Журналист Назира Бегим Фейсбуктагы өзүнүн баракчасына “эки аял алууну мыйзамдаштыруу керек” деп жазган посту интернет колдонуучулар арасында кеңири талкууга түштү.
Төмөндө бул талкууну жараткан Назира Бегимдин пикирин сунуш кылабыз:
ЭКИ АЯЛ
“Азыр коомчулукта эки аял алуу тууралуу сөз дайым талкууга алынат. Бул, убагында, жоокерчилик заманда адаттагыдай эле көрүнүш, салт катары кабылданып келген. Совет учурунда бул салт токтогон. Азыр, диний көз карашты тутунган, ислам баалуулугун карманган кыздар эки аял алуу маселесин туура эле кабыл алат. Алар, шарият мыйзамын сыйлашат.
Дагы бир топ , эки аял алуу жөнүндө сөз болгондо сынга алып, өтө туура эмес дешет.
Бирок, муну эки жактуу кароо зарыл. Эки аял тең макулдугу менен үй бүлөө курган маалда, бирөөсү мыйзамдуу аял катары каттала албайт. Мамлекет буга жол бербейт. Бирок, демократиялуу мамлекет болгонубуз менен адам укуктарын ушул жерден чектеп коюп жатабыз.
Мисалы, биринчи аял макулдугун берсе, баары ынтымактуу бир көз карашты карманса эки аялга тең мыйзамдуу никеге туруу мүмкүнчүлүгү берилиш керек. Ушундай мыйзам долбоору кайра каралышы шарт. Азыр, жумушка жарамдуу кыргыз улутундагы калк мигрант болуп сыртка кетип жатат. Акыркы убактагы далилдерди карагыла, өзбек жана дунган улуту бат өсүп жатат. Ошондуктан титулдук улуттун кызыкчылыгы үчүн эки никеге мыйзамдуу туруу жолун караштыруу керек. Мен кызмын, бирок улуттук деңгээлде жеке аялдык кызыкчылыкты экинчи орунга калтырыш керек”, – деп жазган ал.
Запись Журналист Назира Бегимдин көп никелүүлүк тууралуу посту талкууга түштү впервые появилась Formula.KG.
Отправить комментарий