялды көрдүм. Эмчегинен асып коюптур. Мен бул ким?- деп сурадым. Бул күйөөсүнөн уруксатсыз башка бирөөнүн баласын эмизген аял эле деди.

8. Дагы бир аялды көрдүм. Чачынан асып коюптур. Мээси шарактап кайнап турду. Бул ким деп сурадым. Бул күйөөсүнүн көңүлүн оорутуп, беймаани сөз айткан аял эле.

9. Бир аялды көрдүм, өз этин өзү жулуп жеп турат. Бул жалган дүйнөдө өзүн боёнуп, менменсинип, асыл буюм тагынып, жат адамдарга өзүн көрсөткөн аял деди Малик.

10. Жана бир жамаат аялдарды көрдүм. От аркандар менен буту- колу байланган, жылан- чаян соруп этин жеп, катуу азап берип чыңыртып жатат. Бул эмне болгон аялдар деп сурадым. Булар дааратты туура албагандар деди.

11. Дагы бир аялды көрдүм, оттон жасаган табытка салып коюптур. Бүт денеси күйүп турат бул кандай аял деп сурадым. Бул аял ойноштон бала тууп, ал баланын атасын жашырып, бөлөк бирөөгө телиген аял деди.

12. Бир аялды көрдүм, бутунан асып, башын төмөн каратып от дандырга салып коюптур. Малик айтты: Я Мухаммед бул аял күнөөлүү адамдарга ээрчип бир айылдан экинчи айылга барган аял деди.

13. Жана бир аялды көрдүм, ит сүрөтүнө болур турду. Ал аялдын от ичинен өтүп оозунан чыгып турат. Малик айтты: Бул ойноштон бала боюнча бүтүп, аны түшүрүп, же тууп анан өлтүргөн аял деди.

14. Жана бир аялды көрдүм, тилин аркасынан чыгарып койгон, от болуп жанып туру. Малик айтты: Булар дүйнөдө калп ант ичкендер деди.

Муну угуп азирети Айша, Фатима ыйлашты: О Расул, адамдар бул иштен кандайча кутулат”- деп. Раслу айтты, мен бул ишти баян кылдым, сиздер өзүңүздөр шайтан азгырып иштесеңиздер, тобо кылып, экинчи иштебеңиздер. Өкүнүңүздөр, тобо кылыңыздар. Алла- Таалага ушул иштерден сактап, тобобузду кабыл кылып, өзү рахым этсин, Оомийн, я раббил аламиин.

Кыямат күнү келгенде Алла Таала жаңы жашоо, жаңы дүйнө пайда кылат.  Мүрзө жана башка жерлерде чириген денелер Алла Тааланын кудурети менен мурункусундай жаңыдан жашоого келет. Алла Таала Исрафил (алейхи саламды) тирилтип экинчи ирет суурду үйлөөгө буйрук берет.  Анан денелерге жан кирет.  Тирилген жандар Машхар аянтына карай жөнөшөт. Ошол убакта адамдар эч ким эч ким менен иши жок, баары өз жанын ойлоп калышат.  Бул аянт пенделердин дүйнөдө кылган иштери үчүн эсеп-жооп бере турган орду болуп эсептелет. Пайгамбарыбыздын (с.а.в.) хадисинде келгендей:

“Кыямат күнү күн элдерге бир мил (өлчөм) жакын болот. Элдер амалдарына жараша шорго (терге) малынат. Бирөөлөр кызыл ашыкка чейин,бирөөлөр белине чейин,бирөөлөр оозуна чейин малынат. Пайгамбарыбыз (с.а.в) өзүнүн оозуна колу менен ишара кылып ушуга чейин болот деди “(Муслим)

Абу Хурайра (р.а.) риваят. Пайгамбарыбыз (с.а.в.) айтты:

“Кыяматта элдер үч түрдүү болуп тирилишет,бирөөсү жөө, бирөөсү унаачан, бирөөсү жүзү менен жүрөт”. Сахабалардан бири сурады: Оо Аллахтын Элчиси! Алар жүздөрү менен кантип жүрүшөт?” Пайгамбарыбыз (с.а.в) айтты: ” Аларды буту менен жүргүзүүгө кадыр болгон Аллах жүзү менен да жүргүзүүгө Кадыр. Көңүл бургула! Алар ошол жүздөрү менен гана жердин дөңсөөсүнөн, тикендеринен сактанышат” ( Тирмизи)

Машхарда ар бир пенденин иштери жөнүндө жазылган күндөлүгү ачылат. Адилеттүү мыйзам менен өлчөнүп пенделер сурак жоопко алынат.

Адний бин Хатим (р.а.) риваят кылат. Пайгамбарыбыз (с.а.в.) айтты:

“Силердин ар бириңер Роббиңер менен эч бир котормочусуз сүйлөшөт. Ошондо  оң жагыңарды жана сол жагыңарды карасаңар амалдарыңардан башка эч нерсе көрбөйсүңөр. Апды жагыңарды карасаңар тозоктон башка эч нерсе көрбөйсүңөр. Ошондуктан тозоктон кургак курманын жартысын болсо да (садака кылуу) менен болсо да сактангыла”( Бухари)

Бул жерде пенделердин кимиси тозоко, кимиси бейишке барары кабарланат.

МАШХАРДА ПЕНДЕЛЕРДИ КИМДЕР СУРАККА АЛАТ?

Аллаху Таала жактан буйрулган периштелер суракка алат.

МАШХАРДА СУРАГАНДАН КИЙИН КАЙДА БАРЫШАТ?

Тозоктун айланасында жасалган көпүрөөнүн жанына барышат. Алардын ар бири ошол «Срат»көпүрөөсүнөн өтүп,бейишке барууга арекет кылышат..

«Срат »көпүрө кимдер үчүн кең,кимдер үчүн тар,кимдер үчүн кылдай,кимдер тикенек  ар кимдин амалына жараша болот.  Ал көпүр ар бир пенденин түбөлүк тагдырын чечүүчү. Ал жерден пенделер чагылгандай тездикте өтүшөт. Бул тууралуу Пайгамбарыбыз (с.а.в.) хадисинде мындай деп айткан:

“Кыл көпүрөдөн силердин биринчиңер чагылгандай тез өтөт. Риваятчы айтат: “Менин атам-энем  сага курман болсун! “Чагылгандай тез өтөт”- дегени кандайча? Пайгамбарыбыз (с.а.в.) айтты: “Сен көрбөйсүңбү? Чагылган кандай тез өтүп, көз ачып жумганча  жок болуп кетет”. Андан кийинкилер шамалдай тез өтүшөт. Андан кийин жаш балдардын чуркаганындай тез өтүшөт. Башкача айтканда ар ким өз амалына жараша тездикте өтүшөт. Силердин Пайгамбарыңар кыл көпүрөдө туруп: “Оо Роббим! Буларды саламаттыкта өткөр”- деп тилеп турат. Кээ бирөөлөрдүн амалдары алсыздык кылып кыл көпүрөдөн жүрө албай жөрмөлөп өтөт “.

Риваятчы айтат:

“Кыл көпүрөнүн эки жагында текенек-тиштүү зымдар асылган болот. Кимдер кармагысы келсе ага өкүм берилет. Кээ бирлери  ага тытылат, бирок кутулушат жана кээ бирлери тозокко түртүлүлүм салынат”. Абу Хурайра  (р.а) айтат:  “Менин жаным колунда болгон Затка ант! Тозоктун тереңдиги жетимиш жылдык жол “. (Муслим) ..

Бул жагына ойлонуп көрүү керек, бизди бул көпүрөөдөн бир гана амалдарыбыз сактай алат.  Угуп, окуп эле койбостон амал кылгандардан болу керек. Биздин бул дүйнөдөгү байлгыбыз ,кабат-кабат үйлөрүбүз, катар-катар уналарыбыз эч качан жардам бере албайт. Булар өлгөнүбүздө эле артыбызда керексиз буюм катары калып кетет. Керек болсо бир байпакгыбызда кошо кете албайт,бир гана амалыбыз гана кошо кетет жана жардам берет..

Насиба Абдуллаева,

“БАКТЫЛУУЛУК ФОРМУЛАСЫ”

The post Сираат көпүрөсү.. appeared first on БАКТЫЛУУЛУК ФОРМУЛАСЫ.

Акырет (арабча ахрет — тиги дүйнө, а дүйнө)— диний түшүнүк боюнча өлгөн адам баруучу башка чыныгы дүйнө, адам өлгөндөн кийин жашоочу дүйнө.

Кыямат, кыямат-кайым — диний түшүнүк боюнча жер астын-үстүн аңтарылып, жашоо (тиричилик) бүтүп, акыр заман болуучу мезгил. Исламда кыямат учурунда дини башкалар, мусулмандардын күнөөгө баткандары тозокко түшүп, мусулмандардын «такыбалары» бейишке чыгат деп айтылат.

Акыр кыямат күн Жума күнү башталат. Бул күнү чындык жана адилет Сот жүрүшү үчүн баардык адамзат тирилет жана Жаратуучусунун алдында турушат. Албетте Аллах мыйзамсыздыкты жана адилетсиздикти сүйбөйт. Бул улуу күнү салих инсандар бейишке киришип, ал эми күнөөкөрлөр тозоктун алоолонгон жалынына отун болушат. Көпчүлүк адамдар бүгүнкү күндө Аллахка жана Анын элчисине (Мухаммад алейхис саламга) ыйман келтиришкенин жарыялап, Лаа илааха иллаллах Мухаммадур расуулуллах келмесин айтышат да – бирок Акыретке ишенишпейт. Бейишти жана тозокту жокко чыгарышкандыгынан улам «Бейиш да жерде, тозок да жерде» сымал сөздөрдү угууга болот. О, кайран пенде! Кылган иштерине жаза катары адамдарга тозок менен бейиш беленделип даяр, жана сен ушуга ишенмейинче ыйманың туура болбойт. Инсан бул жерде туруп бейиштин укмуштугун көрө албайт да, тозокто азап чеккен үндөрдү да уга албайт. Бирок анын бар экенине Курандын ачык айкын аяттары далил. Ал эми Ыйык Куранда кездешкен көп сандагы укмуштуу жана илимий аят-белгилер – бул китеп Кудайдан экенине далил жана анын бардык кабарлары ак чындык экенине күбө.

Аллах Таала айтты:

«Инсан: “Мен өлгөндөн соң кайра жакында тирилемби?” – деп сурайт. Инсан Биз андан мурда жаратканыбызды эстебейби? Ал такыр жок эмес беле?!» (Мариам 19:66-67) «Чындыгында, жердин какырап куурап калганын көрөсүң. Анан Биз ага жамгыр жаадырган мезгилде кулпуруп, көөп чыгышы да Аллахтын далилдеринен. Акыйкатта аны тирилткен – Аллах. Ал өлүктөрдү да ушунтип тирилтет. Анткени, Ал – баардык нерсеге Кудуреттүү» (Фуссылат 41:39)

Пайгамбарыбыз алейхис-салам айтты:

«… андан кийин Аллах асмандан суу жиберип, адамдар чөпкө окшоп өсүшөт. Адамдын сөөктөрү бүт чирийт, бирок бирөөнөн башкасы. Ал – чычаң сөөк»

Кыяматтын чоң белгилери:

1- Дажжал чыгат.
2- Хазрети Иса көктөн түшөт.
3- Дүнүйөнү түтүн каптайт.
4- Күн батыштан чыгат.
5- Кааба кулатылат.

Кыяматтын кичине белгилери:

1. Зинадан туулгандар көбөйөт.
2. Ичимдик көп ичилет.
3. Зекет берилбейт.
4. Аялынын сөзүн угуп, энеге каршы чыгышат.
5. Пайызчылык ашкере болот.
6. Билимдүү же аалым делгендерде кымындай да ыйман болбойт.
7. Күнөө кылууга үндөөлөр, чакырыктар көбөйөт.
8. Жакшылыкка тоскоолдук кылынат.
9. Кошуналар бири-бирин жамандайт.
10. Адам өлтүрүү көбөйөт.

Ислам окумуштуусу: Алманбет Осмон уулу.

The post Акырет жана Кыямат appeared first on БАКТЫЛУУЛУК ФОРМУЛАСЫ.

⬅  Кыяматтын белгилери – 1  

⬅ Кыяматтын белгилери – 2

ӨЗҮН ПАЙГАМБАР ДЕП АТАГАН ЖАЛГАНЧЫЛАРДЫН ЧЫГУУСУ.

Кыяматтын дагы бир белгиси – өзүн пайгамбармын деп атаган жалганчылардын чыгуусу. Пайгамбарыбыз (Ага Алланын салам-салаваты болсун) алардын саны отузга жакын болорун айткан. Хадисте: “Өздөрүн Алланын элчисимин деп эсептеген отузга жакын жалганчы чыкмайынча Кыямат болбойт” – деп айтылган. (Имам Бухари).

Чындыгында, Пайгамбарыбыздын (Ага Алланын салам-салаваты болсун) заманынан баштап бүгүнкү күнгө чейин көптөгөн жалганчылар чыкты. Мындай жалганчылар Кыя-матка чейин чыга берет. Анткени, Пайгамбарыбыз (Ага Алланын салам-салаваты болсун) бир жолу хутба кылып жатып: “Аллага касам, отуз жалганчы чыкмайынча Кыямат болбойт, алардын акыркысы кыйшык көздүү Дажжал болот” – деп айткан. (Имам Ахмад).

Ошондой эле Савбан (Алла андан ыраазы болсун) келтирген хадисте, пайгамбарыбыз (Ага Алланын салам-салаваты болсун): “Менин үммөтүмдүн кээ бирөөлөрү мушриктерден өтүп, эстеликтерге сыйынмайынча жана өздөрүн пайгамбар деп эсептеген отуз жалганчы чыкмайынча Кыямат болбойт. А мен болсо, пайгамбарлардын акыркысымын, менден кийин пайгамбар келбейт” – деп айткан. (Тирмизи, Абу Дауд).

Ал эми Хузайфа (Алла андан ыраазы болсун) кабарлаган хадисте, пайгамбарыбыз (Ага Алланын салам- салаваты болсун): “Менин үммөтүмдөн жыйырма жети жалганчы чыгат, алардын төртөөсү аял. Чындыгында мен пайгамбарлардын акыркысымын, менден кийин пайгамбар чыкпайт” – деген. (Имам Ахмад, Табарани).

Тарыхта биздин убакка чейин жыйырма жети жалганчы чыккан. Алардын төртөөсү аялдар болгон. Булардын баары өзүн пайгамбар деп жарыялаган. Булардан сырткары да көптөгөн жалганчылар чыккан жана чыга берет. Бирок, Пайгамбарыбыз (Ага Алланын салам-салаваты болсун) айткан отузга жакын жалганчынын артынан ээрчиген жана ага ишенген адамдары болот. Алар адамдардын арасында чоң бөлүнүп-жарылууну жана бузукулукту таратышат. Ал эми азыркы учурдагы “Мен өлүп тирилдим”, “Бейишти көрүп келдим, тозокту көрүп келдим”, “Түшүмдө аян келди” деген сыяктуу сөздөрдү айтып чыккан жалганчыларды эч ким ээрчибейт. Алар болгону өздөрүнүн материалдык кызыкчылыгы үчүн жалган айтып чыккан, же жин- шайтандарга кул болуп калган “көзү ачыктар” эле. Алардын Пайгамбарыбыздын (Алла андан ыраазы болсун) “Отузга жакын жалганчы чыгат” – деген хадисине тиешеси жок.

ӨЗҮН ПАЙГАМБАР ДЕП ЖАРЫЯЛАГАН КЭЭ БИР ЖАЛГАНЧЫЛАР:

1. Пайгамбарыбыздын (Ага Алланын салам-салаваты болсун) жашоосу аяктап калган мезгилде, Йемендик ал-Асвад Аьнсий аттуу адам өзүн пайгамбар деп жарыя кылган. Ал өзү мусулман болгон. Анан динден кайтып кетет. Бул – пайгамбарыбыздын (Ага Алланын салам-салаваты болсун) заманындагы биринчи динден кайтуу эле. Ал түн ичинде өзүнө асмандан вахий келгендигин айтып, айланасына адамдарды топтой баштайт жана Йеменде үч-төрт ай өкүмүн жүргүзүп турат. Пайгамбарыбыз Йемендин мусулмандарына кат жөнөтүп, аларды жалганчыны жок кылууга чакырат. Катты туура кабыл алган мусулмандар аны өлтүрүшөт. Ал өлтүрүлгөндөн кийин Йеменде кайрадан Ислам күчүнө кирип, адамдар дин менен жашай башташат.
2. Толиха бин Хувайлид ал-Асадий. Бул адам да өзүн пайгамбар деп жарыя кылган. Мусулмандар аны менен бир канча жолу согушушкан. Акырында ал кайрадан динди кабыл алып, мусулман болгон.
3. Мусайламатул-каззаб. “Мусайлама жалганчы” деген ат менен белгилүү болгон бул адам да өзүн пайгамбар деп жарыялаган. Ал, түн ичинде өзүнө вахий келе баштаганын айтып чыккан. Абу Бакр Сыддык (Алла андан ыраазы болсун) ага каршы аскерлерин жөнөтөт. Аскерди Халид бин Валид, Икрима бин Абу Жахил жана Шархабил бин Хасана (Алла алардан ыраазы болсун) баштап барат. Мусайлама аларга каршы кырк миң аскер менен тосуп чыгат. Айыгышкан катуу согушта Мусайлама өлтүрүлгөн. Аны Ухуд согушунда Хамзаны (Алла андан ыраазы болсун) өлтүргөн Вахш бин Харб өлтүрөт. Вахш бин Харб Хамзаны (Алла андан ыраазы болсун) өлтүргөндөн кийин, пайгамбарыбыздын (Ага Алланын салам-салаваты болсун) чакыруусу менен динди кабыл кылган болчу. Ал Хамазаны өлтүргөн күнөөсүн жууш үчүн атайын Мусайламанын артынан түшүп, акыры аны өлтүрөт. Му-сайлама өлүрүлгөндөн кийин Ислам дини кайрадан өркүндөй баштаган.
4. Сажаах бинт Ал-хаарис ат- Таглибия. Бул аял араб христиандарынан болгон. Пайгамбарыбыз (Ага Алланын салам-салаваты болсун) дүйнөдөн өткөн соң, өзүн пайгамбар деп жарыялаган. Айланасына көптөгөн адамдарды топтоп, айланасындагы урууларды басып алган. Ал жүрүп отуруп Ямамага чейин жетет. Ошол жерде Мусайламага жолугуп, ага турмушка чыгат. Мусайлама өлтүрүлгөндөн кийин өз жери Таглабага кайтып кетет. Кийин Исламды кабыл алган. Өмүр аягында Басрага көчүп барып, ошол жерде каза болгон.
5. Мухтар бин Абу Убайд ас- Сакафи. Бул адам таабиьиндердин заманында чыккан. Шийиттердин арасынан чыккан бул жалганчы, өзүнө Жибрийил периште түшкөндүгүн айтып чыккан. Мусьаб бин Зубайр ага каршы бир канча жолу согушуп, акырында Мухтарды өлтүргөн.
6. Харис бин Саьид. Димашкодон (Дамаск) чыккан бул адам да өзүн пайгамбар деп жарыялаган. Халифа Абдул Малик бин Марван анын жалганчылыгы тууралу билип, ага аскерлерди жөнөтөт. Харис изин жашырып, жашынып калат. Аскерлер аны таап Халифага алып келишет. Халифа бир топ илимдүү адамдарды ага киргизип, аны Исламга кайтарууга аракет кылат. Бирок, Харис тооба кылуудан баш тарат жана өлтүрүлөт.
7. МирзоГуламАхмадКадиани. ОнтогузунчукылымдаИндияданчыкканбулжалганчыдаөзүнпайгамбардепжарыякылган. Алөзайланасынатоптогонадамдарга “акыркыпайгамбар” экендигинайткан. Өзүнүнпайгамбарлыгындалилдөөгөдалаалаткылганбирканчакитептердижазган. Ошол замандагы Ислам дининин душмандары аны динге каршы курал катары колдонуп, ага материалдык жардамдарын көрсөтүп турушкан. Натыйжада, анын жолун жолдогондор көбөйүп, азыркы учурга чейин “Ахмадия”, “Кадиания” деген агымдар жашап келет. Ал эми бир китебинде “Менин үйүмө чума оорусу кирбейт” деп жазган Ахмад Кадиани дал ушул оору менен ооруп, ажаткана ичинде жан берген.

Уландысы бар…

The post 🔥 Кыямат алааматтары – 3   appeared first on FORMULA.KG.

⬅  Кыямат алааматтары – 1

ООРУ СЕБЕПТҮҮ АДАМДАР­ДЫН КЫРЫЛУУСУ

Өлүмдүн көп болуусу да – Кыяматтын жакындап калганын билдирет. Ауф бин Малик айткан хадисте, Пайгамбарыбыз (Ага Ал­лахтын салам-салаваты болсун): “Кыяматтан алдын алты нерсени күткүн: менин кайтыш болуумду, Кудус мечитинин мусулмандар­га өтүүсүн, малдар шарп оорусу менен кырылгандай адамдардын өлүмүнүн көбөйүүсүн, бирөө­гө жүз динар берсең ачуусу келе тургандай болуп, байлыктын кө­бөйүүсүн, ар бир арабдын үйүнө кирген бузукулукту, силер ме­нен Румдуктардын ортосундагы тынчтыкты” – деп айткан. (Имам Бухарий).

Пайгамбарыбыздын (Ага Аллахтын салам-салаваты бол­сун) Чума оорусун малдын шарп ооруусуна салыштыруусунун се­беби, мал шарп болгондо анын оозунан же туяктарынан суу кую­лат да, дароо жан берет. Чума оорусунда да денеге чыккан жа­радан суу агып, адам бат эле кай­тыш болот.

Кээ бир аалымдар, бул кы­рылуу Палестинада Кудус мечи­тине жакын жайгашкан Аьмваас аймагында болуп өткөн чума ооруусу деп айтышат. Бул оору Умар (Аллах андан ыраазы бол­сун) Кудус мечитин алган жылдан кийин (18-х, 639-ж) пайда болуп, Шам (Сирия) жергесине чейин тараган. Оорунун айынан 25 000 мусулман каза болгон. Алардын арасында Муьаз бин Жабал, Абу Убайда, Шархабийл бин Хасна, Фазл бин Аббас ж.б. (Аллах алар­дан ыраазы болсун) сахабалар да бар эле.

АР ТҮРДҮҮ БУЗУКУЛУКТАР­ДЫН КӨБӨЙҮҮСҮ

Бүгүнкү күндөрү уламдан- улам пайда болуп, адамдарды бузуп, туура жолдон адашуусуна себеп болуучу каражаттар – Кыя­маттын белгиси.

Биринчи – арам кылынган нерселерди көрүү. Газета-жур­налдар, телевидение, интернет, уюлдук телефон ж.б.у.с. аркылуу адамдардын ой-пикирин бузуу кеңири таралууда. Кароого бол­бой турган кинолорду, сүрөттөр­дү азыр ар кайсы жерден көрүүгө болот. Эң алыскы тоолуу аймак­тарда, боз үйдүн ичине чейин мындай бузукулуктар ээлеп ал­ган. Жылаңач аялдардын сүрөтүн бардык жарнамалардан, балдар­дын оюнчуктарынан, кол баш­тыктардан, окуу куралдарынан, идиш-аяктардан, тамак-аштар­дан, кийим-кечелерден, кыскасы бардык буюм-теримдерден кө­рүүгө болот.

Экинчи – арам жол менен та­мак табуу. Уурулук, зордук-зом­булук, каракчылык, паракорлук, сүткордук, таразадан алдоо, соо­дадан алдоо ж.б.у.с. баары – Кыя­маттын белгиси. Ошондой эле арам тамактардын жайылуусу б.а. чочконун эти, арак, Аллахтын аты аталбастан союлган малдын эти, арам өлүп калган малдын эти ж.б.у.с. күнүбүздө кулачын керип бара жатат. Бузукулуктун абдан көбөйгөнүнөн улам такыба адам­дар да андан качып кутула албай калат. Жеген тамагыңдын адал же арам экенинен күмөн санап кала­сың. Аллахтын жолунан чыкпай жүргөн адамдар колуна чок карма­ган сыяктуу болуп жүрүшөт. Бузу­кулуктар биринин артынан бири пайда болуп, улам кийинки чык­каны мурункусунан күчтүүрөөк боло берет. Абу Хурайра (Аллах андан ыраазы болсун) келтирген хадисте, Пайгамбарыбыз (Ага Ал­лахтын салам-салаваты болсун): “Жакшы амалдарды жасоо менен түн караңгылыгындай каптаган бузукулукту тоскула. Бир күн ке­лет, эртең менен мусулман болуп чыккан адам кечинде каапыр бо­луп келет. Кечинде мусулман бо­луп турган адам, эртең менен каа­пыр болуп калат. Адамдар динин дүнүйө үчүн сатып жиберишет” – деп айткан. (Имам Муслим). Ха­дисте бузукулуктун абдан күчтүү болгондугунан улам, адамдар бат азгырылып, ыйманын сактай ал­бай калуусу жөнүндө айтылган.

СПУТНИКТИК КАНАЛДАР­ДЫН КӨБӨЙҮҮСҮ

Азыркы учурда спутниктин каналдардын саны 13 000 ге жа­кындап калды. Алардын дээрлик көпчүлүгү бузукулукту таркаты­шат. Жогоруда айтылган хадис­теги “Түн караңгылыгындай кап­тап кирген бузукулуктун” бири дал ушул каналдар. Хузайфа бин Яман (Аллах андан ыраазы бол­сун) айтат: “Силерге асмандан ушундай жамандыктар келет, ан­дан талаадагы чатыр да кутула албайт”. (Ибн Абу Шайба). Араб­дарда “Ассамаа” деген сөз асман маанисинде гана эмес, “өйдө” де­ген маанини да билдирет. Жого­рудагы асмандан жамандыктар дегендин мааниси – өйдөдөн б.а. спутниктер аркылуу келе турган жамандыктарга айтылган. Азыр эң алыскы тоодо жайгашкан боз үйдүн жанынан да спутник анте­насын көрүүгө болот.

Уландысы бар…

http://ift.tt/1GQdsJW

The post 🔥 Кыямат алааматтары – 2 appeared first on FORMULA.KG.

2. ПАЙГАМБАРЫБЫЗДЫН (АГА АЛЛАХТЫН САЛАМ-САЛА­ВАТЫ БОЛСУН) БУЛ ЖАШООДОН ӨТҮҮСҮ

Пайгамбарыбыздын (Ага Аллах­тын салам-салаваты болсун) бул дүй­нөдөн өтүүсү – Кыяматтын жакын кал­гандыгын билдирет. Ауф бин Малик (Аллах андан ыраазы болсун) айтат: «Табук согушунда мен пайгамбары­бызга (Ага Аллахтын салам-салаваты болсун) барсам, ал тери чатырдын ичинде отурган экен. Анан ал мага ка­рап: «Кыяматтан алдын алты нерсени күткүн: менин кайтыш болуумду, Ку­дус мечитинин мусулмандарга өтүү­сүн, малдар шарп оорусу менен кы­рылгандай адамдардын өлүмүнүн кө­бөйүүсүн, бирөөгө жүз динар берсең ачуусу келе тургандай болуп, байлык­тын көбөйүүсүн, ар бир арабдын үйүнө кирген бузукулукту, силер менен Рум­дуктардын ортосундагы тынчтыкты» – деп айтты». (Имам Бухарий).

Пайгамбарыбыздын (Ага Ал­лахтын салам-салаваты болсун) дүй­нөдөн өтүүсү Кыяматтын жакындап калганын айгинелеген негизи белги­лердин бири. Анткени, пайгамбары­быз акыркы пайгамбар. Андан кийин пайгамбар келбейт. Демек, акыркы пайгамбардын келүүсү жана кайтыш болуусу Кыямат жакын калганын бил­дирип турат.

Пайгамбарыбыз (Ага Аллахтын салам-салаваты болсун) дүйшөмбү күнү бул жашоого келген эле, дал ушул күнү бул жашоодон кетти. Пай­гамбарыбыздын (Ага Аллахтын салам- салаваты болсун) бул дүйнөдөн өтүүсү мусулмандар үчүн абдан чоң жоготуу болду. Асмандан кабардын түшүүсү токтоду. Эң алгачкы бузукулуктар пай­да боло баштады. Кээ бир арабдардын динден кайтып кетүүсү башталды.

✂ 3. АЙДЫН ТЕҢ ОРТОСУНАН ЭКИГЕ БӨЛҮНҮҮСҮ

Аллах Таала Куранда минтип айтат: «Кыямат жакындады жана Ай (экиге) бөлүндү. Алар (Курайш каа­пырлары) моожизаны көрүп турушса да, (чындыктан) жүз үйрүп: «Бул – ар дайым болуучу сыйкыр» – дей баш­ташты». (Камар, 1-2-аяттар).

Алхаафиз бин Касирдин ай­туусунда, бул окуя Пайгамбарыбыздын (Ага Аллахтын салам-салаваты болсун) заманында болгон. Бул туурасында бир канча туура хадистерде айтылган. Баардык аалымдар бул окуянын пай­гамбарыбыздын (Ага Аллахтын салам- салаваты болсун) заманында болгон­дугун жана ал Пайгамбарыбызга (Ага Аллахтын салам-салаваты болсун) бе­рилген моожиза экендигин айтышкан.

Анас (Аллах андан ыраазы бол­сун) айтат: «Меккелик каапырлар пайгамбарыбыздан (Ага Аллахтын салам-салаваты болсун) кандайдыр бир белги көрсөтүүнү талап кылыш­ты. Ошондо ал аларга айды экиге бө­лүп көрсөттү». (Имам Бухарий, Имам Муслим ж.б).

Абдуллах бин Масьуд (Аллах андан ыраазы болсун) айтат: «Биз Ми­нада пайгамбарыбыз (Ага Аллахтын салам-салаваты болсун) менен турган учурда, ай экиге бөлүндү, бир бөлүгү тоонун артына, экинчиси алды жагына келип калды. Ошол учурда пайгамба­рыбыз (Ага Аллахтын салам-салаваты болсун) бизге: «Күбө болгула» – деп айтты». (Имам Бухарий, Имам Муслим ж. б.).

Ибн Аббас (Аллах андан ыраа­зы болсун) айтат: «Мушриктер чогу­луп пайгамбарыбызга (Ага Аллахтын салам-салаваты болсун) келишти да: «Эгерде сен чынчыл болсоң, анда айды экиге бөлүп бер, бир бөлүгү Абу Кубайс тарапка, экинчиси Койикоьан тарапка болсун» – дешти. Бул түнү ай он төртүнө карап, толуп турган эле. Пайгамбарыбыз (Ага Аллахтын са­лам-салаваты болсун) Аллахка кайры­лып, алардын сураганын дуба кылды. Ошондо ай экиге бөлүндү, бир бөлү­гү Абу Кубайс тоосу тарапка, экинчи­си Койикоьан тоосу тарапка ажырап калды. Ошондо пайгамбарыбыз (Ага Аллахтын салам-салаваты болсун) жа­нындагыларга карап: «Күбө болгула» – деди». (Абу Наьийм).

4. КУДУС МЕЧИТИНИН МУ­СУЛМАНДАРДЫН КОЛУНА ӨТҮҮСҮ

Пайгамбарыбыз (Ага Аллахтын салам-салаваты болсун) бул дүйнө­дөн өткөн мезгилде «Кудус мечити» Рум христиандарынын кол алдында болчу. Ал мезгилде Рум империясы эң күчтүү державалардын бири болгон. Пайгамбарыбыз (Ага Аллахтын салам- салаваты болсун) «Кудус мечитинин» мусулмандардын колуна өтүүсүн сү­йүнчүлөп, аны Кыяматтын жакында­ганынын белгиси катары айткан. Ауф бин Малик (Аллах андан ыраазы бол­сун) айткан хадисте, Пайгамбарыбыз (Ага Аллахтын салам-салаваты болсун) ага: «Кыяматтан алдын алты нерсени күткүн: менин кайтыш болуумду, Ку­дус мечитинин мусулмандарга өтүү­сүн, малдар шарп оорусу менен кы­рылгандай адамдардын өлүмүнүн кө­бөйүүсүн, бирөөгө жүз динар берсең ачуусу келе тургандай болуп, байлык­тын көбөйүүсүн, ар бир арабдын үйүнө кирген бузукулукту, силер менен Рум­дуктардын ортосундагы тынчтыкты» – деп айткан. (Имам Бухарий).

Тарыхта Кудус мечити эки жолу мусулмандардын колуна өткөн. Би­ринчи, Умардын (Аллах андан ыраазы болсун) халифалыгында (16-хижра, 637-ж) мусулмандардын колуна өтүп, ал жерди каапырлардан тазалап, ме­чит салышкан.

Экинчи жолу Салахиддин Айюби тарабынан (583-хижра, 1187-ж) мусул­мандардын колуна өткөн.

Кыяматка чейин Кудус мечити мусулмандардын колуна дагы өтөт. Бул мечиттин айланасында болгон уруштар туурасында кийин кенени­рээк айтылат.

Уландысы бар…
«БАКТЫЛУУЛУК ФОРМУЛАСЫ»

http://ift.tt/1LZsQoH

The post 🔥 Кыямат алааматтары – 1 appeared first on FORMULA.KG.

Мээримдүү жана Ырайымдуу Аллахтын аты менен баштаймын. Ааламдардын Жаратуучусу, адам баласын сыноо үчүн жаратып, Акырет күнү алардан сурак алуучу Аллах Таалага мактоо болсун. Аллахтын эң акыркы пайгамбары, бул дүйнөнүн убактылуу экендигин үммөтүнө далилдеп, Акыреттеги эсеп-кысапка даярдануунун жолун үйрөткөн пайгамбарыбыз Мухаммадга Аллахтын салам-салаваты болсун.

Урматтуу мусулман бир тууганым! Аллах Таала Куранда: “Оо, ыйман келтирген пенделер! Аллахтан корккула! Ар бир жан эртеңки күнү (Кыямат) үчүн эмне амал кылганына карасын. Аллахтан корккула! Аллах эмне иш жасап жатканыңардан кабардар” – деп айткан. (Хашр, 18-аят). Мына ушул аятты уккан сахабалар бул аятка кандай амал кылышты? Абу Бакр Сыддык (Аллах андан ыраазы болсун) бир күнү бак ичине кирип, бутактанбутакка конуп мөмөлөрдү терип жеп жүргөн чымчыкты көрдү. Ал чымчыкка суктануу менен карап: “Оо, чымчык! Сен бутактан-бутакка коносуң, каалаганыңды жейсиң, каалаганыңды ичесиң, бирок эртең Аллахтын алдында бул үчүн жооп бербейсиң. Сенин жашооң кандай жакшы. Аттиң, мен эл башкарган халифа болуп, эртең Аллахтын алдында эсеп бере албай турганымча, ыймандуу адамдын денесиндеги бир тал түк болуп калсам кана…?” Умар (Аллах андан ыраазы болсун) айтат: “Аттиң, бул жашоодо сыналып, сыноодон өтпөй калганча, Умардын энеси мени төрөбөй койсо жакшы болмок”. Ибн Аббас (Аллах андан ыраазы болсун) өзүнө-өзү кайрылып мындай дейт: “Оо, Ибн Аббас! Эгерде Аллах сенин күнөөлөрүндү кечирбесе, анда абалың оор болорун билип кой”. Анас бин Малик айтат: “Мен бир күнү Умардын өзү менен өзү сүйлөшүп жатканын уктум. Ал: “Аллахка касам ичип айтам, эй менин нафсим, сенин алдыңда эки эле жол бар: же такыба болул жашайсың, же Аллахтын азабына туш болосуң” – деп айтып жатты. Али (Аллах андан ыраазы болсун) колу менен сакалын кармап: “Оо, дүнүйө, менден башканы алда! Менин жолумдан эч качан тосуп чыкпагын! Мен сага үч талак берип ажырашканмын, эми сени кайра албаймын! Оо, дүнүйө, сенин өмүрүң кыска, оо, Али, сенин болсо азыгың өтө аз” деп айтат эле.

Урматтуу мусулман бир тууганым! Пайгамбарыбыз (Ага Аллахтын салам-салаваты болсун) айтат: “Акылдуу адам, өзүнө эсеп берет, өлүмдөн кийинки күнүнө даярданат, алсыз адам өз нафсисине кул болот, эч кандай амалы жок, бирок Аллахтан үмүт кылат”. Акылдуу адам өзүнүн эмне иш кылып жатканына кунүнө, жумасына, же айына бир жолу эсеп берет. Өзүнө убакыт бөлөт. Тажрыйбалуу соодагерлер күн сайын соодасынын эсебин алып турат. Канча киреше түштү? Канча чыгаша чыкты? Соодасы алга жылып жатабы, же артка кетип жатабы? Мына ушундай эсеп-кысаптын күчтүүлүгү менен ал ийгиликке жетишет. Эгерде соодасында эсепкысап кылбаса, киреше-чыгашасын билбесе, анда ал аз убакыттын ичинде зыянга учурайт, карызга батат. Адамдын өмүрү да ушул сыяктуу. Ар бир саатыңа, ар бир мүнөтүңө эсеп берип турбасаң, өмүрдүн кайда кеткенин билбей кала турган күн келет. Маймун бин Михрон деген аалым айтат: “Пенде, кызматчысынан эсеп алган сыяктуу өзүнөн да эсеп алмайынча, такыбалардын катарына кошула албайт”. Буга чейин эмне кылдым? Бүгүн эмне кылып жатам? Эртең эмне кылуум керек? Мына ушундай суроолор ар бирибизге берилүүгө тийиш. Анткени, бул дүйнө кыска, канча көп жашаба, бары бир дүйнөнүн аягына жетесиң. Үйлөрүбүздү канчалык бийик салбайлы, баары бир жердин алдына кирип жата турган убакыт келет. Язид күн сайын өзүнө эсеп берип, ыйлайт эле: “Абалың кыйын сенин Язид, сен өлсөң сен үчүн ким намаз окуйт, сен өлсөн, сен үчүн ким орозо кармайт?”

Урматтуу мусулман бир тууганым! Биз дагы өзүбүздүн жасаган амалдарыбызга карайлы. Аллахтын алдына көтөрүп барууга жарай турган кандай амалдарыбыз бар? Азыркы биздин абалыбыз, чындыгында, аянычтуу. Азыр мусулмандар ар түрдүү болуп калды. “Сезонный” мусулмандар бар. Качан Рамазан айы келсе, орозо кармашат, Тарави намаздарына келишет, садака беришет. Рамазан чыккандан кийин баягы таз кейпин кийип калышат. “Заочный” мусулмандар бар. Жума намазына келишет. Жума ичиндеги 34 намазды каза кылып, 35-намазга гана келишет. Айт намазына келишет. Бир жылдык намаздын баары каза. Ооба, албетте бул намаздарга келүү жакшы. Бирок, беш убак намазды да окууга аракет кылуу керек. Жогорудагы сөздөр бул намаздарга келбей кой деген сөз эмес. Аллах баарбызды туура жолго баштасын. Андан да жаманы, такыр мусулманчылык менен иши жок мусулмандар бар. Эртели-кеч арактын досу, күнөөнүн үстүндө жашашат. Өтүп кеткен ата-энесине арнап Ихлас сурөсүн окуй албайт, дуба кылганга жарабайт.

Урматтуу мусулман бир тууганым! Аллахтын азабынан коркуп, акыркы жолу качан ыйладың!? Пайгамбарыбыз (Ага Аллахтын салам-салаваты болсун) айтат: “Эки түрдүү көз бар. Аларды тозок күйгүзө албайт, алар: Аллахтын азабынан коркуп ыйлаган көздөр жана динин коргоо үчүн уктабастан таң атырган көздөр”. Бир даанышман айтат: “Дүнүйө сааттардан турат, ошол сааттарды Аллахка ибадат кылуу менен өткөр”. Бир күнү пайгамбарыбыз (Ага Аллахтын салам-салаваты болсун) сахабалары менен бара жатып сасып калган койдун тарпын көрдү. Ошол жерде да пайгамбарыбыз (Ага Аллахтын салам-салаваты болсун) сахабаларынан сурады: “Ушул койдун тарпы ээси үчүн баалубу? Сахабалар бир ооздон жооп беришти: “Жок, эгер мунун баасы болсо, бул жерге ыргытып жибермек эмес”. Пайгамбарыбыз (Ага Аллахтын салам-салаваты болсун) айтты: “Аллахка касам ичип айтамын. Аллах үчүн дүнүйөнүн баасы мына ушул тарптан да баасыз. Эгер дүнүйөнүн чымындын канатындай баасы болгондо, анда Аллах каапырларга эч нерсе бермек эмес”. Дүнүйө, байлыкты Аллах каалаган адамына бере берет. Ким ага алданса, жашоосу текке кетет. Бир падышадан жан-жөкөрлөрү сарашат: “Оо, улуу урматтуу падышам, сиздин канча досуңуз бар? Падыша жооп берет: Мен досторумдун санын билбеймин. Азыр менин бийлигим, байлыгым бар, элдин баары менин досум. Качан гана менден байлык-бийлик кеткенде, ким менин досум экенин айтып берем”. Абу Дарда (Аллах андан ыраазы болсун) Шамга (Сирияга) барып, ал жердеги адамдарга кайрылат: “Оо, менин шамдык туугандарым! Бир тууганыңардын насаатын уккула! Мен силерди көрүп турам. Силер өзүңөр жашабай турган үйлөрдү эмне үчүн куруп жатасыңар, өзүңөр жебеген нерсени эмне үчүн жыйып жатасыңар…?” Адам баласы ар дайым: “Малым, байлыгым, …” – деп айтат, Аллах болсо: “Оо, адам баласы! Сен жеп, анан ал кылганың сеники, сен кийип, анан жырттканың сеники, сен садака кылып сактап койгонуң – сеники, башкасы сеники эмес” – деп айтат. Аллах Таала Куранда минтип айтат: “Дүйнө пайдалары аз гана. Такыба адамдар үчүн акырет жакшы жана силерге ал жерде данектин чел кабыгындай да зулум кылынбайт”. (Ниса, 77аят).

Урматтуу мусулман бир тууганым! Убакыт өтө берет. Жыл, болгону он эки айдан турат. Ай, болгону отуз күндөн турат. Күн, болгону жыйырма төрт сааттан турат. Саат болсо алтымыш мүнөттөн турат. Убакытты эч качан узун деп ойлобо. Кээ бир адамдар айткандай убакыт “алтын” эмес. Убакыт бул кайсы бир материалдык нерсе менен өлчөнбөйт. Убакыт – бул, өмүр. Хасан Басрий айтат: “Эй, адам баласы, сен күндөрдөн түзүлгөнсүң, күн өткөн сайын сен кемип жатасың”. Эң чоң ысырап, бул акчаны, же башка нерсени ысырып кылуу эмес. Эң чоң ысырап, бул убакытты текке кетирүү. Арабдардын макалында: “Убакыт кылыч сыяктуу, эгер сен аны кескенге жетишпесең, ал сени кесип салат” – деп айтылат. Күн менен түн сага каршы иштеп жатат. Булар жаңыны эскиртет, жашты карытат, барды жоготот. Аалымдар айтат: “Кимдин бүгүнкү күнү кечээги күнүнө окшош болсо, жашоодон уткузуптур, кимдин бүгүнкү күнү кечээгиден жаман болсо, ага каргыш болсун”. Пайгамбарыбыз (Ага Аллахтын салам-салаваты болсун) айтат: “Эгер Аллахтан сурасаңар, Фирдаусту сурагыла! Ал бейиштин ортосу жана анын бийиктиги Аллахтын аршына жетет”. Мусулман пенде ар дайым бийиктикке умтулуусу керек. Дуба кылганда да жөн гана бейишти сурабастан, “Фирдаусту” сурагыла. Күндөрүбүзгө эсеп берели. Өзүбүздү-өзүбүз оңдойлу. Кетирген күнөөлөрүбүз үчүн чын ниеттен кечирим тилейли. Аллах Таала Кечиримдүү жана Боорукер. Ар бирибизге Аллахтын тынчтыгы, мээрими жана ырайымы болсун.

Абдишукур ажы Нарматов, 

The post Аллахтын алдындагы сурак appeared first on FORMULA.KG.

Акыркы күндөрү бир гана мусул­ман журтчулугу эмес, жалпы дүйнө жүзүндө “Акыр заман” болору туу­ралуу ар түрдүү сөздөр айтылып келүүдө. Ал эмес кээ бирөөлөр анын убактысын так белгилеп, “ушул жылы, ушул күндө” болот деп да ай­тып чыгышты. Ооба, Кыямат ка­йымдын башталуусу Аллахтан баш­ка эч кимге белгилүү эмес. Ар түрдүү жалганчылардын сөзүнө ишенүүнүн зарылдыгы да жок. Ошондой болсо да, ар тараптан айтылган сөздөр эл арасында ар кандай ой-пикирлерди жаратпай койбойт экен. Жалган­чыларга ишенип, ишин таштап, жер астына кирип, Кыямат кайымдан “аман” калууну көздөгөндөр да чы­гууда. Ошондой эле, мусулман коом­чулугунун арасында да, кыяматтын башталуусу тууралу ар түрдүү ой- пикирлер көбөйүүдө. Мына ушундай көйгөйлөрдү эске алып, элибизге туура түшүнүк берет деген ишеним менен, гезитибизге Кыяматтын бел­гилери тууралу маалымат берүүнү туура таптык. Кыяматтын белги­лери тууралуу маалымат алуудан алдын, биз төмөнкүлөргө көңүл бу­руубуз зарыл:

1. Кыяматтын белгилерине да­лилди Курандан жана хадистен гана келтирүү керек. Себеби, бул экөөсү кайып нерселер тууралуу маалы­мат берүүчү булак болуп эсепте­лет. Аллах Таала Куранда минтип айткан: “Айт: “Асмандардагы жана жердеги кайыпты эч ким билбейт. Бир гана Аллах билет..”. (Намл, 65- аят). Ошондой эле дагы бир аятта: “Кайыпты билүүчү (Аллах) Ал Өз ка­йыбын эч кимге билдирбейт. Бирок, Өзү каалаган пайгамбар(лар)га гана билдирет” – деп айтылган. (Жин, 26-27-аяттар). Ал эми мурдагы ки­тептерде айтылган, же кимдир-би­рөөлөрдүн түшүнө кирди деп айтыл­ган, же эч кандай далили жок эле ай­тылып калган белгилерге ишенүүгө жана аны башкаларга жайылтууга болбойт.
2. Кыяматтын белгилери туура­луу айтылган хадистер мейли пай­гамбарыбыз (Ага Аллахтын салам- салаваты болсун) тарабынан бол­сун, же сахабалар тарабынан болсун туура, шексиз хадис болуусу керек.
3. Кыяматтын белгилери туура­луу айтуучу же жазуучу адам, аны ачыкка чыгаруудан алдын, илимдүү адамдардын текшерүүсүнөн өткө­рүүсү зарыл.
4. Кыяматтын белгилери туу­ралуу айтуудан же жазуудан алдын, алар тууралуу кеңири маалымат алуу керек. Анткени, өзүң жакшы билбеген нерсени башкаларга жет­кире албайсың. Али (Аллах андан ыраазы болсун) айткан: “Адамдарга өзүңөр билген нерсени гана айткыла. Кокустан Аллахка жана Анын элчи­сине жалганчы болуп калбагыла”. (Имам Бухарий). Ал эми Ибн Масьуд (Аллах андан ыраазы болсун) мин­тип айткан: “Адамдардын акылына толук жеткире албаган сөзүң – кээ бирөөлөрдү азгырып кетүүсү мүм­күн”. (Имам Муслим).
5. Кыяматтын белгилеринде, ай­рыкча чоң белгилеринде айтылган Дажжал, имам Махди сыяктуулар­ды өз акылы менен “Мына ушул адам ошол” деп кимдир бирөөгө айтууга болбойт. Мисалы: “Асраарус-саат” аттуу китепте, автор Ирандын жол башчысы Мухаммад Хаати­мийди Дажжал деп айтса (автор Фахд Саалим), “Алмасихуд-Дажжал” аттуу китепте, Сагдам Хусейндин Имам Махди экендиги айтылган. (Ав­тор Саьид Аюб). Мына ушул сыяктуу жеке пикирлер, адамдардын Кыя­маттын белгилерине болгон ише­нимин алсыздатып, адашууга алып баруусу мүмкүн.

Кыяматын белгилери болуу убактысына карай үчкө бөлүнөт:

– Толук болуп өткөн белгилер. Мисалы: Пайгамбарыбыздын (Ага Аллахтын салам-салаваты болсун) пайгамбар болуп келүүсү, анын өлү­мү, айдын экиге бөлүнүүсү ж.б.

– Азыркы учурда болуп жана ула­нып жаткан белгилер. Мисалы: ба­зарлардын көбөйүүсү, өлүмдүн көбө­йүүсү, жазуунун көбөйүүсү ж.б.

– Таптакыр боло элек белгилер. Мисалы: Дажжалдын чыгуусу, жа­ныбардын чыгуусу ж.б.

Ал эми өзүнүн таасири жана маанилүүлүгүнө карай экиге бөлү­нөт:

– Кыяматтын кичине белгилери

– Кыяматтын чоң белгилери

Кыяматтын кичине белгилери болуп бүткөн соң, анын чоң белгилери биринин арынан бири уланып келет. Ал эми Кыяматтын чоң белгиле­ринин аягы Кыяматтын кайым бо­луусу менен бүтөт. Чоң белгилердин саны он. Алар: түтүн, Дажжал, жа­ныбар (Даабба), күндүн батыштан чыгуусу, Иса пайгамбардын түшүүсү, Яжуж-Мажуждун чыгуусу, батыш­та, чыгышта жана араб аралында болуучу жер жутуу, адамдарды Мах­шарга айдап баруучу оттун чыгуусу.

Урматтуу окурман! Мындан ары гезитибиздин “Кыямат качан болот?” аттуу рубрикасынан Кыя­маттын белгилери тууралуу толук маалымат берүүгө аракет кылабыз. Биз берген маалыматтарга туура түшүнүп, жашоодо анын пайдасын көрө аласыздар деп ишенебиз.

1. 1. Пайгамбарыбыз Мухаммад­дын (Ага Аллахтын салам-салава­ты болсун) пайгамбар болуп ке­лүүсү

Пайгамбарыбыз (Ага Аллахтын салам-салаваты болсун) өзүнүн пай­гамбар болуп келүүсү Кыяматтын жакындагандыгынын белгиси экен­дигин айткан. Бул – Кыяматтын ки­чине белгилеринин эң биринчиси. Сахл бин Саьд (Аллах андан ыраазы болсун) айтат: Пайгамбарыбыз (Ага Аллахтын салам-салаваты болсун) сөөмөй жана ортонку манжасын көрсөтүп: “Мени менен Кыяматтын аралыгы ушунчалык” – деп айтып жатканын уктум. (Имам Бухарий, Имам Муслим).

Экинчи айтымда, Пайгамбары­быз (Ага Аллахтын салам-салаваты болсун): “Мен Кыяматтын алдында жөнөтүлдүм” – деп айткан. (Хааким).

Аллах Таала адам баласын жа­раткандан кийин, аларды жөн гана таштап койбостон, аларга туура жол көрсөтүүчү пайгамбарларды жөнө­түп турган. Алар ар кайсы заманда, ар кайсы коомдорго жиберилген. Аллах Таала Куранда: “(Тарыхтагы) баардык үммөттөр арасында Эскер­түүчү (пайгамбар) болгон” (Фатир, 24-аят), жана “(Кыяматта) адамдар­дын колунда Аллахка каршы далил болуп калбоосу үчүн жакшы кабар­ды сүйүнчүлөөчү жана эскертүүчү пайгамбарларды жөнөттүк” – деген сыяктуу көптөгөн аяттарды түшүр­гөн. (Ниса, 165-аят).

Ошондой эле Куран жана хадисте айтылбаган да пайгамбарлар бол­гон. Анткени, баардык пайгамбар­лардын кабары бизге айтылган эмес. Аллах Таала Куранда: “Биз сага (оо, Мухаммад) баян кылып берген жана баян кылып бербеген да пай­гамбарлар бар” – деп айткан. (Ниса, 164-аят).

Биринчи пайгамбар – Адам (Ага Аллахтын саламы болсун), бирин­чи элчи – Нух (Ага Аллахтын сала­мы болсун). Ал эми эң акыркы пай­гамбар жана элчи Пайгамбарыбыз Мухаммад (Ага Аллахтын салам-са­лаваты болсун). Пайгамбарыбыз­дын (Ага Аллахтын салам-салаваты болсун) эң акыркы пайгамбар экен­диги тууралуу Аллах Таала Куранда: “Мухаммад силерден эч бир эркек­тин атасы эмес. Ал – Аллахтын элчи­си жана пайгамбарлардын акыркы­сы” – деп айткан. (Ахзаб, 40-аят).

Адам атадан бери келген пай­гамбарлардын көптөгөн окшош­туктары болгон. Ошондой эле Пай­гамбарыбыздын (Ага Аллахтын салам-салаваты болсун) мурдагы пайгамбарлардан айырмаланган өз­гөчөлүктөрү болгон:

1. Ал – баардык адамдарга пай­гамбар болуп жиберилген. Аллах Таала Куранда: “(Оо, Мухаммад, сен адамдарга): “Эй, адамдар! Мен си­лердин баарыңар үчүн Аллахтын элчисимин. Асмандар менен жердин кожоюндугу – Аллахка таандык. Ан­дан башка кудай жок. Ал – тирилтет жана өлтүрөт. Аллахка жана Аллах­тын сөзүнө ишенгиле, жиберилген сабатсыз элчисине ишенип, аны ээр­чигиле. Балким туура жолду табаар­сыңар – дегин” – деп айткан. (Аьраф, 158-аят).
2. Ал – бүткүл ааламды ырахмат кылуучу пайгамбар болуп жиберил­ген. Аллах Таала Куранда: “Биз сени бүткүл ааламдарга мээрим катары жөнөттүк” – деп айткан. (Анбия, 107- аят).
3. Ал – пайгамбарлардын акыркы­сы. Аллах Таала Куранда: “Мухаммад силерден кайсы бир эркектин атасы эмес, бирок Аллахтын элчиси жана пайгамбарлардын мөөрү” – деп айт­кан. (Ахзаб, 40-аят).
4. Ал – адамдар менен бирге эле жиндерге да пайгамбар катары жи­берилген. Аллах Таала Куранда жин­дердин: “Оо, коомубуз! Аллахтын чакыруучусуна жооп бергиле” деген сөзүн айткан. (Ахкаф, 31-аят). Ошон­дой эле: “Айткын (оо, Мухаммад) “Мага кабар берилди. Жиндердин бир тобу китептин окулганын угуп алышып, минтип айтышты: “Биз чындыгында кереметтүү Куранды уктук” – деп айткан. (Жин, 1-аят).
5. Анын кулк-мүнөзү өтө жо­гору болгон. Аллах Таала Куранда Пайгамбарыбызды (Ага Аллахтын салам-салаваты болсун) сыпаттап: “Сен – улуу кулк-мүнөздүн ээсисиң” – деп айткан. (Калам, 4-аят).
6. Ал кимге кечирим тилесе, Ал­лах Таала аны кабыл кылган. Аллах Таала Куранда: “Эгерде алар өздө­рүнө адилетсиздик кылышса сага келишет да, Аллахтан кечирим сура­шат, алар үчүн Аллахтын элчиси да кечирим сураганда, алар Аллахтын Тообаларды Кабыл Кылуучу, Мээ­римдүү экендигин табышар эле” – деп айткан. (Ниса, 64-аят).
7. Ага жана анын үммөтүнө олжо адал болду. Аллах Таала Куранда: “Олжо түрүндө алган адал, таза нер­селерди жегиле жана Аллахтан корк­кула» – деп айткан. (Анфал, 69-аят).
8. Ал асманга көтөрүлүү даража­сына ээ болду. Бул жөнүндө Аллах Таала Куранда: «Харам мечитинен белгилерибизди ага көрсөтүү үчүн айланасын Биз берекелүү кылган Аксаа мечитине пендесин сейил кылдырган (Затка) аруулук болсун!» – деп айткан. (Исра, 1-аят).
9. Анын үммөтү эң жакшы үммөт болду. Аллах Таала Куранда: «Аллах­ка ыйман келтирген, жакшылык­ка чакырып, жамандыктан тыйган, адамзат үчүн жиберилген жакшы коом болдуңар» – деп айткан. (Аалу Имран, 110-аят).
10. Ага Бейиштен Кавсар суу­су берилген. Аллах Таала Куранда: «Чындыгында, Биз сага «Кавсарды» тартуу кылдык» – деп айткан. (Кав­сар, 1-аят).
11. Ал колдоочу (шапаат кы­луучу) даражага ээ болду.

Ал эми пайгамбарыбыздын эң негизги өзгөчөлүгү – анын акыр­кы пайгамбар болгондугунда. Пай­гамбарыбыз акыркы замандын пай­гамбары. Аны менен Кыяматтын ор­тосунда башка пайгамбар болбойт.

The post Кыямат качан болот? appeared first on FORMULA.KG.

Бул жашоодо өтүп кет­кениңден кийин, артыңда кал­гандар эмне кылышарын, сени канча убакыт эстеп жүрүшө­рүн билгиң келеби? Анда бул дүйнөдөн өткөн адамдардын артындагыларына көз чаптыр. Бир адам кайтыш болду. Буга чейин анын Эшмат деген элге белгилүү аты бар эле. Бүгүн анын аты өчтү. Элдин баары сөөктү жууш керек, майит­ти кепиндеш керек, мүрданы жерге бериш керек деп сүйлөп калды. Эч кимдин оозунан Эш­матты жууйлу, же Эшматты ке­пиндейли деген сөз чыкпады. Аты өчөт деген мына ушул. Адамдар ыйлашты, кайгырыш­ты, кээ бирөөлөр чындап кай­гыга батса, кээлери элди туурап ыйламыш болду. Кээ бирөөлөр анын мындан аркы жашоодо такыр болбостугун эстеп муң­канышса, кээлери анын мал- мүлкүн эсептеп, анын канчасы өзүнө тийерин эстеп ичинен кымыңдады. Кыскасы, ызы- чуу, ый-муң аралаш аны жерге беришти. Анын Ташматов де­ген фамилиясы бар эле. Ал да­йыма аты менен бирге Ташма­тов Эшмат деп чакырылчу. Бү­гүн анын фамилиясы да өзгөр­дү. Адамдардын баары маркум Эшмат деп сүйлөп калышты. Арадан бир күн өттү. Ызы-чуу, кайгы-муң кечээкиден азайды. Адамдар ал жөнүндө аны-му­ну сүйлөп олтурушту. Арадан дагы эки күн өттү. Адамдардын ыйы токтоду. Ал жөнүндө анча- мынча эле сөз болбосо, ар ким өз тирилигин сүйлөй баштады. Анан жетилик, кырктык, жыл­дык дегендерин өткөрүштү. Ошону менен аны эч ким эсте­ген жок. Бир жылда бир жолу “Баланчынын өлгөн күнү бол­чу” деп эстеп жүргөн жакын туугандары да эми такыр эле эстебей калышты.

Мына ушундай, же ушул сыяктуу тагдыр баарыбыздын башыбызда. Сен тирүү кезиңде сени өмүр бою эсинен чыгар­бай тургандай сезилген жакын­дарың, ушунчалык аз убакытта сени эсинен чыгарышат. Себе­би, дүнүйө ушундай жаралган, ушундай улана берет. Сени ар дайым эстеп жүрүүгө адамдын күчү жетпейт, же сени унутууга жашоо өзү аны мажбур кылат. Жашоо ушундай. Ушундай болгон соң, бир нерсени эси­ңе бекем түй. Сени эч качан унутпай турган жана унутууга мажбур болбой турган бирөө бар. Ал – сени жараткан Аллах. Жашооңдун баарын Ал үчүн багышта. Ал – сен тирүү бол­соң да, өлсөң да, жер бетинде болсоң да, жер астында бол­соң да унутпайт. Аны менен жакшы мамиледе бол. Ал эч качан сенин жакшы мамилеңе жамандык менен жооп бербейт. Ал сени унутпайт, сен да Аны унутпа!

Алайчы Сеитбеков

The post Өлүмдөн кийин бул дүйнөнү көргүң келеби? appeared first on FORMULA.KG.