БАКТЫЛУУЛУК ФОРМУЛАСЫ

Адам бул жашоого жаралган соң, ар кандай каалоо- максат менен жашайт. Эң чоң максаты (каалоосу)- бактылуу жашоо! Бактылуулук! Бирок, көбү бактылуулуктун (бакыт) эмне экенин аңдай беришпейт. Биринчи бактылуу болуу үчүн эмне кылуу керек? Биз атайын <Бактылуулук формуласын> түзүп алсак.. Бул формуланы түзүү үчүн эң биринчи кайсы элемент керек жана маанилүү?
Албетте, ыйман жана ден соолук (элементи)! Албетте, биринчи жүрөктө ыйман болуусу- эң чоң бактылуулукка карай кадам жана формуланын маанилүү элементи. Эмнеге ден соолук элементи да маанилүү? Анткени, ден соолугуңуз болбосо эмне иштерди кыла аласыз? Эмнеге жетише аласыз? Эң мыкты деңгээлде ибаадат кылуу үчүн да ден соолук керек.. Жашоо үчүн да, үй-бүлөөнү багуу үчүн да жана башка бардык нерсе үчүн ден соолук керек! Кээ бир учурда ден соолугу чың болуп туруп, кедей жашаган адам да өзүн бактылуу сезет! Эмнеге? Эртең азыгы түгөнсө дагы эмгектенип, азык-оокат таап келет. А бирөө чириген бай болсо да, ден соолугу болбосо ал бактысыз. Анткени, анын тапкан дүнүйөсүнүн баары ден соолугуна кетет. Берекесин көрбөйт!
Олжас Сулейманов айткандай, бутуңдагы ботинкең бутуңду кысып турса, кең дүйнөнүн кеңдигинен не кажет.

“Ден -соолук табылгыс байлык,сатып алгыс бакыт, түгөнбөс кенч, кайсы бир адамдын ден соолугу чың болсо- ал бактылуу”- деп айтсам анда мындай суроо баарында эле туулушу мүмкүн? Ден -соолугу чың баар жогу бүтүн бирок көчөдө бомж,базарда тилемчи,үй -бүлөсүндө тынчтык жок,башы кыйынчылыктан чыкпаган,кедейлик,жакырчылыкта жашаган инсандарды караап анда алар эмне үчүн бактылуу эмес деп айтууңуз мүмкүн э .. ден -соолугу чың болсо эле бактылуу инсандар толуп кетмек да депчи. Ооба өкүнчтүүсү жашоодо мындайлар толо болгону ден -соолук кадырына жетпей бактылуулук эшиктеринин ачыкычтарын кайда экенин издебей жатабыз.
Хадистерде келгендей:

«Азга шүгүр кылбаган адам, көпкө да шүгүр кылбайт» – деп айткан. (Ибн Маажа)…

«Адамдарга шүкүр кылбаган пенде, Аллахка да шүкүр кылбайт» – деген. (Абу Дауд).

Демек Аллахтын берген эсепсиз нематтарына шүкүр кылганды билбей жатабыз. Эгер билсеңиз ден -соолуктун канчалык улуу немат экенин билгениңизде эле башыңыздан баштап бутуңуздун учуна чейин эсептеп көрүңчү, эсебине жете албайсыз. Аллах Таалам канчалык кооз,канчалык татаал,канчалык сырдуу дене -мүчөңүздү жаратып койгон адамзат бул сырды чечүүгө акылы да жетпейт. Ушундай улуук наматта жашап жаткан экенсиз сиз дүйнөдөгү эң бактылуу инсансыз,аны билбей нашкүрчүлүк кылган болбоңуз..
.
“Оору кадырын ооруп өксүгөн жан билет, жашоо кадырын кыйналып жашган жан билет “. . .

“Колдо бар алтындын кадыры жок “деген сыяктуу ден- соолугубуз бар туруп шүкүр кылбай, анын кадырына жетпей келебиз.
Эки колуң, тилиң, оозуң, эки колуң, эки бутуң бар.

«Эми, Роббиңердин кайсы нематын жалганга чыгара аласыңар?! »(55:13).

Аллах Таала айткан: «Силер Мени эстегиле Мен силерди эстеймин. Мага шүгүр кылгыла, каапыр болбогула». (Бакара, 152-аят)…

Эркиндик менен ден соолук окшош: алардан ажыраганда гана “аттиң!” дейсиң.
Анри БЕК:
“Убакыт менен ден соолук көрүнбөгөн бакыт “деп бекеринен айтылбаптыр.
Эгер билсек ден соолук деген:

Ден -соолук -бактылуулук эшиктеринин ачкычы,жашоонун кооздугу,өмүрдүн балуулугу…

Ден -соолук -ийгилик тепкичтерине чыгууга сөйөнүч, жетүүгө күч -кубат ..

Ден -соолук -амалдардын ырахаты,бул дүйнө,аркы дүйнө бейишине жетүүчү жолдомо..

Анткени ден -соолугуң чың үчүн сен бизнесменсиң,илимдүүсүң,сүйгөн кесибиңдин ээсисиң ,деги эле турмушта сүйүктүү жолдошу -жубайсың,балдарыңдын атасы, апасысың,ата -энеңдин сүйүктүү уулу же кызысың. Сенде ушулар бар экен Аллахка шүкүр келтир бир тууганым!

“Биринчи байлык ден соолук,экинчи байлык ак жоолук,үчүнчү байлык бар соолук “-дегендей ден соолук баа жетпеген жалгызгана асыл дүйнө. Аны сактоо,абайлоо ар бир инсандын өз колунда. Ар ким ден соолугунун начарлоосуна өзү күнөөлү. Ден -соолук адам өмүрүндөгү эң жогору баалуу дүнйө болгондуктан,ар бир адам баласы көңүл буруу кажет,аны орунсуз ысарап кылбоо керек.

“Оору келбестен мурда ден- соолугуң жөнүндө ойлон” (хадис). .

Пайгамбарыбыз (с. а. в. ) айтып өткөндөй:
“Мусулман пендеси эки нерсенин кадырына жетпейт. Биринчиси-Убакыт. Экинчиси-Ден- соолук”..

Ден-соолук кадырына жетүү, аны сактоо да өзүбүздөн.
“Сактанганды Кудай сактаптыр “деген макал бекеринен айтылган эмес. Өзүңө кароо, таза жүрүү, сууктардан этият болуу, убагында тамктануу, убагында уктоо булар биздин ден- соолукка кам көрүүбүз, өзүбүздү ар кандай оорулардан сактап алдын алганга жардам берет.

Аллах Таала пендесине эмне пайдалуу болсо аны буйруп, ар дайым аткаруусун буйруган. А эмне зыян болсо, ошол нерселерден тыйган. Аллахтын бизге буйруган дагы бир нээматы- намаз. Намаздын эле ден-соолукка канчалык пайда экенине көңүл буруңуз:

1- Намазда аткарылган аракеттер жай болгондуктан, жүрөктү чарчатпайт жана күндүн ар кандай саатында болгондуктан, адам баласын дайыма сергек кармайт.

2- Күндө башын сексен жолу жерге койгон адамдын мээсине ритмикалык түрдө көп кан барат. Бул себептен улам мээ клеткалары жакшы азыктанат жана склероз, психоз сыяктуу оорулар намаз окуган адамдарда өтө аз кездешет. Алар өмүрү боюнча көп оорушпайт. Медицинада «Деманс сенил» деп аталган ооруга чалдыгышпайт.

3- Намаз окугандардын көздөрү туруктуу тартипте ийилип-түздөлүүдөн улам күчтүү кан айланууга ээ болот. Ошондуктан, көздүн ичинде кан басымы көтөрүлбөйт жана көздүн алдыңкы бөлүгүндөгү суюктуктун үзгүлтүксүз алмашуусу камсыздалат. Көздү «катаракт» же болбосо «кара суу» деген оорулардан сактайт.

4- Намаз учурунда аткарылган изометрикалык кыймыл – аракеттер ашказандагы азыктардын жакшы сиңишине, өттүн оңой агуусуна жана ушундан улам, өттө таштын пайда болбоосунда, панкреастагы ферменттердин оңой чыгышында чоң роль ойнойт. Бөйрөк менен түтүктөрүндөгү кыймылдан улам таш пайда болуусунун алдын алат жана табарсыктын бошошуна жардам берет.

5- Беш маал окулган намаздагы ритмикалык аракеттер күнүмдүк жашоодо машыктырылбаган булчуң менен муундарды кыймылга келтирип, артрит жана туз биригүү сыяктуу муун ооруларынын жана булчуң тырышууларынын алдын алат.

6- Ден-соолук үчүн албетте тазалык керек. Даарат менен гусул материалдык жана моралдык тазалык болуп эсептелет. Ал эми, намаз тазалыктын дал өзү. Анткени, адамда дене жана рухий тазалык болмоюнча намаз болбойт. Даарат менен гусул дененин тазалыгын камсыздайт. Ибадат милдетин орундаткан адам моралдык жактан жеңилдеп, тазаланган болот.

Бул намаздын гана пайдасы а динибиздеги бардык буйрулган амалдарын пайдасы адамдардын бир ден соолугуна эмес жашоосунда көптөгөн жакшылыктарга жетүүсүнө себеп болот.

Ден -соолук чыңында амалдардын канчалык ырахат менен аткаруулусу,Аллах алдында канчалык соопторго жетүүгө мүмкүнчүлүгүн билгениңде эле?! Окуган намазыңа,Кураныңа эле карачы баарын өз ордунда аткарып,ырахат менен окуйсуң, Ошон үчүн жашмын анан окуймун,кыламын дегенден алыс бол. Элүү, алтымышка чыгасыңбы жокбу Аллах билет. Жеткен чакта да амалдарың жарты болот,тик турган белиң бүгүлүп,олтуруп турган буттарың ооруп,орозо кармаганга ашказаның күчсүз,куран окууганга көздөрүң тунарып ,кыскасы көөп жакшылыктардан кур каласың. Ошондуктан жаштыкта күчтүн, ден соолуктун барында жакшы амалдарды аткарып,бул дүйнө бейишин эле эмес аркы дүйнө бейишине да жетишип ал….

Бактылуулуктун эң башкы зарылчылыктары – ден соолуктуу эл, ден соолуктуу үй-бүлө, ден соолуктуу жаштар, ден соолуктуу өспүрүмдөр, ден соолуктуу балалык, ден соолуктуу жашоо ар бир инсандын табылгыс байлыгы…

Нуриза Кармышакова.

«БАКТЫЛУУЛУК ФОРМУЛАСЫ»

Запись ДЕН -СООЛУК ТАБЫЛГЫС БАЙЛЫК! впервые появилась Formula.KG.

1. Арам кылынбагандын баары адал

Бардык заттар башатында адал. Ушундан улам кандай гана зат, мамиле же ибадат болбосун анын арамдыгы изилденип, Шарияттан так далилдер табылбаса, адал деп эсептелет.

2. Уруксат берүү жана тыюу салуу бийлиги, Аллахка гана таандык

Адал жана арам тууралуу ар бир өкүм, Аллахтын куран жана Сүннөттөгү буйруктарына негизделүүсү зарыл. Анткени, Аллахтан башка адал же арам кылууга эч кимдин укугу жок.

3. Адалга тыюу салып, арамга уруксат берүү – ширкке барабар

Ширк, Аллахка башканы шерик кылып сыйынуу. Сыйынуу – мыйзам ээсинин өкүмдөрү менен жашоо. Аллахтын арам кылганына уруксат берүү жана Аллах буюрганга тыюу салуу – Аллахтын өкүмүн тоотпогондук үчүн ширкке барабар деп эсептелет.

4. Адалда пайда, арамда зыян бар

Аллах адал менен арамдын себептерин түшүндүргөн жана түшүндүрмөсүз буюрган учурлары да бар. Азыркы илимий-технологиялык жетишкендиктер адалдын пайдасын, арамдын зыянын улам далилдеп отурат. Шарияттын ар бир чечиминде адамзат үчүн пайда гана бар, ал эми андан четтөөнү жана аны четке кагууну зыян деп билүү зарыл.

5. Арамга алып барчу да – арам

Шариятта аракет адал болгонуна карабай, арамга алып барса – арам деп эсептелет. Мисалы, Шариятта аялдын колу ауратка кирбейт. Бирок чоочун аял менен (ауратка кирбесе да), кол берип көрүшүүгө жана өбүшүүгө тыюу салынат. Анткени, бул жорук никесиз байланышка шарт түзүүсү ыктымал.

6. Жакшы ниет арамды адалдай албайт

Исламда, ар бир амал ниети менен бааланат. Бирок жакшы ниеттеги арамга уруксат берилген эмес. Мисалы, достор таарынбоосу үчүн арагын ичүү жана башка. Демек, арамды жакшы ниет адал кыла албайт.

7. Күмөндөн сактануу – арамдан саламат болуу

Толук изилденип бүтө элек – күмөн деп эсептелет жана ал бүгүн тамак-ашта көп кездешет. Анткени, кошулмалардын заттык, технологиялык ж.б. адалдыгын аныктоого катардагы мусулмандын мүмкүнчүлүгү жете бербейт. Мусулман арамдан алыс болуусу үчүн күмөндөн да, оолак болуусу сунуш кылынат.

8. Арам баарына тең арам

Аллахтын алдында адамдардын баары тең. Тагыраак айтканда, алар коюлган милдеттерди аткарууда жана укуктарын өз ара талап кылууда тең. Адамдардын эч кимисин ээлеген мансабы, байлыгы же каалоосу Аллахтын алдындагы жоопкерчиликтен бошотпойт.

9. Муктаждык арамды бузат

Аллах адамдын алсыздыгынан кудурети жетпеген шарттардарда арамды бузууга уруксат берет. Мисалы, ачкадан өлүм коркунучу турса белгилүү (өлбөс үчүн) өлчөмдө арамды жегенге уруксат берилет. Бирок толук тоюп алууга же алдыга арамдан камдап алууга уруксат жок.

10. Арамдын ордуна, дайым адал табылат

Аллах, ар нерсени адам үчүн гана жараткан. Анын жараткандарынын ичинде адалды табуу оңой, анткени адал, арамга караганда алда канча көп. Арамдан качкан дайым адалды табат.

Запись Адал менен арам жөнүндө 10 эреже впервые появилась Formula.KG.

Кандай эт болбосун курамында белок, темир, калий, кальций, магний, фтор, цинк, витаминдер жана башкалар бар. Белок булчуӊ жана нерв ткандарына курулуш материал болуп берет. Калий жүрөктүн жана кан тамырлардын, ал эми магний нерв системинин жакшы иштөөсү үчүн керек. Цинк иммунитетти көтөрөт. Кальций менен фтор сөөктү жана тишти бекемдейт. Витаминдер зат алмашууга катышат жана башка. Андыктан адам эт жеп турушу керек. 1 күндүк норма чоӊ адамдар үчүн 150-200 грамм, ал эми жаш балдар үчүн 200-300 грамм.
Этти дамамат жана ашыкча жегенде оорулар, анын ичинде эмчектин, жатындын, жоон жана ичке ичегинин рагы жаралат. Жаш малдын эти өтө сиӊимдүү келгендиктен бардык жаш курактагыларга сунушталат. Этти кайнатып жесе пайдалуу.

ТӨӨ ЭТИ
Пайдасы. Курамында белок абдан көп жана уйдун этине салыштырмалуу май эки эсе аз. Эти, кымызы (шубат), сүтү кургак учук менен ооругандарга, иммунитети начарларга жакшы азык. Анемия, варикоздо жесе оорудан айыгууга жардамчы.
Зыяны. Этинин сиӊиши кыйын. Андыктан жаш балдар, карылар, боюнда барлар, бала эмизгендер аз өлчөмдө жеши керек. Ашказан-ичеги, панкреатит, гипертония, псориаз, дерматит, богок, катаракта, глаукома оорусу барларга, инсультка, инфарктка чалдыккандарга жегенге болбойт. Оорусун күчөтүп жиберет.

ЖЫЛКЫ ЭТИ
Пайдасы. Уйдун этине салыштырмалуу 8 эсе бат сиӊет. Холестерин жок. Булчуӊдарды чыӊдап, өттүн жакшы иштешин шарттайт. Боордун жабыркаган ткандарын калыпка келтирип, гемоглобинди көбөйтүп, эркектин бел кубатын көтөрөт.
Зыяны. Сүрсүгөн, майлуу этин, чучугун жесе, өнөкөт оорулар козголушу мүмкүн. Мындан тышкары төө этин кайсы ооруларда жеш сунушталбаса, жылкы эти да ошолордо сунушталбайт.

УЙ ЭТИ
Пайдасы. Сөөктү, булчуӊдарды жана кан тамырларды чыӊдап, көрүүнү жакшыртат. Курамында темир көп болгондуктан гемоглобинди көтөрөт. Жаракаттан, жугуштуу оорудан, күйүктөн бат айыгууга шарт түзөт. Урук чыктагыч бездин иштөөсүн жакшыртып, тестостерондун жана уруктуктун (сперма) иштелип чыгышын шарттайт. Башкысы диеталык азык (майлуу эмес эти). Этинин 60 пайызы сиӊет.
Зыяны. Майлуу этинде холестерин көп болгондуктан көбүрөөк жесе, жүрөк-кан тамыр ооруларын жаратып, инфаркт, инсультка чейин жеткирет. Подагра, өнөкөт бөйрөк оорулары менен ооругандарга көп жегенге болбойт.

ТОПОЗДУН ЭТИ
Пайдасы. Уй этине караганда пайдалуу заттар, анын ичинде темир абдан көп, ал эми холестерин аз. Организмдеги зат алмашууну жакшыртып, операциядан кийин бат өзүнө келүүгө жардамчы. Анемиядан жабыркагандарга табылгыс азык.
Зыяны. Жүрөк-кан тамыр ооруларында (анын ичинде гипертония), сарык, псориаз, экзема, цирроз менен ооругандарга жана инфаркт, инсульттан жабыркагандарга жегенге болбойт.

КОЙ ЭТИ
Пайдасы. Этинин курамындагы лецитин уйку безин жакшы иштетет. Шорпосу гастриттен (кычкылы төмөн түрү) жабыркагандарга пайдалуу. Тиштин кариесинин алдын алат. Эн безинин барсылдагында (киста) жесе оорудан айыгууга жардамчы.
Зыяны. Этинин сиӊиши кыйын жана холестерин абдан көп. Көп жесе жүрөк-кан тамыр ооруларына алып келет. Кант диабети, гепатит, панкреатит, гипертония, холецистит, өттүн таш оорусунда, ашказан-ичегинин жарасы жана подагра менен жабыркагандарга кой эти сунушталбайт. Жаш балдарга, карыларга козунун этин берүү оӊ.

ЭЧКИ ЭТИ
Пайдасы. Уйдун жана койдун этине салыштырмалуу жакшы сиӊет. Койдукуна караганда холестерин төмөнүрөөк. Ашказан-ичегилердин иштөөсүн жакшыртат. Карылар, жаш балдар жана өнөкөт оорусу барлар оорусу курчубай турган кезде жей беришсе болот.
Зыяны. Кой этин кайсы ооруларда жеш сунушталбаса, эчки эти да ошолордо сунушталбайт.

КОЁН ЭТИ
Пайдасы. Эти жумшак, жеӊил, сиӊимдүү. Абдан диеталык эт. Этинин 90 пайызга жакыны сиӊет. Курамында холестерин төмөн болгондуктан жаш балдарга, карыларга, өнөкөт оорусу барлардын бардыгына болот.
Зыяны. Диатез, бөрү жатыш, энурезден жабыркагандарга болбойт. Оорусун күчөтөт.

ТООК ЭТИ
Пайдасы. Жеӊил, бат сиӊүүчү эт. Андыктан операциядан жана инсульт, инфарктан кийин тамак жасап беришет. Нерв системинин, жүрөктүн жана өттүн калыптагыдай иштешине көмөк берет.
Зыяны. Этинин курамында заара кычкылы көп болгондуктан көп жегендерде подагра жана таш оорулары (бөйрөктө, табарсыкта, өттө) жаралат. Эти кээ бирлерде аллергияны пайда кылат. Ошондуктан аталган оорусу барларга жегенге уруксат эмес.

ҮНДҮК ЭТИ
Пайдасы. Эти жеӊил сиӊет, өнөкөт оорусу жоктордун баарына жегенге болот. Ички органдары ылдый түшкөндөргө, энурезде, төрөттөн кийин шишикте жеш сунушталат.
Зыяны. Этинин курамында заара кычкылы көп. Көп жегендерде подагра оорусу жаралат. Ошондой эле бөйрөктө, табарсыкта, өттө таштар пайда болот. Андыктан аталган оорусу барларга жегенге болбойт. Үндүк этинде натрий көп болгондугуна байланыштуу жүрөк-кан тамыр оорусу барлар чанда гана тузун аз салып жегендери туура. Мындан тышкары төө эти кайсы ооруларда сунушталбаса, үндүк эти да ошолорго сунушталбайт.

КАЗ ЖАНА ӨРДӨК ЭТИ
Пайдасы. Организмде уулардын топтолушун четтетет. Жаштыкты узартат, жараларды батыраак айыктырат, көк боордун иштешин жакшыртат. Иммунитети төмөндөр жана кургак учук менен ооругандарга жакшы азык.
Зыяны. Сиӊиши кыйын, анын үстүнө холестерин көп болгондуктан жаш балдарга, карыларга, кош бойлууларга, жүрөк-кан тамыр, кант диабети, гипертония оорусу барларга бербей эле коюу оӊ. Берсе да төш этинен берүү керек.

БАЛЫК ЭТИ
Пайдасы. Курамында белоктон тышкары фосфор, цинк бар. Эти менен майы организмдеги жаман холестеринди чыгарат. Нерв системинин жана урук чыктагыч бездин иштөөсүн, эс-тутумду жакшыртат. Рактын, эрте алжып калуунун алдын алат. Чачты өстүрөт, теринин абалын жакшыртат.
Зыяны. Бөйрөк үстүндөгү бездин жана уйку безинин оорусу барлардын (панкреатит) оорусун күчөтүп жибергендиктен жегенге уруксат эмес.

Запись ЭТТИН КАЙСЫ ТУРУ КИМГЕ ПАЙДА, КИМГЕ ЗЫЯН? ЭТТИ ЭМНЕ ҮЧҮН ЖАНА КАНЧА ӨЛЧӨМДӨ ЖЕШ КЕРЕК? впервые появилась Formula.KG.

Жаз кетип жай мезгили кирип келе жаткан учуру, жашылча жана мөмө-жемиштердин маалы. Бул учурда организмибизди мүмкүн болушунча витаминдер менен камсыздап алганыбыз жакшы. Ден соолукка пайдасы артык азыктардын сап башында арзан жана сапаттуу ашкөктөр турат. Алардын сырын билип алсаңыз жайда гана эмес, кышта да колдонууну адат кыласыз.
Петрушка
– Петрушканын жалбырагы тамакка болгон табитти ачат;
– Уругу менен сабагы организмде уюп калган туздарды заара аркылуу тазалайт;
– Курамында С жана В9 витаминдери бар болгондуктан аны кан айлануу процесси начарлагандарга сунушташат;
– Мындан тышкары курамында В, А, РР, Е, бета-каротин, минералдардан калий, фосфор, кальций, магний, натрий, темир, цинк бар;
– Курамындагы инулин кандагы глюкозаны көзөмөлдөп, нормада кармап турат;
– Демек, кант диабети менен ооругандар петрушканы көбүрөөк колдонуулары керек.
Кайсы ооруларга даба?
Бөйрөк же бооруңузда таш бар болсо, петрушканын ширесин 3 маал жарым стакандан тамактангандан жарым сааттан кийин ичиңиз. Ширесин иче албасаңыз, жалбырагын айранга чылап ичсеңиз да болот.
Циститте, простатитте жана айыз каны көп келгенде 2 аш кашык майдаланган петрушканын тамыры менен жалбырагын термоско салып, ага 1 стакан кайнак суу куюп 5 саат коюп коёсуз. Аны бир күндө 2 аш кашыктан 4 маал тамактанарга жарым саат калганда ичесиз.
Укроп
1. Укроп баш ооруну айыктырат;
2. Укроптун курамында В6, В9, Е, Р, РР, В1, В2 жана С витаминдери бар;
3. Ал эми уругунда калий, марганец, жез, цинк, кальций жана натрий баш болгон микроэлементтер бар болсо, сабагында фосфор менен темир бар;
4. Зат алмашууну жакшырткан флавоноид нерв, жүрөк-кан тамыр жана дем алуу органдарынын системаларынын жакшы иштешине көмөктөшөт;
5. Организмдеги ашыкча суюктуктарды айдап чыгып ашыкча салмактуулуктан арылтат;
6. Диабет оорусу менен күрөшүп, организмдеги уюп калган туздарды жоготот;
7. Укроптун курамындагы бета-каротин көздүн көрүүсүн жакшыртып, тамакка болгон табитти ачат;
8. Бирок кан басымы төмөндөр колдонсо, көздүн көрүүсү начарлайт, баш айлантып, кустурат.
Кайсы ооруларга даба?
Көз тунарып чарчаганда укроптун 1 чай кашык уругун дакиге ороп ысык сууга 3-4 мүнөт малып чыгарып, муздатуу керек. Даки жылуу болуп калганда көздү жумуп туруп үстүнө 5-10 мүнөт кармап турасыз. Ушул эле ыкманы көздүн тегерегиндеги майда бырыштарды жок кылуу үчүн да колдонсоңуз болот.
Ал эми эмчегинен сүт чыкпай кыйналган энелер укроптун кайнатмасын ичүүсү керек.
Жара, шишик, псориаз жана безетки менен күрөшүүдө жаш укропту майдалап эзип алуу керек. Эзилген укропту дакиге салып жаранын же шишиктин үстүнө 3-4 саат байлоо зарыл.

Көк пияз
– Онкологиялык шишиктери барлар көк пиязды көбүрөөк жеши керек;
– Көк пияздын курамындагы цинк иммунитетти жана эркектердин бел кубатын көтөрөт;
– Көк пияздын курамынан калий, кальций, цинк, темир микроэлементтерин жана С, В, РР, А витаминдеринен тышкары эфир майын, фитонцидди кезиктирүүгө болот;
– Пияздын курамындагы калий жүрөк-кан тамыр системасынын ишин жакшыртат. Адистер адам бир жылда 10 килограмм көк пияз жеш керектигин айтышат;
– Чың ден соолукту каалаган адам бир күндө бир баш пияз же бир байлам көк пияз жеши керек;
– Простатиттен жабыркаган эркек күнүгө жатар алдында бир байлам көк пияз же бир баш пияз жесе оорусунан таза айыгат;
– Бирок ашказанында жарасы барлар, гастрит илдетине кабылгандарга сунушталбайт.
Кайсы ооруларга даба?
Кулак ооруганда кадимки көк пияздын кесиндисин кулагыңызга тыгып коюңуз. Ал суук тийүүдө натыйжалуу каражат болуп эсептелет. Эгерде шакыйдан жапа чексеңиз, бул ыкманы уйку алдында да кайталаңыз. Жыйынтыгына ыраазы болосуз.
Жөтөл үчүн көк пияз натыйжалуу дары болуп эсептелет. Тамактан кийин нанга кошуп бир байлам пияз жеп турсаңыз, 5 күндөн кийин натыйжасын көрөсүз.

Сельдерей
– Сельдерей элдик медицинада бөйрөктү, подагра, ревматизм ооруларына каршы колдонулат;
– Картаюу процессин жайлатуучу касиетке ээ.
– Сельдерейдин жалбырагында В, А, К, Е витаминдери, темир, магний, кальций баш болгон микроэлементтер бар;
– Сельдерейдин курамындагы кальций, темир жана магний кан айланууну жөнгө салып, кан басымын калыбына келтирип, иммундук системанын ишин жакшыртат;
– Кандагы гемоглобиндин деңгээлин жогорулатып, эркектин бел кубатын көтөрүп простатит оорусунун алдын алат;
– Бирок кош бойлуу айымдарга сунушталбайт жана өз өлчөмүнөн ашыкча колдонгондо зыяндуулугун көрсөтөт.
Кайсы ооруларга даба?
Айыз оорутуп келгенде, климакста сельдерейдин уругун колдонуу керек. 1 чай кашык сельдерейдин уругун термоско салып, үстүнө 1 стакан кайнак суу куюп 5-6 саат демдеп коюңуз. Эч убакта кайнатпаңыз.

Тундурманы 2 аш кашыктан бир күндө төрт маал тамактанарга жарым саат калганда ичип турасыз. Муну 35-40 жаштан ашкан айымдар жылына бир ай ичип турса, климакс кеч болот жана убагы келгенде тез өтүп кетет.
Уйку качып уктай албай жатканда 35 грамм сельдерейдин тамырын бир литр муздак сууга аралаштырып 8 саат коюп коюңуз. Даяр болгон соң дакиден өткөрүп алып бир күндө бир аш кашыктан 3 маал ичиңиз.

Запись АШ КӨКТӨРДҮН ПАЙДАСЫ впервые появилась Formula.KG.

Аптаптуу ысык башталганы баарыбыздын колубуздан газдалган суусундуктар менен бирге жергебизде өндүрүлүп жаткан газдалган, минералдык суулар жана муздак чайлар түшпөй калат. Ал суусундуктарда кандай зыяндуу заттар бар экенин эч кимибиз билбейбиз жана маани да бербейбиз. Ден соолуктун саламаттыгы үчүн ал суусундуктар кандай зыяндуу заттар менен жасала тургандыгын жана алардын ордун алмаштыруучу пайдалуу азыктар тууралуу макалага кезек беребиз.
Газдалган суусундуктарды эмнеден жасашат?
Албетте, бардык суусундуктардын курамы суудан турат. Жөнөкөй суу менен чаңкоону эң сонун басууга болот. Бирок өндүрүүчүлөр үчүн бул пайда алып келбегендиктен, алар сууга ар кандай кошулмаларды, консерванттарды жана табигый жыт бергичтерди кошуп, анын курамын өзгөртүп келишет. Сиз кандай гана суусундук албаңыз анын курамына маани бересизби? Албетте, жок! Андыктан алгач газдалган суусундуктардын курамындагы кошулмалардын организмге тийгизүүчү таасирине токтололу.
Шекер
Шекерди газдалган жана табигый суусундуктарга таттуу болушу үчүн кошору бышык. Шекер – жеңил сиңүүчү углевод. Кыскача мисал келтирсек, 1 стакан сууга 5 чай кашык шекер кошулат. Аптаптуу ысыкта биз суусундукту стакандап эмес бөтөлкөлөп ичебиз. Натыйжада, кант диабетине жана семирүүгө дуушар болобуз. Мындан тышкары тишке курт түшөт, унутчаактыкты жана жүрөк-кан тамыр ооруларын пайда кылат. Учурда көпчүлүк өндүрүүчүлөр шекер кымбат тургандыктан аны аспартамга (Е-951) алмаштырып келишет. Аспартам акырындык менен көздүн көрүүсүн начарлатып, аллергия оорусун күчөтөт.
Консервант
Консерванттар суусундуктардын көпкө сакталуусуна жардам берет. Консервант катары лимон кислотасын (Е-330) колдонушат. Лимон кислотасы эмалды эритип, тиште кариестин пайда болушуна өбөлгө түзүп берет. Мындан тышкары ортофосфор кычкылын (Е-338) да колдонушат. Аталган кислота организмден кальций кычкылын айдап чыгат. Натыйжада, сөөк ткандары бошоп, алсызданып, морт болуп “остеопороз” оорусуна чалдыгышат. Остеопороз оорусунун арты менен адам инвалидге айланышы мүмкүн. Андыктан газдалган таттуу суусундуктарды балдарга бербөөгө аракет кылуу керек. Себеби алардын сөөктөрү али толук калыптанып бүтө элек.
Жыт бергичтер
Газдалган суусундуктарга суунун жытын, даамын күчөтүү жана сатып алуучуларды өзүнө тартуу үчүн жыт бергичтер да кошулат. Бардык газдалган таттуу суусундуктардын курамында табигый жыт бергичтер жана экстракттар бар.
Кофеин
Кофеинди бардык энергетикалык суусундуктардын жана Кока-Кола, Пепси-Коланын курамынан да кезиктирүүгө болот. Курамында кофеин бар суусундукту көп ичкенде баш оору пайда болуп, нерв клеткалары жабыр тартат.
Көмүр кычкыл газы
Көмүр кычкылы жок суу газдалган суу деп эсептелбейт. Негизи көмүр кычкыл газы бар суусундуктар ашказанында жарасы барларга, гастрит жана энтерит оорусу менен ооругандарга сунушталбайт. Көмүр кычкылы ашказандын былжыр челин дүүлүктүрүп, ооруну күчөтөт. Мындан тышкары газдалган суусундуктун курамындагы фосфат адамдын тез картаюусуна алып келет. Эң коркунучтуусу, газдалган суусундуктар оорулардын онкологиялык ооруга айланышына түрткү болот. Газдалган суусундуктарды кош бойлуулар, ичегиси ооругандар жана 3 жашка чейинки балдар ичүүгө таптакыр болбойт.

Муздак чайлар эмнеден жасалат?
Салкындаткыч суусундуктарды сүйүүчүлөрдүн басымдуу бөлүгү газдалган сууга караганда бөтөлкөдөгү муздак чайлар пайдалуу деп ойлошот. Сиз да муздак чайды пайдалуу деп ойлосоңуз, анда жаңылышасыз. Бөтөлкөдөгү муздак чайды изилдеген америкалык окумуштуулар чайды “ден соолукка зыяндуу” деп табышты. Бөтөлкөдөгү муздак чайдын курамындагы оксалат концентрациясы менен лимон кычкылы бөйрөккө кумдуу таштарды пайда кылат. Эгер сиз муздак чайдын курамынан чай экстрактын тапсаңыз, анда ал чай төмөндөгүдөй рецепт менен жасалат. Алгач чайды аябай бууландырып демдеп алган соң ага чайга керектүү кошулмаларды кошуп, чайды табигый жол менен жасайт. Сиз ичип жаткан муздак чайдын курамында чай экстракты жок болсо, анда чайды кадимки эле крандагы сууга химикаттарды кошуп, жасалма жол менен жасалары айрым маалымат булактарында айтылып жүрөт. Жакында эле окумуштуулар муздак көк чайдын 26 түрүн изилдеп чыгышкан. Натыйжада, муздак чайдын организмге тийгизген пайдасынан да терс таасири басымдуулук кыларын айтып жыйынтык чыгарышкан.
Чаңкоону баса турган суусундуктарды үй шартында жасаңыз
Муздак чай
Окумуштуулар суу кайнап баштаганда эле анын ичиндеги микробдор өлөт, ал эми керектүү заттар калып калат деп баса белгилешет. Андыктын чаңкоону басуу үчүн кайнатылган суу ичиңиз. Ысык чайдан чаңкооңуз канбай жатса, анда кадимкидей эле демделген чайга 3-4 чарчы музду салып ичсеңиз чаңкооңуз бир заматта басылат. Чайдын курамында кофеин бар десеңиз чайдын ордуна ромашканы колдонсоңуз болот.
Компот
Жемиштердин кургатылган кактарынан компот жасап, аны муздаткычка салып коюп ичсеңиз да болот. Ал үчүн 5 литр сууга жемиштердин кактарынан 100 грамм салып кайнатып, компот даяр болгондо тыныктырып муздатасыз. Колдон келсе шекер кошпой койгонуңуз жакшы. Муздатылган компотту бөтөлкөлөргө куюп алып чай ордуна ичип жүрө берсеңиз болот.
Ширелер
Газдалган суусундуктардын ордуна дүкөндөгү ширелерди эмес, үй шартында өзүңүз жасаган ширелерди ичиңиз. Анын пайдалуулугун арттырып биринчи күнү жер-жемиштин, экинчи күнү мөмө-жемиштин ширесинен ичиңиз. Жаңы сыгылып алынган шире менен сиз чаңкооңузду кандырып гана койбостон организмиңизге керектүү витаминдерди да топтойсуз.

Улуттук суусундуктар
Жарма
Жарма – талкандан жасалган суусундук. Талкан – арпа, буудай же жүгөрүдөн куурулуп, жаргылчакка же тегирменге кесек тарттырылган акшак.
Керектелүүчү азыктар: 10 литр суу, 200 грамм талкан, татымына жараша туз.
Даярдоо: Суу кайнаган маалда үзгүлтүксүз чубуртуп бөлтөк болбогондой кылып талканды чаласыз. 25-30 мүнөт жай отто бир калыпта кайнатып, андан соң отту өчүрүп табы кайткыча коюп коёсуз. Жылымык болгон кезинде табитиңизге жараша сүзмө же айран катыктап иче берсеңиз болот.

Максым
Максым талкандан жасалат. Ал ачытылган жарма суусундугу. Ал кайсы дандан жасалышына жараша арпа, буудай, жүгөрү максымы деген түрлөргө бөлүнөт.
Керектелүүчү азыктар: 10 литр суу, 200 грамм талкан, 2 чоң кашык ун, тоң май, татымына жараша туз.
Даярдоо: Алгач тоң майга бир чоң кашык унду кууруп алабыз да, үстүнө сууну куябыз. Суу кайнаганда талканды бөлтөктөрүн кетире чалабыз. Бир калыптагы отто бир саат кайнатып бышырабыз. Жарма сууган соң ачыткысын куюп, бир чоң кашык ун чалабыз, туз татытабыз. Бул жарманын жакшы көбүрүшү үчүн. Жарым күн турган соң жарма ачып чыгат да, суусун кандыруучу эң сонун каражат даяр болот.

Запись Суусундуктардын ден соолукка тийгизген терс таасири впервые появилась Formula.KG.

Кырт, кырт… Ооба, баарыбыз бадыраңды жакшы көрүп кыртылдатып жейбиз.
Бирок анын кайдан келгенин, адамга кандай пайдасы бар экенин баарыбыз эле биле бербесек керек.
БАДЫРАҢ КАЙДАН КЕЛГЕН?
Бадыраңдын түпкү мекени болуп Индия эсептелет. Бул жашылча адамзатка мындан 6000 жыл илгери эле белгилүү болгон. Бүгүнкү күндө бадыраңдын ар кандай сорттору тамак-аш катары жана атайын кооздук үчүн Жер шарынын дээрлик бардык чөлкөмүндө өстүрүлүп келет.
Кыргызстанда бадыраңдын “Голланддык”, “Алтай”, “Маргелан” жана башка сорттору кеңири өстүрүлөт. Бадыраңды өтө бышып, саргайып кеткенге жеткирбей, мүмкүн болушунча күн сайын жыйнап туруу керек. Жаңы бадыраңды үйдө 2 суткага чейин, ал эми 1 градус температурада 20 күнгө чейин сактоого мүмкүн. Бадыраңды алма менен чогуу сактоого болбойт.
ЖАШЫЛ “ДАРЫГЕР”
Бадыраңдын курамы 95-98 пайыз суудан тургандыктан, заара кубалоочу касиетке ээ. Ал бөйрөк, боор жана башка ички органдарды тазалоо үчүн пайдалуу. Ошондой эле жалпы организмди токсиндерден (уулардан) тазалайт. Ал организмге тамак-аш аркылуу түшкөн көмүртектин өлчөмүн калыпка салат. Демек, денеге ашыкча майдын топтолушунун алдын алат. Бадыраң калийге, магнийге, кальцийге бай болгондуктан, бөйрөктүн, жүрөктүн жана муундардын иштөөсүн жакшыртат. Организмдеги кислота-щелочтук тең салмактуулукту кармап, ар кандай оорулардын алдын алат. Бадыраңдын курамындагы кремний менен күкүрт клеткаларды бекемдеп, бойдун өсүшүн, чачтын бекемдигин, теринин сапатын, өңүн жакшыртат. Мындан тышкары аталган жашылча дене табын түшүрүүдө жана күйүктү дарылоодо кеңири пайдаланылат.
Бадыраң гастрит, ашказан жарасы барларга сунушталбайт.
БАДЫРАҢ ЖЕП АРЫКТА
Диетологдор бадыраңдын арыктатуучу өзгөчө касиетке ээ экендигин баса белгилешип, төмөнкү диетаны сунушташат. Бул диетаны акырына чейин бузбай кармоого чыдамыңыз жетсе, бир жумада 4-5 килограммга чейин арыктай аласыз.
1-күн
Эртең менен: 2 даана бадыраң жана 1 кесим кара нан.
Түштө: жашылчалар жана бадыраң кошулуп жасалган шорпо, алма.
Саат 3-4төрдө: апельсин.
Кечинде: бадыраң жана көк чөп салаты. Салатка өсүмдүк майын кошсоңуз болот.
Жатардан 2 саат мурун: 1 даана бадыраң.
2-күн
Эртең менен: 2 даана бадыраң жана 1 кесим кара нан.
Түштө: шалгам менен бадыраңдан жасалган салат, 50 грамм уйдун сууга бышкан эти.
Саат 3-4төрдө: алма.
Кечинде: бадыраң жана көк чөп салаты.
Жатарга 2 саат калганда: 1 даана бадыраң.
3-күн
Эртең менен: 2 даана бадыраң жана 1 кесим кара нан.
Түштө: 100 грамм сууга бышкан күрүч, бадыраң, 100 грамм сууга кайнатылып бышкан балык.
Саат 3-4төрдө: бадыраң.
Кечинде: бадыраң жана көк чөп салаты.
Жатарга 2 саат калганда: бадыраң.
4-күн
Эртең менен: 1 даана бадыраң жана 1 кесим кара нан.
Түштө: бадыраң, 20 грамм катуу сыр, 100 грамм сууга бышкан күрүч.
Саат 3-4төрдө: алмурут же алма.
Кечинде: бадыраң жана көк чөп салаты.
Жатарга 2 саат калганда: бадыраң.
5-күн
Эртең менен: 2 даана бадыраң жана 1 кесим кара нан.
Түштө: шалгам, сабиз, капуста жана бадыраң салаты, апельсин.
Саат 3-4төрдө: алма.
Кечинде: бадыраң жана көк чөп салаты. 20 грамм катуу сыр.
Жатарга 2 саат калганда: бадыраң.
6-күн
Эртең менен: 1 даана бадыраң жана 1 кесим кара нан.
Түштө: шалгам, сабиз, бадыраң кошулуп жасалган шорпо. 1 даана сууга бышкан жумуртка, алмурут.
Саат 3-4төрдө: мандарин.
Кечинде: бадыраң жана көк чөп салаты. 20 грамм катуу сыр.
Жатарга 2 саат калганда: бадыраң.
7-күн
Эртең менен: 2 даана бадыраң жана 1 кесим кара нан.
Түштө: шалгам, бадыраң, сабиз кошулуп жасалган шорпо, алма.
Саат 3-4төрдө: бадыраң.
Кечинде: бадыраң жана көк чөп салаты.
Эскертүү: Диетаны кармаардан мурда дарыгер менен кеңешип алуу туура.
БАДЫРАҢ – ТАБИГЫЙ “КОСМЕТОЛОГ”
Бадыраң беттеги сепкилдерди кетирүүчү, бырыштарды жазуучу, агартуучу жана теридеги тешиктерди тарытуучу касиетке ээ.
Кургак бет үчүн маска: 1 аш кашык кулпунай жана бадыраң боткосуна 1 чай кашык каймак кошуп бетиңизге жабыңыз. Масканы 10-15 мүнөт кармаган соң жылуу суу менен жууп саласыз. Кулпунайдын ордуна дан куурай же өрүктү колдонсоңуз да болот.
Калыптагыдай териге: Бадыраң маңызын ошол эле өлчөмдөгү кайнак суу менен аралаштырып, атайын идишке куюп, муздаткычта тоңдуруп аласыз. Күнүгө эртең менен бул муз менен бетиңизди сүртүңүз. Бул бетти тазалайт жана агартат.
Майлуу жана бырыш баскан бет үчүн маска: Кабыгы аарчылган бадыраңды кыргычтын майда тишинен өткөрөсүз. Пайда болгон боткодон 1 чоң кашык алып, ага 1 чоң кашык чалынган жумуртканын агын кошосуз. Бул аралашманы бетиңизге 15-20 мүнөт коёсуз да, муздак суу менен жууп саласыз.
Бадыраң лосьону:
3 бадыраңдын кабыгын майдалап, үстүнө 100 грамм арак куюп коёсуз. Бул маңыз жашыл түскө айлана баштаганда бетиңизге лосьон катары сүртсөңүз, сепкилдерден, тактардан арылууга жакшы жардам берет. Кургак терилүү беттерге колдонордо маңызга 2 аш кашык кайнатылган суу жана 1 чай кашык глицерин кошуу талапка ылайык.
“БЕЛЕС” САЛАТЫ
Керектелүүчү азыктар:
Бадыраң – 2 даана
Колбаса – 150 грамм
Сыр – 100 грамм
Помидор – 2 даана
Майонез – 4 аш кашык
Сарымсак – 2 тишче
Салат жалбырагы
Татымына жараша туз, мурч
Даярдоо ыкмасы:
1. Бадыраң, помидор, сыр, колбасаны чарчы түрүндө, ал эми сарымсакты майда кылып туурайбыз.
2. Тарелкага салат жалбырагын төшөп, анан ирети менен азыктарды биринин үстүнө бирин салабыз. Эң үстүнө майонезден куюп, дасторконго беребиз.
КЫЗЫКТУУ
Дүйнөдөгү эң чоң бадыраң Улуу Британияда өстүрүлгөн. Анын узундугу 1 метр 20 сантиметрди түзгөн.
Тынч океандын аралдарында абориген жигиттер бадыраңды банандын жалбырактарына ороп, жерге көмүп сакташат. Кыздар болочок күйөөлөрүн анын запастагы бадыраңынын санына карап тандашат.
Клеопатра сулуулугу үчүн күнүмдүк рационунан бадыраңды үзбөгөнүн айтып өткөн.
АКШнын Берриен-Спрингс шаары “Дүйнө жүзүндөгү бадыраңдардын борбору” деп аталып, жыл сайын декабрда бул жашылчага арналган парад өтөт.
Христофор Колумб деңизчилерди цинга оорусунан сактоо үчүн саякатка чыкканда сөзсүз туздалган жана жаңы бышкан бадыраңдарды ашыгы менен алып жүргөн.

Запись БАДЫРАҢДЫН ПАЙДАСЫ впервые появилась Formula.KG.

Банан чоңдор да, кичине балдар да сүйгөн даамдуу жана пайдалуу жемиш. Аны ар бир үйдүн ашканасынан табууга болот. Көрсө, бул жемиштин организмге келтирген пайдасынан тышкары да аткарган кызматтары көп экен. Мисалы..
Тишти агартууда

Банан саргарган тишти агартууда жардамга келет. Анын кабыгы менен тишиңизди күн сайын 2-3 мүнөттөн сүрүңүз. Бир нече күндөн кийин тишиңиздин агарып калганын байкайсыз.

Этти жумшартууда

Эт жумшак, ширелүү болуп бышыш үчүн аны кууруудан мурун бир нече мүнөткө банандын кабыгына ороп, сыртынан жип менен байлап коюңуз. Андан кийин гана куурулган эт жумшак эле эмес, өзгөчө даамдуу да болуп бышат.

Күйүктү айыктырууда

Теринин күйүп калган жерине банандын кабыгын ич жагынан коюп таңып алыңыз. Кабыктын курамындагы май ооруну басаңдатат жана күйүктүн батыраак айыгышына жардам берет. Ушул эле ыкма буттун же колдун карарып кеткен жерин айыктырууда да натыйжалуу.

Күмүштөн жасалган зер буюмдарын тазалоодо

Банандын кабыгын аарчып, анын ички бети менен күмүштөн жасалган зер буюмдарыңызды сүртүп, андан кийин таза чүпүрөк менен аарчып салсаңыз, зер буюмуңуз жалтырап калат.

Сөөлдөн арылууда

Бананды эзип, аны сөөлдүн үстүнө койсоңуз болот. Же болбосо кабыгынын ички бетин сүртүңүз. Бул жемиштеги калийдин көп өлчөмү сөөлдүн тезирээк түшүшүнө жардам берет

Бөлмө гүлдөрүнө кам көрүүдө

Кам көрүлбөй бозоруп, соолуй баштаган гүлдөрдүн жалбырактарына банандын кабыгынын ички бетин сүртүп чыгыңыз. Андан кийин суу чачпаңыз, болбосо чаң мурункудан да көп топтолот. Ушундан кийин гүлдөрүңүз жапжашыл болуп бажырайып калат.
http://ift.tt/2pApOqV

Запись БАНАНДЫН КАБЫГЫН ЫРГЫТЫП ИЙБЕЙ БУЛАРГА ПАЙДАЛАНЫЗ! впервые появилась Formula.KG.

Келбетиңиз кандай гана сулуу жана келишимдүү болуп турбасын, эгер колтугуңуз тердеп, жыттанып кийимиңизге нымдуу так калтырса, анда ал сөзсүз маанайды бузат. Мындай жагымсыз жагдайдан арылуу үчүн эң биринчи эле дезодоранттарды колдонууга шашылабыз. Бирок, дезодорантты көп колдонуу аялзатынын ден- соолугуна зыянын тийгизет. Андыктан элдик ыкманы колдонуп колтуктун тердөөсүнөн жана жагымсыз жытынан биротоло арылыңыз.

Колтуктун тердөөсүнөн жана жытынан биротоло кутулса болот

2 литр кайнак сууга 60 грамм ромашка салып, ага эки аш кашык аш содасын салып аралаштырасыз. Мындан кийин күн сайын эринбей бир нече жолудан марлини даярдалган каражатка малып колтугуңузду сүртүп турасыз. Жыйынтыгы көпкө күттүрбөйт.

Колтуктун тердөөсүнөн жана жытынан биротоло кутулса болот

Кайындын жалбырагын жыйнап, аны эки аш кашык өлчөмүндө жарым литр кайнак сууга салып, беш мүнөткө кайнатып аласыз. Тердеген жерди күнүнө бир нече жолу сүтүп турасыз.

Колтуктун тердөөсүнөн жана жытынан биротоло кутулса болот
Бирдей өлчөмдөгү ашкана содасы менен лимон ширесин аралаштырып, аны таза, кургак колтукка сүртүү ыкмасы жогорудагы көйгөйдөн кутултат.

Колтуктун тердөөсүнөн жана жытынан биротоло кутулса болот

Эртең менен үйдөн чыгып баратканда чийки картошканы жука тилимдерге кесип колтукту аны менен сүртүү керек, же болбосо колтукка кыпчып бир аз туруу керек. Андан кийин өзү кургашын күтүү зарыл. Мындай ыкмадан кийин күн бою колтуктан жагымсыз жыт келбейт.

Копчулук колтугундагы терден, андан пайда болгон жагымсыз жыттан жапа чегип келет. Ар кандай дезодоранттарды колдонуп, жагымсыз жыттан арылганга аракет кылгандарга сонун кенеш.
Лимонду майда тилимдерге кесип алып, ар танда таза жуулган колтукка суйкоп коесуз. Андан сон эч кандай дезодаранттын да кереги жок.
Лимон кислотасы бактерияларды олтуруп, жагымсыз жыттан кун бою арылтат. Андан сырткары лимон колтугунуздун терисин агартканга себеп болот. Сок ширесин овсянкага кошуп, ал кошулмага бал аралаштырып колтукка суйкоп, 1 сааттан кийин жылуу суу менен жууп салыныз. Жыйынтыгында сыйдам, сулуу колтук терисине ээ болосуз.
ЛИМОН-ТАБИГЫЙ ДЕЗОДОРАНТ

Копчулук колтугундагы терден, андан пайда болгон жагымсыз жыттан жапа чегип келет. Ар кандай дезодоранттарды колдонуп, жагымсыз жыттан арылганга аракет кылгандарга сонун кенеш.
Лимондо майда тилимдерге кесип алып, ар танда таза жуулган колтукка суйкоп коесуз. Андан сон эч кандай дезодаранттын да кереги жок.
Лимон кислотасы бактерияларды олтуруп, жагымсыз жыттан кун бою арылтат. Андан сырткары лимон колтугунуздун терисин агартканга себеп болот. Сок ширесин овсянкага кошуп, ал кошулмага бал аралаштырып колтукка суйкоп, 1 сааттан кийин жылуу суу менен жууп салыныз. Жыйынтыгында сыйдам, сулуу колтук терисине ээ болосуз.

Запись ЛИМОН впервые появилась Formula.KG.

✍Эх менин оорукчан бир тууганым сенин даражаң Аллах алдында канчалык жогору экенин билгениңде эле ,балким кайгырбай шүгүр кылып жашоодо өзүңдү керексиз бэчара төмөн инсанмын дебей жакшылыктан үмүт кылып алдыга гана умтулуп жашамаксың…

Аллах Тааламдын оорукчан пендесин эң жакшы көрөөрүн ал үчүн берген ооруу сыноосу азапталышы үчүн эмес,күнөөлөрү төгүлүп ырайымына бөлөнүп,бейишне ыраа көргөнүн төмөнкү хадистерден байкасак болот…
Пайгамбарыбыз (саллаллоху алейхи васаллам) мындай дейт:
«Пенде ооруп калганда Аллах Таала ага эки периште жөнөтүп: «Барып, кулум жардамчыларына эмне дебатканын көрүп келгиле!» – деп буйрук кылат. Эгер ал пенде периштелер келгенде, Кудайга шүгүр келтирип жаткан болсо, алар бул шүгүрдү бардык нерсени эң жакшы билүүчү Аллах Таалага жеткиришет. (Периштелерин бир гана пендесинин кылган жарамдуу (салих) амалдарына күбө болушсун деп жиберген)
Аллах Таала: «Эгерде бул кулумдун жанын ала турган болсом, анда аны бейишке киргизишим – кулумдун мендеги акысы. А эгерде ага шыпаа бере турган болсом, анда анын этин жакшыраак эт менен, канын жакшыраак кан менен алмаштырып, күнөөлөрүн кечиришим – анын мендеги акысы.» – деп жооп берет.»
Бул хадисте сыртынан караганда бизге кырсыктуу болуп көрүнгөн көптөгөн окуялар бир гана Кудайдын сыноосу катары кабыл кылынышы керек экени жана ал кырсыктардын аркасында абдан чоң сыйлыктардын катылуу экени билдирилет.
Пайгамбарыбыз (саллаллооху алайхи ва саллам) айтат: “Ким оорукчан бирөөдөн кабар алса же мусулман бир тууганына жолукса, бир периште:
“Сага береке болсун! Баскан кадамын, берекеге толсун! Сен бейиштеги жайынды курдун,! – деп жарыя салат. Бул сөздү уккан Анас бин Малик (разияллоху): “Чындыгында, оорукчанды кабар алганы барган киши, Алланын ырайымына бөлөнүп, ал соо кишиге береке берилет экен. Ал эми оорукчангачы? – деп сураганда Алланын элчиси: “Анын күнөөсү кечирилет” – деди. (Ахмад)
Али (разияллоху анху) риваят кылат: “Ким эртен менен мусулман бир тууганын кабар алганы барса, ага жетимиш мин периште кечке чейин кечирим дубасын сурашат. Эгерде кечинде кабар алса, тан атканча жетимиш мин периште кечирим дубасын сурашат жана бейиштен бир бак берилет”. (Тирмизи)
Пайгамбарыбыз (саллаллооху алайхи ва саллам) айтат: “Эгер сен оорукчандан кабар алсан, андан сага дуба кылып коюусун өтүн. Себеби, анын дубасы периштелердин дубасындай (кабыл болот)”. (Ибну Мажа)
Байкап көрдүңүзбү тууганым сиздин канчалык Аллах алдында жогору инсан экениңизди,сизди кабар алган инсандарга канча сооп жазылып жатат, а сиздин ооруган ар бир демиңизге канчалаган кечирим сооптор жазылып жатат болду экен э.. балким сиз окуп жаткан болсоңуз бул убадалар сиздин жүзүңүзгө жылмаюу,жан дүйнөңүзгө тынчтык тартуулап жаткандыр….

Бул убадалар адамзаттын куру убадаларынан эмес Улуу Жараткандын убадасы ал сөзсүз ишке ашат ин ша Аллах!
Бул дүйнөдө сиз жетпеген бакыттар, дүйнө ырахаты акырет алдында кыпынчалык да кадырга ээ эмес. Бул күндөр сиз оорусаңызда оорубасыңызда көз ачып жумганча сапары түгөйт. Акырет сапары ал түбөлүк бакыт же түбөлүк азап. Ошон үчүн эч качан капаланып кайгыга чөмүлбөң, Жараткандын жакшылыгынан үмүт кылып оорунун себебин,алдын алууга аракет кылып жашай бериңиз….
Мен сизге дем -күч боло турган,сабырдуулук кандай болоорун Улуу Пайгамбарлардын бири оору сыноосунда өмүрүн өткөзгөн Аюп (алейхи салам) тууралуу айтып берейин.
✏Аллах таала Аюп пайгамбардын денесин коркунучтуу жара менен жабыркатты. Бүт денесине жара чыгып, кычышып тырмана баштады. Тырмай берип тырмактары түшөт. Акыры таш, жыгач сыяктуу катуу нерселер менен тырмана баштайт. Эттери шылынып какыраган сөөктөрү эле калат. Териси курттап чыдатпай ооручу болду. Мунусу аз келгенсип: «Аюп бир күнөө кылса керек. Аллах Таалаң аны жазалап жатат» – дешип, туугандары, коңшулары жана башка жакын достору да жанына келбес болот. Жалгыз гана аялы Рахима аны таштабайт. Ага берилгендик менен кызмат кылуусун уланта берет. Аюп пайгамбар ушундай оор абалда калса да, сабыр кылып, эч качан кудайга акаарат келтирбейт. Кайра Раббисине шүгүр келтирип мактоолорду айтат. Ошондо шайтан Аюп пайгамбар жашаган шаардын жашоочуларына күмөн салып: «Анын дарты силерге жугат, аны шаарыңардан чыгарып салгыла», – дейт. Ошондо шаар калкы Аюп пайгамбар менен Рахиманы шаардан чыгарып салышат. Рахима айым шаардын тышындагы бир жерде Аюп пайгамбарга кызмат кылуусун улантат. Астына кум төшөп, башына ташты жаздык кылып жөлөйт. Аюп пайгамбар жети жыл бою оору менен алпурушат. Ал абалына эч качан нараазы болбойт. Кээ бир китептерде Аюп пайгамбар он сегиз жыл ооруган деп айтылат. Ушундай аянычтуу күндөрдүн биринде Рахима айым: «Оо, Аюп! Сен Алланын пайгамбарысың. Алладан ден соолук тилеп дуба кылчы, бул дарттан кутулат элек» – деди.
Анда Аюп пайгамбар: «Канча жыл бейпил турмушта жашадык» – деп сурайт.
Рахима: «Сексен жыл» – деп жооп берди.
Аюп пайгамбар: «Ээ Рахима! Ооруган жылдарым бейпил турмушубуздун мөөнөтүнө жетмейин Алладан айыгууну сурануудан уяламын. Алла бизге жакшылыктарды ыроологон кезде шүгүр
кылып, ал эми бир балээ берген кезде сабыр кылбай коё аламбы? Мен Раббимен ыраазымын» – деп жооп берет…
Күн өткөн сайын Аюп пайгамбардын дарты оорлошо баштайт. Рахима айым да аябай кыйналып, ичип-жегенге бир аз тамак-аш сатып алуу үчүн аргасыздан эң мыкты көйнөгүн сатып жиберет. Аюп пайгамбар Рахимага аябай боор ачыйт. Жаралары бүт денесине тарап, жараларынан пайда болгон курттар жайылып, денесин кемирип отуруп жүрөгү менен тилине жетет. Ибаадаты оорлошо баштайт. Ошондо Жабрейил периште Аюп пайгамбарга Алла тааладан суранып: «Анни массания дзурру ва анта Архамур Рахимиин» (Оо, Жараткан Алла! Акыйкатта мага зыян тийди, Сен мээримдүүлөрдүн эң Мээримдүүсүсүң) – деп дуба кылуусун айтат. Аюп пайгамбар да дуба кылат…
Адаттагыдай эле Рахима тамак-аш таап келүү үчүн сыртка чыгат. Ошол кезде Алла тааладан кубанычтуу кабар келет. Жабрейил периште келип, Алла тааладан: «Эй, Аюп! Балекет бердим сабыр кылдың. Эми мен сага ырыскы берем» – деген кабарды алып келет. «Бутуң менен астыңдагы жерди тепкин!» деп буйрук берди. Аюп пайгамбар ордунан араң козголуп бир нече кадам шилтеди. Ал оң буту менен жерди тепкен кезде ысык булак, сол буту менен тепкен жерден муздак булак атылып чыкты.
Анан ага: «Мына ушул ыссык суу кирине турган, ал эми бул муздак суу иче турган сууң» – деп айтты. Ошентип ал ысык суу менен чайынганда денесиндеги бардык жаралардан айыгат. Муздак суудан ичкенде ичиндеги дарттардан кутулат. Күч-кубатка толуп жап-жаш жигитке айланып калат. Жабрейил периште Бейиштен кийимдерди алып келип Аюп пайгамбарга кийгизет. Канча жылдан бери тартып келаткан азабы эми мынтип түш көргөндөй эле жок болуп кетти..
Шаардан анча-мынча азык менен дары-дармек таап келген Рахима Аюпту жаткан жеринен таппай калат. Карышкыр жеп кеттиби деп санаага батып турган кезде жанына сулуу жаш жигит келип эмне издеп жатасыз деп сурайт. Ал: «Ушул жерде оорулуу чалым бар эле. Жер жуткандай жок. Жанатан бери издеп таба албай жатам» – дейт. Анда Аюп: «Анын кандай белгилери бар эле?» – деп сурайт. Рахима: «Жаш кезинде кудум сага окшош болчу» – деп жооп берет. Ошондо Аюп пайгамбар болгон окуяны төкпөй-чачпай айтып берет.
Анда Рахима: «Эми сен жаш жигит болсоң, а мен болсо карыган кемпир болсом….» – деп көз жашын төгүп ыйлай баштайт.
Аюп пайгамбар аны колунан жетелеп жылуу суу менен чайындырып, муздак суудан ичиргенде Рахима да жашарып, ай чырайы жүзүнө чыга келди. Анын колунан алынган бардык мал-мүлкү кайра берилет. Көп бала-чака тартуулайт. Андан жүз бурган бардык достору андан кечирим сурап кайра келишет Аюп пайгамбар оорусунан айыгып, эрте менен турган кезинде өзүнчө күңгүрөнүп ыйлай баштайт.
Себебин сурашканда: «Ар күнү таңга маал: «Эй, дартка чалдыккан пендем, кандайсың?» деген үн чыгат эле, эми ал үндү угалбай калдым. Ошол үчүн ыйлап жатам – деп жооп берет. Өмүрүнүн аягында өтө жакшы тарбияланган тун уулу Хавмелди камкорчу кылып дайындайт. Жүз кырк жашка чыгып көз жумат. (Ага Алла тааланын саламы болсун)..
Эми сезгендирсиз биздин оорулар Аюп пайгамбардын оорусунун алдында алдаканча жеңил экенин. Биздин денебизди ушундай жара бассынчы шүкүр кылмак турсун өлуп калсам деп жол издейбиз,өлүп эле тынч жатчуудай. Аюп пайгамбар айыкканына сүйүнбөй кайта эмне үчүн ыйлады деп ойлойсуз? Анткени Жараткандын ырайымынан кур калдым деп кайгырды. Бирок ал Пайгамбар эле сыноолордун эң оору пайгамбарларга берилет. Андан кийин момундарга Аллахтын эң сүйүктүү пенделерине. Демек биз Жараткандын эң жакын, дайым биз менен экенин сезип шүкүр келтирип жашообуз керек …Жараткандын убадасында оорукчанга бул сыноо бейишке ачыктан ачык жолдомо, бул мүмкүнчүлүктү бакыт деп билсек туура болмок бирок биз пенделердин ыйманы алсыз болуп кейип жиберебиз… Аллахым ооруган жандарга шыфасын, бекем ыйман,сабырдуулук берсин деп дуба кылып калабыз…
Бул дүйнөдө адам баласынын үч дүйнөлүк байлыгы бар. Алар – мал-мүлк, урпак, ден соолук. Бул үчөө менен пенделер сыналышат. Аюп пайгамбардын окуясы ушундай сыноого учурагандарга сабырдуулуктун өрнөктүү үлгүсү болуп саналат. Бул окуяда Аюп пайгамбардын жара каптаган оорусу сырткы денесине жайылган эле. Ал эми бизде болсо, ички жан-дүйнөбүздү каптаган руханий ооруларыбыз бар. Ичибизди сыртка, сыртыбызды ичине карай оодара турган болсок, Аюп пайгамбардын жараларынан алда канча жаралуу жана оорулуу болуп көрүнмөкпүз. Анткени, биз жасап жаткан ар бир күнөө, башыбызга келген ар бир шек-күмөндөр жүрөгүбүзгө жана рухубузга жараттарды пайда кылып жатат. Аюп пайгамбардын жаралары анын кыска болгон бу дүйнөлүк өмүрүнө коркунуч туудурган эле. Ал эми биздин руханий жараларыбыз болсо өтө узун болгон түбөлүктүү өмүрүбүзгө коркунуч туудурууда. Андай болсо биз Аюп пайгамбардын кылган дубасына ага караганда миң эсе көбүрөөк муктажбыз. Ал эмне деп дуба кылды эле?
Ал: «Анни массания дзурру ва анта Архамур Рохимиин» – деп дуба кылган болчу.
Сабырдуулук – даанышмандыктын белгиси.
Сабырдуулук – акылдын чырагы. Сабырдуулук – ыймандын күзгүсү. Караңгы туюкка кабылбайын десең төмөндөгү үч түрдүү сабырды унутпа:
Биринчиси: Кулчулукта сабыр кылуу.
Экинчиси: Күнөөлөргө каршы сабыр кылуу.
Үчүнчүсү : Балээкыйынчылыктарга каршы сабыр кылуу.
Акылың болсо ушул акыйкатты жүрөгүңө түйүп ал.
Кайраттуулук менен: «Йа Сабур!» деп Аллага таян. Алланын сага берген сабыр кубатын эгер жаңылыш жолдорго таратпасаң, анда ар бир түйшүккө жана ар бир кайгылуу балээлерге каршы жетиштүү болот. …
Насиба Абдуллаева.
« БАКТЫЛУУЛУК ФОРМУЛАСЫ»

Запись ЭЧ КАЧАН АЛЛАХТЫН ЫРАЙЫМЫНАН ҮМҮТ ҮЗБӨ… впервые появилась Formula.KG.